IT 225 STE M E I D I E L I N G E N B L E D F A N I T. Oprjochte 8 febrewaris 1899 Jiergong 45 nûmer 5 foarjiersmoanne 2017

Transcriptie

1 BESTJOER foarsitter Jan Bosgraaf Smitserf JG Staphorst e foarsitter / 2 e ponghâlder Henk Monkel Gentiaan HA Dalfsen henmmonkel@kpnmail.nl skriuwer Jan-Tjerk Kuipers Mandenmakershoek CZ Wijhe jantjerkkuipers@gmail.com 2 e skriuwer Jelma Wiegersma Nijverheidsstraat AL Kampen jelmawiegersma@gmail.com ponghâlder Sjoerd Bakker Koelmansstraat LX Hoonhorst sdabakker@xs4all.nl leden Boekeferkeap Gerben de Groot de Smidse JG Kampen g.c.de.groot@tele2.nl Inge Bosch van der Ploeg Flora Bilderbeekstraat DM Zwolle inge.bosch@telfort.nl Annet Nieuwenhuis Kokké Schuttevaerkade HD Zwolle annetnieuw@planet.nl Jelma Wiegersma en Neelsje Bronger Bakker Lede-administraasje Jan-Tjerk Kuipers Mandenmakershoek CZ Wijhe IBAN rekkennûmer NL95 RABO op namme fan Frysk Selskip Swol KONTAKTPERSOANEN Dalfsen frou F. Smits Vechtoever Elburg hear S.J. van der Graaf Paardebloem Hattem frou W. Steenbeek - Boschma Hendrikjesweg Kampen frou B. Streekstra Jan van Arkelstraat Vroomshoop hear J. Postma Stationslaan Wezep hear K. IJtsma Scheerderslaan Wijhe hear F. Kunst Stationsweg Zwolle frou I. Bosch v.d. Ploeg Flora Bilderbeekstraat Aalanden frou C. Penning Potmarge Assendorp hear S. Elsinga Crocusstraat Berkum hear J. Visser Eikenlaan Binnenstêd, Dieze en Veerallee fam L. Nieuwenhuis Schuttevaerkade Holtenbroek frou H. Osinga Reggelaan Stadshagen hear J. Scheper Zwaardvegerstraat Westenholte en Spoolde frou A. Wieling Voorsterweg Wipstrik fam. L. Nieuwenhuis Schuttevaerkade Zwolle Súd hear J. Bosch Wolbertsmate M E I D I E L I N G E N B L E D F A N I T Oprjochte 8 febrewaris 1899 Jiergong 45 nûmer 5 foarjiersmoanne 2017 IT 225 STE Ja minsken, dit is it 225 ste krantsje yn de rige. Sûnt oktober 1971 falt der fiif kear yn t jier in meidielingenblêd (krantsje) by ús leden yn e bus. Wa t it foaropwurd yn it earste nije krantsje lêst, kriget in déjà vu gefoel. Lês mar efkes mei: Net alinne dit krantsje is nij foar it Frysk Selskip Swol. Wy hawwe foar de kommende winter ek in nij ûnderdak foun. Us trije greate jounen wurde yn de toanielseal fan Suisse, yngong oan de Blijmarkt, hâlden. It bistjûr ferwachtet dat ús jounen der better ta har rjocht komme sille. De seal is hwat lytser en ús tinkt dat de sfear dertroch hwat smûker wêze sil. In seal dy t foar in part leech is, jout gjin sfear en wy ferwachtsje dat wij as Friezen út Swol en omkriten noch machtich ginoch binne om yn Suisse in pear noflike jounen to hâlden. Der komt noch by dat wy yn dizze seal oan taffeltsjes sitte kinne en it hat bliken dien dat ús leden dit ek op priis stelle. Boppedat kinne wy it hjir ek sûnder plakbesprekken dwaen. Min kin dan wat makliker oanskouwe as min goekunde ûntdutsen hat. Wy nimme oan dat ús leden der foar soargje dat de âlderen hwat foaroan sitte kinne. In net te ferjitten foardiel is dat dizze seal in stik guodkeaper is dan de stêdsskouboarch. Dat hat foar it bistjûr de trochslach joun by dit forhúzjen.it bistjûr is fan betinken dat wy yn dit nije ûnderdak in pear goede jounen hawwe sille. Boppedat omdat wy yn dizze nije opset de middels hawwe om to begjinnen mei in joun fan great formaet, in joun mei it Selskip Leo Dykstra. Jierren hawwe wy yn it eardere Suisse ús jûnen hâlden. Mar de seal waard te lyts en we