2017 Vastelaoves Gezét. n e. Vastelaoves Vereiniging. Haler-Uffelse. Jaargang 9. Januari 2017

Transcriptie

1 2017 Vastelaoves Gezét n e b b a d e b b a R De Vastelaoves Vereiniging Haler-Uffelse Jaargang 9 Januari 2017

2 Prins oetroope

3 Van de Loco... Biste minse van Haler-Uffelse, Ut waerdj langzaamaan geweuen det ich ut veurwoord sjrief veur de Vastelaoves Gezét van de Rabbedabben, mer ich mot den auch mer directj verklappe det dit mien litste veurwoord is. En auch mien litste beukske det ich gaon maake. Vanaaf ut komendje sezoeën zal eemes van de Raod det stekske van mich gaon euvernömme Weem? Det is nog ein verrassing! Komendj jaor zeen de verkeezinge en ich gaon dur vanoet det ich den neet mieer herkooze waer, dus auch geine loco mieer bin. En den hiltj ut veurrecht om ut veurwoord te sjrieëve vanzelf op :-) Alweer ein jaor veurbie, waat vluugtj de tieëd snel. Ein jaor woa in weer van alles is gebeurdj. Wae höbbe weer eine gooje vastelaovendj gehadj aafgelaupe jaor, woa Prins Luc I en zien Prinses Esmée mit veul enthousiasme de scepter höbbe gezweidj euver os Rabbedabbe-rieëk in Haler-Uffelse. Same mit de Jeugdraod höbbe ze Haler-Uffelse daag oppe kop gezatte! Wae haaje weer eine sjoeëne Bóntje Aovendj en auch weer eine sjoeëne optocht. Veur ut ieërst in os bestaon waerdje wae geconfronteerdj mit ein medisch incident net veuraaf aan de optocht. Troewe bezeuker van de Halerse vastelaovendj en de optocht, Thei Vestjens, waerdje net veur aanvang van de optocht neet te gooj en most door unne ambulance waere opgehooldj. Helaas is Thei s aoves in ut zeekehoeës euverleeje. De optocht stardje bienao ein oor later en ut waer waas auch om te huule. Mer ut waas weer eine sjoeëne tocht dae door ut dörp trok. Daonao waas ut fieëst in Ós Dorpshoeës en ut Café. Veur dit jaor höbbe Rik en Maurice alles in ut wirk gestéldj om de Jeugdraod oppe bein te krieëge, mer de bevolkingskrimp zörgtj dur óngerangere veur det dit steeds moeilijker aan ut waere is. Mit veul pieën en meuetje höbbe zuu ein paar kinjer zoa wieëd gekrege det ze mit wille doon. Is dit ut inj van de Halerse Jeugdcarnaval? Laote wae ut neet hoope! Als de vastelaovendj auch nog ins wegvéltj, waat blieftj dur den nog euver in Haler aan gebroeëke en cultuur? Wae haaje auch weer eine TT in Haler en de parochie is ein paar kieer biejein gewaesj óm euver de pastoorsweuening te kalle. En aan ut inj van ut jaor sting zoa mer de oliebolle kraom van de Postcodeloterie op ut plein. De kal ging al det de hoofdprieës den auch waal in Haler-Uffelse zooj valle, mer bie ut ter perse gaon van dit beukske waas nog neet duudelijk of det zoa waas... Ut inj van dees bladzij kumptj alweer in zicht, dus ich gaon dur ein indj aan breije. Ut waas mich weer ein genoege om de rol van de burgemeister euver te mooge numme. Wae winse de noewe prins en adjudant van de Rabbedabbe hieël veul plezeer en succes mit de komendje vastelaovesdaag en wae hoope det ze dur net zoa veul plezeer in mooge belaeve es heur veurgangers! Resjt mich nog idderein te bedanke dae zich op waat veur maneer den auch heet ingezatte veur ut dörp ut aafgelaupe jaor. De gevleugeldje oetspraok van de burgemeister haoje wae dur dit jaor auch in: vraogdj neet waat Haaler veur uch kin doon, mer vraogdj uch aaf waat gae veur Haaler kintj doon! Auch naames de burgemeister wins ich idderein alle goods veur 2017 mit völ gezondjheid, leefdje en wiesheid! Naames de burgemeister, de loco!! Blaad 3

