1957 2010 2010Oeësgaaf: Nommer 29 Redaksie: G. Enge, Prinsesjtroaës 11, Kloeëstesjtad Vuur viere vasteloavend tswei doezend tsing. Mit oad en jonk, groeës en kling Versjpreijing: Gratis (dankzij o s adverteerders) hoeës-a-hoeës (dankzij de ex-prinse)
H Showcooking H Thema Buffetten H Self-made buffetten H Trendy walking diners H Desserts & ijsbuffetten H All-in barbecue concept H Thuis catering concept H Warme & koude buffetten H Durpssjlechter s convenience H Gourmet en fondue pakketten H Ambachtelijke saladevariaties H Kookworkshops in eigen kookstudio H Feesttenten & Compleet feestconcept www.durpssjlechter.nl Voor méér informatie bel : Guido Kokkelkoren, Gsm: 06-57999600 of Privé: 045-5446995 of mail naar durpssjlechter@xs4all.nl - -
Vasteloavend i Amsterdam? Leef carnavalsvrung, Vuur inge nit-carnavalist wie iech is ut natuurlich wus listig um een fatsuunlich vuurwoat tse sjrieve. Umdat doavuur jevroagt weade evvul ing groese ier is, han iech miech losse insjpiereere op dur mietst toepasselikke daag van ut joar: dur 11e van dur 11e. Terwijl op ut Vriethof 25000 maan de uffening van ut seizoen viere, loof iech in ut Okura hotel i Amsterdam mit, noa mie jeveul, minstens ezoeveul luj! Vier kieke allemoal noa ing kunstoesstellung en doa han iech dur iesje parallel; carnaval is kunst. En kunst, en ut woat zeat ut al, is nit icht. Angesj loofut joa jidderinge ut janse joar verklejt! Win iech oes de vinster kiek, han iech een prachtig zicht uvver Amsterdam Oud-Zuid. En iech jeleuf dat iech hej eave veul kluur zie wie mit de carnaval: nog inge parallel. En ooch is ut hej richtig carnavalsweer: grau, vrug duuster en bej jit sjmiezel en inge kouwe wink woadurch me ut leefste ing werm wietsjaf i wil! Doauvver jekalt; iech han graat tswelluf euro aafjerichent vuur tswei cappucino. Iech han als richtige provinciaal doch mer ins jevroagt of dat de bedoeling woar, woa-op die vrouw miech i bouw onversjtoanbaare taal (nog inge parallel) zeat: ach meneer, neem het niet te zwaar en uzelf niet zo serieus. En doew daat iech; die vrouw is inge echte carnavalist (hoewel ze dat wus jot koet verbirge)! Dus leef luj, iech zow zaage; num mit de vasteloavend alles nit tse sjwoar, alles niet tse serieus en geniet durva want vuur dat dier ut wit is ut alwerm um. Overigens jolt dat ooch vuur dea cappucino; vuur iech ut woos, woar ut tisje leag... Iech wunsj uuch een jeweldig vasteloavendsseizoen, de bitste prinse, groese optsug en drej (of mie) sjun dol daag! Alaaf! Ryan Palmen Wethouder Gemeente Zumpelveld. PS: en um jot af tse sjlisse, vool miech tsangerdaags inge parkeerbong op de duurmat: 56,20! Wie jot me ziech dus ooch veult; dur kaater kunt dus ummer dur niekste daag! - -
Elk artikel 1,00 Powered by Top 4 Group bv W.M.C. Spronck Heerlen - Maastricht - Eindhoven Sittard - Roermond - Genk (B) Wij wensen u een Gelukkig 2010 Een Voorspoedig 2010 Dorpstraat 16 6369 am simpelveld telefoon 045 5441225 fax 045 5442930 www.slagerijmeggieenloek.nl info@slagerijmeggieenloek.nl V I S H A N D E L FRANS ERKENS SIMPELVELD - TEL 06-54713818 Wij wensen u een Voorspoedig 2010 - -
Vasteloavend 2010 in Zumpelveld Zamstig 02-01-2010 Prinseproklamatie P.C. J.Frijns 20:33 oer Zoondig 03-01-2010 Jeugdpr.proklamatie P.C. J.Frijns 14:11 oer Zamstig 09-01-2010 Blommekunniginnebal Oad Zumpelveld 20:33 oer Mondig 11-01-2010 45ste Galabal P.C. J.Frijns 20:11 oer Zamstig 23-01-2010 Volkszietsong P.C. J.Frijns 20:11 oer Zamstig 30-01-2010 1X11 joar Kruuts & Kweer Oad Zumpelveld 20:11 oer Zoondig 31-01-2010 Bezuk Kirchhof Zum Pony 13:00 oer Zoondig 31-01-2010 Reseptie Hoeëghede Maxime 14:11 oer Zamstig 06-02-2010 Auw Wieverbal Alle Wieëtsjafte 20:11 oer Vriedig 12-02-2010 Sjlusseluvverdraach Gemeentehoes 20:11 oer Zamstig 13-02-2010 Uffening Kingerkarnaval op d r Maat 13:33 oer Zamstig 13-02-2010 Mis in t plat Remigiuskirch 19:00 oer Zamstig 13-02-2010 Karnavalsoavend Tac / Wnk Oad Zumpelveld 21:00 oer Zoondig 14-02-2010 Groeësse Optsoch Opsjtelle Brandstr. 13:33 oer Dienstig 16-02-2010 29ste Klonetrekke d r Kloonemaan 15:11 oer Dienstig 16-02-2010 d r Kloon Begrave d r Kloonemaan 23:11 oer Zamstig 13-03-2010 Halfvasten Blommebal Oad Zumpelveld 20:33 oer - 5 -
- 6 - Wij wensen u een Voorspoedig 2010
Ee woad van d r nuije president Sinds d r elfde van d r elfde bin iech officeel d r nuije president van d r road van elf van de Woeësj-joepe. Noa ee en ee haof seizoen proberen han iech d r knoof durch gehakt en gezaat dat iech vol d r vuur zal goa. Want wat ken me ziech noch mieë wunsche als Zumpelvelder jong en vasteloavendsgek dan aan d r sjpits tse mooache goa van de Woeësj-joepe familie? Mit de krisdaag hinger d r ruck sjteet noeë werrem ee nuij tseizoeën vuur de duur. De koomende daag zalle vier aafsjied neume van oos hoeëghede van ut joar 2009. Zieë zalle allenuij ee sjtepke tseruck doeë en vier zunt alwerrem benuijd wea noeë die kaar geet trekke en alle woeësj-joepe als hoeëghede vuur zal goa. De iesjte tswei weache va jannewaar zalle vier dit koome tse wisse en da is dea vasteloavendstsog nit mieë tse sjtoppe en dendert hea wieër oop de vasteloavend aa. Mer vuur dat vier doa zunt hant vier werrem menige geweldige middig en ovvend hinger d r ruck, in oos eege durp en went de tsiet ut tsow lieët ooch boeëse de grenze van oos schun Zumpelveld. Vanaaf dis plaatsj wil iech alle afdelingen van de Woeësj-joepe gans veul succes wunsche mit al hun activiteiten. Dat ut mer got druk moach weade en dat vier oos allenuij tsezame doa mer got moache ammezeere. Vuur de dames van d r dames road van elf en vuur de heere van d r prinseroad woar in d r aafgeloofe november al ing drucke tsiet. De dames houwe hun 4 x 11 joarig jubileum, mit dameszietsong en receptie. D r prinseroad houw, vuur de iesjte moal sinds d r sjtart in 1977, de herrezietsong nit in d r jannewaar gehoade. Vanaaf dis plaatsj wil iech geer oessjpreche dat iech hof dat die tswei afdelingen mit ee got geveul tseruck kenne kieke op hun evenementen en dat zieë ooch de koomende joare doamit wieër kenne goa. Iech wil dan noeë ooch aafschlisse mit ing kling gedanke vuur alle Zumpelvelder. Vasteloavend viere, is graat zoeë wie ut leave zelf. Alling kent me nuuks, tsezaame geet ut wie van zelf. Dus verges aaf en tsouw dat bietje sjtriet wat me hat onger ee. En sjtelt uuch allenuij ziej aan ziej en maat sjpass mit ee. Went vier oos in d r Zumpelvelder vasteloavend en eegentlich i gans Zumpelveld aan dis kling gedanke kenne hodde, dan wees iech zicher, vier kriege nit alling mer inge geweldige vasteloavend, ooch oos durpje weet ee klee bietje schunner.. Zumpelveld Alaaf Patrick Leclaire President C.V. Woeësj-joepe - -
