HOËRSKOOL LUTZVILLE HIGH SCHOOL 6, LUTZVILLE, 8165 (027) (027) Aan alle Ouers

Transcriptie

1 HOËRSKOOL LUTZVILLE HIGH SCHOOL 6, LUTZVILLE, 8165 (027) (027) Aan alle Ouers WEEKBRIEF 33 VAN 2017 BLOM/GROEI WAAR JY GEPLANT IS UIT DIE KANTOOR Kom bid saam met HSL vir vrede Verseker is ons almal geskok oor die jongste misdaadsyfers wat verlede week bekend gemaak is: 52 moorde per dag! Dit is 52 mense (bruin, swart, wit, oud, jonk, arm en ryk) te veel! Dit is met GROOOOT dankbaarheid dat ons weet dat elke ouer, elke kind van HS Lutzville ons visie van n veilige, geweldvrye omgewing nastreef. Gevolglik wil ons as skool ook die erns van ons simpatie met families, maar ook ons voorbidding dat hierdie situasie in ons land as geheel drasties sal verbeter, sigbaar wys. Op Maandagoggend, 13 November om 07:30, gaan ons as skool op die rugbyveld bymekaarkom en bid vir vrede in ons land. Ons nooi ook hiermee alle ouers/vriende wat deel van hierdie 20 minute wil/kan uitmaak, hartlik uit om die geleentheid by te woon. (Om ons almal saam te snoer, vra ons dat almal die dag n wit hemp (vir vrede) en n jean (swart of blou) sal aantrek om op hierdie manier te wys ons staan almal saam vir n geweldvrye Suid-Afrika wanneer ons dit van die Here afbid.) GROEI.. Baie dankie aan Christo en Ina Cillie wat 'n beker borg vir ons atletiek : Seuns Beste Sportprestasie. Ons waardeer jul vrygewige gebaar. Met sulke ouers aan ons sy kan die skool se atletiek net van krag tot krag gaan. BOEKEKAMER Leerlinge sal teen die einde van die kwartaal elkeen n lysie ontvang van die boeke wat hulle vir volgende jaar gaan benodig, asook die koste daarvan. Gr 1 7 se boeke word reeds in pakkies opgemaak en daar kan net vir n Gr 1 7 pakkie gevra word. Gr 8 12 moet egter self n opsomming maak van die boeke wat hulle benodig, aangesien baie van die boeke hergebruik word en daar is ook verskillende vakkeuses. Moet dus NIE kom vra vir bv n Gr 8 of Gr 11 pakkie nie. Dit mors geweldig baie tyd en u sal weer agter in die ry moet inval. Maak ook asb. seker dat u kwitansies vir alle aankope ontvang. Die boekekamer sal op die volgende datums oop wees vir 2018 se aankope: Maandag en Dinsdag 4 en 5 Desember 2017, asook Maandag en Dinsdag 15 en 16 Januarie 2018 vanaf 09:00 tot 13:00. Arina Conradie SKOOLTASSE / -SAKKE: EENMALIGE BESTELGELEENTHEID! Bestellings vir skooltasse, - rugsakke en toksakke kan nou geplaas word. Bestelvorms by kantoor beskikbaar. Sluitingsdatum vir plasing (kontant met bestellings) is Vrydag 10 November 2017.

