MARTIE DU PLESSIS SKOOL GRAAD 10 VAKKEUSE INLIGTINGSTUK

Transcriptie

1 MARTIE DU PLESSIS SKOOL GRAAD 10 VAKKEUSE INLIGTINGSTUK 2014

2 INHOUDSOPGAWE 1. INLEIDING 1 2. KEUSEVAKKE TOERISME REKENAARTOEPASSINGSTEGNOLOGIE LANDBOUTEGNOLOGIE LEWENSWETENSKAP INGENIEURSGRAFIKA EN ONTWERP GASVRYHEIDSTUDIES BESIGHEIDSTUDIES SLAAGVEREISTES VIR VOO SLAAGVEREISTES VIR VERDERE NASKOOLSE STUDIES VOORLOPIGE VAKPAKKET 12

3 1. INLEIDING Om vakke te kies in graad 9, is gewoonlik n baie stresvolle tyd! Die meeste leerders (en hulle ouers) vind dit moeilik om vakke te kies vir graad 10. Daar is so baie vrae. Watter vakke sal my opsies vir verdere studie na skool oophou? Wat is my aanleg? Wat is my belangstelling? Wat is my vermoë? Met die toetrede tot die nuwe fase (Verdere Onderwys en Opleiding VOO) het leerders en ouers inligting nodig aangaande die vakvereistes en die toelatingsvereistes vir verdere studies. Hoe meer n persoon weet, hoe beter ingelig is hy/sy en hoe beter is die kans dat die persoon die beste moontlike besluit kan neem. Somtyds maak mens n fout. Almal kan nie 100% seker wees nie, maar mens kan die risiko kleiner maak deur die vakke en die opsies beskikbaar, deeglik na te vors. In die VOO-fase moet leerders 7 vakke neem. Vier hiervan is verpligte vakke en drie is keusevakke. Die verpligte vakke is: Huistaal Eerste Addisionele taal Lewensoriëntering Wiskundige Geletterdheid Leerders moet drie van die volgende vakke kies. In die inligtingstuk probeer ons om vir u inligting rakende die keusevakke te gee wat u kan gebruik om die vakkeuseproses makliker te maak.

4 2. KEUSEVAKKE 2.1 TOERISME WAT BEHELS DIE VAK? Toerisme is die studie van die aktiwiteite, dienste en industrieë wat n reiservaring aan groepe of individue bied. Dit is die studie van die verwagtinge en gedrag van toeriste, asook die ekonomiese, maatskaplike en omgewingsinvloed van toerisme op Suid-Afrika. WATTER HOOFAFDELINGS WORD ONDERRIG? Die NEGE basiese komponente van toerisme is: Toerismesektore Kaartwerk en Toerbeplanning Waar pas toerisme in die ekonomie van Suid-Afrika in, hoe lyk die toerisme-industrie, watter tipes toeriste is daar, hoe bespreek ek n vliegtuigkaartjie, hoe werk die Gautrein, waar kan ek bly? Al hierdie vrae word in dié afdeling van die werk behandel. In hierdie afdeling van die werk word verskillende tipes kaarte behandel. Ons leer om die kaarte te lees en te interpreteer vir die toeris. Ons leer ook hoe om n toer te beplan: van die akkommodasie, vervoer, aktiwiteite en attraksies wat besoek gaan word, tot die begroting. Toerisme-attraksies Weet jy watter attraksies kan in Kimberley gevind word, of wat toeriste kan doen indien hulle Botswana besoek, of waar n mens die Eiffeltoring kan sien? Al hierdie vrae word in dié afdeling van die werk behandel, insluitend Suid-Afrika, Afrika tot die hele Wêreld. Verantwoordelike en Volhoubare toerisme Hoe kan jy n bydrae lewer tot n groener leefstyl, hoe gaan jy die omgewing beskerm en wat is Suid-Afrika se Nasionale en Wêrelderfenis? Plaaslike-, Streeks- en Internasionale toerisme Hierdie afdeling gaan oor toeriste wat van reg oor die Wêreld na Suid-Afrika toe kom, asook hoe, waar en wanneer Suid-Afrikaners vakansie hou. Kultuur- en Erfenistoerisme Watter kultuurgroepe het ons in Suid-Afrika? Hoekom is die kulture belangrik en hoekom moet ons na hulle omsien om te verseker dat dit bewaar bly vir ons nageslag? 2

