SWELLIE-INFO 31 JANUARIE 2014

Transcriptie

1 SWELLIE-INFO 31 JANUARIE 2014 SBL-NUUS Tydens die afgelope vergadering, is die volgende persone verkies: Voorsitter: Mnr. Kellie Becker Onder-Voorsitter: Mnr. Ettiene Zeeman Sekretaresse: Mev. Belinda van Vuuren Tesourier: Mnr. Wynand van Zyl Portefeuljes vir 2014 is soos volg: Koshuis: Mnr. L. Badenhorst, Instandhouding: Mnr. L. Badenhorst en Mnr. N. Pelser, Sport: Mnr. N. Pelser, Dissipline: Mnr. P. du Toit en Mnr. E. Zeeman, Kultuur: Mev. R van Papendorp, Bemarking: Mev. R van Papendorp, Finansies: Mnr. W van Zyl, Akademie en Onderwysstrukture: Mnr. MJ Odendaal en Mnr. N. Pelser, Kontrakte: Mnr. K. Becker. Vir die interim periode tot en met die aanstelling van die nuwe skoolhoof is mev. Corlia Theron aangewys as Departementshoof. Die vakante skoolhoofpos sal op die WKOD se stelsel geadverteer word vanaf 14 Februarie Sodra die aansoeke ontvang word, sal die beheerliggaam met die hulp van sekere eksterne kundiges begin met die kortlysting en onderhoude vir hierdie uiters belangrike aanstelling. Dit is vir niemand nuus dat die skool hom in n baie moeilike situasie bevind wat sy finansies betref nie. Die aanvang van die nuwe skooljaar het n groot aantal vooruitbetaalde uitgawes teweeg gebring, terwyl die vordering nog maar skraps is. Ons doen n beroep op ouers om asseblief hul verpligting teenoor die skool na te kom. Die Beheerliggaam is positief dat ons n verbetering gaan sien met die groter fokus op vrystellings en vorderings wat reeds in plek gestel is. Rekeninge sal voortaan op n maandelikse basis aan elke leerder wie se skoolfonds uitstaande/agterstallig is, oorhandig word en agterstallige rekeninge sal baie meer intyds bestuur word as in die verlede. Ons maak staat op elke ouer se bydrae om minstens sy skoolfonds op datum te hou en verder is ons dankbaar om so baie nuwe energie by die skool te sien in hierdie nuwe jaar. Ons gaan dit en meer nodig hê. Ons is baie trots op ons 100% slaagsyfer van ons 2013 matrieks en wil ons ouers hiermee verseker dat ons op hierdie besondere uitslag wat al die afgelope sowat 14 jaar gehandhaaf word, wil voortbou. Ons gaan egter daadwerklik poog om ons uitslae met die oog op 2014 te verbeter. Die Beheerliggaam het reeds begin met n indiepte analisering van die uitslae. Mnr. Pelser het reeds begin om sekere regstellende stappe in plek te stel. Hoërskool Swellendam het n trotse geskiedenis van akademiese prestasie en dit is uiters belangrik dat dit in stand gehou word ter wille van die voortbestaan van die skool. GEDRAGSKODE : 2014 Die gedragskode 2014 verskyn op ons skool se webtuiste. U kan dit daar gaan lees en saam met u kind u vergewis van die skoolreëls. Piet du Toit