ferhuzen wer nei Odeon. It tal jûnen gie fan trije nei fjouwer en faak sieten der mear as 300 minsken yn e seal. Oant it ledetal stadichoan tebek rûn en Odeon wer te grut en te djoer foar ús waard. Doe fûnen wy yn Urbana in nij ûnderdak. De seal is folle lytser en de sfear is folle smûker. Boppedat is it in stik goedkeaper. As it moat kinne wy oan taffeltsjes sitte en plakbesprekke is net nedich. We hawwe mar in hantsjefol jonge leden, dus âlderen sitte gewoan foaroan. Tiden hawwe tiden. Mar guon tiden komme werom sa t skynt. In minske makket wat mei. In goede en moaie simmer tawinske. Jan Bosgraaf (foarsitter)

2 Freed 3 maart 2017 Grandcafé-Restaurant Urbana Zwolle Inez Timmer en Peter van der Zwaag Tusken Heimat & Heitelân 100 minsken Op 14 febrewaris 2015 wie de earste foarstelling yn de Schierstins yn Feanwâlden. Goed twa jier letter brochten Inez en Peter, bystien troch technikus Remko Hoitsma, harren programma yn Grandcafé-Restaurant Urbana yn Zwolle. In programma fol moaie lieten oer ferskillende tema s út it bestean en it libben fan de mins. Op teksten fan û.o. Baukje Wijtsma, Bertus Klazinga en Rients Gratama en ek nûmers fan ferneamde bûtenlânske artysten as Bob Dylan, Roy Orbison (Busy Woman) en Herbert Grönemeyer (It Paad). Gâns nûmers wiene troch Leo Dijkstra yn it Frysk oerset. Peter van der Zwaag hie guon nûmers op muzyk set en foar oare hy er prachtige arranzjeminten skreaun. Tusken de nûmers troch lei Inez har publyk út, hoe t it kin dat manlju en froulju sa ferskillend binne en wêrom manlju bygelyks noait wat fine kinne. Dat soarge foar moaie ynteraksjes mei de seal en joech de jûn in hiel eigen sfear. Doe t Inez ek noch ris fertelde hoe t it libben yn har bernejierren der út seach, mei blokken op e trapers, gie der it weach fan werkennen troch de seal. Nei it lêste nûmer Happy Ein fan Rients Gratama (muzyk Cees Bijlstra) wie it noch net dien. As tajefte ferraste Inez de minsken mei it bekende liet Gute Nacht Freunde fan Reinhard Mey: Gute Nacht, Freunde, es wird Zeit für mich zu gehen. Was ich noch zu sagen hätte, dauert eine Zigarette und ein letztes Glas im Stehen. Wa kin dizze earste rigels net? En ta beslút it gefoelige nûmer Gjin spat feroare, skat, in Fryske oersetting fan Leo Dijkstra fan in nûmer fan Bob Dylan. KRITEJUNEN WINTERSKOFT Wannear Krite Wat Wêr 18 mrt 2017 Súdeast Drinte Noordenbos & Ko Zaal Wielens Noord-Sleen 2 apr 2017 Swol Fryske tsjerketsjinst Windesheim 19 apr 2017 Swol Ledegearkomste Parkzicht Zwolle 23 apr 2017 Assen Fryske tsjerketsjinst????? apr 2017 Súdeast Ledegearkomste mei wat der by Zaal Wielens Drinte Noord-Sleen WINTERSKOFT sep 2017 Swol Utsje nei Fryslân Peins en Frjentsjer FREED!!! 3 nov 2017 Swol Anke Bijlsma en Gerrit Haaksma mei Kredyt Urbana, Zwolle fan Gerrit Breteler 4 nov 2017 Meppel Grutte jûn De Schalle Nijeveen FREED!!! 15 des 2017 Swol Krystmiel (foar leden en yntrodusees) Urbana Zwolle 13 jann 2018 Meppel Jiergearkomste Fermanje Meppel 3 febr 2018 Swol Bokwert Kulturele hoofdplaats 2018 mei Jan Arendz en Marijke Geertsma Moetingssintrum Het Anker Zwolle (Westenholte)?? mrt 2018 Swol 3 e Lustrum Frysk Sjongkoar??? Swol mei????? apr 2018 Swol Fryske tsjerketsjinst Windesheim?? apr 2018 Swol Ledegearkomste??? FREED 3 NOVIMBER 2017 SNEON 3 FEBREWARIS 2018 In moaier Happy Ein hie dizze jûn net krije kinnen. Remko, Inez en Peter (f.l.n.r.)

