Coevorden, 2 december 2018 Afkondigings deur de olderling van dienst Veurzang: Lied 216 Dit is een mörgen as ooit de eerste 2. Dauw op de èerde, zunlocht van boven, vochtige hof die rök net as toen. Daank veur gewas, veur gres en veur bomen, al wel hier kuiert, wet: het is goed. 3. Dag van mien leven, locht veur mien ogen, locht dat ooit speulde waor Eden lag. Daank alle mörgens Gods neie schepping, daank ingeteugen Gods neie dag. Woorden van welkom Begunpsalm: Psalm 84 1 en 2 Hoe lieflijk, hoe goed is mij, Heer, het hoes, waor Do dien naam en èer wils wonen laoten bij de mèensen. Hoe braan ik van verlangen um te kommen in dien hilligdom. Wat zul mien hart nog liever wèensen as dat het zingende Dij treft en zuk tot Dij allén verheft. Het heil, dat um dien altaar zweeft, bescharmt, beveiligt al wat leeft. De musk, het zwalfien vindt een woning. Heur jongen bint in veiligheid. Der is een schoelplaats veur mij spreid in het paleis van Dij, o Keuning. Heil heur, die toeholdt in dien hof en hielmaol opgaot in dien lof. Bemoedigen en groeten
Zingen: Psalm 84:3,4,6 Zalig, die oet dien starkte leeft, as pelgrim zuk op weg begeeft: heur hart giet de gebaande wegen. Zij trekt nou op van allerweeg, en giet het deur een schraole leegt : zij maakt daorvan aanvall ge streken. Ja midden in het zore laand mak regen gruizaom nou het zaand. Van kracht naor kracht gaot zij verdan. Aal zingend giet t op Sion an, tot z in Jeruzalem kunt trekken, waoj alle pelgrims hen ziet gaon um ienmaol veur Gods troon te staon. Wil, Heer, dan mien gebed opwekken. Verheur dat, God van Israël, die s alles leids naor dien bestel. Want God, oez Here, die oes mild bestraolt as zun, bescharmt as schild, zal; in genaode oes vehrogen. Hij wèert niet, wel of het ok is, die as oprecht Hum èer bewis en èerlijk optrekt veur zien ogen. Heer, die s het al in haanden holds, welzalig, die op Dij vertrouwt. Bidden an het begun Wilma en Ronald speult deel 1 en 2 van de Sonate in F van G.F. Händel Bidden Zingen: Lied 462 Zul der iens een dag van vrede
2. Zul der iens een altied weden vol van lieve goeie vreê waor gien zèerte meer weur leden en het leven nei an dee? 4. zie de steerns an de hemel waor het duuster van de nacht deur heur schiensel vort wordt dreven tot een neie dag die lacht. 5. Zoas bomen mèenschen zien laot dat der kracht tot gruien is zal de zeun van mèenschen kommen die de boom van t leven is. 6. Zoas stèerns de mèens komt melden dat gien nacht te duuster is zal een buitel oes gaon redden dat het locht der wereld is. Eerste lezing: Jesaja 9: 1-6 1 Het volk dat in het duuster leeft zöt een helder licht. Wie in het pikkeduuster woont wordt deur een straolend licht beschenen. 2 Ie hebt dit volk gruien laoten, heur gloepends bliede maakt met bliedschap as tiedens de bouw, ze zingt het uut as bij het verdelen van de prooi. 3 Want het juk dat op heur drukte, de stok op zien scholder en de zwiep van de driever, ie hebt ze verbaggeld net as indertied op Midjan zien dag. 4 Alle dreunende soldaotenleerzen en elke jas die onder het bloed zit wordt opbraand. 5 Want veur oes is een kind geboren, een zeun is an oes geven; op zien nak rust macht en gezag. Ze zegt van hum: Hij is wonderbaorlijk, een raodgever, starke God, vader veur aaltied, vorst van vree. 6 Groot is zien macht en an de vree zal gien èende kommen. David zien troon en keuninkriek bint der op bouwd. Ze staot stevig in recht en gerechtigheid van nou af an tot in der ieuwigheid. De iever van de HEER van de hemelse machten zal zuks doen.
