SINOVILLE GEMEENSKAPSPOLISIEËRINGS FORUM SEKTORS 1-4 BEHEEROPERATEURS HANDLEIDING

Transcriptie

1 SINOVILLE GEMEENSKAPSPOLISIEËRINGS FORUM SEKTORS 1-4 BEHEEROPERATEURS HANDLEIDING

2 Inhoud 1. Telefoonnommers Verdagte Persone Verdagte Voertuie Erfspringers Inbraak in aanvang Inbraak reeds plaasgevind Selfmoord Familie Geweld Aanranding / Baklei in Openbaar Verkeersoortredings Motorongelukke Mediese Noodgeval Beraders Dwelms Kragonderbrekings / Waterlekkasies / Wateronderbrekings Diere op Straat. 16 a. Honde en Katte b. Perde,beeste en donkies 17. Radiokommunikasie Patrolleerders Oorneem en Oorgee van Skof Beheerverslag Sektor Grense (Gebiedskaart) Polisie kodes. 22

3 1. TELEFONNOMMERS

4 2. VERDAGTE PERSONE Indien verdagte persone ingeroep word, noteer kleredrag, veral eerste skoene, hare, ras, geslag en ouderdom, asook wat hulle by hul dra, soos sakke. Vra waarom die persoon verdag voorkom. Dit is nie onwettig vir enige persoon om deur enige gebied te beweeg of op n sypaadjie te sit nie. Monitor die persoon se bewegings. Indien dit veilig is om met 'n persoon te praat kry die volgende inligting: Naam, waar persoon vandaan kom en gaan, waar sy huis is, wat rede is vir teenwoordigheid in die straat. Noem dat dit n hoë misdaad gebied is en mense wat in die straat rondloop as verdag beskou word, veral as hul iets by hul dra. Moenie aggresief voorkom nie. Mense reageer negatief daarop. Groet die persoon vriendelik en vra hoe dit gaan. Begin dan vrae vra soos waar die persoon bly en waar hy of sy op pad na is. n Enkel voertuig konfronteer nooit n persoon of persone op sy eie nie en moet altyd wag vir ondersteuning, op n veilige afstand, van waar die situasie dopgehou kan word. Die goue reël is ten minste 2 voertuie voordat verdagte situasies hanteer word. Dit is ook belangrike dat die aantal voertuie die situasie regverdig sodat die gemeenskap nie die gevoel kry dat die GPF hulle intimideer nie. As dit in die aand is moet een voertuig die verdagte van voor met skerp hoofligte aan nader en dan ondervra op vriendelik dog ernstige trant. Die tweede voertuig moet agter die persoon(e) wag. Onder geen omstandighede moet persone gekonfronteer, aangeraak word of pakkies deursoek word nie. n Verdagte persoon kan as volg beskryf word: Iemand wat in die dag terwyl mense werk van huis tot huis beweeg en die klokkie druk Iemand wat bogenoemde gedrag openbaar en dan by n erf ingaan en na die agterkant van die huis beweeg. So n persoon is veral verdag indien daar iemand saam met hom / haar is en wat voor die huis wag Iemand wat net staan voor n huis of besigheid waar dit duidelik blyk dat daar niemand binne teenwoordig is nie Iemand wat baie vinnig deur die area hardloop en n voorwerp dra

5 3. VERDAGTE VOERTUIE Indien n verdagte voertuig ingeroep word, noteer kleur, fabrikaat, registrasie nommer, duidelike kenmerke soos plakkers, wiele, duike, aantal insittendes, ras van insittendes, geslag van insittendes, asook kleredrag en ouderdom indien moontlik. Vra waarom die voertuig verdag voorkom. Monitor die voertuig op n veilige afstand totdat dit die area verlaat. Onder geen omstandighede mag n voertuig voorgekeer, afgetrek of enigsins gekonfronteer word nie. Indien dit lyk of die voertuig wel verdag is roep / skakel die SAPD om die situasie verder te hanteer. n Verdagte voertuig kan as volg beskryf word: Stadigbewegende voertuig wat in die donker sonder ligte ry Voertuig wat doelloos deur die gebied ry of dieselfde roete oor en oor ry n Voertuig is veral verdag wanneer dit in sirkels om skole of parkies beweeg Voertuig wat geparkeer staan met insittendes, veral voor toe besighede of huise waar mense nie tuis is nie Verlate voertuie wat vir lang tydperke in n straat geparkeer staan