- -
D r nuije vasteloavends sjlager 2010 mit d r Prinse-road Zoe wie gider joar woet in Zumpelveld d r 11de vaan d r 11de geopent aan d r kloonemaan. D r richtige woeësj-joepe houwe os durp nit verlotte um urgens anges de opening van de vasteloavend in tse wiee. Veul luij houwe d r weg gevonge noa d r kloonemaan um mit d r Prins Michel I Blommekunnigin Jill I os jeugdprinses Desiree I en de dames prinses ut Olga I de vasteloavend in zumpelveld tse opene. De Woeësj-joepe hant dit dan ooch werm op hun eege maneer gedoa. Ut zamstigs d r 14 november koame de Woeësj-joepe beij ee in ut Partycentrum oad Zumpelveld vuur de Sjlagerzietsong. Ooch dis joar woar d r zaal van d r Remi en ut Gerda aafgelane vol. Um hover nung woeet durg d r president vaan de Woeësj-joepe d r Patrick Leclaire de opening vaan de sjlager zietsong gedoa. Drei kinger sjlager donge mit die allemoal op ing perfecte maneer woeete braat, doa noa gonge zieve geweldige sjlagere uvver de buhn. Wie alle sjlagere woare veur gedrage, houw de anonieme jury werm ing zwoar taak, noa ing hof stond goof ut Truus Timmers comentaar woa beij de luij via d r beemer koete ziee wie veul punte giddere sjlager houw gekrege. D r presentatie pries gong noa d r groep 4 oes 1. D r dreide pries woar veur ut duo Beij ee geraaft mit hunne sjlager vuur zunt nit miee tse hoade. D r tsweide pries woar veur inge geweldige groep die vuur de ietjste kier mit doonge 4 oes 1 mit d r sjlager ee vutske. D r absolute winnaar vaan dizze oavend woar d r Prinse-road Zumpelveld mit hunne sjlager iech han de kneuf aaf. Veur dis jonge kint de vasteloavend 2010 daan och nit miee kapot en zalle daan d r sjlager iech han de kneuf aaf och hiel veul de komende vasteloavend zinge. Van aaf dis plaatsj wil d r Prinse-road d r Jan Lenzen daan ooch bedanke vuur ut schrieve vaan dizze geweldige sjlager. - 9 -
1 x 11 joar Kruuts en Kweer Wie ut begoon. In 2010 is ut 11 joar geleije dat karnevalskloeb Kruuts en Kweer ut leavenslit hat gezieë. Eegentliech goonge die jonge en meadjer al mieë joare tsezame mit in der optsoch, ut woar evvel nog ginge richtige verein. En giddere zoondig woar ut mer de vroag wea waal en wea nit oop carnavalszoondig bei d r waan zou sjtoa. Oop ee gegeave moment voonge ee aantal luuj dat wel good gewea. En in april 1999, in ing wietschaf in Maastricht woeëd doe beschlosse um d r inge richtige verein va tse maache, mit contributie, ee eege besjtuur en zelfs mit sjtatute. D r ganse sommer van 99 woeëd hel gewerkt um aal oop papier tse kriege en doanoa, op 11 september 1999, woeëd de oprichtingsvergadering gehoade. En toen voong ut richtig aa De iesjte joare. De iesjte joare van Kruuts en Kweer woare sjtürmisch. Aan aal woeëd mit gedoa. Inge schlager woeëd gemaat durch d r Joep van der Aa, en gidder joar woeëd mitgedoa aan de schlagerzietsong. Ut iesjte joar al mit veul succes, als debutant meteen ing tsweide plaatsj en d r presentatiepries. Ooch woeëd mit wisselend succes mitgedoa aan de volkszietsong. Waal d r ooptsoch in Zumpelveld en Kirchroa woeëd truij bezoeët. Bow gidder joar mit inge groeëse, zelf gebouwde waan en sjieke pekskes. Mer ee joar, mit ee klee, ooch zelf gebouwd keertje wat vier zelf moeëte trekke, dat noeëts mieë.. Wie goong ut wier. Noa de begintsiet, woa in de mieëtste leden nog allenuij sjtudent woare koam Kruuts en Kweer sjpieder in rustiger vaarwasser tse reat. Gidderinge kroog langzaam ing baan, ummer mieër lede goonge trouwe, en zelfs kinger krooge langzaam graat ee zoeë sjiek pekske. Mer toch bloof Kruuts en Kweer besjtoa, Sjterker nog, vuur zunt zoeë zellefs oop d r toekomst vuurbereid. Oop de schlagerzietsong zatse vier nog ummer oos betste beentje vuur en ooch oop menige angere vasteloavendsovvend woare wel luuj van Kruuts en Kweer aanwezig. Als vuurlopig hoeëgtepunt van der verrein moag wel beneumd weade dat tswei lede van de iesjte sjtond, tsezame bekend zunt woeëde in durp als prins Michel I en blommekunningin Jill. En dat lose de anger lede van Kruuts en Kweer natuurliech nit oongemerkt vuurbei goa. Al vanaaf der zommer va 2008 woar der ganse verein actief betroke bei alle vuurbereidinge. En da vuural mit de pekskes. Want dit seizoen zou - 10 -
Kruuts en Kweer als prinsegarde mittrekken mit hun eege hoeëghede. En noeë ut jubileum. En noeë is ut da beinoa zoeë wiet, op zamstig 30 jannewaar 2010 viere vier als Kruuts en Kweer oos 1 x 11 joarig jubileum, mit inge hoffentlich sjpetterende fesovvend in Partycentrum Oad Zumpel-veld van der Remi en ut Gerda. Dat moot inge oongetswonge ovvend weade woa aal ken en woa nuuks moot. Dizze ovvend is vuur gidderinge gratis toegankelijk en vier hoffe doa dan ooch veul carnavaliste tse kenne begrusse. En wat kent uur doa dea ovvend verwaade? Oonger angere een noeë al uniek optreane vuur der Zumpelvelder Carnaval, tswei vereine gunt doa nemlich tsezame mit ee in duet. D r Doebele Forto en Kruuts en Kweer, lot uuch mer verrasse. En wier wille vier uuch nog een aantal artiesten bekend oos der Limburgse carnaval presentere, zoeë wie sjtiemmoeng oes Sittard, mit de sjpasskapel Aafschjlaag Zitterd, Zang en Humor oes Kirchroa mit D r Letste Sjrai, Inge muzikale nachtegaal oes Maastricht, ut Angelina en carnavalistisch plezeer oes Midde Limburg mit ut duo Bonanza. Vier dinke vuur gidderinge get, dus hoffentlich bis 30 jannewaar 2010.. Kiek ooch ins oop ooze vernuide website www.kruutsenkweer.nl (vanaaf 11-11-2009). - 11 -
