PSALM 3:8. Votum en seën. Psalm 9 : 1, 2, 4. Gebed. Skriflesing: Psalm 3 (AV 1983) Teks: Psalm 3:8. Psalm 38 : 13, 17

Transcriptie

1 PSALM 3:8 Votum en seën Psalm 9 : 1, 2, 4 Gebed Skriflesing: Psalm 3 (AV 1983) Teks: Psalm 3:8 Psalm 38 : 13, 17 Preek: Die Here verhoor gebede soms anders as wat ons voorsien het Gebed Kollekte Psalm 138 : 4 Seën Skrifberyming 78 (13-3) Ook: Ps 3 : 1 Ps 18 : 3 Ps 20 : 1, 6 Ps 30 : 2 Ps 59 : 1, 2, 5 Ps 118 : 6

2 2 Om te bid is nie so moeilik nie. Hoe moeilik kan dit vir n kind wees om met n ouer te praat wat baie lief is vir die kind en wat in elk geval lankal wéét wat die kind nodig het? 1 Dis nie moeilik om te bid nie. Máár gebed is ook nie n speletjie nie. Dis n ernstige saak. Ons gebede kan geweldige gevolge hê, gevolge wat ons nie voorsien het toe ons gevra het wat ons gevra het nie! En dis wat vanaand uit die Woord vir u gewys word: - dat die Here ons gebede soms anders verhoor as wat ons voorsien het. Die voorbeeld waarna ons kyk is die gebed van Dawid toe hy vir sy seun Absalom gevlug het. Ons gaan kortliks kyk na wat Dawid gebid het, en dan na die onvoorsiene verhoring van sy gebed. 1. DAWID SE GEBED Onthou u die geskiedenis van die rebellie, die staatsgreeppoging van Dawid se seun Absalom? 2 Terwyl Dawid nog daar in Jerusalem koning was oor die hele Israel, het een van sy seuns Amnon, wat n halfbroer van Absalom, een van Dawid se ander seuns was, Absalom se eie suster, Tamar, verkrag. Twee jaar daarna het Absalom wraak geneem en Amnon deur van sy dienaars laat vermoor. Absalom vlug toe na Gesur toe, waar sy ma se familie vandaan gekom het. 3 Maar Dawid het baie na Absalom verlang; en uiteindelik het hy na twee jaar en deur bemiddeling van Joab, die hoof van Dawid se weermag, teruggekom Jerusalem toe, 1 Mat 6:8 2 2 Sam Sam 3:3; Jos 13:11, 13

3 3 alhoewel hy en Dawid toe eers twee jaar dáárna weer persoonlike kontak gehad het. Hierdie Absalom was onder die volk bekend as die mooiste man in Israel. As u dink hoe mense in ons tyd oor filmsterre en lede van die Briste koningshuis voel, gee dit u n idee van Absalom se gewildheid by die volk. En hy t dit misbruik. Hy t op n stadium doelbewus mense se guns probeer wen deur sy pa se regering by die volk af te kraak en deur moeite te doen om op voetsoolvlak in mense se goeie boekies te kom. En toe hy reken dat die tyd ryp is, het hy onder valse godsdienstige voorwendsels na Hebron toe gegaan, n groot klomp invloedryke Israeliete rondom hom bymekaargemaak, en toe n staatsgreep teen sy pa, koning Dawid, begin. Dit was so goed beplan, dat Dawid en sy ondersteuners en lojale soldate inderhaas, onder groot hartseer, vir hulle lewens na die woestyn toe moes vlug. Waarna n burgeroorlog ontstaan het tussen soldate wat lojaal aan Dawid gebly het en dié wat Absalom ondersteun het. Maar Dawid se manne het die oorhand gekry, baie van die opstandelinge doodgemaak, terwyl Joab self vir Absalom doodgemaak het. Psalm 3 kom nou uit hierdie tyd, toe Dawid moes vlug, en dinge menslik gesien donker gelyk het vir hom. Dis in hierdie tyd wat die koning, wat die Here oor Sy volk gesalf het, gebid het: Kom tog, Here, help my, my God! U het nog altyd my vyande se mag verbreek, U het die aanval van die goddeloses afgeslaan. En as jy gaan kyk na hoe die Here Dawid voor hierdie episode teen sy vyande gehelp het, dan s daar geen twyfel oor wat Dawid vra nie. Hy vra dat die Here hom, soos in die verlede, sal help om militêr die oorhand oor sy vyande te kry, om die oorlog teen hulle te wen,