4 Van de Rabbedabben... In ut veurwoord steit ut al. Ut is alles behalleve mekkelijk óm de Jeugdraod bie ein te krieëge. Dit jaor is ut den auch eine mini-raod gewoore en veur de komendje jaore zuut ut dur geweuen neet good oet. Ut aantal kinjer waerdj steeds kleiner en die motte den auch nog zin höbbe om bie de Jeugdraod te gaon. Es Raod van hallef Elf zeen noe de gesprekke gestartj mit vastelaovesvereiniginge in de omgaeving om te polse welke meugelijkhede dur zeen om de vastelaovendj toch nog ein bietje in de locht te haoje. Nae, Erwin en Esther, det heet niks mit uch te maake. Jao, wae motte ein bietje veurzichtig zeen mét waat dur in dit beukske geplaatsjt waerdj, want de kal is zoa doa! En det wille wae natuurlijk neet op ós geweete höbbe... Volgendj jaor bestaon wae es Raod van hallef Elf 11 jaor. Bovestaondje is den auch gein good noews in ut licht van ein fieest of neet. Want waat als de Jeugdraod neet mieer laefdj? Gaon wae den als Raod van hallef Elf nog door? Want wae zeen toch eigelijk in ieerste instantie bezig mit ut actief promoote van de Jeugdvastelaovendj Mer wae höbbe dur waal zin in, dao ligktj ut neet aan. Mer wie wiejer? Wae zeen dao al mét bezig en wae zulle dao euver wiejer gaon kalle nao dees drukke daag. Zeen dur nog minse mét superideeje? Die zeen wae gaer komme óm mét te kalle euver de toekomst van de Halerse vastelaovendj! Wae zeen in december auch weer naeve de deur getrokke om kerststerre, kerboet, waofels, oliebolle en vlagge te kaup aan te beeje omdet ut bienao kerstmis of noewjaor is. Det heet eine leuke cent opgebrachtj, woaveur hertelijk dank aan idderein dae ós van die spulkes aafgeholpe heet. Höbtj gae al det sjoeëns en lekkers gemisj dit jaor, den volgendj jaor baeter oplétte, want de blaedjes óm te bestélle waere ein paar waeke van te veure bie idderein in de bus gedaon! Wae winse uch van dees plaats eine hieële sjoeëne vastelaovendj toe en wae hoope uch op ein van die daag (of alle daag) tege te kóme in Ós Dörpshoeës anex Café bie Winy, ós vereinigingslokaal. Hertelijke groet, Vastelaoves Vereiniging de Rabbedabben Haler-Uffelse. Möpkes... Tjeu zitj mét Leike aan de bar bie Winy. Vruegtj Tjeu aan Leike: Wilste ein pilske? Zeet Leike: Dju, dich vreugst ein koe toch auch neet of die huij löstj? in Haler, op de Kievitstraot. Wae zulle gein adres nömme. Hae waas op zeuk nao geldj, mer kos niks vinje. De bewooaners zeen toen mer mét gaon zeuke... Jos kumptj thoeës mit ein sjurgsker koemés. Waat geiste dao mét doon, vruegtj zien Poolse hoeëshaodster. Det doon ich op de aardbeie, zeet Jos. Ó, zeet de hoeëshaodster, wae doon dao bie os altieëd slaagroum op. Aafgelaupe waek waas dur eine inbraeker actief Har zitj in de zaal aan de bar. Es zieën pilske op is, zeet dur tege Marie-Jeanne: Marie-Jeanne, mien glaas is leeg. Wilste nog ein glaas? vreugtj Marie-Jeanne. Nae, zeet Har, waat mót ich noe mét twieë leeg glazer? Blaad 4

5 Sponsore... Blaad 5

6 Unne terukblik (prins Luc I) Zaoterdig 16 jannewari 2016 woor de resepsie van Ell in de aoje zaal. Dao hub ich eine sjoene tekst gezagd voor jeugdprins Sven en jeugdprinses Lise. Same mit Sven speel ich biej ut voetballe in team D1. De rest van ut voetbalteam zoot auch in de jeugdraod van Ell. Het waerdje eine hieële gezellige aovondj. Op zunjig 3 jannewari 2016, waerdje adjudant Wesley, prinses Esmee en ich oetgeroope tot ut noewe prinsepaar vanne Rabbedabben Wae waerdje as prins, prinses en adjudant aangekleijdj, mit eine cape, kruuenke, septer en veur oppe muts ein schjoean stel vaere. Daonao de proclamatie voor gelaeze met os speciaal motto voor broor en zus. De ieërste resepsie woor in Hunsel, bie Job de 1 e en prinses Britt, mit vorst Stijn. Job de 1 e zitj auch, net als ich bie ut voetballe. Hae speeldje in de D2. Daonao ging ut direct door nao Kelpen- Oler. Wae hubbe same mit de jeugdraod van Ell, lang motte wachte veur det wae aane beurt woore op ut podium in Kelpen-Oler. Dae tied hubbe wae doorgebracht met hosse en polonaise loupe door de loeads en tent. Ut woor vrieëd laat veur wae nao heivers ginge. Zunjig dernao woor ut os beurt in Haler. Om oor stardje de resepsie mit het veurlaeze vanne proclamatie. De vereiniging van Hunsel woor oppe tied en die haaje de joekskapel biej zich, die fijne muziek maakdje. Der woor auch veul familie en bezeukers om os te felicitere. Tussendoor hubbe wae nog aaf en toe de polonaise geloupe. Daonao kwoom van Ell de carnavalsvereiniging binne. De trainer van mich zitj toevallig biej de carnavalsvereniging en dae haaj net als de jeugdprins en jeugdprinses ein spesjaal waord veur mich en namens de voetbalvereiniging eine sjoeane voetbal met alle name van het elftal wao ich in speel. En auch oet Ell ein optraeje van Ron van Richting Rooij. Op zaoterdig middig 30 jannewari 2016, ginge wae met alle carnavalsvereiniginge oet de gemeindje Leudal oppe foto in Haelen. En s-aovus woor de bontje aovendj. Wae stardje met de raod met frietjes biej Winy. En wae aopendje de aovendj met eine schjoeane polonaise op ut leedje Henk Hover van Sjing Boem. Op dae aovendj woore hieële grappige en sjoeane stukskes te zeen. De Leugendetector vonj ich de leukste. De jeugdsleuteleuverdracht woor in Haor. Wae zeen ut podium opgelaupe met os zelf oetgezogdje nummer: Stuiterbal. Alle jeugdvereinigingen mochte ein veur ein de sleutel kome ophale. Big Benny haaj auch ein sjoean optraeje. Mer hae goof wat veul gaas, want ut poduim woor der neet taege bestandj; met zoeaveul minse tegeliek derop. Ut zakdje wat omlieëg. Op vriedig nao miene schoeal in Maaseik, same mit adjudant Wesley en Prinses Esmee. Wae hubbe medaalies oetgereiktj aan mien klasgenoten. Lekkere frietjes gegaete op de schoeal. En daonao de wage op en met de stoet van allemaol lieëgere schoeale in Maaseik nao ut plein haer. Dao mochte wae drieje en de jeugdprins, prinses van ein angere schoeal en met de jeugdprins en groeate Prins van Maaseik, ut podium op. Dao hubbe wae os motto auch moge verkondigen. Carnavalsmaondig hubbe wae spek met eier gegaete biej Winy. Carnavalsdinsdig woor in Haler os optocht. Het raegendje behuerlik en de optocht is zoeawat 2 ooroeitgesteldj. Daonao toch nog van start. Wae stardje oppe wage al met de polonaise en dae ging door inne zaal. Het woor weer gezellig en druk inne zaal. Winy en Miranda hubbe nog ein sjoean optraeje gegaeve nao de priesoetreiking. En tot slot wins ich de nuuje prins, prinses en adjudant eine hieële sjoeane carnavalstied toe. Alaaf! Blaad 6

