Gereformeerde Kerk Bloempark Jona en geestelike groei

Transcriptie

1 Teks: Jona 2:1-3:3 Gereformeerde Kerk Bloempark Jona en geestelike groei Inleiding Geestelike groei! Hoe werk dit, wat is dit, hoe beleef ek dit? As jy n gelowige is, is daar dikwels n behoefte hieraan wat gewoon kom uit jou nuwe hart wat die Gees aan jou gegee het. Ander kere kom die behoefte meer as n verrassing! Ek dink, ek s ok., maar dan kom ek in n situasie waarin ek besef, ek s nie ok nie, en ek besef: Ek het meer nodig, ek het nodig om nader aan die Here te wees, meer van Hom te weet en te verstaan. Preek Die verhaal van Jona is duisende jare oud en tog, dis die Wonder van die Bybel, is dit vir ons steeds relevant ook as dit kom by hierdie onderwerp. Dink saam met my: Jona is n profeet van God! Hy t beslis n verhouding met God gehad. Hy was n prediker. Hy het geglo in God. Hy t n begrip gehad van wie God is en wie hyself is in sy verhouding met God. Dit gaan met hom relatief goed. Die wêreld waarin hy leef is vir hom bekend. Maar toe verander sy wêreld! God roep hom Nineve toe! Totaal ander wêreld, n ander bedieningsituasie. Nineve is die hoofstad van Assirië, n opkomende wêreldmag. Dis n nasie en n stad bekend vir hulle gewelddadigheid en oorlogslus. n Duidelike bedreiging vir Jona en vir sy volk se toekoms. God roep vir Jona om daar te gaan bedien! En Jona doen wat ek en jy ook sou doen, dink ek: Hy freak uit! Het hy God vertrou tot op hierdie punt in sy lewe? Ja, maar hierdie ding vra n hele nuwe vlak van vertroue! Was hy nederig, diensbaar tot op hierdie punt? Verseker! Maar as hy dink oor die mense na wie God Hom toe stuur sien hy nie kans nie. Dit vra n hele nuwe vlak van diensbaarheid, van nederigheid. Sou hy homself as n rassis beskryf? Waarskynlik nie. Maar as hy dink oor hierdie mense na wie God hom toe stuur is daar n haat, n afkeer waarvan hy nie eers bewus was nie! Jy sien, sy vlak van geestelike funksionering was goed vir die ou situasie, vir sy bekende wêreld. Maar skielik, in hierdie nuwe situasie, val alles inmekaar en hy weet nie wat om te doen nie! Ons ken dit nie waar nie? Vra ons wêreld, ons land se situasie nie daagliks van ons n nuwe vlak van vertroue, van geloof, van selfondersoek nie? Dalk is dit jou persoonlike situasie wat dit vra, jy s naby aan aftree en dit bring nuwe uitdagings, jy het jou werk verloor, n geliefde aan die dood afgestaan, jy moet in die week gaan vir toetse om uit te vind of dit kanker is. Wat dit ook al is, dit gebeur met ons want ons wêreld bly gewoon nie dieselfde nie. Al hierdie dinge gebruik Hy om ons te laat groei! Dis wat met Jona gebeur. God kom daag sy wêreld uit! Sy eerste reaksie is om weg te hardloop, maar die Here los hom nie. Hy eindig op in n boot in n storm wat van die Here af kom en hy word oorboord gegooi en hy sink, en n groot vis sluk hom in! En in hierdie vis, kry hy kans om te dink, te bid! As n mens daaroor dink is daar nie baie ander dinge om te doen in n vis nie. Snaaks, maar dis wat baie van ons nodig het. Stil-word-tyd, dinktyd, bidtyd. Dis waar Jona se geestelike groei begin! Dis wat Jona kry en daar s n deurbraak want, aan die einde sien Jona kans. Dis dieselfde situasie. Niks het verander nie, maar hy sien daarvoor kans. 1