4 4 om genoeg van hulle te kan doodmaak dat hulle sal ophou om die Here se gesalfde te bedreig! 4 Dis waarvoor Dawid bid: dat die Here hom sal help teen sy vyande. 2. DIE ONVOORSIENE VERHORING VAN SY GEBED Wat gebeur toe Dawid bid? Die Here verhoor hom soos wat hy ook geglo het sal gebeur. 5 Hy verhoor hom deur Dawid se soldate die oorhand te gee, deur hulle n slagting te laat aanrig onder die opstandelinge, deur ook vir Absalom in die hande van Dawid se manne te laat val en hom, as die leier van hierdie bose komplot, te laat doodmaak. Die Here antwoord Dawid se gebed deur die staatsgreep te laat misluk en Dawid te kan laat teruggaan Jerusalem toe as koning oor God se volk. Maar nou s daar uit Dawid se oogpunt net een probleem (as n mens dit so kan noem) met hierdie verhoring. Dis iets wat hy nie wou gehad het moet gebeur nie. Dis iets wat hy nie voorsien het toe hy vir die ondergang van sy vyande gebid het nie die dood van Absalom. Hy t nog, toe sy generaals uittrek vir die geveg teen die rebelle, voor al die soldate vir die generaals gevra om tog saggies te werk met die jong Absalom! 6 Maar nou s Absalom dood. En Dawid se verskriklike en geskokte hartseer daaroor 7 wys dat hy dit glad nie verwag het nie. Maar dit was goed dat Absalom dood is. Dis verhoring van Dawid se gebed dat die Here hom moet help teen sy vyande. 4 Bv 1 Sam 17:50; 30:17; 2 Sam 8 5 Ps 3:5 6 2 Sam 18:5 7 2 Sam 18:33 19:4

5 5 As Absalom losgekom het, was Dawid nie bevry van hierdie bedreiging nie, want Absalom sou altyd weer n volgende staatsgreep kon beplan het. As Absalom nog geleef het, het hierdie vyande van die Here se gesalfde nie n uitklophou gekry nie! En nog meer: - as Absalom die mag behou het, sou hy waarkynlik al die ander seuns van Dawid laat doodmaak het, omdat hulle vir hom n bedreiging kon inhou; - en dan sou die bloedlyn van Dawid waaruit die Christus gebore moes word, doodloop en sou die duiwel God se plan en beloftes oor die Verlosser uit die nageslag van Dawid gekelder het! - dan sou Jesus nie gebore gewees het nie, nie aan die kruis betaal het vir ons sondes nie, nie die dood met Sy opstanding daaruit vir ons oorwin het nie, ie in die hemel opgevaar het om daar as Koning van kerk en wêreld te regeer nie, nie die Heilige Gees wat ons geestelik laat lewe, uitgestort het nie en waar sou dít ons gelos het? Dis God se wyse en genadige verhoring van Dawid se gebed dat Absalom ook dood is. Maar dis verhoring van sy gebed op n manier wat Dawid nie voorsien het nie, waarskynlik omdat hy in hierdie saak nog vasgevang was in iets van selfsug in sy liefde vir Absalom 8 en nie God en Sy koninkryk en Sy wil bo alles gestel het nie. Die Here verhoor ons gebede partykeer op maniere wat ons nie bedoel het of nie voorsien het toe ons gebid het nie. TOEPASSING Begin u nou verstaan wat aan die begin bedoel is toe gesê is dat gebed nie n speletjie is nie, maar iets gewigtigs? n Mens val nie sommer op jou knieë en rammel n paar sinnetjies af, sonder om regtig te dink wat jy vra en wat die gevolge van die verhoring van dit wat jy vra, gaan wees nie. 8 Vgl 2 Sam 19:5-7