7 Unne terukblik (prinses Esmée) De nuuje prins en prinses waerdje in 2016 oetgeroope op zunjig 3 jannewarie Dit gebeurdje wie altied in Oos Dorpshoes. Mer ieërst traeje de aoje prins en prinses van 2015 aaf. De spulle waerdje ieërst afgegaeven en daonao waerdje ze met een verkes leier nao boete gedraage. Het oetroope van de nuuje prins en prinses van 2016 gebeurdje achter twieë witte deuk met een felle lamp. Dao achter sjtong de complete jeugdraod. Het publiek en Rik steldje allemaol vraoge en aan de handj daovan probeerdje ze te raojen waem de nuuje prins, prinses en adjudant waerde. Daonao waerdje wae oetgeroope en krege wae ooze spullen oetgereiktj. En waas ich weer de nuuje Prinses van de Rabbedabben 2016, samen met mien broor Prins Luc 1 e en adjudant Wesley. De ieërste receptie woor in Hunsel. Die haaje dit jaor een angere lokaasie. Het woor in de Parochiezaal van Hunsel. De twieëde recepsie van dae dag woor in Kelpen. Auch op een anger lokasie in Kelpen. In eine tent aan de Grathemerweeg. Daar waas een schjoean optraeje van mien nichtjes Pascale en Vienne met heur nuuje leedje: 11. En aan ut inj van de aovondj waas der nog ein optraeje van miene oom (Hans) en tante (Ria). Het waor hieël gezellig en auch hieël laat gewore. De recepsie in Ell woor nog op de aoje lokasie, en op zaoterdig aovondj. Net veur de recepsie van os zelf. Oos resepsie woor op zunjig 17 jannewari 2016, al om oor. As ieërste hubbe wae de proclamaasie veurgelaeze. Daonao kwoome alle bezeukers aan de beurt om os ein hendje te gaeve, en reikdje wae met os drieje de medaalies oet aan alle luuj. Tussendoor waor er nog ein optraeje van Winy en Miranda, van Pascale en Vienne en van Hans en Ria. En als letste Ron van Richting Rooij. Wae hubbe veul polonaise geloupen op die sjoeane muziek. Op zaoterdig 30 jannewari 2016 zeen der foto s gemaaktj van alle carnavalsvereniginge van de gemeindje Leudal. In eine zaal bie Kastieël Aldenghoor, in Haelen. s Aoves waas de Bontje Aovondj in Haler. Ich hub auch met gedaon dao aan met ut stukske Het Kleid. Det kleid waor hieëlemaol sjeif en ut pasdje veur geine maeter mieër. De sjoeanste stukskes vong ich: De Zorg door Leike, Maan en Rik met de Struisvogel, Maurice en Stefan met de Leugendetector, en K3 haaj ein schoean leedje. Het volgende woor de sleuteloverdracht in Haor. Wae zeen dao same met Ell in eine bus haer gereje. Wae stonge met Ell same bie-ein inne zaal. We haaje ein eigen leedje oetgezocht om os nao het podium de begeleiden. Det leedje woor Stuiterbal. De aovondj waerdje opgeloesterdj door een optraeje van Big Benny. Op vriedig 5 fibberwari 2016 zeen wae met os drieje nao de sjoeal van Luc gewaesj. Carnavalsmaondig (8 fibberwari 2016) hebbe wae spek met eier bie Winy gegaete. Alaaf.. Dinsdig 9 fibberwari 2016, is in Haler altied de optocht. Der woore dit jaor 23 deilnemers, wae hubbe veul snuik gegoeadj en inne zaal veul polonaise geloupe. As letste hubbe wae met geholpe aan de pries oetreiking en nog-ins os motto geroope. Al mit al woor ut eine hieële schjoeane Vastelaovendj. Dank aan eederein dae is kome kieke nao os drieje. En veur de nuuje prins, prinses en adjudant eine geweldige schjoeane vasteloavend Blaad 7