POLICE BOCCIA Tommy Hilfiger Dorpstraat 8 - Simpelveld Tel. 045-544 41 93 www.juwelierkicken.nl Wij wensen u een Voorspoedig Nieuwjaar Prisma Z I N Z I AUTORIJSCHOOL BONTEN PUNTELSTRAAT 34 SIMPELVELD TEL. 045-5440700 RIJKSGEDIPLOMEERD Wij wensen u een VOORSPOEDIG 2009 2007 Wij wensen u een Voorspoedig 2010 Leef luuj, Wij wensen u een Voorspoedig 2010 dut ung boodsjappe beij de adverteerders want zie sjteune de Zumpelvelder Vereine! - 12 -
INTERNATIONAAL TRANSPORTBEDRIJF OP- EN OVERSLAG Beitel 21, 6422 PA Heerlen tel. 045-5667777 / fax 045-5667788 - 13 -
WAT ING IER! t Aafgeloofe joar ben iech durch d r Prinseroad Zumpelveld oesgerooffe tot gala-orderdrager 2009. Wens doe gaar nuuks in de gaate has en zelfs dieng vrouw en de kinger kenne schwiege, da wits doe nit wat op zoe ee moment durch diech hen geet. Inge bomvolle zaal in d r narretempel van d r Jos Friengs kletscht da vuur diech en maagt radauw alsof doe eng of anger geweldige prestatie has gelieverd. Iech ken uuch zaage, leef luuj, dat geet diech durch merg en bee. t Is da ooch t schunste wen me gaar nuuks wit en zelfs oop t moment dat de jonge van d r Prinseroad heem waore, bezig bis mit anger activiteite vuur enge angere verein, ouderensociëteit St. Jozef oop d r krisoavend als hoege gast in ee roeë pak mit eng roeë-wiesse mutsch. Gaar nit wissend dat oop dat moment tswei jonge vaan d r Prinseroad heem bei de vrouw woare, um ee en anger durch tse spreache. En da zoeë lang kenne schwiege, doavuur mot iech mieng drei vrouwluuj toch eegentlich ee compliment maache. Nuuks vermoedend zits doe da in d r zaal, genietend va wer ens eng geweldige Sitzung die durch d r president, d r Frans Bodelier, wead gepresenteerd. Ing geweldige keur va artieste passeren de revue en me vroagt ziech toch wel ens aaf, wie die jonge gedder joar vuur zoe ee geweldig program kenne zurge. Oop ens kunt da dat moment dat d r zaal gans sjtil wead. D r president kunt noa vuure en - 14 -
begint get tse vertselle uvver d r nujje gala-orderdrager. Zelf loesters doe natuurlich noa die woad die weade gesproche en oop ens begints doe tse schakele. Wat dea zeat kunt toch wel hiel veul uvveree mit die leave. t Geboortejoar, de tswei doatere, dieng vakans noa Österiech, t werk, en oop ens da velt dat kwartje. Dea hat t uvver diech! En da weat dienge naam geneumd en wits doe echt nit mieë wie ste mots kieke. Geweldig. Doe mots de Bühn oop en sjtees vuur alle luuj vol in de schienwerpere! Leef luuj, wat daan durch diech hen geet, ken iech uuch nit beschrieve. Went d r president da al die dinger begint oop tse leaze die me zoeë al als vrijwiller allemoal deed, begints doe dich zelf aaf tse vroage wieneë dat tse nog ens heem bis. En da t moment suprème : d r gala-order weat diech umgehange en doe bis sjtolz wie enge pauw. Enge order dea doe verdeend has volgens de luuj va gen durp. De groetste ier die diech ken uvverkoome. I ee woad: fantastisch! Iech wil da ooch vanaaf dis plaatsj die luuj bedanke die miech hant vuurgedraage als kandidaat gala-orderdrager 2009 en ziech alle meute gedoa hant om al die dinger bei ee tse kriege zoeëdat d r president dat allemaol koeët vuurleaze en zicher mieng vrouw en kinger die miech al die tsiet moeëte misse. Leef luuj, iech han als gala-orderdrager va Zumpelveld eng geweldige tsiet gehad, ing bombe receptie, ontvangst va de Blauw Sjuut, d r Schlusseluvverdracht, de Hillige Mes in t plat, de drei döl daag en al die anger evenemente die iech tsezaame mit d r Prinseroad han moage beleave. Iech zal dea order da ooch mit stolz draage, want get dat diech oes t hats weat gegeave, verdeent t um oop t hats tse weade gedraage. Nog ens zaan iech DANK JE WEL aa gedderenge dea ziech ingezat hat um miech die ier tse gunne. Iech beschouw dizze order namelijk als de groetste ier die iech i gen durp ken kriege en durch uuch gekreage han. Prinseroad en luuj va oos sjun Zumpelveld: nogmaals HIEL HATZLICHE DANK!! Uunge gala-orderdrager 2009, D r Hodinius Hub - 15 -
Leef Vasteloavendsgekke Vier van de Auw Wiever va Zumpelveld zunt vroeë dat vier och dis joar werm d r-bej zunt. Dat braat os evvel bej de vroag: Wie lang egentlich al? Wie lang loofe egentlich al Auw Wiever durch Zumpelveld? Op dis vroag wit warschienglich ginge ee antwoad. Zicher is evvel dat de Auwwieverbal i Zumpelveld al veul langer gevierd wead wie d r georganiseerde carnaval. Ós gebroech sjtammt oes ing tsiet dat nog veul manslüj i Oche wirkete. Went die manslüj da vüër d r Vasten-oavend tse vós op heem aa koame, Sjtreufete de vrauwlüj zich ing koekkemom aa en goonge de manslüj Tse-ge-mód. Op de route Zumpelveld- Oche sjtoonge doe-d r-tsiet nog veul hillegehüsjere (wieëtsjafte) woa de manslüj en de vrauwlüj zich teage koame. Ing vaan die wieëtsjafte hoosj Zur Wilden Wantze die urgens bej d r Roeë Puts geleage mót han. t prinsiep van de Auw Wieverbal is evvel al die joare t zellefde bleave: De manslüj krient durch ee Oad Wief get brei um d r baat hin gesjmiert, Oane dat zie wisse mit wem dat ze t tse doeë hant. Bis t moment dat de Maskere aaf gunt. Dis traditioën hat ziech i versjillende dörper aafgesjpilt, zoëwie in de Grungsjtroas bej Waubig, woa t och huj noch i ieëre gehouwe wead. Noen wie uur get mieë wit uvver de Auw Wiever-traditioën, wille vier uuch natuurlich och oesnüedige op ós Auwwieverbal 2010, die gehouwe wead op d,r 6e Fibrewaar. Dus Vrauwlüj: Lós die sjun traditioën nit sjterve!! Sjtreuft uuch die AUW aa en helt mit!!! T grusse uuch de Auw Wiever va Zumpelveld! - 16 -
- 17 -
