JV-NUUS. Meyerstraat 1072 Tel : /1/2 Rietfontein Webblad: MOSIES

Transcriptie

1 JV-NUUS Meyerstraat 1072 Tel : /1/2 Rietfontein Webblad: No20/2017 MOSIES Me Rienie Pieterse verjaar Dinsdag, 8 Augustus en mnr Johan Steyn verjaar Woensdag, 9 Augustus. Baie geluk! Mnr Chris Steinmann het n klein operasie gehad, ons vertrou dat hy gou sal herstel. Baie sterkte. MATRIEK 40 DAYS Die matrieks het weer met hul 40-days die gebruiklike optog in die strate van Waverley gehou, waarna hulle lekker by die lapa gebraai het. Ons wens hulle alle sterkte toe met die Rekordeksamen wat om die draai is. SKOOLKATTE Baie dankie aan die enkele ouers wat finansieël bygedra het sodat ons die skool se katte kon laat steriliseer, sonder julle bydrae sou dit nie vir ons moontlik gewees het om die sterilisasie en toetsing te laat doen nie. Baie dankie aan Drs Hermien Viljoen, Luzanne van der Laan, Jeanetta Uys en hul assistent Jenna Uys wat die operasies gedoen het. Baie dankie ook aan Charlene Grover en Morne Combrink van Be Wise Sterilize wat dit georganiseer het, mev Belinda Povey van die studiesentrum wat al die reëlings getref het, en mnr Egmont Coetzee wat gehelp het sodat alles vlot verloop het. Ons doen graag weer n beroep op die van u wat kans sien, om ons te help met kos vir die katte. Die rotte is in so n mate onder beheer dat dit nie meer voldoende kos is nie, en ons wil graag ons katte behou om te voorkom dat daar n rotplaag uitbreek.

2 NUWE WEBTUISTE Besoek gerus die skool se nuwe webwerf by en neem deel aan ons opwindende kompetisie vanaf 7 Augustus waar u n R1000 kan losslaan. Hoe die kompetisie gaan werk: Vanaf Maandag 7 Augustus tot Vrydag 11 Augustus gaan die Bulldog op verskillende bladsye wegkruip. Vind hom en sms daagliks na die dag van die week en die bladsy waarop die bulldog gesien is bv Maandag rugby Kompetisie Reëls Deelnemers: 1. Die kompetisie stel die nuwe HTS John Vorster webblad bekend en promoveer besoeke na die webblad. 2. Geen personeel of hul familie mag aan die kompetisie deelneem nie. 3. Die kompetisie is oop vir enige wettige burger van die Republiek van Suid Afrika. Inskrywings: 1. Die kompetisie begin Maandag 7 Augustus tot Vrydag 11 Augustus Geen laat inskrywings sal aanvaar word nie. 3. Om in te skryf vir die kompetisie kan sms gestuur word na met die verwysing van die dag van die week en op watter bladsy die karakter gesien is bv Maandag Rugby of daar kan op die webblad ingeskryf word. 4. n Persoon kan soveel keer inskryf as hy wil. 5. Die wenner sal ewekansig uit die korrekte antwoorde gekies word. 6. Geen verantwoordelikheid sal aanvaar word vir inskrywings wat verlore, vertraag of beskadig word in die transmissie proses nie. 7. Alle inskrywings wat op die databasis verskyn dien as geldige inskrywing en is die enigste bron waarvan die wenner gekies sal word. Sluitings datum is 12:00 Vrydag 11 Augustus Prys: Kontant prys van R1000 sal aan die wenner oorhandig word. 1. Die Kontant prys is nie oordraagbaar nie. 2. Die wenner is die eerste trekking uit die korrekte inskrywings ontvang deur die webblad inskrywing of sms inskrywing. 3. HTS John Vorster het die reg om die kompetisie te kanselleer sou hul bewus word dat daar enige onreelmatighede is. UITRUILSTUDENT Die 15-jarige Konrad Petersen van Schleswig-Holstein is n uitruilstudent van Duitsland wat tans saam met die JV s in graad 10 is. Ons vertrou dat sy verblyf in Suid-Afrika en veral by die JV s vir hom n onvergeetlike ervaring sal wees en dat hy n goeie ambassadeur vir JV s sal wees.