2 OUERAANDE Dinsdag, 7 November 2017 Graad 10 s van 2018: Oueraand om 19:00 in Skoolsaal Komende Dinsdag 7 November om 19:00 in die skoolsaal is ons verpligte oueraand vir voornemende 2018 Gr.10 leerders. Alle huidige Gr.9 leerders en 'n ouer/s moet hierdie geleentheid bywoon aangesien belangrike inligting rondom vakkeuses vir Gr.10 aan hulle deurgegee sal word. Hierdie is 'n geleentheid vir u om duidelikheid te kry oor watter vakkeuses u kind moet maak vir volgende jaar. Dis uiters belangrik veral ook met die oog op moontlike toekomstige loopbaankeuses na skool. U sal 'n vakkeuse vorm ontvang wat u vooraf kan bestudeer en bespreek met u kind. Gesprek in die verband is noodsaaklik tussen ouer en kind. Ons sien uit daarna om u te help so ver ons kan. Woensdag, 8 November 2017 Graad 1 s van 2018: Oueraand om 18:30 in Skoolsaal Dinsdag, 14 November 2017 Alle nuwe inskrywings Gr van 2018: Ouervergadering om 12:30 in die Skoolsaal. OUPA-EN-OUMA-OGGEND Donderdag, 9 November 2017 vanaf 10:00 12:00 gaan ons n heerlike Oupa-en-Ouma-oggend saam met ons Grondslagfase hê. Alle graad 1 3-leerders gaan lekker Kersfeesliedjies sing en n paar van ons leerders gaan gediggies opsê. Ons nooi al die oupas, oumas, mammas en pappas om hierdie oggend se plesier saam met ons te kom vier. Kaartjies kos R10 en is beskikbaar by ons Gr. 1 3-juffrouens. Kom geniet hierdie oggend saam met ons. Van die mammas gaan vrolike tafels dek waarby u kan sit en ons jongspan geniet. Ons hoop om u almal daar te sien. Santie van Zyl VCSV-KONFERENSIE Twee van die skool se leerders (Gershwin van Rooyen, Gr.11 en Feliska Andrews, Gr. 10) was verlede naweek (27 28 Oktober) na die VCSV-Konferensie wat plaasgevind het in Stellenbosch. Gershwin is verkies as die Provinsiale verteenwoordiger vir studente wat n tydperk van vier jaar gaan duur. Feliska is sy hulp. Ons wens hierdie twee leerders alle sterkte toe vir die taak wat voorlê. TOP 10 ATLETIEK Nege van ons leerders het Saterdag op Moorreesburg aan die Overberg Agri Atletiekbyeenkoms deelgeneem en het met ses medaljes huistoe gekom. Baie geluk aan elk van die volgende leerders wat in hul onderskeie ouderdomsgroepe n medalje gekry het: JJ Engelbrecht 1ste (Spiesgooi), Peter Madziwa 2de (Hoogspring), Leighton Cloete 2de (Verspring) en 3de (Hoogspring), Ancia Pienaar 3de (Gewigstoot), en Hezley Links 3de (Verspring).. Anda Smit LS KRIEKET O/11 Krieket Ons het Maandag tuis gespeel teen Augsburg en die manne het 'n groot loesing gekry. Ons sal Maandag teen Sederberg ons foute moet regstel. Die bus vertrek twaalfuur. Onthou om 'n hoed en sonskerm in te pak. Hoop ons kan die seisoen op 'n hoogtepunt afsluit. Dieter van Wyk HS KRIEKET Ons 0/19B s het gister gaan speel op Vredendal. Ons het eerste gekolf nè 89 lopies almal uit aangeteken in 20 beurte. Tashwille Bock 17 n.u.n. was die beste kolwer. Evan Segelaar en Jason Cloete het elk 15 Lopies geslaan. Daarna het ons gaan veldwerk doen en alhoewel die boulwerk heel skaflik was, net 3 ekstras, kon ons nie kanse in die veld benut om kolwers uit te vang nie. Vredendal wen gevolglik die wedstryd. Dankie, manne vir die goeie gees en sportmanskap op en van die veld. Volgende keer vaar ons hopelik beter. Koos Scheepers MINI-KRIEKET Verlede Saterdag het ons n heerlike Mini-Krieketdag op ons tuisveld gehad. Daar het altesaam 44 spanne uit 20 skole deelgeneem. Drie van ons eie spannetjies het ook deelgeneem. Elke span het vier of vyf wedstryde gespeel en die wenne was volop! Baie dankie aan die spelertjies wat ons trots gemaak het en so ook ons skool help GROEI het! Anida Mostert