2 Wat is die hart van geestelike groei? Ons sien dit in die einde van Jona se gebed. Vers 8 en 9. As Jona dit snap, dit dieper verstaan, dan laat God hom gaan en dan kry hy weer sy ou uitdaging! Hy moet steeds Nineve toe, maar hy s reg om dit aan te pak! Wat is dit? Wat lê in die hart van hierdie verandering, van sy deurbraak en groei? Onverdiende, onverganklike liefde, genade! Luister na vers 8-9: Jona sê: Die wat nietige afgode vereer, verlaat die Een wat vir hulle goedertieren is. Ek daarenteen sal aan U offer met n stem van lof; wat ek beloof het, sal ek betaal. Die heil behoort aan die HERE. Dis in die hart van wat Jona leer! Ek het die genade wat myne kon wees, opsy geskuif! Dis wat gebeur as jy in iets of iemand anders as die Here jou verlossing soek. Ek wil nie meer nie, sê Jona! Verlossing is van die Here af. Vriende, hierdie is n sleutelvers in die Bybel! Dit vat Jesus se hele bediening en boodskap saam. Dis wat God vir my en jou wil wys. Dis wat ons oor en oor moet leer en elke keer as ek en jy voel asof ons op n geestelike vlak n deurbraak maak, sal dit in die middelpunt daarvan wees. Ons sien baie keer die wêreld so: Daar s godsdienstige mense en daar s nie-godsdienstige mense. En in n sekere sin is dit so. Daar is mense wat gewoon sê, daar is nie n God nie, of as daar n God is, het ek hom nie nodig nie, ek het nie verlossing nodig nie. Dan is daar die wat wel glo in n god, die godsdienstiges. Die vraag is egter, wat glo die meeste godsdienstiges oor verlossing? Die natuurlike godsdienstige hart glo verlossing hang van myself af. Ek moet hou by die god wat ek aanbid se reëls om verlos te word. So die nie-godsdienstige sê, ek het nie verlossing nodig nie. Die godsdienstige sê, verlossing hang van my af. Dit maak die boodskap, hierdie boodskap waarby Jona uitkom, totaal en al uniek. Want dit sê, verlossing is van die Here af! Totaal en al van Hom af! Hierdie waarheid is wat van iemand n Christen maak as hy of sy dit die eerste keer besef, en dis ook die sleutel tot jou geloofsgroei, jou geestelike groei! Het Jona iets geweet van God se genade voor hierdie hele ervaring in die boot en die vis? Ja. In hoofstuk 4:2 sê hy ietwat ironies: Ek het geweet U is n genadige en barmhartige God, lankmoedig en vol liefde. Dis nie dat Jona God en sy genade nie geken het nie. Hy het! Maar hy t dit nie geken soos Hy dit nou leer ken het nie. Nou vriende, as Jona, profeet wat direkte openbaring van God af gekry het, as hy nie genade eensklaps ten volle verstaan het nie, wie s ek en jy om te dink ons kan? Ons kan nie, en daarom is elke deurbraak, elke stukkie geestelike groei gekoppel aan n dieper verstaan van hierdie groot saak! Hoe gebeur dit, hoe kry ek n dieper verstaan van die genade? Dit moet op drie vlakke gebeur. Kop, hart, hande! Ek moet meer leer van genade met my kop. Ek moet meer beleef van genade in my hart, my emosies, en ek moet uit hierdie genade gaan leef! Kom ons dink bietjie hieroor na: Luister weer saam met my na vers 4 want hier sien ons duidelik die twee dele waaruit genade bestaan: Ek het gedink ek het uit u gesig verdwyn (ek is weggestoot, weg van u oë), maar tog sal ek weer u heilige tempel aanskou. Verdien hy om weggestoot te word? Ja, hy t sy rug op God gedraai. Hy dink dis wat gaan gebeur. Is dit wat gebeur? Nee, God stoot hom nie weg nie. Skuld God hom iets? Nee, hy skuld hom niks! Genade is onverdiende, vrywillige guns! Hier s voorbeelde om te help verstaan: 2

3 Jy werk vir n goeie baas wat baie moeite doen vir jou en almal wat vir hom werk! Iemand by die werk reël dat almal bydra tot sy verjaarsdaggeskenk en jy dra ook by. Is dit uit genade dat jy bydrae? Nee, dis goeie maniere en dis wel vrywillig, jy doen dit nie uit verpligting nie, maar hy het dit op n manier verdien, nie waar nie? Dis nie genade nie. Gestel jy werk vir n baas wat oraait is, maar nou nie wonderlik nie. Gestel hy kom by jou en vra jou om, soos jou kontrak dit vra, oortyd te werk aan goed wat hy eintlik moes gedoen het. Jy doen dit. Is dit genade? Nee, want jy was onder verpligting. Ja, hy t nie jou hulp verdien nie, so jy doen dit onverdiend, maar die rede waarom jy