PSALM 23 : 1 DOOP. Votum en seën. Psalm 145 : 1, 2 (vers 1 saam met katkisasiekinders) Geloofsbelydenis: Twaalf Artikels

Transcriptie

1 PSALM 23 : 1 DOOP Votum en seën Psalm 145 : 1, 2 (vers 1 saam met katkisasiekinders) Geloofsbelydenis: Twaalf Artikels Wet: Exodus 20:1-17 (AV 1933/53) Psalm 128 : 2, 3 (by 7e gebod) Formulier vir die Bediening van die Heilige Doop aan Kinders Psalm 23 : 1 (na doop) Skriflesing: Psalm 23 (AV 1933/53) Teks: Psalm 23:1 (AV 1933/53) Preek: Die Here lei en beskerm en versorg Sy kinders oorvloedig Gebed Kollekte Psalm 36 : 2 Seën Skrifberyming 13-3 (78) Ook: Sb 11-1 (22) : 11 Ps 32 : 4 Ps 80 : 1, 10

2 2 As n mens gevra word om uit Psalm 23 te preek, dan wonder jy of daar nog enige iets nuuts oor hierdie Psalm te sê is. Jy besef dat die meeste mense wat in die kerk gaan wees wanneer jy hierdie Psalm behandel, waarskynlik in hulle lewe al tientalle preke en oordenkings oor hierdie Psalm gehoor het; om nie eers te praat van hoeveel kere hulle al by was waar dit voorgelees was nie en van al die kere wat hulle dit al self gelees het nie! Maar daar hoef nie altyd in n preek iets nuuts oor n Skrifgedeelte gesê te word nie. Ons as gelowiges het partykeer die behoefte juis om deur bekende woorde getroos en bemoedig te word. Kom ons laat ons dan vanoggend moed inpraat deur hierdie bekende, pragtige lied wat die Heilige Gees deur Dawid vir die kerk van die Here gegee het n lied wat sing hoe die Here Sy kinders oorvloedig versorg en beskerm en lei. Ons gaan eers kyk waarom die Here se versorging en leiding en beskerming nodig is, dan na vir wie Hy dit gee, en dan na wat dit inhou. 1. WAAROM DIE HERE SE VERSORGING EN LEIDING EN BESKERMING NODIG IS Dis waarskynlik een van die sake in hierdie Psalm waaraan nie altyd die nodige aandag gegee word nie en wat maak dat die troos en die moed wat hierdie Psalm gee, soms n bietjie oppervlakkig en sentimenteel aangebied word Hierdie Psalm veronderstel nie n paradys waar alles altyd mooi en perfek is nie. Dit hou rekening met die harde werklikheid van hierdie aardse lewe. Om die waarheid te sê: dit wat hier staan, sou ons nie so aangespreek het as alles in ons lewens net altyd mooi en lekker was nie. Hoekom spreek dit n mens aan as die Here vir ons belowe dat niks ons sal ontbreek nie? Omdat dit so maklik in hierdie lewe kan gebeur dat jy in n situasie beland waar jy nie alles het wat jy nodig het nie.

3 Hoekom spreek dit n mens aan as ons hoor van die waters waar daar rus is? Omdat ons die onrus en die moeg-word van hierdie lewe ervaar. 3 Hoekom word die spore waarin ons gelei word, spore van geregtigheid genoem en nie sommer net spore nie? Omdat daar, behalwe die spore van geregtigheid ook spore van ongeregtigheid is, verkeerde paaie naas die regte paaie. Ons hoor selfs in hierdie Psalm van die dal van doodskaduwee n uitdrukking wat n mens benoud maak. Daar s n diep, donker kloof waar die dood jou inwag! Ons hoor van onheil, slegte dinge in hierdie lewe wat ons as mense bang maak. Ons hoor van teëstanders, mense wat téén jou is en wat daarop uit is om die lewe vir jou moeilik en sleg te maak. Hierdie Psalm is nie n mooi gediggie vir mense wat idilliese lewens lei nie. Dis vol verwysings en sinspelings op node en gevare wat mense in hierdie wêreld bedreig. Dink maar net aan die benoudhede wat Dawid, die digter van hierdie Psalm, in sy lewe beleef het: - n leeu en n beer wat die skape aanval wat hy as jong seun opgepas het; 1 - om die tot-die-tande-toe-gewapende reus Goliat tegemoet te stap, net met sy slingervel en klippies; 2 - om n voortvlugtige te wees wat elke keer net-net wegkom as die keur van Saul se veiligheidsmagte na hom soek; 3 - om uitgelewer te wees aan die genade van die aartsvyande van die Israeliete die Filistyne; 4 - om te voet te moet vlug vir die verraad van jou eie seun, as hy n staatsgreep uitvoer. 5 Dit was nie goedkoop woordjies wat Dawid in hierdie Psalm neergepen het nie. Hy was dáár waar gebrek hom in die gesig gestaar het. 1 1 Sam 17: Sam 17: Sam 23:25-26; 24:3-4; 26:2-3; 27:1 4 1 Sam 21:10-13; 27:5; 29:4 5 2 Sam 15:14 e.v.

