EN BO KNOOPS SCOORT 5X!!!!

Weinig punten veur seniorenteams dees waek; De lange Paes op heiterdaad betrap; Tom de Kluut geef zich helemoal; Mam van Pedro vermaak kinjer; EN BO KNOOPS SCOORT 5X!!!! Zo wie de titel al verroajt, behoalden os seniorenteams aafgeloupe weekend maar weinig punten. De Sjter 1 leet de punte aan LHC, ut tweede keerde oet Echt terugk zonger punte en ut driede moosj heure meerdere erkenne in Caesar 3. Ut viefde houw niks te voetballe en koosj dus auch gein punte binnesjleipe. Allein de veteranen op zoaterdig en de dames op zondigochtend wisten unne driepunter te score veur os vereiniging. Dees waek dan auch weinig weurd euver t voetballende gedeilte, maar des te meer weurd euver alle randjzaken d r om haer. Mit dees waek onger angere glansrollen veur fenomenen wie Frens Coumans, de mam van Pedro Willems, Clannad Koumans, Tom Kluitenberg, Graad Smeets en Peter Paes. Maar loate veer de teams maar ens aafloupe. Dan komme veer die verhoale vanzelf allemoal taege. Veer beginne dees waek mit os eesjte elftal. Dat moosj thoes de sjtried aangoan mit LHC, un ploug die un vriej kleurloos sezoen kent. Un ploug bovendien die os jonges euver t algemein goud ligk. Goeie kanse dus om revanche te numme veur de nederlaag van veurige waek. Noa un goei training op vriedigoavend houw verzurger Wesly Wanten alle sjpelers waer effe prima in de watten gelag. Doanoa woar t Wesly van harte gegund dat hae zich effe sjortte in t Sjteinder nachlaeve. Om middernach sjtapte hae De Poart binne en pes drie oer woorte de diverse fasen van dronkensjap die Wesly doorleep treffend vasgelag door zien sjtapmaatje Jari: Op zondig woar t tied veur revanche veur de mannen van 1. In de praktijk koom doa echter weinig van terech. De eesjte helf woar weinig verheffend. De Sjter koosj aanvallend maar weinig forceren en LHC leet un prima werklust zeen, maar koosj zelf auch nauwelijks get leuks loate zeen. De rust woort bereik mit unne 0-0 sjtandj. In de tweede helf krege ozze mannen al sjnel un oetgelaeze kans op de oapeningstreffer. Unne lege veurzet vanaaf rechs koom terech bie Marko Jevric aan de tweede poal. Dae wis t net helaas neit te vinje. De irritaties in t veldj begoosjten zich vervolges op te sjtapele. En

dat koom t voetballe van de gael-zjwarte neit ten goede. Tot euvermoat van ramp moosjte d r nog twee goale geïncasseerd waere, wodoor de gaste mit de drie punte terugk mochte richting pruusjes. Noa aafloup in de kantine koom Ron Marchal mit un hoar-sjerpe analyse van de wedsjtried: De pap van t sjpelerke van de waek, Stan Ortmans, leek intusje weinig hinder te ongervinje van de nederlaag van os eesjte elftal. Unne vrieje middig es voetballer van ut viefde, en 20 gratis consumptiebonne van Jan de Weijer, es pap van t sjpelerke van de waek, leke de nederlaag van os eesjte noa de achtergrondj te hubbe verdronge:

In de kantine heerste aanvankelijk un gemoedelijke sfeer. D r woar waal teleursjtelling vuilbaar, maar ach zo sjlech woar t laeve nog neit. Die sfeer woort echter later op de oavend danig ontsierd door un incident. Aansjtichter van t geheel woar Graad Smeets dae mit zien vliemsjerpe tong waer ens op de zenuwe houw gewirk van ozze hoofdtrainer. Dae bedach zich gein moment en reet Graas van de kruk aaf, zonger auch maar unne druppel beier te morsen. Roel Heffels illustreerde vervolges perfect wie de maatsjappie op vandaag inein zit: es d r hoog bejaarde kael mishanjeld wurt in dien directe omgaeving, gripse neit in, maar blifse geweun get sjtom lache d r naeve: Veer goan sjnel door noa de mannen van 2. Die houw op papier unne taegesjtenjer dae te doon woar. EVV 2 sjting namelijk op de letste plaatsj van de ranglies. D r woare echter twee factoren die in t noadeil van os jonges wirkde. Op de eesjte plaatsj sjpeelde EVV 1 al unne daag eerder, wodoor de reserves van 1 koosjte mitsjpele op 2. En op de tweede plaatsj haet os eige tweede de letste waeke te make mit n groot aantal aafwezigen. Coach Rudy wurt doa vanzelfsjpraekend neit vrolijk van. Gelukkig woar d r op gounsdigoavend t eesjte lentezunke te besjpeure en veur Rudy is dat dan geliek aanleiding om zien gedachte effe te verzette door zien Juve-shirt oet de kas te hoale, zien kiss-the-cook -sjolk om te binje en get vleisj op de BBQ te sjmiete:

