FILIPPENSE 2:1-5 Verstaan die liefde van jou lewe Ds Charles James

Transcriptie

1 FILIPPENSE 2:1-5 Verstaan die liefde van jou lewe Ds Charles James Wat dink jy is die 10 grootste redes waarom mense in Suid-Afrika skei? n Bekende prokureursfirma in Kaapstad het 500 se redes ontleed en die volgende 10 redes (1 die belangrikste rede) gelys: 10. Verskil in prioriteite 9. Geloofsverskille 8. Verskille oor hoe kinders grootgemaak moet word 7. Finansies 6. Seksuele frustrasies 5. Verslawing 4. Sosiale netwerke 3. Ontrouheid (affairs) 2. Fisiese of emosionele mishandeling 1. Gebrek aan kommunikasie Nommer een was vir my n verrassing! Maar toe ek bietjie daaroor nadink het ek weereens besef hoe geweldige groot rol gebrekkige kommunikasie in die vernietiging van verhoudings speel! Goeie kommunikasie en konflikhantering help ons mekaar te leer ken en beter te verstaan. Mense regoor die wêreld - Algerië of Argentinië, Zaïre of Switserland se DNA is 99.9 dieselfde. n Baie klein fraksie van ons DNA maak ons uniek en verskillend van mekaar. Tog is hierdie fraksie genoeg om reuse verskille tot gevolg te hê. Hierdie verskille het n geweldige invloed op verhoudings tussen mense. Huwelike, gesinne, families, vriende en die werkplek. Wat is daardie 0.1% verskil wat mense uniek maak? Party noem dit temperament, ander noem dit gedragstyl, ander persoonlikheid of sommer karakter. Wat jy dit ook al noem dit is wie jy is! Ek wil nie op die genetika ingaan nie - hier is baie slimmer mense wat baie meer daarvan weet as ek maar daar in nie nog

2 iemand soos jy in die hele wêreld nie! Die 0.1% verskil in DNA het 300 miljoen chemiese onderskeidings. Dis baie! Voeg nog die invloed van jou gesin van herkoms by en jy sien dat jy absoluut uniek is! En twee unieke mense wat bymekaarkom is uniek! Daar is nie nog so n kombinasie in die hele wêreld nie! Dit wat vir ander werk, werk nie noodwendig vir julle nie. My reis met my maat is n unieke reis! Ons persoonlikhede is baie kompleks, ook die ontleding daarvan. Ons optrede (ons manier van doen) help ons om sekere tendense raak te sien. As iemand eers baie navorsing doen voordat hy n kamera koop en iemand anders wat impulsief n kamera koop sê nogal baie oor sy of haar gedragstyl. Ons voorkeur manier van kommunikeer, hoe ons konflik hanteer of vermy ens. n Oorsig oor die verskillende gedrag style word gegee (Die beheer-neem maat, die optimistiese maat, die lojale maat en die versigtige maat).

3 Ons staan in verhoudings met mense met verskillende gedragstyle. En dis goed so. Ons verskille vul mekaar aan. Ons het verskillende sterk- en swakpunte en dit maak dat ons mekaar nodig het. Verlede week Francois uit Genesis 2:24 gelees wat God sê dat Adam en Eva een sal word. As daar nou een ding is wat hierdie eenheid bemoeilik, is die EIE EK! Die EIE EK is vaseline wat op die bril waarmee ek na ander mense kyk, se lense gesmeer word. Dit maak dit moeilik om die mooie in ander raak te sien. Die EIE EK maak dat ek ander wil verander dat hulle meer soos ek dink en optree. Dit maak dat ek nie pogings aanwend om my maat beter te verstaan nie want dalk sal ek iets moet prysgee! In die gedragstyl wetenskap is daar die bekende opmerking dat geen persoon n ander persoon deur direkte aksies kan verander nie. Ek kan slegs myself verander, dan sal my maat in reaksie hierop verander. Kom ons kyk hoe lyk n verhouding waar ek net my eie belange wil dien en nie die van my maat nie: Video clip van man wat badkamer vir sy vrou regmaak. Die evangelie is egter n boodskap van sterf in myself sodat ek waarlik kan lewe. Daar is 4 Bybel karakters wat nogal die vier kwadrante verteenwoordig.

4 Ek wil vanmôre by Paulus stilstaan n taakgerigte, gedrewe mens. Paulus was direk en veeleisend asook n kragtige debatteerder. Na Paulus se ontmoeting met God op pad na Damaskus, verander sy lewe! Sy gedragstyl het dieselfde gebly, maar sy hart het verander! Die vrug van die Gees het sy hart anders gemaak. n Mooi beeld om dit te verduidelik, is die beeld van n rekenaar. Paulus se hardeware het dieselfde gebly, maar sy hardeskyf is geformateer en daar is nuwe sagteware opgelaai! Daarom sê Paulus in Romeine 12 Gee jouself as n lewende, Heilige offer (formateer jou hardeskyf) sodat jou denke kan vernuwe (nuwe programmatuur kan oplaai). Paulus skryf in sy brief aan die Filipense (Filipi was die eerste gemeente op Europese bodem en was bekend vir sy diversiteit) dat hulle een moet wees. Die kern van die eenheid lê daarin dat hulle moet leef volgens die nuwe sagteware wat opgelaai is. Die Heilige Gees wat ons verander om meer soos Jesus te leef. In Filippense 2:1-5 skryf Paulus hoe hulle optrede dan behoort te lyk. Onder andere moet hulle mekaar se belange bo hulle eie stel. Waar dit in verhoudings gebeur, waar ons die kroon van die EIE EK verruil vir n voorskoot van diens, sien ons die wonder dat mense mekaar begin mooimaak. Ander se belange word belangriker

5 as my eie. Dan begin ek ander mense ten opsigte van hulle sterkpunte en nie hulle swakpunte sien. Ek raak sensitief vir hulle verhoudingsbehoeftes. Video clip van man wat badkamer vir sy vrou regmaak maar nou met n ander aanslag! Omhels jou uniekheid. Laat God toe om jou uniekheid te poleer - tot uitbreiding van sy koninkryk! Word n student van jou maat vind uit wat sy of haar tenk volmaak. Waardering? Erkenning? Om te weet dat hulle reg is? Resultate? Wat is jou maat se liefdestaal? Is die om geskenke te ontvang? Dade van diensbaarheid? Kwaliteit tyd? Opbouende woorde? Fisieke aanraking? Wanneer dit nie meer oor my belange gaan nie, maar oor die van my maat, sal ek graag sy of haar liefdestenk wil volmaak. AMEN.