HOËRSKOOL OUTENIQUA. Die lewe is nie altyd wat jy wou hê nie, maar dit is al wat jy het, so maak daarvan wat jy kan.

Transcriptie

1 HOËRSKOOL OUTENIQUA POSBUS 181, GEORGE 6530 Tel: faks: NOVEMBER 2015 INLEIDING Baie dankie dat u Hoërskool Outeniqua vir u kind gekies het om sy/haar hoërskoolloopbaan voort te sit. Die aanvaardingsbrief van elke gr.8-leerder is reeds aan ouers gestuur en indien u nog nie die antwoordstrokie en vakkeusevorm teruggestuur het nie, moet dit asseblief so spoedig moontlik gedoen word. Wees verseker dat ons ons beste sal lewer in belang van ons kinders se toekoms. Ons wil die hoop uitspreek dat u en u kind baie gelukkig sal wees hier in Kwaggaland. Dit is ons strewe dat leerders gelukkig, suksesvol en gebalanseerd sal wees en dat ons die beste skool vir elke kind sal wees. Die lewe is nie altyd wat jy wou hê nie, maar dit is al wat jy het, so maak daarvan wat jy kan. BLADSY 1 EKSAMEN Ons wil aan u as gr. 7-ouer en ook aan al ons gr.7 s sterkte en sukses toewens vir die laaste belangrike skof van die jaar. Ons vertrou dat dit met almal baie goed sal gaan. Ons versoek dat elke ouer asseblief sal toesien dat u kind n afskrif van sy/haar finale rapport van gr. 7 op die eerste skooldag in 2016 by die skool inhandig. KLEREDRAG Die kleredrag van Hoërskool Outeniqua is n sentrale deel van die skool se funksionering en tradisie. Daarom kan hierdie aspek van die skool nie losstaan van die besluitnemingsproses en visie van die skool nie. Aangesien elke leerder, ouerhuis en verskaffer deur ons kleredrag geraak word, is dit dus van kardinale belang dat die bestuur van die skool n duidelike strategie en visie met skooldrag het en dat hierdie visie na elke ouerhuis, leerder, onderwyser en na die betrokke verskaffers gekommunikeer word. Die doel van skooldrag in die algemeen kan as volg saamgevat word: Dit kweek n gevoel van samehorigheid; Leerders en die gemeenskap kry die gevoel van identiteit; Netheid word aangemoedig; Dit veroorsaak dat alle leerders onder dieselfde kam geskeer word wat kleredrag betref; Die ouerhuis spaar geld.

2 KLEREDRAG (vervolg) Leerders dra in die somer somersdrag, vanaf die dag na die prysuitdeling in die vierde kwartaal tot en met die eerste Maandag in Mei. Wintersdrag word die res van die jaar gedra. Die reënbaadjie mag slegs gedra word op n dag wat dit werklik reën en moet in die klaskamer uitgetrek word. Die kleurbaadjie word Maandae tydens saalperiode en in die winter saam met die reënbaadjie gedra. Baadjies is vir alle saalbyeenkomste verpligtend. Somersdrag vir seuns: Grys broek (kort of lank) Wit kortmouhemp met skoolwapen Grys skoolsokkies (met skoolstrepe) Swart skoolskoene met veters Bruin of swart leerbelt Skool-oortrektrui met skoolwapen Skooltrui met skoolwapen Reënbaadjie AMPTELIKE SKOOLDRAG: Somersdrag vir meisies: Geel skoolrok met skoolwapen Wit kortmouhemp Wit sokkies Swart skoolskoene Skool-oortrektrui met skoolwapen Skooltrui met skoolwapen Reënbaadjie Wintersdrag vir seuns Grys langbroek Wit dashemp Grys skoolsokkies (met skoolstrepe) Swart skoolskoene met veters Bruin of swart leerbelt Serpe (slegs klerebankserp) Skool-oortrektrui met skoolwapen Langmou skooltrui met skoolwapen Reënbaadjie Kleurbaadjie Skooldas Kwaggadrag (opsioneel) (nie verpligtend) Kwagga chino s Swart skoolskoene Skoolsokkies by chino-broek Swart gholfhempie (Gees) Reënbaadjie Chinorompie Wit sokkies by rompie in die somer Swart sykouse by die rompie in die winter Sportdrag Soos deur die onderskeie sportgroepe vasgestel Wintersdrag vir meisies Geel skoolrok Wit dashemp Swart sykouse Grys langbroek Swart skoolskoene Skool-oortrektrui met skoolwapen Serpe (slegs klerebankserp) Skooltrui Reënbaadjie Kleurbaadjie Skooldas Skool sweetpak Sweetpakbroek Reënbaadjie Swart gholfhempie (Gees) Wit Kwagga-oefenhemp Kwagga-kortbroek Kultuur Soos vasgestel deur die kultuuraktiwiteit BLADSY 2

