Ut Riante Boetehoes ielegaal edisie Jaorgaank 52 nommer 1 8 fibberewarie 2010 Vaan de Hoofredaksie Leef Vastelaovendsvierend vollek vaan Mestreech en umstreke. Geer höb al gemerrek dat de Citoteskommissie ziech staonde heet wete te hawwe in ut geweld dat momenteel in oonderwiesland rónd geit um die tes naor mei te verplaotse. Veer es hoofredaksie meine dat veer dat te daanke höbbe aon de inspanninge van d n echte citoleijer van ut ierste momint, dee zellef evenals zien vrow hoech posisies innume in oonderwieskringe. Naor veer gehuurd höbbe zien die twie d r stevig tegen aon gegaange en heet dat hijj en daor nog get crisisse veroorzaak. D r woorte arguminte gebruuk in d n trant vaan es dat zoe mót daan haw iech demèt op en iech kin ut örreges aander e stok beter kriege. Enfin, de preciese detajs zalle veer noets wete, mer ut is hun wel gelök um de Citotes veur eus lezers te behawwe en daorveur deile veer alvas d n ierste SJAPPOO vaan dit jaor oet. Un interessante vraog is trowwens wienie dee citoleijer veur d n ierste kier in dees hoedanigheid is opgestande, oftwel wie lang kint geer al geniete vaan de lol veuraof. Veer höbbe de straotkorrespondent mèt väöl meujte zoewiet wete te kriege dat heer e histories oonderzeuk is gestart en veer hope de oetkoms daovaan örreges in dit wawwelblaad tege te kaome. Wiet geer wèt höbbe veer es hoofredaksie al jaore wienig in te bringe euver d n inhaajd vaan dit blaad. Eigelik al sinds ut ésjek mèt de aw hoofredaktries, veule veer us hijj eigelik e bitteke gepeerdskeuteld. Veer kinne uuch vertèlle dat d r dit jaor alweer luij bezig zien gewees um un ganse groete fles flügeldraank in te sloon, want d r zien oppenuijts geruchte dat bepaolde tiepes poginge doen um die aw hoofredaktries hijj mèt de vastelaovend unnen inval te laote doen. In dat geval ligke veer ut liefste in kinnelike staot oonder d n drökpeers, zoedat ut neet iejer es asselegoonsdag ech doorkump. Wiet geer zeet is ut weer zoewiet, veer höbbe de naom vaan de gezèt weer móte aonpasse. Veer woorte in de lètste maonde door bepaolde tiepes vaan un organisasie, die ziech veurstèlde es De Stomste Boere, d r fien op geweze datste mer lestig laope kins mèt twie gebroke bein. Allèh daan mer, veer woorte door eus keuningshoes en euze eige (ex) börregemeister gevraog of veer neet get veur hun koste beteikene en dat perbere veer te doen mèt de neuije naom vaan de gezèt. En nein, hijj zien (helaas nog) gein steekpenninge aon te pas gekaome. Zoe es geer oondertösse geweend zeet, is dees ierste edisie van ut jaor gans gewijjd aon de citotes en de resultate daovaan. Helaas is aoch dit weer in han vaan euze straotkorrespondent, dee hijj trowwens de ganse maond al gans oontspanne rónd löp, zoe af en tow nog dat leedsje neuriejend vaan wat e leef hekske. En daan geve veer ut noe mer weer oet han, es geer mer wèt dat veer us neet verantwoordelik veule veur d n inhaajd. Wee kump Un vaste rubriek, want veer blieve netuurlik altied benuijd. Zien d r neuij deilnummers aon de citotes die ziech kaome melde bijj de Knijnspiep? Welke kinder zie aofgehaok of kaome zjus weer vaan die dwaling trök? Veer kinne uuch melde dat Cas d r dit jaor zier woersjijjnlik