UNIVERSITEIT VAN DIE VRYSTAAT UV-WEBWERF: KOMMUNIKASIEBELEID

Transcriptie

1 UNIVERSITEIT VAN DIE VRYSTAAT UV-WEBWERF: KOMMUNIKASIEBELEID (soos goedgekeur deur die Uitvoerende Bestuur op Maandag 16 Februarie 2004) INHOUD 1 Inleiding 2 2 Doelwitte van webwerf 2 3 Hoof-verbruikers & -teikengehore 3 4 Beginsels 4 5 Taal 5 6 Advertensies 5 7 Webbediening 5 8 Korporatiewe identiteit 5 9 Rolle en verantwoordelikhede 6 10 Bestuur van inhoud 8 11 Toegang 9 12 Regsaspekte Kontakbesonderhede 12 Bylae A - Bestuur van die inhoud van webwerf-afdelings 14 1

2 UNIVERSITEIT VAN DIE VRYSTAAT UV-WEBWERF: KONSEP-KOMMUNIKASIEBELEID Januarie INLEIDING 1.1 Doel van die beleid Die webwerf van die Universiteit van die Vrystaat is n amptelike elektroniese Universiteitspublikasie wat onder meer ook vir interne en eksterne kommunikasie gebruik word. Weens die gedesentraliseerde aard van die UV-webwerf is die doel met hierdie beleid om n stel minimum-standaarde en riglyne te verskaf vir alle webblaaie om die webwerf se integriteit te beskerm en gehalte, akkuraatheid, eenvormigheid en beskerming van die korporatiewe identiteit en beeld van die Universiteit te verseker. Hierdie beleidsdokument is slegs van toepassing op daardie web-areas wat vir kommunikasie-, inligtings- en bemarkingsdoeleindes gebruik word. Aspekte soos e-leer (waaronder die plasing van klasnotas en studiemateriaal op die web), administrasie en bestuur asook tegniese aspekte word nie hier aangespreek nie. 1.2 Implementering van die beleid Dit is die verantwoordelikheid van elke personeellid om die beleid te implementeer om te verseker dat die integriteit van die UV-webwerf behoue bly en dat die webwerf n doeltreffende instrument en kragtige hulpbron sal word in die bereiking van n verskeidenheid doelwitte, waaronder die bemarking van die UV, die verskaffing van nuus en inligting oor die UV, sowel as effektiewe bestuur en administrasie. 1.3 Hersiening van die beleid Die beleid sal jaarliks aangepas word. 2 DOELWITTE VAN WEBWERF Die UV-webwerf is tot stand gebring en sal in stand gehou word om in hoofsaak die volgende doelwitte te bereik: 2

3 2.1 Om toegang tot nuus en inligting te bevorder en te help met bemarking van die UV Vir n uiteenlopende groep gebruikers bied die internet n vinnige en goedkoop manier om inligting oor die Universiteit van die Vrystaat te bekom. Die UV-webwerf is daarom een van die amptelike nuus- en inligtingsbronne van die Universiteit. 2.2 Om algemene inligting aan voornemende en huidige studente te verskaf Die UV-webwerf word aangewend om inligting aan voornemende sowel as huidige studente te verskaf, bv. inligting oor toelatingsvereistes, leerprogramme, institusionele reëls en regulasies, huisvesting, studiebeurse en -lenings. 2.3 Om doeltreffende administrasie en bestuur te bevorder Vir interne gebruikers (personeellede en studente) dien die webwerf as die primêre bron van institusionele inligting, soos dokumente, beleide en prosedures, ens. Dit is n kragtige hulpmiddel wat kan bydra tot meer doeltreffende sowel as kostedoeltreffende administratiewe en bestuurspraktyke. 2.4 Om betrekkinge met die UV se belanghebbers te bestuur Betrekkinge met belangrike belanghebbers van die UV, onder wie belanghebbers in politieke en gemeenskapskringe, sowel as oudstudente, kan versterk word deur middel van n professionele, hoëgehalte-webwerf wat goed in stand gehou word en aan die inligtingsbehoeftes van sulke belanghebbers voldoen. 3 HOOF-VERBRUIKERS EN -TEIKENGEHORE Die UV-webwerf se hoof-verbruikers en -teikengehore is: Personeellede Huidige studente Voornemende studente E-leer-studente Oudstudente Navorsers en akademici van ander instellings (nasionaal en internasionaal) Wetenskaplikes (NNS, WNNR, ens) Hoëronderwysinstellings Donateurs en potensiële donateurs Politieke rolspelers (plaaslik, provinsiaal en nasionaal) Hoëronderwys-beleidmakers Media Raadslede 3