De Sjter 2 keeper Bastiaan Muijtjens vermaakte zich doordewaeks prima mit zien maatje Geoffrey Jacobs. Same hubbe ze unne nuuje bienaam verzonne veur Wesly Wanten ( zeute ) en ze vonje t neudig om Wesly nog effe via snapchat doamit te confrontere, vlak veuraafgoand aan hun waekelijkse trio tje: Aan de wedsjtried van de mannen van 2 taege EVV 2 make veer wiejer gein weurd voel. D r woort mit un 3-1 nederlaag op zak terugkgekeerd noa Sjtein. Ut einige Sjteinder doelpunt woar aafkomstig van Frank doe krigs 10 euro esse de Haenraets. Auch os driede moosj dit weekend voetballe. Coach Gooren houw opnuuj geopteerd veur un aanvallend 3-4-3 concept. Ondanks de geleje 1-3 nederlaag taege Caesar 3 (einige

doelpunt woar unne pingel van Mick Cremers) blikte Rene positief terugk op t gebeure. D r woar veuroetgang geboek ten opzichte van veurige waek: Un sfeerbeeld van Tom de Kluut oet ut kleidlokaal, vlak noa de wedsjtried, illustreerde sjoon wat 35 minute volle poelie voetballe deit mit un mannenlichaam: Ut viefde houw dees waek niks te voetballe, maar zoog desondanks un drietal (auwt) sjpelers de aandach trekke de aafgeloupe waek. Te beginne mit auwt keeper Peter de lange Paes. Dat verhoal mot un bietje ingeleid waere. Al moanje langk lup good old Jan de Weijer immers 7 daag in de waek rondj op t Hetjen. Sommige luuj vroage zich waal ens aaf wat hae in godsnaam al dae tied doa deit. Insiders weite dat waal te vertelle: t zit Jan neit lekker dat al vanaaf eind veurig sezoen eín wermloup-truike vermist is bie ozze selectieteams. Jan haet al 35 keer alle kasten aafgezoch op zuik noa dat truike. Dees waek koom aan de zuiktocht van Jan echter un einde. Ut vermiste shirt woort namelijk gespot, om de breije sjouwers van nemes minder dan De lange Paes. Sinds Peter echter unne nuuje

hobby haet gevonje, is t nog maar zeer de vroag of emes the guts haet om dat truike terugk te goan hoale: De tweede auwt sjpeler van De Sjter 5 dae dees waek in de picture sjting woar good old Frens Coumans. Net hersjteld van un vervaelende blessure die m velde tiedes ziene rentree op de Hallenmasters is Frens al waeke op liefdes-paad. In un eerder versjlaag koosjte veer al berichten euver zien oapelijke huwelijks-aanzoek aan Neerlands handjbalkeepster Tess Wester. Wie Tess dat aanzuik echter neit sjnel genog aanvaardde, sjakelde Frens geliek door en dit keer mit succes, zo veel te laeze op facebook:

Frens, van harte perficiat! Ut is dich oprech gegund. En dan woar d r nog unne derde sjpeler van ut viefde dae de aandacht trok dees waek. Maar dae beware veer tot ut lets van dit versjlaag. Want t is hoog tied om eesj ens euver te sjakele op un team dat aafgeloupe weekend wáál de punten binnesjleipte: ozze dames. Die houwe doordewaeks auch get sjpas. Jill Janssen, Bo Knoops en Dyonne Conjour houwe unne groepsapp aangemaak omdat ze same plannen houwe:

Op zich allemoal leuk en aardig. Geweun drie dames die same gezellig un hepke goan aete. En ze wolle dat gaer vemeld hubbe in dit versjlaag en dus woort t app-gesjprek gesjtuurd noa Dames-reporter Robin Martens mit t verzuik om t door te sjloeze noa de sjriever van dit sjtuk. De vroag die aan Robin gesjteld woort, woar ondudelijk en sjrikbarend genog verroajde Jill de reje van die verwarring auch nog. En datse dich af en toe eine drinks is tot doa aan toe, maar om noe om 5 oer sjmiddigs op unne doordewaeks daag t volgende te sjrieve :

