SOOS 'N OLIFANT AAN 'N PAALTJIE

Transcriptie

1 Uitgawe: 004/ Februarie 2017 Hoof se Boodskap SOOS 'N OLIFANT AAN 'N PAALTJIE Het jy al by die sirkus gesien hoedat die sirkus olifante buitekant vasgemaak staan? Daar is 'n tou vas aan sy slurp en dan word die tou geanker aan 'n klein paaltjie wat so effens in die grond ingekap is. En daar staan mnr. Olifant! Hy bly net daar, beur nie aan die tou nie, en probeer nie wegkom nie - hy is só gekondisioneer. Nou ja, die slim mense sê 'n olifant kan in die natuur 'n ton oplig met sy slurp. Jy het sekerlik al die verwoesting gesien wat olifante aan die natuur kan aanrig, hoedat hulle bome kan breek ens. Die sterkste dier in die natuur, geweldige krag, majestueus, bang vir niks, niks keer hom nie. As hy kwaad word, hardloop jy nie, jy hardlóóóóp! En daar staan hy by die sirkus vasgemaak met 'n tou aan 'n paaltjie. Hy hoef nie eens te trek nie, hy kan net wegloop Só is dit dalk met my en jou ook. Wat bind jou aan 'n nietige paaltjie vas? Wié bind jou daaraan vas? Hoe lank gaan jy nog glo dat jou krag beperk is tot 'n garingdraad? Jy sien, God het jou meer gemaak as 'n sirkusdier wat gekondisioneer is om te glo dat hy verlaag is tot niks nie. Fil 4:13: "Ek is tot alles in staat deur Hom wat my krag gee". God het vir my en jou geskep na Sy beeld, Hy het sóveel in jou ingebou, dat jy nie nodig het om vasgebind te staan aan 'n paaltjie nie. Wie maak jou vas? Wie ontneem jou jou innerlike krag? Soms is dit jyself, omdat jy nie verstaan dat God genot in jou vind nie. Miskien is dit omdat jy nog sukkel om oorwinning te kry oor 'n slegte gewoonte, of 'n sonde vertroetel. Miskien verstaan jy nog nie God se genade nie. Soms bind ander mense ons met iets wat hulle oor ons sê; miskien is dit selfs net iets wat iemand baie lank terug gesê het, en dit "spook" vir ewig by jou. Ons steur ons nou maar eenmaal te veel aan ander mense se uitsprake en opinies. Ons maak staat op mense en word dan teleurgestel. Satan probeer natuurlik ook om ons vas te bind, deur ons te laat glo dat ons niks is nie. Hy is goed daarmee om jou aan jou swakheid te herinner. Nee wat, hy beteken niks. Hy is klaar oorwin. Wat is dit wat ons terughou van 'n vervulde lewe? Ongeloof - om nie te glo dat God ons baie, baie spesiaal gemaak het nie. Wat meer wil jy hê as om te weet dat jy na Sy beeld geskape is? Twyfel - twyfel in jouself, in jou vermoëns, twyfel in jou status voor God. Twyfel dat God regtig vir jou lief is en omgee. Twyfel kan die grootste reus terughou en hom laat dink hy is niks werd nie. Jou verlede - dit hou ons dikwels aan 'n ou klein houtpaaltjie vas. Ons het nou maar eenmaal die geneigdheid om eerder agtertoe te kyk as vorentoe. Miskien is dit omdat die verlede bekend is en die toekoms onseker? So sukkel ons dan om uit die wegspringblokke te kom. Hoërskool Bastion Tel : Faks : Trezonalaan Mindalore

