Krieket Daar sal op Woensdag, 2 Maart, krieketwedstryde teen Hebron Christian Acadamy gespeel word hier op ons sportveld.

Transcriptie

1 Memo: 15 Februarie 2011 Aan: Alle Ouers Van: Annalie en personeel Algemene ouervergadering Ons herinner u aan die Algemene vergadering van Donderdagaand, 17 Februarie, om 19:00 in die Tent. Ons vertrou dat elke gesin verteenwoordig sal wees. Daar sal geen atletiekafrigting by GLB wees nie a.g.v. die vergadering. Atletiekafrigting Johan de Boer het die afrigting by Louis oorgeneem. Baie dankie, Johan, vir jou bereidwilligheid om die afrigting op Dinsdag- en Donderdagaande te behartig! Baie dankie ook aan ander Pappas wat aangedui het dat hulle wil help. Sodra Johan sy voete gevind het met die afrigting, sal hy julle nader vir hulp. Krieket Daar sal op Woensdag, 2 Maart, krieketwedstryde teen Hebron Christian Acadamy gespeel word hier op ons sportveld. Swemgala Die swemgala word gehou op Saterdagoggend, 5 Maart, hier op Logos se gronde. Ons kinders neem almal deel en ouers is verantwoordelik om die snoepie te beman. n Rooster sal later uitgegee word en ons vra u elkeen se samewerking hiermee asb. Almal wil hul kinders sien tydens deelname, maar die snoepie moet ook beman word. Om hierdie rede plaas ons ouers met kinders in verskeie grade per sessie by mekaar, sodat wanneer iemand na sy/haar kind wil kyk, daar nog een of twee by die snoepie is. Ons gaan ook hulp benodig met bv. die opslaan van gazebo s, die maak en bring van groot ysblokke en koelhouers en moontlik die maak van iets te ete bv. Burgers. Ons sê nou reeds dankie vir u betrokkenheid en samewerking! Sien ook Ria se brief met reëlings vir n beplanningsvergadering. Interskole atletiek Ons interskole atletiekbyeenkoms teen Gereformeerde Laerskool en Hebron Christian Acadamy vind plaas gedurende skoolure by Hoërskool Bellville se sportgronde op Dinsdag, 29 Maart. Teken hierdie datum asb. aan in u dagboeke. Meer inligting hieroor sal later deurgegee word. Ouerdata Dit is baie belangrik dat u ons op hoogte sal hou van enige adres en/of telefoonveranderinge. Ons kan nie in n noodgeval, of wanneer u kind/ers siek is, rondval om ouers te probeer in die hande kry by nommers wat nie meer van toepassing is nie. Gee asb. u samewerking hiermee. U kan inligting per epos stuur na admin@hebronchristenskool.co.za Eisteddfod Dit is weer tyd om ons kinders vir Eisteddfod in te skryf vir deelname aan die voordrag van Engelse en Afrikaanse gedigte en onvoorbereide lees. Indien u kind weer hierdie jaar wil deelneem, vul asb. die onderstaande strokie volledig in en stuur tesame met die korrekte bedrag in n toegeplakte koevert terug skool toe voor of op Woensdag, 23 Februarie. Koste is R22 per enkel inskrywing. Graad 1 kinders skryf slegs vir Afrikaanse of Engelse gedigte in. Ons kan ongelukkig geen laat inskrywings aanvaar nie en ook nie inskrywingsvorms sonder die geld nie. Dit is ook baie belangrik dat u sal onthou dat dit u en u kind se verantwoordelikheid is om die korrekte gedig te kry en hul woorde te leer. Ons is baie opgewonde omdat Eljorieta Kuter hierdie jaar ons kinders gaan help met afronding en voordrag van hul gedigte. Beoordeling geskied gewoonlik Julie en Augustus, daar is dus nog genoeg tyd vir voorbereiding. Onthou om u kind se naam in die toepaslike blokkie te skryf, ouers vergeet elke jaar en dan moet ons probeer uitwerk watter kind se briefie dit is aangesien ons ook nie altyd die handtekeninge kan uitken nie. Baie dankie Eisteddfod-inskrywings Geen inskrywings word aanvaar sonder gelde. My kind mag aan die volgende deelneem: (Merk asb. betrokke blokkie) Naam van kind: Graad: ITEM MERK AF BEDRAG Gedigte R22 Poems R22 Onvoorbereide lees R22 TOTAAL BETAALBAAR R Handtekening van Ouer:... Datum:...