dit doen is omdat jy moet. Dis nie genade nie. Gestel jy werk vir n slegte baas! Hy behandel jou baie sleg. En skielik word hy siek. En jy klim in en jy doen sy werk en jou werk en jy ry na werk en vat vir hom kos en medisyne en vat sy klere huis toe en gaan was dit. Wat is dit? Dis genade. Hy t dit glad nie verdien nie en jy doen dit vrywillig! Jy was onder geen verpligting om dit te doen nie. Dis die genade wat God vir ons het! Dis onverdiend en vrywillig, uit sy hart uit! En die moeilikheid is dat ons koppe gewoonlik by een van die twee dele vashaak. Baie van ons, sien onsself nie as so swak en behoeftig dat ons niks verdien nie. So die onderverdiende deel van genade tref ons nie! Ander van ons is weer so geweldig bewus van hulle swakheid, oorbewus daarvan dat hulle nie kan raaksien dat God se genade totaal en al vrywillig is nie. Ons het nodig om vergewe te word, maar ons moet besef God doen dit gewillig! Ek moet dit deurdink en dit gebeur veral in daardie tye waar dinge bietjie uitmekaar val. Maar as ek dit laat verbygaan, as ek nie tyd spandeer om in die moeilike tye hierdie waarheid te deurdink nie, kan ek daarop uit mis. Dink in jou kop oor God se genade! Ek het egter ook nodig om sy genade met my hart te voel! Dit moet jou hart raak. En dit gebeur as ek sien hoeveel hierdie genade kos! Dat dit nie goedkoop genade is nie. Het jy opgemerk dat Jona n paar keer verwys na die tempel? Dis tog vreemd, want hy s nie naby die tempel nie. Waarom die heeltyd dink aan die tempel? Want Jona weet God kan nie net vergewe nie. Aan die anderkant, is hy ook nie sonder hoop op vergifnis nie. Nee, hy kyk na die Tempel. Want daar word offers gebring nie waar nie? Daar word betaal vir die onreg. Daar vloei bloed, maar nie die bloed van die sondaar nie! Hier s die uitdaging wat ek en jy ook het met onreg en verkeerde dinge wat ons aangedoen word. Dink vir n oomblik as iemand jou regtig indoen op n manier en jy laat dit net gaan. Wat gebeur dan? Die boosheid en onreg seëvier nie waar nie? Die persoon loop vry rond en kan dit aan die volgende iemand ook doen. Boosheid wen! Maar as jy nie vergewe nie, as jy vergeld? Dan is daar nie genade nie, en as daar glad geen genade is nie, dan is almal van ons in die moeilikheid en dan wen boosheid en onreg op n manier steeds! Dis die dilemma van vergifnis! Tensy daar n plaasvervanger is, iemand wat bereid is om in te staan vir die onreg, iemand wat die straf dra, sodat daar vergewe kan word maar terselfdertyd reg geskied. Jona soek daarna in die tempel! As ek en jy regtige die koste sien, kan ons harte nie dieselfde bly nie. So, ek deurdink sy onverdiende, vrywillige genade met my kop! Ek beleef dit met my hart as ek die koste sien daarvan vir God. En ek gaan leef vanuit hierdie waarheid. Ek moet gaan leef met hierdie waarheid in my hart: Ek is so geliefd! Ja, ek is so opstandig, so sondig, so skuldig dat dit nodig was vir Hom om in my plek te sterf, maar ek is so geliefd, so waardevol vir Hom dat hy dit vrywillig doen. Dis wat Jona doen nie waar nie? Luister na vers 9: Terwyl ek n loflied sing, wil ek aan U n offer bring; wat ek beloof het, sal ek doen. 3

