buurtnuijts INFORMATIEBLAD VAN DE STICHTING BUURTRAAD LIMMEL januari 2008 CoLoFon OPLAGE 6 850 stuks DRUKWERK Sjo Stassen Drukkerij Gronsveld BANKRELATIE SNS 87.87.29.674 REDAKTIE Harold Felix Hans Volders Rinie Theunissen Frans Ritz Redactieadres: Harold Felix Emmausstraat 14 6222 CJ Maastricht Email: j.felix@home.nl Hans Volders Azamonstraat 24B 6222 BX Maastricht Email: Volders1@home.nl LAYOUT Harold Felix De redactie behoudt zich het recht voor ingezonden stukken in te korten c.q. niet te plaatsen / jaargang 23 / nummer 1 De Redaksie vaan Buurtnuijts wins uuch Unne gooie vastelaovend!!
Leef vastelaovend vrun, In aonluip nao t vijfde sesoen kreeg iech dek s te hure wat velt dee Vastelaovend vreug. En t rizzeltaot is dat veer nog de smaak vaan peperkooke mennekes in euze mond höbbe en de hennekes nog begaojd höb vaan de kneinsbatsen es iech dit op aon sjrieve bin. Trök kiekend op aofgeloupe sesoen kin iech allein mer zégke dat t weer n sjoen en proper sesoen waor. Met Prins Theo de twiede aon t roer vaan zien Franse Prinsegarde is Heer us op n prachtige meneer veur gegaange. Same met zien bijna vruike Monique heet Heer genoten. Iech hoop dat zie dee Vastelaovend noets zalle vergete. Wat Heer zeker neet vergete zal is Vastelaovend maondag toen Heer in de optochwagel sprong en metein door de boojem zakde en op t peerd terech koum. Heer zal dit veurval noets vergete en veer ouch neet. Iech wel hun daan ouch naomens alle Braniemeekers bedaanke veur hun gasvrijheid. Theo en Monique Merci, Merci! In de zaol waor de kleur roet,wit blauw good vertegewoordig. t waor weer sjiek en sjoen dee zaol. De Franse rivvelutie waor good oetgebeeld dee Mestreech heet mét gemaak. En wie väöl lui mesjiens wete höbbe de Keemeleers op de daag vaan hun recepsie de daag vaan hun leve gehad door de blauw en witte prinsegarde die de Braniemeekers oet beelden. Iech kin allein mer zégke t waor weer prachtig. Dees zomer hadde veer ouch weer veur de veerde kier t Minipreuvenemint met unne vereinegingsaovend vaan te veure. Daor koste ziech Lummelse en Nazarethse vereineginge zich prizzentere. En daor höbbe de nuuje vereineginge gebruuk vaan gemaak en ziech op n ludieke meneer geprizzenteerd. T Minipreuvenemint zelf waor in ein waord fantasties. t Weer zat met, de lui waore in groete getale aonwezig. De gerechte vaan de versjèllende lande die us alletone buren veur sjotelde waor wie veer in eet terme zégke, lek vinger, lek doum,. Dit evenemint is alweer neet mie weg te dinke. Dame s en Hiere vaan dees kemmissie Bedaank. En gaot zoe door. Daan zien veer zoe bitteke aon belaank beij de veurbereiing vaan dit sesoen. Midde in de zomer medaaljen bestellen is vreemd en in augustus de Prins beginne oet te zeuke is nog vreemder. Mér veer zien der weer oetgekome. Prins Math de twiede geit us veur in dees zwoer, onvergetelikke en sjoen daoge. De ierste ampa Prins dee veer in us 37 jaorig bestoon höbbe. Dat Heer en zien vruiwke Ilse en de keender nne onvergetelikke vastelaovend mage beleve. Tot slot wel iech uuch allemaol nne sjoen, gezonne, propere, sfeervolle vastelaovend winse en iech hoop uuch ein vaan dees daog tege te koume. John vaan Dijk Prizzedent vaan De Braniemeekers