2 ATLETIEK SNOEPIE Namens die ouerkomitee wil ek ieder en elk van u van harte bedank vir u hulp Vrydag in die snoepie met die kleure atletiek! Elkeen van u se bydrae maak ons snoepies moontlik!!! Baie dankie aan elke ouerkomiteelid wat gehelp het met die beplanning, bestellings en reëlings en die van u wat as convenor opgetree het julle is vir ons goudwerd! Baie dankie ook aan Christie vir al jou hulp met die afry en opruim jy is n ster!!! Ek sê sommer ook by voorbaat baie dankie aan die van julle wat more help by die jagtersklub vereniging! Ons weet julle gee baie om vir ons skool!!! Corina le Roux MySchool Help om HS Swellendam se finansies n hupstoot te gee sonder dat dit jou n sent kos! MySchool dra elke maand by tot hul vennote. Al wat jy hoef te doen, is om aansoek te doen vir jou kaart deur die voltooiing van die aangehegte MySchool Ondersteuningskaart Aansoekvorm en deur dit daarna aan die skool terug te besorg. Daar is geen koste vir jou hieraan verbonde nie! Die ondersteunerskaart is nie n krediet- of debietkaart nie. Swipe jou kaart wanneer jy koop by een van vele MySchoolvennote wat Woolworths, Engen Quick Shops, Waltons en vele ander insluit en dan skenk MySchool n persentasie van jou gespandeerde bedrag aan ons, die skool van jou keuse! B. van Vuuren MEDIKASIE Ouers moet asseblief op die volgende let: Die skool word deur die Onderwysdepartement verbied om medikasie aan leerders te verskaf. Derhalwe moet u asseblief sorg dra dat, indien u kind chroniese medikasie benodig, soos bv. n asma-pompie, u kind dit ten alle tye by hom/haar moet hê. By die afgelope atletiekbyeenkoms was daar drie chroniese asmalyers wat deelgeneem het, sonder dat hul medikasie by hul gehad het. Retha van Rensburg TENNIS Let asseblief daarop dat die tenniswedstryd teen Montagu, wat nie Vrydag, 24 Jan. as gevolg van die kleureatletiek kon plaasvind nie, verskuif het na Woensdag, 5 Februarie. Die wedstryde wat vandag, 31 Januarie teen Charlie Hofmeyr, sou plaasvind, het ook verskuif aangesien Charlie Hofmeyr atletiek het. Die datum is Woensdag 12 Februarie. Die wedstryd teen Bonnievale sal op Dinsdag, 11 Februarie plaasvind. Volgende Vrydag, 2 Februarie, se wedstryde teen Drostdy (seuns) en Montana (dogters) is (hopelik) nog aan. Davida Jordaan DOGTERSKRIEKET Hoërskool Swellendam se dogterspan het gister teen Langeberg Sekondêr gespeel op ons sportgronde. Ons kolf eerste en teken 58 lopies aan. Tanja Conradie was ons beste kolwer met 20 lopies. Langeberg kolf en behaal 52, almal uit. Ons beste bouler was Gladine Gertze met 5 paaltjies. Baie geluk aan hierdie meisies wat hul eerste wedstryd gewen het. Piet du Toit