3 Freed 3 maart 2017 Grandcafé-Restaurant Urbana Zwolle Inez Timmer en Peter van der Zwaag Tusken Heimat & Heitelân 100 minsken Op 14 febrewaris 2015 wie de earste foarstelling yn de Schierstins yn Feanwâlden. Goed twa jier letter brochten Inez en Peter, bystien troch technikus Remko Hoitsma, harren programma yn Grandcafé-Restaurant Urbana yn Zwolle. In programma fol moaie lieten oer ferskillende tema s út it bestean en it libben fan de mins. Op teksten fan û.o. Baukje Wijtsma, Bertus Klazinga en Rients Gratama en ek nûmers fan ferneamde bûtenlânske artysten as Bob Dylan, Roy Orbison (Busy Woman) en Herbert Grönemeyer (It Paad). Gâns nûmers wiene troch Leo Dijkstra yn it Frysk oerset. Peter van der Zwaag hie guon nûmers op muzyk set en foar oare hy er prachtige arranzjeminten skreaun. Tusken de nûmers troch lei Inez har publyk út, hoe t it kin dat manlju en froulju sa ferskillend binne en wêrom manlju bygelyks noait wat fine kinne. Dat soarge foar moaie ynteraksjes mei de seal en joech de jûn in hiel eigen sfear. Doe t Inez ek noch ris fertelde hoe t it libben yn har bernejierren der út seach, mei blokken op e trapers, gie der it weach fan werkennen troch de seal. Nei it lêste nûmer Happy Ein fan Rients Gratama (muzyk Cees Bijlstra) wie it noch net dien. As tajefte ferraste Inez de minsken mei it bekende liet Gute Nacht Freunde fan Reinhard Mey: Gute Nacht, Freunde, es wird Zeit für mich zu gehen. Was ich noch zu sagen hätte, dauert eine Zigarette und ein letztes Glas im Stehen. Wa kin dizze earste rigels net? En ta beslút it gefoelige nûmer Gjin spat feroare, skat, in Fryske oersetting fan Leo Dijkstra fan in nûmer fan Bob Dylan. KRITEJUNEN WINTERSKOFT Wannear Krite Wat Wêr 18 mrt 2017 Súdeast Drinte Noordenbos & Ko Zaal Wielens Noord-Sleen 2 apr 2017 Swol Fryske tsjerketsjinst Windesheim 19 apr 2017 Swol Ledegearkomste Parkzicht Zwolle 23 apr 2017 Assen Fryske tsjerketsjinst????? apr 2017 Súdeast Ledegearkomste mei wat der by Zaal Wielens Drinte Noord-Sleen WINTERSKOFT sep 2017 Swol Utsje nei Fryslân Peins en Frjentsjer FREED!!! 3 nov 2017 Swol Anke Bijlsma en Gerrit Haaksma mei Kredyt Urbana, Zwolle fan Gerrit Breteler 4 nov 2017 Meppel Grutte jûn De Schalle Nijeveen FREED!!! 15 des 2017 Swol Krystmiel (foar leden en yntrodusees) Urbana Zwolle 13 jann 2018 Meppel Jiergearkomste Fermanje Meppel 3 febr 2018 Swol Bokwert Kulturele hoofdplaats 2018 mei Jan Arendz en Marijke Geertsma Moetingssintrum Het Anker Zwolle (Westenholte)?? mrt 2018 Swol 3 e Lustrum Frysk Sjongkoar??? Swol mei????? apr 2018 Swol Fryske tsjerketsjinst Windesheim?? apr 2018 Swol Ledegearkomste??? FREED 3 NOVIMBER 2017 SNEON 3 FEBREWARIS 2018 In moaier Happy Ein hie dizze jûn net krije kinnen. Remko, Inez en Peter (f.l.n.r.)

4 ALD NIJS De wintermoannen (no ja, winter?) binne by útstek geskikt om de boel ris goed op te romjen. As it no giet om boeken, klean of âld guod dat op souder leit te fertutearzjen, dat makket neat út. In opret hûs is in oprette holle, wurdt der sein. Sa gie it my ek. It argyf fan it selskip moast nedich ris better op oarder brocht wurde. Ik koe alles noch wol fine, mar de steapel doazen en mappen waard alle jierren heger. Dêrom helle ik op in goede dei yn jannewaris alles mar ris foar t ljocht. Mei as gefolch in (sliep)keamer dy t oant yn alle hoeken besiedde lei mei boekjes, foto s, krantsjes, mappen en alderhanne paperassen. It like as wie der in bom ontploft. Doe t ik de boel oan t oprêden wie en alles kreas op gronologyske folchoarder yn klappers opburch, kaam ik alderhanne nijsgjirrige dingen tsjin. De ferlieding om der dan ek wat mear fan witte te wollen, koe ik lang net altyd wjerstean. Dat hie ta gefolch, dat ik der dagen en dagen mei dwaande west haw ear t alles wer oan e kant wie. Underwilens wie k op it idee kaam, dat ik wol ris wat yn ús krantsje skriuwe kin oer nijsgjirrige dingen en foarfallen fan ús selskip. Der stiet ek in hiel soad te lêzen yn it jubileumboek dat ta gelegenheid fan it 100-jierrich bestean útjûn is. Dat bliuwt fansels de muoite wurdich. Foar wa t dat boek noch net hat of kwyt rekke is, binne der noch genôch eksimplaren fergees beskikber. Mar yn dit krantsje as earste in stikje oer de finansjes fan ús selskip. Op de ledegearkomste op 19 april komt dat ommers ek wer op it aljemint. Yn it argyf kaam ik de jierrekken fan it earste jier ( ) út it bestean fan it selskip tsjin. De