Dans en Showgroep Accelerando Veul luuj i Zumpelveld en omsjtreeke zalle ze wel kenne: Dans en Showgroep Accelerando oes Zumpelveld Dur dansgroep is ee begrip in de omgeving en treant al joare op bij de moddervereniging de Woeësjjoepe en anger carnavalsvereniginge. Ut seizoen begint vuur de vrouwluuj va dur groësse groep ummer mit eng spectaculaire opening op ut BCL-treffe. Carnavalsvereniginge oe gans Limburg koome hei op aaf en ut is ummer werem inge geweldig gezellige daag! Accelerando hat noch 3 groepen, namelijk de klinge, va 3 bis 8, de jeugd, va 8 bis 15 joar en ozze gardegroep Dance for joy. Och hei wead vuur geeker seizoen heël getraind om enge sjunne dans neer tse zette. In de vereniging drieënt het op de 1ste plaatsj um perfectie, mer zeer sicher ooch de gezeligheid en dat weten de meadjes va Accelerando sicher tse bringe! Bis an de drei doll daag zet gikkere groep zie betste beentje vuur om het publiek dur letste neue dans tse lotte zieë. Neaver de geweune trainingen weade durch de activiteitencommissie ooch leuke dinger geregeld, dink mer ens a Sinterkloas, Krismis en speurtochten. Vurig joar hat dr Accelerando zie 55 joarig jubileum gevierd. Et bliet ummer gezellig en ut is noch ummer eng sjpass vuur tse doeë vuur gekkeringe, zoewel bestuur, dansende leden, schjteunende leden en alle luij die intern en extern bezig zunt om alles in goeie banen tse leiden.. Natuurlich sjtund vier ummer ope vuur nuij leden, duur zut welkom om ins noa eng training tse koome kieke.. Uur kent ooch ozze website bezukke: www. accelerando-simpelveld.nl. Vier zient os zeer zeker mit die daag en vuur wunsche uuch allemaol ee super seizoen en vuul sjpass en plezeer! 3x Alaaf! - 18 -
DAMESLINGERIE HERENONDERMODE BADMODE wij wensen u een fijn 2010 WINKELCENTRUM T GULPER HART LOOIERSTRAAT 29 GULPEN TEL. 043-450 3560 HENK SCHNACKERS bekijkt het ook van de andere kant Uw specifieke wensen, eisen en verwachtingspatroon vormen het uitgangspunt bij het leveren en plaatsen van kunststof kozijnen. Wij willen samen met u één team zijn. Een gewaardeerde waarborg dat elke opdracht ook van uw kant wordt bekeken. U kiest voor STIPTE afspraken van offerte tot en met plaatsing, KWALITEIT in product en vakbekwame monteurs en DOORZICHTIGE lever- en garantie-voorwaarden. U kiest voor een veelzijdige onderneming, die alles in één hand biedt om samen met u tegen een optimale prijs-kwaliteitverhouding te beantwoorden aan uw kunststof kozijnen-wensen. HENK SCHNACKERS KUNSTSTOF KOZIJNEN Wiebachstraat 8 6466 NG Kerkrade (Parkstad industrie nr. 5154) nabij RODA stadion T 045 563 05 20 F 045 563 05 19 www.schnackers.nl - 19 -
34e Herrezietsong 2010 in d r november ee groeët succes D r Prinse-road is neamliech inge nuije weg ingesjlage mit de Herrezietsong en die weat noe in t vervolg gehoade in plaatsj van in d r jannewaar, ganz in t begeen van t nuij tsezoen, en dat is noe ummer d r tsweijde zondig noa d r elfde van d r elfde, en dat woar durch aaroane van versjillende vaste bezukker ee succes vuur de ieësjte kier aafgeloofe november wat dus inhool dat vier t aafgeloofe joar hant moage geniete van dreij Papa-daag, woabeij iech mot zage dat me doa aa kin wenne. Ooch woar nuij dat vier doa tsezaame durch i-zats van ex-prins Guido Kokkelkoren op ing gezellige manneer tsezaame hant moage geniete van t spek en ei en d r poetes en versjillende anger lekker dinger, mer t sjunste woar nog, jonge noe lot vier ins ierlich zieë, wat me ins nit hoeët t s murgens Pak nog ins d r kaffiegruul, en ruum ins d r dusj aaf, die woat woare ins op dea gezellige zondigmurrige nit tse huure en dat houw d r Koekkie go t geregeld. Doanoa koeët me al ins ee beerche verdraage en die beerchere zunt daan ooch zicher mit plezeer dea zondig gedrongke woeëde went me zooe al noa d r zaal in kieket. Zicher sjtong gezelligheed hoeëg in de vaan gesjreave beij gidderinge en noa aafloof van t programma woare de reakties van gidderinge t zelfde en hoeëte vier als Prinse-road dan ooch uvveraal de zelfde woat, Jonge t woar auwerwets gezellig, en doavuur wille vier os geer bedangke nit alling mer beij die luuj die ziech doa vuur ingezat hant um doa in mit tse besjlisse mer zicher beij alle luuj die ind r zaal woare zaage vier geer dankjewel en bedangkt vuur t mithelle, duur woat ee super publiek woa vier alling mer sjtolz op zunt, en hoffentliech zient vier o s t nieëks joar werrum op de zelfde manneer tseruk dan bin iech zicher d r vaan dat ooch dat evenementwerrum zieng wead kiet wat t tsow kunt. Gezelligheed in d r zaal beij de jonge. Bedangkt aan die luuj die mit gedaat hant. Geer zaage vier als Prinse-road dankjewel en bedangkt vuur t mithelle aan gidderinge en zicher aan die luuj die in dat verhaal mit gedaat hant, vier hoffe os t nieëks joar werrum tse vruije op dea Papa-daag in d r november van 2010, onger t motto Vuur viere vasteloavend tsweij doezend tsing, mit oad en jongk, groeës en kling. Ooch op de Herrezietsong zaage vier nog ens dreij moal Zumpelveld Allaaf. - 20 -
AUTOSCHADE - GARAGE - SERVICEBEDRIJF RON VIJGEN Oranjeplein 15a - 6369 VD Simpelveld - tel. 045-544 42 21 WINTERBANDENACTIEv.a. 59,- Prijzen, exclusief montage, ballanceren en BTW AUTOSCHADE! meer dan 35 jaar het vertrouwde adres GRATIS LEENAUTO VERPLICHT IN DUITSLAND Ook voor al uw andere winterbanden, merken en maten kunt u terecht bij onze verkopers! Wij adviseren u winterbanden te monteren bij temperaturen onder 7 graden celsius. Zodra de R in de maand zit bent u altijd veilig op weg met winterbanden. Door regen, gevallen bladeren, sneeuw en ijs kan de weg glad worden en kunt u in de slip raken. Grip op de weg is in deze tijd van het jaar van essentieel belang. Grote beurten Banden Uitlaten Storingen APK Accu s Alle reparaties - 21 -
45e Gala-bal 11e janewaar 2010 Georganiseerd durch de jonge van d r Prinse-road Leef luuj, op mondig d r 11e jannewaar is het werrum zowiet. Dan zal alwerrum de 45ste Gala-bal plaatsjvinge. Graat wie al die anger joare wead dit geweldige evenement gehouwe in d r zaal bij d r Jos Frijns. Och dit joar had de programmacommissie werrum ing keur aan artieste wisse vast tse legge oes binne- en boesseland. Mer ut hoeëgtepunt va dizze aovend is toch zieër zicher ut oesroffe van alwerrum d r 57ste Gala-orderdrager. Dizze order wead oesgeriecht aan inge persoeën dea ziech verdeensteliech hat gemaacht vuur de gemeensjap i Zumpelveld. Dit alles wead natuurlich werrum meuchlich gemaat durch ozze sjponsore en vanaf dis plaatsj wille vuur alvast dankjewel teage hun zaage. Vuurdat de zietsong geet beginne, zal orkest Sensation d r zaal alvast in de richtige sjtimmung bringe. Doabei zal d r Leon Franzen van GTF oes Boches er vuur zurge dat uur weat vuurzieë van de richtige klanke! Um iech al een biesje inge indruk tse geave, zalle vuur uuch heij onge al inge greep oes os program presentere. Noadat d r prezzident, d r Frans Bodelier alle luuj welkom hat gehese, zal d r dansgroep Magic Rythm d r sjpits aafbiese mit werrum inge geweldige dans. Doanoa zalle de lachsjpieëre weade getest mit ee optreande va buutteredner Peter Vaassen oes Beegden i Midden-Limburg. Dizze buutteredner zal zich van zieng bitste kant losse zieë en menig troantje va sjpas bei de luuij uvver de bakke losse rolle. - 22 -
