Super 6- Akademiese Uitdaging

Transcriptie

1 29/2013 Liewe Ouers Ons sluit verlede kwartaal af met n Menlovaria-ekstravaganza sonder gelyke! Luke Skywalker sou waarkynlik die Jedi laat weet het dat hy in die ganse heelal nog nie so n belewenis gehad het nie. En selfs diegene wat Menlo-kinders op n rustiger kurwe as die vrolikheid so wil-wil oorborrel al geniet het, stem saam dat die Menlovaria-kunstefees van 2013 n kuns en kultuurontploffing was asof vanjaar se fees Bob Martins vir Tirannosaurus Rex e gedrink het. So n saamtrek van vrolike positiewe kinders wat mekaar se talente en nuut ontdekte affiniteite só geniet, ondersteun en aanmoedig, maak mens opgewonde oor dit waarmee n skool hom besighou. Jy beleef en voel die hartklop van ons skool wat met n asembenemende kreatiewe saamwees verby alle grense gedy! Onderwys is die magtigste wapen wat n mens kan gebruik om die wêreld te verander... so praat Nelson Mandela en konstateer op 95 n waarheid wat Die Hoërskool Menlopark ook nà 50 bestaansjare aan die hart koester. Die mag van dié waarheid lê glad nie in lukrake opmerkings oor opvoeding en onderwys nie, maar lê absolut in die plofkrag van kinders wat bemagtig word en so n verskil maak. Dít wat kinders leer, gee hulle selfvertroue, maar dit waarmee hulle bemagtig word om self te doen, gee hulle daadkrag om dinamies die leisels in eie hand te neem en rentmeesterskap op te neem. So is die pure lekker en genot van talent nie ál heerlikheid van Menlovaria in die toeskouerstoel nie, maar ook die verskeidenheid geleenthede tot blom wat oorborrel in die ensemble van kinders wat hou van saamwees en saamdoen: dis spanne wat potjiekos maak (van die Menlo Master Chefs tot beginners wat met resep en bestanddele n nuwe wêreld ontdek), dis sypaadjie- en gesigkuns, koekbak sonder keer, musiek, sang, drama en dan die modeparade-mekka van kreatiwiteit met sélfgemaakte skeppings wat asems wegslaan. Anike (gr.11) slaan in die stilligheid n gala-aand saam wat n forum van feestelikheid skep sodat die sterre kan kom flonker op die loopplank en voor, agter en oral om die mikrofoon. Die geleentheid wat Juf. Carlien skep, gryp Menlo-kinders met beide hande aan om as toeskouers te kom ontspan én die geleetheid bemagtig kinderorganiseerders en die kindersterre om te vibreer van moontlikhede en kreatiewe planne wat hulle kans kry om in die praktyk te implimenteer. Dis n joligheid van kinders wat wíl dóén en deelneem! Dis spesiaal om omring te wees deur kinders wat mekaar begeester, deur kinders wat so toegewyd hulleself gee om elke geleentheid te verguld tot herinneringe wat ons skool bou : n saamwees om sáám nuwe horisonne te skep en vir mekaar diensbaar te wees. Sjoe Juffrou, dit was soooo lekker om dit te kon organiseer! Juffrou,het jy gehoor hoe mooi sing Stephanie? Juffrou het jy die rokkies gesien? Juffrou, ek gaan tog bietjie verander aan my Pa se potjiekosresep, maar miskien moet ons nie te veel daaroor praat nie, maar ek het n paar planne om die potjie nog n groter treffer te maak!... Kinders wat gelukkig is borrel en geniet elke oomblik van skoolgaan!dis n absolute lekkerte om hier te kan wees en dié lewenslus laat ons summier Excelsa Petamus! Absolut Menlo! Annieka Moolman