earste útjefte wie fl. 1,80 oan postsegels en de twadde fl. 0,55 foar de oanskaf fan in kasboek. De earste ynkomsten wiene fl. 1,50 oan tagong, fl. 5,75 oan ynlage en fl foar 52 sjongboekjes. Dy kosten dus in kwartsje it stik. Oer it hiele jier waard fl. 134,03½ (der wiene doe noch healtsjes) útjûn en fl. 174,44 ynbard. Oer it earste boekjier dus fuortdaliks in batich saldo fan fl. 40,40½. Dat saldo ferdwûn lykwols wer as snie foar de sinne, want in jier letter siet it selskip mei in tekoart fan fl. 36,63 oanklaud. Yn it twadde jier wiene de útjeften fl. 258,03; 92½% heger as yn it earste jier. In duorre oant de ein fan ear t er wer in batich saldo yn e boeken stie fan fl. 1,14½. It wiene dus finansjeel swiere tiden yn t begjin fan it bestean fan it selskip. As wy efkes nei de hjoeddeiske sinteraasje sjogge, dan wurkje wy mei in begrutting fan om-ende-by En noch altyd moatte alle prikken yn t wurk setten wurde om de einen oaninoar te krijen FRYSKE TSJERKETSJINST Op snein 2 april 2017 de middeis om trije oere is der in Fryske tsjerketsjinst yn de prachtige histoaryske tsjerke fan Windesheim. Wat no de tsjerke is, makke eartiids diel út fan it kleasterkompleks van de kongregaasje fan Augustijner koarheren yn Windesheim. Oan e ein fan de 14 e ieu wie it kleaster it sintrum fan de Moderne Devoasje ûnder lieding fan de yn Dimter berne Nederlânske teolooch Geert Grote. Dit gebouw (de hjoeddeiske tsjerke) wie de brouwerij fan it kleaster. Waard der doe geastryk focht makke, no harkje minsken nei it geastlik wurd dat sneins fan de 17 e ieuwske preekstoel ôf ferkundige wurdt. Op 2 april sil dat barre troch dominy Piet de Jong fan Hoonhorst. Yn it foarige krantsje hat hy him sels al oan ús foarsteld. Net yn it foarste plak as dominy, mar as mûnder yn Hoonhorst en as earder dosint godstsjinstpedagogy en tsjerkeskiednis oan de Pabo yn Swol. Neffens him is Windesheim sûnt 1387 a thin place, sa t de Ingelsen dat neame. Want op 17 oktober 1387 waard it kleaster ynwijd. In jier earder hie Bertold ten Hove it hof fan Windesheim skonken oan Florens Radewijns, in broeder fan de religieuze groepearring Broeders van het Gemene Leven. De grûnlizzer fan dizze groeppearring, Geert Grote, wie in freon fan Florens Radewijns. A thin place, is neffens Piet de Jong in plak dêr t himel en ierde inoar omtrint reitsje, in plak dêr t God syn bern moetet. Dat is hiel moai sein. Neffens my hat elts minske wol a thin place. Want út en troch kin it barre, dat jo earne binne, stil steane, om jo hinne sjogge en it gefoel krije dat er wat oars en wat mear is dan as jo sjogge. Eat dat jo net rjocht beneame kinne, mar dêr t jo stil fan wurde en dat jin de siken suver benimt. Soe dat snein 2 april 2017 ek sa wêze yn it moaie tsjerkje fan Windesheim, as de minsken harkje nei wat mûnder, godstsjinstpedagooch en dominy Piet de Jong te sizzen hat? As jo dat gewaar wurde wolle, kom dan dy sneintemiddei om trije oere nei the thin place fan it tsjerkje yn Windesheim. -3-

5 LEDEGEARKOMSTE De wurklist foar de ledegearkomste op woansdei 19 april 2017 stiet op e middenside fan dit krantsje. In wichtich punt is altyd it finansjele plaatsje fan it selskip. Op it stuit dat dit krantsje skreaun wurdt, lizze de jiersifers oer noch net alhiel fêst. Op e ledegearkomste binne dy wol beskikber. It sjocht der nei út, dat we dit winterskoft de einen om-ende-by oaninoar krije, wylst der in tekoart begrutte wie fan Mei dit resultaat yn t foarútsjoch achtet it bestjoer it net nedich de ynlage fan de man/frou foar te ferheegjen. It foarstel is dan ek om de ynlage yn alle gefallen noch ien jier itselde bliuwe te litten. Dat is ek mooglik, omdat it kaptaal fan it selskip mear is as de finansjele ferplichtings fan ien winterskoft. Yn it ferline is troch de ledegearkomste besletten, dat it kaptaal op syn minst gelyk wêze moat oan dy ferplichtings. Wy sitte dan ek yn de lúkse posysje, dat wy in kear in berop op dat kaptaal dwaan kinne en dus net al te bang wêze hoege foar in finansjeel tekoart. En foar wurdt in tekoart begrutte fan Dat tekoart ûnstiet trochdat wy der yn slagge binne in hiel moai programma gear te stallen mei in pear bysûndere mar ek djoere foarstellings. Op 3 novimber 2017 hawwe wy yn Urbana de foarstelling Kredyt fan Gerrit Breteler, mei Anke Bijlsma en Gerrit Haaksma en op 3 febrewaris 2018 yn Het Anker de foarstelling Bokwert. Kulturele hoofdplaats 2018 