2 Sterreliggieland Ons wil u aanmoedig om, indien enigsins moontlik, vir Sterreliggieland te ondersteun in hul fondsinsamelingspoging van 5 Maart. Kaartjies kan by Computicket gekoop word. Wat: Gospel sangaand met Johan Vercuiel Waar: Logos Sentrum Wanneer: Saterdag, 5 Maart Tyd: 19:30 Koste: R65 per volwassene en slegs kinders vanaf 12 jaar Ekstra: Gratis oppasdiens by Sterreliggieland vir kinders onder 12 jaar Koerante Motiveer en help asb. u kinders met die koerantinsameling. Vra u vriende, bure en familie om te help insamel. Koerante, tydskrifte, advertensies, dun gekleurde karton, koeverte, versnipperde wit papier en telefoongidse kan in die igloo s gegooi word. Asseblief geen eierhouers en bokse van riffelkarton nie. Vou en pak alles opmekaar in A3 grootte (A4 skoolboek oopgevou) en meet dit met n maatband of liniaal. Skryf mates agter in die huiswerkboek met die datum by asb. Wit papier wat netjies in rotatrim bokse gepak is, kan by die skool afgegee word en ons sal dit na die betrokke maatskappy neem. Skooldrag Sien asb. Ria se briewe rakende die skooldrag en Diensklub. Afwesighede Ons rig n vriendelike versoek aan ouers om asseblief n sieksertifikaat skool toe te stuur indien u kind meer as een dag afwesig is. Indien u kind net een dag of om ander redes afwesig is, moet u asb. vir ons n briefie stuur. Dit is baie belangrik dat ons dit op skrif het. Ons sal dit ook waardeer indien u soggens net na 08:00 skool toe sal bel om te laat weet indien u kind/ers siek is. U kan die briefie per epos stuur na admin@hebronchristenskool.co.za. Biblioteek Baie dankie vir die boeke wat ons reeds ontvang het. Ons benodig egter nog baie boeke en sal verdere skenkings baie waardeer! Stuur asb. slegs leesboeke wat u goedkeuring wegdra en asseblief nie naslaanboeke nie. Resepte Denyse en Ria wag steeds vir u gunsteling resepte! Stuur dit asb. per e-pos na laingdenyse@yahoo.com of joriza@cybersmart.co.za. Hulpfonds Ons skool het n Trustfonds gestig waarin gelde inbetaal kan word vir die spesifieke doel om ouers wat nie oor voldoende skoolfonds beskik nie, te kan help. Indien u ooit voel om n bydrae ten bate hiervan te maak, kan u die volgende rekening daarvoor gebruik. Dit is baie belangrik dat u die verwysingsnommer sal gebruik wanneer u inbetalings doen. MOSTERT & BOSMAN Eerste Nasionale Bank Tygerberg tak, kode: Rekeningnommer: Verwysingnommer: WF47000 Hebron Christenskool se Bankinligting ABSATjekrekening (nie spaarrekening soos voorheen aangedui nie) Tak: Stellenbosch Takkode: Rekeningnommer:

3 Skoolklere: Hilda sê dankie aan elke ouer se geduld met Prosew. Hulle winkel het aan die begin van die jaar geskuif (steeds in dieselfde kompleks). Saam met dit was hulle geweldig besig met groot skole se bestellings. Graag herinner ek jul weer daaraan dat ons pryse by Hilda baie goed is. Daar is min plekke wat bereid in om vir so n klein skooltjie klere te maak. Onthou: Hilda doen alles by Prosew. Haar dogter, Elzaan, doen net die borduurwerk. Ek weet sy het aan die begin gesê daar sal van elke kledingstuk 2 items op die rak wees. Dit is nog steeds die ideaal, maar was tot nou toe nie prakties moontlik nie. Daar is wel nou van al die sweetpakke op die rakke. Moulose hemde: Prosew gaan vir ons moulose hemde maak. Dit kan skool toe gedra word of vir sport. Dit gaan basies soos ons kortmou hemp wees, net sonder moue. Daar sal vir die week n voorbeeld van n ander skool in die ingangsportaal wees. Omdat ek verwag dat baie ouers hiervan sal wil bestel, wil ek sommer een groot bestelling maak net vir die moulose hemde. Indien jy wil bestel, plaas die geld en bestelling in n koevert in die posbus in die ingangsportaal voor of op Vrydag 18 Februarie Dit sal R10 goedkoper wees as die gewone kortmou hemp. Dus: 6jr - R87 8jr - R87 10jr - R97 12jr - R97 14jr - R102 16jr - R102 18jr - R112 Reënbaadjies: Voortaan mag ons kinders die gewone navy skoolreënbaadjies, wat by bv. PEP gekoop kan word, dra. Ek wil n paar praktiese reëlings onder jul aandag bring: Jy kan nie net n bestelling per epos stuur nie. (Jy kan jou bestelling wel per epos bevestig.) Betaling vir skoolklere is streng kontant by bestelling. (Prosew beskik wel oor kaart fasiliteite.) Ek beveel aan dat jy bel en met Hilda praat voor jy spesiaal Prosew toe ry. Twee ma s het aangebied om Hebron se klere by Prosew af te haal. As jy dus weet wat jou kind(ers) se grootte is, kan jy of die bewys van betaling of die kontant met die korrekte bestelling in die Diensklub posbus by die ingangsportaal gooi. Indien jy klaar die klere bestel het, kan dit ook net afgehaal word. Reël asb self met Susan Joubert of Elsje Fabricius. (Moet asb. nie dat hulle jou terugbel nie!) Baie dankie julle twee! Hul besonderhede is: Susan: / (h) Elsje: / (h) Daar is n ma wat een kortmou hemp (6 7jr) te veel gekoop het. Sy wil R100 daarvoor hê. Dit is splinternuut. Bel my by indien jy belangstel. Ten slotte: Bid asb. vir Hilda en vergewe haar asb. as sy foute maak. Ek glo die Here wil ons in haar lewe gebruik. Wees asb. geduldig. Ons is verleë, nie Prosew nie.