neet bijj zal zien. Hoewel dee de lètste jaore koste nog meujte spaorde, zal ut noe get lestiger weure, want dee zit in Amerika. Daorentege nump Malon häör vrundsje Marijn mèt. Pé en Liny kaome aoch weer zónder jonge en Liny geit maondeg alweer naor hoes. Jol steit al weke de skiebreuk te peerse en zal us dus helaas weer móte misse. Mer weijer verwachte veer gewoen eederein. En daan zal Maud de femilie zoondeg vas weer op d n trein naor Nijmege zette. Vaan Danielle wete veer ut nog neet zeker. Die sjijjnt te dinke datste geine vastelaovend kins viere este zeve maond in verwachting bis. D r zien oonder us diverse ervaringsdeskundige die dat volledig kinne óntkrachte. Dus Danielle, gun dat keend ziene of häöre ierste vastelaovend. Willy heet de kapsalon aon de Breijstraot definitief geslote en dus verwachte veer dee in vol ornaat. Cécile heet Arjen aongeweend um häör eedere nach es zie sliep in häör oere te fluustere geine jagermeister, geine jägermeister en v r hope dat dit geit wèrreke. Veer raoje uuch wel allemaol aon um nog gaw eve stevig get vitamines te happe, want de wèts mer noets of d r nog örreges iemes es Meksikaans viruske verkleijd geit. Pé heet ziech naor de gooj ervaring vaan veurig jaor metein weer dat appartemint in de Kepoenstraot gereserveerd en
aoch de res heet vas weer veur e plekse gezörreg. Eederein heet zoe zien eige boetehoes. Sommige luij numme dat wel erreg letterlik en dinke dat zie die daog in Nazareth móte doorbringe, mer die liere ut nog wel. Veur de echte pinhawwers ónder us: veer zien gewoen vaanaof zaoterdag eederen aovend um 9 oor present veur de Knijnspiep. De Citotes Historie Veur de luij die dit fenomeen nog neet zoe good kinne (en eigelik aoch veur de aandere, want veer kriege allemaol wel ins get watte in de kop), höb iech op instignasie vaan Maud ins bekeke wienie veer oets begonne zien mèt de moojer vaan alle teste. D n ierste citoleijer waor Paul, in ut jaor dat zien eige kinder op de lieger sjaol de Cito-test dege. Dat waor in 2000, en nog hiel erreg beperrek. In 2001 is d r eve e zwoer jaor gewees zónder tes, mer daonao is d r eeder jaor tròw un tes gemaak, die óndertösse tot e geweldig fies is oetgegreuid. In t vollegende staotsje kint geen zien wee de makers en winaars waore vaan al die teste. Jaor Leijer winner 2000 Paul Pé 2002 Paul Maud 2003 Paul Maud en Pé 2004 Maud Paul en Pé 2005 Maud Pé 2006 Pé Paul 2007 Pé Maud 2008 Maud Cécile 2009 Cécile Pé 2010 Pé Doorleze! Wiet geer zeet höbbe Paul, Maud en Pé ziech op alle frónte al wel beweze en ut weurt tied dat veer aoch ins vaan de aander luij get inisjatief goon zien! Wat wel hiel biezunder is, is dat vollegend jaor, in 2011, veur d n èllefde kier un Citotes aofgenome geit weure. Dat zal get spesjaals móte zien. En wat zègk geer es dit jaor aoch ut tiende jaor is dat de gezèt oetkump! Wat betref zitte veer toch in e biezunder jaor, met iemes vaan 4x11, èn iemes vaan 3x11 in eus gezèlsjap, terwijl Cas en Malon dit jaor de 2x11 goon viere. En Ingrid is hel op weeg naor de 4x11. Nils is inmiddels 10, dus dee jong get aoch e geweldig jaor tegemoet. Kinder, dat mót unne geweldige vasteloavend weure. Mer noe genóg gewawweld, op