Daankwoord Prins Theo II Trökkiekend op 2007 kinne veer zègke dat dit veur us n formidabel jaor is gewees. Prins mage weure en zien bijj de Braniemeekers is get dat veer ederein kinne aonraoje. Venaof t ierste momint nao t oetrope tot aon Asselegoonsdaag höbbe veer genote. Alles waos eve sjiek. Wat veur us de hoegtepunte waore vraog geer? Veer höbbe ederen daag en eder momint es hoegtepunt ervare. Bezunder waore veur us de bezeuke aon de kraanke luij in us naobersjap en aon de luij van Lummel en Nazareth die in bejaordehoezer woene. Ouch de bezeuke aon de gehendikepte sportvereiniging en aon Jan Baptist höbbe väöl indrök op us gemaak en veer höbbe dao vaan eder momint genote. De Mestreechter Mès waos formidabel. De rejaksies van Uuch allemaol veulde aon wie n werrem wolle deke boe veer noe nog met hiel väöl plezeer aon trök dinke. Veer wèlle daan ouch ech ederein bedaanke dee dit meugelik heet gemaak of op wat veur meneer daan ouch zien mètwerking heet gegeve um vaan t vastelaovendssezoen vaan 2007, ne veur us ónvergetelikke tied te make. ne hiele, hiele groete merci. Prins Theo II en prinses Monique. In t hart vaan treech... Weer eeder jaor steit mèt meziek in t hart vaan treech ne Prins te kiek en gans Mestreech, vaan klein tot groet, wèt drei daog vaan de prins gei koet, meh veult z ch daan de prins te riek! Bèr Essers
BranieKiene in Lummel Vriedag 25 jannewarie stoon de Braniemeekers in t Lochtmanhoes veur Uuch klaor want daan steit alweer, nao väöl leuke reacsies, t kiene veur de deur, mèr gein gewoen kiene! Heij is vaan alles meugelik beij dit ludiek kiene maag gelache weurde. Ouch zouwe veer t sjiek vinde es de luij ziech verkleijde dat maak de sfeer nog beter. De zaol geit um 18.00 oor ope en de kienkaarte koste, 1 serie 5, 2 series 6, en 3 series 7 T sprik veur ziech dat de preise ouch weer nao venant zien met e paar hiel ludieke debeij. Mestreechter Aovend in Lummel 31 jannewari oragniseere C.V. De Braniemeekrs hun traditionele Mestreechter Aovend met tal vaan topartieste. De antreekaarte aon 11 koume vaanaof 11 jannewarie in de veurverkoup beij : Haddocks Populierweeg in Lummel en MoHa s Kest Schaloenstraot in Nazareth. T Program vaan deen aovend zuut es volleg oet; Dansgrop vaan de blau-we oet Wolder >Dans Bert Dols >Zaank Harrie heet meute mêt opstarte >Buut Sjeng de Belsj >Zaank Ouwer mêt power >Buut Déja Vu >Zaank Trio ongeplök >Kolderiek Nick Gielissen >Zaank Erwin >Zaank De Hofkapel vaan dizze aovend is de Vreug Zaat.
Bjorn en Michèle nuij jäögprinse-paar in Lummel Zondag 20 jannewari waor t daan zoewiet, perceis um 11 minuute nao twie kwaom iers Bjorn en e paar menuute later Michèle oonder de maskes oet en waor t nuij prinsepaar veur 2008 beij de Braniemeekerkes e feit. Zie goon Lummel en Nazareth veur mèt de naome. Prins Voetbalfanaticus, Gipstechnicus, Foetelericus Bjorn d n ierste Heet hèt weijer Bjorn Breuls en woent same mèt zien pap en mam en nog twie zusterkes in de Kestiel Cortenbachlaon 77 in Nazareth. Heer zit in grôp 4/5 vaan de basissjaol T Spoor en sjeint volges zien juf good te kinne rekene! Oondaanks dat heer pas 8 jaor is heet heer al twie kier ziene errem gebroke gehad. Zien hobbies zien Foetele mèt kaarte, bèlke trekke, vastelaovend viere en heer is de spits vaan rk VCL in de F1. Prinses Michèle Zie het Michèle Rokx en is t döchterke vaan aajd prins Jos II vaan de Braniemeekers in 2006 en woent same m t häör pap en mam, häör breeurke en de hond Sjindy op de Populierweeg 132 in Lummel. Michèle zit in grôp 4 beij juf Sylvie op de basissjaol t Spoor. Zie heet geer veerse ribkes, friete en spinasji. Zie heet nagal gèt dinger die zie geer deit, voetballe beij VCL, danse beij Beat on Bars, winkele mèt häör mam, boete speule, laankoet ligke in de koep en vaare mèt de boot vaan häöre grampeer.