3 VERSKAFFERS De Jagers: Somersdrag, Wintersdrag, Skoolskoene, Rugby- en hokkiekouse, Kwaggadrag, Sweetpakbroek, Reënbaadjie, Krieketklere, Tennisklere, Muurbalklere, Sportsakke, Kort oefenbroeke. Tel: Klerebank: Tweedehandse klere, Oortrektrui, Skooltrui, Serpe, Sykouse, Dasse, Hokkiekouse. CIA: Netbalklere, Swemklere, Atletiekklere, Hokkiesakke, Netbalrugsakkies. Tel: Bemarkingskantoor: Ondersteunersbaadjies en ondersteunerstruie. Probleme met verskaffers moet skriftelik na Mev Marietjie Kalp deurgegee word. KLEREBANK Die skool beskik oor n klerebank waar sekere tweedehandse en nuwe klere aangekoop kan word. Dit is by die skool geleë. Die klerebank sal soos volg oop wees: Woensdag, 9 Desember 2015 en Donderdag, 10 Desember 2015 (08:00-10:00). Maandag, 11 Januarie 2016 en Dinsdag 12 Januarie 2016: (9:00-12:00) Die res van die jaar gedurende eerste pouse WAT WORD WANNEER GEDRA? AKTIWITEIT DRAG KOMMENTAAR Gewone skooldag Indien gereël op sommige skooldae LO-periodes Kleuresport Indien skool op n naweek weggaan, bv. interskole teen Paarl Gim. Sport in spanne op n weeksdag/ individuele groepe op naweke bv. tweekamp, n hokkiespan ens. Wintersport Ander buitemuurse aktiwiteite Wintersdrag (eerste Maandag in Mei) Somersdrag (Na die prysuitdeling) Kwaggadrag Swart gees gholfhempie/wit oefenhemp, Swart skool Quantec oefenbroekie, sweetpakbroek Skoolsweetpak, Swart gees gholfhempie/ wit oefenhempie/ atletiekfrokkie -Kom daardie dag met Kwaggadrag skool toe en ry daarmee. Indien nie Kwaggadrag het nie ry in skooldrag. -Die Saterdag dra wintersdrag Skoolsweetpak Wintersdrag Soos gereël deur afrigter -Reënbaadjie slegs op n reëndag -Meisies geen belde -Seuns mag nie buckle belde dra nie. -Geen Jeans -Skoolskoene -Skoolsokkies -Daar moet vroegtydig kennis gegee word deur die skool Kan in sweetpak skool toe kom met swart gholfhempie en tekkies BLADSY 3

4 SKOOLTASSE: Dit is vir ons baie belangrik dat ons leerders n goeie en stewige skooltas moet hê. Ons beveel dit baie sterk aan dat as u n nuwe skooltas moet koop, dit verkieslik n stewige swart skooltas met genoeg afskortings moet wees. LAATKOM: Laatkommers moet by die koshuishek inkom en eers by die Adminkantoor aanmeld en inteken alvorens hulle klas toe gaan. UITTEKENBELEID 1. Ouers moet n brief saam met die leerder stuur wanneer hulle gedurende die dag vir afsprake moet uitteken. Hierdie brief moet soggens voor skool of gedurende adminperiode by die uittekenkantoor ingehandig word. 2. Leerders word verkieslik nie voor 1ste pouse vir ongesteldheid uitgeteken nie. 3. Geen leerder wat ongesteld raak mag self hul ouers kontak om hulle gedurende die dag te kom haal nie. Leerders wat self hul ouers kontak, sal onmiddellik n geel kaart kry en hul selfone sal afgeneem word. Leerders meld gedurende pouses by die uittekenkantoor aan. Mev Strydom sal dan die ouers kontak. TOEGANG Ons doen n beroep op ouers om te alle tye van die Beyers Tehuisingang gebruik te maak. Dit is uiters gevaarlik vir die leerders om Courtenaystraat oor te steek. Soggens en smiddae moet u van die parkeerterrein agter die skool gebruik maak. U samewerking in hierdie verband sal waardeer word. Indien u nie elke keer by die sekuriteitswagte wil inteken nie, kan u teen R100 per jaar n plakker koop wat in u motor se voorruit geplak word. Plakkers is beskikbaar by mnr Otto van Vuuren (by die hek) of by die Kassier. SELFONE Die selfoonbeleid van die skool bepaal dat leerders nie tydens die skooldag n selfoon by hulle mag hê nie. Leerders wat selfone skool toe bring moet dit soggens voor skool by die klerebank inhandig en toesien dat Mev. Scriven of die helper dit inteken. Indien selfone by leerders gevind word, sal n geelkaart uitgereik word, moet die leerder detensie sit en die selfoon sal vir 7 skooldae geskut word. Indien die selfoon nie deur Mev. Scriven of n helper ingeteken is nie, kan die skool nie verantwoordelikheid vir die wegraak van selfone aanvaar nie. BLADSY 4