naor de oetslaag vaan de Citotes 2010: D n Oetslaag vaan de cito-tes 2010 Veer geve hijjj de vraoge en gooj antwoorde, en soms aoch ut gezwets vaan sommige luij. Veer kinne uuch wel vertèlle dat eure kommendeur behuurlik geproffiteerd heet vaan de inspanninge vaan de twiedoezendzevecitoteskommendeur, dee alles behuurlik geotomatiseerd had. Dit jaor waor alles wel erreg mekelik gemaak. Dit waor un test um slaopend te kinne doen. Ins kieke of uuch dat gelök is. Opdrach 1. op d n slóffe (8x2 punt + 1 bonus) 1) Wee lèt op alle akkoorde? Petrus aon de hiemelpoort dee lèt op eeder akkoord (Oet Limburg kump de meziek) 2) Wat mót geer miech naozègke? Sjievel, sjravel, sjroeveleer (Mien Moojertaol) En neet Iech góng naor de merret Irma 3) Boe späölt haos eederein? Bijj Sjeng toes (Sjeng aon de monika) 4) Wat krijjgs diech astrein vaan miech? t ierste (Nog eint) 5) Wat zeet miech geine? wie miene Peer m'n Meer gekrege heet (Iech maag neet vrijje) En neet boe mie fietske steit, of boe mie vruike is, hè Cécile? 6) Wee kook zjus wie häör mam? Maria (Macaroni) 7) Mèt wat waor dat toen ech genete? Mèt reube, friet en beer (Reube, friet en beer) 8) Wee is precies wie eederein? Unnen olifant (d n olifant) Opdrach 2. e bitsje kretse (7x3 punt +2 bonus) 9) Wat weurt eeder straot noe zeker? n drek-wei (D n drekmaan) 10) Wat gebäörde opins? Obbins, dao woort iech aofgetik ( Ch höb diech weer gevoonde ) En neet Daan klink dee vette lach 11) Mèt wee sjansdes diech? Mèt die vrow (Leo, kom mèt nao Luik) En neet mèt de buurmaan! Vertèl ins Irma! 12) Wat roop iech daan hiel hel? Sjöd ns in! (Zoenen daag 13) Boe höbbe veer later geinen tied veur? um noch väöl leefde te kinne sjinke (Later) 14) Wat kinste doen este weg wèls vaan dien werrek? En wèlste weg oet dien kentoer, daan kinste goon loere nao ut merretkoer ( t Leve is e fees) 15) Wat zit al in de vot? Ut Kwik (Hiel Mestreech dat zingk) Eige Bijjdrage vaan Mart (Met daank aon Jan Lang) Keeze is meuilijk, ut deit eine te good en de res tekort. Iech höb neet geselecteerd oet us eige repertoir bestaond oet kiekskes en herinneringe in euvertreffende trap. Vaan unne beroeps höb iech dit krachtig beeld genome: Trompetonia in Roet-Geel en u vleugske Greun, Unnen Engel dee eigenhandig Petrus verbloond door heur leech U heerlik estrant vrommes oet de paradieselike hiemel vaan Mestreech Oetgedos in e riek gepluimp pèkse, Pozerende op veur vastelaovunds sjiekste plèkse De Mestreechter staar lig roond heure moond bestorve Ze is nog neet door dun draank en vermeuidheid bedorve Want oondaanks ut elfder ore, is ze nog ongerep sjitterend gesminck Speulentere maak ze meziek dee in harmonie perfect in eeders oere klink. Ut volmaakte sjepsel in beeld gevaange Ze kin zoe Who s afraid of Red, Yellow and Blue vervaange. Opdrach 3 oet de aw does (6x2 punt + 1 bonus) Un neuj kategorie mèt vraoge oet 2002 t/m 2004 16) Wat vertèl iech es iech bij de specialis kom? Vertel iech wat veur miech t bèste is. (Geef miech drei daog) 17) Wee is verleef op Sjengske? Maria (Iech bin zoe verleef) 18) Boe kom iech in es d n daag tot rös kump? In de ban vaan n leef meitske sjoen en fien (Roed zien de roeze)