fan Bonne Stienstra mei û.o. Jan Arendz en Marijke Geertsma. It binne twa foarstellings dêr t ús leden nei alle gedachten noch lang oer neiprate en oan werom tinke sille. As bestjoer woene wy de kâns om dizze foarstellings te krijen net slûpe litte. Boppedat binne der plannen om omtinken te jaan oan it 3 e lustrum fan it Frysk Sjongkoar Swol. De reden dat dêrmei dan ek in tekoart op de begrutting akseptearre wurdt, hat net allinne te krijen mei it hawwen fan genôch kaptaal, mar ek mei it feit dat dit kaptaal troch de leden opbrocht is en dus ek fan de leden is. En it tal leden wurdt alle jierren minder. No is de ein fan it bestean fan ús selskip noch net yn sicht, mar it kaptaal hoecht ek net bewarre te wurden foar de lêste pear leden dy t oerbliuwe. Faaks sille guon minsken dit potfertarjen neame, mar it bestjoer fynt dit belied finansjeel ferantwurde. 4- ADRESSEN Fan 24 leden hawwe wy noch gjin adres. Dêrom freegje wy noch ien!!! kear oan wa t it noch net dien hat om it adres troch te jaan. Yn t foar tige tank. It adres graach stjoere oan: fryskselskipswol@gmail.com RYK Binne wy ryk, heit? Ja Durk, want wy binne sûn. Hawwe wy ek soargen, heit? Nee Durk, want wy ha gjin sinten! (Ut: Lytse Durk praatsjemakker) Yn 2023 bestiet It Frysk Boun om Utens 100 jier. It bestjoer fan It Boun wol dat jubileum grut fiere. Dêrom wol It Boun in list oanlizze fan sa folle mooglik Friezen om Utens. It giet dêrby om leden fan Fryske kriten, mar ek om harren famylje, kunde ensfh. It Boun freget eltsenien om meiwurking. Dêrom... jou jimme mailadres en fierdere gegevens troch, sa as namme en adres. En dat net allinne, freegje ek oan famylje en kunde om harren gegevens troch te jaan oan de skriuwer fan it Boun. It mailadres fan de Bounsskriuwer is: skriuwerfbou@fryskbutenfryslan.frl Op sneon 8 april 2017 hâldt it Boun de Algemiene Gearkomste by de Fryske Krite Flevolân Sékrite yn Lelystêd. Sjoch foar dit en oar nijs oer it Boun en alle kriten om utens op de webside fan it FBoU:

6 Kredyt Is de opfolger fan de suksesfolle kroechteaterstikken Kataris, Kredo en Krimp. Kredyt komt fan it Latynske Credere en betsjut leauwe of tabetrouwe. Neidat Knilles yn Katarsis syn dochter kwyt rekke is, giet hy de wrâld yn om te sykjen nei ien fan de âldste hynderrassen; de Ahalteke; it gouden hynder. Op it Amelân rint noch neiteam fan dit edele bist. Hy komt werom yn it kafee om hjir oer te fertellen. Hy moetet de Twentske Hettie. Se skriuwt in boek oer in Fryske artyst dy t se hertstochtlik adorearret. De politiker Peke van der Klamp nimt al fêst wat kredyt op de demokrasy. BOEKEHOEKE De tiid fljocht. Noch mar trije fearnsjier en Ljouwert is Kulturele Haadstêd. Sa begjint it nije seizoen fan it Frysk Selskip Swol, en sa is it alwer oan de ein. Dizze moanne begjint offisjeel op e nij wer de maitiid. Fijn! Understeand gedicht fûn ik yn it boek Nije bloei, gedichten fan Jan Ritskes Kloosterman (dêr t ik al ris earder oer skreaun ha yn dizze rubryk), bewurke troch Eppie Dam. Fan dit plak ôf wol ik elkenien in goed simmerskoft tawinskje. Mochten jim yn de fakânsje ferlegen sitte om in goed boek of in kreamkadootsje, dan meie jim altyd in mailtsje stjoere of efkes belje. Mei freonlike groetnis, Jelma Wiegersma, jelmawiegersma@gmail.com / It moaist soe wêze as Hettie sjocht hoe linich hy him hjir troch hinne slacht. Jabke, it fleksibel postkantoar, sortearret de post yn it kafee. Wat net bestiet, hoecht ek gjin post te krijen. Sa folle minsken, sa folle ferhalen. Yn Kredyt komme se by elkoar yn kafee De Bûnte Bok. Lykas de trije oare stikken is ek Kredyt skreaun troch Gerrit Breteler It wurdt spile troch Anke Bijlsma en Gerrit Haaksma.. De muzyk is ek fan Gerrit Breteler. De arranzjeminten binne fan Peter van der Zwaag. Rients Gratama hat it regissearre. Dit bysûndere stik sil op freed 3 novimber 2017 te sjen wêze yn Grandcafé- Restaurant Urbana yn Zwolle. Mis dizze jûn net, minsken!!! Set it al fêst yn jimme bûsboekjes!!! -16- De earste maitiidsdei O earste sêfte maitiidsdei, hoe nimst ús sa ynienen mei, sa sûnder ús te roppen, nei de earste maitiidswille! Hoe stjoerst de flinters op ús ta, dêr hja ynienen foar ús, sa har wjukjepronk ûntdutsen ha, oer t blomt yn t rûn fersille! In minske kin der hast net by: no t it sudewyntsje, tear en lij, de flinterkes en t blomt opnij út tek en skreef en herntsjes noege al en rôp: kom, kom! toe gau! de wyn is om, de loft is blau! t is hege tiid, och kom dan no! Toe, út jim winterwentsjes! -5-

