Vrydagnuus 5 Mei 2017

Transcriptie

1 It s time Vrydagnuus 5 Mei 2017 Om vir 10 dae lank Pinksterbidure te hou is n gebruik wat binne die NG Kerk ontstaan het, en wat oor jare deur God gebruik is om gelowiges te lei tot bekering, tot dieper kennis van God en Sy plan met hulle lewe, en veral tot n nuwe verbintenis om vir die Here diensbaar te wees. Min van ons kan nie n Pinksterreeks of preek onthou wat nie die gang van ons lewe verander het nie. Pinkster en vernuwing, herlewing en nuwe toewyding is sinonieme. Pinkster 2017 is om die draai. Ek ervaar dat die Pinkster n belangrike draaipunt kan wees. Hoekom? Mens voel aan dat ons land tans op die rand van n afgrond huiwer. Op baie terreine lyk die prentjie donker en wonder mense oor die toekoms. Dis asof ons land bedek is met n donker wolk van selfsugtige en onbekwame leiers, korrupsie, geweld, misdaad, verkragting, plaasmoorde, rassisme, armoede, werkloosheid en sedelike verval. Dis asof ons land sy moral fibre verloor het en daar geen brieke is wat keer dat ons oor die afgrond gaan stort nie. Die dreigemente oor radikale ekonomiese transformasie, die nasionalisering van banke en die onteiening van grond help nie juis om gemoedere te kalmeer en vrese te besweer nie. Sonder om alarmisties te wees en onnodig spoke op te jag, voel mens aan ons moet vanjaar Pinkster hou terwyl die land aan die brand is. Die It s Time byeenkoms van Angus Buchan het iets hiervan aangevoel en was n poging om gelowiges op te roep om in n tyd soos hierdie, hulle toevlug tot God te neem. Die rekord bywoning van die biddag buite Bloemfontein het beklemtoon dat baie gelowiges weet ons het die Here nou baie nodig, en dat ons diep afhanklik is van die Hom as ons ons land wil genees van die euwels waarna ek hierbo verwys het. Saam met die baie positiewe ervarings wat mense by die gebedsaamtrek in Bloemfontein gehad het, is daar ook die vraag: wat nou? Wat doen ons met dit wat ons gehoor het en waarvoor ons gebid het? Die meeste mense wat in Bloemfontein was, het teruggekom met n nuwe verbintenis om iets te doen vir die Here in hulle eie dorp en gemeente. Groot byeenkomste is goed, maar die energie en passie wat daar losgekom het, moet nou land in gemeentes en gebruik word om die vernuwing en genesing te bring wat God vir ons land wil gee. Dit bring my by Pinkster. Ek dink Pinkster 2017 kan n wonderlike plek wees waar ons vanjaar kan saamkom, ons voor God verootmoedig, biddend soek na wat Hy juis nou van ons vra, en veral onsself opnuut aan Hom toewy om te soek na sy Koninkryk. Ek weet daar is baie mense wat negatief en kwaad is vir die kerk. Dis sleg, baie sleg om te hoor hoe mense soms oor die kerk praat en hoe mense gelowiges net opgegee het op die kerk. Daar is selfs mense wat wonder of die kerk (en veral die NG kerk) se tyd nie verby is nie. En selfs meer mense wat glo dat ons die rol van die kerk net totaal oorskat het... Hulle leef sonder enige verwagting dat die kerk n verskil kan maak en heelmaak wat stukkend is... Ek wil vra dat ons nie so moet dink nie! Dis duidelik uit die Bybel dat God ten spyte van die kerk se ernstige leemtes n baie spesifieke en belangrike rol aan die kerk en plaaslike gemeentes toegeken het. Dit was so deur al die eeue en ons moet glo dat die Here ook nou n baie spesifieke plan met die kerk het juis in die tyd waarin ons nou leef! Kyk maar weer na die boek Handelinge, die boek oor die kerk. In die 4 Evangelies is Jesus die sentrale speler, maar na die hemelvaart van Jesus, is dit asof Jesus die verhoog oopmaak en vir die kerk spasie maak om op te kom en te speel! Mens hoor dit pragtig in Handelinge 1:5-8 waar die dissipels vir Jesus vra: wat