Proclamatie Prins Math 2e Leef Vastelaovesvrun Iech bin gruuts d`r op tot de Kanselarijraod miech zien vertrouwe heet gesjoonke En tot iech noe hijj in mien sjoen pèkske stoon te proonke. Nachte höb iech d`r wakker vaan gelege en steeds d`r aon motte dinke tot iech noe mien sermoen heij door d`n tempel moot laote klinke. De vuurpijle en de sjampanjekörreke zien nog neet oetgeraos Of de Vastelaovend steit al veur de deur in alle haos. Dit sezoen steijt noe toch wel erreg snel in de startblök de adrenalien steijg en zak vaan miene kop tot nao mien sök. Dit jaor, höbbe veer bezeuk vaan minister Vogelaar gehad in us twie wieke Nao `n stevige wandeling mèt de Buurtraod heet Ella ziech `ns alles röstig kinne bekieke. `t Aktieplan um mèt miljoenen de buurten Nazareth en Lummel plezeeriger en veiliger te maken, sjoen! Allein moste diech daan iers vaan allerlei zakes die hijj neet toes huure, kinne ontdoen! Bijj de Kringlaop in Lummel is lèts aoch gèt gebäörd De ganse plefon is oet z`n èllemint gesjäörd. Wèlt geer dao toch nog leuke twiedehandse dingskes vinden en koupe Daan zalt geer toch iers mèt `nne veiligheidshelm nao binne motte loupe. Chrit vaan de Spar had veurig jaor aoch `n good idee, heer startte `n winkelke; gojekoupsjopper Dao kreeg geer leuke dingskes veur `nne EURO, vaan sokken, waspinnekes tot wcôntstopper. Heer dach hijj mèt `n goudmijnsje gevoonde te höbbe, deej èrreme kloet Mèr de kins neet mèt wienig geld euveral d`nne zin in kriege, wie edere nejje joed! Ritz had `nne sjoene druim gehad en sjreef dit metein in zien daagbook ès gediechske Heer druimde euver dansende meitskes in rete rökskes mèt `n sjoen sjlaank geziechske. Um z`nne druim te verwezenlike waor heer stad en land aof gegaange Zoedat heer de Waikiki-Dancers veur `t Mini-Preuvenemint kôs vaange. In t Braniemeekersriek is aoch `nne nuije hobbie geboore `n paar vaan die gekke op `nne motor kaome langs gesjörd in roed jèske oongesjoore. Alleijn met druug en zonnig weer, kaome zie mèt hunne ketel nao boete Es `t kaajd en naat is, blieve die weike toes bijj hunne zjeranioms achter de roete. Noe sjeijj iech oet mèt klasjenere Iech staon te trampele um uuch veur te goon en miech te ammezere. Op Jao dao kump Maria, höb iech oore ligke te rippetere Um uuch dit vastelaovesleedsje in `t mexicaans te prizzentere.
Technicus Fotograficus Fisternöllikus Prins Math 2e
Maag iech uuch veurstelle aon de nuije hoeglöstigheid vaan de Braniemeekers dee euver t Braniemeekers riek vaan Lummel en Nazareth zal goon regere: Technicus Fotograficus Fisternöllikus Prins Math 2e Heer steit in de börgelikkestand vaan Mestreech ingesjreve es Mathieu Anne Johannes Thomissen. Heer zaog t ierste levensleech op 25 augustus 1964 op de Meerssenerweeg. Op de plaots boe ziene Opa n tummerwerrekplaots heet gehad. Heer woende dao same met zien Oma,Mam en twie zusters Helma en Lilian. Toen Heer 1 jaor waor verhuizde heer same met hun naor Wiekerveld naor de Kolonel Millerstraot 54. Dao kreeg Heer nog n breurke nao zeven jaor bij dee Johnny geneump woord. Heer brach daor de sjoenste tied vaan ziene jäög door met ziech good kinne te verstoppen en zien koejòngens streeke. Heer heet ziene kinnes goon verrieke op de toen maollige Don Boscosjaol in Wiekerveld daor is Heer tot de Twiede klas gebleven. Toen is Heer zien kinnes weijer goon op doen beij Pol Brounts zaolliger op de toen maollige Christus Keuning sjaol in Nazareth. Heer kaom ouch veur de ierste kier in