DOARPSNIJS Nûmer 364 juny-july

Transcriptie

1 DOARPSNIJS Nûmer 364 juny-july

2 KOLOFON Doarpsnijs is in útjefte fan de Feriening foar Doarpsbelang Nijemardum en ferskynt op elke lêste tongersdei fan de moanne. It earste krantsje kaam út yn april Kopij foar Doarpsnijs kin oant in wike foar de ferskining ynlevere wurde, dus oant de op ien nei lêste tongersdei fan e moanne. Op dy dei is der in redaksjegearkomste en wurdt it krantsje gearstald. De redaksje: Wiepkje Holtrop Lyklamawei Hedwig Beukens Hege Bouwen 2a Annie de Kleine Lyklamawei Jantsje Akkerman Lyklamawei Tiete Bangma Heaburgen Coby Hospes Lyklamawei adres: redaksje.doarpsnijs@gmail.com Website: It bestjoer fan Doarpsbelang: Yme Wiersma (voorz) Omrin Bauke Beukens (secr.) Hege Bouwen 2a Gerrie van der Veen Omrin (penningmeester, bankrek ) Sjoukje Kramer Wissebuurt Joop de Vries Lyklamawei Piet Rienstra Omrin Rienk Nadema Hege Bouwen adres buurtplysje: tjeerd.hofstra@friesland.politie 2

3 FERHUZE Sieger Beukens is ferhuze fan Heaburgen 38 nei Tribune 132, 8561GM yn Balk. BISTE NEGOASJE Bij Jeen en Tine op de Heaburgen 14 is in pear wiken lyn in prachtige giel/griene parkiet oanbrocht. De parkiet siet fertutearze yn e berm. In sjauffeur tocht dat de fûgel miskien út de buert kaam en frege oft Tine en Jeen harren der oer ûntfermje woenen. Dat gebeurde, kennissen hiene tydlik in koai en de fûgel is no wer fleurich. No wolle Jeen en Tine de fûgel wol graach wer misse. Wa t belang hat bij de fûgel kin him fergees ôfhelje (sûnder koai!!). Till Jan en Wiepkje sykje noch in goed plakje foar in moaie swarte poes fan 4 wiken âld. Till NIJEMARDUMER VOLLEYBALTOERNOAI 2013 Reine, reine, reine! De wike foar it volleybaltoernoai ha wy in wetter hân! Hoe komt it nije wike? tochten wy. Mar samar sloech it waar om. Fan snein ôf waard it elke dei wat better en tiisdei, de earste spyljûn, wie it prachtich waar. Wol wat wyn mar it wie droech en it sintsje wie derby. Dy jûn hienen wy ek aardich wat publyk. Spitigernôch wienen der dit jier minder dielnimmers, foaral de froulju lieten it ditkear ôfwitte. Tsien jier ferlyn hienen wy ek 9 teams mar dêrnei koene wy elk jier wer 10 teams yndiele. Dêrom koene wy ek wat langer spylje: 15 minuten ynstee fan 12 en dat wie te merken. Yn dy lêste 3 minuten wie it wol gauris spannend. In soad teams wûnen of ferlearen mei 1 of 2 punten ferskil. 3