8 Möpkes... Leike heet geregeldj hónger es hae in ut café is. Létst nog, toen de jeugd van Haler-Noord auch dao waas, waerdje dur get bestéldj. Koen vroog aan Leike waat dur wildje höbbe. Leike zag: Doot mich mer eine pizza. Koen goof de bestélling door via de tillefoon en kreeg ein vraog van de bedeening die hae móst doorbreeve nao Leike: Leike, wilste diene pizaa in 4 of in 6 stukke gesneeje höbbe? Doot mer in 4 stukke, zag Leike, 6 stökke krieg ich neet op Ut volgendje, waor gebeurdje verhaol, geluiftj neemes. Jos reej van bie hum thoeës de Sniekstraot op en merkdje det dur eine polisieauto achter hum zoot. Jos ging steeds sneller rieje en op ein gegeave moment haaj hae mer leefst 160 km per oor op zien klökske staon. Dae polies natuurlijk neet gek en dae zat de achtervolging in. Oeteindelijk lukdje ut dae polies om Jos klem te rieje in Thoear. Wooróm riedst dich zo snel, vreugtj dae polies aan Jos. Tsja, zeet Jos, de veurige waek heet de polisie eine haup Poole bie mich opgehooldj en noe waas ich bang det ze die mich teruk kwaame bringe! Marlinda geit bie René 20 eier hoole. De volgendje daag kumptj ze weer teruk. Die eier waare allemaol leeg, zeet Marlinda kwoad. René, net zoa kwaod, rentj nao de hinnestal en sjrieuwtj: Weem van uch gebroektj de pil?! Twiee ambtenare zeen naeve de weeg aan ut wirreke. De eine greuftj ein gaat, de angere gooadj det gaat weer toe en det geit zoa ein tieëdje door. Tjeu zuutj det en löptj nao die twieë ambtenare haer en vreugtj: Waat zeetj gae eigelijk aan ut doon? Woa op eine van die ambtenare zeet: Nou, wae zeen buim aan ut plantje. Mer dae mins dae die buim dur in mót zétte, is vandaag zeek. Op ut benkske bie ut kérkplein zitte twieë zwervers. Eine van die twieë ligktj 5 eurocent oppe bank. Zeet dae angere zwerver: Wooróm duiste det noe? Nou, zeet dae eine zwerver, ich wildje auch ins veule wie ut is óm geldj oppe bank te höbbe Peter-Paul is sinds ein jaor zwaor aan ut sporte geslaage. Trots héltj hae bie wieveul calorieë hae verbrandj. Létst nog haaj hae mer leefst 850 calorieje verbrandj. Haaj hae ziene pizza te laat oet de ove gehooldj... Tiny ging booadsjappe doon bie Linders in Ittervoort. Wie ut klaor waas en de ker good vol haaj, leep Tiny nao de kassa. In plaats van in de riej aan te sloeëte leep Tiny alle minse in de riej veurbiej. Ut maedje aan de kassa maakdje dao ein opmerking euver en reuptj: Gank uns netjes achteraan in de riej staon! Det geit neet, zeet Tiny, dao steit al eemes Twieë vrouluuj zitte op te sjuppe euver heur kinjer. Zeet de ein vrouw: Miene zoon kin ziene naam al spelle! Det is niks, zeet die anger vrouw, miene zoon kin ziene naam al achtersteveure spelle! Wie hétj diene zoon den, vreugtj die vrouw. Bob! Maan zitj in de klas op ut College en vreugdj aan de meister: Meister, waerste auch gestraofdj veur get waatse neet gedaon höbst? De meister kieëktj Maan uns aan en zeet: Natuurlijk neet Maan. Este niks gedaon höbst, wooróm zoojtste den gestraofdj mótte waere? Ut is juust hieël good esse niks duist! Maan zuchtj eine kieër deep en zeet: Bön ich effe opgeluchtj, ich höb namelijk mien hoeswirrek neet gemaaktj Wie Thijs nog ein klein Thijske waas en de sjooal in Haler nog besting, kwaam hae waal uns te laat op sjooal. Wie det weer uns gebeurdje, vroog de juf aan Thijske: Wooróm böst dich te laat Thijske? Ich druimdje euver voetbal juffrouw, zag Thijske. En is det ein reeje om te laat te kómme? vroog de juf? Nae, juffrouw, zag Thijske, mer ze haaje verlénging Max kumptj thoeës van sjooal en begintj te lache. Vreugtj pap: Wooróm lachst dich? Max: Ich mót 500 kieër sjrieëve: Ich bön ein rundj. Pap: Waat is dao zoa grappig aan? Max: Gae mótj óngerteikene Blaad 8

9 En den...de noewe Prins... Ich, Prins Dylano vintj ut hieël leuk en geweljig om Vastelaovendj met uch hie in Haler te veere, want Vasteloavendj veere zitj in mien blood. Ich bön lid van sjutterie Sint Jacobus in Hunsel woa ich trommelieër bin en student van Icarus in Kesing. Ich bön eine zoon van Ron en Helga, breurke van Romy en baasje van Zoë, Benji en Kwik. Noa al ein paar kieër inne optocht mét te höbbe gedaon ben ich bliej hie nao es prins veurop te moge gaon. Mer ich kin det neet allein. Ich höb natuurlik gooje hulp van miene adjudant Romy. En den höbbe wae netuurlik de rest van de Raod en alle vastelavendjsveerders nog, die dur veur zulle zörrege det wae hie in Haler eine vastelaovendj zulle make dae ze in het boetelandj heuere kraake. Ich, Prins Dylano de 1 e, zal dees Vastelaovends-ker ins duchtig gaon trèkke, onger mien motto: FF de trom aan de kantj, ich gaon veurop in het Rabbedabbelandj Oetneuediging Recepsie Prins Dylano I, Ich, Prins Dylano I, höb de ieër om uch oet te mooge nuuëje op mien Prinselikke recepsie. Deeze waerdj gehaoje op zunjig 22 jannewarie van oor tot oor. Gae zeêtj hertelik welkom in: Ôs Rabbedabbenpeliês Zaal Ons Dorpshuis Pinxtenstraat RJ HALER Blaad 9

10 Prinserecepsie... Alweer ein jaor veurbie, waat vluugtj de tieëd snel. Ein jaor woa in weer van alles is gebeurdj. Blaad 10