6 4. ERFSPRINGERS Kry soveel inligting moontlik by die persoon wat die inbraak aanmeld. Kry eerste die adres en vra dan oor die lug vir patrolleerders om soontoe te gaan. Versoek die patrolleerders om op die hoeke om die blok waarin die huis is te staan en sodoende n kordon om die blok te vorm. Die doel van die kordon is om te sien waarheen verdagtes hardloop. Skakel SAPD en verwittig hulle van die situasie en gee die adres aan hulle. Vra vrae soos die volgende: Wat is die adres? Maak seker dat jy weet waar dit is. Is die inwoners in die huis? Hoeveel inwoners is daar? Word hulle aangehou en hulle lewens bedreig? Hoeveel inbrekers is daar? Is die inbrekers nog in die huis? Kry n beskrywing van die inbrekers soos lengte, tipe hare, postuur asook n klerebeskrywing Bly in kontak met die patrolleerders en hou hulle op hoogte van die situasies. Herinner hulle daaraan dat hulle nie voor die huis moet stilhou nie. Aanvaar altyd dat n erfspringer gewapen kan wees.

7 5. INBRAAK IN AANVANG Kry soveel inligting moontlik by die persoon wat die inbraak aanmeld. Kry eerste die adres en vra dan oor die lug vir patrolleerders om daarheen te gaan. Versoek die patrolleerders om op die hoeke om die blok waarin die huis is te staan en sodoende n kordon om die blok te vorm. Die doel van die kordon is om te sien waarheen verdagtes hardloop. Skakel die SAPD en verwittig hulle van die situasie en gee die adres aan hulle. Vra vrae soos die volgende: Wat is die adres? Maak seker dat jy weet waar dit is. Is die inwoners in die huis? Hoeveel inwoners is daar? Word hulle aangehou en hulle lewens bedreig? Hoeveel inbrekers is daar? Is die inbrekers gewapen? Is die inbrekers nog in die huis? Kry n beskrywing van die inbrekers soos lengte, tipe hare, postuur asook n klerebeskrywing Bly in kontak met die patrolleerders en hou hulle op hoogte van die situasies. Herinner hulle daaraan dat hulle nie voor die huis moet stilhou nie.

8 6. INBRAAK REEDS PLAASGEVIND Indien u n oproepe ontvang van n inbraak wat reeds plaasgevind het stel vas: wanneer die inbraak plaasgevind het hoe en waar toegang verkry is wat gesteel is of daar videomateriaal beskikbaar is wat moontlike verdagtes kan identifiseer Indien die inwoners nog nie die SAPD gekontak het nie wees hulle dan behulpsaam om die saak te rapporteer. Die perseel moet so min as moontlik betree word en daar moet nie aan enigiets gevat word ingeval vingerafdrukke nog geneem moet word. Dit is nie nodig vir patrolleerders om op die toneel te wees nie. Indien daar enige is versoek hulle saaklik om die toneel te verlaat.

9 7. SELFMOORD Die term selfmoord mag glad nie oor die lug gebruik word nie, asook nie die metode nie. Gebruik SAPS kode 055 A (aanvang\dreigende) B (reeds plaasgevind\suksesvol) C (poging). Indien die oproepe van die SAPD ontvang is vind uit wat hulle van jou verwag in terme van bystand. Reageer dan op daardie versoek. n Selfmoord is n baie sensitiewe aangeleentheid en die privaatheid van die betrokkenes en naasbestaandes moet te alle tye respekteer word. Gee daarom so min inligting as moontlik oor die lug. Indien moontlik moet die adres glad nie per radio bekend gemaak word nie. Probeer die situasie so ver moontlik per telefoon hanteer. Kry soveel inligting as moontlik by die persoon wat die voorval aangemeld het. Kommunikasie op die lug moet tot die absolute minimum beperk word. Vra eerder dat die persoon jou skakel. Die beheer kan dan skakel om die geval te log en vinnige SAPS reaksietyd te verseker Vra die volgende vrae: Adres? A, B of C? Is daar vuurwapens in die huis? Wie is by die persoon/toneel? Toegang tot die perseel? Metode? Geslag? Ouderdom? (Slegs telefonies) Beheerfunksie: 055A: ONTBIED SAPS (10111) en Nooddienste (Verskaf detail telefonies indien moontlik) Slegs 1/2 bevoegde GPF lede gaan na toneel, indien SAPS of mediese personeel oppad is betree die lid nie die toneel eerste nie. Beheerfunksie op toneel: Ontbied bystandsberader indien persoon nie deur mediese personeel verwyder word nie. 055B: Net soos met A. Beheer funksie is dan slegs toneelbeveiliging en toegangsbeheer.

