PROTOKOL HANTERING VAN POTENSIEEL BELEMMERDE STUDENTE: FAKULTEIT GESONDHEIDSWETENSKAPPE, UNIVERSITEIT STELLENBOSCH

Transcriptie

1 PROTOKOL HANTERING VAN POTENSIEEL BELEMMERDE STUDENTE: FAKULTEIT GESONDHEIDSWETENSKAPPE, UNIVERSITEIT STELLENBOSCH Agtergrond: A. Personeel wat betrokke is by die mediese en sielkundige hantering van studente, word soms gekonfronteer met die moontlikheid dat die student se mediese en/of sielkundige toestand, potensieel kan inmeng met die student se onafhanklike funksionering as geregistreerde gesondheidswetenskaplike. Slegs studente wat geregistreer is by die Raad op Gesondheidsberoepe van Suid-Afrika (RGBSA) en die Suid-Afrikaanse Raad op Verpleging (SARV) word dus in hierdie dokument geïmpliseer. Studente en personeel moet hulself vergewis van die bepalings van die Wet op Gesondheidsberoepe (Wet Nr. 56 van 1974) en gepaardgaande amendemente van hierdie Wet, wat die aanmelding van self of kollegas wat potensieel belemmerd is, by die Gesondheidskomitee van die RGBSA en SARV, vereis. B. Belemmerde studente dui op ʼn baie spesifieke en klein groepie studente wat deur die Sentrum vir Studentevoorligting en ontwikkeling (SSVO) en/of die Studentegesondheidsdiens (SGD) op kampus hanteer word. Die meeste geregistreerde studente word nie deur hierdie regulasies geraak nie en die Universiteit het onder normale omstandighede nie belang by hul behandeling nie. Beide voorgraadse en nagraadse studente wat by sowel die RGBSA en die Universiteit geregistreer is word deur die Universiteit volgens hierdie beleid bestuur. C. Belemmerde studente moet ook onderskei word van studente met gestremdhede. ʼn Gestremdheid ( disability ) word deur die Americans with Disabilities Act (ADA) gedefinieer as a physical or mental impairment that substantially limits one or more major life activities of such an individual. Die ADA definisie is dus ʼn omvattende definisie en sluit toestande soos leerontwikkelingsteurings (bv. disleksie) in. Belemmerde studente daarteenoor, word operasioneel veel nouer omskryf en impliseer studente wat ʼn ernstige, chroniese of herhalende, belemmerende psigiatriese of fisiese siektetoestand het of ontwikkel het gedurende hul studietydperk, wat nie fisiese gestremdheid (soos mobiliteitsprobleme, asook visuele en ouditiewe perseptuele beperkings) as sulks impliseer nie. Dit kan die volgende voorbeelde insluit, maar is nie daartoe beperk nie: studente wie ʼn ernstige en herhalende psigiatriese siekte / toestand het en wie se funksionering daardeur belemmer sou kon word, studente wat aan ʼn ernstige en chroniese of herhalende fisiese toestand ly en wie se funksionering daardeur belemmer sou kon word, studente wat in ʼn psigiatriese kliniek opgeneem is, studente wat hulle skuldig maak aan onwettige middelmisbruik; K:\Web\Akademiese administrasie\protokol Potensieel Belemmerde Studente 12 Junie 07.doc 1

