OMSENDBRIEF 2 / 2015 SPORT RUGBY HOKKIE. 26 Junie Geagte Ouer / Voog. Graag wil ons net n paar sake onder u aandag bring:

Transcriptie

1 1 Die Hoërskool Wagpos Privaatsak X5005 Tel: BRITS Faks: e-pos: Webblad: Emis: Geagte Ouer / Voog 26 Junie 2015 OMSENDBRIEF 2 / 2015 Graag wil ons net n paar sake onder u aandag bring: RUGBY SPORT Dit het oor die algemeen goed gegaan met WAGPOS RUGBY gedurende die afgelope seisoen. Vir Wagpos bly deelname van ons leerders die eerste prioriteit en in dié opsig is ons nie teleurgestel nie. Ons is een van min skole (liga vir grootskole) wat nog oor B-spanne en n derde- en vierdespan beskik. Ongelukkig was hulle in min wedstryde betrokke, aangesien meeste skole net n A-span in die veld stoot. Om n oplossing daarvoor te vind is egter bitter moeilik. Ons deelname aan die SUPER REEKS was beslis suksesvol. Ons spanne is blootgestel aan sterk teenstand en dit hou ons rugby kerngesond. Ons rugbyspanne het gesamentlik vyfde geëindig uit twaalf skole. Na die SUPER REEKS was die Blou Bul-liga aan die beurt en veral ons 0/15 A-span het hulself goed laat geld. Die res van ons spanne het ook Wagpos-rugby van ouds opgedis en pragtige vertonings gelewer. Geluk aan Sakkie Liebenberg, Danny Smith en Etienne Moss wat vir die Luiperds 0/19-span verkies is. Dit span die kroon op jare se harde werk wat hulle ingesit het. HOKKIE Ons groei van krag tot krag. Weg is die dae wat Wagpos se hokkie in sy baba-skoene is. Nou is beslis in ons tiener-fase. Na elke wedstryd klim ons n trappie hoër. Baie geluk aan Joubert Lamprecht wat die Noordwes-span gehaal het. Wat dié prestasie so besonders maak, is dat dié graad 8-leerder reeds vir ons eerstespan speel. Natan Roos is weereens genooi om by die nasionale 0/14-toernooi te Kwazulu-Natal op te tree as skeidsregter. Ons is baie trots op ons leerders. Ons sluit ons hokkie-seisoen in September af met n hokkie-sokkie. Almal is welkom.

2 2 SAGTEBAL Sagtebal verbreed ons leerders se opsies vir deelname aansienlik en Wagpos is trots op ons sagtebalspanne se prestasies. Aangeheg is ons Sagtebal-ligabepalings vir die jaar. KRIEKET Met wintersport agter die rug, verwelkom ons graag die sport vir fynproewers, naamlik krieket. Met ses spanne wat vir die liga ingeskryf het, sien ons uit na die komende seisoen. Die dae waarop wedstryde plaasvind sien as volg daaruit: MAANDAE : Tweedespanne. DINSDAE : 0/14-spanne. DONDERDAE : 0/15-spanne. SATERDAE : Eerstespan. Oefentye is beskikbaar by die onderskeie afrigters. WAGPOS NETBAL MAAK ONS TROTS Ons kyk terug op n baie suksesvolle netbalseisoen en is ongelooflik trots op ons dogters se prestasies. Ons het rede om te spog met ons dogters wat hierdie jaar vir die tweede agtereenvolgende jaar die netbaltrofee teen Hoërskool Hartbeespoort gewen het. Drie van ons spanne (0/15-, 0/16- en 0/17-spanne) het deurgedring na die Streeksproewe en ons 0/17-netbalspan het verder deurgedring na die Noordwes-uitspeelwedstryde, waar hulle vyfde geëindig het. Drie van ons dogters het ook Noordwes-kleure vir netbal verwerf. Na harde oefening, n leersame netbalkliniek en taai wedstryde wil ons die dogters bedank vir hulle mooi gedrag en toewyding tydens die seisoen. Ons bedank ook al die afrigters vir hulle opoffering, al ons ouers wat so getrou ondersteun het en natuurlik ons borge vir al die bydraes. Ons sien uit na volgende jaar en weet sommer dat ons nog hoër hoogtes gaan bereik. KOOR Die skool se koor is mooi op dreef en het al n paar keer in kerke opgetree, asook by een korporatiewe funksie waarvoor positiewe terugvoer ontvang is. Ons sê baie dankie aan leerders en ook aan ouers wat so baie opoffer. RAPPORTE Rapporte word uitgegee op Vrydag, 25 Julie 2015.