4 Oan ynset ek dit jier wer gjin gebrek. Teminsten by de measten. Dy dienen alles om foar te kommen dat de bal de grûn rekke. Mar in inkele wachte ôf oant de bal bij harren kaam, al of net mei de hân yn e bûse. En dan freed. Oerdei lekkere temperatueren. Sintsje derby. Út de wyn wie it wol te dwaan. Mar om 7 oere hie de sinne al wat minder macht en de wyn, dy t ek noch oanhelle, wie mar kâld. Foar it publyk en de spilers dy t wachtsje moasten, wie it ek ôfsjen. In gelok by in ûngelok wie dat ferskate teams ûnfolslein wienen en ferlet fan ynfallers hienen. Gjinien hie der wat op tsjin; dan bleauwen jo teminsten wat waarm. Ek freed waard der wer fanatyk spile. Frijwat spieren, dy t oars net folle brûkt waarden, moasten no oanspand wurde. De measten sille de oare deis wol murken ha hokker spieren dat binne. Ek de lachspieren kamen oan harren trekken. En dêr giet it ek om. Sin en wille hâlde de bal yn e loft. Nei ôfrin, yn it doarpshûs, waard de útslach bekend makke. Omdat it waar safolle ynfloed hat, hienen wy prizen útsocht dy t mei it (simmer)waar te meitsjen hienen. De poedelpriis wie foar de Tina s. Dy hienen 1 wedstryd wûn. Meine Pietersma, Evert Nadema, Jelco de Roos, Hendrik Hospes, Jeltsje Draayer en Gert-Jaap Runia gienen mei in moai reinkapke nei hûs. Altyd maklik. De Flairs hienen mei de Margrieten en de Donald Duckies likefolle wedstriden wûn as ferlern dat der moast rekkene wurde. Úteinlik wie de tredde priis foar de Flairs. Wiepkje Holtrop, Jan Akkerman, Paul Rienstra, Willem Beukens, Durk Postma en Joël Postma krigen allegear in miggeklapperpistoal. De twadde priis wie foar de Libelle s : de buorlju fan Riny Kramer, Hains Bosma, Jeltsje Hoekstra, Siegried Postma, Jacob Brandenburg en Anton Bekedam kinne der fan meigenietsje want sy wûnen in wyngong. De earste priis, in prachtich badlekken, wie foar it team dat alle wedstriden wûn hie: de Panorama s : Bennie Rienstra, Wiebren Hoekstra, Johannes Beukens, Douwe Prins, Piet Rienstra en Coby Hospes. En fansels meie se it hiele jier de wikselbeker op e skoarstienmantel stean ha. Sa kaam der in ein oan dit fyftjinde volleybaltoernoai. Coby Hospes 4

5 FRYSKE SKRIUWKURSUS De Friese Meren organisearret koarte kursus Frysk skriuwen foar skriuwers fan doarpskranten, websiden en ferienigingskranten De Afûk hat in spesjale kursus ûntwikkele foar it skriuwen fan stikjes yn doarpskranten, websiden en ferieningskranten. Dizze kursus is bedoeld foar elkenien dy t yn in doarp/stedsbelang of it ferienigingslibben aktyf is en graach stikjes yn it Frysk skriuwe wol, itsij foar de doarpskrante of webside, itsij foar it eigen ferienigingsbledsje. De gemeente De Friese Meren fynt it wichtich dat de kommunikaasjemiddels fan de doarpsmienskippen en ferienigingen yn de Fryske taal skreaun wurde kinne. Dêrom noeget sy skriuwers fan doarpskranten, websiden en ferenigingskranten út om yn 2013 mei te dwaan oan de kursus Frysk skriuwen fan de Afûk. Ynhâld fan de kursus De kursus dy t de gemeente oanbiedt, bestiet út acht lessen dy t om e wike plakfine. It doel fan de kursus is: it skriuwe kinnen fan koarte Fryske stikjes yn in doarpskrante, foar de webside of ferienigingsblêd, sadat it foar in breed publyk nijsgjirrich is. De kursus bestiet út it behanneljen fan de wichtichste staveringsregels en it tapassen dêrfan yn teksten sa t dy by it meitsjen fan in doarpskrante of webside brûkt wurde. Eigen foarbylden, bygelyks ferslaggen fan it doarpsfeest of sportwedstriden, stikjes oer de skiednis fan it doarp of buert of advertinsjes kinne as kursus materiaal brûkt wurde. Subsydzje Yn 2013 hat de gemeente foar maksimaal tweintich kursisten subsydzje beskikber. ( = 2 groepen.) In tredde groep sil yn Balk de ferfolchkursus dwaan. De subsydzje bestiet út de kosten fan de kursus en de learmiddels. Start fan de kursus De kursus begjint yn oktober 2013, jûns fan oere en bestiet út acht lessen, ien kear yn e fjirtjin dagen. De lokaasje hinget ôf fan de oanmelding, by foarkar op e Lemmer en de Jouwer. 5