19) Wat deit dee wat aon de Maos gebore is? Dee goejt ziech gere dedoor. (Iech höb gedruimp vaannach) 20) Wat heet dee preutse vaan d n hook? E bloet bovelief (vaan Eijsde tot de Mokerheij) 21) Boe goon veer danse en skieje mèt z n twieje? Op d'n observant (Ski leedsje) Pikant detaij, vraog 21 stoont letterlik zoe in de tes vaan Maud oet 2004, mer dat danse stoont alleijn in de teks op de sait limburgzingt. In ut leedsje huurste alleijn gans alleijn skieje. En wee óntdèkte dat: zjus, Maud. Ei virtuweel Bonuspunt ekstra veur Maud!! Eige Bijjdrage vaan Maud 30 Cafe de Belsj 32 Cafe de Lure 31 Cafe de Tribunal 33 In de Kleine Staat, bijj ut Dinghoes. En neet op de merret vaan mestreech 34 Hook Koojstraot, slevrowweplein 35 Stokstraot, vaanaof ut Pothuiske Eige Bijjdrage vaan Jos en Marij Foto: Jan de Constant Hielemaol kontent! Dit is Roger. Al 25 jaor kom iech häöm tege mèt de Vastelaovend op ut Slevrowweplein. D n eine kier get zaater es d n aandere kier. Es heer get minder zaat is daan wissele veer get miejer wäörd, es heer errug zaat is, daan zègke veer allein mer: Wat is ut weer heerlik, hè?. In eeder geval: heer is altied Hielemaol Kontent. Veur miech is dit de sjoenste Vastelaovendsfoto! Opdrach 4. de kryptoos 6x2 punt + 2 bonus bijj 4 good en 2 bonus bijj 6 good) 22) Dee jong is ech neet langer. Lerang 23) Die zien neet mie good. Mestreechter Staar. En neet de kromme en de sjele, of Taai, Taai, al zien die aoch leuk gevoonde. 24) Wat n hits, geef miech mie beer trök. Brandweer 25) Boe rije Miets en Fieke noe weer op? Mie fietske 26) Wat krege veer s bij a gleeske Moesel? Mossele 27) Eederein is geliek. Allemaol egaal En neet Iech bin zoewie iech bin Aoch dit waor dit jaor wel e stok gemekeliker es de veurige jaore. Alleijn 23 heet de mieste wel meujte gekos. Opdrach 5. Boe bin iech? (8x2 punte) Aoch un neuj kategorie, die nog neet zoe gemekelik bleek te zien. Iech vind dit mien favoriete foto vaan vastelaovend umdat ut Mooswief de Beschermvrow en patrones is vaan euze Mestreechter Vastelaovend. Heij drejt ut allemaol um die dreij daog. Opdrach 6. Wee en boe bin iech/zien veer? 36 Ahmed Aboutaleb bijj de sleuteleuverdrach in ut Stadhoes 37 Ziesjoem bijj de Mestreechter Geis (4x2 punt) 28 Bonne Femme 29 Ut Laank Gresje 38 Guido Oomen, vastelaovendvierder 2009, in de Bonbonnière/Redoute 39 Fons Olterdisse, Groete Loeierstraot
Eige Bijjdrage vaan Marcel Merk Heijbeij mien erre-meujetigge poging um get devaan te maake. Creatief is mien foto aoch neet, meh zoe kinne veer us mesjien met de vastelaovend. Geweldig leuk, meh geleujentigge wat lestig! Hoihoi, - Marcel "Roeje Kloetzak" Opdrach 7 Veur de Hollenders (Hollenders 15x2, Mestreechtenere 15x1 (-1 per fout antwoord). Hollenders 5 bonuspunte es alles good is. Vertaol nao ut Nederlands (V) of lègk de beteikenis (B) oet 40) E buneke (V). Een snoepje 41) Kösteek (V). Kussensloop 42) Memmestieper (V). BH 43) Kaanjelpiep (V). Regenpijp, afvoerpijp dakgoot 44) Höbste d'n aap al hure keeke (B). Is er al een begin van succes waargenomen? 