10 Ontbied bystandsberader vir naasbestaandes op toneel. (Dit is nou n misdaadtoneel en daarom mag naasbestaandes ook nie sonder SAPS toestemming die toneel betree nie.) 055C: Indien die persoon nie deur mediese personeel of naasbestaandes van die toneel verwyder word nie, moet SAPS en bystandberader ontbied word. Die beheer se funksie is om patrolleerders wat na toneel reageer se veiligheid te verseker, asook die emosionele impak van so toneel te beperk. Die beheer/patrolleerder hoef glad nie die toneel te betree nie en tree slegs op as skakel met SAPS, nooddienste en bystandsberader. Dit is sy taak om die toneel aan die SAPS te oorhandig en te voorkom dat publiek, GPF lede, media en familie sonder toesteming van SAPS die toneel betree. Geen GPF lid het die reg tot insae vir redes en omstandighede rondom die insident nie en mag daarom ook nie vra om enige briewe wat nagelaat is te lees nie. Ons vra dat lede ten alle tye die toneel en naasbestaandes met die nodige respek hanteer. SGPF VE (CM4) moet telefonies of per sms of whatsapp inkennis gestel word van alle 055 s nadat die situasie onder beheer is. Dit sluit in watter GPF lede op die toneel afgestaan het.

11 8. FAMILIE GEWELD Dit vind gewoonlik plaas op privaat eiendom. Geen GPF lid mag privaat eiendom betree nie. Stel vas: waar die adres is wat die situasies is of daar kinders by betrokke is en of die SAPD in kennis gestel is Indien die SAPD nog nie in kennis gestel is nie verwittig hulle onmiddelik van die situasie nadat u seker gemaak het dat daar wel n misdaad gepleeg word. Skakel ook onmiddelik vir CM4 en lig haar in oor die situasies. Sy sal dit van daar hanteer en besluit of die krisissentrum en maatskaplike werkers benodig word. Gesinsgeweld is ook n baie sensitiewe en privaat aangeleentheid, veral waar kinders betrokke is. Gee dus hier ook so min inligting wat mense kan identifiseer per radio. Hanteer die situasies so ver moontlik per telefoon. Stuur ook net in uiterste gevalle patrolleerders na die toneel en dan ook nie meer as wat nodig is nie. Indien daar meer mense is as wat nodig is stuur hulle weg van die toneel.

12 9. AANRANDING / BAKLEI IN OPENBAAR Die GPF kan nie betrokke raak by enige bakleiery tussen partye nie. Die kanse dat lede by die geveg betrokke raak en seerkry is n te groot risiko. Indien die oproepe om bystand van die SAPD gekom het sal hulle u meedeel wat hulle van ons verlang. Indien hulle versoek dat ons lede die geveg moet opbreek dan stel ons hulle net vriendelik in kennis dat dit nie kan gebeur nie. Indien die oproep uit n ander oord gekom het, stuur dan nie meer as twee voertuie na die toneel. Versoek hulle om n afstand te hou en te rapporteer wat die situasies is. Kry soveel as moontlik inligting soos beskrywings van persone asook beskrywing van hul voertuie indien daar voertuie is. Versoek die patrolleerders om dit van n afstand en so onopsigtelik as moontlik te doen. Indien nodig skakel die SAPD en rapporteer die situasies. Indien daar meer patrolleerders as nodig opdaag stuur hulle weg van die toneel.

