INLIGTINGSTUK AAN NUWE/POTENSIËLE BEHEERRAADSLEDE

Transcriptie

1 INLIGTINGSTUK AAN NUWE/POTENSIËLE BEHEERRAADSLEDE Badisa is die beste plek om vrywillige werk te doen. Vrywillige werk verryk ons gemeenskappe en stel aktiwiteite en hulpbronne beskikbaar wat andersins nie sou bestaan het nie. Badisa het n baie lang tradisie in die benutting van vrywilligers binne die organisasie. Ons statistiek dui aan dat honderde vrywilligers jaarliks die bestuur en personeel van die Badisa programme ondersteun om uitnemende dienste te lewer en volhoubaar te wees. Badisa kan nie funksioneer sonder Beheerraadslede nie en die noemenswaardige kapasiteit en waarde wat Beheerraadslede tot die effektiewe funksionering van ons organisasie toevoeg kan nie gering geskat word nie. 1. GESKIEDENIS VAN BADISA Badisa het op 1 April 2003 tot stand gekom nadat die Maatskaplike diensprogramme van die NG Kerk in S.A (Wes- en Suid-Kaap) en die VGKSA (Kaapland) geamalgameer is. Die Maatskaplike diensprogramme van hierdie kerke verteenwoordig n lang geskiedenis van omgee en sorg aan mense in nood deur die kerke. Beide kerke staan in n tradisie waarin diens van barmhartigheid of diakonale diens as deel van die kerk se opdrag beskou word. Die barmhartigheidsaksies het van vroeg af reeds ook inrigting sorg ingesluit. Badisa se naam is afgelei van BArmhartigheid, DIens/DIakonaat, SAam. Die naam verreken die kerke se huidige bediening van barmhartigheid en diakonaat. Badisa is ook n Tswana woord wat herder, versorger, ouderling beteken. 2. STATISTIEK VAN BADISA (2013/2014) Dienslewering statistiek is as volg: FOKUSAREAS GETAL PERSONE GETAL PERSONE TOTAAL Dienslewering aan Kinders en Gesinne (direkte en indirekte dienslewering) Vroeë Kinderontwikkeling Geregistreerde dagsorgsentrums Tuis Mamma projek 512 Nasorg 431 Kinder- en Jeugsorgsentrums 711 Aanneming en swangerskap 943 Maatskaplike Werk kantore Dienslewering aan Bejaardes en Gestremde persone (direkte dienslewering) Tehuise (bejaardes) Dienssentrums Gemeenskapsgebaseerde dienste by tehuise Gestremde persone 1 685

2 Dienslewering t.o.v. Middelafhanklikheid Rehabilitasiesentrums en dienste TOTAAL PERSONE BEREIK MET DIENSLEWERING KERNIDENTITEIT EN DIENSTE Badisa is n geloofsgebaseerde maatskaplike welsynsorganisasie wat professionele maatskaplike dienste lewer. Die organisasie het ontstaan uit die twee kerke, NG Kerk (Wes-en Suid-Kaap) en die VG Kerk (Kaapland) en het ontwikkel om die dienste te lewer in vennootskap met verskeie belanghebbendes wat insluit die plaaslike en provinsiale regering, die korporatiewe sektor asook ander nie-winsgewende organisasies. Badisa is die maatskaplike welsynsorganisasie van die kerke en ondersteun hulle deur mense in nood te dien. Badisa is n waarde-gedrewe organisasie wat gebou is op die vier pilare van sy waardes, nl diensbaarheid, geregtigheid, uitnemendheid en rentmeesterskap. Alhoewel die organisasie gerig word deur die vier kern christelike waardes, lewer Badisa maatskaplike dienste aan almal in nood, ongeag hul ouderdom, geslag, nasionaliteit of geloof en is dus inklusief vir almal. Badisa is n geregistreerde nie-winsgewende organisasie (NPO ) en n publieke weldaadorganisasie (PBO ) en is daartoe verbind tot maatskaplike ontwikkeling deur 153 gemeenskapsgebaseerde programme in die Wes-, Noord- en Oos-Kaap. Die programme ontvang leiding van n bestuursprogram in terme van beleid, menslike hulpbronbestuur, finansiële advies en algehele bestuur, supervisie en praktyk leierskap om goeie beheer en voldoening aan wetlike vereistes te verseker. Badisa dek n wye spektrum van maatskaplike welsynsdienste in vier fokusareas, nl. kinders en gesinne, ouer en gestremde persone en hul families en persone met middelafhanklikheid. Badisa se dienste sluit die volgende in: Vroeë kinderontwikkeling Kindersorg en beskerming Gesinsorg Aanneming Bejaardesorg en ondersteuningsdienste Voorkoming en behandeling van middelafhanklikheid Gestremdesorg Armoedeverligting Ondersteuning aan die VGK en NGK gemeentes, asook ander rolspelers i.t.v. lang- en korttermyn maatskaplike projekte. 4. VISIE EN WAARDES VAN DIE ORGANISASIE 4.1 VISIE Christelike Barmhartigheid ons is 'n naaste van elkeen in nood.