4 Diensklub: Aangeheg vind n inskrywingsvorm vir nuwe leerlinge asook die gedragskode en doelwitte van die Diensklub. Indien jou kind graag lid van die Diensklub wil word, vul dit asb. in en gooi dit in die rooi posbus in die ingangsportaal. Welkom by die Diensklub! Wapens: Wapentjies kan by my gekoop R5 elk. T-hemde: Ons is in die proses om T-hemde vir die klub te maak. Ons benodig borge vir die maak daarvan. Indien jy van iemand weet wat ons graag sal wil borg, laat weet my asseblief. Bid saam! Ons vertrou regtig dat die Here sal voorsien. Esti Meyer en Renier Smit is vanjaar die leiers vir die Diensklub. Hulle beplan en reël die lekker aktiwiteite van die klub. Fliek: Vanjaar wil die Diensklub elke lid uitdaag om n verskil in een vriend se lewe te maak. Bid saam met jou kind(ers) en vra die Here om vir julle te wys wie dit is, dalk die buurkinders wie nie vir Jesus ken nie? Met die oog daarop wil ons die jaar begin met n fliekaand. Jy nooi daardie vriend saam en wys daardeur dat jy omgee. Waar: Logos se tent Wanneer: 11 Maart 2011 Tyd: 18:30 21:00 Koste: R5 per kind Bring saam: Jou eie piekniekmandjie en kussing (vir jou en jou maatjie) Daar sal vir elkeen n roomys en n pakkie springmielies wees. Meer inligting volg later. Ouers, laai nou die kinders af en gaan geniet julle nou die aand alleen! (As daar nie klein boeties of sussies is nie!) HEY! Dit staan vir Hope Explosion Youth Ministries. Ons gaan vanjaar met hulle saamwerk om vir die kinders te leer hoe om die evangelie aan n vriend oor te dra. Ons gaan 14 weke van n uur elk gebruik. Aan die einde sal ons wat ons geleer het prakties toepas tydens n uitreik, en op jou goeie vriend (wie nie vir Jesus ken nie.) Elkeen wat die kursus getrou bygewoon het, ontvang aan die einde van die jaar n sertifikaat en n lapelwapen. Omdat almal tydens elkeen van die 14 byeenkomste n uitdeelstuk ontvang, is daar kostes aan verbonde. Dit is: R25 per kind per kwartaal of R100 per kind per jaar. Moet ASB nie jou kind benadeel as jy dit nie kan bekostig nie. Kontak my asb. Daar is borge! Plaas asb. die R25 e/r100 e in n toegeplakte koevert met HEY en jou kind se naam op in die rooi posbus by die ingangsportaal. Ons eertse HEY byeenkoms is Vrydag, 25 Maart, net na skool in die Tent. Ons benodig n paar ouers om te help as fasiliteerders tydens ons HEY byeenkomste. Ons gaan vir 4 oggende van 8:00 13:00 opleiding ontvang. Jy moet dan ook die 14 weke elke keer daar wees vir jou groep. Laat weet MY asb. nog hierdie week indien jy n fasiliteerder wil wees. Aangesien julle vir HEY moet betaal, is daar vanjaar geen inskrywingsgelde betaalbaar vir die Diensklub nie. Kamp: Julle onthou verlede jaar se heerlike kamp by Boegoeberg! Vanjaar gaan ons by Skurwekop kamp. Dit is naby Robertson en ongeveer n uur se ry van ons af. Wanneer: 7 9 Oktober 2011 Koste: R220 per gesin per nag. Let op dat dit die laaste naweek van die September vakansie is. Diegene wat dus vroeër wil gaan, is welkom om dit te doen. Teken die datum in jou dagboek aan! Dis n kamp vir die hele skool se gesinne. Ons wil julle almal graag daar sien, al was jou kind nooit by die Diensklub nie. Weereens, as finansies n probleem is, kontak Ria. Daar is altyd borge. Swem snoepie: Die Diensklub is weer verantwoordelik vir die snoepie tydens 5 Maart se swemgala teen GLB. Daar gaan Dinsdag, 22 Feb om 19:00 n vergadering in die Gr. 5 klas wees om dit te beplan. Hierdie is n uitnodiging aan elke ouer wat graag die snoepie wil help beplan. Die Diensklub vergader gewoonlik op n Vrydagmiddag direk na skool in die Tent. Pak asb. vir jou kind iets te ete en te drinke in asook gewone klere. Hulle eet vinnig iets, trek aan en kom dadelik Tent toe. Ons probeer om 13:15 te begin. Ons gaan probeer om 15:00 klaar te wees. Die eerste uur is dus opleiding en daarna gaan hulle iets lekkers doen. Saam gaan ons vanjaar n verskil maak in die Koninkryk van Jesus! Diensklubgroete Ria