Zingen: Lied 448: 1,3,5,7,9 3. Hij komp met vree; agil gien rampen gien oorlog en ok gien verdriet zal der mèer weden, gien kind dat rèert, gien stevels die in t duuster stampen. 5. Der is een zeun veur alman geven, de Zeun van God die keuning is, die t locht is in de duusternis, de weg, de waorheid en het leven. 7. En starke God die al oes bidden verheuren zal, die t al bewint. Ieuwige vaoder het dat kind, en vörst van vrede zunder ènde. 9. En alle, alle mèenschen samen, die zult veur God zien angezicht staon zingen in het grote locht. Hij kent ze almaol bij heur namen. Tweede lezing: Lucas 1:26-38 deur Marga Tijink 26 In heur zesde maond stuurde God de engel Gabriël hen Nazaret, een stad in Galilea, 27 hen een jong wicht wel as nog nooit met een man slapen had. Zij stund onder de geboden met een man wel as Jozef hiette en oet David zien volk was. Het wicht hiette Maria. 28 De engel kwam bij heur binnen en zee: Moi Maria! God hef je oetkeuzen. De Heer is met je. 29 Toen zij hum zag, raakte ze veraldereerd over wat hij zee. Ze vreug zuch af, wat dizze begroeting te beteken had. 30 De engel zee tegen heur: Niet bange weden, Maria, God hef het goed met je veur. 31 Je komt in verwachting en kriegt een jonge zeun, die aj Jezus numen moet. 32 Hij zal een slim belangriek mèense worden en de Allerhoogste zien Zeun nuumd worden. God, de Heer, zal hum de troon van zien veurva David geven. 33 Tot in ieuwigheid zal hij keuning weden over Jakob zien volk; an zien keuningschap komp gien èende. 34 Maria zee: Hoe kan dat nou? Ik heb ja nog nooit met een man slaopen. 35 Mar de engel zee: De heiige Giest komp over je, deur de kracht van de Allerhoogste komp as een schade over je hen. Daorum wordt het heilige kind dat geboren wordt, God zien Zeun nuumd. 36 En kiek, je nichie Elisabet möt ok een kleine kriegen, een jonge zeun. Zij kun nooit gien kinder kriegen, mar is nou al zes maond hen.
37 Bij God is ja niks onmeugelijk. 38 Daorop zee Maria: Ik wil de Heer dienen, laot het mar gebeuren zoas ie zegd hebt. Toen gung de engel bij heur vort. Wilma en Ronald speult Ave Maria (Schubert) Preek Thema: Moi! Orgelspel Zingen: Lied 489 Krieg wij bericht in duusterdonker 2 Oes is gien aander tieken geven gien locht in oeze duusternis as dizze mèensch um met te leven een God die oeze broeder is. Zing veur je God, die oes in Jezus leut zien hoe Hij um mèenschen gef. Zo wordt de wereld neie eerde waor al wat leeft het heil zien hef. 3 Zoas de zun komp met zien zegen een breugeman van locht en vuur, zo komp de keuning van de vrede veur altied kommen is zien uur. Hij trouwt de mèenschen an nkander zien liefde giet van mond tot mond. Hij gef zien lichem oes in haanden. Zo leef wij in zien nei verbond.
Bidden Wilma en Ronald speult deel 3 van de Sonate in F van G.F. Händel Inzameling onder orgelspel Zingen: Lied 442 Op Dij, mien Heiland, blief ik hopen. Verlös mij van mien zèert en smart! Dij wil ik aaldeur blieven dienen met hiel mien ziel, met hiel mien hart. Veur Dij zal èerd en hemel zingen. Vernei mij met dien hillig vuur, kom staog mij met dien glaans deurdringen, beschien mien hart van uur tot uur. Vervul, o Heiland, het verlangen waormet mien hart dien komst verwacht! Ik wil deemoedig Dij ontvangen; k zal Dij verwachten, dag en nacht. Blief in dien liefde an mij dèenken, waor um mij hen de wèreld braandt; wil aal maor wèer dien troost mij schèenken, hol Do mij aaltied an de haand. Zegen Wilma en Ronald speult deel 4 van de Sonate in F van G.F. Händel