2 studente wat tekens van ernstige misbruik van of afhanklikheid aan alkohol of medikasie vertoon. D. Die belemmerde student moet ook onderskei word van die volgende: n Student wat pasiëntesorg mag benadeel deur akademiese onderprestasie, n Student wat pasiëntesorg mag benadeel as gevolg van onprofessionele gedrag nie veroorsaak deur belemmering (siekte) nie. E. Ter plaatse het Prof. Willie Pienaar se Protokol vir die hantering van studente wat middels misbruik, tot dusver as riglyn gedien vir die hantering van studente met middelverwante probleme. Hierdie dokument ondersteun die Pienaar-protokol in die geval van middel- of alkoholverwante probleme. F. Sodanige toestande kan potensieel ʼn impak hê op onafhanklike professionele funksionering en behoort volgens wet aangemeld en bestuur te word. Dit beteken nie dat sulke studente nie mag of kan registreer as volwaardige, onafhanklike praktisyns nie. Die Universiteit het egter die verantwoordelikheid en verpligting om sodanige studente optimaal te bestuur en indien nodig, aanbevelings na die Gesondheidskomitee van die RGBSA/SARV te maak. G. Die vraag het dus ontstaan hoe die Universiteit, en spesifiek die Fakulteit Gesondheidswetenskappe, hierdie potensieel belemmerde studente die beste sou kon bystaan en bestuur. Summiere aanmelding by die Gesondheidskomitee van die RGBSA/SARV blyk onprakties en onnodig te wees. Studente beleef dikwels in hul studietydperk emosionele trauma en onsekerheid, maar funksioneer na ʼn periode van behandeling weer na wense. Die Gesondheidskomitee van die RGBSA/ SARV wil ook nie van elke student wat behandel word, bewus gemaak word nie. H. Geen formele dokument bestaan egter tans vir die hantering van studente wat professioneel belemmer word as gevolg van ʼn ernstige psigiatriese of fisiese toestand wat nie middel- of alkoholverwant is nie. Studente is tot dusver redelik suksesvol op ʼn ad hoc basis hanteer. Daar is egter ʼn versoek van die Gesondheidskomitee van die RGBSA dat alle Universiteite ʼn stelsel in plek moet hê, waar sodanige studente op ʼn eenvormige, ingeligte en deursigtige manier hanteer word. Voorstelle: 1. Daar was algemene ooreenstemming by betrokke partye en bronne wat in die loop van die voorbereiding van hierdie dokument geraadpleeg is, dat die uitgangspunt van die benadering tot potensieel belemmerde studente terapeuties en ondersteunend moet wees, en nie bestraffend nie. ʼn Sogenaamde heksejag waar studente onder die indruk kom dat almal wat behandel word vir bv. depressie of angs, êrens aangemeld gaan word, moet ten alle koste vermy word. K:\Web\Akademiese administrasie\protokol Potensieel Belemmerde Studente 12 Junie 07.doc 2

3 2. Die Universiteit wil juis verhoed dat die individu toekomstige stigmatisasie en probleme in die gesig staar en hom of haar daarom bystaan om gesondheidsprobleme die hoof te bied ten einde uiteindelik toegelaat te word tot die professie waarvoor hy/sy studeer. Die voorstelle dien dus as hulp en beskerming vir eerstens die betrokke individu maar natuurlik ook as etiese maatreël ten opsigte van pasiënte wat behandel word en om die bepalings van die Wet te gehoorsaam. 3. ʼn Sentrale komitee vir die hantering van hierdie studente word binne die Fakulteit word voorgestel, die sogenaamde Interne Gesondheidskomitee (IGK). 4. Studente self, hul ouers, medestudente, dosente of koshuispersoneel kan by die IGK om hulp aanklop. Die SSVO en die SGD moet ook by magte wees om, in samewerking met die student, ʼn student na die IGK te verwys. Studente wat volgens die Pienaar-protokol behandel word, word dus ook onder die toesig van die IGK hanteer. 5. Die komitee se funksies sal dan wees om eerstens te besin of die student potensieel belemmerd is of nie. Die IGK se verdere funksie sou dan wees om, in samewerking met die student en verslae van betrokke partye, sy / haar siektetoestand, funksionering, akademiese prestasie en behandeling al dan nie, te moniteer, totdat die student weer professioneel onafhanklik kan funksioneer. ʼn Informele en ondersteunende aanslag word voorgestel. 6. Indien die aanmelding nie enige monitering deur die IGK vereis nie, word dit bloot na die SSVO, SGD of ander toepaslike diensverskaffer (bv. in die privaatsektor), verwys vir verdere hantering. 7. Daar word egter aanbeveel dat ʼn konfidensiële rekord van alle aanmeldings deur hierdie komitee gehou word met die oog op latere verwysing. 8. Potensieel belemmerde studente meld ook dikwels self by die SSVO of die SGD aan. Studente moet bewus wees dat konfidensialiteit tussen pasiënt en terapeut die hoogste prioriteit geniet. Studente moet egter ook bewus wees daarvan dat hulself en die Universiteit sekere verpligtinge ten opsigte van die Wet moet nakom. Die voorgestelde IGK maak dit dus moontlik om die terapeut / dokter-pasiënt verhouding, konfidensialiteit en samewerking met die behandeling te beskerm en te optimaliseer. Daar sal dan in die geval van potensieel belemmerde studente van hulle verwag word om self (dalk met die hulp van die dokter of sielkundige) n aanmelding by die IGK te doen. 9. Die IGK sal dan in gereelde kontak bly met die student en ook van die terapeut / behandelende geneesheer vereis om gereeld skriftelik verslag te doen oor die vordering van die student. Besluite sal dan in die lig van alle beskikbare inligting saam met die student geneem word. 10. Indien ʼn student na wense herstel en optimaal professioneel kan funksioneer, word geen aanmelding by die Gesondheidskomitee van die RGBSA deur die IGK gedoen nie. Indien daar egter steeds probleme bestaan met die student K:\Web\Akademiese administrasie\protokol Potensieel Belemmerde Studente 12 Junie 07.doc 3

