Coevorden, 10 meert 2019 Organist: Ronald IJmker Koster: Coen Smith

Transcriptie

1 1 Coevorden, 10 meert 2019 Organist: Ronald IJmker Koster: Coen Smith Orde van de dienst Veurzang: Lied 556 (vert. L. Evers) 1 Alles wat iens over oes schreven is gies Do volbrengen dizze virtig dagen, de tien geboden en de virtig slagen, dit hiele leven dat gien leven is. 2 De schöpping die veur oes nog sleuten was maks Do weer open, hes oes d ogen lös daon. O Zeun van David, wees toch met oes andaon, het vuur van bloed en ziel braandde tot asch. 3 Maor, Heer, de hèerd van dien anwezigheid zal in oes hart een vuur van vreugd ansteken; Do waars met oes, Do zals oes niet ontbreken, Do Hogepriester in der ieuwigheid. 4 Do underholds de vlam van oes bestaon, want Do, o Heer, gefs an het brood zien leven. Doe is een loflied in de mond oes geven, sinds Do het pad van d offer op bis gaon. Neisberichten deur olderling van dienst Zingen an het begun: Psalm 25:1 en 2 (Vertaling: G.Kuipers) Heer, ik leg mien hiele leven in dien haand; van Dij bin k wis. Wil mij huun veur spot en schaande van elk, die mien vijand is. Wel zien hope stelt op Dij kan aaltied op Dij vertrouwen, maor wel zuk niet trouw beteunt, die zal t wis en waor berouwen. Heer, doe mij dien wegen kennen deur dien woord en deur dien giest. Ik verlang zo Dij te volgen; dat s mij t rechte pad dan wis. Maak mij met dien wil bekend, laot mij op dien weg vertrouwen; k hoop op Dij, dag in, dag oet, aaltied zal ik op Dij bouwen. Bemoedigen en groeten Zingen: Psalm 25:4 God is goed, op Hum kuw bouwen; Hij wis zundaors t rechte pad. Op Hum kun wij aaid vertrouwen,

2 2 al is t leven nog zo zwart. As wij oes naor Hum maor richt, leert Hij oes zien weg te volgen; zien genao en trouw bent wis veur wel zien verbond wilt holden Bidden Acclamatie Leefregel Zingen: Lied 864 :1 en 2(Vert. J.Kuik) Wil dan de Heer lofzingen, jubelt wel bij Hum heurt. Hij zal met trouw umringen wel lustert naor zien woord. Al moet ie hier ok dragen veul duusterheid en dood, ie huuft je niet beklagen: Hij redt oet alle nood. God zölf hef je verkeuzen en je geleuf opbouwd. Hij hef doe vast besleuten um elk, wel op Hum bouwt, met liefde te umgeven, met starkte as een wal, dat, wel met Hum wil leven de zege winnen zal. Bidden Eerste lezing: Genesis 9:8-17 (Vertaling: Warkgroep Drentstalige Kerkdiensten) 8. Wieder zee God tegen Noach en zien zeuns: 9. Kiek, ik gao non een verbond met je en met je naozaten an, 10. en met alle livventige wezens die as bij je bent: veugels, vee, wilde dieren: met alles wat as met jullie uut de ark kommen is, alle dieren op èerde. 11. Ik gao een verbond met je an: der zal verdan nooit ien livventig wezen meer deur een watervloed uutruid worden, der zal nooit meer een watervloed kommen um de èerde te verrinneweren. 12. God zee: Dit is het teken van het verbond tuschen mij en je en tuschen alle livventige wezens die bij je bint en alle geslachten die nog komt. 13. Ik heb mien boog in de wolken zet as teken van het verbond tuschen mij en de èerde. 14. As ik de wolken boven de èerde opdrief, en de boog in de wolken te zien is, 15. dan zal ik denken um mien verbond met je en met alles wat as leeft. Nooit meer zal het water wossen tot een vloed die alles en iederiene verrinneweert. 16. A k de boog in de wolken zie, zal ik denken um het aaltieddurende verbond tuschen God en alles wat der op èerde leeft. 17. God zee tegen Noach: Dit is het teken van het verbond dat ik met alle livventige wezens op èerde angaon ben.