2 10/10 Top 10-Akademiese Prestigeaand 11/10 Atletiek: Naboom Top 10 25/10 Graad 12: Kerkafsluiting 21/10 Inligtingsvergadering: 2014-Begroting 22/10 Menlo - Kunsuitstalling 11/11 Goedkeuringvergadering: Begroting 23/11 Koor: Kerskonsert Absolut finansiële vergadering Ons inligtingsvergadering rondom die begroting vir Menlo-ouers is 21 Oktober om 18:30 in die Personeelkamer. Hierdie is n volledige inligtingsessie rondom die begroting. Kom gesels gerus saam of kom luister en wees ingelig. Begrotingsvergadering vir goedkeuring deur die ouers 11 November 2013 om 18:30 in die Menlo-Ouditorium. Bywoning van hierdie vergaderings deur ons Menlo-ouers is ʼn absolute noodsaaklikheid om ons formidabele skool op sy wiele te hou! Dankie by voorbaat dat ons op u kan staatmaak. Wees Menlo-aktief! Baie dankie aan Rawson Properties wat as borg ons Menlo-Fietsry ondersteun! Hier is Bertie en Lee saam met ons Menlo-fietsryers net voor hulle deelname aan die Nasionale Spur Skole-bergfietswedren. Absolut Rawson Properties! 2014 Skoolkalender en vakansiedae Eerste Kwartaal: 13( 15) Januarie tot 28 Maart Tweede Kwartaal: 07 April tot 27 Junie Derde Kwartaal: 21 Julie tot 3 Oktober Vierde Kwartaal: 13 Oktober tot 10 (12) Desember Openbare en Skoolvakansiedae in 2014: 01 Januarie Nuwejaarsdag, 21 Maart Menseregtedag, 18 April Goeie Vrydag, 21 April Gesinsdag, 27 April Vryheidsdag, 28 April Publieke Vakansiedag, 29 April Skoolvakansiedag, 30 April Skoolvakansie dag, 01 Mei Werkersdag, 02 Mei Skoolvakansiedag, 16 Junie Jeugdag en 09 Augustus Nasionale Vrouedag. Super 6- Akademiese Uitdaging Baie geluk aan Laerskool Menlopark wat die Super 6-Aademiese uitdaging vir die tweede agtereenvolgende jaar gewen het. Baie geluk ook aan Laerskool Constantiapark wat die naaswenners was en Laerskool Pierneef wat algeheel in die derde plek geeïndig het. Dankie aan elke skool se deelname en entoesiasme! Dit was n heerlike belewenis vir Menlo-personeel en Matriekraad om n middag van akademiese uitdagings saam met ons Laerskool-maatjies te kon aanpak!

3 Nasionale Wetenskap-Expo: Baie geluk aan Gerhard le Clercq en Pieter Scholtz wat nasionaal goud en R8500 se pryse verower: hulle ontvang die Communica-prys vir Praktiese Elektronika en die Detnet-prys vir Uitdagings in Tegnologie. Herman Lombaard verwerf nasionaal n silwer toekenning. Rekeningkunde-Olimpiade: Baie geluk aan ons drie SAIPA- Rekeningkunde-olimpiadestreekswenners: Michaela Laidlaw, Lené Bedenkamp en George de Kock. Dit is die heel eerste keer dat drie MENLOPARKERS die EERSTE DRIE plekke in die Jakaranda-streek se uitdunne verower! In Pretoria is ons drie Menlo-rekeningkunde-sterre dus die Pretoria verteenwoordigers in die landswye finaal. Wat n fenominale voorreg! Aangeheg is n foto van Graeme McCreath en Bruwer Saaiman, aanvangskolwers van die o/14 A-span wat die afgelope vakansie in die Trinity House krieketfees in Johannesburg gespeel het. Menlo o/14 A vs Montana o/14 A Menlo 180/2 (Graeme McCreath 42, Bruwer Saaiman 105) Montana 114 almal uit (Adriaan Calitz 4/16, Bruwer Saaiman 3/4) Menlo wen met 66 lopies Menlo o/14 B vs Tuine Tegnies o/14 A Menlo 250/3 (Berhard Adendorff 115) Tuine Tegnies 103 almal uit (Gerhard Davel 4/6) Menlo wen met 147 lopies Menlo o/15 A vs Wonderboom o/15 A Wonderboom 116 almal uit (Dean Foxcroft 5/18, Willem Britz 3/8) Menlo 117/2 (Danie Rousseau 30, Simon Oberholster 31) Menlo wen met 8 paaltjies Menlo o/15 A vs Montana o/15 A Menlo 315/6 (Danie Rousseau 53, Dean Foxcroft 85) Montana 215/9 (Dean Foxcroft 3/29) Menlo wen met 100 lopies Menlo o/14 A vs Trinity House o/14 A Menlo 215 almal uit (Dirk Thuynsma 58, Bruwer Saaiman 71) Trinity House 164 almal uit (Bruwer Saaiman 2/7, Michàel van Schalkwyk 2/23) Menlo wen met 51 lopies Menlo o/14 A vs Jeppe Boys High o/14 A Jeppe 218/7 (Bruwer Saaiman 2/35, Adriaan Calitz 2/20) Menlo 219/8 (Chris-Jasper Jooste 61, Graeme McCreath 39) Menlo wen met 2 paaltjies Menlo o/14 A vs King Edward o/14 A KES 176/6 (Graeme McCreath 3/35) Menlo 178/6 (Dirk Thuynsma 87, Chris-Jasper Jooste 22) Menlo wen met 4 paaltjies