aonraaking met de Vastelaovend. In de vijfde klas woord Heer lid vaan de Kestielretjes vaan Nazareth. Dreij jaor heet Heer de jäögvastelaovend versterk in Nazareth en met oetgedraage. Toen word t tied um ziene kinnes op n hoeger niveau te bringe en ging naor de L.T.S in de Zjuliana vaan Stolberglaon in Mestreech. Heer ging de opleiding vaan Metaol Thechniek door lope boe 4 jaor veur stoond. Daonao is Heer nog twie jaor S.O.M goon doen veur dat de Piotten Häöm oonder de gelederen repe. In ziene Piotten tied waor Heer waopenshersteller op de legerplaots Zeedorf in Duitsland. Dat waor ouch t jaor tot Heer lid woord vaan de Braniemeekers. In dee tied koum Heer ouch wel s thoes op weekend verlof met vaan die plekken in ziene nek. In December 1984 lierde Heer zien vruiwke Ilse Courtens kinne en zien zie noe al 22 jaor same getrowd. In 1986 besloten zie same te goon woene bijna op de plaots boe Heer in 1964 waor geboore. Op de Meerssenerweeg. Dao woord hun ierste Dochter Veronique geboore. In 1988 besloote zie nao de Heeg te verhuizen, um op de Meendaol n nuie neske te goon bouwen. Dao woord hun twiede dochter Anouk in dat zelfde jaor geboore. In 1991 waor de ooievaar weer in de buurt vaan de Meendaol en woord hunne zoon Mitchell geboore.nao 6 jaor de Heeg en zoeveul BOB ritten besloten zie in 1994 trök nao Lummel te verhuizen en n nuie neske te bouwen aon de Dolmansstraot boe noe nog t Prinselikke pelies is.heer had ouch al vreug hobby s en wel met voetballen beij de broeders vaan Rapid beij de E. Dao nao beij MVV 02 tot de C en toen weijer bij Willem 1 tot 1986. Toen wouw ziene knee neet mie. Heer heet nog get geprobeert in de zaol mer dat waor ouch gein succes.in dee tössen tied waor Heer ouch nog inkele jaore lid vaan de steltleupers en de sjeetklup vaan aadj mariniers. Dao neven is Heer fanatiek fotograaf. In 1999 hadde ze beij RKVCL nog get jäögleijers neudig. Dao heet Heer zien deenste toen tot 2002 bewezen. Dao neven is Heer nog buurt geriech bezig beij de BUURTRAOD vaan Lummel in de versjèllende werkgroepen. Sinds 2006 zien zie ouch lid vaan De Ontspanningsvereineging vaan Nazareth boe zie gein aktieviteit vaan missen.en de biljard keuj neume zie sinds dit jaor ouch in de hand op vriedagaovend in oonderlinge competitie in de Krib in Lummel. De op beijnao groetste hobby s zien De Braniemeekers en t reizen gewoore. Bij de Braniemeekers is Heer T.Cjer, Seriemoniemeister, hoffotograaf en Prezidiumlid geweest. Hunne groetste hobby is noe sinds dit jaor hun klein keend gewoore en is dao e twiede kleinkeend opkomst. Aongezeen zie in 2004 hunne zoon Mitchell verloren höbbe door n tragies ongeval waor dit wel weer ein vaan de sjoenste gesjeenke die zie es gezin koste kriege. Dao de Hoeglöstigheid ouch de kos moot verdeenen kin iech uuch metdeile dat Heer dit al 6 jaor deit es electromonteur beij NUMAC en oetgeliend is beij de SPHINX in Mestreech. Dit is zoe bitteke de levensleupe vaan uzze nuie Hoeglöstigheid vaan 2008. Gegeven 6 jannewarie 2008 door de Kanselereijraod