13 10. VERKEERSOORTREDINGS Verkeersoortredings, hoe ernstig ookal, is nie die verantwoordelikheid van die GPF nie. Indien u n oproepe ontvang kry soveel inligting as moontlik. Stel vas: wat die oortreding is waar die insident besig is om plaas te vind indien die voertuig beweeg, in watter straat en in watter rigting wat die registrasienommer van die voertuig is wat die fabrikaat van die voertuig is wat die kleur van die voertuig is of daar enige kenmerkende eienskappe aan die voertuig is soos plakkers, skade, toebehore, ens Skakel Metro en rapporteer die insident aan hulle. Indien hulle nie beskikbaar is nie skakel dan die SAPD. Versoek die patrolleerder wat die voorval rapporteer het om die voertuig op n veilige afstand dop te hou. Indien die voertuie vinniger as die snelheidsgrens beweeg moet die patrolleerders ontrek van die situasies. Onder geen omstandighede sal hulle die wetlike perke oortree nie. Daar is weereens nie meer as twee voertuie nodig om die observasie te doen nie. Indien daar meer voertuie is stuur hulle weg.

14 11. MOTORONGELUKKE Indien n ongeluk ingeroep word vind uit by persoon wat die ongeluk aanmeld of: Enige mediese hulp benodig word. Indien benodig vra of beseerde medies fonds of nie medies fonds het nie. Ontbied hulp soos benodig. SAPD en/of Metro reeds op die toneel is. Indien wel, vra aan beampte in beheer of enige hulp benodig word met die beveiliging van die toneel en of hulle enige ander hulp vanaf GPF benodig. Geen GPF lid mag sonder toestemming by toneel aanmeld nie, en indien wel, vra persone om toneel te verlaat. Indien die nodige beamptes nie op die toneel is nie vra die GPF lid op toneel wat die omvang is en om beheer van die toneel te neem totdat die nodige beamptes opdaag. Gee beheer van die toneel oor aan die eerste beampte wat opdaag en vra of enige verdere GPF hulp benodig word. Indien nie moet alle GPF lede ontrek. Indien GPF hulp benodig word probeer vanaf GPF lid of SAPD beampte op toneel vasstel wat die omvang van die ongeluk is en reël vir die nodige bystand. Probeer altyd die persone gebruik wat opgelei is en die regte toerusting het om ongelukstonele te beveilig. Geen GPF lid sal verkeer beheer indien dit nie absoluut nodig is nie en dan ook net as hulle oor die nodige veiligheidstoerusting beskik. Glimbaadjie ten alle tye en n flits in die donker is verpligtend. Geen GPF lid mag mediese hulp aan beseerdes verleen mits hy/sy opgelei is daarvoor nie. Geen GPF lid mag aan enige iets op die ongelukstoneel peuter of enige besluite neem nie, mits so versoek deur die beampte in beheer van die toneel gerig word. UItroep van enige SKS lede na ongelukstonele moet deur SAPS of CM4 versoek word. Versoek alle GPF lede op toneel om hul eie veiligheid te verseker.

15 12. MEDIESE NOODGEVAL Indien n mediese noodgeval ingeroep word vind uit of die pasient oor n mediese fonds beskik. Dit is nie altyd moontlik om dit vas te stel nie in welke geval diskresie gebruik moet word. Kry soveel inligting as moontlik oor die persoon se toestand en gee dit oor aan die ambulansdiens. Gee ook die adres en naaste kruisstrate. Sodra dit gedoen is is daar nie meer as een lid op die toneel nodig nie. Indien daar nog lede op die toneel is moet hulle vertrek en aangaan met patrollie ry. Daar is nie meer as twee lede nodig om by n mediese toneel af te staan nie. Indien dit blyk dat die persoon reeds oorlede is, moet die ambulans en die SAPD geskakel word. Die ambulanspersoneel moet die persoon dood verklaar en bedek voordat die lyk verwyder kan word. Sodra die ambulans opgedaag het gee die toneel aan hulle oor en verlaat die toneel. Daar is geen verdere bystand nodig nie.

16 13. BERADERS Die goue reël is dat net die SAPD n berader na n toneel kan ontbied. Die realitiet is dat die GPF in baie gevalle of voor die SAPD op die toneel is of voor hulle van n voorval weet. Indien n versoek vir n berader ingeroep word vra vir redes waarom n berader benodig word. Kontak dan vir SKS wat dan n besluit sal neem. Indien sy nie beskikbaar is nie skakel die berader op bystand en verduidelik die situasies. Die persoon sal dan die nodige besluit neem. Indien n berader na n toneel kom moet die persoon per radio laat weet dat hy/sy op die toneel gearriveer het. Wanner die persoon van die toneel onttrek moet hy/sy weer per radio vir Beheer daarvan inlig. Onder geen omstandighede moet die patrolleerders n berader alleen by n toneel laat nie.

