Weet ie wat een biënnale is?... een tentoonstellink of presentasie die ies in de twie jöör wörren e-ollen.

Transcriptie

1 oe ku-j t bedenken? Weet ie wat een biënnale is?.... een tentoonstellink of presentasie die ies in de twie jöör wörren e-ollen. Juli 2018 wazzen t weer, now veur de derde keer, de beurte veur de Zwolse Ärchitectuur-Biënnale. De concullega ärchitectenbureau s en ontwärpers uut Zwolle willen weer ies laoten zien wat architectuur döt met ruumte en oe as die döördeur wörren beïnvloed. Op zich netuurlijk ärtsikke leuk bedach, maer zoas geluud per definisie is onttrökken an de stilte, is t netuurlijk ook zo dät elk ärchitectonisch ontwärp gef invullink an löge ruumte. Adden t ZAP (Zwols Ärchitecten Podium) de veurige biënnale in 2016, met as thema over de brug, een antal bruggen in Zwolle bettien veranderd, wöörvan de Onzichtbaere brugge misskien wel de meeste mensen ef etrökken, dit jöör is t thema architectuur in het nauw en is der inspanning elèverd deur met in t oog springende objecten de andach te vestigen op de vake anonieme stègies en ströties in de Zwolse binnenstad. Tiedens de opbouw en bi j de stärt van de Biënnale 2018 e-k èven met de camera een ronde edaon, en moeders de vrouwe te laoten zien wat ter in de stad gebeuren en umme te euren wat de anwèzige vertegenwoordigers van de ärchitecten adden te vertellen. An de and van wat beeldmateriaal wi-k jullie èèm metnemmen langes de Ärchtecten Biënnale Zwolle 2018 (ABZ18) wöörbi j de töt de verbeelding sprèkende stègies en ströties deur t inbrengen van ampärte objecten bint um-evörmd töt ni je stedelijke ruumtes. Bi j t Vrouwenuus bint in de Körte Kamperstraote nao idee van VANDERSALM-architectuur en SACONeen antal, op secreten liekende, ruumtelijke architecten elementen eplaatst, wöördeur de smalle straote veur de passant wörren transformeert töt stège.

2 Disse ökkies bint eigenlijk beskutte zitplasen van wööruut ie as t waere in de verlèden tied maggen kieken, asof t een lèvend skilderi je (tableau vivant) is. Ier ma-j dus is een keertien on-esjeneerd naor binnen loeren. Aleida Greve löp ter waerachtig zels ook nog met een antal bewoners rond. Der wörren nog infemasie egöven aover de erkomst van de veur de ökkies gebruukte materialen... alles is ergebruukt (lèès sloopmateriaal) en wörren strakkies ook niet vot-esmeten. Eigenlijk mossen alle medewärkers van de ofvalverwärkink ier ook een keertien op excursie naor toe wörren estuurd umdät zi j ies kunnen leren dät niet elke golfplate asbest bevatten.

3 Disse cement-ebunnen golfplaten bint van een nij jere generasie en bint produceert nao t ingaon van t asbestbesluut van 1979 en invoering van t asbest verbod in Dus eel kört deur de bochte.. angst is een gevöörlijke raodgèver... niet alles wat gries is bevatten asbest! Maer de biënnale is meer.. en dus nem ik oe mèè naor de Louwermansgang. Oewel iederiene t skrèf met au blief ik toch vaste ollen an de eigenname van Louwerman, die eel lange elèden de wonink ef vergroot deur aover de stège en te bouwen. De Louwermansgang is, in mien belèving, altied al ien ga-os van buizen, piepen en uutstèksels ewest. Een onmeugelijk stukkien umme te fotograferen. En juust disse onrust ef de BDG-architecten en Sjouke Westhoff architect doen besluten een ritme van gepositioneerde buizen an te brengen en zo een andere belèving van de gang as ien ge-eel te bewärkstelligen. Louwermansgang Louwermansgang Biënnale mooi rood is niet lillijk... wel opvallend! Een soort geliek verael ku-j vinnen in t (h)oornstègien.

4 Ook ier bint de immens oge bestaonde steunberen de inspirator ewest veur VANDERSALM architectuur en SACON architecten, umme der een groot antal kokers bi j in te klemmen. Ierdeur ontstiet, naor un idee, een in eugte variërend plafond met spölse lichdeurlaoting. Hoorsteegje Hoorsteegje - biënnale 2018 An de Sassenstraote ebben Biossom Architecture en 19 Het Atelier architecten een drietal stègen/straote onder de andach weten te brengen deur vanuut elke deurgank van de stège of straote een object, in de vörm van een uusien, buiten de rooilijn te stèken, as anwiezink... kiek èven... hier is een stège! Brede steeg Muursteeg Schoutenstraat De achterliggende gedachte van dit ontwärp is dät ook in de krappe binnenstad soms nog meugelijkeden bint an bepärkte ruumtes een invulling te gèven.