5 Buitelandse Valutaverhandeling Hoeveel geld sal ek kry as ek een Amerikaanse Dollar het? Het jy geweet jy kan enigiets tussen R7 en R10 kry? Hoe weet ek dit? In hierdie afdeling gaan ons jou leer hoe dit bereken word. Kommunikasie en Kliëntediens Bemarking In hierdie afdeling kyk ons na uitmuntende dienslewering en hoe om met kliënte te kommunikeer, hoe om moeilike kliënte te hanteer en die tipes kommunikasietegnologie wat ons in die toerisme-industrie gebruik. In hierdie afdeling leer ons hoe om ons toerismeprodukte te bemark. Indien niemand van die produk weet nie, sal niemand die produk koop nie en gaan daar geen wins vir jou wees nie. HOE WORD DIE PUNTE BEREKEN? Gedurende die jaar gaan daar verskeie take voltooi word as deel van die Skoolgebaseerde Assessering (SBA). In die tweede kwartaal begin die leerders werk aan n Praktiese Assesseringstaak of algemeen bekend as die PAT. Die PAT moet in kwartaal 4 voltooi wees. KWARTAAL 1 KWARTAAL 2 KWARTAAL 3 KWARTAAL 4 Kontroletoets 75% Kontroletoets 25% Kontroletoets 75% PAT 25% Projek 25% Eksamen 75% Oopboektoets 25% SBA 25% Eksamen 50% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Toegewydheid en harde werk. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Geen. 3

6 2.2 REKENAARTOEPASSINGSTEGNOLOGIE WAT BEHELS DIE VAK? Om te verstaan wat in RTT gedoen word, moet eers duidelikheid verkry word oor wat die vak NIE is nie. RTT gaan NIE oor programmering nie dit is die studieveld van Inligtingstegnologie (IT), wat nie by ons skool aangebied word nie. RTT sal jou NIE leer om rekenaars reg te maak nie tegniese kursusse word by kolleges aangebied waarin jy dit kan leer. RTT gaan NIE oor speletjies nie hier speel ons slegs, as die werk klaar is, tikspeletjies, wat jou tikvermoë kan verbeter Hieronder word verduidelik WAT in RTT gedoen word. WATTER HOOFAFDELINGS WORD ONDERRIG? RTT bestaan uit twee hoofdele: Prakties Operasionele Kennis (Teorie) In die PRAKTIESE gedeelte van die vak sal jy leer om TOEPASSINGSPROGRAMME (Word, Excel, Access, PowerPoint) te gebruik. In Graad 10 begin ons met Word, Excel en PowerPoint, waar jy die basiese funksies van hierdie drie programme sal leer. In Graad 11 leer jy meer gevorderde funksies van hierdie programme, asook die basiese funksies van Access. In Graad 12 leer jy verder gevorderde funksies van Word, Excel en Access. Elke jaar moet jy 'n PRAKTIESE ASSESSERINGSTAAK (PAT) doen, wat in twee of drie fases deur die jaar gedoen word. Hiervoor moet jy navorsing op die internet en uit ander bronne doen. In die OPERASIONELE KENNIS (TEORIE) leer jy meer oor die volgende: Algemene Konsepte i.v.m. rekenaars Verskillende kategorieë rekenaars Komponente van die rekenaarstelsel Verskillende soorte programme Kommunikasie (netwerke, die internet) Sekuriteitsaspekte t.o.v. die rekenaar Gesondheidsaspekte t.o.v. die rekenaar Rekenaars in die samelewing 4

7 HOE WORD DIE PUNTE BEREKEN? KWARTAAL 1 KWARTAAL 2 KWARTAAL 3 KWARTAAL 4 Kontroletoets 50% Kontroletoets 50% Kontroletoets 50% PAT 25% Praktiese toets 50% Eksamen 50% Praktiese toets 50% SBA 25% Eksamen 50% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Handvaardigheid, pligsgetrouheid en insig. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Nee, maar n rekenaar om tuis op te oefen, sal n aanbeveling wees. 5

8 2.3 LANDBOUTEGNOLOGIE WAT BEHELS DIE VAK? Landboutegnologie fokus op die konsepte en beginsels wat in landbou gebruik word. Dit sluit kennis in oor die prosesse, gereedskap, toerusting, strukture en vaardighede wat in die landbou gebruik word. WATTER HOOFAFDELINGS WORD ONDERRIG? Die hoofafdelings van Landboutegnologie is: Veiligheid Beroepsgesondheids- en Veiligheidswet Gereedskap en toerusting Strukturele materiale metaal, hout, sementmengsels, heinings, ens. Gebruik van rekenaartegnologie en toerusting om opmetings te maak wat relevant tot die landbou is Konstruksie en herstel van geboue en strukture sweistegnieke Energiebeginsels en hulle toepassing in die landbou elektrisiteit en alternatiewe energiebronne soos sonkrag Beplanning, ontwerp en instandhouding van besproeiingstelsels Tekene basiese vryhandsketse en skaaltekeninge Basiese berekeninge en kalibrasies HOE WORD DIE PUNTE BEREKEN? KWARTAAL 1 KWARTAAL 2 KWARTAAL 3 KWARTAAL 4 Kontroletoets 75% Eksamen 75% Kontroletoets 75% PAT 25% PAT 25% PAT 25% PAT 25% SBA 25% Eksamen 50% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Fisiese vaardighede. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? 100% katoen-oorpak Veiligheidsbril 3 m-maatband Die koste van al die items beloop ongeveer R400. Veiligheidshandskoene Wetenskaplike sakrekenaar 6