4 4 BEGINSELS Alle personeellede wat verantwoordelik is vir die verskaffing van teks en inhoud vir die UV se webwerf, moet aan die volgende beginsels gehoor gee: 4.1 Gehalte Goed geskrewe teks - duidelik, bondig, volledig en akkuraat (ook taalkundig korrek) - is n voorvereiste vir die publikasie van enige inligting op die webwerf. 4.2 Akkuraatheid Die UV-webwerf is n belangrike naslaan- en verwysingsbron oor die Universiteit. Sorg moet aan die dag gelê word om te verseker dat alle stof korrek en akkuraat is. 4.3 Varsheid Inligting wat op die webwerf gepubliseer word, mag nooit verouderd raak nie en moet (wanneer nodig) onverwyld opgedateer word om die waarde en bruikbaarheid van die webwerf vir gebruikers te verseker. 4.4 Bruikbaarheid Een van die grondbeginsels vir die verskaffing van inligting vir webblaaie is dat die gebruiker se behoeftes voorop gestel moet word. Inligting wat in die UV-webblaaie gepubliseer word, moet relevant en gebruikersvriendelik wees. ( n Nuttige riglyn is om buitekant binnetoe te dink, d.w.s plaas jouself in die gebruiker se skoene en verskaf die inligting wat die gebruiker wil hê.) Hou taalgebruik eenvoudig en vermy afkortings waarmee die gebruiker (buitelanders, bv.) dalk nie vertroud is nie. 5 TAAL Alle stof op die webwerf moet in Afrikaans en Engels verskaf word in ooreenstemming met die UV se Taalbeleid. Die vertaling van alle inligting in Afrikaans en Engels, sowel as taalversorging deur kundiges, is n voorvereiste vir die publikasie van inligting op die webwerf. 6 ADVERTENSIES Advertensies van buite-maatskappye word nie op die UV-webwerf toegelaat nie. In buitengewone gevalle kan toestemming verleen word deur die Hoof: Strategiese Kommunikasie (bv. die Matrkulant van die Jaar-wedstryd, waar die logo s van borge op die blaaie gepubliseer word.) 4

5 As n diens aan personeellede kan die Advertensies- afdeling ( gebruik word om ware van die hand te sit. As egter gevind word dat n gebruiker/gebruikers die afdeling misbruik vir persoonlike gewin of om n private onderneming te bedryf, sal die Hoof: Strategiese Kommunikasie teen sulke gebruikers optree. 7 WEBBEDIENING Die UV-webwerf sal slegs amptelike UV-blaaie bevat, d.i. blaaie wat amptelike universiteitsinligting bevat of regstreeks met die Universiteit se missie verband hou. Die bediening ( hosting ) van buite-webblaaie sal toegelaat word in spesifieke omstandighede waar die publikasie van sodanige blaaie op die UV-webwerf tot voordeel van die werk en beeld van die UV is (vgl. die Appélhof se webwerf in die Fakulteit Regsgeleerdheid se afdeling, en die Frelico- en PRAIS-blaaie in die Biblioteek- en Inligtingsdiens-afdeling.) 8 KORPORATIEWE IDENTITEIT Die UV-webwerf is in ooreenstemming met n bepaalde korporatiewe identiteit ontwerp. Hierdie korporatiewe identiteit (kleure, tipografie, wapen en ander ontwerp-elemente) moet gerespekteer en op die webwerf weerspieël word as deel van n professionele en goed bestuurde diens. Die webwerf bestaan uit dinamiese en statiese dele. Toegang (vir redigering, ens) tot die dinamiese dele word verkry deur die Administratiewe stelsel (by Om die integriteit van die ontwerp te behou, mag die template vir die statiese blaaie nie gewysig of aangepas word nie. Geen afwyking van die vasgestelde lettertipes, lettergroottes en kleure sal toegelaat word nie. (Sien ( Personeellede moet hulself op die hoogte bring met die relevante hulp-lêers voordat hulle webblaaie redigeer. 9 ROLLE EN VERANTWOORDELIKHEDE 9.1 Afdeling Strategiese Kommunikasie Die Afdeling Strategiese Kommunikasie is verantwoordelik vir die bestuur en koördinering van en toesighouding oor die redaksionele inhoud en grafiese elemente, sowel as vir beheer oor standaarde. Die afdeling sal n pro-aktiewe rol speel in hierdie verband in sy skakeling met diegene wat verantwoordelik is vir inhoud. 5