5 Een eel verrassend verael is te vinnen tussen Olde-Vismärkt en de Sassenstraote ier bint twie stègen die veur de biënnale bint an-epast. De Rodeleeuwstège is as t waere adopteerd deur FunckKoeks-studio en Viesrood ontwerpers. Of disse adoptie in-ölt dät de inrichting veur de biënnale buten de verantwoordelijk-eid vallen van de ärchitecten-(bureaus) is mi j niet elemaol dudelijk, maer dät döt niks of an de presentasie van de ontwärpers. De Leeuw in t nauw... of simpel... een verwiezink naor de straotname? t Is mi j um t èven... der stiet wel wat! Een entien värders is ter in de Meltersgang wel een beoorlijke andachttrekker neer-ezet. In t stègien dät onder nörmale umstandigeden vake deur stadsgidsen wörren anewezen as een veurbeeld wöör t woord stège vandan kömp.. stiegende staote as verbinding tussen oger en leger elègen plasen - En de moutbereiders/brouwers van toentertied konnen netuurlijk nooit bevroeden dät in 2018 mensen deur een open kupe zollen lopen umme, niks ziend van wöör ie op an gaot, van de iene kante naor de andere kante te kommen.

6 t Ontwärp van Ad Mars (Ad Mars Architect) en Pieter Diks (De Bruin Architecten) is baseerd op een open industriële lift, allenig now skoeven de wanden orizontaal an oe veurbi j. A-j lopend in t rad naor de andere kante gaot is t net een körte tiedreize die oe naor een totaal andere bestemming brengen. Ik ebbe zo t idee dät dit project ien van de grootste andachttrekkers wörren van de biënnale Sassenstraat Meltersgang Oude Vismarkt In een andere, zo-enuumde adoptiestraote, is deur studenten ruumtelijke vörmgèvink van t Cibap - vakschool voor verbeelding, invulling egöven an de Papenstraote. Oewel ik dache dät de rooije ane in de verkeerde straote stonnen.. brachen t infemasiebörd uutkomst. De studenten adden bedach dät de ètenswaeren die de mens nogal gemakkelijk van zich of mieteren, as voer dienen veur de mussen. De grote Rooi je Musse weten zich ook gien raod oe alle rotzooi kwiet te raken, dus is t een verwiezing naor de bezukers... ruum oe eigen troep.. gewoon op!

7 Van een eel ander kaliber is de invulling van döör wi-k liever niet wèèn stège naor een èèm gaon zitten kieken stègien. Vanuut mien jeugd erinner ik mi j disse stège niks anders dan dät vieze strötien dät altied naor zeike stonken. In de Ossenmärktstège, want döör ebben wi j t aover, ebt Sjouke Westhoffarchitect & BDG-architecten bedach een spöls ritmisch zitelement langes de iene kante van de muren te realiseren, wöör de passant èven kan gaon zitten en dan naor de uutzonderlijke skilderi jen van Ter Börch kan gaon kieken, die op de andere mure bint op-e-angen. De veurmalige Statenzaal an de Diezerstraote oek Rodehaanstraote is nog altied een bi jzunder imposant gebouw met völle details die zich vake wat muuilijk laoten fotograveren. De uut rooije bakstien op-etrökken gebouw met dät bi jzundere teurentien wat baoven oe kop zweven, ef Ad Mars architect en De Bruin Architecten op t idee ebrach... a-s t beeld niet bi j mi j kump... gao ik der zels wel naor toe.

8 De eren ebben bedach.. wi j maken eenzelde achkantig teurentien en zetten die op de grond in de Diezerstraote. Der binnenin stiet een wenteltrappe en a-j döör naor baoven lopen stao inies op gelieke eugte met de gefigureerde console van dät rooije teurentien en ku-j langes een lui je trappe, die de alve Rode-aanstraote neudig ef, weer naor benèden lopen. Al met al de biënnale 2018 langes gaond is ter wel wat iets ampärts realiseerd. Van de meeste objecten die ik bekeken ebbe is toch wel de rooije draod... Oe ku-j t bedenken? Görendrögien W. 7 juli 2018