7 FOLKSHEGESKOALLE SCHYLGERALAN Beskûle yn de bosk fan Skylge stiet de Folkshegeskoalle Schylgeralân. It is de iennige folkshegeskoalle yn Nederlân dy t der noch bestiet. Nei de Twadde Wrâldoarloch waarden rûnom yn Nederlân folkshegeskoallen oprjochte. Dêr koene (jonge) minsken elkoar moetsje, har ûntjaan en de eigen kultuer en identiteit belibje. Utsein de folkshegeskoalle op it moaie Skylge hawwe se allegearre de doarren sletten. Op dat fredige plak tusken mânske dinnebeammen moetsje minsken elkoar en genietsje se fan besinning en kultuer, fan ynspirearjende aktiviteiten en ûntspanning. Ek yn 2017 is der wer in grut ferskaat oan kursussen op de Folkshegeskoalle Schylgeralân; skilderje, byldhouwe, tekenje, fotografy, retraite, yoga, mindfulness, skriuwe, sjonge, dûnsje en gean sa mar troch. De Fryske taal spilet fansels in grutte rol op de Folkshegeskoalle. By in tal aktiviteiten spilet it Frysk de haadrol. Sa is der op 5, 6 en 7 maaie de kursus Fersterkje dyn skriuwtalint en fan 6 9 oktober it wykein Kom en Sjong. En noch altyd wurde yn e simmer trije Simmerkampen foar bern o/m 12 jier hâlden en de Willewiken foar bern út it basis-, middelbier en fuortset ûnderwiis. Nij is it Piter Wilkens wykein fan maart. Boppedat is men wolkom om fakânsje te hâlden, in famyljefeest te fieren of in eigen aktiviteit te organisearjen. Wa t mear witte wol oer de kursussen en oare ferbliuwsmooglikheden kin terjochte op webside FREON FAN OMROP FRYSLAN WURDE??? Wolle jo ek FREON wurde fan Omrop Fryslân? Dan kinne jo belje nei (woansdeis tusken 10:30 en 14:30 oere) of Jo kinne ek in stjoere nei freonen@omropfryslan.nl En jo kinne jo oanmelde fia it formulier op de webside fan de FOF: AS JO EK GRAACH SJONGE Hoe soe ik net fan Fryslân sjonge as maitiid wer syn geunsten spriedt. As hiel de grutte Fryske miede fol blommeguod te pronkjen stiet. kom dan ris nei in rippetysje fan it Dit mingd koar is folslein selsstannich. Leden hoege dêrom gjin lid te wêzen fan it Frysk Selskip Swol. Elts dy t fan sjongen hâld is by it koar fan herte wolkom. Sûnt jannewaris 2017 binne de rippetysjes fan it koar freedtemoarns om 10 oere yn it Moetingssintrum Het Anker, Voorsterweg 36, 8042 AD Zwolle (Westenholte). Foar Friezen en net-friezen yn Westenholte, Veerallee, Spoolde, Frankhuis, Stadshagen, s Heerenbroek, Mastenbroek, Zwartsluis, Hasselt, Genemuiden, Kampen en IJsselmuiden is Het Anker hiel maklik berikber. Sjoch ris goed om jim hinne minsken en trúnje goekunde of buorlju oan om ris nei sa n rippetysje ta te gean. It koar wol hiel graach mear leden hawwe. Wa t mear witte wol oer it koar kin terjochte by: Douwe Boersma foarsitter Wil van der Leij skriuwer Jolanda Lootens ponghâlder Jelma Wiegersma diriginte Daliks as lid opjaan by ien fan harren kin fansels ek!!! -15-

8 WINTERSKOFT Yn dit lêste krantsje fan kin al hiel wat sein wurde oer de ynfolling fan it winterskoft Op woansdei 20 septimber 2017 sette wy útein mei in útsje nei Fryslân. It earste doel is de teeskinkerij (in stjelpbuorkerij mei in prachtige tún en fivers mei brak en swiet wetter en in hôf mei âlde fruchtrassen) yn Peins. Nei it middeisiten stiet in rûnlieding troch it Martenahuis (stedsmuseum) yn Frjenster op it programma. En oan e ein fan e middei in warm miel, nei alle gedachten yn Schatzenburg by Menaam. Kosten sa n Yn e rin fan e simmer komt in (analoge en digitale) struibrief oer it útsje. Us earste jûn is op freed 3 novimber 2017 yn Urbana. Dan komme Anke Bijlsma en Gerrit Haaksma mei de foarstelling Kredyt fan Gerrit Breteler. Op 31 jannewaris 2015 wiene se ek by ús yn Urbana. Doe mei de foarstelling Krimp dy t de measte minsken harren grif noch wol yn t sin bringe kinne. Op freed 15 desimber 2017 is der foar ús leden en yntrodusees wer in krystmiel mei muzikale omlisting yn Grandcafé-Restaurant Urbana te Zwolle. De tredde jûn op sneon 3 febrewaris 2018 wurdt ek al wer in bysûndere jûn. Dan krije wy de foarstelling Bokwert. Kulturele hoofdstad 2018, skreaun troch Bonne Stienstra en spile troch Jan Arendz en Marijke Geerstma en in gastspiler. Dat wordt een buitengewone voorstelling mensen in het Bokwerters en het belooft een alderverscheurendst cultureel hoogtepunt te worden dat elkeneen gezien moet hebben. As lêste yn e rige fan fjouwer jûnen wurdt der yn e mande mei it Frysk