11 Bospop Wae vanne gezet laote os toch weer eedere kieër verrasse. Stom eigelik. Meine wae toch alles te weite euver de bewoeaners van os dörpke, bliektj zoea aaf en toe toch mer weer ins det det neet waor is. Zoea ouch aaf gelaope jaor. Ein vanne minse van os redaksie waas nao Bospop gegange op vriedig aovendj. Op vriedig aovendj waas der veural veul herrie, gitaarmeziek. Neet van dae flauwe oozel wie Nick en Simon, mer mieër van draan wie verkus-wullem. Ooze redaksie medewerker veel bekans van ziene stool (as der dae ein haaj gehadj) wie de meziekgroep Parris begos met optraeje. Waas det neet os aller Leike Brouns dae doa oppe basgitaar aan ut spele waas? Waas det neet os aller Leike Brouns dae dao wie eine dulle kemieël van links nao rechts euver ut podium vloog? In theorie zooj det motte kinne, want ut waas geine tied om te kaarte of veur de spaarkas. Om zeekerheid te kriege wooj ooze redaksie man nog nao ut optraeje ein intervjoew met Leike, mer hae haaj zien perskaart neet biej zich en waerdje taege gehaoje. Beste laezer van dees gezet; kiektj ins good en zeg noe zelf: Det is toch Leike?! Den haet Leike bliekbaar nog veul mieër talente as wae dachte. Wae wiste waal det hae zich oppe buhne toes veultj. Eedere Bontje Aovendj is hae der bie. Verkledj as aod menke, verkledj as aod vruike, soms as neger, met baard, zonger baard, mer duks met ein voel ongerboks. En noe dus as muzikant. Wae vanne redaksie vinje det gae ut gerusj auch ins aan Leike moogtj vraoge. Woearom det der noeats met zien gitaar biej os in Haler haet opgetraeje, mer allein op Bospop! Blaad 11

12 Vastelaoves program Auch dit jaor probere wae weer ein sjoeën program veur uch te realisere óm de vastelaovendj weer lekker te kinne veere. Nae ut prinsoetroope det aafgelaupe weekend heet plaatsgevónje tieëdes de noewjaorsrecepsie steit dur als ieërste de Prinse recepsie op ut program! Prinse recepsie Op zunjig 22 jannewari haoje Prins Dylano I en ziene Adjudant recepsie. Idderein is natuurlijk van herte welkom óm óze Prins te kóme felicitere en hum veul succes toe te winse es de machthöbber euver ut Rabbedabberieëk! Vanaaf oor kintj gae hieveur terecht in zaal Ós Dörpshoeës. Nao de recepsie, die doortj tot oor, gaon wae dur natuurlijk nog efkes tege aan ónger aanveuring van DJ Sil. Wae hoope op ein groeëte opkomst van oet de Halerse gemeinsjap! Halerse Bóntje Aovendj Op zaoterdig 18 fibrewari geit ut weer loos mit Halerse artieste tieëdes de einige echte Halerse Bóntje Aovendj! De artieste zeen al maondje aan ut oefene óm uch te verrasse met weer prachige sketches, tonieelstukke, dans en zang! En det doon al die artieste spesjaal veur uch, óm uch eine geweldjie en onvergaetelijke aovendj te bezörrege! Misjt dit spektakel neet en zörgdj det gae dur bie zeetj! De Bóntje Aovendj vindj zoa es altieëd plaats in Ós Dörpshoeës en de zaal geit om oor ope. De Bóntje Aovendj startj om oor. Jeugdsleuteleuverdracht En den kumptj zo óngevieër ut hoeëgtepuntj veur óze Jeugdraod, namelijk de Jeugdsleuteleuverdracht! Elk jaor weer ein geweldjig festijn woa de jeugd hieëlemaol oet ut daak geit en woa elk jaor Big Benny zörgtj veur ein geweldjige stumming! Op dónderdig 23 fibrewari geit ut daak dur weer vanaaf in Häör. De burgemeister van Leudal, of in ziene naam de loco, geuftj de macht aan de jeugd en krieëge de Prinse de Sleutel euverhenjigd. De Jeugdraod verzameldj óm oor bie Café bie Winy en geit den mit de bus nao Häör (Horn). Óm ongevieër 22 oor is dit spektakel weer veurbie en den kumptj de bus auch weer teruk nao Haler. Sleuteleuverdracht En den is ut op vriedig 24 fibrewari de beurt aan de Raod van Hallef Ellef om de sleutel te gaon aafhoole in Häör. Verzameltj waerdj dur om oor bie Café bie Winy. Ut is sjoeën es dur auch vanoet Haler eine haup minse mit gaon (of nao kóme) die saame mit ós dit fieëske in Häör wille veere! Zeetj gae zoa eemes, den gaeftj uch op bie eine van óze Raod, zodet wae uch steulke in de taksibus vriej kinne haoje! Blaad 12

13 Vastelaoves program Spaarkas lichte Neet zoa zieer ein evenement det wae organisere, mer ut viltj waal altieëd op de zaoterdig van Vastelaovendj. De minse die flink höbbe gespaardj ut aafgelaupe jaor kinne den ut gespaardje geldj kóme ophoole in ut Café. Op zaoterdig 25 fibrewari is det den auch te doon. Vanaaf oor kintj gae terecht bie Spaarkas t Dörpsklueëske veur de beruchdje envelop en aansloetendj is ut gezellig borrele bie Winy. Spek mit Eier Op maondjig 27 fibrewari waertj dur Spek mit Eier geserveerdj bie Winy in ut Café. Saame mit de Jeugdraod, Prins en Adjudant waerdj dur den ieërst ein beumke gelagdj zoa det dur nao flink gehosj en gesprónge kin waere. Vanaaf oor zeetj gae allemaol welkom. Veur de spek mit eier leefhöbbers: efkes raekening haoje mit ut gegaeve det de keuke om 20 oor toe geit. Dolle Dinsdig En den kumptj echt waal ut hoeëgte puntj van de Halerse Vastelaovendj: Dolle Dinsdig. De litste paar jaor met stip de groeëtste optocht van de aoj gemeindje Hunsel mit groeëte groepe, einzelgängers, sjieke waages etc. Op dinsdag 28 fibrewari tréktj de stoet weer vanaaf oor door Haler. Opstélle is zoa es altieëd weer op de Isidoorstraot vanaaf Broekman tot Mousset. Nao de optocht is ut den weer fieëste en tampieëste in Ós Dörpshoeës, woa auch de prieësoetreiking plaatsvindj. En om de spanning dur ein bietje in te haoje zigke wae neet wie laat det dae prieësoetreiking is! In de tussetieëd zal DJ Roger weer veur de neuedige decibels zörge. Opgaeve veur de optocht is in Haler gein tradisie, dus este mét wilst doon, den is ut geweuen aansloete in de riej op de Isidoorstraot. De optochtnummerkes waere uch door de organisasie gebrachtj tieëdes ut opstélle. En ut sjoeënste in Haler: idderein heet prieës! Hieëring sjélle Op woonsdig 1 mieert sloete wae de Vastelaovendj weer af mit ut tradisionele hieëring sjélle in Café bie Winy. Nao de mis (woa gae terecht kintj veur ein askruuske) steit de hieëring en zult veur uch klaor. Wae kinne den nog efkes mit uch nao kletse euver die daag en teruk kieëke op hopelijk weer eine sjoeëne vastelaovendj in Haler-Uffelse! Blaad 13