2 is nou volgende? Gaan U nou die koninkryk vir Israel oprig? Dan sê Jesus vir hulle: Nee! Julle hoef nie alles te weet nie, maar wat ek nou vir julle kan sê, is: Dit is nou julle beurt; julle sal krag ontvang wanneer die Heilige Gees oor julle kom en dan gaan ons sien wat julle alles gaan doen...! Baie van ons mag wonder of dit so n goeie plan was of dink dat dit nie altyd baie goed gewerk het nie. Maar die feite is: dis God se plan vir nou: dat die kerk, ek en jy, die Evangelie van Jesus Christus moet opneem en daarmee moet woeker en dat ons n verskil in ons stukkende land kan maak. It s Time... en die plan is die kerk, dis plaaslike gemeentes, dis ek en jy... gevul met die Gees... draers van Jesus se boodskap van vrede, versoening, redding, genesing, geregtigheid en versoening. Juis daarom glo ons dat Pinkster 2017 deur die Here gebruik wil word om ons te help om ons regmatige plek as kerk in te neem en n helder getuie vir Hom te wees. Die Gees wil ons leer wat dit beteken om waarlik n gestuurde gemeente te wees wat hoor as die Here vir ons sê: soos die Vader My gestuur het, so stuur Ek julle ook! Soos die Vader My gestuur het, stuur Ek julle ook Sondag oggend Klubhuis of reddingstasie om te skuif van instandhouding na gestuur-wees 28 Mei Skriflesing: Lukas 10: 1; Joh 20:21; 1 Petrus 2:4-9 Sondagaand Gestuurdes se identiteit: ons dra die DNA van die God wat omgee en stuur Skriflesing: Johannes 3:16; Matteus 9:35-38; Lukas 10: Maandagaand Gestuurdes se geheim: hulle doen alles biddend en afhanklik 29 Mei Skriflesing: Lukas 10: 1-3; 11:1-4; Matteus 6: 5-15; Handelinge 4: 23-31; 11: 1-5; 12 Dinsdagaand Gestuurdes se modus operandi(1): hulle reis lig en sien kans om te waag en te ly 30 Mei Skriflesing: Lukas 10: 1-16; Handelinge 2: 43-47; Matteus 10: Woensdagaand Gestuurdes se modus operandi (2): hulle raak deel van mense se lewe en maak 31 Mei hulle hande vuil met die wêreld se nood Skrifgedeelte: Lukas 10: 4-10; Donderdagaand Gestuurdes se boodskap: die Koninkryk van God is naby dit gaan oor Jesus! 1 Junie Skriflesing: Lukas 10: 1-9 ; Hand 2: 21-36; Hand 4: 12 Vrydagaand Gestuurdes se kenmerk: hulle is vol blydskap 2 Junie Skriflesing: Lukas 10: 17-23; Hand 2: 37-47; Galasiërs 5 Pinksterfees Die gestuurde kerk die Gees word gegee vir elkeen! 4 Junie Skriflesing: Handelinge 2: 1-12, 1 Kor 12

3 Jeug Klub 13 se datums vir tweede kwartaal 8 Mei by tannie Irma se huis. Tyd: 18:00-19:00 Plek: Hoek van Kerk- en Sutherlandstr 22 Mei en 26 Junie 2017 Tannie Irma van Dijk Kleuterkerk Alle kleuters vanaf 2jaar tot 5jaar word uitgenooi om die kleuterkerk by te woon. Die kindertjies verdaag na die kindertyd na die kleuterlokaal. Tannie Danelle Botes het aangebied om saam met verskillende mammas verantwoordelik te wees vir die kleuterkerk. Baie dankie aan elkeen wat bereid is om ons kleuters van Jesus se liefde te leer. Indien jy betrokke wil raak kontak vir Danelle by Kleuterkerk