Wen vuur dit hinger d r ruk hant, zukke vuur ut git kotter bei heem en zalle de jonge van de Koalejitze mit Kirchroatjse klanke zurche vuur ing geweldige sjtiemong in d r zaal! Vervolgens is ut werrum tsiet vuur git kolder, wat os durch ginge winniger wie het duo Sjwats Wies wead gebraat. En dis kieër is hun aanwezigheed extra biezonger, want ziee zunt bezig mit hun aafsjiedstoernee, dus is het wel sjpeciaal dat zieë och os sjun Zumpelveld nit vergease! Ut hoeëgtepunt va dizze aovend is wie gidder joar ut oesroffe va D r Gala-orderdrager 2010 D r ganse zaal zal daan in sjpanning waade welke persoeën noa vuur gehoald zal weade en dizze order in ontvangst moach neume. Doanoa zal d r winnende sjlager 2010 op de planke kome. Heinoa gunt vuur wer wieër mit ut program en zal inge groep va os oosterburen hun opwaading maache, nemlich de Wüste Wüstensohne Dis jonge sjtung bekend als richtige stimmungsmacher, en zie zalle gegarandeerd d r zaal op d r kop kriege! Zoe gunt vuur langzaam richting ut einde en maache de meadjere va dansgroep Magic Rythm vuur de tsweide en litste kieër dizze oavend hun opwaading. D r sjloesnommer sjteet och dis kieër in het tseege va - 23 -
vasteloavendsjtad nommer 1, Kölle! D r groep Kölsch Platt zal uuch klanke va Kölsche aat op de bühne goa bringe en dat betseegent natuurlicht dat werrum gidderinge mit ken zinge mit allerlei bekende nommers oes Kölle. Ut sjunste is, dat dis jonge geweun oes os sjun Limburg va Hoensbroek kome. Mer zodra ze de bühne opkome zal doa nuuks mieë va tse merke zieë!!! Zo wie d r hat geleaze hant vuur werrum ee geweldig programma vuur uuch in ee gezat, durrum hoffe vuur uuch allemoal tseruk tse zieë op d r 11de jannewaar 2010! Wilt d r heij geer beij zieë, kaate zunt alling tse verkriege beij de jonge va d r Prinse-road of onger d r telefoonnommer 045-5444411 design drukkerij kopiecenter internet - 24 -
café t Hulsveld Uw gezellig buurtcafé wenst u alleen een gelukkig 2010 St. Remigiusstraat 26 6369 EM Simpelveld Tel. 045-544 4985 Kay & Math. FRITURE ORANJEPLEIN Verse frites van eigen geschilde aardappelen Voor zuurvlees, goulash, schnitzels, saté enz. Alles uit eigen keuken. Wenst u een Gelukkig Nieuwjaar Tevens 60 zitplaatsen Saida Elghanfoud Oranje plein 1a Simpelveld tel. 045-5446624 Openingstijden: ma. gesloten di., wo., do. van 12.00-23.00u vr., za. van 12.00-02.30u zo. van 14.00-23.00u Wij wensen u een Voorspoedig 2010 HERENKAPSALON HENK THEVISSEN Kloosterstraat 19 - Simpelveld - Tel. 5440254 M. Gorettistraat 5a - Kerkrade - Tel. 5465046-25 -
DOEBELE FORTO D r Doebele Forto geet aan ut 41e seizoeën beginne. Dat is ing hieël lang tsiet vuur ing Joekskapel. De mieëtste kapelle valle noa ee paar joar, went d r leefe nuij d r van aaf is, al oesee. Waarsjienlig is os formule toch got. Vier zunt alling mèr aktief in ut vasteloavendsseizoeën. D r ieësjte donnesjtig noa de oktober-kirmes beginne vier mit prove. Enige optreëne in november en daan is ut effe sjtil in de Advents- en de Kristsiet. Noa Nui-joar geet ut daan richtig los bis aan de vasteloavendsdaag. Noa Esjgoonstig is ut da wer gedoa bis begeen oktober. Wie bei giddere verein kent ooch d r Doebele Forto sjun en minder sjun momente, zoe hant vie dis joar inge sjwoare teëgesjlaag motte verwirke, nèmlich ut verluus van os lid d r Jan Merx (os Pumpke). Hea woar inge carnavalist in hats en neere en al 37 joar lid va ozze verein. Positief is dat vier de aafgeloafe joare ing jeugdiger generatie als lid hant kinne begrusse. Endlich hant vier, noa veul joare va insjpanning, noe de hoeëg nuëdige verjonging binne os besjtuur kreage. D r kreet wea de jeugd hat, hat de toekomst gilt ooch bei os. Gelukkig hant vier mèr winnig verloof binne ozze verein, dat bliecht wel oes ut feit dat vier alling dis joar 7 jubilarisse in os midde hant, 2 lede zunt 2x11 joar lid en 5 lede 1x11 joar lid bei os. Dis joar hat d r Doebele Forto e paar nuijighede: - Nui internet website www.doebeleforto.nl - Nui (jeugdige) besjtuurslede: d r Roy Weeren jr als secretaris ut Daisy Seroo als notuliste en archivaris D r Doebele Forto wunsjt uuch ee gezonk en gelukkig 2010 en eng sjun vasteloavend tsow - 26 -
- 27 -
Leef Vasteloavendsgekke Vier zunt werm paraat! T optsochcommitee wilt ziech och dis joar werm i-zetse um ee vaan de grüëtste evenemente i Zumpelveld op poeëte te sjtelle, nemlich: D r Groeësse Vasteloavendsoptsoch va zumpelveld. En dea naam Groeës hat d r optsoch va os de aafgeloofe joare waal verdeent! Went me bedingt dat durch ee durp mit nog ging 6000 zieële inge optsoch trukt mit giddes joar 45 bis 55 groeppe en waans. Doavuur kanne vier als optsochcommitee os evvel nit alling zellever op de brós kloppe, dea sjunne, groeësse optsoch is nemlich vuur ee groeës deel tse danke aan de mujte die alle groepe zich giddes joar werm dunt aan hun péksjere en waans. Um dis mujte tse beloeëne kriet giddere groep ing kling vergoeding noa gelank de gruësde van d r groep of d r waan. Dat hat als bej-wirkung dat och veul weëns va boesse gen durp mitvaare, die zich hej i Zumpelveld op de ieëjte plaatsj inge sjunne daach komme maache en op de tsweide plaatsj zich get vaan de gemaade köste werm kenne tseruk verdeene. Giddes kink begrieft hej-oes dat óch d r zumpelvelder optstoch vilt en sjeet mit pfennigge! OHNE MOOS NIX LOS heesjt t och hej. Doavuur wille vier och dis joar os hoesan-hoes collecte bej uuch aa-beveale. Went da in d r jannewaar inge va ós bej uuch a-gen duër sjteet mit d r klingelebüll, da wit-uur dat vier dat geld nit verzoeffe, mer dat dat vuër inge richtig gówwe tsweck is: ÓZZE OPTSOCH! Mit dis wöäd wille vier uch noen ing sjun vasteloavend wunsche en vuur hoffe dat vuur os in de tussje-tsiet noch zient op ing vaan die aanger sjun evenemente die de ganse woeësj-joeppe familië ós tse beije hat! ADIEË en ZUMPELVELD ALAAF! t Optsochcommitee. - 28 -