6 Opjaan Jo kinne jo oant uterlik 3 oktober opjaan by Janke Jongema, meiwurker Maatschappelijke Ontwikkeling fan de gemeente De Friese Meren fia J.Jongema@defriesemeren.nl tillefoannûmer Wolle jo dan jo namme, adres, tillefoannûmer en adres trochjaan en de namme fan de doarpskrante/webside/ferieniging? It minimum oantal kursisten is 8; it maksmum oantal is 10. Dielnimmen oan de kursus giet op folchoarder fan ynskriuwing. Sa gau as de kursus definityf trochgiet, krije de kursisten in berjocht. HA JIM IT AL HEARD? It lêste krantsje foar de fakânsje alwer; wy ha der sin oan. Oer in pear wykjes sitte we wer yn Frankryk. Viva la France...dêr giet myn ferwulft wer fan al dy stokbôle. De bern hawwe al fakânsje as jim dit lêze. Mits juny ha groep 7 en 8 op skoalkamp west. Moandei 17 juny gyngen se op de fyts nei Eastersee. Foardat sy fuort gyngen moasten se briefke lûke..., hè?? Ja, jim sille ek wol tinke: it is dochs noch net Sinteklaas? Alle bern moasten in briefke lûke. De namme dy t der op styng, dêr wie hy of sy de beskermingel fan. As der yn it kamp wat barde, dan moast dy ingel sûnder dat ien it yn e gaten hie, de helpende hân biede. No, dat fûn ik sa`n moaie gedachte. Master Nikos wit wol hoe t it moat. Gelokkich binne der allinne mar moaie dingen bard.. Se ha it skitterjend hân en prachtich waar der by. It koe net moaier. Jim kinne fêst Willeke noch wol fan Walte Veltman. Dy wennen earder op Heaburgen en binne nei Wikel ferhuze. Dêr ha sy in geitebuorkerij. Jim seagen Willeke en har heit wol gauris foarby gean op it hynder. Tafallich prate ik ûnder de hagepreek dy t lêstensneins by Foekje op it hiem holden 6

7 waard, mei har mem. Hoe is`t mei Willeke? frege ik. It giet no wer goed. Sy soe de Alvestêdetocht fytse, mar se wie sa ferkâlden en heal. Dus ik sei tsjin har: Doch it no net. Mar in pear dagen fan tefoaren belle se my op en sei: Mem, ik bin der wer. Se hie har baas, dy t feekdokter is, frege: Wat krijt in hûn as dy heal is en hoastje moat???? No, dit en dat hie har baas sein. Moai sei Willeke dan wit ik genôch. Dat sy oan it drankje foar de hûnen en wier, yn in pear dagen wie se der wer. Willeke hat yn in rekordtiid de Alvestêdetocht fytst. Hooplik is`t hoastjen no net oergien yn blaffen... No t wy it dochs oer mem hawwe. Ik wie oan it cakebakken en myn aaien wiene op. Dat ik op de fyts nei ús mem. Hat mem ek wat aaien foar my?? Och berntsje, net folle, want ik moat se de hinnen op t heden ek hast ta de kont útsjen. Dit wie it wer foar diskear. Allegear in goede fakânsje tawinske, sawol op in oar adres of lekker op jim eigen hiem. Groetnis WTHP VANDALISME OP SCHOOL Helaas hebben we op onze school de laatste tijd te maken met vernieling op het plein en aan het gebouw. We hebben zelfs aangifte moeten doen van vuurtje stoken op het dak van het schoolgebouw! Ook treffen we regelmatig lege bierflesjes aan. Dit lijkt te gebeuren in de weekenden. Het schoolplein is geen openbaar terrein, en daarom buiten schooltijd niet vrij toegankelijk. 7