2 Ons moenie langer soos 'n olifant aan 'n paaltjie vasgemaak staan nie. Dit is nou tyd om daardie paaltjie uit te pluk. Maar hoe? Neem die plek in wat God vir jou bedoel het in. Gaan staan in die oorwinning van die krag wat die Here in jou ingeplant het. Hou op om vas te hou aan iets wat iemand dalk in die verlede oor jou uitgespreek het. Verander jou lewensuitkyk van negatief na positief. Dit is nét jou keuse. Hou op om jouself bloot te stel aan negatiewe gesprekke, of negatiewe media. Staan die duiwel teë en hy sal van jou af wegvlug. As jy swak voel, en vasgebind voel, gaan soek jou krag in Jesus Christus. Deur Willem Botha (Heuning.co.za) Boodskap Graag verwelkom ons die nuwe personeel wat by ons aangesluit het by Bastion Mnre. Vernon Lategan (Assistent onderwyser) en Hendrik van Niekerk (Busbestuurder en Terreinbestuurder- Velde), Mee. Amanda de Jager (Voogwerk/Opvoedkundige Leiding) en Daniela Janse van Rensburg (Administrasie). Ons wens u graag baie sterkte toe in die vaste vertroue dat hulle sal help om n positiewe verskil by ons skool te maak. Ek vertrou dat u gelukkig sal wees by ons Bastion Familie. Geluk aan ons nuutverkose Beheerliggaamslede Me. Jacky Taylor, Mnre. Leon Zevenster en Leon van Staden. Ons wens u graag sterkte toe in u groot taak en bedank u graag by voorbaat vir u bydraes tot die skool se suksesse van die toekoms. Akademiese Inligtingsaande Baie dankie aan die ouers en leerders wat elke Inligtingsaand bygewoon het, ons vertrou dat almal nou slaggereed is vir die akademiese uitdagings hierdie jaar. Ouers wat die sessies nie bygewoon het nie moet asseblief dringend met die onderskeie Graadhoofde in verbinding tree ten einde te verseker dat u die korrekte inligting sal ontvang om u kind te ondersteun in hierdie jaar. Baie dankie aan die personeel wat alles moontlik gemaak het. Atletiek Baie dankie aan elke atleet en afrigter wat met oorgawe deelneem en ons atletiekkrag ontwikkel. Die atlete het verlede week pragtige prestasies behaal en ek wens jou en elke afrigter geluk! Sterkte vir die byeenkoms vanaand by Hoërskool Florida! Kom ouers en mede-leerders ondersteun ons kinders asseblief daar. 5km Colour Run Graag bedank ek Mnr. David Gouws en die personeel vir die uitstekende reëlings tydens ons skool se eerste wedloop wat ʼn reuse sukses was. Aan elke ouer en leerder wat in groot getalle deelgeneem het my opregte dank vir die wonderlike gees en u deelname. Ek vertrou dat die grondslag gelê is vir die toekoms en dat hierdie pretloop van krag tot krag sal groei. Inskrywings 2017 Baie dankie aan elke personeellid, ouer en kind wat besluit het om vanjaar betrokke te wees by ons pragtige skool. Die Graad 8 inskrywings is die hoogste in jare 191 leerders! Ons skool het ʼn ongelooflike groei beleef en het van 668 leerders in 2015 gegroei tot 801 op die 10de skooldag vanjaar! Baie dankie Bastion word weer die krag om mee rekening te hou! Baie sterkte vir die week wat voorlê. Bastiongroete Mnr. Gert Koekemoer

3 6 Februarie 2017 Beheerliggaamvergadering 10 Februarie 2017 Atletiek: Bergsig (Rustenburg) 14 Februarie 2017 Atletiek: PUK-Inter (Potchefstroom) 16 Februarie 2017 Atletiek: Cluster (Tuis) 25 Februarie 2017 Atletiek: D2-kampioenskappe (Noordheuwel) VLR: VLR sal op Maandag, 6 Januarie 2017 aangekondig word. Die VLR inhuldiging sal op Donderdag, 9 Januarie 2017, plaasvind. AFRIKAANS HUISTAAL GR 12 DATUMS VIR KLASTOETSE EN OPDRAGTEN (EERSTE KWARTAAL) 10 Februarie 2017 Woordsoorte BL (Viva) 17 Februarie 2017 Sinsleer BL (Viva) 24 Februarie 2017 Ander leerwerk BL (Viva) 3 Maart 2017 Gedigte teminologie 10 Maart 2017 Inhoudstoets (Mis) Stelwerkopdragte: Opstel 2 6 Februarie 2017 Opstel 3 13 Februarie 2017 Transaksioneel: Februarie Februarie Maart 2017

