SWELLIE-INFO 6 MAART 2015

Transcriptie

1 SWELLIE-INFO 6 MAART 2015 DONASIES: HOËRSKOOL SWELLENDAM Indien daar enige instansie of persone is wat n donasie of skenking vir enige onderwysgerigte projek aan Hoërskool Swellendam wil maak, kan n Artikel 18A kwitansie kry wat deur die skool uitgereik word. Die SBL/Skoolhoof kan genader word om uit te vind watter projekte vooraf deur die skool geïdentifiseer is. Skenkings of donasies word spesifiek vir hierdie projekte bekom en n Artikel 18A kwitansie kan namens die skool aan n donateur uitgereik word waar die donateur belasting-verligting kan kry. Indien u sou belangstel, of weet van n instansie wat dalk sou belangstel om aan Hoërskool Swellendam n donasie of skenking te maak, kan u die skool skakel om te verneem watter spesifieke projekte vir die toekoms beplan word. Artikel 18A (1)(a) van die Inkomstebelastingwet, 2000 (Wet 30/2000) soos gewysig deur die negende skedule van die Inkomstebelastingwet, 2002 (Wet 30/2002) maak voorsiening dat daar aan alle openbare skole goedkeuring verleen word om donasie-kwitansies uit te reik wat, in die hande van die donateur, belasting aftrekbaar is. Mev. Van der Merwe TUISWERK / TOETSE Ons doen n dringende beroep op alle ouers om ons asseblief te help om toe te sien dat leerders elke dag hul tuiswerk by die huis moet voltooi. Dit is vir ons kommerwekkend om te sien dat leerders glad nie ingestel is en n poging aanwend om tuiswerk te voltooi nie. Doen asseblief moeite by die huis om vir u kind te vra of hul tuiswerk klaar is en kyk ook self daarna. Vra gereeld hul skryfboeke/werkboeke en kyk na u kind se werk. Graag wil ons ouers ook aanmoedig om gereeld hul kinders se tuiswerkboeke na te gaan. Kyk spesifiek of daar tuiswerk opgeskryf is in die tuiswerkboek. Doen dan sommer n kontrole en kyk of die werk voltooi is! AS DAAR NIE TUISWERK OPGESKRYF IS NIE, DAN MOET U WEET IEWERS IS IETS FOUT! As u kind elke dag sê dat sy / haar tuiswerk klaar is, dan moet u asseblief u kind aanmoedig om te hersien. Leerders in die Hoërskool kry elke dag tuiswerk! Vra ook gereeld vir u kind of daar nie klastoetse en take is wat u kan teken nie! Indien u kind een van daardie leerders is wat NOOIT huiswerk of take het om te voltooi nie, moet u asseblief spoedig kontak maak met die skool. Ons sal graag vir u wil terugvoering gee of u kind se tuiswerk elke dag voltooi is! Mnr. N Pelser