8 Wellicht kunnen we met elkaar proberen om zoveel mogelijk een oogje in het zeil te houden? Mensen die zomaar wat rondhangen op het schoolplein mogen daarop worden aangesproken. Denkt u iets verdachts gezien te hebben, meldt het ons. Bij signalering van vandalisme kan natuurlijk direct met 112 worden gebeld. Namens school en de ouderraad NOCH BY JUF By myn earste redaksjegearkomste ha wy ôfpraten dat ik fuort mar op reportaazje sil en dêrom belje ik de oare deis mei de famylje Postma. Ik krij mem Joke oan e tillefoan. Ooooh, prachtich, dat fynt er fêst geweldich. Ik jou him dy wol efkes. As ik útlis wat ik fan doel bin, seit er: dat wol ik wol en sadwaande fyts ik op in waarme woansdeitemiddei de Wissebuurt yn en by in fel giel mantsje mei slow hâld ik ho. Geaele Benjamin wennet mei mem Joke, papa Joël, Jonah ( 3) en Anje-Linn ( 8 moanne) op nûmer 8. Wêr sille wy sitten gean? Ik lit Benjamin kieze. Dy wol graach bûten sitte dus wy sette Joke fuort oan t wurk omdat de kjessens noch yn it túnhúske lizze. Ûnderwyls freget Benjamin my wat ik drinke wol en efkes letter komt er wer werom mei in gleske wetter. Wat in gasthear! Hoe âld bisto? Seis, mar dit jier wurd ik sân. ( Wat frjemd, net? Hoe jonger jo binne hoe âlder jo wêze wolle, mar hoe âlder jo wurde hoe jonger as jo wer wêze wolle.) Ha jim húsdieren? Twa poezen, Simba en Kiara. 8

9 Wy hienen in hamster mar dy is deagien. Der leinen allegear blêden op in planke en dêrûnder stie de hamsterkoai. Yn e blêden sieten allegear bistkes en dy krûpten nei de hamster ta en sieten op syn rêch en doe is hy deagien. ( wat in heftich ferhaal) Wy hienen goudfisken mar dy binne ek deagien. No ha wy wer 4 ferskillende fisken: goudfisken, guppys, moanfisken en noch oaren. ( do makkest my nijsgjirrich, moanfisken????) Ja, kom mar ris mei seit Benjamin en ik rin efter him oan om dy moanfisken te besjen. Wat is dyn lievelingsbist? In hamster. Alle bisten fyn ik wol leuk. ( Dan komt him in foarfal yn t sin) Doe t wy yn de dieretún wienen, sprong der in aap yn e buggy by Jonah. Ik ha doe dy aap ek aaid. Hy die my niks want hy fûn my wol leaf. Yn wat foar groep sitsto? Yn groep 3 by juf Antje en juf Antje. ( dat is maklik, dan fersinst dy ek net sa gau) Hoe fynst it op skoalle? Saai! Ik fyn it leuker om thús te wêzen. ( dan sil ik avensearje, want it is wol dyn frije middei en moai waar) Wat fynst it moaiste op skoalle? Bûten boartsje! ( wat jammer foar Benjamin dat der net folle les jûn wurdt yn e natuer) De kieskast en diktee fyn ik ek wol leuk, en skriuwen. Mem helpt him noch troch te fertellen dat er ek tige fan e natuer hâldt. ( Yn Sweden geane de skoallen in bulte de natuer yn om fan alles te learen. Wêrom dogge wy dat hjir net????? It soe foar Benjamin net ûnaardich wêze) Wat fynst it ferfelendste op skoalle? Rekkenjen. ( fyn ik ek) Praatst altyd Frysk? Ja. By juf praat ik Nederlânsk. Wat wolst letter wurde? It leger yn. Soldaat. ( krekt as heit) 9