6 9.1.1 Hoof: Strategiese Kommunikasie Oorhoofse verantwoordelikheid vir die redaksionele inhoud van die UV-webwerf berus by die Hoof: Strategiese Kommunikasie. Dit is in ooreenstemming met die siening dat die UVwebwerf n noodsaaklike werktuig is vir die strategiese posisionering van die UV onder sleutelbelanghebbers intern sowel as ekstern. Die Hoof: Strategiese Kommunikasie is verantwoordelik om toe te sien dat almal wat inligting op die webwerf verskaf en publiseer, voldoen aan die UV-webwerf-beleid en het die diskresie om enige blad te verwyder ná twee kennisgewings in n 14-dae-tydperk as die inhoud van n blad/blaaie nie aan webbeleid voldoen nie Webwerf-redakteur Die Webwerf-redakteur is verantwoordelik vir die oorhoofse gehalteversekering van die redaksionele inhoud van die webwerf. Dit sluit in teks (bv. akkuraatheid en bruikbaarheid), korporatiewe identiteit, inligtingsargitektuur, ens, sowel as die skep van nuwe blaaie en die ontwikkeling van bestaande blaaie. 9.2 Internetkantoor Die Internetkantoor (van Rekenaardienste) verskaf programmerings-, tegniese en administratiewe steun vir die webruimte Web-toepassingsontwikkelaar Die Web-toepassingsontwikkelaar is in beheer van die gehalteversekering van alle toepassings op die webwerf, fakulteits- en departementele toepassings ingesluit, en is verantwoordelik vir die skryf van toepassings wat voldoen aan die oorhoofse behoeftes van die Universiteit. Dit sluit egter die ontwikkeling van fakulteits- en departementeel spesifieke toepassings uit, wat die verantwoordelikheid is van die fakulteits-webbestuurders. Voordat enige poging aangewend word om toepassings op fakulteits- en departementele vlak te ontwikkel, moet goedkeuring van die Web-toepassingsontwikkelaar verkry word om te verseker dat alle programmering, insluitende databasis-toepassings, aan die standaard voldoen. Die Web-toepassingsontwikkelaar het die reg om toepassings te verwyder wat nie aan die standaard voldoen nie. 6

7 9.2.2 Web-administrateur Die Web-administrateur is verantwoordelik vir die sekuriteit van sensitiewe en vertroulike dokumente en van die webwerf in die algemeen. Die Web-administrateur, in oorleg met die Webwerf-redakteur, verleen toestemming tot toegang aan fakulteite, akademiese departemente en steundiensafdelings tot die administratiewe stelsel, sowel as vir die oplaai van nuwe web-toepassings Dit is die Web-administrateur se verantwoordelikheid om te verseker dat die UV se webbediener te alle tye glad en doeltreffend funksioneer. 9.3 Fakulteite, departemente en steundiensafdelings Senior bestuurders Dit is die verantwoordelikheid van bestuurders (registrateurs, dekane, direkteure, departementshoofde, ens) om te verseker dat daardie gedeeltes van die webwerf waarvoor hulle verantwoordelik is aan die UV se Webwerf-beleid voldoen. Dié bestuurders is verantwoordelik daarvoor om personeellede aan te wys wat as Webbestuurders sal optree Fakulteits-/Steundiens-webbestuurders Fakulteits-/Steundiens-webbestuurders word deur die dekaan van die fakulteit of hoof van n steundiensafdeling aangewys om die inhoud van hul blaaie te bestuur wat betref gehalte, akkuraatheid, korporatiewe identiteit, ens. Fakulteits-webbestuurders is verantwoordelik vir die bestuur van departementele webbestuurders (wat aangewys is om hul departementele blaaie te bestuur) om te verseker dat aan die Webwerf-beleid voldoen word Departementele Webbestuurders Departementele Webbestuurders is verantwoordelik vir die bestuur en opdatering van die inhoud van hul departemente se webblaaie. In die geval van kleiner fakulteite word dit aan die Dekaan se diskresie oorgelaat of Departementele Webbestuurders aangewys moet word. 9.4 Personeellede Elke personeellid is verantwoordelik daarvoor om sy/haar persoonlike personeelbesonderhede, soos dit in die Personeelgids verskyn ( op datum en korrek te hou. Dit is wenslik dat akademiese personeellede in die besonder hul CV s, lyste van publikasies en kundigheidsareas op die web publiseer. 7