Optoch vaan Lummel nao Nazereth! Nao al die gooij reaksies die veer t aofgeloupe jaor weer höbbe maage oontvaange mèt betrèkking tot d n optoch, dinke veer op de gooije weeg te zien beland wat betröf de organisaasie. T Aontal grôppe bleijf greuije en daor doen veer t veur, nne sjoene optoch door Lummel en Nazareth. De luij die d n optoch al ieder höbbe gezeen wete dat t nne sjoene bonte störrem weurt compleet mèt alle Prinse en Prinsesse vaan Lummel en Nazareth. Boete de preise die te verdeene zien in d n optoch veur de bès verkleijde einzelgenger, grôp of wagel, wèlle veer d r dit jaor ouch weer nne wedstreid vaan make wee de sjoenste verseerde väörroed en/of gevel heet vaan Lummel en Nazareth. N Zier geheim zjuri zal dit goon beoordeile en nao d n optoch zal d n oetslaag weure bekind gemaak in noedkerkske. Ouch weure daan de preise oetgereik vaan in d n optoch. Höbbe veer Uuch noe op ideeje gebrach mèr geer wèt neet wie geer n oonderwèrrep moot aonpakke daan kint geer altied eve mèt us techniesje kemmissie kontak opnumme, t kin loupend, op nne fiets, nne wagel iech kin t zoe gek neet bedinke wat de meugelikhede zien. En iech weet zeker dat de nuije Hoeglöstighede ziech noe al zitte te verheuge op wat zie te zien kriege in hunne eige optoch vaan lummel naor nazereth. Veer hope dat veer op uuche steun kinne rekene, wat zoonder uuch höbbe veer geine optoch. Zien de intresse noe zoe hoeg opgeloupe tot geer dink um mèt te goon in uzze stoet, daan mèld uuch aon beij: Roy joosten Koperslagersdreef 43c 6216 SP Mestreech 06-11180298 royjoosten@live.nl
Tot Karnevalsmaondag 4 fibberwarie!!!!!!!!! Um 13.30 oor beij de Populiereweeg. Rót vaan Lummel nao Nazareth Verzamele Vertrek Oontbinding : 13.30 : 14.00 : +/- 16.00 Opstèlling : Roontelum t plein aon de Populierweeg in Lummel mèt de neus nao t Lochmanhoes! Populierweeg Emmausstraot Galileastraot Jerichoplein Bethlehemweg Balijeweeg Spooreuvergaank!!! volg heij de aonweijzinge vaan de begeleiders op!!! Kestiel Verduynenstraot Kemenadeplein Kestiel Erensteinstraot Kestiel Sjaloenstraot Kestiel Monfortstraot Kestiel Wolfraathstraot Miradörpplein Kestiel Walburglaon Kestiel Neuborgweeg Oontbinding : Heijnao goon veer nao t Noedkerrekske boe, nao euverlègk vaan de sjuri, de preize weure oetgereik! Daoneve is heij netuurlik ouch de meugelikheid u mus eint of.. te drinke!!!
CV de Kribbebieters PROKLEMATIE Iech Prins Marco Hilco Agnes van der Laan verklaor de oonderstaonde feite ierlik en mèt mien volle verstand te höbbe mèt gedeild aon de Kanselerijjraod vaan CV de Kribbebieters Iech bin gebore op 16 september 1972 um 3 minute nao twaalf ore s nachts in de naobersjap vaan t Vastelaovensriek vaan de Mammoeters en de Jumbo s met aander wäörd in Annadal De kaksjaol höb iech op Potteberg doorloupe mér veur t aander oonderwies de Fons Olterdissensjaol op Daalhof in t riek vaan de vreugere Hoofnarre Wie iech die sjaol lang genóg had gezeen bin iech nao de LTS gegaange. Installere en prutse waor t leefste wat iech deech en nao veer jaor höb iech t pepèrke vaan prutser, nein vaan installateur gehaold Iech waor nog neet tevrijj en dach de kins nog mieër daorum höb iech nog n aontal jaore s aovens en ouch euverdaag oonderwies gevolleg Nao aoflaop vaan al die jaore bin iech 7 jaor poompemeker gewees. Méh je waor t dat? Nein dach iech want iech waor nog altied allein en mekans 27 jaor Frikkedelle en krekètte trokke miech aon en daan veural die vaan Cora en zoe gebäörde t dat iech de poomp verruilde veur de mmmmmmm vaan Mora t Is dao dat iech mien vruijke Wendy höb iere kinne en dat t leefde waor op t ierste geziech dat kint geer allemaol zien Same höbbe veer twie sjatte vaan keender, ne keuningswins, naomelik ne zoon dee luustert nao de naom Dylan en n dochter met de naom Sharon Prutse daon iech noe achter de kompjoeter of aon miene Ford Mondeo Mien vekanties vier iech t leefst in Spaanje boe miene sjoenpa ouch get mèt heet al is dat mer eine kier per jaor. En op zoondig hoofs ste miech niks te vraoge want daan daon iech niks of me zuut miech mèt miene Maltezer door de straote vaan Lummel loupe