45) Eederen daag e dräödsje is 'n hummesmow in e jaor (B) Veel kleintjes maken een grote 46) daor kin e blind peerd gein sjaoj aonriechte (B) Het is daar erg rommelig. En neet Beste stuurlui staan aan wal 47) zie is gepóp en gesjete häör moojer (B) Ze is precies haar moeder 48) ammezeer uuch, mer neet boete de sjraom (B) Ammuseer je, maar hou het netjes 49) Dee jong kraog t sjuifke (B) Hij liep een blauwtje (of hij kreeg geen absolutie) 50) sjuif ins 'n bats (V) Schuif eens een eindje op 51) Heer veulde ziech gepeerdskeuteld (V) Hij voelde zich bedonderd 52) Unne slevrowweweeg doen (B) Een bidweg doen. En neet e weesgegroetje beije 53) ziene konzjee kriege (V) ontslagen worden. En neet op fekansie goon 54) Unnen echte Sjeng. Een echte Maastrichtenaar. Opdrach 8. Meziekvraog (3 punte veur de teks, 1 punt per good leedsje, alles good: 2 bonus) De meziekvraog bestoont dit jaor oet aon mekaar geplakde fragminte, allemaol herkinbaar en eur einigste opdrach waor um de teks te reproducere en daorbij te vertèlle oet welke leedsjes die fragminte kaome. Väol luij vergaote de teks te geve. Weer dat leesplenkske. Oplossing teks Ein twie dreij ; nege, tien èllef ; iech höb, iech höb ; iech höb gewach; boe hingste noe toch oet ; Kom, laot miech noe mèt rös ; höbste niks vaan dien foute vaan vreuger gelierd ; Nein iech kin diech neet vergete ; iech laop noe al d n hiele tied te zeuke ; heer is weg tot miene spiet ; es geer m zeet ; daan zweef iech met diech ; vaan Eijsde tot ; ut strand vaan griekeland; Die gouwe plekskes ach wat waor iech daor weer gere ; Geef miech mer Mestreech ; Stad vaan Sint Servaos Leedsje 1 Ein twie dreij veer, boe blijf dat beer En neet Woele Boele 2 Hei höb iech alles veur euver 3 Iech höb t weer 4 Iech höb gewach 5 Harie boe hingste noe toch oet en neet ach Sjarel 6 Iech haw vaan ut leve 7 Sjiek is miech dat, Fabrizio 8 In d n hiemel 9 Iech bin de kluts kwiet 10 Tricot tricolore 11 Menier d n deender. En neet De knievel vaan Lewieke 12 In d n Hiemel 13 Vaan eijsde tot de Mokerheij 14 Un griekse nach 15 Heimwee naor mestreech 16 Zingend door Mestreech 17 Jao us Mestreech (Nachroave) Eige Bijjdrage vaan Cécile Mien leukste foto, dat mot de foto zien boe iech ut mies um höb motte lache, althans, nao u tiedsje! Ut waor vastelaovend 2009 en Danielle had ut al de ganse vastelaovend euver Pat (veur de neet-initimi: Prins Patrick I), boe zie zoe geer met op de foto zow goon. Ut benkelik momint waor dao en bijj de belsj keump heer gewoen aonlaope. Danielle sjraap al häöre mood beijjein en vraog ut m. Iech neum de foto, Prins Patrick I vraog nog of ut gelök is, en iech dach vaan wel Opdrach 9. Kreatieve opdrach (11,9,8,..,2,1 punt) Hijbijj woort vaan uuch gevraog naor eure favoriete vasteloavendsfoto, mèt un motivasie boerum dee foto zoe geweldig is, mèt daorbij de beperking dat die motivasie neet
langer moch zien daan 200 wäörd. Geer vint die bijjdrages verspreijd euver de gezèt, wel e bitteke aongepas, want die gezèt mót neet te groet weure. De assistent heet alles in orisjineel formaat gekrege. En häör kommentaar waor kort mer krachtig: De foto's en de bijjbehuurende verhaole waore sjoen, uniek, geweldig, persoenlik, soms grappig, soms ontroerend. Veur miech sprónge 2 inzendinge d'r bovenoet. Die höb iech dus beloend mèt de bekinde 11 punte. Heijj is d'n eindoetslaag: 1 e