3 KRIEKET O/15 Die o/15 A krieketspan het Woensdag 29 Januarie teen Hoërskool Robertson gespeel op hulle velde. Ons verloor die loot en boul eerste. A n goeie begin eindig ons nie so sterk weens verskeie verbroude kanse. Robertson teken 77/8 aan. Beste boulers was Lundi Msenge (2 vir 7 in 4 beurte), Danfred Sefoor (2 vir 18 in 4 beurte) en Grant Willemse (2 vir 8 in 4 beurte). Ons verloor egter die wedstryd in die laaste beurt met 6 lopies. Franco van Loggerenberg was ons beste kolwer met 20 lopies. Tiaan Terblanche KRIEKET SKOP AF MET 'N SLAG(TING) Op Donderdag 30 Januarie het die krieketseisoen begin vir die O/19 seuns en die Dogters krieketspanne begin. Die seuns het teen SS gespeel en het eerste kans gekry met die kolf. Ons teken 113 aan in 29 boulbeurte. Morton Steenkamp (kaptein) lei die span en teken 'n baie goeie 48 lopies aan. Hy is goed ondersteun deur Kyle Hopley (20) en Monray Hartzenberg (14). SS kry toe die geleentheid om die telling te jaag en word uit geboul vir 83 lopies. Ricardo Olivier is hier die uitblinker met die bal en neem 4 paaltjies vir slegs 20 lopies in 5.2 boulbeurte. Christiaan Stemmet en Marlin Baardman neem ook albei 2 paaltjies. Ons wen dus die wedstryd met 30 lopies. Baie geluk aan die seuns met 'n uitstekende vertoning. Datums vir volgende week ( voorlopig ): Dinsdag 4 Februarie: Dogter vs Montana Weg Woensdag 5 Februarie: 0/15 vs Ashton Tuis Donderdag 6 Februarie: 0/19 vs Bonnieval Weg Ewert Cornelissen HANDBOEKE Dis vir my lekker om te sê dat die enkele uitstaande boeke, waaroor die Swellie Info verlede week berig het, afgelewer is en aan die betrokke leerders uitgedeel is. Elke Swellie het nou al sy handboeke! Ons doen n beroep op die ouers om toe te sien dat die boeke mooi deur die jaar opgepas word, aangesien alle boeke aan die einde van die jaar weer terugbesorg moet word. Indien enige probleme met die handboeke ondervind word, kontak asseblief die skool. Davida Jordaan ROLBAL Die rolbal vir skoliere het reeds die afgelope Dinsdag begin. Ons getalle groei al meer en dis wonderlik om die entoesiasme te sien. As daar nog belangstelling is, kom spreek my. Hoe meer jong spelers die klub kry, hoe groter kans is daar dat ons n skole-liga kan begin met ons buurdorpe se klubs. Oefentye is Dinsdag 16:00 17:00. Komende naweek gaan Gerhard Mostert en Kobus Lubbe vir die eerste keer deelneem aan die Boland Beginners Enkelspel. Hulle speel op Bonnievale en ons beste wense vergesel hulle. Die Besigheidsliga, wat verskeie besighede in die dorp betrek, begin ook volgende Dinsdag, 4 Februarie tot Donderdag, 28 Februarie. Ons is vanjaar baie trots om nie net n onnie-span te kon inskryf nie, maar ook n skoliere-span. Die onnie-span is: Mev. Jooste, mnr. Terblanche, Mev. Weichelt en me. Jordaan. Die spanbestuurder is me. Linda Brown. Die skoliere-span is Ian van Antwerpen, Roann Burger, Jeandré Taylor en Sandra Kemp. Spanbestuurders is Gerhard Mostert/Kobus Lubbe. Beide hierdie spanne sal Donderdagaande vanaf 17:30 speel. Kom ondersteun ons asseblief en beleef die lekker atmosfeer. Linda Brown

4 TOUTREKDANS SATERDAG, 15 FEBRUARIE 2014 R40 P.P HOëRSKOOLSAAL BRING U EIE EET- EN DRINKGOED! GELD WORD AANGEWEND OM DIE TOUTREKSEUNS EN DOGTERS NA DIE SA-KAMPIOENSKAPPE OP GEORGE TE NEEM! ONDERSTEUN ONS ASB. KONTAK : CORLIA THERON ( ) WISKUNDE-REMEDIëRING (Tydregstelling) Mev. Jeanne de Kock se klasse is Dinsdae, Woensdae en Donderdae, vanaf 13:50 15:00. Die tyd in verlede week se Swellie-Info was foutief. Hierdie klasse vervang nie die ekstra klasse nie en word op aanbeveling van Wiskunde-onderwysers gedoen. S. Weichelt NAMIBIESE TOER Die Namibiese sporttoer, wat tydens die April 2014-vakansie sou plaasvind, is afgestel weens verskeie onoorkombare probleme. Ons beoog om dit wel volgende jaar te doen. S Weichelt FIKSHEIDSOEFENINGE NETBAL O.16 Die fiksheidsoefeninge vind plaas elke Dinsdag en Donderdag vanaf 17:00 17:45. Dit is slegs vir meisies wat nie betrokke is by atletiek, tennis of toutrek nie. Retha J van Rensburg OUERAANDE GR. 9 EN GR. 11 Woensdagaand, 5 Februarie hou die graad 9- en 11- klasse hul onderskeie inligtingsaande. Ons vra dat u asseblief hierdie geleentheid saam met u kind sal bywoon. Die gr. 9 s vergader vanaf 18:00 18:30 in die saal. Die gr. 11 s vergader vanaf 18:45 19:15 in die saal S Weichelt GHOLF Die BGU het n ontwikkelings inisiatief geloots beter bekend as Golf is Cool program. Ons maak gebruik van PGA Afrigters om 1 x per week vir ongeveer n uur gholf lesse aan junior spelers tot en met 18 jarige ouderdom te gee. Die koste is R250 per kind per kwartaal wat n minimum van 8 lesse insluit. Enige belangstellendes kan Guihan Groenewald kontak by of guihan.oaktree@telkomsa.net.

5