Mien pelies vind geer in de Nebostraot en iech zal regere oonder de Prinselikke titels: Zienen hoege hoeglöstigheid Prins Moranicus, Kompjoetikus Malthesicus Marco I Gegeve te Lummel op 12 jannewarie vaan t jaor 2000 + 11-3
CV de Trampeleers Prins John Zijn naam luidt John Meijers en is woonachtig in Valkenburg. Geboren op 10-10 - 1961 Daar woont hij samen met zijn vriendin Tanja Diederen en hun zoontje Mick. Zijn werk ligt op het kantoor van de UWV te Heerlen. Z'n hobby's zijn : Voetbal ( RKVCL) Muziek Werken in de tuin En niet te vergeten zijn eigen zoon Mick Hij kent ook hoogtepunten en dieptepunten zoals De wedstrijd bij willem1 en dieptepunt dat hij geschorst werd door Pa Beijer John zal gaan regeren onder de namen MONTAIGNICUS - WAJONGICUS - KLERKIANICUS
Buurtinformatiebijeenkomst Doel: bewoners informeren en betrekken bij het Wijkactieplan Maastricht Noord-Oost. Data: Wittevrouwenveld: Trefcentrum Edisonstraat 4 Wyckerpoort: Letterdoes Old Hickoryplein 100 Nazareth: Parochiehuis Kasteel Neubourgweg 201 Limmel: Kap. Lochmanshuis Populierweg 36 woensdag 13 februari donderdag 14 februari maandag 18 februari woensdag 20 februari Tijdstip: 19.00 uur tot ca. 21.30 uur Agenda: 19.00 uur: Inloop / Informatiemarkt met vier geclusterde stands. 1. participatie, integratie en veiligheid 2. wonen en woonomgeving 3. leren, opgroeien en sport 4. werken, persoonsgerichte aanpak en armoede 19.30 20.00 uur: 20.00 20.30 uur: presentatie wijkactieplan door Marcel van Dijk. vragensessie algemeen 20.30 ca. 21.30 uur: gelegenheid voor een drankje en bezoeken aan info-stands voor specifieke vragen. Tijdens bovenstaande bijeenkomsten ook meer informatie over: Jongerenraad Noordoost Jeugdinterventieteam Drie vaste wijkagenten Natuurspeelplaatsen De entrees van Limmel Gemeenschapshuis in Nazareth Informatiewinkel Nazareth Woningbouwprojecten Sareptaplein, Mosa Porsalein en Centrumplan Nazareth
AFVALKALENDER van 23.01.08 t/m 07.11.07 GFT-BAK HUISVUILZAK GFT-EMMER OUD-PAPIER WOENSDAG WOENSDAG WOENSDAG WOENSDAG 23/01 30/01 06/02 13/02 20/02 27/02 05/03 12/03 19/03 26/03 23/01 30/01 06/02 13/02 20/02 27/02 05/03 12/03 19/03 26/03 06/02 05/03 Nebostraat 36-38, Maastricht-Limmel Tel: 043-3632662 Openingstijden: Maandag Di t/m/ Vr Zaterdag 09.00 09.00 14.00 08.30-13.00 13.00 17.00 16.00 Inleveren kopij: Nummer 2008-2 tot 01/03/2008 Lever uw kopij (liefst per e-mail) in bij de redactie van Buurtnuijts Limmel, (EMMAUSSTRAAT 14) e-mailadressen: j.felix@home.nl of volders1@home.nl
Dao kump Maria (wäörd Dorrie & Leo Satijn, meziek Dorrie Satijn ) Couplèt 1: Mèt de Vastelaovend Geit eus Maria op stap Vreuger mèt de kinder drin Meh noe de lek re hap De weurs en ouch gehakbelkes, En blökskes awwe kies Die deilt zie oet aon ederein Daan is t ei groet fies! Refrein: Jao, dao kump Maria Met häöre wagel op t plein Jao, dao geit Maria Vastelaovend vint zie fijn Jao, dat is Maria De zuus r euveral, En kumpste Maria tege Daan is t Carneval Couplèt 2 Noe nao al die jaore Heet ze m umgebouwd tot kaar Huur dao kump zie al vaan wied Verkleid wie ne clochard Meziek dee heet ze bove drop Zie drejt daan mèt r koont De lui die doen daan lösteg mèt Mestreech springk in t roond Bron: website Duo X-elle http://www.duox-elle.nl/maria.pdf