8 10 BESTUUR VAN INHOUD Om te verseker dat die inligting op die UV-webwerf vars en op datum gehou word, sal die inhoud van elke afdeling van die webwerf bestuur word deur spesifieke departemente of personeellede wat die beste toegerus is om inligting vir daardie bepaalde afdelings te verskaf. Hierdie departemente en personeellede sal verantwoordelik wees vir die inhoud wat verskaf word, en kan n personeellid/personeellede aanwys om inligting te versamel en te verskaf, sowel as om dit op die webwerf te publiseer (tensy anders aangedui). Omdat die Afdeling Strategiese Kommunikasie oorhoofs verantwoordelik is vir die redaksionele inhoud van die webwerf, het daardie afdeling egter finale seggenskap oor aspekte soos styl, taal, aanbieding, ens. [Vir die volledige inhoudsbestuur-tabel, sien Bylaag A] 11 TOEGANG Die UV se webwerf is ontwerp om hoofsaaklik databasis-gedrewe (templaat-gedrewe) te wees en deur middel van die UV-administratiewe stelsel opgedateer te word. Waar nodig kan statiese blaaie bygevoeg en deur middel van FTP-protokol opgedateer word. In albei gevalle moet toegangsregte eers verkry word Toekenning van toegangsregte Om gehalteversekering, tegniese kundigheid en nakoming van die korporatiewe identiteitsriglyne te verseker is dit noodsaaklik dat toegang tot die webwerf beheer word. Die toekenning van FTP-regte sal beperk word tot opgeleide, kundige gebruikers. Hierdie regte word toegeken deur die Web-administrateur, in oorleg met die Webwerf-redakteur. n Register sal in die Afdeling Strategiese Kommunikasie en die Internetkantoor gehou word van alle persone wat toegangsregte verkry het. 8

9 11.2 Vlakke van toegang Verskillende toegangsvlakke is bepaal in ooreenstemming met die behoeftes van fakulteite/departemente/steundiensafdelings Supergebruiker-status is toegeken aan die Webwerf-redakteur, die Webtoepassingsontwikkelaar en die Web-administrateur. Supergebruikers het toegang tot alle blaaie op die webwerf Die Webbestuurder van n fakulteit/steundiensafdeling het toegang tot die fakulteit/steundiensafdeling se algemene inligting, sowel as tot alle departementele inligting binne so n fakulteit/steundiensafdeling n Departementele Webbestuurder het toegang tot sy/haar departement se inligting Alle personeellede het toegang tot die Administratiewe stelsel ( vir die opdatering van hul persoonlike kontakbesonderhede. 12 REGSASPEKTE Die wette wat gedrukte publikasies beheer, is ook van toepassing op elektroniese publikasies. Universiteitsregulasies en -beleid moet ook in gedagte gehou word wanneer stof voorberei word vir publikasie op die UV-webwerf. Enigeen wat onseker is daaroor of inligting in sy/haar blaaie strydig is met enige wet of regulasie, kan daaroor navraag doen by die Hoof: Strategiese Kommunikasie voordat die inligting gepubliseer word Kopiereg In Suid-Afrika is kopiereg net so van toepassing op elektroniese publikasies soos wat dit op gedrukte publikasies is. Enige stof, of dit nou grafiese materiaal (foto s, strokiesprente, sagteware, grafika wat van gedrukte stof of ander webwerwe af ingeskandeer is) of geskrewe teks (artikels, poësie, ens) is, waarvan iemand anders die kopiereg besit, mag nie gebruik word sonder daardie persoon se toestemming nie. Aanvaar altyd dat stof op die Web deur kopiereg beskerm word, tensy n verklaring van afstand van die teendeel getuig. As kopiereg oortree word, kan die eienaar van die betrokke materiaal regstappe teen die oortreder doen. Enigeen wat stof van n ander webwerf in sy/haar blaaie wil insluit, moet eerder n skakel daarheen plaas as om dit net so oor te skryf. 9