Dat boavematige alcohol-gebroek leidt auch tot opvallende taferelen in t kleidlokaal veuraafgoand aan de wedsjtried van aafgeloupe weekend, wo zowel Dyonne Conjour es Sanne Boelhouwes muijte houwe gehad om hun evenwicht te beware en maar houwe besjloate om d r bie te goan ligke:

Desondanks woort d r un euvertugende 6-0 euverwinning behoald, mit dank aan ein goal van Samantha Vanhouwe en maar leifs 5 (!) goale van Bo Knoops, die de gouwe sjoon al kent ruke. Langs de lien houw coach Tom de Keul de lolbrouk aan. Wie Clannad, de vriendin van Stefan Frissen, zich effe bie de dug out meldde om get water in t gezich te gooie, mirkde Tom op: Clannad haet t ummer gaer get Frusjer. Un opmerking die Jari Knoops aanzat om n nóg maeligere opmerking op de groepsapp te sjmiete. Rene Gooren koosj die waal waardere:

En van de dames goan veer alwaer noa t letste seniorenteam, ozze veteranen. Die moosjte, noa de oetwedsjtried in Berg van veurige waek, nóg korter bie hoes sjpele, namelijk in Urmond. Veurige waek woar t plan van Willem Thewissen om mit z n allen same te fitse nog in t water gevalle. Boosdoener woar Marc Lacroix dae houw veurgesjteld om vanaaf Jan Linders te vertrekke, do wo Willem houw opgeroupe om vanaaf t Hetjen te vertrekke. Marc houw ze doaveur flink d r van langs gekrege, maar vonj t toch neudig om Willem dees waek nog effe te ploage d r mit. In eesjte instantie noom Willems naef, Gerard Martens, t nog veur m op, maar dae woort geliek gedekseld door Marc: Marcs volgende hypocriete opmerking koom un paar daag later:

En doamit woar de sjpas veur Marc nog neit veurbie: Willem bleef intusje de rust zelve. Hae leet zich zelfs neit verleiden om Marc oet te make veur achterlijke ko. De door Gerard Martens aangeroaje cursus omgoan mit teleursjtelling liek zien vruchten noe al aaf te werpen. Hulde! Oetblinker van veurige waek, Steef van de Woude, woar de roem noa eíne goeie wedsjtried alwaer noa de kop gesjtege. Steef woort namelijk op vriedigoavend, temidden van 250 dames, gesignaleerd op de ladies night bie Van der Valk:

Ron Marchal goof doa op un goud bedoeld advies aan Steef: Auch die angere vedette van de veteranen, Will Leurs, leek gein al te beste veurbereiding op de wedsjtried te hubbe. Op zoaterdigmiddig meldde dae zich ummer mit un opvallende oetsjproak op de app:

Un dermate sjlechte wedsjtriedveurbereiding zou coaches Leon Pep Fredrix en Frens Janssen oeteindelijk doon besjleite om de doorgoans vaste basissjpeler Will Leurs op de bank te posteren. Veurdat die opsjtelling bekend woort gemaak, woare d r echter nog get angere verheffende gesjprekke in t kleidlokaal. Zo vertelde Roger Daemen dat hae sjmiddigs noa de oapening van Subway woar gewaes. Roger: Doa gove ze gratis breudjes weg. Marc: Wat houwse dich besjteld. Roger: Un breudje kip. Vroog dat maedje nog wat veur gruinte ich d r bie wol. Ich zei doa op doog maar un extra sjtuk kip d r op. Eddy Ubbink meldde dat hae de opmerking van veurige waek in t wedsjtriedversjlaag van Willem zo leuk vonj. Eddy: Das doe sjreefs dat ich rende esof de FIOD mich op de hiele zoot, vonj ich éch grappig. Will: Kiek ens Eddy, de FIOD? Ich dach dat ich de einige sjtoute woar hie. Willem: Dat gebeure bie Eddy telt neit taege m. Dat is tweede graads femieje. Ron: Inderdaad, dat is aangetrouwde criminaliteit. Dat telt neit. Eddy: Gelukkig maar. Ron: Wat mosse trouwes veur die handjboeje hubbe, Eddy? En effe later koom Ron nog maar ens terugk op de recente oplaeving van criminele activiteite womit diverse vets in verbandj waere gebrach. Ron: De hells angels hubbe mich nog gebeld. De wolle un paar criminele van os euvernumme. Intusje woar Will Leurs zich op zien gemaak aan t omkleije. Willem Thewissen bekeek dat ens en noom t woord. Willem: Jonges, in dat shirt haet Will in 1977 nog David Bowie gedreijt. Mat: Nae, om 11 oer dreijde hae ummer Fernando van Abba. Dan koosjte veer lekker slowen mit de vrouwluuj. Ron: Joa, en dan eesj om 5 veur 11 noa de wc om dich de piemel op lengte te trekke. Willem: Deigs doe dat? Ron: Ich trok m meestal gans hel. En die wiever maar denke dat r nóg groter koosj waere. Vervolges noom Leon Fredrix t woord om de opsjtelling bekend te make. Leon: Ich hub waer goud nuujts en sjlech nuujts. Roger: Doog vandaag maar eesj ut goeie nuujts.