Sjongkoar Swol wurke oan in jûn yn maart Yn jannewaris 2018 bestiet it Frysk Sjongkoar Swol 15 jier en oan dat tredde lustrum moat fansels rom omtinken jûn wurde. FRYSKE TSJERKETSJINST sneintemiddei 2 april 2017 om trije (15.00) oere yn de histoaryske tsjerke fan Windesheim foargonger dominy Piet de Jong oargelist Wim Verweij en meiwurking fan Jelma Wiegersma & Jolanda Lootens Nei ôfrin fan de tjsinst is der gelegenheid om yn de boppeseal nei te praten ûnder it genot fan in kopke kofje of tee mei wat der by. En út wenst hâlde wy yn april 2018 wer in Fryske tsjerketsjinst en de ledegearkomste mei wat nijsgjirrichs der by. Dy data lizze noch net fêst. Set dizze aktiviteiten en jûnen al fêst yn jimme bûsboekje (sjoch ek side 3) Ynformaasje: Jolanda Lootens of jolandalootens@live.nl -7-

9 DUBEL FERLIES FRYSK SJONGKOAR SWOL Op ús jûn fan 28 jannewaris ha k meidield, dat Roelof Steenstra twa dagen earder ferstoarn wie. Roelof en Tsjikke wiene lid fan ús selskip en Roelof wie ien fan de earste leden fan it sjongkoar. In jier earder hie Roelof heard, dat er kanker hie en nei alle gedachten noch in healjier te libjen. Doe t er dat op in rippetysjemoarn oan de koarleden fertelde, kaam dat hurd oan. Mar Roelof sei: No net seure, wy wolle gewoan sjonge, dêrfoar binne we hjir. Op 31 jannewaris is Roelof yn Hattem te hôf brocht. By de ôfskiedstsjinst hat it Hattems Mannenkoar (dêr t Roelof ek lid fan wie) songen en Jelma Wiegersma (dirigint fan it Frysk Sjongkoar Swol) hat in tekst út e Fryske bibel foarlêzen. It Frysk Sjongkoar Swol en it Frysk Selskip Swol hawwe yn Roelof Steenstra in tige ynnimlik lid ferlern. Op freed 24 febrewaris krigen wy it drôve berjocht dat Tjibbe Eskens ferstoarn wie. Op ús jûn fan 28 jannewaris hie k meidield, dat er slim siik wie. In firale ynfeksje hie it spraak-/taalgebiet fan syn harsens oantaast en it slagge mar net om it firus ûnder kontrôle te krijen. In deimannich letter liek it der op, dat it de goede kant út gean soe. Mar dat hat net sa wêze mocht. As wy oan Tjibbe tinke, dan tinke wy fansels ek oan it Frysk Sjongkoar Swol, dêr t hy 14 jier lyn it inisjatyf ta nommen hat en dêr t er him, op syn eigen karakteristike wize, fol fjoer jierrenlang foar ynsetten hat. Sa seach er ris in jonge frou op e fyts dy t foar in ferkearsljocht stie te wachtsjen. Tjibbe bleau neist har stean, begûn in praatsje en frege oft se net by it Frysk Sjongkoar Swol komme woe. Want, sa fertelde hy, se hie in pear Fryske sokken oan en dêrom soe se wol wat mei Fryslân en it Frysk hawwe, tocht er. Sa wie er allegeduerigen foar it koar yn t spier. En dat hat fertuten dien. It Frysk Sjongkoar Swol mei der wêze. In koar dêr t wy as Frysk Selskip Swol ek tige wiis mei binne. Yn e lêste moannen fan it ôfrûne jier hiene Tjibbe en ik in kearmannich kontakt oer syn opfolging as foarsitter fan it koar. Nei 14 jier fûn hy it genôch. Yn de lêste mail dy t ik fan him krige, skreau er dat it slagge wie in opfolger te finen; Douwe Boersma soe de nije foarsitter wurde. Mar dat it sa beteare soe hie nimmen ek Tjibbe net foar mooglik hâlde kinnen. It libben skriuwt syn eigen senario. Foar it Frysk Sjongkoar Swol is dit de twadde swiere slach yn in koart skoftsje tiid. Mar ek it Frysk Selskip Swol ferliest yn Tjibbe in tige meilibjend lid. Hy hat net allinne oan e widze fan it sjongkoar stien, mar kaam in jiermannich lyn ek mei it idee om in kaartklub te begjinnen. Boppedat wie er jierrenlang ús kontaktpersoan foar de Wipstrik yn Zwolle. Op 2 maart is der yn krematorium Kranenburg ôfskie fan Tjibbe naam. -8- De ôfrûne wintermoannen hawwe de redens op inkele plakken in pear dagen ûnder kennen, mar it hâlde net oer. Bylden as hjirûnder wurde sa njonkelytsen seldsum. Om dy sfear dochs efkes op te roppen is hjir in gedicht yn it Bildts oer de ferneamde Blikfeart, dy t riders de skrik op e lea jaget. Befroren Blikfaart Blikfaart, faart fol stof en skeuren beul fan 'e Elfstedentocht dou hest heel wat krússyjagers de genadeklap ferkocht. Nag sien ik se naast my knoff'len doadop met 'e neus op 't iis ogen, die 't gyn barst meer sien êrms en benen in 'e tiis skúffelend in 't skemerdonker 'n wek ferbij bij Maartsys brûg met twee ilestiken ankels en 'n sândsak op 'e rûg. Blikfaart, met dyn lege wâlen en dyn iis as poetsketoen soust dou ooit de kâns nag krije om dyn beulswerk weer te doen? A. Tilma -13-