2 SAARA WES-KAAP OPE Baie geluk aan Mia Groenewald wat deelgeneem het aan SAARA Wes-Kaap Ope op Saterdag, 28 Februarie Sy het Goud vir O.14 in die 10m Sporter Staan vir dogters verwerf. Gedurende die Wes-Kaap Ope het die skuts deelgeneem teen skuts van Gauteng, Nood-Kaap, Noord- Wes, Kwazulu-Natal en Oos-Kaap. M Groenewald BOLAND ATLETIEK Die Boland atletiekbyeenkoms is n baie groot en professionele byeenkoms, met strawwe kompetisie. Ons is daarom baie trots op die volgende atlete wat onder die eerste 8 posisies was. Wesley Meyers S19 400M hekkies 7de Lee-Anne Michaels D19 Gewigstoot 6de Maret Swart D m 7de Quwen Syce S14 Spiesgooi 3de Baie geluk aan Quwen wat in die Bolandspan opgeneem is. A Jooste VCSV geniet KKnK plaaslik Die kringleiers ondersteun Swellie-krieket vanaand om 18:00-20:00 by die sportgronde. Elkeen bring sy eie stoel, eet-en drinkgoed, kombers en alles wat nodig is om lekker saam te kuier! Die idee is dat ons die jaar in oënskou neem en gesels oor uitdagings en hoogtepunte vorentoe. Mnr. Terblanche het gesorg vir heerlike spaghetti bolognaise wegneem-etes. IMAGINE this! Swellies hou vanjaar ons eie takkamp by die Wes-Kaap saamtrek op Bredasdorp April. Doen moeite om jou vakansie op hierdie hoë noot af te sluit! Bespreek nou jou plek op die skoolbussie deur n betaling te maak. Al die kerke werk saam om soveel as moontlik jongmense te help met vervoer. Belangstellendes kan hul name by juf. Mouton opgee of sommer dadelik by die finansiële kantoor betaal en vir juf. Mouton die kwitansie neem. Koste: R350 en busgeld: R50 SKOU Die Swellendam Landbouskou vind plaas vanaf Maart. Hekgelde by skou: Donderdag R15 Vrydag R25 Saterdag R30 Naweekpas R50 te koop by die skool. Jannie de Bruin, Kulkunstenaar en buikspreker, vertoning vind plaas op 12 Maart 2015 Tyd: 19:00 20:00 (Volwassenes R20, Skoliere R15,Voorskool R10) Kaartjies beskikbaar Marilize Cilliers & Miriam Basson (Louw en Steyn) KLEREDRAG: VERSTELLING / REGMAAK Dit het onder ons aandag gekom dat daar leerders is wie se skooldrag herstelwerk of aandag nodig het. Indien u enige herstelwerk of verstelling wil aanbring kan ons die volgende bekwame naaldwerk dames se inligting aan u deurgee. Mev. Mavis Snyman of Mev. Ria Simons of Skakel gerus vir enige naaldwerk hulp, hulle help graag. N Pelser

3 OUERKOMITEE Ouerkomitee vergadering vind plaas op Maandag 9 Maart 2015 om 17:15 in die personeelkamer van die Hoërskool. BEDANKING Baie dankie aan elke ouer en kind wat aan my, Ancimi en Mia gedink het, met Danie se heengaan. Dankie vir kaartjies, sms e en besoeke. Dankie vir die mooi ruiker van die Beheerraad. Dankie vir elke personeellid se ondersteuning en die bring van kos. Dankie aan Grady en Elle wat kom kuier het en namens die VRL & MR vir my blomme gebring het. Dankie vir die 40 toutrekkers en MC wat by my huis was. Julle drukkies bêre ek diep in my hart. Dankie ook vir die blomme! TOUTREK Voorspoed aan al die toutrekkers wat Saterdag aan die kompetisie by SS deelneem. Dankie vir elke ouer wat my help met kos en canopies ens. Ek waardeer dit. Dankie MC en Johantjie, ons hoop dit gaan goed. NETBAL Alle netbalspelers het n uitdeelstuk ontvang in verband met n kursus wat by die skool se bane aangebied word. Ouers moet asseblief die inligting deurlees en die afskeurstrokie op Maandag, 9 Maart terugstuur. C Steenekamp ARGUS FIETSRY Sterkte aan Ri-El de Jager en Ryno Eksteen wat Sondag aan die Argus fietsren gaan deelneem. Ons weet dit sal sommer baie goed gaan! M Groenewald SBL VERKIESING Graag maak ons net weer melding van die Beheerliggaam verkiesing wat plaasvind op Dinsdag, 17 Maart 2015 om 18:30 in ons skoolsaal. Ons doen n beroep op alle ouers om asseblief die geleentheid by te woon. Daar moet sewe ouers verkies word vir die volgende termyn van 3 jaar. Vier van ons huidige SBL lede, mnr. Kellie Becker, mnr. Etienne Zeeman, mnr. Lou Badenhorst en mnr. Chris Coetzer het hulself weer verkiesbaar gestel vir die volgende termyn. By hierdie verkiesing moet daar n kworum van ongeveer ouers wees om met die verkiesing te kan voortgaan. Indien daar nie n kworum aanwesig is op 17 Maart nie, word die verkiesing geherskeduleer vir 24 Maart. Nominasievorms is beskikbaar by mev. Henrico, Algemene Kantoor. Sluitingsdatum vir nominasies is 16 Maart om 14:00. Hoop om u by die verkiesing te sien. N Pelser KAARTJIES beskikbaar by LOUW & STEYN - Lizelle Marais OF by die Lions stalletjie by Skougronde. PRYSGELD is R en nog lekker pryse!!