Café Zum Pony Irmstraat 2 - Simpelveld tel. 045-572 13 56 Tot ziens bij Bianca & Huub Wij wensen u een Voorspoedig 2010! - 29 -
Wea de kinger en de jeugd hat, dea hat... Zoeë wie d r titel al zeat, wea de jeugd hat, dea hat de toekomst. In d r Zumpelvelder vasteloavend moage vier oos gelukkig prieze mit inge nog sjpringleavende kingercarnaval. Evvel, de vroag is mer wie lang nog. Ummer lestiger wead ut um kinger tse vinge die lid wille weade van d r jeugd road van elf. En kinger die wille optreane op de kingerzietsong, dat is ooch nit ummer mekkelich. Vier als jeugdcomité van de woeësj-joepe zunt natuurlich enorm vroeë mit de kinger die noeë nog actief zunt in der Zumpelvelder vasteloavend. Zoeë hant vier toch gidder joar werrem inge jeugdprins of ing jeugdprinses. Ooch hant vier nog jonge en meadjer die lid wille zieë van d r kinger road van elf. En kling Zumpelvelder artiesten, doa hant vier d r ooch genog va. Geweldige schlagergruupkes. En tswei kingerballet vereine die allenuij hun betste bingke vuur zetse. Went me dit allenuij least, da zal me wel dinke woarum dan de vroag wie lang nog. Betste luuj, ut wead ummer winniger, veul kinger zunt oop vakans of viere ginge vasteloavend mieë. En went vier de kinger nit mieë gemotiveerd kient um vasteloavend tse viere, dan huurt ut oets oop. Want graat wie de kinger de toekomst van Zumpelveld zunt, zunt zieë ooch der toekomst van d r Zumpelvelder vasteloavend. Dus leef jonge en meadjer van Zumpelveld, went uur geer carnaval viert. Kalt daan ins mit d r Rutger van Dinther, d r Marc Franssen, ut Francis de Bruin, d r Roy Weeren, ut Natascha of d r Patrick Leclaire. Oes dis zes luuj besjteet nemlich ut jeugdcomité van de Woeësj-joepe. En die wisse ooch vuur diech vast get tse vinge wat bei diech past in d r Zumpelvelder vasteloavend. Wilste prins of prinses weade, wilste inge schlager zinge of ee denske maache, of bei d r jeugd road van elf of ee optreane doeë oop de kingerzietsong. Die zes kenne diech wieër helpe en ooch diech bei d r Zumpelvelder Kingervasteloavend losse huure. Dus kalt ze aa mit de zietsong of mit de carnaval en angesj gut bei ze langs of bel ze oop. Want d r kingercarnaval hat DIECH nuudig. Wieër wille vier natuurlich alle kinger va Zumpelveld oesnuudige oop de kingerzietsong 2010 oop zoondig 3 jannewaar. Hei gunt vier aafschied numme van oos jeugdprinses Desiree I. Desiree, danke vuur de geweldige manneer woa oop doeë de kling woeësj-juupkes vuur bis gegange. En doanoa wead ut sjpannend. Wea wead oos nuij jeugdhoeëgheed 2010. Komt noa de zietsong en duur zut de iesjte die ut wisse. Hoffentlich bis daan, Jeugdcomité C.V. Woeësj-joepe - 30 -
Ambition Travel Wij verzorgen al uw dagtochten en meerdaagse reizen met of zonder hotel vooral voor groepen en verenigingen. Vraag om een offerte en vrijblijvend advies. Moderne luxe touringcar voorzien van: Airco - Toilet - Mini-bar - DVD GPS - Audio/cd - Slaapzetels Touringcarbedrijf Ambition Travel J.H.H. Vliex Stationstraat 55 6369 VH Simpelveld Tel. 045-5661300 Fax 045-5661301 ambitiontravel@zonnet.nl - 31 -
HOAFVASTE-BLOMMEBAL 2010 Dur 13 meëts um 2010 oer is ut wer zoe wiet,da hotte vier de ex-blommekunninginne van C.V.De Woeësjjoepe i Zumpelveld wer os alom bekende hoafvastebal.ut is waal nog get vrug,want vuur motte iesch oad op neuj en zicher nog op ing aansjendige manneer karnaval goa viere zoe wie vier dat in Zumpelveld gewend zunt. Mer vuur kinne uch garanderen dat ut werum ee geweldig programma wead. Wat de optreanens betreft ziet t Programma als volgt oes: Magic Rythm, De Koalejitze, Dèjà-Vu, Duo Tiec Tac, Oes t Belsj Domm en Dööl, en va gen Berg ozze alumbekende DJ Soundwave in de vorm van d r mister himself d r Rick. Vier hoffe dat t ooch t komend joar werrum ee sjun fes zal weade minstens zoe wie de vergange joare dat vier t Hoafvastebal moage organisere, en hoffe dan ooch dat dier uuch dea datum alvas op dur nuije kalender aa dut krutze. Doabeij wille vier natuurlich ooch alvas geer danke zaage aan alle luuj die os in t aafgeloofe joar egaal in welke vorm dan ooch gesjteund hant. Vier wunsje uuch allemoal alvas ee gelukkig en gezongk nuij joar tsow en wille uuch dan ooch geer allemoal d r 13e meats 2010 tseruk zieè in d r zaal van Party/centrum Oad Zumpelveld beij t Gerda en d r Remi. - 32 -
JO LOOZEN & ZN. B.V. MEESTER SCHILDERS Dr. Poelsplein 8a 6369 AV Simpelveld Telefoon 045-544 15 91 Fax 045-544 55 31 internet: www.loozen.info e-mail: schilder@loozen.info Wij wensen iedereen een Voorspoedig 2010-33 -
leef karnavaliste: Afgelófe karnavals seizoen woar eng bezónger ervaring: Wie ut An Kamps miech in augustus 2008, kóm vroage um princes te wille weëde, wós iech nit wat vasteloavend i-hól. Behalve der opsjóg kiekke,kroog iech nuks va karnaval mit. Maar umdat iech ut hoeshoade deel mit enge richtige karnavalist han iech ut dróp gewaagd,en moaget iech ee joar als princes mit der dames elve road mit sjeeze. Teëge de tsiet van de dame-zietsóng, woët iech ummer nerveuzer en nerveuzer, en wie mienge naam op 16 november oesgeróffe woët daat der Jan Smeets, dat iech va alle iëlend, de trappe eraaf zou renne. Dat is nit passeerd, en doe koët, ut fés beginne. De vrouw-lui van der dames elfe road hant miech geweldig ópgevaange en uvveraal der wég gewéze. Ut kóm waal al ens vuur, dat iech nit wós wat iech zaage moët, maar dat is ummer gót kóme. Och is ut al vuur kóme, dat iech, nit wós um tse gao, mit ee vól glas beer of dat iech sjpië óp der oavend, wie enge beer, óp de zükke woar an, t danse. Më alles wat sjun is,geet vlot vuurbij, më mit dat oes goa, han iech waal geliërd wie vasteloavend gevierd mót weëde. Ut is ee fés, um dieng zurg ee joar laank tse vergése, durch tse zinge, laache en der nandus oes tse haange. Wat gans bezónger is, dat tse dat dees mit vrung en familie. Doa zunt veul lui, die iech geer wil bedanke, vuur dis geweldige ervaring dat iech princes moaget zie, van der dames elve road. 1) de vrouw-lui van der dames elve road,vuur ut opvaange van eng princes, mit knikkende knei-je 2) Mië hofnarretje marjan beckers dat miech der wég hat gewéze en miech ummer kóm aaf hoale,en werm noa heem tseruk braat 3) Ut leef erna,dat miech ut ganse seizoen ut kapsel hat verzurgd en hei-bij och nog der make ut hat gesjponserd. 4) Annie Kamps bedankt vuur ut oes zukke van mie kleed, dat woar gans vlot gepiept, wa 5) Der leefe Ron, en mieng kinger, vuur al die oavende, dat ze miech hant móte misse. Iech wünsch de nieëchste princes, een sjun regierings joar, en graat zoë veul plezeer wie iech han beleëft En dames: bedankt voor ós weekend in Mallorca (ólé) En iech wil sjlisse mit: dreimoal: Zumpelveld, alaaf, alaaf, alaaf - 34 -