9 2.4 LEWENSWETENSKAP WAT BEHELS DIE VAK? As jy dit geniet om nuwe dinge rakende die menslike liggaam, diere, plante, die omgewing en die uitdagings wat ons op aarde het, te leer, is Lewenswetenskap die vak vir jou. WATTER HOOFAFDELINGS WORD ONDERRIG? Vier ''Kennisbane word gebruik om die inhoud van Lewenswetenskap te organiseer. Hulle word progressief oor die drie jaar van Verdere Onderwys en Opleiding (VOO) ontwikkel. Die kennis-areas vir Lewenswetenskap is: Kennisbaan 1: Lewe op Molekulêre, Sellulêre en Weefselvlak Kennisbaan 2: Lewensprosesse in plante en diere Kennisbaan 3: Omgewingstudies Kennisbaan 4: Diversiteit, Verandering en Kontinuïteit HOE WORD DIE PUNTE BEREKEN? KWARTAAL 1 KWARTAAL 2 KWARTAAL 3 KWARTAAL 4 Kontroletoets 71% Kontroletoets 20% Kontroletoets 71% SBA 25% Prakties 29% Prakties 17% Prakties 29% Eksamen 75% Eksamen 63% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Hardwerkendheid en deursettingsvermoë. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Geen. 7

10 2.5 INGENIEURSGRAFIKA EN ONTWERP WAT BEHELS DIE VAK? Dit is n internasionaal erkende vak wat beide akademiese en tegniese toepassings het binne die konteks van Meganiese en Siviele Tegnologie. WATTER HOOFAFDELINGS WORD ONDERRIG? Kognitiewe ontwikkeling (visualisering, insig en perseptuele tekeninge) Vryhand- sowel as instrumenttekeninge Eerstehoekse en Derdehoekse ortografiese projeksies Beskrywende meetkunde Projeksiemetodes Praktiese tekeninge (Meganies en Siviel) Beginsels van ontwerp Beginsels van snitte Skaaltekeninge Isometriese tekeninge Perspektieftekeninge Heliks en nokke Ontwikkelings Indringing en penetrasie van regte vaste liggame Rekenaargesteunde tegnologie RGT HOE WORD DIE PUNTE BEREKEN? KWARTAAL 1 KWARTAAL 2 KWARTAAL 3 KWARTAAL 4 Tekene 40% Tekene 25% Tekene 40% PAT 25% Kontroletoets 60% Eksamen 75% Kontroletoets 60% SBA 25% Eksamen 50% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Deursettingsvermoë en harde werk. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Die volgende tekeninstrumente is verpligtend: A3-Tekenbord met n T-haak Teken-drukpotlood (0.3) 2H-lood Sagte uitveër Skaalliniaal Groot 30 /60 -driehoek Groot 45 -driehoek Verstelbare groot passer Steekpasser 100 mm-gradeboog Stoflap Sakrekenaar Groot lêer Die finansiële implikasie is (vir gr. 10, 11 en 12, eenmalig indien dit opgepas word) ± R850. 8

11 2.6 GASVRYHEIDSTUDIES WAT BEHELS DIE VAK? In Gasvryheidstudies leer die leerders van alles wat gepaard gaan met die Gasvryheidindustrie van verskillende sjefs, werksgeleenthede en kombuisapparaat tot veiligheid en higiëne. WATTER HOOFAFDELINGS WORD ONDERRIG? Gasvryheidstudies bestaan uit die volgende 6 onderwerpe: Gasvryheidsektore en loopbane Kombuis- en restaurantbedrywighede Voeding, spyskaartbeplanning en kosteberekening Voedselkommoditeite Voedsel- en drankbediening Higiëne, veiligheid en sekuriteit Die vak het ook 'n Praktiese deel waar leerders kos maak en dan 3 Praktiese eksamens 'n jaar het. Dit begin met 'n Koffiewinkel waar hul mekaar bedien en eindig in Gr. 12 met 'n viergangmaaltyd. Leerders het wel nie elke week prakties nie en daar is baie teorie wat geleer moet word. HOE WORD DIE PUNTE BEREKEN? KWARTAAL 1 KWARTAAL 2 KWARTAAL 3 KWARTAAL 4 Kontroletoets 50% Kontroletoets 25% Kontroletoets 25% PAT 25% Prakties 25% Prakties 25% Prakties 25% SBA 25% Projek 25% Eksamen 50% Kwartaaltoets 50% Eksamen 50% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Passie en liefde vir die gasvryheidsbedryf, hardwerkendheid en pligsgetrouheid. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Ja. Sjefsbaadjie, hoed en voorskoot, vadoeke en vatlappe koste ongeveer R280. 9