4 VOORTREKKERS Swellendam Voortrekkers se jaarlikse Kommandokamp vind hierdie naweek op Agulhas plaas. Die volgende Graad 11 leerders gaan die kamp bywoon: Arina Eksteen, Stephanie Eksteen, Madri van Heerden, Annelette Odendaal, Johan Steyn en Johan Alberts. Vrydagaand word hulle by Brandfontein afgelaai saam met 3 volwassenes en word die 10km lange tog na Suiderstrand aangepak. Hulle gaan op die strand langs die see slaap en beplan om die volgende oggend omstreeks 11h00 by Suiderstrand aan te kom. Die middag word 'n besoek gebring aan die Nasionale Seereddingsinstituut. Hulle word dan op een van die NSRI se bote op die see uitgeneem. Weens die druk van die toetsreeks moet hulle egter na hierdie opwinding weer huiswaarts keer om te leer. Alet Streicher KRIEKET Baie geluk aan Lundi Msenge, Danfred Sefoor, Morton Steenkamp en Christiaan Stemmet wat opgeneem is in die O.17 en O.19 Noord-Boland Krieketspanne. Lundi en Danfred het reeds die afgelope Sondag ons skool gaan verteenwoordig as deel van die O.17 span wat teen Witzenberg gespeel het. Noord-Boland het eerste gaan kolf en teken 244 lopies aan in hul 50 beurte. Daarna het die twee leerders ons skool se naam hoog gehou deur 4 van die 10 paaltjies in te palm. Lundi neem 2 paaltjies in 2 beurte vir 6 lopies en Danfred neem 2 paaltjies in 4 beurte vir 13 lopies. Baie geluk julle. Morton en Christiaan gaan volgende naweek speel in twee streekswedstryde. Sterkte vir julle ook. Dan het die O.19 span Woensdag teen Swellendam Sekondêr gespeel. Ons kolf eerste en na 'n vroeë opskudding teken ons 117 lopies aan in ons 25 beurte. Die uitblinkers met die kolf is Christiaan Stemmet met 20 lopies en Lundi Msenge met 29 lopies nie uit nie. SS word toe ingestuur om die lopies te jaag en op 'n kol het dit gelyk of hulle dit maklik gaan kry. Kyle Hopley en Lundi spring toe egter in onder die kolwers en neem 7 paaltjies tussen hulle. Kyle neem 4 paaltjies vir 27 lopies in 5 beurte en Lundi neem 3 paaltjies vir 18 lopies in 5 beurte. Ons wen die wedstryd met 11 lopies. Baie geluk aan die span. Dan herinner ek almal aan vanaand se wedstryd teen Montana. Almal word uitgenooi om te kom kyk na baie goeie krieket. Vir die ouers van die spelers sal daar 'n vuurtjie brand. Ewert Cornelissen TONEEL Daar word tans hard geoefen aan die toneel "Onnies en Ouers". Dit is 'n baie goeie stuk en beloof om u te laat skater van die lag. Kaartjies is beskikbaar teen R20 by die skool se finansiële kantoor. Die vertonings is op 28 en 29 April. Spring vinnig en verseker u van 'n lekker goeie sitplek. Ewert Cornelissen

5