Wij wensen u een Voorspoedig 2010-35 -
Leef Carnavalisten, Iech, Jeugdprinses Desirée I han ee fantastisch sezoen gehad. ut begoon allemoal wie iech gevroagd woeët um de neu Jeugdprinses tse weade, nou dat loot iech miech ging 2 kier vroage, en han meteen joa gezaat. Mer van toen aaf woar ut erg sjpannend, want iech moaget ginge get Lotte mereke, en dat woar nit gemekkelig. Zicher nit umdat dur Rutger mienger lieraar woar. Spannend woar ut och wie iech de iësjte kier mieng kleed moaget goa passe en de foto s gemaat woete, ut woar duuster en ginge moaget miech en mieng eldere zieë. Och han iech veul tsiet gesjtoche in het sjpreche van ut Zumpelvelder plat, mer iech dink dat miech dat got is afgegange. D r daag vuur mieng proclamatie woeët der neuje groete prins oesgeroffe, en doa woar iech toch wel beneut noa. D r Pap gong noa de proclamatie, en wie hea heem koam woar iech noch wakker. Hea vertsellet miech dat der Michel Bleijlevens der neue groete prins woar, en dat hea hieël groeët is; iech koët em nit, mer noa de reactie van der pap tse zie daat iech dat iech wel enge gouwe prins aan hem houw. Toen koeët iech eindelijk goa sjloffe, want der daag drop woar mienge daag, mieng proclamatie. Um tswei oer woar iech wie geekeringe in der zaal, want iech moët optraene mit mieng vrundin et Nadia, want vuur houwe mit idols der 1e pries gewonne, dus vuur moëte zinge. Toen woët iech zoegenaamd krank, iech moët noa heem um miech veadig tse maache vuur mieng proclamatie. Noa dat der Doebele Forto de Pauze gevuld houw, goonge der Rutger en ut Natasch wier mit de zietsong, effe later sjtoong iech doa als de neu prinses van de Woeësj-jüpkes; Desirée I 2009. Toen zoog iech och mienge super groeëse prins, en wos iech dat iech mit hem ee geweldig sezoen gong kriege. Der zamstig doa op wor ut dreigesjtirn kompleet, want de vrundin van der Michel, ut Jill woët de neuj blommekunnigin. Same mit die tswei en och nit tse vergesse d r Bjorn (nar) Kruuts & Kweer als prinsengardeen d r Forto koët et fes echt beginne. Och ben iech noa der Jeugd BCL gegange in Gulpen, en noa der Jugend prinzentreffen bij der landrath in Aken Ut woar geweldig wie alle hoeëghede op de bühne bejee sjtonge, en ing groepsfoto gemaat woët. - 36 -
Och de receptie woar geweldig, doa koame miech toch ereg veul luuj en kapelle op aaf, dat how iech noëts gedaat dat zoëveul luuj os koame feliciteren. Ut schunste woare natuurlich de veule kado s die iech han gekreage, doa wil iech miech natuurlijk noch es vuur bedanke. Op der vriedig hant vuur ut schnuutz gehoald en ut woar erg laat gewoede mer vuur moëte nog der Huls erop want doa woar der Hulzer oavend begonne, dus vuur zunt toch nog incognito der Huls op gegange, der Prins Rick en Jeugdprins Jeffrey hant miech welkom gehesche, ut woar inge super oavend gewoëde. Iech han saame mit der groeëse road van elef op de bühne moage zitte um tse geniete van de Volkszietsong, de winnaars van der sjlager woare och doa, en op de moeziek van der sjlager mit de troät en de tsiem han iech mit gezonge. Ut sjunste moët toen noch kome, d r groëse optsoch. Mieng auwesj hoawe miech inge waan geregeld; ing koetsj mit 4 peader dervuur, en iech sjtong boave op de koetsj. Saame mit der meester Rutger hant vuur de koetsj volgelaane mit sjnuuts en noch hiel veul anger dinger. Vuur zunt sjtrongsnaas gewoëde op dea murge, mer wie der optsoch begoon kloret ut gans op en ut woët inge optsoch um noëts tse vergesse. Same mit ut Jill en der Michel zunt vuur Cloone gange koofe, zoedat vuur mit der cloonetrek utzelfde aa houwe, inge sjunne daag, mer noa 8 oer woet iech toch ee bietje sjtil. Ut moment woar gekoame um de kappe aaf tse zitte, de carnaval woar vuurbei, ing schun tsiet woët afgesjlosse, mer och dat huüt erbei. Um alles tse vertselle, han iech ee gans boch nuüdig dus iech macch et nit tse lank, want me mot et zelf mitmaache um tse kinne veule wat iech afgeloofe sezoen geveuld han.. Iech wil als letste noch effe ee dink kwiet. Vanhei oes bedank iech miech bij gidderinge dea git vuur miech gedoa hat um dis Carnaval tot ee geweldig sezoen tse maache, iech zal et noëts mie vergesse zoë sjiek en klasse wie iech et han gevonge. XXX Jeugdprinses Desirée I XXX De Carnaval.. Alaaf CV de Woeësj-joepe. Alaaf Zumpelveld.Alaaf - 37 -
- 38 -
- 39 -
Danke, vuur alles.. Op ut moment dat dizze special bei uuch op de duurmat velt zit os regeringsjoar d r beinoa op. Iech als prins Michel han nog mer inge aovend um als prins de Woeësj-joepe vuur tse goa. En vuur miech als blommekunningin Jill doert ut nog ee paar daag langer. Mer noa nog drei kier aatreane zal ooch iech daan adieh aan alle woeësj-joepe motte zaage. Went vier tseruck kieke noa de aafgeloofe tsiet, da kenne vier alling mer zaage dat ut geweldig woar! Vanaaf ut moment dat der Michel op carnavals-diensdig 2008 mit get jonge van de prinsecommissie kallet in ut patronaat en zaat dat hea geer prins wool weade, goong ut richtig loos. Alleriesjt mit inge klinge groep, aal durch kalle, wat helt ut allenuij in? Wat moache vier en wat kenne vier? En doanoa, in der zommer va 2008 ut groeësse nuijts vertselle aan os vrung va Kruuts en Kweer. Zieë zaate direct, dat is sjiek, dat wille vier mitmaache, moache vier uung prinsegarde weade? Gelukkig moachet dat en toen begoon ut lange waade. Jannewaar 2009, endlich is ut zoeë wied. Op de klanken vaan The pirates of the carribean woeëd der Michel durch zieng vrung va Kruuts en Kweer noa vuure gebraat. Wat ing beleavenis! Doanoa geïnstalleerd weade durch ooze burgemeester. Ooze eege zwoager d r Bjorn als hofnar d r bei, wat koeëte vier oos nog mieë wunsche? Noa dea geweldige zamstig