3 3 OUERAAND U aandag word gevestig op die oueraand van Woensdag, 5 Augustus (17:00 20:00). Dui asseblief aan op die antwoordvorm watter onderwyser u graag wil spreek maak seker dat die leerder dit na die onderskeie onderwysers neem om n afspraak te skeduleer. Ouers word weereens daaraan herinner dat u nie hoef te wag vir n oueraand indien daar iets dringend is wat aandag verg nie. U kan die betrokke graadvoog of DSO kontak: GRAAD 8 : MNR D. KOEKEMOER. GRAAD 9 : ME H. STEENEKAMP. GRAAD 10 : ME C. DU PLESSIS. GRAAD 11 : ME A. BOOYSEN. GRAAD 12 : MNR F. DE JAGER. DSO vir GRAAD 8 & 9 : MNR S. BOUWER DSO vir GRAAD : MNR K. OPPERMAN ALUMNI-SAALOPENING In aanloop tot die Boerefees gaan die Lantie- / Wagpos-Alumni weer drie oud-leerlinge as legendes vereer vir buitengewone prestasies gelewer. Dié geleentheid vind op Vrydag, 24 Julie tydens saalopening plaas. GRAAD 8-INSKRYWINGS Inskrywings vir 2016 vorder fluks. Die feit dat Gauteng-skole se sperdatum vir inskrywings einde Mei is, het tot gevolg dat inskrywings om toelating tot Wagpos hierdie jaar ook vroeër geskied. Byna al die laerskole in ons voedingsgebied is besoek om Wagpos te bemark. Ouers en leerders word ook versoek om te help in dié verband en graad 7-leerders aan te moedig om deel van die Wagposfamilie te word. Die aansoekvorms is op Wagpos se webwerf beskikbaar, asook by ontvangs. OPEDAG - 1 AUGUSTUS Ons jaarlise Opedag vir ouers en voornemende Wagposters vind op Saterdag, 1 Augustus plaas vanaf 09:00 12:00. Soos die besoekers aankom, word ouers in groepe ingedeel om die verskillende punte te besoek. Graag versoek ons dat u hierdie inligting deurgee aan ouers van leerders wat nog twyfel of dalk sou belangstel om na Wagpos te kom. Onthou, almal is welkom selfs oupas en oumas! Belangstellendes moet daarop let dat die sperdatum vir aansoeke einde Oktober is.

4 4 WAGPOS BOEREFEES WAGPOS BOEREFEES - SATERDAG, 25 JULIE Die Wagpos Boerefees is n ideale geleentheid vir die bemarking van ons besondere skool. Wagpos is wyd en syd bekend as n instelling waar goedgedissiplineerde jongmense vir die samelewing gekweek word. Tydens dié fees kry die gemeenskap die geleentheid om eerstehandse kennis op te doen van die norme en waardes wat hier geld. Daarom is dit vir ons van die uiterste belang dat ons ouers en leerders aktief deel van dié fees sal wees. Aangeheg ook n afskeurstrokie indien u bereid is om te help tydens ons Boerefees by die kosstalletjies asook skenkings van benodigdhede. Ons het groot waardering daarvoor. KAARTJIES : ROBBIE WESSELS Die Boerefees op 25 Julie sluit af met n optrede van Robbie Wessels en dit beloof om n puik vertoning te wees. Alhoewel hierdie kunstenaars die skool n klompie geld kos, kan n goeie wins gemaak word uit die vertoning, indien elke leerder sy/haar deel doen. Die inkomste word teruggeploeg in die opgradering van hulpmiddels in die klasse so elke leerder sal baat vind daarby. Aan elke leerder word twee kaartjies uitgehandig wat hy/sy moet gaan verkoop kom ons sê dis elke leerder se bydrae en ereplig. Ons vra nie dat u as ouer daarvoor moet betaal as u nie die vertoning kan bywoon nie. Ons vra dat die leerder die kaartjies namens die skool sal verkoop. Dit sal hoog op prys gestel word indien ouers en leerders dit op hulle wil neem om meer kaartjies te verkoop. Elke kaartjie sal genommer wees en die leerder sal daarvoor verantwoordelik wees. Indien n leerder nou regtig nie die kaartjies verkoop kry nie, moet dit voor of op Woensdag, 22 Julie aan sy klasvoog teruggegee word. Die leerder moet asseblief seker maak dat die onderwyser dit afmerk. Kaartjies wat verlore is of nie terugbesorg word nie, sal as gebruik beskou word en die leerder se rekening met die bedrag gedebiteer word. MATRIKULANTE EN HUL OUERS Op aanvraag deur ons matrikulante is n Wagpos Winterskool gereël vir Donderdag, 16 Julie en Vrydag, 17 Julie, die laaste twee weeksdae van die vakansie. Onderrig sal plaasvind in Wiskunde, Fisiese Wetenskap en Wiskunde Geletterdheid. Briewe is aan die matrikulante oorhandig vir die ouers om kennis te neem van die reëlings. Reëlings vir die matriekafskeid vorder fluks. Dit vind hierdie jaar op Vrydag, 21 Augustus plaas op ons eie terrein. Dit gaan beslis n spoggeleentheid wees in ware Wagposstyl. Akademie bly egter altyd ons eerste prioriteit en getroue skoolbywoning is van die uiterste belang. Ons leerders verdien al die kanse wat op hul pad kom om n sukses van hul toekoms te maak.