14 Waor of neet waor... Soms kumptj der noets op dich aaf woeavan se dich kins aaf vraoge of ut waal kloptj. Auch dit verhaol hiej onger is dao ein veurbeeldj van. Wae zulle ieërst ut verhaol vertelle wat wae oppe redaksie binne krege, en daonao de foto s plaatse die wae nog snel zelf genome hubbe. Begin 2016, om persies te zeen op 10 april 2016, zooj biej eine inwoeaner van Haler, dae wae bienao noeats met eine gewuene wage zeen rieje mer altied met eine vrachtwage, de vlam inne pan, of leever, inne kontaener met hout zeen geslage. Wat zooj ut geval zeen gewaesj (althans, det hubbe wae oppe redaksie te huere gekrege). Dae inwoeaner, wae zulle um veur ut gemaak Jos neume, haaj nog get hout euver, fijn opgestapeldj in eine kontaener. Det zooj waal ins fijn kinne opbranje, dus ut idee waas gebore, noe de oetveuring nog. Omdet de gemeindje Leudal toestumming geuftj om in de boetelocht ein veurke te stoke, mits in een vuurkorf, en der nurges steit gesjreve wie groeat ein vuurkorf mot of moog zeen, of wie det ein vuurkorf der persies oet mot zeen, ging Jos in ziene vuurkorf van 10 kuub get hout stoke. Ut geval waas det ut hout waal hieël sjoean drueg waas, en der op ein gegaeve moment get vlemkes baove ut daak van de boorderie oet leke te kome. Det waas kinnelik door eemes gezeen en de brandjwaer waerdje gealarmeerd en de plies. Want dae eemes dacht kinnelik det die vlemkes OET ut daak kwome. Nou, toen waas ut ein hieële tamtaasie dao op det erf. De brandjwaer met slange en bluswages, de plies met 2 wages en de henj inne tes. Ut waas ein drukdje van jewelste. Ein wonjer det die men zich neet onger de veut leepe. Wie de brandj oet waas gemaaktj, en de brandwaer wooj gaon, begos ut weer te smeule in dae vuurkorf (den haet dae toch waal bieëstig good getrokke). De brandwaer wooj de slange weer oetrolle, mer Jos kos die men oppe tied taege haoje: Laot mer, anges krieg ich det murge noeats mieër aan Toet euvermaot van ramp wooj de plies, wie ze de henj weer oet de tesse haaje, aan Jos ein bon gaeve. Jos haet toch duudelik kinne make det det in gein verhaojing stong tot de pliesie-inzet (of baeter, ut totale gebrek dao aan) wie det hae haaj gebeldj om te melje en aangifte te doon det der oet zien vrachtwages hongerde liters diesel waas geklauwdj. De plies haet toen heur verstandj gebroektj (auch ein klein wonjer op zich; die hubbe dao toch altied cellen-gebrek?) en de zaak op zien belaup gelaote. Wae vanne redaksie kinne Jos auch good en weite det ut mer ein haor haaj gesjildj of hae waas pestoear gewoore; zonne brave mins is det. Wae kinne den auch neet geluive det dit verhaol waor is. Wae vanne redaksie hubbe nog get foto s van dit veurval weite te make. Die staon met begeleidend kommentaar hiej onger. Moogtj gae zelf oordeile of ut verhaol kloptj of neet oor: De aovendj mist hingtj baove de boorderie. Jos haet inne kamer 2 lempkes aan gemaaktj om de gezet te kinne laeze oor: Eine brandjwaerman steit zien sjoon te poetse, de plies links kiektj, met de henj inne tes, of det ut good gebeurdj. Ongertusse hubbe ze de groeate lamp oppe wage Blaad 14

15 aan gemaaktj om knien te kinne struipe oor: Jos haet de gezet nog neet oet en is auch mer ein sigaar gaon rauke. Zoea te zeen ein hieële gooje dieke sigaar oor: Eine brandjwaerman wiltj nao hoes en is de brandjwaerwage kwiet. Mer slum as der is, volgtj der de slang. 50% kans det der de brandjwaerwage taege kumptj. Jeugdsleuteleuverdracht... Blaad 15