4 Gemeente Fondsinsameling Basaar fondsinsameling Worcester-Vallei Datum: 13 Mei 2017 Tyd: 08:00 tot 10:30 Plek: Kerksaal Prys: R40-00 Heerlike ontbyt: Wors/spek/ twee gebakte eiers/brood/kaas/koffie/sap Kaartjies is by Kleingroepleiers en kerkkantoor beskikbaar. Kom koop joune na die erediens by die kerkkantoor. Indien jy n tafel vir agt persone wil bespreek, kontak asb die kerkkantoor. Daar sal ook heerlike basaarpoeding en pannekoek te koop wees om weg te neem. Ondersteun asb die fondsinsameling van die gemeente. As jy nie kan kom nie borg kaartjies. Die kerkkantoor sal dit versprei. Emmers vol Genade Ons herinner lidmate aan die projek waaruit ons kospakkies pak. Benodigdhede Nie-bederfbare produkte blikkies kos, two minute noodles, cup a soup, mieliemeel, pasta, koffie, suiker, tee Toiletware seep, shampoo, tandepasta, reukweerder Neem asb n groenemmer en plaas produkte deur die maand daarin. Bring dit na die kerkkantoor of sit dit Sondae in die kerk of saal se voorportaal.

5 #50 DAE OM ONS VOLK TE SEËN 16 April-4 Junie 2017 (Opstandingsondag tot Pinkstersondag) NASIONALE GEBEDSINISIATIEF geïnisieer deur INTERSESSORS VIR SUID-AFRIKA ( n forum van gebedsnetwerke en gebedsgroepe in Suid-Afrika) Ons is besig met hierdie 50 dae van seëngebed vir onsself, ons familie en vriende, ons gemeente, Worcester en SA. DAAGLIKSE GEBEDSGIDS 1. DAAGLIKSE SPIEËL: Laat die Heilige Gees toe om elke dag jou hart te ondersoek en jou te oortuig van verkeerde ingesteldhede, gedagtes, motiewe en woorde, wat verhinder dat God se Seën deur jou kan vloei. DAAGLIKSE GEBED: Vader God, vergewe my dat ek my hart teenoor mense verhard het en onsensitief geword het vir U Stem en vir die lyding van mense. Verwyder asseblief die duisternis in my, wek my op tot lewe en help my om weer lief te hê en mense met Deernis en Genade te behandel. Help my om my hart te bewaar. 2. TOTALE OORGAWE: Gee jouself oor aan God. Laat Hom toe om jou so te verander, dat jou woorde en dade n seën vir Suid-Afrika sal wees. DAAGLIKSE GEBED: Vader God, vergewe my vir elke hardvogtige en ondeurdagte woord wat ek weens woede, ongeduld, haat en onsensitiwiteit teenoor familielede, mense van ander etniese groepe, leiers of buitelanders, gespreek het. Verwyder elke vloek van my lippe en maak my n werktuig van geregtigheid sodat ek Suid-Afrika kan seën. Sit asseblief n wag voor my mond. 3. SEËN SUID-AFRIKA: Bid hierdie gebed daagliks vir 50 dae oor Suid-Afrika en die mense van ons land: DAAGLIKSE SEËN: Ek seën Suid-Afrika in die Naam van Jesus Christus: Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle Vrede gee! So moet die priesters my Naam oor die Israeliete uitroep, en Ek sal hulle seën. (Num.6:24-26) "Geseënd is dié wat weet hoe afhanklik hulle van God is, want aan hulle behoort die Koninkryk van die hemel. Geseënd is dié wat treur, want hulle sal vertroos word. Geseënd is die sagmoediges, want hulle sal die nuwe Aarde ontvang. Geseënd is dié wat honger en dors na wat reg is, want hulle sal versadig word. Geseënd is dié wat barmhartig is, want aan hulle sal Barmhartigheid bewys word. Geseënd is dié wat rein van hart is, want hulle sal God sien. Geseënd is die vredemakers, want hulle sal kinders van God genoem word. Geseënd is dié wat vervolg word omdat hulle doen wat reg is, want aan hulle behoort die Koninkryk van die hemel. Geseënd is julle wanneer die mense julle ter wille van My beledig en vervolg en valslik al wat sleg is van julle sê. Wees bly en verheug, want julle loon is groot in die hemel. Hulle het immers die profete voor julle net so vervolg." (Mat.5:3-12); "Aan God, die Vader van ons Here Jesus Christus, kom al die lof toe! Hy het ons in Christus geseën met al die Seëninge van die Gees wat daar in die hemel is en ons in Christus uitverkies om heilig en onberispelik voor Hom te wees." (Ef.1:3-4) Kom ons seën ons land se mense in hierdie 50 dae. Volgens Num.6:27 roep ons God se Naam oor mense uit as ons hulle seën, en dan belowe God Hy sal hulle seën. (Skrif hierbo aangehaal)

6 DAAGLIKSE SEËN VIR HIERDIE WEEK Ons seën die Kerk in Suid-Afrika in die naam van Jesus Christus: Mag die Gees van God ons vul, die Woord van God se waarheid ons heilig; Ons onsself verneder voor God, bid en Sy Aangesig soek, en ons bekeer van ons verkeerde weë; Mag ons gevul word met wysheid en geestelike onderskeiding, sodat ons tot eer van Jesus Christus mag lewe, die vrug van die Heilige Gees sal dra en toeneem in die kennis van God; Mag ons sout en lig wees en gehoorsaam wees aan die Opdrag om die Evangelie aan alle nasies te verkondig. Ons seën ons vyande, ons seën diegene wat ons haat, vervloek, beledig en vervolg. Ons seën mense van ander gelowe: Mag hulle oë oopgaan, mag hulle uit die duisternis gered word, en verlos van die mag van satan en na God draai; mag hulle vergifnis van sondes en n erfdeel in Christus ontvang; Mag hulle die Liefde van God as Vader beleef, asook die Genade en Waarheid wat deur Jesus Christus gegee is, en die kragtige Genesing en Bevryding deur die Heilige Gees. O Here God, seën Suid-Afrika!

7 Sinodale Vrydagnuus Kleipotte met 'n skat in Broosheid Alles het verander. Die politieke en ekonomiese konteks wat tans in SA heers, lok n verskeidenheid van reaksies by ons uit: van intense woede tot totale apatie. Die droom van n post- 94 reënboognasie lê byna aan skerwe en die samelewing is onseker oor die pad wat voorlê. Tydens die laaste moderatuursvergadering is ruim tyd geneem om te besin oor die situasie en die uitdagings wat dit aan die kerk bied. Die beeld van kleipotte wat maklik breek (2 Kor 4), kan ons bemoedig. Lees hier verder. God se wil? Wonder jy wat is God se wil vir jou lewe? Enigeen wat hieroor nadink en leiding soek, kan oorweeg om te registreer vir e-kerk se videoreeks. Jy kry sodoende elke week n e-pos waar hulle uit die Bybel hierdie tema ondersoek. Klik hier, en onder op die grafika om die eerste video te sien. Kan die Kerk die "droogte" breek? "Terwyl Suid-Afrika kreun onder protes, rassisme en negatiwiteit, ontvang ek onlangs 'n uitnodiging om 'n gesprek tussen ses kerke op Nieuwoudtville te fasiliteer. Laat ons nie naiëf wees nie. 'n Plekkie soos Nieuwoudtville word ook geteister deur al die kwale waarvan ons bewus is. Maar binne in die kerksaal is die atmosfeer totaal anders. Aanvanklik half gedemp en versigtig, maar die heerlike aandete wat die tannies (nee, hulle sal nie aanstoot neem nie) voorgesit het, met roosterkoek en al, skep gou 'n gemoedelike atmosfeer." Lees gerus hoe Braam Hanekom (PSD: Publieke Getuienis) verder vertel aan 'n verhaal wat ruik na die belofte van reën. Van hoop. Klik hier.