Sondag, 20 April 2014 Skriflesing: Matteus 28:1-10 Tema: Opstanding Francois Lampreht

Transcriptie

1 Sondag, 20 April 2014 Skriflesing: Matteus 28:1-10 Tema: Opstanding Francois Lampreht Dit was opstandings Sondag! Ons vier wat veronderstel is om die hoogtepunt te wees van ons Christenskap. Dat Jesus opgestaan het uit die dood. Vir weke lank het ons lydingstyd beleef, Vrydag het ons die kruisiging herdenk, maar vandag juig ons want Jesus het opgestaan! Mat. 28: 1-10 (28:1) Na die sabbatdag, toe dit die Sondagmôre begin lig word, het Maria Magdalena en die ander Maria na die graf gaan kyk. (2) Skielik was daar n geweldige aardbewing. n Engel van die Here het van die hemel af gekom, na die graf toe gegaan, die klip weggerol en daarop gaan sit. (3) Sy voorkoms was so blink soos weerlig en sy klere so wit soos sneeu. (4) Van skrik vir hom het die wagte gebewe en soos dooies geword. (5) Toe sê die engel vir die vroue: "Julle moet nie bang wees nie. Ek weet julle soek Jesus wat gekruisig is. (6) Hy is nie hier nie, want Hy is uit die dood opgewek, soos Hy gesê het. Kom nader en kyk: daar is die plek waar Hy gelê het. (7) Gaan gou en sê vir sy dissipels: Hy is uit die dood opgewek, en Hy gaan julle vooruit na Galilea toe. Daar sal julle Hom sien. Dit is wat ek vir julle moes sê." (8) Hulle het toe haastig van die graf af weggegaan, bang maar baie bly, en hulle het gehardloop om dit aan die dissipels te vertel. (9) Skielik het Jesus daar voor die vroue gestaan en hulle gegroet. Hulle het nader gekom, sy voete gegryp en Hom aanbid. (10) Toe sê Jesus vir hulle: "Moenie bang wees nie. Gaan sê vir my broers hulle moet na Galilea toe gaan, en daar sal hulle My sien." Ons ken die verhaal, maar iets daarvan het my hierdie week opgeval- ek lees stukkies uit die ander 3 evangelies en kyk of jy dit optel... Luk. 23:55-24:1 Die vroue wat saam met Jesus van Galilea af gekom het, het saamgeloop en die graf gesien en gekyk hoe sy liggaam neergelê word. Daarna het hulle huis toe gegaan en reukolie en salf reggemaak. Op die sabbatdag het hulle gerus, soos die gebod bepaal.

2 Die Sondagmôre baie vroeg het die vroue na die graf toe gegaan met die reukolie wat hulle reggemaak het. Luk. 24: na die engel vir hulle gese het dat Jesus opgestaan het... Die vroue was Maria Magdalena en Johanna en Maria die ma van Jakobus. Ook die ander vroue saam met hulle het dieselfde dinge aan die apostels vertel. Maar vir hulle het hierdie verhaal na onsin gelyk en hulle het die vroue nie geglo nie. Joh. 20: 1-2, 9 (1) Die Sondagmôre vroeg, toe dit nog donker was, kom Maria Magdalena by die graf en sien dat die klip van die graf af weggerol is. (2) Sy hardloop toe en gaan na Simon Petrus en na die ander dissipel toe vir wie Jesus baie lief was, en sê vir hulle: "Hulle het die Here uit die graf weggevat, en ons weet nie waar hulle Hom nou begrawe het nie." (9) Hulle het nog nie die Skrif verstaan dat Jesus uit die dood moet opstaan nie. Mark. 16: 1, 11 (1) Toe die sabbatdag verby was, het Maria Magdalena en Maria die ma van Jakobus, en Salome reukolie gekoop om die liggaam daarmee te gaan balsem. -weer nadat hulle die nuus gehoor het en vir die dissipels vertel het- (11) Alhoewel hulle by haar gehoor het dat Hy lewe en dat sy Hom gesien het, het hulle haar tog nie geglo nie. Niemand van hulle het verwag dat Jesus uit die dood sou opstaan nie! Nie een van hulle het by die graf gaan wag vir die groot oomblik nie, nie een het die ander daarmee bemoedig nie, nie een het uitgesien daarna nie. Die vroue het gegaan om sy lyk te balsem. Die mans het nie die moeite gedoen om te kom nie. Ten spyte van alles wat hulle van Jesus geglo het, alles wat hulle Hom sien doen het, alles wat hulle in die jare beleef het terwyl hulle by Hom was. Ten spyte daarvan dat hulle in Hom geglo het, dat Hy die Seun van God is, dat Hy God is het hulle nie een meer geglo dat Hy sou doen wat Hy gesê het Hy gaan doen nie. Sy dood en Sy lyding het hulle sienies en teleurgesteld gelos. Hulle was skielik mense sonder verwagting...