4 SPUR NASIONALE SKOLE BERGFIETSWEDREN aangebied deur ANATOMIC Op 21 en 22 September 2013 het twaalf Absolut Menlo-bergfietsryers op uitnodiging deelgeneem aan die Spur Nasionale Skole-bergfietswedren by Hoërskool Bekker naby Magaliesburg. Ons ryers het uitstekend presteer. Uitslae van interskole wedren 21 September 2013 Junior Dames 1 Janice Venter 0:57:28 Jeug Seuns 7 Martien Venter 0:50:14 Jeug Seuns 51 Verno Conradie 0:50:17 Sub-JR Seuns 32 Gustav Rhode 0:48:04 Jeug Seuns 11 Wessel Botha 0:52:50 Jeug Seuns 21 Johan Kruger 0:55:30 Jeug Seuns 24 Henry Liebenberg 0:56:17 Jeug Seuns 33 Xander Slabbert 0:58:38 Jeug Seuns 42 Christoff Linde 1:03:20 Junior Mans 32 Jeandre Slabbert 1:07:30 Junior Mans 46 Aldo Roux 0:58:15 Junior Mans 52 Marius De Beer 1:01:57 Baie dankie aan ons borg: Twee Menloparkers het Gauteng kleure verwerf: Janice Venter in die Junior Dames groep en Martien Venter in die Jeug Seuns 16 groep.op Sondag 22 September 2013 het die provinsiale spanne teen mekaar meegeding. Gauteng het die ander provinsies onder die stof gery en die nasionale kampioenskap gewen. Tuimel Ivanke Visser, graad 11, het 24 Augustus n goue medalje by die 2013 Gauteng Tuimelkampioenskappe verower en op 28 September 2013 verower sy weereens n goue medalje by die 2013 Suid-Afrikaanse Tuimelkampioenskappe. Absolut Ivanke! Gimnastiek Wayne Brindle het dié vakansie aan die SA Gimnastiek kampioenskappe deelgeneem en n hele 8 medaljes verower: 3 Goud : Vloer, Ringe, Spronge 3 Silver : Brug, Rekstok,Pommel 1 Brons: Tuimel En dan eindig hy met n silwer medalje vir die algehele 2de plek. Wayne het sy linkerhand se vingers se verstuit met opwarming en steeds aan die kompetisie deelgeneem! Absolut merkwaardig!

5 Foto's by die Menlo-Matriekafskeid 2013 Miracles Photography gaan die aand van die matriekafskeid die foto's kom neem. Hulle gaan aanvanklik foto's neem van die paartjies.later in die aand sal daar 'n "PHOTOBOOTH" opset wees waar vriende informele pret foto's kan kom neem. Hulle moet geldjies saambring en daar betaal vir die foto's wat dan ekstra geneem word. Dit sal R20 per jumbo wees. Die foto's word dan gedruk en by die skool afgelewer saam met die formele foto's. Hier is die pakette beskikbaar: Pakket R120 Hierdie pakket sal bestaan uit twee verskillende foto's nl 'n vollengte asook 'n kop en skouers. 2 x A5 foto's plus 4 x jumbo plus 2 x jumbo magnete. Pakket R60 2 x A5 foto's (slegs vollengte) Metode van betaling: Kontant (Plaas asb korrekte bedrag in 'n koevert en skryf die marikulant se naam en van op) Karen (Miracles Photography)