16 Sleuteleuverdracht... Blaad 16

17 Möpkes... Ein aoj vrouw maaktj heur ieërste zieëreis. De kapitein vreugtj heur of alles nao wins is. Hieëlemaol te gek, zeet ze, en reuzehenjig die wasmachines aan de moor. Waat dao neet allemaol in geit! Róndj sloetingstieëd stuit eine agent bie Café bie Winy te wachte om te kieëke of hae nog minse kin betrappe die mét eine slók teveul op achter ut steur wille kroeëpe. Op ein gegaeve moment strómpeltj dur eine mins oet ut café, zwalktj get róndj en löptj nao de parkeerplaats op ut kirkplein. Hae probeertj ziene autosleutel op minstens 5 versjillendje auto s veurdet dur ziene eige auto heet gevónje. Mer den is hae nog zeker 5 minute bezig óm de deur ope te krieëge Óngertusse zeen alle anger besjónke klantje al lang en breid vertrókke. Eindelijk löktj ut hum om in ziene auto te kómme. Es hae oeteindelijk hortendj en stoeatendj mét de auto wég wiltj rieje, héltj de poliesieman um tege en leuetj hum ein blaostest doon. Mer nao mieerdere poginge en ein paar noewe batterieje geuftj det apparaat nog steeds ein promillage van 0,0 aan. De polisieman snaptj dur hieëlemaol niks van en vreugtj stómverbaasjd wie det in godsnaam meugelijk is. Dae man antjwoordj: Ich bön vanaovendj de Bram. Dae polisieman: De Bob zulste bedoele, neet de Bram! Nae, zeet dae man, de Bram: Bewusjt Riejendje Aafleidings Manoeuvre Huub geit nao de dokter. Det duit dur neet döks, maar noe waerdje ut tieëd. De dokter zeet tege Huub: Waat is ut probleem? Huub: Ich höb de létste tieëd last van geheugeverlees Vreugtj de dokter: En wannieër is det begónne? Det weit ich neet mieër, zeet Huub. Jos, Tjeu en Leike besloeëte saame op vekansie te gaon. In ut hotel aangekómme vraoge ze de receptionist of dur nog kamers vrie zeen. Jaowaal, zeet dae receptionist. Lauptj mer effe mét, den wieës ich uch de kamers. De receptionist duit ein deur ope en Tjeu löptj als ieërste nao binne en begintj tegelieëk te vlooke en te tiere. Ich höb altieëd de kleinste kamer! Rustig mer, zeet de receptionist, gae stoatj in de lift Blaad 17

18 Sponsore... Har Hendrikx Bouw en Timmerwerken Telefoon: Mobiel: Fax: Blaad 18

19 Mantelzorg... Mantelzorg is ein sjoean dink. De hulpbehoevende medemins waerdj verzurgdj door minse, bekindje, femilie die nog get gengiger zeen. In os durp zeen der versjillendje veurbeeldje aan te wieze. Zoea is dao de femilie Brouns. Lei en Sjaak woeane in hoes mit mam en zurge veur heur. Det is ein sjoean veurbeeldj. Ein anger veurbeeldj is in veur bereiding, of wie de Ingelse zegge: under konstruksjun. En den letterlik. Stefan en Claudia gaon in Pinxthuuske woeane biej Toos en Hub. Wae van de vastelaoves gezet wille Toos en Hub waal waarsjuwe. Det beteikendj waarsjienlik 4 kieër per waek de haor knippe, feune, verve en krolspangele zette, en missjiens waal 3 kieër per jaor anger panne op ut daak. Mer ein waal hieël sjoean en apaart veubeeldj van mantelzorg is gaondje op Merister. Dao waas ooze reporter zoea half november van veurig jaor get op gevalle. De door Harrie en Mia altijd piekobello op orde gehaoje haof en gezon leeke waal ontploftj. Normaal liektj dao eeder graas sprietje met ein naegelsjieërke te zeen aaf gekniptj, toen zoog ut der oet as of; tja ut zoog der oet of ut naegelsjieërke noe waas ingeruuldj veur ein sjup. Door good speurwerk van ut ongerzeukstiem vanne redaksie van dees gezet weite wae noe det ut hiej om en spesjaal geval van mantelzorg geit; Harrie levertj mantelzorg veur Mia. Noe is Mia nog zoea gezwank wie ein jong hen. Haet Mia den waal mantelzorg nuedig? Wie zitj det den, zultj gae uch aaf vraoge. Dees kwaliteitsgezet legtj det gear aan uch oet. De mol, offisjeel bekindj onger de naam: Talpa europaea, en al ieërder ongerwerp in dees gezet, is neet allein bekindj om zien graaf werkzaamheden. Det bieëstje is auch bekindj om zien zaogte velke. En hieël veul molle is hieël veul zaogte velkes. Kippe, verkes en kuuj motte ein bepaoldje hoeveelheid ruumdje hubbe. Veur de mol is det nog neet ut geval. Waat bliektj: Harie witj det en is inne haof aan ut fokke met die bieëstjes. Op de top haaj Harrie der waal hongerd onger zien gezon zitte. As Harrie der genog haet gevange veur eine sjoeane jas veur Mia, eine bontj-mantel, den is zien mantelzorg veurbiej. Den blieftje der nog allein euver: ein-nuuj-gezon-zorg. Sponsore... Det wae dit beukske kinne maake en uch gratis kinne aanbeeje, höbbe wae onger angere te danke aan de sponsore die ós elk jaor van de neuedige pekunia veurzeen. Behalve de adverteerders die in dit beukske staon, zeen dur auch nog angere bedrieëve en minse die ós ein werm hert toe draage. Wae wille ze hie zeker nömme: Adams Pluimvee Bekker Dukers Benelux Kantoor en Boekhandel Beelen Dakdekkersbedrijf Carnaval Wiertz Heerlen Coolen & Luyten Installatiebedrijf de Jacht Domen Drinks FL Security Hansen Bloembollenbedrijf Het Hobbyschuurtje Jac Brouns Leike Brouns Mousset Containerservice René Mousset Pluimveebedrijf Slagerij Heijkers Schildersbedrijf Reijven Smeets Schilderwerken Theunissen Timmerwerken Truck & Trailer Douven Tuinbouwbedrijf Hein Winters Tuinderij de Locht Verkennis Pluimvee en inkele angere particuleere en/of anonieme sponzore! Blaad 19