6 6 n Paar voorbeelde van wat verhoring kan behels en waaraan ons nie altyd dink nie. o Ons kan maklik, as ons die verskriklike dinge sien en hoor wat bose mense aan ander doen aan kinders byvoorbeeld sommer sê: Here, kom nóú en straf al die bose mense nou dadelik! En dan kan dit wees dat een van my dierbares nog nie vrede met die Here gekry het nie en dan, as die Here my gebed verhoor, saam met die bose mense die ewige verdoemenis ingaan 9 o Ons kan partykeer ook so gedagteloos vir almal wat siek is of na n ongeluk ernstig beseer in die hospitaal lê, bid om gespaar te word. Dink ons ooit aan die pyn en lyding wat dit kan beteken vir iemand wat lewend, maar vermink byvoorbeeld, verder deur die lewe moet gaan? Of aan die finansiële en emosionele impak wat die verlengde lewe van n chronies-siek of verswakte bejaarde verder op die naasbestaandes van so n persoon kan hê? Daarmee sê ek nie dat ons nie moet bid dat siekes en beseerdes se lewens gespaar moet word nie, maar ons moet mooi dink waarom ons daarvoor vra en ons moet dink aan die moontlike gevolge van die verhoring van ons gebede en bereid wees om daardie gevolge dan gelowig te dra. o Ons bid so maklik: Laat U koninkryk kom. Het u al in Openbaring gelees watter ontsettende onheile en rampe God oor hierdie wêreld en oor die mensdom uitgiet en gaan uitgiet in die koms van Sy koninkryk? 10 En hierdie rampe en onheile is dan deel van die verhoring van ons gebede dat God se koninkryk moet kom! o Ons bid tereg: - Here, laat my groei in die geloof! en - Maak my heiliger! 9 Natuurlik sal God op die bestemde tyd kom, en nie een uitverkorene sal dan nié gered wees nie. Maar hier gaan dit oor bid sonder om die moontlike gevolge van verhoring te bedink. 10 Bv Openb 8-9

7 7 Maar onthou u, wanneer u so bid, dat die Here in die Bybel vir ons leer dat Hy baie kere by Sy kinders geloofsgroei bring deur hulle in allerhande beproewings te laat kom 11 en dat Hy ons op die pad van heiligmaking laat vorder deur ons te tugtig oor die sondes wat nog by ons vassit? 12 Ons swaarkry is met ander woorde baie kere die verhoring van ons gebede! Een rede waarom ons baie kere nie voorsien waarheen die verhoring van ons gebede gaan lei nie, is omdat ons die Bybel nie goed genoeg ken nie, of dit wat daar staan, nie regtig ernstig opvat nie. Nou moet u nie dink dat hierdie waarheid wat vanaand uitgelig is, bedoel is om ons sku te maak om te bid nie. Kinders van God bid en wíl bid en sál bid en soos hulle groei in die lewe met die Here, al hoe meer! Maar wat ons vanaand gehoor het moet ons laat besef dat bid nie n speletjie is nie, maar n dodelik-ernstige handeling. En dit moet ons laat dink voor ons bid in die lig van die Woord mooi laat dink oor wat ons van die Here vra en wat ons van Hom kan verwag as antwoord op dit wat ons vra. Om te bid tot n God wat jou gebede verhoor, is iets groots, amper oorweldigend groots! AMEN 11 Bv Jak 1: Bv Hebr 12:10