Leon: Veer hubbe vandaag maar leifs 5 reserves. Roger: En ut sjlechte nuujts? Leon: Dat d r 5 man d r naeve motte beginne. Rudy: Miljaar hei. 5 wissels? Ich hub murge geine wissel bie ut 2e. Ken ich neit un paar wissels lene? Piele: Rudy, bekiek dich noe maar eesj ens rustig die eesjte helf en dan bedenkse dich in de rus nog maar ens ofse dat ech wuls. Leon: Jonges, Ron en Steef motte onger rus al weg, dus die sjpele de eesjte helf. Roger: Enne? Wiezo maar ein helf? Steef: Veer motte murge op 2 mitdoon, dus veer waere gesjpaard. Will Leurs begoosj dus op de bank. Urges auch logisch want jedere coach dae de besjikking haet euver unne fitte en gretige Math Caanen, leet dem vanzelfsjpraekend sjtarte es linksboete. De Caan bewees aan t eind van un sjpannende eesjte helf t geliek van zien trainers door zich mit un geweldige actie op de achterlien vrie te sjpele om vervolges de bal terugk te legke op Misha Dreessen, dae Rob Schulpen vonj om de 0-1 binne te mikken. Mit dae sjtandj woort de rust bereik. In de rus nome coaches Leon en Frens echter un lestig oet te legke besjlissing. De oetblinkende Math Caanen moosj t veldj rume veur Will Leurs. Math leet zien ongenoegen blieke op de groepsapp. Coach Leon woar doa echter sjnel vaerdig mit: Roger Daemen woar onger rus ontevreje euver t veldj: Wat un knolle-wei. Allein de gedeiltes wo ich geloupe hub de eesjte helf, zeen noe vlaak.

Naeve Math Caanen blinkte euveriges auch Steef van de Woude oet de eesjte helf. Deze op therapeutische basis acterende balvirtuoos leet zeen dat hae t voetballe nog neit verleerd is. Mit loupwonjer Marc Lacroix in ziene rugk en braeker Misha Dreessen aan zien zie, kreeg Steef alle ruumte om t sjpel te verdeile. In de tweede helf koom Urmondia al vrie sjnel op gelieke hoogte. De wedsjtreid leek op n gelieksjpel aaf te sjtevene, totdat Roger Daemen un actie maakte in de 16 en doa onreglementair woort gesjtop door ziene taegesjtenjer. De sjriever van dit sjtuk probeerde zich op dat moment onzichtbaar te make, maar woort door Roger toch opgedrage om de pingel te numme. Mit knikkende kneije woort de penantie benut. Mat Creemers zurgde d r in t vervolg van de wedsjtried veur dat de defensie gesjloate bleef en Will Leurs en Rob Schulpen verzuimden om de wedsjtried definitief te besjlisse. Oeteindelijk moch toch un verdeinde euverwinning gevierd waere. Noa aafloup sjting veural Will Leurs in t middelpunt van de belangsjtelling in t kleidlokaal. Will kreeg commentaar om zien gemiste grote kans en auch om t boetesjpel sjtoan wodoor un tweede kans verloare ging. Denny: Will houw volges mich unne helle op dat moment. Hae sjting 25 centimaeter boete sjpel. En Will zelf leet nog twee sjieke foto s zeen van m zelf in de goeie ouwe tied. Same mit Will figureren op die foto s Piele Smeets en Denny Vorstermans: En zo zeen veer inmiddels alwaer aangekomme aan t eind van dit versjlaag. De oetsjmieter is aafkomstig van sjpeler/grensrechter Pedro Willems. Pedro is mit zien mam Truus ummer vaste toesjouwer bie de thoeswedsjtrieje van De Sjter 1. Aafgeloupe weekend koosjte Pedro en Truus echter neit komme kieke. Pedro vroog Christel van Kan om m op de hoogte te haute van de sjtandj en lag geliek oet wat de hilarische reje woar van hun aafwezigheid:

Pes volgende waek! Rob Sjulpe