3 GEDAGTE VIR DIE DAG Wees versigtig met wat jy dink, jou gedagtes beheer jou hele lewe. SIEKTE EKSAMEN / TOETSREËLINGS Siekte-eksamen / -toetsrëelings het so toegeneem dat dit haas onmoontlik geraak het om dit te hanteer. Dankie aan die ouers wat die rëeling getrou gevolg het en die werk makliker gemaak het. Die bestuur het egter besluit om die rëeling te verander om die logistiek in terme daarvan te verbeter. Rëelings werk vanaf 24 Julie 2017 as volg: 1. n Leerder wat met n wettige rede afwesig was dien die stawende dokumente bv n doktersbrief/begrafnisbrief by die spesifieke vakonderwyser in. Die vakonderwyser sal dan vir die leerder n punt bereken met in ag neming van die leerder se punte wat hy/sy reeds behaal het in vorige opdragte asook die gemiddelde persentasie wat die graadgroep vir die bepaalde opdrag (waartydens die leerder afwesig was) behaal het. NB: Dit staan egter die bepaalde vakonderwyser vry om ENIGE eksamen/toets wat die leerder gemis het, met genoeg kennisgewing te laat oorskryf, indien die vakonderwyser die leerder se kennis in terme van bepaalde werk wil toets. 2. Indien die leerder nie binne n week na die afwesigheid die dokumente indien nie sal die leerder nul vir die bepaalde opdrag kry. 3. Bogenoemde rëelings vrywaar nie die leerder om ook by sy/haar betrokke klasvoog die bewyse/motivering vir afwesighede in te dien nie. 4. Indien enige leerder misbruik maak van die geleentheid om die formule-punt vir n bepaalde opdrag te kry sal die leerder summier nul vir die opdrag kry en ook aan dissiplinêre aksies onderwerp word. Ons vertrou dat bogenoemde rëelings vir u duidelik is en dat u daarby sal hou. Indien daar egter nog enige verdere onsekerhede in die verband is, is u meer as welkom om me Dowd enige tyd by die skool te skakel. FURY-MOTORKOMPETISIE Dit is weer tyd vir ons jaarlikse motorkompetisie waar u vir slegs R10 (dis minder as n brood se prys!) die kans staan om n splinternuwe Mazda 2 te wen! Ons mikpunt vanjaar is dat elke leerder ten minste twee boekies (20 kaartjies) moet verkoop. Ons doen n beroep op u om ons asseblief hierin te ondersteun en sê sommer by voorbaat dankie vir u ondersteuning. SAAMRYGELEENTHEID Benke Zeelie is beskikbaar om te help met vervoer van en na skool en na sportbyeenkomste. Kontak haar vir verdere besonderhede by benkezeelie@gmail.com of Whatsapp of skakel

4 Saamrygeleentheid gesoek middae vanaf skool na Gezina, 8ste Laan x 2 kinders asb. Kontak asb vir Michelle Watkins op of michelle.jacobsz002@gmail.com. Saamrygeleentheid gesoek in middae na Karel Trichardtstraat, Mountain View, kontak Hannelie by Enigiemand wat kan help met n saamrygeleentheid vanaf Grootfontein/Moreletta Park kontak asseblief vir Moira du Plessis by of Andries du Plessis by of e-pos jorrieduplessis@gmail.com. GRAPJAS Wat noem jy n hond wat toertjies doen? n Labrakadabrador. FONDSINSAMELINGS Ondersteun asseblief vir Total wanneer u brandstof ingooi. By Total Hertzogstraat gooi u die strokie in die houer gemerk HTS John Vorster. Die skool kry n gedeelte terug. Total Totiusdal het n lojaliteitskaart bekend gestel. Wanneer u weer daar brandstof ingooi, vra vir die strokie waarop u kan registreer vir die kaart, wat u dan gee wanneer u brandstof ingooi. Die skool ontvang dan n gedeelte terug. My School Gebruik u MySchool kaart wanneer u aankope doen, die skool kry n persentasie en u kry ook afslag op u aankope. Vir meer inligting gaan na of skakel hulle op U kan ook n aansoekvorm by die algemene kantoor kom afhaal. Makro Daar is n moontlikheid van twee opsies: Indien u nie n Makrokaart het nie, kan u aansoek doen om n kaart te bekom. U kaart word dan aan HTS John Vorster se rekening gekoppel en die skool ontvang n persentasie van die wins van die aankope in die vorm van n rabat. Indien u wel n Makrokaart besit, kan u ook die vorm voltooi en versoek dat die kaart aan HTS John Vorster gekoppel word, sodat die skool vir alle aankope wat u by Makro maak, die rabat ontvang. BlitsElektries Wanneer u enige aankope by Blits doen, noem die skool se naam sodat hulle dit kan aanteken, die skool ontvang krediet. PnP Die PicknPay Waverley hou weer n kompetisie waarin die wenskool R kan wen, die tweede plek R14 000, die derde plek R8 000, die vierde plek R4 000, die vyfde plek R3 000 en die sesde plek R Ondersteun ons asseblief deur u strokie in die houer gemerk HTS John Vorster, te gooi.

5 ADVERTENSIES Om hier te adverteer, kontak die skool.

6 STRES ONTLAAIER