10 Yn e ledegearkomste fan april 2016 is it foarstel dien om DE-sparpunten oan Annet Nieuwenhuis of Inge Bosch te jaan, dy t dêrmei dan moaie prizen foar ús ferlottings ynslaan kinne. Dat foarstel waard fuortdaliks oannaam. Oant no ta hawwe Annet en Inge al hiel wat sparpunten krige. Tankewol minsken!!! It earste resultaat fan dy aksje wie op ús jûn fan 28 jannewaris te sjen. De haadpriis fan de ferlotting wie in neimoadrich kofjesetapparaat!!! Sjoch noch ris yn laatsjes en tromkes minsken. Wa wit lizze hjir en dêr noch wol in nustje punten. Nim se dan op ien fan ús jûnen mei en jou se oan Annet of Inge. Of triuw se by ien fan harren yn e brievebus. En wa t de punten oant no ta net sparre, moat dat fan dit stuit ôf fansels wol dwaan. Yn t foar tige, tige tank. WABBE WISSES RZN De persoan mei dizze yllústere namme wie de pensjonearre ferslachjouwer foar Bokwerder Belang, it fiktive wykblêd fan it allike fiktive doarp Bokwert, dat yn e foarige ieu goed 20 jier (1970 oant 1992) bestien hat. It doarp hie in fuotbalklub (Bokwerder Boys), in toanielferiening (Fleurich Op), in feriening Pleatslik Belang mei foarsitter Doeke Vaartjes, de frouljusferiening Draagt Elkanders Lasten en de iisklub Lytse Germ. Yn Bokwert wennen û.o. baakster Fokeltje Snikstra-Weening, pleatslik skriuwer Gosse Ongemak, winkelman Jan Visser, âld-koloniaal Bote Bijster, Iebele Flapper, Harke Heidstra, de pleatslike agooch drs. Gijsbert Willemoed en de earder neamde Wabbe Wisses Rzn. De Bokwerders kamen gear yn it doapshûs Us Thús en yn kafee Bakker. Dêr waard dan praat oer de tastân yn e wrâld, oer nije maatskiplike ferskynsels, oer wat der yn Fryslân barde ensafuorthinne. En alles yn it Bokwerders, dat klinkt as Hollânsk, mar it hat in Fryske stavering en in Frysk idioom. Siz mar in ferhollânske Frysk, dêr t de lêzer of de harker hem de buisen bij uitscheurt. Dat sil grif ek it gefal wêze yn Bokwert. Kulturele hoofdplaats 2018 op 3 febrewaris LEMSTER MANNENKOOR YN DALFSEN Woansdei 26 april 2017, de jûns om acht (20.00) oere, jout it ferneamde Lemster Mannenkoor in konsert yn de Grutte Tsjerke yn Dalfsen. Kaarten ( it stik) kinne reservearre wurde fia d.devogel@hetnet.nl of fan sân oere ôf kocht wurde by de yngong fan de tsjerke. It Lemster Mannenkoor, oprjochte op 11 jannewaris 1965, is in oekumenysk kristlik koar mei op dit stuit 122 leden. Ien fan de doelstellings is it útdragen fan de Fryske kultuer. Dat docht net allinne bliken út de prachtige Fryske kostúms, mar ek út it repertoire, dat foar in part bestiet út Fryske folksmuzyk en algemien klassike muzyk. Hast 40 jier stie it koar ûnder de besielende lieding fan dirigint Harm van der Meer. Yn 2016 is it (dirigear)stokje oernommen troch Feike van Tuinen. Sûnt 2007 is Jan Kroeske de fêste muzikale begelieder. Sjoch ek op: Foar it Woudagemaal by gelegenheid fan de útrikking fan de CD Op Stoom

11 LEDEGEARKOMSTE Woansdei 19 apri l 2017 om oere Parkzicht Jacob van Neckstraat 146A Zwolle (Wipstrik) WURKLIST: 1. Iepening en meidielings 2. Ferslach fan de ledegearkomste fan 12 april 2016 (sjoch side 2 o/m 5 fan it earste krantsje 2016/2017 en op e jûn leit it op tafel) 3. Jierferslach fan de skriuwer (sjoch de fiif krantsjes 2016/2017) 4. Jierferslach fan de boekeferkeap 5. Jierferslach fan de ferlottingen 6. Jierferslach fan de ponghâlder (siferútkomsten 2016/2017 lizze op e jûn ree) 7. Ferslach fan de rekkenopnimmers Jolanda Lootens en Aaltsje Dijkstra Reserve-rekkenopnimmer is Freerk Kunst 8. Beneaming fan in nije reserve-rekkenopnimmer. Jolanda Lootens is ôfgeand. 9. Bestjoersferkiezing Annet Nieuwenhuis en Gerben de Groot binne ôfgeand. Annet is op e nij foar trije jier yn te hieren. Gerben stelt him net werkiesber. It foarstel is om Jolanda Lootens yn dy fakatuere te beneamen. Beswieren en/of tsjinkandidaten kinne foar it begjin fan de gearkomste opjûn wurde by de skriuwer. 10. It winterskoft 2017/2018 (sjoch side 14) 11. Ynlage foar it winterskoft 2017/2018 (sjoch side 4) It útstel is om de ynlage noch ien jier op de man/frou te hâlden 12. Begrutting fan it winterskoft 2017/2018 (leit op e jûn ree) 13. Rûnfraach 14. Sluting It bestjoer Nei ôfrin fan de gearkomste is der in optreden fan it Dêrnei fertelt Albert Ferwerda ús alles oer Fryslân bûtendyks De measten fan ús sille dit unike part fan Fryslân net sa goed kenne. Dêr komt dizze jûn dus feroaring yn. Dêrom is de ledegearkomste ek in jûn om net te missen!!!