4 se onafhanklike professionele funksionering, sou daar dus saam met die student besin word oor aanmelding by die Gesondheidskomitee van die RGBSA. Hierdie aanmelding raak veral relevant wanneer studente bv. afstudeer en steeds nie onafhanklik kan praktiseer nie, óf weier om behandel te word, óf daar gebrekkige insig is ten opsigte van die implikasies van die siekteproses se impak en verloop. 11. Dit kan ook gebeur dat studente Universiteitsregulasies of landswette oortree in die verloop van hul belemmering (bv. die gebruik of verkoop van dwelmmiddels in ʼn koshuis of bestuur van ʼn voertuig onder die invloed van drank). Die Sentrale Dissiplinêre Komitee (SDK) sal dan reeds betrokke wees by so ʼn student of sal deur die IGK bewus gemaak moet word van die student (sodat ʼn student die terapeutiese proses nie kan misbruik nie). Die SDK kan as deel van die dissiplinêre proses vereis dat ʼn student behandel word (vir bv. middelmisbruik), alvorens finaal opgetree word. Die SDK sou natuurlik ook op grond van die aard van die oortreding, meer finale en ernstige besluite rondom ʼn student kon neem. Die dissiplinêre verhoor geskied dus apart van, maar in samewerking met die IGK, in die geval van geregistreerde studente. Vertroulike verslae en kommunikasie tussen die betrokke komitees word dus voorgestel wanneer hul werksaamhede oorvleuel. 12. Daar word aanbeveel dat die IGK saamgestel word uit: Die Visedekaan: Onderrig ʼn Psigiater ʼn Kundige t.o.v. Professionele Etiek Die Programkoördineerder van die betrokke student se Program (ad hoc) ʼn Kundige op die gebied van die student se siektetoestand (ad hoc lid) Standaard Operasionele Prosedure vir bogenoemde voorstelle: 1. Aanmelding van ʼn potensieel belemmerde student by die Voorsitter van die Interne Gesondheidskomitee. 2. Insameling van agtergrond en inligting sodat die Voorsitter hom-/haarself kan vergewis dat die aanmelding bonafide is en dat die student verder deur die Interne Gesondheidskomitee hanteer behoort te word. 3. Indien nie aanmeldingswaardig nie, verwys die Voorsitter die student na ʼn meer toepaslike diensverskaffer of ander Universiteitskomitee. 4. Indien aanmeldingswaardig, word die Interne Gesondheidskomitee byeengeroep en beraadslaag oor moontlike verdere aksie. 5. Verslae word aangevra van die geneesheer en/of kliniese sielkundige en/of kliniek waar die student behandel word. 6. Die Interne Gesondheidskomitee vergader. Verslae wat aangevra is, word bestudeer. ʼn Onderhoud word met die student gevoer indien moontlik of nodig. Die gereeldheid van die verslae word bepaal deur die aard van die siektetoestand. 7. Besluite word geneem ten opsigte die student se vermoë om as onafhanklike geregistreerde student te werk al dan nie. Alle besluite en aanbevelings word aan die student en behandelende gesondheidspersoneel teruggevoer. K:\Web\Akademiese administrasie\protokol Potensieel Belemmerde Studente 12 Junie 07.doc 4

5 8. Die student word ingelig oor die verdere prosedure en toepaslik verwys (indien nie reeds behandel word nie). 9. Onderhoud met die student (en ouers indien verkies). In die geval waar studente te siek is / afwesig is weens siekte en nie die aanvanklike onderhoud kan bywoon, word daar met die ouers / voogde konsulteer. Die gees en aard van die werking van die komitee is ondersteunend en beskermend teenoor die student en hierdie klimaat moet ten alle koste aan die student (en ouers indien betrokke) oorgedra word. Die student moet ten alle tye ingelig bly oor die missie, aard en werking van die komitee. 10. Indien die verslae aandui dat die student herstel het of die toestand in remissie is, besluit die komitee oor toekomstige monitering al dan nie. 11. Indien die student steeds probleme ervaar, kan verdere / verlengde behandeling voorgestel word en besluit word of die student se toestand ernstig genoeg is om formeel by die Gesondheidskomitee van die RGBSA aan te meld. 12. In die geval waar ʼn student ʼn Universiteitsregulasie oortree het as deel van ʼn siekteproses, word geskakel met die Sentrale Dissiplinêre Komitee van die Universiteit. Dokument opdateer: 12 Junie 2007 K:\Web\Akademiese administrasie\protokol Potensieel Belemmerde Studente 12 Junie 07.doc 5