12 2.7 BESIGHEIDSTUDIES WAT BEHELS DIE VAK? Leerders word toegerus met kennis en vaardighede om suksesvolle entrepreneurs te wees. WATTER HOOFAFDELINGS WORD ONDERRIG? Die sillabus vir Besigheidstudies begin reeds in Graad 10 met vier (4) modules wat dan deurlopend tot en met matriek deurgewerk word. Dit is dus baie belangrik dat 'n leerder reeds vanaf Graad 10 die vak moet neem en dit is baie moeilik om op 'n latere stadium in te skakel. Die vier modules wat gedurende die drie jaar bestudeer word, is: Module 1: Sake-omgewings Module 2: Sake-ondernemings Module 3: Sakerolle Module 4: Sakebedrywighede HOE WORD DIE PUNTE BEREKEN? Die vraestelle bestaan uit drie afdelings: Afdeling A: Verpligte kort vrae (40 punte) Afdeling B: Drie verpligte langvrae van 60 punte elk (Geen keuses) Afdeling C: Twee langvrae van 40 punte elk (keuse uit 5 moontlike vrae) Assessering vind deurlopend plaas in die vorm van klastoetse, formele toetse, projekte en twee eksamens, in Junie en November (vraestelle in al drie grade word opgestel deur die Departement van Onderwys). Insig en toepassing van die leerder se kennis word deurgaans in die vraestelle getoets. KWARTAAL 1 KWARTAAL 2 KWARTAAL 3 KWARTAAL 4 Opdrag 33.3% Aanbieding 20% Projek 33.3% SBA 25% Kontroletoets 66.7% Eksamen 80% Kontroletoets 66.7% Eksamen 75% IS DAAR ENIGE SPESIALE VAARDIGHEDE WAT EK MOET HÊ OM DIE VAK TE KAN NEEM? Toegewydheid en deursettingsvermoë. IS DAAR SPESIFIEKE TOERUSTING WAT EK MOET HÊ VIR DIE VAK EN WAT IS DIE KOSTE DAARVAN? Geen. 10

13 3. SLAAGVEREISTES VIR VOO Om te slaag in graad 10 12, moet leerders die volgende behaal: 3 vakke bo 40% (waarvan jou huistaal een vak moet wees). Nog 3 vakke bo 30%. 4. SLAAGVEREISTES VIR VERDERE NASKOOLSE STUDIES n Leerder se uitslae aan die einde van Graad 12, sal bepaal op watter vlak hy/sy slaag. VIR TOELATING TOT: Baccalaureusgrade Diplomas VEREISTES: Vier vakke uit n lys van aangewese vakke met n prestasie van ten minste 50-59% saam met enige spesifieke kursusvereistes Vier vakke uit n lys van aangewese vakke met n prestasie van ten minste 40-49% saam met spesifieke kursusvereistes Hoër sertifikate Ten minste 40-49% in Lewensoriëntering en twee ander vakke en met n prestasie van ten minste 30-39% in nog vier vakke saam met enige spesifieke kursusvereistes VAKKE WAT BY MARTIE DU PLESSIS AANGEBIED WORD EN OP DIE LYS VAN AANGEWESE VAKKE VOORKOM Tale (een taal op Huistaal-vlak en een taal op Eerste Addisionele Taal-vlak) Besigheidstudies Ingenieursgrafika en Ontwerp Lewenswetenskap Wiskundige Geletterdheid (Nie vir B.Sc.-, B.Com.- en Mediese rigtings nie, waarvoor Wiskunde vereis word) Let asb. daarop dat tersiêre inrigtings se toelatingsvereistes vir verskillende studierigtings van mekaar verskil. Voornemende studente word dus aangeraai om by die verskillende inrigtings navraag te doen oor die toelatingsvereistes vir spesifieke rigtings. 11

14 5. VOORLOPIGE VAKPAKKET VERPLIGTE VAKKE 1. TWEE Tale: *Afrikaans Huistaal *Engels Eerste Addisionele Taal 2. Lewensoriëntering 3. *Wiskundige Geletterdheid KIES DRIE VAKKE UIT DIE VOLGENDE (Een uit elke groep): 1. Landboutegnologie OF Gasvryheidstudies OF *Lewenswetenskap 2. Rekenaartoepassingstegnologie OF Toerisme 3. *Ingenieursgrafika en Ontwerp OF Toerisme OF *Besigheidstudies *Vakke wat toelating tot Universiteite moontlik maak. Voltooi asseblief die aangehegte VAKKEUSEVORM en neem, so gou moontlik, terug na jou REGISTERKLASONDERWYSER. 12