3 3 Zingen:Lied 538:1 en 2 (Vertaling: A. Doornbos) in dizze wereldtied is van genaode leven buten de ieuwigheid is leven van de woorden die veur oons schreven staon en liek as Jezus worden die oons veuruut is gaon. in dizze wereldtied is, uut het water rezen, te staon in t kaole duun, gien god under de goden, gien engel en gien dier, een limtige, gien dode een mèens in wind en vuur. Marcus 1: (Vertaling: M. Douwes) deur Marga Tijink 12.En geliek wuur Jezus deur de Giest hen de woestijn bracht. 13.Veertig dagen lang undervund Hij in de woestijn van de saotan temptoatsie. Hij huul toen maank de wilde biesten en de engeln dienden Hum 14.Doe Johannes in de gevangenis gooid was, doe reisde Jezus of hen Galilea um de bliede tieding van God zien riek bekend te maken. Hij zee: 15. De tied is er veur klaor en God zien riek is op kommende weeg. Bekeer je en neem de Bliede Tieding an Zingen: Lied 538:3 en 4 in dizze wereldtied, dat is de dood te weten, de vrede en de stried de daogen en de nachten de honger en de dörst de vraogen en het wachten de zeerte en de koorts. in dizze wereldtied, dat is de Geest geleuven die veur naor t leven giet; gien mèens de rug toekeren, het woord van God ruum baon, dat is op dizze eerde de duvel tegengaon. Preek. Thema: In het onlaand. Orgelspel

4 4 Zingen: (Vertaling: J.Kuik) Jezus, gao oes veur, wies oes toch het speur, waor wij wis niet zult verdwelen, en gien zörg oes meer kan schelen. Leid oes an dien haand Hen het Vaoderlaand. Valt de weg oes lang, bin wij klein en bang, stark oes, Heer, um zunder klagen achter Dij oes kruus te dragen. Gies Do veur oes an, dan gao wij verdan. Krimpt oes bange hart under iegen smart, met het lieden van de aander, stark oes dan, Heer, met nkaander. Wees Do zölf het locht op oez eerdse tocht. In de wildernis, Heer, da s daor toch bis met dien troost en met dien zegen tot an t èend van oeze wegen. Leid oes op dien stond hen de vaste grond. De kinder komt weerum. Met de buul rond Danken en bidden Wij besluut oes bidden met het samen hardop bidden van het gebed dat Jezus oes leerd hef: Vaoder in de hemel! Laot dien naam hilligd worden, laot dien keuninkriek kommen, laot dien wil gebeuren op de èerde net as in de hemel. Geef oes vandaag oes daaglijks brood en vergeef oes oeze schulde, zoas wij vergeeft wel bij oes in de schuld staot. En breng oes niet in verleiding, maor verlös oes van de kwaoie macht. Want dienende is het keuninkriek en de kracht en de hèerlijkheid in der ieuwigheid. Amen.

5 5 Zingen: Lied 362 (Vertaling: H. Katerberg) Die eertieds spreuken hef een woord dat giet, Een tocht deur t woeste hen, een weg naor t leven, een speur van locht dat as een handschrift stiet tegen de zwartste hemel helder schreven: Hij mak oes hier een neie mörgentied, en röp oes toe: Ik zal joe niet begeven. Die oes in t wark bij hum in dienst hef wild, die t waogd hef oes um oeze haand te vraogen; die oes oet bangigheid en doem hef tild en oes tot hier op starke haand hef draogen; Hij, die verlangst opwekt, verlangst vervult Wees maor niet bang, Hij s bij oes all dagen. Van Dij is dizze wèreld, dizze tied. Do hes dien stem tot op vandaag doen klinken. Dien naam is wil hebben an gerechtigheid, die woord de wel waoroet wij geern wilt drinken. Die tot op heden oeze toekomst bis dat wij in twievelachtigheid niet wegzinkt. Zegen