17 14. DWELMS Dwelmaangeleenthede word slegs deur die SAPD volgens die dwelmprotokol hanteer. Onder geen omstandighede sal patrolleerders op gewone patrollie daarby betrokke raak nie. Indien hulle n verdagte situasie opmerk sal hulle slegs vanaf n veilige en onopsigtelike afstand die besonderhede van die betrokke voertuie aan die beheeroperateur deurgee. Hulle sal dan onmiddelik wegbeweeg van die toneel en nie weer daar verby ry nie. Rapporteer die situasies aan die SAPD. Hulle sal besluit hoe om dit te hanteer. Gee opdrag aan alle patrolleerders om weg te beweeg van daardie gebied.

18 15. KRAGONDERBREKINGS / WATERLEKKASIES / WATERONDERBREKINGS Algemene kragonderbrekings, waterlekkasies en wateronderbrekings is die verantwoordelikheid van die betrokke persoon wie dit inroep om dit te rapporteer. Die beheeroperateur kan slegs die gemeenskap help met die voorsiening van telefoonnommers en/of e-pos adresse. Indien die situasie gevaarlik is en dit n gevaar vir die publiek inhou moet die Beheeroperateur die omgewing laat beveilig en dit rapporteer.

19 16. DIERE OP STRAAT Die GPF is nie verantwoordelik vir diere op straat nie. Al die lede is ook nie ewe gemaklik met die hantering van diere nie. Ons gaan nie ons lede onnodig blootstel aan gevaar nie. Honde en Katte Indien n rondloper hond of kat ingeroep word rapporteer dan slegs oor die radio dat n rondloper dier aangemeld is, gee n beskrywing van die dier asook waar dit laas gesien is. Indien iemand rapporteer dat hulle n verlore dier by hulle huis het, kry n beskrywing van die dier en die roepsein waar die dier gehou word en stel die radiogebruikers in kennis. Die hond/kat moet dan by die betrokke perseel bly. Indien die persoon nie die dier daar wil hou nie moet hulle self reëlings tref vir die verdere versorging van die dier. Perde, Beeste en Donkies Indien diere soos perde, beeste en donkies in n straat rondloop is dit n verbreking van n munisipale regulasies en dus n Metro aangeleentheid. Skakel Metro Polisie en rapporteer die geval aan hulle. Gee die adres en beweeg aan.

20 17. RADIOKOMMUNIKASIE Maak seker dat u vertroud is met die GPF radio prosedures. Hou gesprekke so kort as moontlik om goeie lugtyd te verseker. Alle radio gebruikers sal deur Beheer kommunikeer. Toestemming moet van Beheer verkry word om direk met ander gebruikers te kommunikeer en moet n rede verskaf. Die radio is nie daar om uit te vind wat jou maat se 03 is of ander privaat gesprekke nie. Telefoonnommers word nie oor die lug gegee nie, behalwe as dit jou eie nommer is of die persoon met wie op daardie stadium gekommunikeer word se nommer. Adresse van persele waar selfmoord of gesinsgeweld plaasgevind het word ook nie oor die lug gegee nie. Waar lede/inwoners van die sektor op vakansie is of gaan moet daardie inligting per telefoon/epos/whatsapp deurgegee word, geensins oor die radio nie. Wanneer patrolleerders aanmeld vir patrollie versoek hulle om radio kommunikasie te behou en te reageer wanneer die beheer persoon inroep. Versoek hulle ook om in te roep wanneer hulle na situasies reageer. Dit is frustrerend en n vermorsing van tyd wanneer bystand benodig word en persone daag by n toneel op terwyl ander reeds daar is sonder om te kommunikeer dat hulle naby is of ook na die toneel gaan. Dit is ook goeie maniere.

21 18. PATROLLEERDERS AANTEKEN VIR DIENS Wanneer patrolleerders op patrollie gaan moet hulle aanmeld by hulle Beheer asook wanner hulle ophou patrolleer. (Whatsapp of SMS)

22 19. SKOFRUILING Wanneer skof geruil word moet insidente en uitkyke/inligting wat betrekking op die volgende skof het deurgegee word na die beheer persoon wat diens oorneem. Moet nie n verslag gee van wat alles op die vorige skof plaasgevind het nie. Die radio gesprek moet kort gehou word. Gee inligting soos voertuigbeskrywings deur op whatsapp.