5 FINANSIES 1. Finansiële verpligtinge vir Ouers vir die Jaar 2016 Volgens die SA Skolewet is ouers wetlik verantwoordelik vir die betaling van verpligte onderriggeld. Die skool werk volgens n begroting en om dit te laat klop, moet elke ouer sy verantwoordelikheid aanvaar en nakom. Aan die begin van die jaar moet elke ouer/voog n ondernemingsvorm voltooi waarin hy/sy verklaar op welke wyse hy/sy, sy/haar kind/ers se onderriggeld gaan betaal. Die vorm sal op die 1ste skooldag deur die registeronderwysers uitgegee word en moet die volgende dag weer ingehandig word. Koshuisleerders handig dit die daaropvolgende Maandag in. Die Beheerliggaam versoek ouers om die vorige kwartaal se onderriggeld klaar te betaal voordat die volgende een in aanvang neem. Onderriggeld is betaalbaar vanaf Januarie tot en met Oktober. Rekeninge moet ten volle teen 7 Oktober betaal wees. Biologiese ouers mag aansoek doen vir gedeeltelike of algehele vrystelling. Die voorgeskrewe vorm is by die skool verkrygbaar. Ouers moet die vorm ASSEBLIEF PERSOONLIK AFHAAL. Vorms moet volledig voltooi word en met stawende dokumente teen Maandag 15 Februarie 2016 ingehandig wees. 2 Finansiële reëlings vir 2016: Die voorlopige onderriggeld kan as volg betaal word: * n Enkelbedrag: R16, per leerder per jaar, betaalbaar voor 28 Februarie. * 2,5% afslag word gegee indien u die volle bedrag voor 28 Februarie 2016 betaal * Per kwartaal: R4,107.50, betaalbaar 23 Jan / 1 Apr / 1 Jul / 1 Okt * Per maand: Tien paaiemente van R1,643.00, betaalbaar voor die 7de van elke maand, met eerste betaling voor/op 15 Januarie. Per debietorder: Tien paaiemente van R1, Die debietorderstelsel word baie sterk aanbeveel. Ongelukkig geen kaartfasiliteite. Kassiere: Kantoorure 07:20-13:30. 3 BANK EN BETALINGSBESONDERHEDE: Die skool se bankbesonderhede is: EERSTE NASIONALE BANK Tjekrekeningnommer Takkode Indien u nog nie u kind se rekeningnommer het nie, gebruik asseblief die leerder se naam, van en graad as verwysing. Kontak Mev J Venter by die skool (tel ) vir enige besonderhede rakende direkte deposito s, elektroniese oorplasings of besondere behoeftes. Faks bewys van betaling na of BLADSY 5

6 UIT DIE BEMARKINGSKANTOOR Nuwe ouers wat graag by die skool se fondsinsameling en ander aktiwiteite wil inskakel, is ten alle tye welkom om met Mev Ronél Lamprecht te skakel by: Tel: Sel: Epos: KOMMUNIKEERDER Bly op hoogte van die gebeure in en om die skool. U kan die kommunikeerder direk van die webtuiste aflaai by Kies dan net Hoërskool Outeniqua uit die lys van skole. Die skoolkommunikeerder is ook mobiel! Elke persoon wat n selfoon het wat op die internet kan gaan, kan nou die kommunikeerder op hul selfoon gebruik. Volg die volgende stappe: Gaan na die Webadres: Soek Hoërskool Outeniqua in die lys. BLADSY 6

7 MySchool kaart Indien u nog nie n MySchool kaart het nie, is u welkom om een te kry by die skool se Bemarkingskantoor, aanlyn by of by enige Woolworths tak. Deur die gebruik van die MySchool kaart, kan u help om fondse in te samel vir Hoërskool Outeniqua. Hoe werk dit? Die kaart is GRATIS, onthou asb net die volgende: Kies Hoërskool Outeniqua George as begunstigde. Gebruik gereeld u MySchool kaart by alle deelnemende besighede/ besigheidsvennote. Vir meer inligting kan u gerus ook die skool se MySchool verteenwoordiger kontak: Marcelle Scholtz by BLADSY 7