3 4.2 MISSIE Badisa as die barmhartigheidsbediening van NG Kerk (Wes- en Suid-Kaap) en VG Kerk (Kaapland) is waardegedrewe met Jesus Christus as voorbeeld. Badisa is 'n organisasie sonder winsoogmerk wat in samewerking met gemeentes en ander rolspelers: - Uitnemende professionele-, vakkundige- en ondersteuningsdiens aan mense en gemeenskappe in nood lewer. - Ontwikkelingsprogramme daarstel wat ten doel het om verbruikers/kliënte in staat te stel om optimaal te funksioneer WAARDES Diensbaarheid: Ons lewer diens aan mense in nood na die voorbeeld van Jesus Christus, die groot Barmhartige. Streef daarna om 'n relevante, bekostigbare kwaliteit diens te lewer. Ons stel die verbruiker/kliënt se belange, regte en nood eerste. Ons diens is toeganklik vir alle mense ongeag ras of godsdiens Geregtigheid: Ons wil almal billik en regverdig behandel en alle vorme van diskriminasie vermy. Mede-personeel en verbruikers van die diens sal te alle tye met waardigheid en respek behandel word. Regstellings en aanpassings sal altyd met die grootste verantwoordbaarheid, deursigtigheid en op meriete geskied Uitnemendheid: Ons wil die heel beste diens vir die verbruiker/kliënt bied, daarom sal elke personeellid hul pos waardig en getrou wees. Ons wil kwaliteit diens lewer wat onder andere behels dat keerdatums nagekom, dokumente goed versorg en dienste goed beplan word. Ons dienste sal relevant, volhoubaar en doeltreffend wees. Ons sal 'n deelnemende bestuurstyl handhaaf en in 'n span saamwerk in alle vlakke van die organisasie om sodoende 'n positiewe gees en kultuur te skep. Ons sal effektiewe kommunikasie op alle vlakke van die organisasie handhaaf Rentmeesterskap: Ons sal die mense, finansies en bates wat tot Badisa se beskikking gestel word, verantwoordelik en eerlik bestuur. Ons sal ter wille van deursigtigheid rekenskap gee oor inligting wat aan ons toevertrou is, aan enigeen wat daarop geregtig is. Op alle vlakke van die organisasie word persone, byvoorbeeld personeel, beheerraadslede en vrywilligers, aangemoedig om persoonlike verantwoordelikheid te neem vir hul optredes in die uitvoering van hul onderskeie funksies/take. Ons sal te alle tye met integriteit optree.