4 ATLETIEKBYEENKOMSTE DR MALAN Baie dankie aan al die leerders wat deelgeneem het aan die Dr Malan atletiekbyeenkoms. Die atlete wat nie by hul punte uitgekom het nie, sal eerste pouse aangespreek word deur die hoof. Ons het in die byeenkoms uit 120 items 52 podiumplekke behaal. OEFENTYE: Maandae half 3 tot 5 uur (omdat dit akademiese middag is) Dinsdag 2 uur tot half 4 Donderdae 2 uur tot half 4 Ons vra dat alle atlete asb by oefeninge sal uitkom. Kom ons maak dit n goeie massa atletiekseisoen, dit is net n maand lank Indien u enige atletieknavrae het, kontak asseblief vir Mnr. Gouws KRIEKET: Oefening Dinsdae en Donderdae: 15:30 17:00 Alle seuns moet by hul afrigters uitkom. Krieket kry in die 1ste kwartaal voorkeur bo rugby. WEDSTRYDE: Wedstyd datums en oefenklere sal aan leerders voorsien word deur hul afrigters. Indien iemand bereid is om een van die spanne se klere te borg, kontak Mnr. Fourie vir verdere inligting. Krieketgroete Mnr J. Fourie JHB League (4 Februarie 2017) O/14 Bastion VS Dainfern O/15 Bastion VS Dainfern 1ste Bastion VS Dainfern RUGBY: Oefening Dinsdae en Donderdae: 15:30 (Nie-krieketspelers) Woensdag 14:00 Jump Strech op A-rugbyveld Rugby-en hokkiekouse te koop teen R50.00 per paar, betaalbaar by Finansieskantoor. Kwitansie kan dan na Mnr Pretorius geneem word om kouse te kry. Rugby-oefentruie beskikbaar teen R50.00 n trui, betaalbaar by Finansieskantoor en afhaal by Mnr Pretorius. NETBAL: Dinsdae & Donderdae 15:30 16:30 HOKKIE-OEFENING: Dinsdae & Donderdae 15:30 17:00 (Alle leerders moet asb van die hokkieveld afbly) JUMPSTRECH (REKKE) Maandae direk na skool vir leerdes wat nie betrokke is by ekstra klasse nie. Woensdae direk na skool.

5 KOOR: Oefening Dinsdae en Donderdae oggende in L204 om 06:45 ALLEGRETO EISTEDDFOD Inskrywings is reeds oop vir Afrikaans, Engels spraak en drama, Dans, Tiara (Modelwerk) en visuele kuns teen R50.00 per inskrywing en vokale afdeling R65.00 per inskrywing. GROENTJIEKONSERT Baie dankie vir groot hoeveelhede toeskouers by ons groentjie konsert. Dankie aan die positiewe en motiverende ouers. Ons het n sterk en talentvolle groep graad 8 s. Kom ons motiveer ons graad 8 s om aan alle moontlike kultuur aktiwiteite deel te neem. GRAAD 8 Capping Seremonie Hierdie funksie het plaasgevind tydens die groentjiekonsert se gala-aand. Al die graad 8 s het gekwalifiseer om hulle skoolbaadjies te dra en is opgeneem in die Bastion familie. Welkom as volwaardige Bastioners. Graag wil ons die volgende onder u aandag bring: U skoolfondsrekening moet asseblief stiptelik elke maand betaal word. Debietorders vergemaklik u en ons taak. Vorms kan by die finansiële kantoor afgehaal word. U kan inbetalings direk in die bankrekening van die skool betaal. Ons vra dat alle ouers wat subsidievorms indien, die voledige dokumentasie saam dit ook sal indien. Bankbesonderhede is as volg: (ONTHOU ASB U VERWYSINGSNOMMER) ABSA Bank Horison Rekeningnommer: Takkode: Rekeningverwysingsnommer SNOEPIE: Ham en Kaas R14.00 Spek en Kaas R14.00 Hoender Mayo R14.00 Slap Tjips R12.00 Ysies R3.00 Biltongwiele R6.00 KLERE: Ons versoek dat ouers ons sal help om tweedehandse skoolklere wat nog in n goeie, bruikbare toestand is, aan die skool te skenk. Klere kan by ontvangs afgelewer word. Baie dankie vir u sameerking om ander te help.

6 Ons herinner u graag daaraan om ons skool op sosiale media te volg om op hoogte te bly van nuus en belangrike inligting wat die skool en u kind mag raak. VOLG ONS: Facebook: Twitter: Instagram: WEBBLAD: Onthou ook om van tyd tot tyd op ons webblad te gaan inloer by en om die d6-kommunikator op u selfoon en/of rekenaar af te laai (u kan dit sommer direk van ons webblad af doen). Op hierdie manier sal u altyd weet wat by die skool gebeur. Die skool se kommunikator is in volle werking. U kan die app laai op u selfoon deur middel van die volgende stappe: 1. Gaan na Playstore. 2. Laai die D6-schools communicator af. 3. Gaan op Hoërskool Bastion in. Alle nuusbriewe kan via hierdie link afgelaai word. HOËRSKOOL BASTION OP MOODLE: Moodle is n aanlyn, elektroniese studiemiddel waar leerders en ouers kan aansluit en werk, huiswerk, ou vraestelle en take kan aflaai vir die leerder, asook met onderwysers kommunikeer. Moodle kan besoek word deur in die adresbalk in te sleutel op u webblaaier of die toep kan afgelaai word vir ios en Android slimfone.

7 Navigeer rond op die moodle Dashboard blad. Onder die courses afdeling sal al die grade en vakke gevind word met al die dokumente wat afgelaal kan word.

8 ATLETIEK: Dogtersatleet van die dag is Natasha Jones: 773 punte behaal in gewigstoot met n afstand van11.14 m. Sy ontvang n medalje. Seunsatleet van die dag was Aiden du Plooy in diskus met n afstand van m en behaal 835 punte. Hy ontvang n medalje Aiden du Plooy, Anthony Maartens, Ashley Shaw, Marine Lamprecht, Eric Cloete, Kayla Watson, Alexander Harkema, Damian Gericke en Allisa Liebenberg ontvang elk n topatleethemp. Sodra n atleet bo 700 punte behaal, ontvang hy/sy n topatleethemp. NAVRAE: Indien u enige navraag het, sal ons dit waardeer indien u die volgende personeellede sal kontak: AKADEMIE: Algemene navrae Dr. van Loggerenberg of Mnr. Bartmann (gerhardus.vanloggerenberg@bastionhs.co.za / tinus.bartmann@bastionhs.co.za) Akademiese studierigting Me. Boshoff (engela.boshoff@bastionhs.co.za) Ingenieurswese Me. Marx (ina.marx@bastionhs.co.za) Gasvryheid Me. Jonker (lynette.jonker@bastionhs.co.za) Kuns en drama Me. Van Zyl (petru.vanzyl@bastionhs.co.za) SPORT: Mnr. Wesley Pretorius (wesley.pretorius@bastionhs.co.za) KULTUUR: Me. Leonie Van Kraayenburg (leonie.vankraayenburg@bastionhs.co.za) FINANSIES: Me. Marianne Pretorius (finansies@bastionhs.co.za) ADMINISTRASIE: Me. Amanda de Jager (admin@bastionhs.co.za) FASILITEITE HUUR: Saal Mnr. Bartmann (tinus.bartmann@bastionhs.co.za) Klubhuis Mnr. Pretorius (wesley.pretorius@bastionhs.co.za) Ouditorium Me. Van Kraayenburg (leonie.vankraayenburg@bastionhs.co.za) Konferensiekamer Me. De Jager (admin@bastionhs.co.za) TERUGVOERING: Het u kind presteer? Het u die skool in kennis gestel? Stuur asseblief aan hoof@bastionhs.co.za sodat u kind die erkenning ontvang wat hy/sy verdien. ADVERTEER: Epos navrae oor hoe om te adverteer na admin@bastionhs.co.za