8 KULTUURAKTIWITEITE Die volgende persone kan by die skool gekontak word met betrekking tot die kultuuraktiwiteite wat by die skool aangebied word: Vokale ensemble: Ensembles: Drama: Redenaars: Debat: Kontak me K. Netley vir oudisies. Oefentye: Dinsdag Vrydag van 7:20 8:00 en Maandae tydens saalperiode. Instrumentaal: Me. K. Roux en H. van Staden (musiekblok) Blokfluit: Me. H. Essel (L/S Outeniqua) Kontak Mev. Heyneman (kamer 19). Kontak me. K. Herbst (dramalokaal) Personeel betrokke: mev. I. de Waal (kamer 55), dr. Y. Pretorius (kamer 12), M. Reitz (kamer 6). Die ATKV Redenaarskompetisie. Radikaal Redenaarskompe tisie: Kontak me MJ Smith (kamer 14) Graadkompetisies: Me. L. Pretorius (kamer 13) Praatsaam kompetisie stel jou aan debat bekend. Die skool se ATKV debatspanne sal na die kompetisie saamgestel word. Ons neem ook aan die Dink-of-Sink kompetisie by H/S DF Malan teen die Kaapse skole deel. Kontak mnr. L. Roets (kamer 42) Ontwerp vir Werk kompetisie: Wear Art kompetisie. Me. E. Pretorius het hierdie nie-winsgewende organisasie gestig om werk te skep. Leerders vanoor die hele Suid-Kaap neem deel. Hulle ontwerp en maak pragtige bemarkbare produkte. Inskrywingsvorms by me. Pretorius beskikbaar.(langs Klerebank) Kwagga Kreatief: Dansakademie: n Keur uit die skryfwerk van OHS leerders verskyn aan die einde van die jaar in die Kwagga Kreatief. Kontakpersoon: mev. M. Reitz (kamer 6) + mev. A van Santen (kamer 59) Almal wat belangstel om sosiaal te leer dans of aan Ballroom en Lat in-kompetisies wil deelneem, kontak mnr. Wehan van Jaarsveld in die danslokaal agter die saal. Skryfskool: Kontak mev. A. Louw in kamer 2. SKOLE HEROPEN Die skole heropen op Woensdag, 13 Januarie 2016 om 07:30 vir alle leerders in grade 9 tot 12. Ons nuwe graad 8's van 2016 begin reeds op Dinsdag, 12 Januarie 2015 om 08:00. Ons begin die skooljaar met 'n saalbyeenkoms in ons skoolsaal vir al ons leerders. Skooltye vir die res van die jaar is 07:30-14:10 (Woensdae indien VCSV-periode sluit die skool 14:15 en vir diegene wat nie VCSV bywoon nie 13:45) TEN SLOTTE Ons het die afgelope skooljaar ontelbaar seëninge van ons wonderlike Hemelse Vader ontvang. Ons loof en prys Hom vir alles. Hoërskool Outeniqua gaan ook die jaar 2016 tegemoet in volle afhanklikheid van ons Hemelse Vader. Indien u enige verdere besonderhede of inligting van Hoërskool Outeniqua verlang, kontak gerus die skool. BLADSY 8

9 SKRYFBEHOEFTES 2016 GRAAD 8 LEERAREA TGK: AFRIKAANS TGK: ENGELS WGWWW NW SW EBW K & K ITEM 2 x 192 bladsye hardeband skryfboek 1 x Flipfile (20) 1 x 96 bladsye hardeband skryfboek 1 x A4 plastieksakkies vir ringlêer 1 x A4-96 bladsye hardeband skryfboek 1 x A4- skryfblok 1 x Flipfile (20) 2 x A4 192 bladsye hardeband skryfboek 1 x Flipfile (20) 2 x A4-72 bladsye sagteband skryfboeke 2 x Flipfile (10) 2 x A4 plastiese sakkies SW: Gesk: 1 x A4 Sagteband skryfboek (72 bls) SW: Aard: 1 x A4 Sagteband skryfboek (72 bls) 1 x A4-72 sagteband skryfboek 1 x Flipfile (20) 2 x A4 Plastiese lêersakkies 2 x A4-72 bladsye sagteband skryfboek 2 x 2B- of 3B- potlode 1 stel kleurpotlode TEG 1 x Flipfile (20) 1 x A4-72 bladsye sagteband skryfboek 1 x HB- potlood 1 x Passerstel LO 1 x A4-72 bladsye sagteband skryfboek 1 x A4 Plastiese lêersakkie LO Klere (Kwaggahempie en swart broekie) IT 1 x Flipfile (10) 1 x A4 plastiese sakkie BLADSY 9