3 LS TENNIS Baie geluk aan ons seunspan met hul pragtige oorwinning oor Calvinia. Ons is trots op julle. Die dogterspan het gister baie sterk gestaan teen Calvinia, maar ongelukkig net-net verloor. Hiermee sluit ons die tennisseisoen af. Baie dankie aan elke seun en dogter vir julle positiewe bydrae om ons skool se naam hoog te hou. WESKUS TENNIS Baie sterkte aan ons 3 tennissterre wat die naweek op Worcester gaan speel: Hendré van Zyl, Anna- Thea Hugo en Joané van Zyl. Ons is so trots op julle drie. Geniet die tennis. Santie van Zyl FUN WALK/RUN VIR KANSA KANSA hou op 11 November n 5km Fun Walk/Run. Registrasie is van 7:30 tot 8:45 en begin om 9:00 vanaf die Maskam Mall. Die drag is Shades of Pink - wees oorspronklik in pienk. Alle fondse van die dag word aangewend ter ondersteuning van die plaaslike KANSA-tak en ons eie gemeenskap. Die registrasiefooi is R100 (T-Hemp ingesluit) of R60 (sonder n T-Hemp.) Inskrywings moet voor 6 Nov gefinaliseer wees. Om dankie te sê aan Hoërskool Lutzville vir ons bydrae tot Borskankerbewustheidsmaand het KANSA 20 inskrywings van R60 elk geborg vir die geleentheid. Die gratis inskrywings sal aan die eerste 20 belangstellendes gaan. Indien julle belangstel om deel te neem, kontak asb. vir Elodé Louw by (WhatsApp of bel). EKSAMENDATUMS EN -TYE Verlede week is alle tye en datums deurgegee. Ons skool sluit dus vanaf 10 November om 13:00. Op Maandag 13 November begin die skool om 7:30 (as gevolg van die gebedsbyeenkoms) en vanaf Dinsdag 14 November tot Vrydag 24 November is die skooltye vir almal vanaf 8:00 tot 13:00. Rapporte word uitgedeel op Maandag 4 Desember om 11:00. MY KIND HET KOPLUISE. HOE MAAK EK NOU? Kopluise is lastig, ongemaklik en gaan met n sekere mate van vernedering gepaard. Kopluise is iets wat enige mens kan tref, en het niks met higiëne te doen nie. Inteendeel, luise verkies skoon hare. Ongelukkig vind niemand luise komplimenterend nie, en daarom kan jy die volgende boererate volg wanneer dié gediertes n tuiste op jou kind se kop kom vind. Sodra jy agterkom jou kind het luise, kan jy die alombekende asyn, klapper- of olyfolie mengsel aanmaak. Jy kan jou kind se hare eers met dié mengsel spoel voordat jy dit met luis-sjampoe behandel, want dit maak die doppies van die nete sag. Maak seker dat jy, terwyl jy jou kind se kop vir luise behandel, ook sy of haar beddegoed in baie warm water was en dit dan in die son uithang, of in die tuimeldroër droogmaak. Die addisionele hitte help om die luise dood te maak. Vir volkome gemoedsrus moet alles en almal behandel word, selfs die matte en matrasse kan met n geregistreerde gifdoder gespuit word. Alhoewel luise grillerig klink, en jy jou kop in skaamte wil sak sodra jy hoor jy huisves dié gediertes, is dit nie die einde van die wêreld nie. Dis maklik behandelbaar en nog makliker om te voorkom. Bron: Dalena Theron Huisgenoot, 2014 VOORGESTELDE ONDERWYSWETGEWING IS SKOLEKAPING, SÊ FEDSAS 23/10/2017 FEDSAS Staatsbeheer wat teen demokrasie indruis. Dit is die mening van die Federasie van Beheerliggame van Suid-Afrikaanse Skole (FEDSAS) oor die voorgestelde Wysigingswetsontwerp op Basiese Onderwys. Die wetsontwerp is onlangs gepubliseer en is daarop gemik om sekere funksies van skoolbeheerliggame in te perk, insluitend aanbevelings oor sekere aanstellings, toelatings- en taalbeleid, asook bepaalde finansiële funksies. Hierdie wetsontwerp neem ons terug na ʼn model waar die staat beheer het oor alles. Dit druis ook in teen die Suid-Afrikaanse Skolewet, sê dr. Jaco Deacon, adjunkhoof van FEDSAS. Ouers moet kennis neem van die feit dat hierdie wetsontwerp ʼn beperking plaas op ʼn ouer se reg om

4 besluite te neem oor hul kinders se onderrig. Dit is in wese ʼn skending van die Grondwet, want skoolbeheerliggame gee gestalte aan hierdie reg van ouers om betrokke te wees by besluitneming. Die Federasie van Beheerliggame van Suid-Afrikaanse skole (Fedsas) is n leidende rolspeler op die gebied van onderwysbeheer en bestuur en die organisasie se span regskenners is reeds besig om kommentaar oor die voorgestelde wysigingswetsontwerp te skryf. Fedsas het ook n veldtog op sosiale media begin met die hutswoord #StopSkoleKaping en #StopSchoolCapture om gemeenskappe aan te moedig om hul stem te laat hoor. (Reageer asb VOOR 10 NOVEMBER 2017) ʼn Afskrif van die wetsontwerp is op FEDSAS se webtuiste beskikbaar by onder die skakel vir Wat is nuut? (Besoek Deacon) HIERDIE BEOOGDE VERANDERING KAN VERREIKENDE GEVOLGE HÊ: INDIEN U U STEM WIL VOEG BY DEMOKRASIE IS U WELKOM OM MAANDAG EN DINSDAG N PETISIE BY DIE SKOOL TE KOM TEKEN WAT AAN DIE BETROKKE PARTYE GESTUUR SAL WORD. THYS NIEUWOUDT VOORSITTER: BEHEERLIGGAAM MARLIDA LOMBARD SKOOLHOOF 03/11/2017 ONTVANGSERKENNING: Weekbrief 33 van 2017 INHANDIGING: 06/11/17 NAAM:...(Kind) GRAAD:... Hiermee erken ek ontvangs van weekbrief 33 van 2017 HANDTEKENING: (Ouer) DATUM:...

5 Oom Jan Se Slaghuis