Zonneblomme Went ich oet gen vinster kiek En de zonneblomme zieë Groeët, vol zoad en riek En noa de beiemeeskes, Die zich te good d raa dont, Ze vlege aan en aaf Ooch valle zöadjes op de gronk Vuur nui zonneblomme t anger joar Zoeë zurge de mieëze dan Wer vuur nui voar Jan Halmans De koaleboer Vreuger krege vier koalebons op de koel. Die woeërte aafgegeëve biej de koaleboeër, en deë brach os da de koale. Dat ging volges ee vaste wirkwieze. Jieëdere kieër hou heë twieë zek op ziene sjouwer, en ene leëge zak dronger. Pap vong dat vier te wieënig koale krege, en ich moos heuëm s in de sjmieze houte. Ich versjtopte mich. Wiej d r aa koam hou er twieë zek op ziene sjouwer. Wie de koale in de koalebak gekiep waore, lag hee twieë zek biej de kuëkeduër neer. Dat gong ee tiedje good,mer opins hou heë twieë leëg zek op ziene sjouwer, en lag heë drie zek biej de kuëkeduër neer. Ich wachde mien kans aaf,en hub twieë zek weggepak. Wiej heë veërdig woar klopde heë op de kuëkeduër, en mam tilde mit heuëm de zek noa. Dat gezich van heuëm hous-te motte zieë, dat er nog twieë zek moos bringe! En ich houw m biej de puët mit ene zak koale! Jan van haaf
Peëdsblom De peëdsblom woar dit joar weus groeët Oet ziene sjtieël kump wit vóch Ee meëdje dat blomme zoch Vuur heur modder, op der kuuëkedusj Sjtrak had os blumke pluuskes En waad op inne kingermonk Deë zeët: Ïch bloas dich voet Dan weëd ich tachtig joar En misjien nog ee joarke mieje! Jan Halmans Verendering van de sezoene reep d r dokter wie mieng mam mit d r klinge Thei langs koam umdat t keëlke zich zoeë sjlap veulde. In deë tied hou ste namelek winkter, vreugjoar, zoeëmer en d r herfs, die zich ongevier dezelfde tied opvólgde en doa hou mien biologiesje kalender waarsjienlich probleme mit. Mien mam hou dem gevroagd of doa get aa te doon woar, woeëop d r dokter zag dat zie en ich d r mit mós te liere leëve en jieëkere daag inne eëtleëpel leëvertroan mós te sjlikke zoeëlank d r ing R in de moand zoat. Vanaaf deë daag woeëd mieng jeug jieëker joar óp zie mins ach moand lank, jieëkere daag verpest durch walvusjjeëgere die óch nog ueversjtónde makde um genóg leëvertroan te bezörge. Ach kier per joar, moal dartig, en dat moal inne volle eëtleëpel. Dat mótte liters zien geweë die oane pardon bie mich noa binne woeëde gegoate. Oge touw, naas touwkniepe en mónd oape. Weë ste inne groeëte keël van, en noe noa bed. En wat ich óch prebeerde um mich doa langs te zeeke, nieks hólp. D r dokter hou gezag dat t good woar en deë kós t wete want deë hou d r vuur gesjtudeerd en ing second opinion besjtóng toen nog neet. Ich dach dat ich van de ieëlend aaf woar wie ich t book hou geleëze van Moby Dick, deë witte walvusj deë ganse sjieëpe kapot sjloog mit ziene sjtats, mar t hólp allenui nieks, de rekke bie de appetieëk bleve geweun vol sjtoan mit flesje leëvertroan. Mar wie ich de hoap al hou opgegeëve, koam inins de redding D r nónk Otto koam op bezeuk en deë hou de ganse welt aafgereesd, en woar óch n paar joar in Indië. Wie heë d r ieësjte oavond bie ós hou gegeëte en zoog wie mien mam inne leëpel leëvertroan bie mich noa binne kiepde, reep heë dat die vettigheed oet de mode woar. Heë holde ing duëske oet zien binnetesj en zag knofloakpoeier, teëge hoaroetval, sjloapeloeësheed, pieng in de derm en impotentie. t Woeëd effe sjtil in de kamer, de mam woeëd roeëd en flüsterde Otto, d r zitte kinger bei. Twieë daag later hou miene pap n düeske knofloakpoeier gekoch in ing duuster winkelke woeë ze nog mieë geheimzinnige dinger verkochte.