4 4 Hy het onheile in allerhande verskillende vorme beleef. Hy het gesien hoeveel gesigte teenstanders in hierdie lewe kan hê. Hy was meer as een keer in daardie dal van doodskaduwee. En dis ál hierdie node en gevare van die aardse lewe wat maak dat hy en ander mense die Here se versorging en leiding en beskerming so bitter nodig het! 2. VIR WIE DIE HERE DIT GEE Dis waarskynlik n tweede saak in hierdie Psalm wat nie altyd genoeg aandag kry nie: dat jy die troos en die bemoediging van hierdie Psalm nie maar sommer net vir enige een kan toesê nie. Dis bedoel vir kinders van God. Die Naam van die Here wat hier in vers 1 gebruik word, impliseer dit al. Dis die Here se Verbondsnaam, die Naam wat ons daaraan herinner dat die God van die hemel en die aarde Hom aan spesifieke mense verbind het met beloftes wat Hy vir hulle spesifiek maak en met opdragte wat hulle in gehoorsaamheid aan Hom moet uitvoer. Die Verbonds-God is die God van verbondsmense. Die beeld van die herder en die skape impliseer dit ook. Die herder het n spesifieke skaaptrop waarvoor hy sorg en wat hy lei en wat hy beskerm. Jy moet eers n skaap van hierdie spesifieke herder se kudde wees voordat jy gaan wei waar hy sy skape vat en gaan rus waar hy hulle laat neerlê en deur sý stok en staf gelei en beskerm gaan word. Dieselfde word in die laaste twee verse van hierdie Psalm geïmpliseer deur die beeld van die gasheer en sy gaste. Jy moet n genooide gas wees wat gekom het en aan die tafel van die gasheer aansit, voordat jy sal kry wat hy vir sy gaste uitdeel!

5 5 En as jy nie in die spore van geregtigheid waarop die Herder jou lei daardie voetpaadjies waarop Hý wil hê dat jy moet loop gaan nie, hoe kan jy dan die ek en die my wees wat in hierdie Psalm praat? Hierdie Psalm is nie bedoel vir mense wat geen band met die Here het nie, of vir mense wat aanhou om die paaie wat volgens die woord en die wet van die Here verkeerd is, te loop nie. Hierdie Psalm se troos en moed is bedoel vir mense wat gehoor het dat hierdie goeie Herder eens op n tyd ook in hulle skoene kom staan het en Sy lewe daar aan n kruis op Golgota vir hulle afgelê het, en wat deur die werk van die Heilige Gees daartoe gebring is om met hulle hele hart te glo dat Hy dit vir hulle persoonlik ook gedoen het, en wat daarom met God versoen is en wat nou met n band wat ewig bly, aan Hom vasgebind is en wat só verander is dat dit nou hulle hartsbegeerte geword het om elke tree in die spore van geregtigheid te trap Wat die Here in hierdie Psalm vir mense belowe, toesê, word vir kinders van die Here belowe. Wat is dit wat Hy vir hulle belowe? 3. WAT HY BELOWE Alles wat die Here verspreid deur die Bybel vir vir Sy kinders belowe vir hierdie aardse lewe én vir die ewigheid word in hierdie lied in twee bekende beelde beskrywe: - die beeld van n skaapwagter en sy skape; - en die beeld van n gasheer en sy gaste. Die herder in die wêreld van destyds, wat dag en nag saam met sy skape geleef het wat die uitsoek-weivelde ken, waar die jong groen grassies is die lekkerste kos vir n skaap! en hulle soontoe vat; wat weet waar die drinkplekke is waar die waters nie stroom en bruis nie, maar rustig vloei, soos skape daarvan hou, en wat hulle soontoe lei let wel: lei, nie aanjaag nie,