10 HOËRSKOOL OUTENIQUA N BAIE BELANGRIKE KENNISGEWING AAN DIE GRAAD 8 s VAN 2016 JULLE OPEN N DAG VROEËR, IN SKOOLDRAG OP DINSDAG: 12 JANUARIE 2016 om 08:00 Alle Graad 8's MOET 12 Januarie 2016 om 08:00 voor die saal aanmeld. Trek somersdrag aan sonder jou skoolbaadjie. Jy hoef nie al jou skryfboeke te bring nie. Pak slegs jou pennesakkie, huiswerkboek en notaboek/skryfblok in jou tas. DAGPROGRAM: DINSDAG, 12 JANUARIE Tyd : 08:00-13:50 2. Opening (slegs leerders) : 08:00-08:30 3. Indeling in klasgroepe : 08:30-10:00 4. Pouse : 10:00-10:30 5. Skoolrooster en Handboeke : 10:30-12:00 6 Pouse : 12:00-12:15 7. Verwelkomingsprogram : 12:15-13:50 8. Skool sluit : 13:50 WOENSDAG: 13 JANUARIE 2016 Skooltyd: 07:30-14:10 BEGIN MET SAALBYEENKOMS. (Onthou jou kleurbaadjie dit is verpligtend) Vriendelike groete Mnr J Els / Mev H Erasmus GR 8 GRAADHOOFDE 2016 DIE SKOOL VIR ELKE KIND BLADSY 10

11 HOËRSKOOL OUTENIQUA Graad 8 Kamp 2016 Liewe Gr. 8 Ons glo julle is net so opgewonde soos ons vir die nuwe jaar. Hoërskool Outeniqua bied vir jou n nuwe begin met nuwe uitdagings en geleenthede. Voordat jy jouself egter n waardige Kwagga kan noem, moet jy eers jou strepe kry, want sonder strepe is n Kwagga maar net n donkie. Daar is n ou legende in Afrika wat vertel hoe n kwagga sy strepe gekry het: Lank, lank gelede was die aarde baie droog. Bobbejaan het homself die Koning van die Watergat gekroon en het geen ander dier toegelaat om die water van sy watergat te drink nie. Hy en Kwagga het toe in n geveg betrokke geraak oor die water en met die gestoei het Kwagga in Bobbejaan se vuur geval. Die houtstompe in die vuur het swart strepe oor Kwagga se hele lyf gebrand. Vir julle is dit gelukkig nie so pynlik om julle strepe te kry nie. Om jou eerste streep te verwerf moet jy net die Gr. 8 kamp kom bywoon. WANNEER? Donderdag 14 Januarie 2016 vanaf 15:45 tot Vrydag 15 Januarie 2016 om 14:10. Wat benodig jy om hierdie kamp te oorleef? Middag- en aandete vir Donderdag (onthou ekstra eetgoedjies en baie water vir deur die dag) Slaapsak en kussing Toiletware Warm klere Klere wat kan vuil en nat raak Niks waardevols en GEEN selfone nie Sonskerm en hoed TONNE energie Belangrike Reëlings: Skool begin vir alle Gr. 8 s op DINSDAG, 12 JANUARIE 2016 om 08:00. Dinsdag sal die skool om 13:50 eindig. Woensdag 13 Januarie 2016 begin die skool om 07:30 en duur tot 14:10. Gr.8-leerders moet Donderdag vanaf 15:45 by die pawiljoen aantree. Kleredrag: Dinsdag, Woensdag en Donderdag - Skoolklere Donderdagmiddag en Vrydag - Gewone klere Groete Levin Muller HOOFSEUN Jané Neethling HOOFDOGTER BLADSY 11

12 GR 8 OUERAAND U word vriendelik uitgenooi na die Graad 8 Oueraand (Slegs ouers) Wanneer: Dinsdag 12 Januarie 2016 Waar: Hoërskool Outeniqua Skoolsaal Tyd: 18:00 vir 18:30 Ons wil n vriendelike tog dringende beroep op u as ouers doen om hierdie oueraand by te woon. Belangrike inligting en reëlings gaan aan u deurgegee word. BLADSY 12