5 Doelwitte van Hebron se Diensklub Ons stel ons deur lidmaatskap beskikbaar vir dienslewering en die verryking van ander se lewens. Die Woord van God is ons maatstaf en Christus is ons voorbeeld. Ons beoog om : 1. n verskil te maak deur Jesus wat my krag gee. 2. pret te hê omdat ons so gesond en bevoorreg is. 3. die gedragskode van die klub na te kom HCS DIENSKLUB GEDRAGSKODE 1. Markus 8:34 Ek wil my kruis opneem en Jesus volg. 2. Jakobus 4:15 Ek verklaar dat ek afhanklik is van God en self niks goeds kan doen uit my eie krag nie Kor. 4:1 Ek wil groei om n dienaar van Christus te word Kor. 14:1 Ek wil die liefde nastreef. - Galasiers 5:13 Ek wil ander dien in liefde. 5. Efe. 5:16 Ek wil die beste gebruik maak van elke geleentheid om Jesus te eer en dien. 6. Gal. 5:6 Ek wil leer hoe om my geloof deur liefde tot goeie werke te laat oorgaan. 7. Matt. 7:16 Ek besef dat ek aan my vrugte geken sal word - Gal. 5:22 Daarom wil ek die vrug nastreef van: Liefde, Nederigheid, Geduld, Vriendelikheid, Goedhartigheid, Vrede, Vreugde en veral Selfbeheersing. 8. Gen. 1:26 Ek wil God se opdrag navolg en Sy wonderlike Skepping oppas Petrus 5:5 Ek wil gehoorsaam wees en respek toon aan my meerderes. 10. Jak. 1:26 Ek wil my tong in toom hou. -1 Joh. 3:18 Ek besef dat my liefde nie net woorde moet wees nie, maar in dade bewys moet word. 11. Gal. 6:1-2 Ek wil my naaste reghelp met n sagte woord en help dra aan sy/haar laste waar ek kan. 12. Gal 4:18 Ek wil my beywer vir goeie sake en daarmee voortgaan al verlaat ek HCS. 13. Kol.4:6 Ek besef dat dit wat ek praat altyd vriendelik moet wees en van Jesus moet getuig. 14. Gal.6:9 Help my om goed te doen en nie moeg te raak nie. 15. Kol. 3:23 Alles wat ek doen wil ek met my hele hart vir Jesus doen en nie vir mense nie....

6 Ek,. het saam met my Ouers die gedragskode gelees en wil graag aansluit by HCS *Diensklub. Ek sal probeer om die Klub se byeenkomste getrou by te woon en my samewerking te gee sodat my gedrag Jesus sal uitstraal. Ek verstaan dat dit n voorreg is om aan die Klub te behoort, en nie n reg nie. *Naam onderhewig aan verandering. Geteken op die dag van Lid: Moeder: Vader: