Negester Klein-Kariba: Nuusbrief III (2017)

Transcriptie

1 Negester Klein-Kariba: Nuusbrief III (2017) Beste Eienaar Die vroeë somerreën het mildelik by ons geval; ons is verheug daaroor mag dit ʼn aanduiding wees van nóg goeie reën wat gaan kom! Lente bring weer ʼn huppel in die stap. Die veld is vrolik, die voëltjies en diere begin om soggens vroeër te skrop ons ook. Dit is lekker om te sien hoe inwoners, boukontrakteurs, HEV-personeel, bemarkers en andere skrop hetsy op ʼn sosiale-, ondersteunings- of werksvlak om in hierdie dinamiese en snelgroeiende leefstyl-landgoed hul onderskeie rolle met passie en uitnemendheid te vertolk. Dit is ook lekker om te sien hoe inwoners onder mekaar hegte vriendskappe begin smee. Bure raak vriende. Die eensgesindheid onder inwoners en die HEV-span, help om te verseker dat Negester Klein-Kariba ʼn positiewe leefomgewing vir al sy inwoners word; dat daar geleenthede aan inwoners gebied word waar hulle in lyn met die Negester-visie in ʼn volhoubare en beveiligde omgewing kan woon en leef en hul totale menswees versorg, verbeter en gekoester kan word. In hierdie nuusbrief kyk ons so ʼn bietjie meer na wát alles gedoen word om te verseker Negester Klein-Kariba aan inwoners die Bosveld op sy beste bied. Soos met die vorige nuusbriewe, plaas ons skakels in die hoofpunte wat na die toepaslike opskrif se bespreking navigeer (klik net op ʼn onderwerp om direk na die bespreking te gaan). Uit die voorsitterstoel Terugvoer van die AJV gehou op 26 Augustus 2017 en ander sake van belang o Administrasie o Dienste en instandhouding o Sekuriteit o Telefoon en internet o Mediese sorg Ontspanning en omgewing Bemarkingsaksies, stand van projekte en verkope ʼn Paar foto s van die afgelope AJV Belangrike kontakinligting

2 Uit die voorsitterstoel Die afgelope twee maande na die AJV was besonder besig hier by Negester, veral met betrekking tot die vestiging van nuwe intrekkers. Ek gaan nie eers probeer om die hoeveelhede en name van nuwe intrekkers weer te gee nie, want met my kortstondige geheue sal ek baie name uitlos. Baie welkom aan almal van julle. Na die eerste somerreëns het die Bosveld baie vinnig in n lushof van nuwe bloeisels en uitloopsels verander, wat alle inwoners weer na grawe en pikke laat gryp het om weer die tuine verder te verfraai. Die teerpad behoort teen die komende naweek voltooi te wees en ons is almal baie bly oor die welkome verbetering. Die eerste fase van die klubhuis se konstruksie (toegangspad en swembad) het n aanvang geneem en ons hoop om die nuwe swembad teen komende Kersfees in gebruik te neem. Groete aan almal vanaf die Negester Paradys, Piet Pieters Terugvoer van AJV gehou op 26 Augustus 2017 en ander sake van belang Administrasie Direksie en personeel Tom Biewenga (foto) is as Negester Klein-Kariba se eerste landgoedbestuurder aangestel. Tom kom met ʼn magdom ervaring van oordbestuur grootste deel van sy werksloopbaan was by Overvaal en Aventura. Hy was tot en met sy aftrede bestuurder van Aventura se Warmbad-vakansieoord. ʼn Verdere aanwins vir Negester is dat hy op die landgoed woon en self ook ʼn eiendom hier besit. Daar is ook nuwe gesigte onder die algemene werkers, naamlik David Mamabolo, Solomon Dlamini en Martha Qhauza. Stephan Steyn is verantwoordelik vir tegniese en instandhoudingsaangeleenthede. Tydens die afgelope AJV is Chris van der Walt tot die HEV-direksie verkies. Die HEV-direksie vir 2017/2018 is: Eienaars: Piet Pieters (voorsitter), Arnold Greyling, Chris van der Walt Ontwikkelaar: Schalk Cilliers, Kotie Kruger en Madrienne Heymans Algemeen (klagtes en gedagtes) Brandbestryding: Bekommernis heers, dat indien daar n brand op die landgoed sou uitbreek, oor watter aksies daar in plek gestel is om dit effektief en spoedig brande te bestry. Die voorsitter noem dat die brandpaaie goed in stand gehou word. Daar sal ook spoedig brandbestydingstoerusting aangekoop word. Verder is daar n ooreenkoms met ATKV-Klein-Kariba wat Negester te hulp sal snel in die geval van nood. ʼn Verdere besluit is geneem dat alle huise oor twee brandblussers soos deur die HEV gespesifiseer moet beskik. Swembad: Inwoners is van mening dat die voorgestelde swembad té klein is en ook verhit moet wees. Die ontwikkelaar noem dat hierna gekyk sal word, maar dat daar in die toekoms ook nóg swembaddens op ander plekke gebou kan word. Veeldoelige saal: Die eienaars voel dat die voorgestelde saal, wat 150 mense sal kan akkommodeer, te klein gaan wees om inwoners se behoeftes te voldoen. Die ontwikkelaar noem dat dié fasiliteit juis so ontwikkel word dat dit op ʼn latere stadium vergroot kan word. Karavaanstoorplek: Die karavaanafdakke word verwelkom, maar daar is ook ʼn behoefte uitgespreek vir groter afdakke (en stoorplek) wat die groter karavane kan akkommodeer. Bekommernis is ook uitgespreek rakende die veiligheid by die stoorplek. Die eienaars word verseker dat daar 24-uursekuriteit sowel as n geëlektrifiseerde omheining sal wees. Werkswinkels: Daar is ʼn behoefte vir werkswinkels en die aanvanklike plan is om dit by die karavaanstaanplekke op te rig. Belangstellendes moet hul name by die HEV-kantoor gaan opgee.