20 Spek mét Eier... Blaad 20

21 Ut graas is altieëd greuner... Ut graas is altied greuner biej de buure. Det is ein aod gezegdje. Ut is auch ein waorheid wie ein koe (althans, det hingtj aaf van welke kantj desse ut bekieks). Zoea auch in de regio Fazantestraot-Speltstraot. Kiek, hiej naeve is ut gezon te zeen van Tjeu en Albertine?! Noe kinse toch neet zegge det dit ut toeanbieëldj is van ein fris greun gezunke. Ut getuugdj auch neet echt van greun vingers. Doe kins auch neet zegge op basis van dees foto det Tjeu euverdraeve veul tied in ziene tuin zooj hubbe gestoke. Is ut den missjiens euvermacht? Haet ut den te weinig geraengeldj biej Tjeu? Den mot det toch auch nao te zeuke zeen. Of ut mot te zeen zeen aan de gezonne in de buurt van Tjeu. Informaasie van ut waerstasjon in HALER lieërtj os det ut inderdaad erg drueg is gewaesj. Mer asse den kieks biej de buure. Die foto s zeen gemaaktj oppe zelfdje daag. Ut gezon van Carrie en Marcel dur ónger Ut gezon van Maurice en Janneke dao weer ónger Allebei ein gezon zoea greun wiej graas. Wie is det meugelik? Met de druegdje hubbe wae den kinnelik neet te make. Of wae motte spraeke van ein lokale bui baove Carrie en Maurice. Of missjiens, ut gebrek dao-aan baove ut gezon van Tjeu. Nao ein lange redaksievergadering, en euverleg met oos kollega s van Eigen huis en tuin zeen wae toet ein anger konklusie gekome. Der is missjiens ein anger verklaoring. Missjiens haet Tjeu vloeibare kunstmest op zien gezon wille sproeje en noe vermoede wae vanne redaksie det Tjeu haet gemendj det Roundup ein hieël gooje kunstmest is. As wae Tjeu eine kieër spraeke, zulle wae ut dao ins met um euver hubbe. Sponsore... Blaad 21

22 Neet zoea slum in 3 seconde Veur dit verhaol motte wae wiet teruuk in ut jaor Wae sjrieve mei Ut verhaol dreijtj om eine aod-prins vanne Rabbedabben, dae wae anoniem zulle haoje omdet der anges gein laeve mieër haet. Aan de angere kantj, wae kinne waal zegge det ziene veurnaam presies ut taegeneuvergesteldje is van eemes dae ut zunke in hoes is (alhoewel wae waal wille geluive det hae det is). Deze oad-prins waas op dae sjoeane daag in mei op sjoeal in Wieërt woea hae zich inne pauze get aan ut vervaele waas. De botterhamme woore op, en detzelfdje waas ut geval met de sjtomme kal. Toen zoog der ein ballon oppe grondj ligge. Waat duuis se den as jong van 14 jaor as ze dich vervaels inne pauze op sjoeal en doe zuus ein ballon oppe grond ligge? Juust. Doe probeers dae ballon kapot te goeaje met dien botterhamme trommel. Det deej deze aod-prins auch. Mer ut enige waat kepot ging waas zien botterhamme trommel. Noe kinne wae van de gezet zien aojers net zoea good as hae, dus wae snappe det de oad-prins get mos verzinne om neet met ein kepotte botterhamme trommel toes te kome. De redding kwoom van ein klasgenootje van de aod-prins in de vorm van 3 seconde liem. Daomet ging de aod -Prins aan de slaag om zien bottehamme trommel te reparere. Wie det ut persies haet gegange weite wae helaas neet met nao ein tiedje klommele waas ut resultaat det de botterhamme trommel nog steeds kepot waas mer det de aod-prins waal inkele vingers aan-ein haaj zitte. En det kriesse der van; met 3 seconde liem. Det is nut gerei. Wie kriesse noe die vingers weer van ein naaf? Nou, det waas veur dae aod-prins van os auch de vraog. Oeteindelik is hae nao deehbo gemotte woea ze met spesjaal gerei dae liem hubbe los geweiktj. Waevanne redaksie vraoge os 2 dinge aaf? 1. As dit verhaol op internet zooj versjiene, zooj det den waere geliked op dees meneer? 2. Wie geit dit euver ein paar jaor? Blieftj dae aod-prins den auch zoea plekke op fieëstjes of inne cafee? Blaad 22

23 Dolle Dinsdig... Blaad 23

24 Dolle Dinsdig... Blaad 22

25 Dolle Dinsdig... Blaad 23

26 Oppe koffie... Biej sommige minse steit de deur altied aope asse aan bels, biej angere noeats. De eine haet altied tied veur get te klasjenere, de angere mot zich altied spooje en dao kan allein eine Hojje van aaf. Biej den eine kumse altied oppe koffie, biej den angere kinse altied ope koffie kome Zoea auch biej Helga en Ron oppe Kievitstraot. Asse dao aan bels, kumse al-tied oppe koffie. Of det noe smurges vreug is, snammedaags, of saoves. Al-tied mer weer kumse dao oppe koffie. Woearom det is, weite wae vanne redaksie auch neet, mer wae vinje ut waal fijn det Helga en Ron det aan eederein duudelik hubbe gemaaktj asse aan de bel steis. Den kinse zeen desse (weer) oppe koffie zuls kome. Ron heat namelik de tieëpot demonstratief aane veurgevel gesjroefdj. Geine tieë dus, allein koffie! Sponsore... Een hapje, drankje, feestje of bedrijfsbijeenkomst op een unieke plek! Uffelsestraat 5, 6012 RM Haler-Uffelsen , (open op zondagen en dagelijks van Pinksteren tot oktober) Blaad 26

27 Advertentie Tonnaer... Blaad 23

28 2017 Dees Vastelaoves Gezét waerdj uch aangebooje door Vastelaoves Vereiniging De Rabbedabben Haler-Uffelse Veur mieër info: Redaksie: Winy, Rik, Peter-Paul Lee-out: Peter-Paul Foto s: Peter-Paul Drukwérk: Drukkerij Hub Tonnaer Vinj ós op Feesbook Vereiniging-de-Rabbedabben/ V.V. de Rabbedabben