Uit die hoof se kantoor

Transcriptie

1 Nuusbrief 16 3 November 2016 Uit die hoof se kantoor Wonnieland het kwartaal 4 begin teen 'n geweldige tempo. Buiten vir die finale uitspeelrondtes van die sagtebal en die laaste wedstryde van ons krieketspanne is daar boonop nog die krieket aandreeks wat plaasgevind het. Ons matrikulante het met hul finale eksamen begin, so ook die res van die skool. Dis voorwaar 'n skool wat nooit rus nie. Ons kan trots wees op ons skool en sy uitsonderlike leerlinge wat elke geleentheid wat hierdie skool bied met volle krag benut. Weereens wil ek my dank en waardering uitspreek teenoor elke leerder en onderwyser van Hoërskool Wonderboom. In die moeilike klimaat waarin ons land homself huidiglik bevind is ek vol moed vir ons land as ek na elk van die 1265 leerders van ons skool kyk. Ek wil as hoof egter 'n paar dinge onder u aandag bring. Hierdie dinge kan somtyds wrywing veroorsaak, daarom wil ek dit duidelik stel ten einde enige verwarring uit te skakel. In die eerste plek is die gedurige uitteken van leerders onaanvaarbaar. Daarom wil ons dit beperk tot doktersafsprake, noodgevalle of begrafnisse. U moet asb. in die toekoms die nodige bewyse lewer as u kind uitgeteken word. 'n Brief moet asb. die leerder skool toe vergesel wat die tyd aandui wat die leerder gehaal sal word. Met die eksamen wat nou plaasvind wil ek dit ook beklemtoon dat ooreenkomstig die regulasies van die onderwysdepartement ons slegs erkenning kan gee aan 'n leerder wat 'n eksamenvraestel misloop indien hy/sy 'n doktersbrief inhandig. Ons het ook by ons jaarlikse bosberaad op 'n aantal veranderinge besluit t.o.v. ons klerebeleid. Daar was besliste konsensus onder die bestuur aangaande hierdie sake en ek lê dit graag hier aan u voor. Daar sal van nou af van ons seuns verwag word om ook die uithang-hemde in te steek. Die gevoel is dat die styl uitgedien is en dat dit nie meer in pas is met die beeld wat die skool wil projekteer nie. Ons wil ook ons leerders aanmoedig om die skool se kleurbaadjie aan te skaf wat veral gedurende wintermaande gedra word. Die besluit is ook geneem dat die Wonniedrag vanaf 2017 nie meer op Vrydae gedra mag word nie. Dit is met konsensus van die hele bestuur van die skool gemaak. Ons het te veel probleme met leerders wat hulle verskeie sportkodes se hempies dra en dit maak dan dat ons leerders se klere nie eenvormig is nie en onnet lyk. Ek wil ook 'n beroep doen op ons ouers om te verseker dat hul dogters se rokke nie te kort is nie. Vergewis uself asb. aangaande die skool se klerebeleid in hierdie verband. Ons het u ondersteuning as ouer nodig en daarom doen ek 'n beroep op u dat ons nie die dinge soos kleredrag 'n punt van dispuut moet maak nie. Alhoewel elke kind vir ons 'n individu is moet ons die beeld van ons skool uitbou, en kleredrag van leerders verteenwoordig die korporatiewe beeld van die skool. Hierdie beeld speel 'n groot rol om leerders en ouers te lok om hierheen te kom. Tans is die algemene tendens in Suid-Afrika ongelukkig dat daar verwag word van die wetsgehoorsames om hul deel te doen sodat die korruptes die voordeel daarvan kan kry. Ons moet egter waak dat ons nie 'n soortgelyke benadering volg as dit by ons skoolreëls kom nie. Ons hou van al die goeie reëls en dissipline maar ons het dikwels 'n probleem as dit ons persoonlik raak, soos wanneer ons bv. die spoedgrens oortree en beboet word. Ons moet besef dat die strewe na uitnemendheid by Hoërskool Wonderboom vergemaklik word wanneer ons ouers en leerders insien dat hulle ook 'n verantwoordelikheid het om die beeld en tradisies van hierdie pragtige skool te bekerm. Laastens wil ek noem dat ons skool finansieël een van sy moeilikste jare beleef, wat ook die ekonomiese klimaat van ons land weerspieël. Die realiteit is egter dat heelparty ouers wat in staat is om hul skoolfonds te betaal dit nie doen nie. Ons het in ons begrotingsproses vir 2017 geslaag om besparings in te bou, wat ongelukkig ook onder andere personeelinkortings beteken het. Ek wil egter vra dat u as ouer of voog sal besef hoe u maandelikse betaling van skoolfonds elke besluit, wat tot voordeel van u kind se skool gemaak word, beïnvloed. Ten spyte van uitdagings neem my opgewondenheid elke dag toe as ek vroeg in die oggend by die hekke van Hoërskool Wonderboom inry. My gebed is nie dat God ons uitdagings sal wegneem nie. My gebed is eerder dat God ons die wysheid sal gee om die uitdagings te hanteer, en dit op so manier te doen dat dit getuig van wie ons Kragbron is. Marius Lezar

2 Inhoud Uit die hoof se kantoor Wonnie Champs Koorkomitee Bergfietsry Eisteddfod Krieket Jukskei Bloedskenk Jaarblad Wonnie Champs Die Wonnies se Interhuis het reeds plaasgevind en die atlete is hard aan die oefen. Geluk aan die volgende leerders met hul prestasies: Middelafstande - beste seun: Theo Roelofse - beste dogter: Marike de Villiers Hekkiesatleet - Alicia Meyer Veldatleet - Thabo Sithole Baanatleet - Armand van Zyl Victor Ludorum: Sr - Armand vzyl Jr - Thabo Sithole Victrix Ludorum: Sr - Alicia Meyer Jr - Michaela Collier Graadkompetisies: Beste graadgees: Graad 11 s Beste graadatletiek: Graad 9 s Algehele wenners: Graad 8 s Koorkomitee 2017 Geluk aan die koorkomitee van 2017: Koorhoofdogter - Mariska Rall, Koorhoofseun Werner Harmse, Yolani Pretorius, EsmeRoos, Martin Hooghiemstra, Phillip Patterson, GP Visser

3 Bergfietsry SA Kampioenskappe Geluk aan Tanya Kotzé wat n 5de plek op die SA Kampioenskappe behaal het. Sy het eerste van die Gauteng Jr meisies geïndig. Gauteng se span het tweede geëindig. Daar was ook deelnemers van Namibië, Zambië en Zimbabwe. Dit was Tanya se eerste jaar van deelname aan bergfietsry Uithouvermoë wedren (Die 3 dag Lormar stage race, 70km dag, 20km aand, 70km dag) Geluk aan Hennie Myburgh wat 4de geëindig het Eisteddfod of the performing arts Ansoné du Preex en Kelvin Delport (duet) A Tania Shattock A Marcel Venter A en brons Eldene Minnaar A++ en brons Clarissa Naude A++ en brons Lilanie Kluyts A++, silwer, leerder choreografie 2e plek, n beurs, kontemp trio A++ en goud Miane Shepherd A++, goud, beste leerder choreografie en n beurs Kelvin Delport 2 A s, A++, brons, 2 goud, Most Outstanding Modern dancer (Adjudicators choice)12 yrs and over trofee In totaal: 6A s, 2A+, 6A++, 4 brons medaljes, 3 silwer medaljes, 4 goue medaljes, 2 beurse, 2 trofeë

4 Krieket Baie geluk aan Tian Knoetze wat aangewys is as beste 0/19 bouler tydens die Bokkie week Geluk aan Nicole Barnard wat aangewys is as beste kolwer in die liga Jukskei: SA Jr Kampioenskappe Geluk aan Corlien Venter (0/19), Monique Viljoen (0/19B), Inus Venter (0/16A), George Scanlen (0/19B) en Tessa Erasmus (reserwe: 0/19B) wat gekies is vir die SA Jr Jukskei Kampioenskappe wat van 4-10 Desember in Kroonstad plaasvind. Baie geluk aan die volgende dogters wat vir die Gauteng Noord-span gekies is: (0/15) Cadene Joubert, Gala Mathye, Monique Strydom (0/17)Nanique Stevens, Saskia Nieuwenhuis, Charmoné Breed

5 Bloedskenk: Gee n geskenk hierdie feestyd Gedurende die feestyd hoor n mens dikwels dat daar n tekort aqan bloed in die land is. Anders as wat n mens sou dink, is dit nie dat daar in hierdie tyd meer motorongelukke plaasvind nie. Die werklike rede is dat mense, wat op n gereelde basis bloedskenk, geneig is om skenkings oor te slaan wanneer hulle met vakansie is of die feesdae saam met hulle familie wil deurbring. Daarom het ons dit goedgedink om op 7 Desember nog n skenkgeleentheid vir die Wonnieskenkers te bied. Wonnies en hulle familie en vriende word versoek om op hierdie dag n paar minute af te knyp om, nadat die rapporte by die voogklasse ontvang is bloed te skenk. Skenkings sal van 8:00-11:00 in die Flambojantsaal ontvang word. Kom ons maak n verskil deur tydens hierdie feestyd die geskenk van LEWE te gee! Jaarblad Die samestelling van 'n skool se jaarblad is 'n poging om prestasies en hoogtepunte van die jaar deur middel van verslaggewing en fotomateriaal uit te beeld. 'n Fotoblad is die beste manier om u kind se herinneringe van sy/haar skooljare vas te lê; 'n aandenking om op 'n koffietafel uit te stal! Die jaarblad van 2016 beloof om selfs 'n beter samestelling te wees as dié van Die nuutste uitlegtegnieke word gebruik om die jaarblad 'n nuwe voorkoms te gee. Dit is volkleur, modern, kreatief en kunstig; 'n móét vir elke gesin! Moenie hierdie jaar se uitgawe misloop nie dit is 'n treffer! U kan die jaarblad by die finansiële kantoor betaal. Kostes beloop R200 per eksemplaar.