3 Inheemse plante: Die algemene reël is dat daar geen uitheemse plante geplant mag word nie, maar dat daar in sommige gevalle, soos bv. die aanplant van rose, uitsonderings kan wees. Dienste en instandhouding Watervoorsiening en tuine Alle inwoners word weer daaraan herinner dat water ten alle tye spaarsamig gebruik moet word. Eienaars moet kennis neem dat tuine net vóór 10:00 soggens en ná 18:00 saans besproei mag word. Prosedure met waterlesing: Op die 20ste van elke maand gaan eienaars ʼn SMS ontvang wat lees: Goeiedag, kan u ASB u watermeterlesing deurstuur voor die 25ste vir Erf xyz. HEV Negester. Die SMS is n 087 nommer en sal om en by 09:00 deurkom. Die lesing moet as volg deurgestuur word: Slegs die wit nommers (geen nulle) en die eerste drie rooi nommers moet gelees word. Elektrisiteit Die volgende twee minisubstasies word tans deur die kontrakteur en Eskom ingesny in die netwerk. Die hoogspanning ringtoevoer is voltooi en gekoppel aan die Eskom toevoer. Die voorsiening van elektrisiteit werk met ʼn koopkragmeter (pre-paid meter). Elektrisiteit kan op die internet of by Shell-, Engen-vulstasies, Pick- n-pay en kitsbanke aangekoop word. Sekuriteit Biometriese stelsel Aangesien nie almal se vingerafdrukke deur die biometriese stelsel gelees kan word nie, is daar besluit om ook m.b.v. kaarte toegang te verkry. Die kapelhek is ook aan die biometriese en kaartstelsel gekoppel. Gedurende die week sal daar nog steeds by die kapelhek ʼn sekuriteitswag aan diens wees om die in- en uitteken van inwoners te hanteer. Telefoon en internet Die telefoon-infrastruktuur is reeds geïnstalleer en in werking gestel. Bevestiging is van Telkom ontvang dat hulle besig is om huise, wat vir 'n telefoon- of internetdiens aansoek gedoen het, aan die Telkom-netwerk te koppel. Telkom het tans 'n voltydse se span op terrein wat die proses bestuur. Verder navrae rakende telefoon en internet kan by HEV-kantoor gedoen word. Mediese sorg Suster Delia Venter (op die foto met haar kleinkind), ʼn geregistreerde verpleegkundige, hou op Woensdae haar kliniekdag by die mediesesorgsentrum. Sy sal gereeld ʼn Whatsapp stuur om inwoners aan hierdie diens te herinner. Eienaars wat net naweke by Negester Klein-Kariba is, word versoek om haar te kontak sodat n afspraak gemaak kan word vir ʼn mediese assessering op ʼn Saterdag. Een van ons inwoners is n gekwalifiseerde maatskaplike werker en pastorale berader en het aangebied om gratis pastorale berading te doen. Kontak Delia vir meer inligting oor hierdie vertroulike diens. Nuwe intrekkers word versoek om hulle registrasievorms so gou moontlik terug te besorg, sodat sy hulle kan kom besoek. Sy spreek ook haar dank uit aan die inwoners wat haar so hartlik en gasvry tydens haar mediese assesseringsbesoeke ontvang het.