6 6 want die herder weet van die dragtige ooie en die klein lammertjies wat nie vinnig kan loop nie; 6 wat sy skape verkwik herstel, genees, verfris: dié wat seergekry het, verpleeg; dié wat swak en siek geword het, help om gesond en sterk te word; wat sy skape daar waar baie voetpaadjies van mense en diere kruis en dwars loop in die veld, op die regte paadjies laat loop, wat hulle gaan uitbring waar hy hulle wil hê; en wat in onherbergsame dele presies weet waar die regte paadjies is waarop skape kan loop sonder om oor klippe te struikel of in slote te val of by onverwagse afgronde af te tuimel; wat n stok gehad het, eintlik iets soos n knopkierie, wat hy as n wapen kon gebruik wanneer sy skape bedreig word; en wat n staf gehad het, so n lang herderskierie, wat n mens altyd op afbeeldings van herders van destyds sien, n staf waarmee hy die skape kon hanteer - hier n bietjie soontoe druk; - daar n bietjie voorkeer Dis die een beeld in hierdie Psalm waarmee die beloftes van die Here verduidelik word: dié van die Herder en Sy skape. Die ander beeld is dié van die gasheer wat vir sy gaste n fees-ete gereed maak, wat nie soos wat n gasheer destyds vir spesiale gaste gedoen het net n bietjie lekker-ruik olie oor hulle uitdrup nie, 7 maar wat dit oor hulle uitstort sodat dit van hulle koppe afstroom; wat hulle nie net n bietjie van sy heerlike dranke laat drink nie, maar wat hulle beker so vol maak daarvan dat dit oor die rand van die beker loop; wat hulle uiteindelik nie net by hom laat kuier nie, maar vir altyd by hom laat bly soos kinders in hulle vader se huis Die Here is vir Sy kinders hierdie Herder en Gasheer. 6 Jes 40:11 7 Vgl bv 2 Kron 28:15

7 7 Hy versorg hulle met alles wat hulle liggame nodig het om Hom te kan dien in hierdie aardse lewe én Hy versorg hulle met alles wat hulle vir die ewige lewe saam met Hom nodig gaan hê. Hy lei hulle só met Sy woorde Sy beloftes en Sy bevele dat hulle siele werklike rus leer ken en dat hulle nóú al nuwe paaie in hulle lewe begin loop die régte paaie. En Hy beskerm hulle aardse lewe solank Hy hulle op hierdie aarde wil laat lewe, én Hy beskerm hulle band met Hom só dat geen mag in hierdie heelal ooit Sy kudde selfs met een minder sal kan maak nie! En Hy berei vir ons n fees voor waarvan niemand kon droom nie waar Hy dié wat Hy genooi het en wat Hy laat Ja sê het op die uitnodiging, sonder ophou gaan oorlaai met alles wat mooi en goed en reg is die ewige heerlikheid word hierdie fees genoem; die lewe in die volmaakte wonderlikheid wat daar is waar God is Dís waarmee hierdie lied God se kinders troos en moed gee in n wêreld vol node en gevare: - Sy beloftes om ons soos n getroue Herder te lei en te beskerm en soos n rojale Gasheer met oorvloed te versorg TOEPASSING Dit verbaas n mens nie dat kinders van die Here met hierdie bekende lied getroos en bemoedig wil word nie. Waar is daar nog so min woorde wat so baie sê? Waar word nog so direk met n mens se hart gepraat soos hier? Wie van ons beleef nie die harde werklikheid van hierdie aardse lewe wat maak dat die woorde van hierdie Psalm soos hemelse musiek in ons ore klink nie? Luister dan vandag weer self na hierdie lied wat sing van die Here wat ons lei en wat ons beskerm en wat ons versorg as die ware Herder en as die onoortreflike Gasheer. Maar gaan leer hierdie lied dan ook vir u kinders.

8 Moenie die harde werklikheid vir hulle wegsteek nie. En maak hulle groot om skapies te wees wat in n band met die Here lewe. Leer hulle om Hom te volg op die paaie wat Hy vir ons wys. Wys hulle hoe n mens Ja sê as die Here jou na die ware feesmaal toe roep. En praat hulle altyd moed in al sê die koerant-opskrifte van hierdie wêreld wat ook al met hierdie lieflike beloftes van die Here. Hulle moet weet van die niks wat hulle sal ontbreek nie, en van die waters waar daar rus is, en dat doodskaduwee en onheile ons nie bang hoef te maak nie, en van die Herder se stok en staf, en van die beker wat oorloop, en van die huis waar ons ewig gaan bly. As ons kinders hiérdie dinge weet, dan sál hulle mos reg wees 8 AMEN