Inhold. Vet Gaaf 3 De krèei 5 Drentse woordzuker 6 Puzzel 7 Bang 8 Rollerscheets 11 Snipsnaoderijen 12 Bertje de moes 14.

Transcriptie

1 Maandewark

2 Moi allemaol, Dit blad is veur je. Het stiet vol schiere verhaolties. Der staot ok puzzels in waor aj mooie priezen mit winnen kunt aj het antwoord opstuurt. Je pap en mam mugt je daor gerust bij helpen. Dit blad is eschreven in het Drents, oeze streektaol. Misschien praot ie Drents of kuj het wel verstaon. Wij wenst je veul schik mit het lezen. En kuj dat nog niet? Laot pap of mam het dan an je veurlezen. Of opa en oma. Der is ok een Maandewark veur volwassenen. Zeg dat maar tegen ze! Inhold Vet Gaaf 3 De krèei 5 Drentse woordzuker 6 Puzzel 7 Bang 8 Rollerscheets 11 Snipsnaoderijen 12 Bertje de moes 14 2

3 Kobus Knien en Ad de Kat De krèei Kobus Knien speult vandaag met Ad de Kat. Kra, kra Een grote krèei scheert over Kobus hen. Hij vuult de nagels over zien oren schrammen. Kobus rent en rent Hij komt in een dreuge sloot terecht. En dan wupt hij in een piep under de grond. Een duker. De krèei wacht veur de ingang. IJ komt der vanzulf wal uut knien. Dan griep ik je met mien klauwen. Ik peuzel je langzaam op. Eerst je oren, dan je steert en dan Lekker! Psst Kobus, probeer die krèei in de duker te lokken. Daag hum maar uut. Zeg hum maar dat hij niks duurt. Dan komt hij vanzelf. Ad de Kat wil de bange Kobus helpen. En dan duurt Kobus wal te schelden. Zwartrok, dikke schieterd. Kom es hier aj duurt! De krèei hipt in de piep. Kobus trippelt an de aander kant der uut. En dan springt Ad de Kat naor binnen. Boven op de krèei. Hij blaost en slat met zien scharpe nagels in de rondte. De krèei schrikt en hipt gauw an de aander kant der weer uut. Lap het niet um nog es achter mien vriend an te gaon. Ik krab je de steert uut je gat! De krèei fladdert gauw wied weg. Uut: Kobus Knien op pad met Ad de Kat. ISBN:

4 Drentse Woordzuker veur de groepen 6, 7 en 8 Puzzel D D L O A P E K K I R E R N K A K K E D E R E N E S E R N E S C H R O U W A K S T E R K O T U S K T T O Z U I D I V R D S S M E R V S M W L L O B U L R I O S E A P N O I R S R L E E R N N T O W H U T E N U E S T E D G A E C E K U I N M K S L D T L E S B O D K T L M A A O L S H K L M E K N E C E O V B O P O C M I O U D A K L R R E H H U E I P E D R I A S E U K C O N U P W E R D T O M L E S S T O E T R E E Z K E O B R E I S N A A K E V Z A A N D B Schrief de zin samen mit je naam, adres, woonplaats en de groep waoraj in zit op en stuur dit op an: Huus van de Taol Postbus AD Beilen Onder de goede oplossings wordt een ipod verloot! Insturen veur 20 april 2010 Uutkomst: AKKEDEREN AOVEND BOEKZEERTE BREUR BRUMMELS EDIK KEBOLTER KRULEKAORE LEDDER MAANDEWARK NIKKOPPEN OLD PUUT RIKKEPAOL ROET SCHOKSCHOLDERN SCHOLDER SCHROUWAKSTER SINGELIER SLAOPMUSSE SLIK STOET TUUNSTOEL UMSTEBEURTEN VASSELDOEK VEKAANSIE VORTKOMMEN WICHT ZAAND ZWIEN Van boven naor beneden: Ie kunt der op rieden en het hef een lange starte. Hierin kuj elke dag het neis lezen. Dit eet ie vaak s morgens. Ie kunt er hagelslag op doen. Hef lange oren en vret wortels. Hier doet ze petat in. Een mak dier dat bè zeg. Ie leest nou van boven naor beneden in de blauwe vakkies de naam van een mooie taal. Schrief de oplossing, samen mit oen name, adres en woonplaats en de groep waoraj in zit op naor: Huus van de Taol Postbus 163, 9410 AD Beilen Onder de goeie inzenders verlote wij een ipod! Ie kunt insturen tot 20 april