3 Petrus wat op water geloop het Dissipels wat gesien het wat Jesus doen Maria wat Hom lasarus uit die dood sien opwek het, Nie een van hulle het dit verwag nie. Maar ons, ons is mense wat glo Jesus het opgestaan! Glo ons dit regtig? Ek ken n vrou wie se 6 jarige kind in n frats ongeluk was, in n koma vir weke. Hulle het gebid. Gelowiges van elke kerk in Bloem het vir hulle kind gebid, party hande ople, ander saggies op n afstand, maar so baie het gebid. Baie het profesie gelewer, sy het self teks gekry wat haar verseker het dat haar kind gaan leef... dae later is haar kind dood. Ons het elkeen ons eie storie oor verwagtings van God. Elkeen het ons eie storie oor dinge wat ons sienies en skepties maak. Dalk is dit iets wat gebeur het met jou, iets onverwags wat jou lewe kom omkeer het. Iets waarmee jy verwag het God gaan kom ingryp, maar toe lyk dit of jy self dit moet dra. Dalk is dit die jare lange teleurstelling van groot verwagtings wat jy vir jouself gehad het wat net nie so uitgewerk het nie. Jy het gedink jy gaan vry word, beter word, groei, maar nou is jy dieselfde stukkende mens. Dalk is dit traumatiese goed wat gebeur met jou soos die kruisiging vir dissipels, dalk is dit goed wat jy self doen- soos Petrus. Die uiteinde: ons het nie meer hoop nie, ons sien nie meer uit na die goeie dinge wat God beloof om te doen nie. Ons verwag nie meer iets groot van God nie. Ons sê: Ons Jesus het opgestaan!... maar ons glo dit nie met ons hele lewe nie. Ons glo nog in God- verseker! En ons glo defnitief in Sy kruis. Ons is dankbaar daarvoor, ons glo Hy kan en wil ons vergewe en ons hou vas daaraan. Dit is die kruis van Jesus wat vir ons die deur oopmaak om in verhouding met God te kan leef. Dit gee ons stukkende mense die hoop dat daar vir ons vergifnis kan wees. Maar ons geloof as Christene kan nie net op die kruis staan nie!! As ons net die kruis van Jesus gehad het, het ek en jy n gebreklike Christenskap. Dit is n Christenskap wat hoop op vergifnis vir gister en niks vir more nie. Ons hoop

4 is dan net om elke dag vergewe te word vir dieselfde gemors wat ons van ons eie lewens gemaak het. En wat ons more weer gaan maak, met geen hoop op groei nie, geen hoop op n nuwe lewe nie. Die kruis is n belangrike simbool vir ons Christene, maar dis nie die enigste simbool nie- dis nie eers die belangrikste nie- die grootste nie. Vir n paar honderd jaar na Christus was die kruis as simbool nie veel gebruik in kerke nie. Ons het n ander simbool wat selfs meer moet beteken- die leë graf! Want Jesus het opgestaan!... 1 Kor. 15: (17) En as Christus nie opgewek is nie, is julle geloof waardeloos en is julle nog gevange in julle sondes. (18) Dan is ook dié wat in Christus gesterf het, verlore. (19) As ons net vir hierdie lewe ons hoop op Christus vestig, is ons die bejammerenswaardigste van alle mense. Vir ons lewe het ons die kruis EN die leë graf nodig. Die een maak vir ons die deur oop om na God te kan gaan en die ander maak dit vir ons moontlik om te kan deel in die nuwe lewe van God, saam met God. n Lewe met net die kruis sê: Vergewe my vir wat ek gedoen het, maar los my uit sodat ek dit weer kan doen. n Lewe met net die kruis sê: Ek weet U is by my in seer en U ken my seer, maar ek glo nie u gaan ooit beter kan maak nie. As ons nie glo in die lee graf nie dan bly daar dele in my lewe wat ek self regeer want ek is skepties oor wat God kan doen in my lewe. As ek so leef dan bly ek in my sonde vasgevang, ek bly die ou mens want ek dink ek het my ou dinge nodig om die gate toe te stop daar waar God nie gaan voorsien nie.ek glo in God en is dankbaar vir wat Hy gee en ek reel sekere dele van my lewe volgens sy wil, maar... My godsdiens kom nie uit by my politiek nie. Daar moet ek self my opinie reel en self besluit hoe om teenoor ander op te tree want Hy gaan nie daar help nie, Ek leef in vrees in die land want ek verwag nie God gaan my lewe beskerm nie,

5 Ek hou vas aan die seer en die wrokke in my verlede want God gaan nie daardie seer genees nie. Ek maak met my geld en my werk soos ek wil want God gaan nie daarvoor sorg nie. Ek maak met my verhoudings en my seksualiteit wat ek wil want God gaan nie sorg vir my emosionele behoeftes nie, Hy gaan nie help dat ek nie eensaam word nie. Ek hou vas aan my verslawings en gewoontes want God gaan my nie iets beter bied nie. Ons is kinders van God wat nie veel verwag van Hom nie. Ons raak nie gereeld opgewonde oor wat God in ons lewe kan doen nie. So n Christenskap is sonder die hoop van Christus se opstanding en dis leeg. Dis n hartseer, sieniese, skeptiese Christenskap wat nie glo dat Christus regtig alles, selfs my dood, ten goede kan laat wees vir my nie. Wanneer Petrus jare later skryf oor die opstanding dan sien hy dit so: 1 Pet. 1: 3-6 (3) Aan God, die Vader van ons Here Jesus Christus, kom al die lof toe! In sy groot ontferming het Hy ons die nuwe lewe geskenk deur die opstanding van Jesus Christus uit die dood. Nou het ons n lewende hoop (4) op die onverganklike, onbesmette en onverwelklike erfenis wat in die hemel ook vir julle in bewaring gehou word. (5) En omdat julle glo, word ook julle deur die krag van God veilig bewaar vir die saligheid wat reeds gereed is om aan die einde van die tyd geopenbaar te word. (6) Verheug julle hieroor, selfs al is dit nodig dat julle n kort tydjie bedroef gemaak word deur allerhande beproewings Die lee graf wat nie een van die dissipels verwag het nie, die opstanding wat selfs die wat Jesus die beste geken het glad nie regtig verwag het nie is die simbool van dit wat ons baie keer te bang is om te verwag. Dis nuwe lewe, dis hoop op n beter toekoms, dis uitsien na groei en vernuwing. Dis die verwagting dat Jesus nie net my verlede kan vergewe nie, maar dat God my vandag, my toekoms, my karakter ook beter kan maak, ook gesond en mooi kan maak en dat wanneer dit alles klaar is ek my God weer sal sien met n lewe

6 wat nooit ophou nie al vergaan my lyf. Want ek sal ook opstaan want Jesus het opgestaan!... Ons sê altyd dat ons ons sondes by die kruis moet kom neersit en dit daar los. Jy moet! Jy sal nooit ophou om dit te doen nie. Maar jy moet jou vrees, jou skeptiese idees, jou ongeloof, jou teleurstellings by die lee graf kom neersit. Want Jesus het opgestaan!... Jy moet God vra dat die krag van Sy opstanding in elke deel, elke area van jou lewe inkom. Jy kan vertrou dat God jou in daardie nuwe lewe alles sal gee wat jy nodig het, dat Hy goed is en in beheer is. Dat jy niks het om voor bang te wees nie. Want Jesus het opgestaan! Dan hoef ons nie die wereld te vertel van Jesus nie, hulle sal die hoop en vreugde en die lewe in ons kan sien. Los jou verlede by die kruis en tel n nuwe lewe op by die lee graf. Leef vorentoe. Leef met hoop. Want Jesus het opgestaan!