4 Ontspanning en omgewing Wandelpaadjies: Daar is tans 4 wandelpaaie voltooi wat ʼn groot aanwins vir die landgoed is Minigholfbaan: Die baan is opgradeer, maar daar is ook besluit dat dit ʼn hoër kwaliteit oppervlak moet kry. Voëlklub: Die Bosveldvoëlklub het 16 September by ons ʼn draai kom maak en in een oggend bykans 40 voëlspesies geïdentifiseer. Ekologiese komitee: ʼn Komitee is saamgestel wat bestaan uit Tom Biewenga (voorsitter) Arrie Schreiber, Vis Visagie & Flip Snyders. Hulle is tans besig met die opstel van n bestuursplan vir die landgoed. Bemarkingsaksies, stand van projekte en verkope Bemarkingsaksies Alhoewel die land in ʼn resessie verkeer en eiendomsverkope elders onder groot druk verkeer, is ons nog baie geseënd by Negester Klein-Kariba. Ons ontvang baie besoekers wat belangstel om eiendomme te koop en verkope het ook sedert Mei-maand mooi begin optel. Dit getuig daarvan dat ons bemarkingsaksies, -planne en -span (spesiale dank aan Carin, Hansie, Elri en Louisca!) goed werk. Ons gaan gedurende Oktober en November in verskeie media gesien en gehoor word ons advertensies, insetsels en redaksionele materiale verskyn in Beeld, Khuluma, Explore Bela-Bela, Platteland, kyknet GrootOntbyt, RSG, Bosveld Stereo, Radio Kansel, Pretoria FM, Good Taste en Maroela Media se webtuistes en Facebook-bladsye, om ʼn paar te noem. Stand van projekte Stand van projekte (opsomming): 30 September 2017 Huise voltooi: 74 Huise in aanbou: 46 Planne ingedien/tender: 11 Huise in pyplyn: 23 Erwe gediens: 248 Stand van verkope

5 ʼn Paar foto s van die afgelope AJV

6 Belangrike kontakinligting Maak gerus kontak met die HEV-kantoor om jou frustrasies, vreugdes en voorstelle met ons te deel nie. Ons luister graag en sal sorg dat daar aan alle kwessies, waar prakties moontlik, aandag gegee word. Hieronder ʼn lys met die belangrikste kontakinligting: HEV-kantoor: Yolanda van der Walt E-pos: Posadres (eienaars): Privaatsak X1606, Bela-Bela, 0480 Kantoorure vir navrae: 09H00-12h00 Landgoedbestuurder: Tom Biewenga Tegniese navrae: Stephan Steyn Sekuriteit (Bateleur): Jodie Waltons Sekuriteit Hoofhek Estetiese komitee (navrae): Piet Pieters Medwell: Delia Venter Noodnommer (Medwell): Ambulans: Martie Jonker ATKV-vakansieoord: Hoofhek (k/u) Koswerfrestaurant: /54 Negester se nasionale bemarkingsnommer: