Net zo as al zo vake, maer dan toch èven ietsie anders. Sunteklaos is ter weer! Gelukkig ebben zi j Zwolle niet an dät idiote modernistische gedoe van clown-pieten met-edaon en waeren de Pieten met trots mooi en zwärt. Sunteklaos Wat ij anders ook an tradisies? Ook op zaoterdagmiddag, bi jnao te gelieke met de ankomst van Sunteklaos in Zwolle, wier in boekandel Westerhof t ni je fotoboek van Joop van Putten epresenteerd. Zwolle jören later.. is de titel van t ni jste boek van disse Zwolse fotograaf. t Spits wier weer is of-ebèten deur Bert de Vries, directuer van t HCO, ( Istorisch Centrum Aoveriessel ) en die vertellen dät Joop van Putten een tietien in t ärchief an t snuffelen is ewest en ef der t neudige ezöcht wöörmet hij an de slag kon gaon. Veur disse boekpresentasie ef de t HCO de anbieding ekrögen van boekandel Westerhof umme dit in de winkel te doen. Veur t HCO toch èven weer wat anders, maer döörumme beslist niet minder. Bert de Vries
A-j dus een bettien an t soebatten gaot ku-j best op een öördige ideeën kommen. Zo is veur de presentatie ook Jacco van Santen uut-e-neudigd umme op een Grafton-Sax de boekpresentatie luuster bi j te zetten. Joop van Putten Van Putten ef veur zien boek een stellegien olde ansichtkaerten van Zwolle as uitgangspunt enömmen umme an de de and van disse dingen de plaatse van de fotograaf te reconstrueren en dan opni j een foto van uidige situatie te skieten. Ie weet wel.. dät zie-j wel vakerder. Olt en ni j naost mekère op de kabelkrante, in de Pèperbusse en bi j dia-presentaties. Dät doe-k zelf ook. Maer now kump t.... Joop van Putten is fotograaf! Dät is dus eel wat anders dan de ien of andere jandoedel, wöörvan ik ter ook iene bin, die met de camera wat plagies sköt. Van Putten döt t net zo as iederiene, maer dan toch èven ietsie anders.
Van Putten weet te vertellen dät zo n olde camera een vaste lens ad en dus niet zomaer èven ergens op kon inzoemen en dergelijke. Zo n technische camera vergt ärstikke völle tied en kennis van zaken um die dingen in te stellen en een foto te maken. Vergèèt niet da-j toen elemaol nog gien computerprogramma s adden wöörmet ie een foto konnen manipuleren. t Mos in ien keer goed! Ierdeur was t naost t zuken van de exacte plekke wöör de fotograef ef estaon, ook neudig umme de goede brandpuntofstand en de gebrukte lenze te achteralen en t object in t goede perspectief te plaatsen. En dit kan dan wel een muuilijke zinne lieken, maer t uutvoeren duren nog een wel een bettien langerder. Joop van Putten ef veur de presentatie van zien bukien 7 veurbeelden gebruukt en gaf uutleg hoe ij bi j t maken van de Time-lapse te wärk is egaon. Bi j disse Time-lapse ( te vinnen http://www.destentor.nl/regio/zwolle/zwolle-vroeger-ennu-in-beeld-video-1.4626629 ) löt Van Putten zien hoe ij vaste objecten aover mekaere ef elegd en dan zie-j lankzaam de umgèving veranderen. Ik bin niet gauw jeloers, umdät ik dät een enge zieke vinne, maer disse techniek wil ik mi-j toch ook wel een keer eigen maken. Ärtstikke mooi edaon! Wi j kriegen de vergeliekende foto s en time-lapse te zien van: de Sassenpoortenbrugge, de Jufferen wal, hotel van Geitenbeek op t stationsplein, de Busstandplase an de Oosterlaan, t Skoenkupenbruggien vanof de Ärdenbärg, de Thörtbeckegrachte, t Opmansuus, en een panorama foto vanof de Pèperbusse van de st Michaëlskärke in de Roggestraote. Bi j elk onderdeel wieren eerstens twie foto s etoond met de jöörtallen derbi j en dan gaf van Putten t woord an Wim Huijsmans die de istorische uutleg over de onderwärpen veur zien rèkening nam. Wim Huijsmans.
Veurdät de time-lap etoont wier was t de beurte an Jacco van Santen um zien Grafton-Sax te pakken en een stukkien jazz uut dät bi jbe-eurende jöörtal te spöllen. Zo euren wi j bij de Sassenpoortenbrugge de Entertainer uut 1905, en bi j de Thörbeckegrachte.. intho the Moon uut 1940. Jacco van Santen Ik wal zoas gewoonlijk weer is op andere details an-t letten en die e-k ook wel evunnen. Ien dink is wel dudelijk... Sax spöllen is verrekte inspannend. Jacco liep bi j toe-en-an rood an van inspanning. Zoies zol veur mien bloeddruk wöörskienlijk niet bevördelijk wèèn. Zo n Grafton-Sax is best een wondelijk instrument. Is ooit in America ontwikkeld as betaalbaer ( lèès goedkoop ) meziekinstrument. t Ef een eigen geluud en is baovendien ärg fragiel en dus kwetsbaer. A-j niet weten wat veur een meziekinstrument dät of t is, zo-j geneigd kunnen wèèn umme dät dink as plastic spöllegoed weg te smieten. En zo geskiede!!.. wöördeur een Grafton-Sax gewoon zeldzaam is ewörren.
Met mekaere... een zeldzame presentasie veur toch ook niet zeldzaen bukien, maer die wel zeldzaam is samen-esteld en een ampärt stukkien meziek op een zeldzaem instrument op een middag dät een Zwärte Piet niet tot een zeldzame verskiening is ewörren. Kedo-tip van Suntekloas? Zwolle jaren later.... Net zo as al zo vake, maer dan toch èven ietsie anders. Görendrögien W. november 2014 Met dank an Martien Hovestad veur t beskikbaer stellen van de foto s. www.marhov-pictures.nl