de diversiteit an skepen maken t juust antrekkelijk

Transcriptie

1 Onder Zeil! Nao de internationale (h)anzedaegen , ef Kampen t veur mekaere ekrègen, t 1 e Sail-evenement van 2018 te örganiserern. Sail Kampen een publiekstrekker tiedens de Paosen... dät is toch wel èven wat anders dan een daggien showroom kieken naor keukens, meubels of auto s. Ook disse keer weten de Kampenaeren un geografische ligging an de Iessel, t bezit en inzetten van de Kamper-Kogge, asook de thuus-aven van de broene vloot te benutten umme t Sail-evenement naor un stad te alen. Vri jdesaovend ek vanof de Stadsbrugge naor de vlootskouw ekèken en zaggen t ele zwikkien an mi j veurbi j gaon. de diversiteit an skepen maken t juust antrekkelijk In ofwachting van de vlootskouw, beseffen ik inies dä-k naor een beeld zatte te kieken dät zelden veurkump.. een löge Iesselkade.. ien skip veur de wal.

2 wat een kaal gezichte is dät dan... zonder die zeilskepen De Kamper-kogge onder zeil op de Iessel

3 De stärt van de vlootskouw wier egöven deur t saluutskot vanof de langsvaerende Kamper-Kogge, wöörnao de andere zeilskepen en bi jzundere boten in een lange ri je veurbi j voeren;.. veur de Stadsbrugge langes dreien en weer terugge gongen naor wöör ze vandan kwammen. Al die vaertugen met al dan niet op-etuugde masten aover de Iessel zien vaeren is toch wel een ärtstikke mooi skouwspel. Die imposante meermaster-zeilskepen en de istorische ölten (andels-)skepen wööronder ook t snelvaerende verkenningsskip de (h)alve Maone uut (h)oorn, en t Statenjacht Utrecht.

4 Oewel der veur de zaoterdag wat minder weer wier veurspeld, wazzen t zaoterdesmörgens ärtstikke mooi weer... wel verdorie... toch maer èven met de zörgvraogende vrouwe aoverlègen of zi j zichzels een posien zollen kunnen redden.. de mantel van zörgtaken an de kapstok e-angen.. en ikke weer op de snöörscooter naor Kampen... t wärk blif wel lègen. Langes de Iesselkade laggen de skepen, sommigen in vol tuug, of-emeerd. Veur dät gedeelte van de Iesselkade as manifestasieterein wier een kleine toegangsentree evraogd. Dus met t blauwe ärmbandtien ko-j der in, maer die gaven värdes ook de meugelijkeid der uut en weer in te lopen zoas t oe uutkwammen. Op de kuijer langes de Iesselkade kon ik de tied wel deurkommen. Te meer umda-j bi j de meeste skepen ook an boord mochen gaon en èven rondnözen. Mooi een kladde foto s skieten van al die boten, touwen, trossen en masten. En moch ie as mense nog ies last kriegen van touwziekte... dan ku-j ier wel an t refelen kommen.. t is ientouw - altouw.

5 Sail-Kampen 2018 < statenjacht Utrecht kompas / navigatie - stuurboord-rood / bakboord-groen > < t blif skatten wöör de boeg is. dit is gien reclame.. zo n kop euren döör ook >

6 Onderweg ies èèm een bèkertien koffie alen bi j Dikke Bertha... t is net een locomokipkachelfantien... maer dan anders. stoomkoffie! Lankzaem klepper ik op de Buten-aven an, umme naor de Koggewärf te gaon. En tiedens t kooroptreden van de Kamper-Koggezangers,...

7 .. stiet de iene geïnteresseerd te kieken bi j de mandenmaker... en zit zien breurtien verveelt veur zich uut te kieken bi j de stokankers. Teruggekommend van de Kogge-wärf kiek ik ier en döör naor wat straottheater... Klepper èèm laterder t Keizerskwärtier binnen... en gao via t... Achterumme naor de Keizerstraote t Istorisch Vissersdörp bekieken.

8 In de Keizerstraote laggen der nog iene onder zien auto te knooien, en ik dache döör een old dreiörgeltien te ondekken... jaowel... t lik ter wel op, maer der is niks echt dät dach ik... Maer t wazzen een grappig emaakt cd-spöllertien wöör dan örgelmuziek uut kwammen. Maer wel staon mansen netuurlijk. Ook trof ik ier een foekenbri jer die meraekels bespraakt wazzen. Veur da-k ter ärg in adde a-k al lesse e-ad aover t verskil tussen netten bri jen en boeten. Gelieke döörbi j een bettien onderricht in t Kamper-dialect, umdät zi j t döör ebben aover buuten, wat dan weer is of-eleid van dät t wärk buten ( lèès achterthuus ) wier edaon deur de vrouwen. de Boetsters. t Duren maer èven toen wis ik al wie zien nichien wazzen, dät zien achterbuurvrouwe met een bakker is etrouwd die now met pensioen is of toch nog niet umdät ij döör nog niet old genog veur is. IJzels is met een Russinne uut St-Petersburg etrouwd, sprèk Russisch, maer ook Duits en plat Sallands... en ondertussen gewoon deurbri jen netuurlijk. >>> Ie zollen em zo op een dikke balke kunnen zetten <<< Now ku-j oe ofvraogen... wöörumme vertel ie dät en wat mu-k ter mèè... dät ef toch niks met Sail te maken... maer dan begriep ie niet dä-k in de veraelties mien eigen belèvingen weergève... in dit e-k wel mèè-emaakt.

9 Zo lankzaemerand slenter ik weer terugge naor de Stadsbrugge en bezie de straotattracties, gao ook nog èven bi j de Ketelbinken uut Kampen luusteren, maer mut dan toch wel op uus an, umme de leste bosskoppen veur de Paosen binnen te alen. Ik aole t veur ezien... foto s e-k veurlopig wel weer zat... a-k strakkies komme te zitten... bin-k zo een sköffien onder zeil. 3 april Görendrögien W.