23 20. BEHEERVERSLAG U word versoek om so volledig moontlik te wees in u terugvoer aan die beheer koordineerder. Hierdie verslae moet saamgevoeg word en aan bestuur verskaf word, wat dit dan weer deurgee Exco toe.

24 21. SEKTOR GRENSE (GEBIEDSKAART) (Nuwe kaarte moet saamgestel en aangeheg word)

25 23. POLISIE KODES Kode Betekenis Kode Betekenis 0 Staan Af 036 Brandstigting 01 In Verbinding 037 Alarm 02 Kontak SB/TB Bevelvoerder 038 Verdagte Persone 03 Ligging 039 Verdagte Voertuig 04 Sitrap 040 Verdagte Pakkie 05 Lewer Boodskap 041 Dronkenskap 06 Uitkyk 042 Crimen Injuria 07 Klagte 043 Onsedelike Aanranding 08 Uitslag 044 Winkeldiefstal 09 Ander Klagte 045 Ontsnapping uit bewaring 010 Aanranding met die doel on te beseer 046 Ontvoering 011 Aanranding Gewoon 047 Vermiste Persoon 012 Bakleiery 048 Bendebakleiery 013 Diefstal 049 Besit vermoedelik gesteelde eiendom 014 Huisbraak 050 Dronkbestuur 015 Motor Diefstal 051 Besit van gevaarlike wapen 016 Diefstal uit voertuig 052 Onnatuurlike Sterfte 017 Kwaadwillige Saakbeskadiging 053 Veediefstal 018 Onwettige Voertuig Gebruik 054 Besit van Dwelms / Dwelmhandel 019 Skietvoorval 055 Selfmoord 020 Gyselaars Situasie 056 Samedromming 021 Verkragting 057 Deur trein getrap 022 Moord 058 Diefstal met Aanhouding 023 Gewapende Roof 059 Polisiehulp/Polisie in gevaar 024 Roof 060 Benodig Polisiehulp 025 Strafbare Manslag 061 Aborsie 026 Ongeluk 062 Beseerde Persoon 027 Kindermolestering / Mishandeling 063 Dwelmhandel 028 Betreding 064 Geestesversteurde 029 Rusverstoring 065 Grafskenking 030 Klipgooiery 066 Bloedskande 031 Bomontploffing 067 Noodalarm 032 Bomdreigement 068 Onluste 033 Intimidasie 069 Onwettige Staking 034 Bedrog 070 Optog / Betoging 035 Brand

26 Kode Betekenis Kode Betekenis 71 Boodskap oorgedra 92 Polisiehulp Huismoles 72 Gevonde Eiendom 93 Polisiehulp Ander 73 Interdik 94 Polisiehulp Siviele geding Hulp 74 Gevaarlike Diere (kwalifiseer) 95 Motorbotsing Ernstige Beserings 75 Oproerige Persoon 96 Motorbotsing Geen Beserings 76 Patrollie Verlang 97 Motorbotsing Noodlottig 77 Rig van Vuurwapen 98 Storting Chemikalie / Gevaar stowwe 78 Sielsieke 99 Ramp (Trein, Storm, Wind) 79 Skielike Dood 100 Roof van Voertuig 80 Verdrinking 101 Roof van Vragmotor 81 Verkeerswet 102 Besigheidsroof 82 Verlore Eiendom 103 Huisroof 83 Verdagte Persone 104 Bankroof 84 Gesoekte Persone 105 Roof van Geldwa 85 Openbare Onsedelikheid 106 OTM Roof Gewapende Roof vanaf Persoon 87 Mense Vermis op Berg 108 Roof vanaf Persoon 88 Menseroof / Kinderdiefstal 109 Geregtelike Doods Ondersoek 89 Inligting vir Polisie 110 Natuurlike Dood 90 Klagte teen Polisie 111 Begeleiding verlang - Privaat 91 Polisiehulp verdwaalde Persoon 112 Begeleiding verlang - SAPS Indien daar 'n A (alpha) na die kode is: Beteken dit - "in aanvang" Indien daar 'nb (bravo) na die kode is: Beteken dit - "reeds plaasgevind" Indien daar 'n C (charlie) na die kode is: Beteken dit - "gepoog"