5 5 GRAAD 12-VOORBEREIDENDE EKSAMEN Alle graad 12-leerders het elkeen n eksamenrooster ontvang. Die graad 12-voorbereidende eksamen begin op Maandag, 24 Augustus en ons versoek ouers dat geen matrikulant afwesig sal wees nie. Ons doen n beroep op mariekouers om toe te sien dat matrieks n studierooster opstel en vroegtydig begin studeer. Hierdie eksamen is baie belangrik. U word herinner aan ons verbintenis tot samewerking soos ooreengekom tydens die Februarie oueren matriekvergadering, dat ons n 100% slaagsyfer van ons matrikulante verwag. KUNSWEDSTRYD Die kunswedstryd is om die draai en ons herinner weer alle deelnemers om die vakansie hulle voorbereiding te doen. Geen leerder sal ingeskryf word vir die kunswedstryd indien hy/sy nie hulle geld aan die einde van die eerste week, in die derde kwartaal betaal nie, met ander woorde die 25ste Julie. Voltooi ook jou kunsstukke die vakansie, sodat jy nie onkant gevang word nie. Die kunswedstryd vind plaas vanaf Augustus. Baie sterkte aan almal en lekker voorberei! KOSHUIS Geen leerder sal volgende kwartaal tot koshuise toegelaat word indien koshuisgelde nie betaal is nie. n Bewys van betaling of reëling is n vereiste. Verseker asseblief dat u rekening tot op datum betaal is om toegang te verkry vir die derde kwartaal. LEIERSKAMP - DONDERDAG, 10 SEPTEMBER - SATERDAG, 12 SEPTEMBER Ons Diens- en Koshuiskomitee vertrek op bogenoemde datums na hulle leierskamp te Kwaggasrus vir hulle leierskapskoling. DATUMS SONDAG, 19 JULIE - Koshuise open: 16:00. Geen aandete. MAANDAG, 20 JULIE - Skool heropen. VRYDAG, 24 JULIE - Leerders ontvang rapporte. Alumni-Saalopening. SATERDAG. 25 JULIE - Wagpos Boerefees. SATERDAG, 1 AUGUSTUS - Wagpos Opedag. (09:00 12:00). WOENSDAG, 5 AUGUSTUS - Oueraand. (17:00 20:00).

6 6 VRYDAG, 7 AUGUSTUS - Koshuise sluit a.g.v. langnaweek. (14:00). MAANDAG, 10 AUGUSTUS - Skoolvakansiedag. DINSDAG - VRYDAG, 15 AUGUSTUS - Kunswedstryd. VRYDAG, 21 AUGUSTUS - Matriekafskeid. MAANDAG, 24 AUGUSTUS - Voorbereidende eksamen begin. DONDERDAG SATERDAG, 12 SEPTEMBER - Leierskamp. n Aangename vakansietyd word u en u gesin toegewens. Vriendelike groete D.J. NEETHLING H O O F

7 7 AFSKEURSTROKIE - OUERAAND Ek/Ons, ouers/voogde van in gr. neem kennis van die oueraand op WOENSDAG, 5 AUGUSTUS en maak graag van die geleentheid gebruik om die volgende onderwysers te besoek: ONDERWYSER TYD PARAAF SELFOONNR: TEL. HUIS: WERK: HANDTEKENING D A T U M

8 8 AFSKEURSTROKIE - BOEREFEES HULP BY KOSSTALLETJIES: Ek / Ons, en ouers/s van in gr. bied graag ons hulp aan by kosstalletjies op die aangeduide tyd. Kontakbesonderhede: Sel. SATERDAG, 25 JULIE 08:00-09:00 09:00-10:00 10:00-11:00 11:00-12:00 12:00-13:00 13:00-14:00 14:00-15:00 15:00-16:00 16:00-17:00 17:00-18:00 18:00-19:00 19:00-20:00 20:00-21:00 SKENKING VAN BENODIGDHEDE VIR KOSSTALLETJIES: Ek / Ons,, skenk graag die volgende benodigdhede: (Merk asseblief met n kruisie wat van toepassing is). Kontakbesonderhede Sel: Tamatiesous / mosterd Mayonnaise / blatjang Olie Hot chocolate Suiker Rys Tee Aartappels Wortels Koffie Tamaties Klapper Uie Dit sal by die skool afgelewer word. (Handtekening)