Noa t oavendeëte noame mien ouwesj jieëker ing tieëleëpelke poeier en ich kreeg miene leëpel leëvertroan want de flesj woar nog hoafvol. Wie ich noa ruum drei weëke endlich aan de buët woar óm t wónderpoeier te sjlikke sjrok ich waal effe van d r gesjmak, mar dat woar doezend kier beëter es d r leëvertroan. De sjoeëltankdokter woar d r ieësjte deë begós te klage uëver de lóch die ich in zien gezich bloos bei t joarlekse óngerzeuk. Doanoa koame d r nog vöale, mar óndanks miene resjpektabele leëftied kan ich nog ummer sjtóndelank mit miene trekzak van ruum twintig kilo durch de sjtroate van Limburg trekke en ónoetputtelig de miensjheed mit danse en zinge in beweëging haote. Ging leëvertroan mieë, mar dierek beginne mit knofloak, is ing wieze road van Thei Janssen Klimaat Klimaat probleme Zoeë huëre vier uëveral De welt verangert Krek wie ene toverbal Wie ne puzzel ligkt al doe ree De welt is gek ieërlik woar Zoe hubbe vier noe ene goeije zoeëmer dit noajoar Noajoar Went de blaar valle En de oavende weëde koad Dan sjteet der winkter a gen poad Ee aafgevalle zeutje Hingt a ee fien dreutje Went de blaar valle Dan weëd t al vreug duuster D r wink wingd durch t ruëster Ee geël bleëdje klatsjt teëge de roete t Is binne beëter es boete Me kint t noajoar noe al ruke Went de blaar valle Vier hont t hoot binne en druëg
De eëpel in de kelder neet te vreug De vrouwlüj hont t al kaod Der zoeëmer is gedoa en oad En der wink bliejst al oet t oëste Jan Halmans Allerhillige gedanke I gen kirk doa zitte de luuj In lange rieje neëve ee gereed Jieëder mit zien ege gedanke Jieëder mit zien ege leed Wie sjtil goan mien gedanke Oet noa dich miene sjat Ich mot dinke aan al die joare Die vier same hubbe gehad Aan goeije tiede en sjlechte Aan vruijd en ooch aan leed Dats doe zoeë flot moos goan. Dat verdeende vier twieë toch neet Halloween Ich ging lits op sjtap In mien sjtamcafé Och God, doa woar halloween Ich woerd gans doer ee t Woerd mich teveuël Ich sjtelde mich in de sjeem Zoog alleen mer hekse Ich dach ich woar heem t Is weer Vasteloavestied t Is weer vasteloavestied, Dat wille vier noeëts mieër kwiet. Op d r 11e van d r 11e begint t weer, t fieës van sjpas en plezeer. In de adventstied inne korte sjtop,
Mér vanaaf januari gont vier op noa d r top. D r prins lieët zich zieën van zieën biste kantj, En trikt dan mit zieëne road van 11 doeër t vasteloavendslandj. Doamit kondigt heë de koms aa van de drie dul daag, Drie daag woeë in nieks mot en alles maag. Vier zunt mit die daag allemoal beklop, En zitte de welt op ziene kop, Zoeë woar t ooch oeëts bedach, Kieke in d r sjpeegel mit inne gulle lach! Dooch mit, amuseer dich en geneet van de tied, Dan hub-ste ooch later ginne sjpiet! Ron Logister. Sint Loeë Vreuger woar hiej i gen dörp 3 kieër per joar kirmes; 2 vlaa-kirmesse in juni en september en op 1 december de St.Loeë-kirmes. St. Loeë (St. Eligius) woar en is de patroeënshèllige van de parochie. De St. Loeë-kirmes woar geen kirmes mèt karroussel, sjokkel, Sjeettent en zoeëget. Nee, de kènjer hauwe d'r nieks aa. Doa woeërd alleen get in de café's gehoute en meestens sjpilde dan een orkes; 't woar een richtige zoeëp-kirmes! op 1 december 1960 besjlisde de gemeenteroad dat diej zoeëperiej mer èns aafgeloope moeësj zin en sjafde de St. Loeë-kirmes aaf. Bepoalde fanatieke aanhengesj van diej létste kirmes woare des duivels en woare erg taenge 't aafsjaffe van diej kirmes. En der woeërd ee kommitee opgerich òm de kirmes in sjtandj te houte. Doa woar gans get werk aan de winkel òm vuuër 1 december alles gereed te höbbe. Men hauw van de gemeente verlenging van 't sjleetingsoeër gekrieëge en 't doew bekènde echpaar Lenie & Ludwig (joa die van "Schön ist die Jugendzeit") sjpilde biej Loewie Sjol in de café, diej dan ooch pratsjvol woar. Zellefs Sinterkloas woar doa. Diej van 't kommitee zoote gans sjtolz aan de dösj en leete zich felisiteere. Nog gans veuël joare is St.Loeë-kirmes gevieërd!!! Lej Dohmen Barbaraviering Op 4 dec is Barbaraviering; Berbke is de patrones va de koelluuj. Deë daag woeërd ummer good gevieërd. Ieësjt allenuij noa de kirk,doanoa ginge vier noa t Unitas. Later t sjuttesjhuuske doa woeërd ene sjtevige op de lamp gesjod. Da woeërd aa gesjoave aa de koffiedusj. Noa ene hoop kal doeër de baze ginge vier aa de vla en bruëdjes Da woar ummer een loaterie,mer alles wat eëtbaar woar woeërd burgemeester gemak en vier houwe da de grootste lol. Vier sjtonge mit zo n 20 man aa de teek: Geëf hiej ene!