4 5. BESTUUR VAN DIE ORGANISASIE 5.1 Badisa se bestuur funksioneer op verskillende vlakke. Ten einde die programme so effektief en koste-doeltreffend moontlik te maak, is n Bestuursprogram en effektiewe beheerrade vir die programme nodig. Badisa glo dat die lyn tussen die program en die bestuur van Badisa so kort as moontlik moet wees en daarom is Badisa in drie (3) vlakke gestruktureer. Badisa Ledevergadering Bestuursraad Beheerrade van Programme Bestuur die Programme Hoof Uitvoerende Beampte Bestuurspan Die Ledevergadering is die hoogste gesag en bepaal beleid en die strategiese rigting van die organisasie; Die Bestuursraad hanteer die dag-tot-dag bestuur van die organisasie; Die Beheerrade hanteer die dag-tot-dag bestuur van die plaaslike programme namens die Lederaad/Bestuursraad; Die Hoof Uitvoerende Beampte is die verantwoordelike amptenaar (accountable officer) van die organisasie en word bygestaan deur die direkteure van die verskillende departemente (Die Bestuurspan en Middelbestuurspan). n Deelnemende bestuurstyl word voortdurend toegepas. Om dit te kan verwesenlik is goeie kommunikasielyne tussen alle vlakke nodig. Dit beteken dat verbruikers en personeel inspraak moet hê in die beplanning en bestuur van programme en dit beteken ook dat daar tussen die programme en die Bestuursprogram voortdurend kommunikasie moet wees. 5.2 BESTUURSPROGRAM Die programme word ondersteun deur die Departemente: Hoof Uitvoerende Beampte (Ds. A Rust) Maatskaplike Dienste (Direkteur: Me R van Zyl) Menslike Hulpbronne (Direkteur: Me T Alberts) Finansies & Administrasie (Direkteur: Me H. Malherbe) Bemarking & Fondswerwing (Direkteur: Me A Bezuidenhout)

5 Die Middelbestuurspan bestaan uit 10 Bestuurders: Maatskaplike Dienste (BMD s); 3 Koördineerders: Bejaardesorg; 2 Koördineerder: Vroeë Kinderontwikkeling/Kinder & Jeugsorg en 6 Administratiewe/Sekretariële beamptes. 5.3 PLAASLIKE PROGRAM Rol en verantwoordelikhede van Beheerraadslede Die Beheerraad ontvang bevoegdheid uit die BADISA Konstitusie; en is derhalwe nie n aparte regspersoon nie Beheerraadslede word gekeur en aangestel deur die Hoofuitvoerende Beampte en is in effek n subkomitee van die Badisa Ledevergadering Die Beheerraad ontvang n gedelegeerde bevoegdheid van die Ledevergadering om as plaaslike verteenwoordiger die daaglikse bedryf en die werksaamhede te behartig Die Beheerraad tree op binne die raamwerk van die konstitusie, beleid en prosedures van Badisa as organisasie en as die draers van die visie van Badisa as organisasie verantwoordelik om: - Finansiële, morele en etiese verantwoordelikheid t.o.v. die volhoubaarheid van die organisasie/program - Strategiese leierskap beoefen - Effektiewe kommunikasie met belanghebbendes - Risiko s pro-aktief te bestuur Die Beheerrade is dus eerstens n ambassadeur en ʼn belanghebbende van die organisasie met die verantwoordelikheid vir die leierskap en bestuur van die plaaslike program. Hoe word volhoubaarheid van die Program deur die beheerraad verseker, deur: - Bou van vertroue en reputasie - Strategiese beplanning en her-strukturering - Besnoei uitgawes en konserwatiewe begrotings - Reserwes en beleggings bou - Diversifisering van befondsingsbronne - Vennootskappe en samewerkingsooreenkomste - Relevante dienslewering Beheerrade moet dus 100% inkoop in die strategie, beleid en prosedures van die organisasie om werklik waarde toe te voeg. Hierdie aspek gaan krities belangrik wees met die implementering van die nuwe Bemarkings- en kommunikasiebeleid van Badisa om die identiteit van die organisasie uit te dra, veral met die konsekwente gebruik van die Badisa handelsmerk saam met die program se handelsmerk.