10 12.2 Plagiaat Dit is n misdryf om enigiemand anders se stof of lêers te publiseer, ongeag of dit van gedrukte of elektroniese publikasies afkomstig is, of uittreksels uit sulke stof of lêers te publiseer, sonder om erkenning te gee of toestemming te kry van die eienaar van die stof. Aanhalings wat uit n paar woorde bestaan, mag gebruik word mits die skrywer en die werk waaruit die aanhaling gehaal is, duidelik geïdentifiseer word. Plagiaat is n strafbare misdryf. Lêers wat op n bepaalde departement se webwerf beskikbaar is, gee aan daardie departement die verantwoordelikheid om te verseker dat die nodige toestemming van die eienaar verkry is Reg op privaatheid Elke individu het die reg op privaatheid, wat die reg insluit om die gebruik van sy/haar afbeelding te verhoed. Geen foto s of video s van persone mag op n webwerf geplaas word sonder die toestemming van daardie persoon/persone nie Laster Laster is n kriminele en siviele oortreding wat aansienlike finansiële implikasies tot gevolg kan hê. Die publikasie van feite oor individue of organisasies moet akkuraat en kontroleerbaar wees, en sienings en menings moet nie individue in n lig stel wat hul reputasie kan skade aandoen nie Opstokery en aanhitsing Let asseblief daarop dat dit n misdryf is om ander mense aan te hits om n wet te oortree, bv. opstokery om te betoog, aanhitsing tot kuberkrakery, aanhitsing om individue te teister, ens Diskriminasie en teistering Die Universiteit verwerp rassisme en seksisme en streef na n tradisie van nie-diskriminasie wat betref ras, geloof, gender en seksuele oriëntering in die samestelling van sy studente en in die bevordering en aanstelling van sy akademiese en administratiewe personeel. Die Universiteit streef daarna om n veilige werkomgewing te verskaf waar al sy personeellede en studente hul volle akademiese en werkpotensiaal kan bereik. Die Universiteit sal geen dreigement of handeling duld (insluitend die publikasie van blaaie op die UV se webbediener in die domein "uovs.ac.za") wat inmeng met n individu se werkverrigting of studie nie, of wat n werk- of studieomgewing van intimidasie, vyandigheid of vernedering skep op grond van n individu se ras, geslag, oortuigings of seksuele oriëntering nie. 10

11 12.7 Algemene rekenaarregulasies Die Universiteit se Afdeling Rekenaardienste het sy eie reëls en regulasies wat die gebruik van rekenaargeriewe op die kampus geld. Web-skrywers moet hierdie reëls en regulasies bestudeer en nakom Oortredings Die UV het die reg om vanaf enige UV-webbediener enige blad of skakel te verwyder wat in stryd is met die landswette of met UV-beleid en -statute. Enigeen wat die Universiteit se rekenaarhulpbronne misbruik, of n Universiteitsbeleid of - regulasie oortree, kan aan dissiplinêre optrede deur die Universiteit onderwerp word. 13 KONTAKBESONDERHEDE Hoof: Strategiese Kommunikasie Mnr Anton Fisher Tel: x2749 fishera.stg@mail.uovs.ac.za Webwerf-redakteur Mnr Hannes Pieterse Tel: x3502 pietersejl.stg@mail.uovs.ac.za Web-toepassingsontwikkelaar Mnr. Michael van Rooyen Tel: x2645 vanrooyenmrd@mail.uovs.ac.za Web-administrateur Mnr Cecil Brand Tel: x2940 brandc.rd@mail.uovs.ac.za 11

12 Fakulteits-webbestuurders (deur Dekane aangewys) Ekonomiese en Bestuurswetenskappe: Gesondheidswetenskappe: Geesteswetenskappe: Regsgeleerdheid: Natuur- en Landbouwetenskappe Teologie: Bylaag A - Prosedurehandleiding DIE INHOUD VAN DIE ONDERSKEIE AFDELINGS VAN DIE UV-WEBWERF WORD VERSKAF EN OP DATUM GEHOU DEUR DIE VOLGENDE DEPARTEMENTE/PERSONE: (Waar die nodige tegniese kundigheid ontbreek, is die Afdeling Strategiese Kommunikasie verantwoordelik vir die oplaai van nuwe of opgedateerde inligting) (L.W.: Die Afdeling Strategiese Kommunikasie is oorhoofs verantwoordelik vir die redaksionele inhoud van die UV-webwerf, en het daarom finale seggenskap oor aspekte soos styl, taal, aanbieding, ens.) Tog bly dit die verantwoordelikheid van lynhoofde om te verseker dat inhoud op datum gehou word. Afdeling van webwerf Tuisblad UV-feite Geskiedenis Missie Topbestuur Organogram Inhoud bestuur deur Afd Strategiese Kommunikasie Afd Strategiese Kommunikasie Afd Strategiese Kommunikasie 12

13 Bestuurstrukture - Kanselier - Raad - Strategiese Kommunikasie - - Senaat - - Dagbestuur - - Uitvoerende Bestuur - - Studenteraad - SR Beleidsdokumente Taalbeleid Statistiek Diversiteit en Billikheid Studente met gestremdheid Die UV en vigs Fakulteite Departemente Programme Navorsing Samelewingsdiens Steundienste EN Toepaslike departemente soos besluit deur Bestuur Registrateur: Strategiese Beplanning Kantoor vir Diversiteit & Billikheid Eenheid vir Studente met Gestremdhede Vigssentrum Dekane (in samewerking met aangewese fakulteits-webbestuurders - 1 per fakulteit) 1 x Departementele Webbestuurder per departement (onder toesig van departementshoof + Fakulteitswebbestuurder) Dekane Direktoraat Navorsingsontwikkeling + Akademici Hoofdirektoraat: Samelewingsdiens 1 x webbestuurder per steundiensafdeling 13

14 Biblioteek Biblioteek- en inligtingsdiens Internasionale Kantoor Kampuskaart Vakante poste Kampusgebeure Besprekingsforums Aflaaisentrum Personeelgids Advertensies Skakels Kalenders Internasionale Kantoor UV-Bemarking Menslike Hulpbronne Alle UV-personeel en studente Gemoniteer deur Webredakteur Strategiese Kommunikasie bestuur Logistieke Dienste (Posafd) +Menslike Hulpbronne Strategiese Kommunikasie en Internetkantoor moniteer Internetkantoor + SR Voornemende studente Meer oor Kovsies Meer oor Bfn Hoe om aansoek te doen Registrasie Internasionale studente Studentedienste Koste Finansiële hulp Huisvesting Koshuise Nagraadse studie Akademiese Studentedienste + UV- Bemarking UV-Bemarking UV-Bemarking Akademiese Studentedienste (+ UV- Bemarking) Akademiese Studentedienste (+ UV- Bemarking) Internasionale Kantoor Studentedienste Finansies Akademiese Studentedienste (+ UV- Bemarking) Verblyfdienste Individuele koshuise Akademiese Studentedienste 14

15 Studentebedrywighede -Irawa - 97fm - Studenteverenigings - Sportklubs * Studentegebeure * Prospektus * Matrikulant van die Jaar - Irawa-redakteur - 97fm-direkteur - Studenteraad - KovsieSport - Studenteraad - UV-Bemarking - UV-Bemarking Huidige studente Registrasie Nagraadse studie Roosters Eksamens Uitruilgeleenthede e-leer Internasionale studente Studierekords Studenteraad Studentebedrywighede Studenteverenigings Sportklubs Kampusgebeure Kalender Besprekingsforum Personeel Bestuurstrukture Bestuursinligting Beleidsdokumente Statistiek Diversiteit & Billikheid Menslike Hulpbronne Finansies Fisiese Hulpbronne Akademiese kalender Akademiese Studentedienste Akademiese Studentedienste Akademiese Studentedienste Akademiese Studentedienste Internasionale Kantoor WEBCT Internasionale Kantoor Akademiese Studentedienste Studenteraad SR KovsieSport SR SR Gemoniteer deur Webredakteur Menslike Hulpbronne Registrateur: Strategiese Beplanning Kantoor vir Diversiteit & Billikheid Menslike Hulpbronne Finansiese Fisiese Hulpbronne 15

16 Akademiese steun Kampusvakbonde Intranet Kampus-motorhuur Omsendskrywes Grootboek Hoofraam Instandhouding PMP ke nako Peoplesoft Bevoorrading Lokaalbesprekings SHOSO Nehawu Uvpersu Kanaliseer via STRATEGIESE KOMMUNIKASIE Finansies Opgeskort Instandhouding Menslike Hulpbronne Mnr Arie v/d Bijl Bevoorrading Fisiese Hulpbronne E-leer Af-kampus (Slegs tuisblad- & eerstevlak-blaaie) Op-kampus (Slegs tuisblad- en eerstevlakblaaie) Registrateur: Inligtingsdienste en - Tegnologie Registrateur: Inligtingsdienste en - Tegnologie Alumni UV-Bemarking Soek Webwerf-uitleg Kontak ons Internetkantoor Internetkantoor Almal wat gelys is 16