Opstandingskerk - Assen

Transcriptie

1 Opstandingskerk - Assen Zundag 10 juni 2018 Intree örgelspeulen, berichten, stil wezen Begunlied Lied 280:1,2,3,4 elkien giet staon 2 Dit huus van holt en stien, dat lang de stormen hef deurstaon, waor nog de wolk gebeden hangt van wel oons veur bint gaon. 3 Dit huus dat alle sporen drag van wel maor mèensen bint, O, God die alles veur oons drag, wees Ie toch het gebint. 4 Is dit een huus, een plaotse waor, de hemel open brek? Waor Ie oons veilig schoelen laot, is dit joen eigen plek? Groeten en moed geven v. De liefde van de IENE, oeze God, met jullie allemaol! g. Zien vreê ok met je! v. De IENE bekommert zuk um elkenieng. Hij hef gien verschil in mèenschen. gebed op de drumpel v. Kan wezen God, daw hier bint oet gewoonte, of daw hier misschien maor enkeld komt of zowat nooitkan wezen daw hier gèern komt, of misschien wal met tegenzinkan wezen daw geleuvig bint, maor misschien ok nietkan wezen dat oes gemoed zwaor is, of misschien juust lichtmaor wij bint hier, hoe dan ok en wij bid Dij: g. nim oes zoaw bint, oordiel oes niet en maak het zo daw der gien spiet van hebt daw kommen bint. Amen. Lied 280: 5,6,7 5 O, laot oons zien joen Angezicht joen Naom die met oons löp,

2 en heilig hier oons met joen licht, het Woord dat hier oons röp. 6 Vervul oons met een nei verstaon van t Woord, waorin Ie leeft, en lang oons hier as maoltied an het Brood, dat Ie oons geeft. 7 Dit huus slet met oons an de tied maor blieven zal de kracht, dat wie hier schoelt ok met Joe giet tot alles is volbracht. elkien giet zitten Bidden veur de nood van de wèreld v.:... Wij bid DIJ as wij samen zingt: Lied 301e Glorialied Lied 150a 2. O pries toch je God! Alman op dizz èerd, anbid die je annem as zien kind. Loof Hum die je Heer is met joecht rende stem. Wees wies met zien liefde: leef altied veur Hum! 3. O pries toch je God! Laot alles wat leeft non zingen veur Hum die oes alles gef. Laot klinken het örgel, laot harp en trompet verklanken het verhaol van wat hij daon hef. 4. O pries toch je God! Zeg daank met je lied an Hum wel oes helpt en aaid met oes giet. Um zien mooie èerde, um hemels genot, zien guunst en vergeven: O pries toch je God! De Schriften Groet v. De IENE zal bij je wezen a. De IENE zal je bewaren Gebed van de zundag v....vandage en hiel oes leven. a.: Amen Met de kinder. kinder gaot naor de nevendienst

3 1 e lezing Jona (Oet: Niet van gistern, Drèentstaolige kinderbiebel van Alja Streutker-Betting) Lied 158b 2 e lezing Mattheüs 8: 5 t/m 13 Lied Lied 91a 91a 2. Hij stuurt je engels alle dagen um je de weg te laoten zien.

4 Zij zult je op de handen dragen deur t woeste hen van hoop en pien. In bange nachten zuj niet beven, gien ziekte die je breken zal. Ruum tied van leven zal God geven, rust an de walkant van een diep. 3. Gien duuster zal je overvallen, der is een locht dat ieuwig braandt. Doezenden dooien kunt er vallen,- maor ie blieft schreven in Gods haand. God is een schild veur wel Hum trouw bint en leven duurt van geleuf allén. Hij zal een neie hemel bouwen van liefde um heur traonen hen. Overweging Lied Dat boek waorin oettiekend staot gezichten, zielen, naam veur naam, heur overslaonde liefde, heur overgaonde liefde, heur weeën die niet overgaot. Schrift die volk heur dagen schref. Locht dat anblef. 3 Zien ieuwig durend testament: dat Hij oes in de dood nog kent - de dagen van oes leven bint veur de dood opschreven, tot ieuwig leven ummekeerd. Schrift die volk heur toekomst schref. Naam die trouw blef. Danken, bidden en geven

5 Veurbeden v....zo bid wij en zingt samen: acclamatie lied 367k: Heur oes bidden God en luuster Wees körtbij in locht en duuster - stil bidden - almaol samen: jaokens gaot met de buul rond 1. veur 2. veur Lèeste lied 791 kinder komt weerum van de nevendienst 2 Liefde, grond van al t bestaonde, vonk waormet Do zölf oes raks, machtig waopen tegen t kwaode, lèeste woord dat vrede mak. 3 Liefde, Naam van alle namen waormet Do Dij kennen lats. Liefde vrag um ja en amen, hiel oes hart in woord en daod. 4 Liefde waogt zukzölf te geven en bluit op van goeie trouw. Liefde holdt oes in het leven,- daorop hes Do zölf oes bouwd. 5 Liefde lat zuk voloet schenken as de allerbeste wien. Liefde blef het feest gedenken waorop wij dien gastlu bint.

6 6 Liefde boven alle liefde, die as hemelblauw gewölf oes umvat: wil oes toch hielen, Wel van liefde, Liefde zölf! Zenden en Zegen