plaots: Ingrid en Irma, allebeij 11 punte 3 e plaots: Maud: 8 punte 4 e plaots: Jos en Marije: 7 punte 5 e plaots: Mart: 6 punte 6 e plaots : Inge: 5 punte 7 e plaots : Cecile: 4 punte 8 e plaots : Marcel: 3 punte Euver d'n oetslaag maag oetgebreijd weure gekommuniseerd en gezeik, mer ut zal totaal gein effek höbbe op de beoordeiling vaan de assistente. Daor kint geer ut mèt doen! Eige Bijjdrage vaan Irma Vastelaovend 1959 Kasteel Cartielstraot 20 Nazareth, Mestreech Miene sjoenste foto - Stasieportret op de stoop!!! Zuug ze daor ns stoon met z n dreijkes! In t midde Nico, mie broor es cowboy, rechts mie zusterke Marjo es Arabier en links dat klein öppedöpke, dat boerinneke, dat bin iech! Immeke zachte ze tege miech. Nog zoonder brèlke, iech moot nog mer sjus drei zien gewees want met 3 jaor kreeg iech mienen ierste fiets op mien neus. Eindelik moch iech daan toch mie pekske aon. ne Greune rok vaan voringstof, n witte glimmende bloes en neet te vergete mie greun strujen huudsje. Sjiek is miech dat!! s Mörreges vreug, veur tot v r naor de mès ginge laog de pekskes al gepeers, gestreke en opgesteif, glanzenterend te wachte euver de leuning vaan de fauteuil in de veurkamer. En jao, hei zien veer dus al naor de kèrrek gewees en zuug ns wie trots of ze is op häör bolleroke. Eve loere naor t veugelke en daan gaw sop ete want d n optoch zow zoe goon trekke. Keender zingk geer alvas met? 1959 Sjannet, sjannet, kom dans nog ns ballèt Eige Bijjdrage vaan Ingrid Zoeväöl lol, leefde en plezeer Mét of zonder maske op, sjus wie uzze peer en meer Same näör ut fees vaan joonk en aajd te goon Ut is zoe zun tot die tradisie is gedoon Väöl zal iech aon pap dinke en miech stiekum toch eine same met häöm drinke! Opdrach 10. Eige vraoge (1 punt per vraog) D r woort de restriksie gezat dat die vraog euver e ech vastelaovendleedsje 1946-2010 mós goon. Dat Ron dat neet begrepe heet, allèh daan, hoewel zien vrow daor gei inkel probleem mèt had. Mer dat Jos+Marij ut leesplenkske nog nudig höbbe! De nuijkaomer, Marcel waor helaas 11 daog te laat (zow heer dat zoe bedoeld höbbe?) En iech höb de vrijheid genóme um de vraoge hijj en daor e bitteke aanders te formulere of zelfs in ut hollands te stèlle. Mèt als gevolg dat Irma kaom klaoge dat zie häör eige vraog neet trök kós vinde. Terwijjl die toch zjus es spesjalis vaan de leesplenkskes besjowd zow kinne weure. Um get mie sjwoeng aon dees vraog te geve kós geer ekstra punte verdene door de lètste ciefers vaan de jaore bijj mekaar op te tèlle. Dee ut kortste debijj zit, krijjg 1 punt debijj. Weijer höb iech zellef nog 6 vraoge d r aon tow gevoeg umdat ut aontal inzendinge wel erreg tege veel. Es geer kós raoje welke leedsjes dat waore (nummers bijj mekaar optèlle), daan kós geer nog e punt verdene. Diverse luij gaove alleijn ut leedsje, mer gei antwoord. Minpunte netuurlik. 