4 Wat is die offer wat hy wil bring, wat is die belofte wat hy gemaak het wat hy nou gestand wil doen? Dis natuurlik die belofte wat enige profeet sou aflê, naamlik om te gaan waar die Here hom ook al heen stuur, selfs al is dit gevaarlik, selfs al hou hy nie van daardie mense nie. Hy offer homself! En dis in hierdie uitleef van die genade, hierdie gehoorsaamheid dat sy besef, sy verstaan, sy denke oor, sy belewenis van die Here se genade weer uitgedaag sal word. Sien jy die kringloop? Moeilike situasie, deurdink die genade, beleef die genade, gaan leef vanuit die genade, gehoorsaam, moeilike situasie, deurdink die genade....! Dink oor Jesus se vrywillige, onverdiende offer! Beleef die koste daarvan! Gaan en doen wat die Here vra! Dit is geestelike groei! Hoe weet ek dat ek groei? Dis moeilik, want dis baie keer soos om in die gym te oefen. Ek bedoel, voel ek of ek sterker word terwyl ek gym? Nee, nie sommer nie. Maar as ek terugkyk na n paar weke se oefening kan ek sien, ek hardloop verder, ek tel swaarder gewigte op. Dis dieselfde met geestelike groei. Daar is egter n paar dinge waarna jy kan oplet. Kyk wat gebeur met Jona. Hy oorwin sy vrees. As dieselfde woord van die Here kom en hom roep om Nineve toe te gaan, dan is sy antwoord: Ja! Ons word baie keer verlam deur vrees. Vrees vir mislukking in God se oë of vrees vir mislukking in ons eie oë! Ek gaan nie aan God se standaarde kan voldoen nie, so ek gaan dit nie probeer nie. Of, ek gaan nie aan my eie standaarde voldoen nie, so ek gaan dit nie probeer nie. Jona is vry hiervan, of laat ek sê vryer as wat hy was! Hy weet hy s sondiger as wat hy ooit kan besef en meer geliefd as wat hy ooit kan droom. Daarom is hy nie bang vir mislukking nie! Ek kan maar gaan probeer, want God het my reeds op my slegste gesien. Jy sien, die evangelie gee vir jou n nederige selfvertroue, of nederige godsvertroue. Verder weet Jona sy lewe is in die hande van n God wat na regte sy lewe kon neem, maar dit gespaar het op n wonderbaarlike manier, so hy s nie meer bang om sy lewe in die God se hande toe te vertrou nie. So, hy s baie meer vry van vrees as wat hy was. Hy s ook vryer van trots! Vry van neersien op ander mense. Nog nie heeltemal nie! Daar s nog werk om te doen soos ons sien in die res van die boek. Maar tog, en dit gebeur eintlik alreeds in die boot as hy hierdie afgodsaanbidders sien, mense op wie hy voorheen neer sou kyk, en besef, dis nie reg dat hulle as gevolg van my sterf nie. Die genade het hom nederig gemaak. Hy wil nie meer God se verbondsliefde net toe-eien vir homself en vir Israel nie. Nee, dis ook vir hierdie mense! Merkwaardig! Vry van vrees, en nederig! Reg om deur God gebruik te word. Sien jy hoe God se genade jou stukkie vir stukkie vry maak van jou aardse vrese, hoe dit jou nederig maak, vol liefde, soos Hy jou liefhet? Dis tekens van geestelike groei! n Laaste gedagte en dit kan voel soos ja duh maar ek wil dit tog vinnig noem. Ons het nodig om voortdurend geestelik te groei. Die gevaarlikste plek is eintlik daardie plek waar ek voel ek s nou eintlik oraait! Ek het genade onder die knie! Weet jy wat gemaksone is n lekker plek, maar niks groei daar nie! En God weet dit! Daarom los Hy ons nie daar nie! Hy sal ons Nineve toe roep soos vir Jona! En hy sal storms stuur as ons, ons doof hou vir die roeping! Ons moet dit net raaksien. Nie met alle mag en mening uit die storms probeer kom nie. Die storm in ons land, die storm in jou persoonlike lewe, is dalk juis daar om jou te laat dink oor sy genade soos jy nog nooit daaroor gedink het nie. Om jou sy genade te laat beleef soos jy dit nog nooit beleef het nie. Om jou vanuit sy genade te laat leef, soos jy 4

5 nog nooit geleef het nie, vry van vrees en vol nederige sekerheid en vertroue! Storms is nie straf nie besef mooi! Dis plekke waar die Here ons laat groei! Slot As ons bly kyk vir die een wat bereid was om vir ons dood te gaan sal die moed kom, sal ons groei in ons geloof en vertroue! Amen. Kom ons bid saam, nie net vir uitkoms nie, nie vir die Here om dinge weer te maak soos dit in die ou dae was nie. Nee, kom ons bid saam vir harte wat reg is vir enig-iets wat na ons kant toe kom! Verlossing is immers van die Here af! Erkenning aan Tim Keller 5