5 Bang Ik wil je wat vraogen. Bi j wel es bang west? Zo bang, daj gien vin duurt te verroeren, daj allennig mar strak veur je uut duurt te kieken en niks zegt? Ik bin wel es bang west. Van die iene maol zal ik je wat vertellen. Ik stapte in de bus veur het station. De chauffeur was der nog niet. Drekt nao mij stapte der ok een aander jong in. Zo n dikzak haj nog nooit zien! Zien buuk puulde boven zien boks uut. Der was een knoopje van zien hemd of en zien witte vel gluurde deur een spleet naor buten. Nou, die vetzak hè, gung zomar naost mij zitten. Hij drukte mij stief tegen de kaant. Ik kreeg een zoere zwietwalm in de neus. Hij drukte mij haost plat, ik zul haost stikken. Toen dreide hij zien heufd naor mij toe. Zukke gemiene fonkelnde oogies loerden mij an. Echt zo n gloeperd. Ik krieg nog geld van je, siste hij mij toe. Geld? Ik zul niet weten wat veur geld. Ik har die jongen nooit eerder zien. En waorum geld van mij? As ik der nou an weerum denk, har ik hum dat toch kunnen zeggen? Zo liek in dat gloeperige gezicht: Sodemieter op, idioot daj bint. Geld van mij? Ik ken je ja helemaol niet. Gao vort en probeer een aander benauwd te maken, mar mij niet! Dat har ik kunnen zeggen vanzölf. Mar ik deud het niet. Ik kun der gien woord meer uut kriegen. Ik was bang. Mien mond was dreuge, mien lippen plakten an mekaar. Ik vuulde mien hart haost uut mien ribbenkast bonzen. Wat was ik bang. Die dikzak drukte mij nog stiever tegen de kaant an. Ik krieg geld van je of ik houw je in mekaar, sist hij nog ien maol. Mien underlip plakte an mien bovenlip mar der kwam waorachies een geluud tussen vort. Hiel zachies Mörgen, mörgen heb ik geld! As ik der nou an denk kan ik mijzölf wel veur de kop houwen. Achterlijk rund a k waar. Waorum beloofde ik dat? Waorum was ik zo bang?was het veur dat grote lief? Dat overwicht van minstens meer as zestig kilo? Was het umdat ik zo klem zat, umdat ik gien kaant op kun? Was het um die zoere zwietlocht of zien grelle gemiene ogen? Ik wiet het niet mar ik was gloepens bang. De bus reed vort. Drie haltes wieder stapte die vetzak uut. De aandere dag gung ik een bus later. En de dag daorop weer. Wel virtien dagen lang duurde ik de bus van tien over drie niet te nemen. Die dikkerd heb ik nooit weerum zien. Mar smangs, as ik in de bus van tien over drie stap, vuul ik mij nog slim bang. Zit je haor te roeg, of zit het juust te net, Is je jack niet stoer, draog je een raore pet, Verkeerde mark je t-shirt, je kriegt geheid een kat, Altied wat zeuren, altied is er wat. Zit je boks te strak of is e wat te groot, Is je trui kort en dus je buuk te bloot. Je schoenen die bint prut, ze nuumt je raore trut, Altied wat te zeuren, altied is het flut. Speul je viool, vin je t fijn op school, Hol je van klassiek of is Marco je idool, Krieg je hoge cijfers, ze scheldt van studiebol, Altied wat te zeuren, altied is t te dol. Hol met pesten op, zeur niet an mien kop. t Is toch al te kwaod, aj bang naor school toe gaot. en blieft er echt problemen, dan kropt wij die niet op. Niet liggen te zeuren, meester löst het op. Uut: Tattoo op mien scholderblad 8 9

6 Rollerscheets Op een bargie in het Hollebomenbos stiet het hoes van Krakkemikka de heks. Vlakbij dat hoes lig een bult geel zaand. De kebolters Pim en Pamme bint in dat zaand een zaandkasteel an t bouwen. Zzzjoefff! Daor zoeft wat bij de kebolters langs! Volgens mij is dat Krakkemikka! schrikt Pamme. Wat giet die hard niet, zeg Pim. t Liekt verdorie wel of ze een motorregie an t gat hef! Heks Krakkemikka stiet stil veur de deur van heur hoes. Op blooie voeten giet ze naor binnen. Bint dat stevels die ze oetdaon hef? vrag Pim. t Liekt mij hoge schoenen, antwoordt Pamme. Moej kieken! Der zit radties onder. Dat bint rollerskates Pamme, zeg Pim wies. Ach ja, netuurlijk. Ik heb ok wel zin in een rolscheuvelrittie. Jij dan Pamme? Inplaots dat Pamme antwoord gef runt e veur Pim oet naor de rolscheuvels van de heks toe. Hij springt in de rechter en Pim in de linker. As de vrundties rechtop staot steekt heur kebolterkoppies net boven de raand van de rolscheuvelschoenen oet. Pim flustert: Flink van veur naor achtern wiebeln, dan gaot ze wel an de rol. Ze bint nog maor goed en wel an t wiebeln of de heksendeur vlög open. Wel snötverdubbelies nog an toe! brult Krakkemikka. Wat moet dat daor in mien rollerscheets?! Deroet! Deroet zeg ik! Zo hard as ze kunt drukt en trekt de kebolterties an de schoenen. En ze rolt! De heks runt op blooie voeten achter heur rolscheuvels an. Ho! Stop! Hier op an met mien rollerscheets! schrouwt ze. Gelukkig rolt de scheuvels harder as dat de heks lopen kan. Onderan het bargie staot de scheuvels stil. Gauw springt Pim en Pamme deroet en verstopt zuk onder een brummelstroek. Daor bint ze niet te vinden veur heks Krakkemikka. Die trekt heur rollerscheets an, scheldt van lillijke etterbakken! en scheuvelt moppernd weerom naor het heksenhoes. Uut: Het Hollebomenbos 10 11

7 SNIPSNAORDERIJEN Rapport Henkie komp thuus mit zien rapport. Zie va bekek het en zeg: Da s niet best Henkie, dat verdient straf! Waorop Henkie zeg: Dat vien ik ok pappe! Ik wete wel waor as de meester woont! Bosschuppen doen Jantje giet bosschuppen doen veur zien moe. As hij alles hef giet hij metien naor de kassa zonder op de rij met wachtende meinsen te letten. Een meneer sprek hum an: Hee gao ies achteran staon! Jantje zeg: Dat kan niet meneer, want daor stiet al iene! Kassa Der is circus in het dörp. In de grote tente wordt s middags een veurstelling egeven. Kört veur anvang van de veurstelling löp der een jonggien geregeld hen en weer van de kassa naor de ingang. As hij veur de zoveulste keer veur de kassa stiet, zeg de juffrouw: Woj nou alweer een kaortie kopen? Ja, zeg het jonggien, ieder keer as ik deur het poortie bij de ingang wil, dan scheurt ze mij het kaortie kepot! De weg kwiet Chauffeur in een dörp: Zeg, beste man, kun je mij ook vertellen hoever ik nog van Assen af ben? Dörpsbewoner: Maor meneer, daor bej al een half uur veurbij! Chauffeur: Dat is jammer, dan moet ik helemaal terugrijden. Dörpsbewoner: Niks heur, meneer; ie kunt hier gewoon de auto dreien en dan weer veuruut rieden. Kinderfeesie Marrie gef straks heur kienderfeesie. Heur moe zet allemaol flessen cola in de koelkaste. Marrie zet der een lege flesse bij. Waorum doej dat? vrug Marrie heur moe. Misschien bint der wel kiender die gien drinken hoeft, zeg Marrie. Wratte Peter, wat bi j toch stille vandage. Ja, tante, dat komp umdat mamme mij een euro beloofd hef a k niks van die rare wratte op oen neuze zeg. Raadsel Het is zwart, gevaorlijk en zit in een boom: een krei met een mitrailleur. Haost Waorumme zit ie toch aldeur in dat boek te lezen, Gerda? Umda k mörgen negen jaor wordt en t is een boek veur kiender van zes töt acht jaor. Een slak Een slak-hoofdweg zeuven- in Drouwen Wol geern met n aander slak trouwen. Maor doe zee de slakkin: Ik kan niet bij je in. IJ moet eerst je hoes gaon verbouwen. Harm Koops Uut: Drèents Kienderboek ISBN: Huuswark Meester: Is der ok iene van oe die een veurbeeld geven kan van het spreekwoord: eerlijk duurt het langst? Jannegie: Ikke wel, meester: as mien pappe mien huuswark maakt, dan is e der mit een half ure klaor mit. En as ik dat zölf doen mut, dan kost mij dat wel minstens een ure

8 Bertje het moesie bij de buurvrouw He, pssst! Oehoe! Luster ies even naor mij. Kom ies wat dichter bij mij, dan kuj mij misschien wal zitten zien. Ik zit achter Bertje. Kuj mij nou al zien? Nog niet? Och, dat gef ok niks. Ik wol je even wat vertellen over Bertje. Je kent Bertje toch wal? Of niet? Nee? Bertje is een moesie. Hie hef een gries boksie an en een broen pettien op de kop. Hie woont bij de buurvrouw. De buurvrouw, die ken ie toch wal? Zie fietst wal ies bij je veur t hoes langs. En soms giet ze lopend veurbij, dan hef ze een grote tas bij zuch veur de bosschuppen. Nou, bij die buurvrouw woont Bertje. Al hiel lang. Gao maar ies kieken bij de buurvrouw. De buurvouw hef een stapelie bloempotten op de kop in het aanrechtkastie staon. Daor hef Bertje zien hoesie in maakt. As Bertje ies in het hoes kieken wil, dan mot e langs de la met de grote messen. Dat is wal gevaorlijk veur hum. Hie mot goed oppassen dat e niet op het eerpelschelmessie stapt of op de gemiene scharpe rasp. Maar as e daor veurbij is, dan kan e overal hengaon waor as e wil. En vandaag mot Bertje naor boeten. Hie MOT naor boeten, oet zien bloempothoesie. Want hie is zo neisgierig. Wat zul der toch an de haand wezen bij de buurvrouw? Aalgedurig giet de bel. Dan lop de buurvrouw naor de veurdeur en dan heurt Bertje kinderstemmen. En ze zingt. De kinder zingt en het is donker! Zukswat gebeurt aans nooit. Daor mot Bertje meer van weten. Hie klimt zo gauw as e duurt an de scharpe messen langs en lat zuch umdeel glippen. De deur van de gang stiet op een kiertie. En as Bertje stiekem um de deur kek, zöt e kinder op de stoep staon. Ze zingt een liedtie veur de buurvrouw, een versie over lampionnen. Maor dan? Dan pakt de buurvouw oet een grote plastic puut een haandvol snoepies en die gef ze an de kinder. Zo maor. Alle kinder met een lampionnegie die zingt, kriegt snoep of een taaitaaigie of speculaos. Oh, maor dat wil Bertje ok wal. Hie is toch wal zo gek op snoep. En op hagelslag, en op appels en op rooie bieten. Och, eigenlijk lust Bertje alles wal; hie lust allén gien citroenen. Die vindt e zo zoer! Maar nou hef e toch zo n zin an zo n snoepie. Har e ok maor een lampion. Of kun e ok maor zo mooi zingen. Nee, as Bertje zingt, komp er allennig maor gepiep oet zien hals. Hie is ja ok een moesie... Bertje wordt er wat stil van. Was e ok maor een kind met een lampion. Met zien koppie naor beneden slentert e weer naor zien bloempothoesie. Hie giet in zien nussie van gaoren en een olde sok liggen. Hie zucht en valt al gauw in slaop. KLEP! Daor schrikt e wakker. De buurvrouw gooit een plastic puut in het aanrechtkastie. Bertje wref zuch ies in de ogen en wordt dan pas goed wakker. Is dat niet de puut van de snoepies? Ja toch? Hmm, zölfs de puut rök lekker. Zuut en een beetie naor fruit en koek. Haha, daor mot e ies even op of! Bertje kan met zien hiele liefie in de puut krupen. Het lek wal een speurtocht. Hie klimt en kröp hielemaol deur alle volden van het plastic. Het lek net of het aal lekkerder begunt te ruken in de plastic puut. Zul der soms nog een snoepie in zitten? Zul de buurvrouw niet goed keken hebben en niet alles weggeven hebben? Bertje wordt nou ongeduldig. Hie trippelt en klauwt met zien pooties deur het plastic hen. Tot hielemaol under op de bodem. En daor vindt e een hieleboel krummelies. Van taaitaai en speculaosies. Oh, wat vindt e dat lekker! De krummels zit in zien snorhaoren en plakt in het haor van zien nekkie. Zien buuk is dik van de koekkrummels. En oh, wacht ies: hielemaol in de punt van de puut, daor zit nog wat. Zul dat misschien toch nog zo n lekker roze snoepie wezen, of een marsie of een mandarijn? Bertje trippelt langs de underste naod van de puut. En ja hor, daor vindt e eindelijk een snoepie. Der zit een wit papiertie umhen. Op dat papiertie stiet een gele vrucht. Bertje nimt veurzichtig een klein happie, en dan trekt zien oren zowat in zien bekkie, zo zoer smaakt het. Brrrr... Och, dat is nou jammer veur Bertje, het is een snoepie met citroensmaak! 14 15

9 16