1. In welk leedsje späölt de crisis iemes parte? Miene maan (54) 2. Wat kan iedereen aan jou zien? diech bis veur miech e sträölke zonnesjien (Diech bis t zönneke, 1995) 3. Wat zuut ze? De prinse kaome en aoch weer goon (Pak uuch vas, 74) 4. Wat is veur cent neet te kriege? Gelök (Zingend door Mestreech, 83) 5. Wee ging es travestiet? Noonk Harie (Noonk Harie, 65) 6. Wanneer ben ik pas tevreden? Es edere student, toeris of wee hei binne geit mien mojertaol versteit (Mien mojertaol, 90) 7. Wat geit vaan de berreg tot aon t bassin? De spiereling (Hand aon hand, 77) 8. Welleke boetelandse komponis waor in good gezèlsjap vaan unnen diechter en sjèlder oet Amsterdam? Bach (Iech bin gebore in Mestreech, 88) 9. Waar is Maastricht weer vol van? Vaan boonte klaver en confetti (Zeet löstig, 47) 10. Wee is ten einde raod? Lieke (Harie boe hingste noe toch oet, 86) 11. Boe heet heer dreij daog probleme mèt? Unnesajs (dat is de sajs, 58)
12. Wat zónge veer in de Koojstraot? (Boe, Boe, Boe, 73) 13. Oetkoms vaan de optèlling vaan de jaore=60 14. Oetkoms vaan de optèlling vaan de 6 bijjdrages vaan de kommendeur=42 (1,4,5,9,11,12).. weijer neet heet mètgedoon, geve veer daorveur Maud en Janneke eeder 0,5 punt. Eige Bijjdrage vaan Inge Deen ierste veel nog neet mèt hè? Is dat daan geine crisis es de kezjem erreg min is? En dat un kooj Boe zeet sjijnt aoch lang neet eederein te wete.. Alleijn Irma (of Paul?) wis dat. Cécile heet vraog 13 exact good beantwoord en Ingrid + Maud zaote ut kortste bij vraog 14. Alledreij e bonuspunt. Ekstra Bonuspunte waore te verdene door neuj deilneumers aon te bringe. Veur eedere nuije kraog geer 2 bonuspunte, mèt e maksimum vaan 4. Helaas, heet dit wienig punte opgelieverd, alhoewel d r wel poginge zien oondernome um Roelf (Cécile) en Veronique (Maud en Janneke) zoe wiet te kriege. Veronique heet wel Marcel Merk zoe wiet en zoe gek wete te kriege en umdat die zellef Nacht vaan de promme in t Pothuiske 2009 (Pop treft Klassiek) En hijj is daan eindelik d n Eindstand (D is deilnummersbonus, a/b gief ut versjèl tösse binne/boete 043 gebore) Klasse 1 2 3 4 5 6 7 8 9 10 D TOTAAL max 16 21 12 12 16 8 15/30 20 11 12 0 143/158 Bonus 1 2 1 2+2 0/5 2 1+1 4 16/21 Totaal 159/179 Maud 17 18 13 16 12 8 15 22 8 11 0,5 140,5 Irma+Paul 17 15 13 16 12 8 15 22 11 10 0 139 Cécile 14 13,5 13 4 10 6,5 11,5 18,9 4 11 0 106,4 Inge 17 12 13 0 6 8 13 12,5 5 0 0 86,5 Ingrid 14 12 13 2 2 0 14 0 11 3 0 71 Jos en Marij 0 0 0 0 8 8 13 15 7 4 0 55 Marcel Merk 10 3 8 2 6 5 8 3 3 0 0 48 Janneke 4 6 10 0 0 0 24 0 0 0 0,5 44,5 Ron 4 6 10 0 0 0 24 0 0 0 0 44 Mart 0 0 0 0 0 0 0 0 6 0 0 6 PERFICIÀ Maud, de höbs ut alweer glansriek gewonne. Diech bis daan aoch eus Prinses 2010. Irma wis neet van opgeve en verdeent zeker un iervolle vermelding. Dat eine ekstra fuitsje in opdrach 2 heet diech d n das umgedoon. En netuurlik aoch Cécile en Inge zien good bezig gewees. Geweldig gedoon keender. En inderdaad weer alleijn mer vrowluij op de ierste 5 plaotse. Mansluij toch! Marcel Merk verdeent un iervolle vermelding. D n ierste kier is dat altied wéne jong! En boe Paul es solis is gebleve? Dee heet hiel get oet te lègke, mer iech höb zoe geveul dat heer dat mèt alle plezeer zal doen. Wee geit veur de oetdaging vaan de èllefde Citotes? Wie eeder jaor zien veer eederen daag (zaoterdag-dinsdag) tösse 21.00 en 21.30 present bijj de Knijnspiep. Op zoondegaovend weurt daor de winnares gehuldig. Eure straotkorrespondent en twiedoezendtiencitoteskommendeur + zien leef mer streng assistente