inge zondig mit ing gezellige jeugdzietsong. Doa woeëd ut Desiree Weeren als jeugdprinses neaver d r Michel geproclameerd. Doanoa begoon ing lang wèch, mit ee gans klee bietje stress Ut Jill wool nemlich geer blommekunningin weade, mer zoeë wie dat traditie is, hant de Zumpelvelder carnavalisten doa in de enige sjtem. Dus zou ut Jill waal genog blomme kriege? Endlich woar de tsiet van de blommebal doa en wie de blomme verkoat woeëte woar ut vuur os al vlot duudlich: ut Zumpelvelder dreigestirn 2009 woar compleet. Ooze dreum koam oes.. En da, ing tsiet um noeëts tse vergesse; zietsonge, recepties, bezucke aan anger vereins, binne en boese g n durp en zelfs uvver de grens, tse veul um op tse neume. Ee paar dinger wille vier speciaal beneume: De galabal, woa ut Beppie Kraft, d r favoriet van ut Jill de sjteere van d r himmel zoong, os eege receptie; geweldig went me ziet wieveul luuj oos doa hant bezoeët en - 40 -
woa oos vrung va Kruuts en Kweer zelfs ee speciaal lidje vuur os als hoeëghede hant gepresenteerd. En nit tse vergesse d r schloeës van de receptie, woa der noonk van d r Michel, d r Piet, ut Sjun Zumpelveld zoong. En da die drei dul daag, op vriedig inge super schlusseruvverdracht. Ut is toch ee speciaal moment went me als prins, oes de heng van d r burgemeester, d r schlussel va Zumpelveld kriet. Op zondig d r 22ste februar d r groeëse ooptsooch. Wat ing luuj langs der weg! Went vier doa aan tseruck dinke kriege vier nog ummer hondervel. Zoeë wie uur hat kenne leaze, vier voonge ut geweldig! En vier zaage vanaaf dizze plaatsj daan ooch danke aan alle woeësj-joepe, vuur aal dat uur vuur os hat gedoa. Speciaal danke wille vier zaage aan os Jeugdprinses ut Desiree Weeren en zieng pap en mam, aan prinses Ut Olga en d r Ron en aan d r gala-orde drager d r hub Hodinius. Tsezame hant vuur de Zumpelvelder vasteloavendskaar in 2009 getrokke. Ooch zaage vier danke aan d r Road van elf, mit an d r spits hunne President en ozze vrunk der Patrick Leclaire en aan alle anger afdelingen van de woeësj-joepe woamit vier dit hant kenne beleave. En last but not least, zo wie me dat in good plat zeat, danke aan os ouwesj en familie, aan ozze hofnar d r Bjorn en aan oos vrung va Kruuts en Kweer. Oane uuch woar ut nit zoeë schun gewea en how ut noeëts zo god geklapt!! En noeë op noa ut niechste fes ;-) Zumpelveld Alaaf! Prins Michel I & Blommekunnigin Jill I - 41 -
Wij wensen u een Voorspoedig 2010-42 -
t Letste woad in d r sjpecial is ummer vuur d r vuurzitter Leef vasteloaevendsvrung, nog effe en vier zunt werm beijnoa van d r krisboom aaf en vier kinne os langszaam mer zicher d r Kloon van d r zulder aaf goa hoale, mer vuurop gesjteld wil iech alvas gidderenge ee gezoongk en gelukkig nuij-joar tsow wunsje mit zicher veul sjpas en plezeer de komende vasteloavendstsiet, en iech mo t uuch d r beij vertselle, ooch iech han dis joar richtiege zeen derin, en iech geleuf dat iech wees wie dat kunt. Mit t winne van d r sjlager 2010, (Iech han de kneuf aaf) hant vier al veul sjpas moage beleave, zoedat vier eegentliech al ee bietje mieë hant kinne viere, uvverigens dea sjlager woeët werrum gesjreave durch tsweij vrung van d r Prinse-road, d r Jan Lenzen en d r Peter Bartholomè, zicher sjteet dat vier dea sjlager dis tsezoen nog veul zalle huure. Zicher sjteet dat vier o s dro p vruije dat vier d r tsweijde jannewaar werrum ee nuij lid in d r Prinse-road moage begrusse, neamlich mit d r Michel I (Bleylevens) hoffe vier zicher joare sjpas tse moage beleave en wat t verenigingsbesjtoa betruft kinne vier werrum joare vuuroes, en iech bin zicher doavaan dat ooch hea ziech doa in heem zal goa veule, me bliet neamliech ex-prins va Zumpelveld vuur t leave. Wat de Herrezietsong aa betruft hat duur al ieëder kinne leaze dat vier doa inge nuije weg mit i-gesjlaage zunt op aaroane van versjillende vaste bezukker,welke vier alvas gear danke zaage, dat idee woar ee succes dankjewel. Wat de Gala-bal aageet kin iech uuch alling mer vertselle dat d r Prinse-road doa werrum versjillende huuëgte-punte in vuur hat, mer vuurop sjteet natuurlich t bekend maache van d r nuije Galaordedrager 2010, zoe wie d r wit inge persoën oes de gemeensjaf dea ziech durch de joare hin op egaal welk ing manneer dan ooch vuur de gemeensjaf verdeenstliech gemaacht hat, mië kinne vier uuch doa nog nit uvver vertselle, mer wat waal zoe is dat duur doa ooch in kint mit besjlisse, went duur neamlich zoeë inge persoeën wit, woa van duur dingkt dat woar ins ee miensj wat ins in t zuntje gezat mo t weade dan wille vier dat geer van uuch huure en zalle vier dat ooch zicher geer mit numme in dat verhaal, want duur mo t wisse dat doa in d r Prinse-road ing vaste vergadering aan t ing van t joar vuur vas sjteet woa dat doa ummer uvver gesjtemd wead en dan doanoa dea persoën durch t besjtuur bezoeët weat en natuurlich gevroagd weat um doa aa mit tse helle, ooch is t al ens versjillende moale gebuurd, dat inge persoeën nuuks wo s mer dat kin alling met went vier zicher wisse dat zoe inge persoeën ummer mit de Gala-bal d r beij is, en dat vinge ooch vier ummer t sjunste mer dat geet nit ummer. Wat noe de rest van t tsezoen betruft kinne vier alling mer hoffe dat vier os op alle evenemente zalle tseruk zieë um tsezaame tse viere en sjpas tse maache um doamit werrum de vasteloavend in o s Kloeëstersjtad die wead tse geave wat ze tsow kunt, want ee dingk is zicher vasteloavend viere deet me tsezaame en dat geet noe eemoal nit alling en sjpas maage is beij ginge dokter op ee recep tse kriege dat mot me ziech zelver d r vaan maache en iech wees zicher dat zoeget gidder Woeësjjoep in t blot hat zitte, want iech han ummer zoeget went iech noa mieng klingkinger kiek dat die durg t joar al ummer noa d r cloon vroage en de vasteloavendssjlagere aan t zinge zunt, dat hant ze van ginge vreame, dat zit in t blot. Rest miech noe nog gidderinge ing sjun gezellige en gezong vasteloavend tsow tse wunsje en sjlis noe aaf mit de woad wat vier al van o s auwesj hant mit gekreage, dreij moal Zumpelveld Allaaf. Frans II ( Bodelier), vuurzitter/president van D r Prinse-road van de Woeës-joepe. - 43 -
- 44 -