En zoeë ging dat doeër,koelpiete woare duësjtig! Kins te dich waal vuursjtille wiej de aafloop woar Opins woar t zoeë wiet,ene hou te veuël a bachus geofferd En zoot liek bleek op de eërd va de hieëre w.c. Doe ging t loos.de wc bril woeërd losgemak en heum omgehange. Blome in de henj gedoa en doe de fotograaf besjtild. Mit nuijoar krege alle koempels een nuijoarskaart mit zien foto, en mit de biste wunsje! Jan van Haaf Sinterkloas. Binnenkort kumpt sinterkloas weer oet Spanje, Dat deet heë ooch dit joar weer mit de nuëdige franje. Wie jiëder joar makt heë ooch dit joar de rees neet alleen, Mer heët heë de nuëdige Zjwatte Piete om zich heen. Ziene verjoardaag wilt heë mit os viere, Ooch mit cadeautjes wie al die anger kieëre?of dinkt heë dit joar mië aan de roe? Dat giëf dan waal n hiël gedoe! Os kleentjes zunt neet ganz op hun gemak, Want wat hubbe die zjwate Piete in deë groeëte zak?es ze dan mit peëpernuët en klumpkes beginne te sjtruije,dont zich al die kinger waal degelijk vruije! Jiëdere oavend wurd doeër de kinger de sjoon gezat,mer of deë ooch s murgens een surprise bevat? Dat is jieëder kieër weer een verrassing,doa wurd dan ooch op gewacht mit de nuëdige sjpanning! Vief december is d r groeëte daag en deë kumpt ummer dichterbiej,mit chocomel en spjikkelaas sjteet jieëderee vol sjpannig in de riej.want wat heët Sinterkloas os dit joar mitgebrach?is t waal datgene dat vier zelf houwe gedach? Es de pekskes weëre oetgepak,kinste zieën of Sinterkloas de juuste sjnoar heët gerak! t is vuurbie vuur dat v r t allemoal wete.mer volgend joar kumpt d r weer inne nuuje sjakel in de kete! En doarom: Loate v r de Sinterkloas traditie in sjtand houwe, Zoeëget loate v r os toch neet klauwe! Toekomstige generaties zullen d r bliej mit zun, Want Sinterkloas is toch altied weer groeëte fun! Ron Logister
Plat a gen dusj Gier höbt `t vast geleaze of gehuërd, Biej Hub Egge op de auw Mert komme geregeld èè man of twelf, Biejee mit luuj van de dialektgroep, Diej zêtte zich aan ene groeëte dusj en kalle plat, dat sjprikt van zelf, Uëver alles wat ter toafel kumpt, in een ongedwonge sfeer, En drinke tösje doeër koffie mit kook of èè glaas beer, Doa zörgd d`r Hub vuër mit alle plezeër, Komt êns kiejke en zêt uch biej os aan de dusj, Doa vuëlt g`r uch juus wiej vier zoeë vriej wiej ene vusj, De sfeer is prima, en gelache wuërd oog, Want oes motto is, niks mot alles moog, Gezelligheed kênt gene tiejd en dea is om vuër dat g`r `t wit Ich weet ziejker,de volgende kiejr doeëd g`r weer mit Es g`r hevesj goat zit g`r een ervaring riejker, Dan kikt g`r oet noa de volgende kieër, dat weet ich zieëker. Jan Theunissen Zout sjtruije Sjnieë en gladheed Hul uëver trul Went me neet oet keek Loog me op zien bul Der woeërd gesjupt Gesjoave en gesjtruid Weëke achter ee Omdat t neet ophuit Opins woar t zout op Inne groeëte behei Dalik hubbe vier mit Poasje n flauw ei