10 Wat fynst leuke tv programma s? Powerrangers, mar dat mei ik thús net sjen. Dat sjoch ik by Sven thús. En Ketnet. Wat fynst leuk om te lêzen? Fleantúchboekjes en natuerboekjes. Wat fynst moaie muzyk? ( dit fynt Benjamin net sa n maklike fraach. Hy fljocht yn e hûs en hellet in dvd mei fuotbalfragminten. Mem fertelt my ûnderwyls dat er ek wol fan Kinderen voor Kinderen hâldt want dy ha se faak yn e auto oan. Dus freegje ik: Nei wat foar muzyk lústerst yn e auto? O, dy? Dêr fyn ik net safolle mear oan. ( Witte wy dat ek mar wer) Úteinlik komme wy oerien dat wy as antwurd der mar fuotbalferskes fan meitsje. Fynst it moai om yn Nijemardum te wenjen? Jawol. Wat fynst dan sa moai oan Nijemardum? Alles. Hast ek in muzykynstrumint? In gitaar en in trommel. En in fioele. ( Joke sjocht him ris oan, fioele? Dy ha wy dochs net?) Nee, mar dy fynt er wol moai. Opa spilet gitaar en as Benjamin dêr is kriget er wolris les. ( Nei dit ynterview sil it bûtenbad opsetten wurde en der komme sa stadichoan hieltyd mear bern yn e eftertún; ek Benjamin wurdt wat ûnrêstich. Hy krûpt op e leuning fan e bank en freget hoe fier wy binne mei de fragen. As blykt dat wy op e helte binne, falt it him suver ta) Dochst ek oan sport? Benjamin sit op fuotbal. Earst siet er op gimmestyk mar omdat hy lêst hat fan e heupen, mocht dat net mear. En op skoalle gean wy nei swimles. Hast al in diploma? Ja, ik ha A en B al. Op skoalle gean ik foar C. ( Poeh, dan kinst mear as my) Hast mei fuotbal gjin lêst fan e heupen? No, soms wol as ik in soad draaf. Dan meist der dôchs wol efkes út? Nee. 10

11 Ha jim dan sa n strange coach/ trainer? Ja, Aaltsje ( de Boer) is ús trainer. Wat foar boartersguod fynst it moaist? Fleantúchjes. Boartest wolris bûten? Ja, mei Hendrik op e trekker. Wat fynst it lekkerst om te iten? Patat en rys mei brune sûker en pankoeken. En earpels? Nee, dy fyn ik net lekker. En griente dan. Moast al fitamyntsjes binnen krije. Nee, gjin griente. Mar ik yt wol fruit. ( Gelokkich mar.) Helpst mem of heit wolris? Soms. As sy wat kwyt binne dan moat ik sykje. Ik hie de sleutel fûn dy t heit en mem kwyt wienen. ( Joke fertelt my dat as sy Benjamin net hienen, no noch bûten stienen. Sy wisten net wêr t de sleutel lei en hienen al in hiele tiid oan t sykjen west.) Wat fynst hiel leuk om te dwaan? Yn attraksjes. Fan alles wol. Mei fakânsje, yn in fleantúch sitte. En wer fynst echt niks oan? As ik niks te dwaan ha. Ferfele. Sitst ek op club? Ik bin seis, dat kin noch net. ( domme fraach oan syn reaksje te sjen, sorry) Kin it dy wat skele hokke klean ast oan hast? Leaver mei koarte mouwen. En yn e winter dan? Dan mei lange mouwen. It blykt dat mem syn klean altyd klearsiket. Mar hy wol it leaver sels witte. ( Dan wit Joke dat mar) Hast ek op fakânsje west? Al 2x nei Turkije en nei Appelskea en yn in húske fan Bollo de bear. Sitst faak efter de kompjûter? Soms. Wat dochst dan? Trekkerspultsjes. Soms sit ik op e ipad. 11

12 ( Toe mar, in ipad. En dan sit ik hjir mei in gewoan skriuwblokje en in pinne. It kin folle effisjinter. Kin ik wolris opperje op e folgjende redaksjegearkomste.) Hast ek in mobile telefoan? Nee. En neffens mem komt dy er ek net foardat hy yn groep 8 sit.) Ast no 2 winsken dwaan mochtst, wat soest dan winskje? Dat er frede yn it lân komt. Dat hat er al winske doe t er lêsten in muntsje yn in wensfontein goaid hat. En de twadde winsk? Dat ik foar altyd yn in fleantúch sitte mei, mei iderien fan ús gesin. ( ik hoopje foar ús dat de earste winsk útkomt; dy twadde liket my in hele opjefte. Miskien is astronaut wat foar him?) 12

13 Woest sels noch wat fertelle? Nee. Dan ha ik dochs noch in lêste fraach: wat is dyn geheim? ( ik doel op syn prachtige krollen yn it hier) Geheimen meist net ferklappe; oars binne it gjin geheimen mear. Mar ik wol dochs witte hoesto oan dy prachtige krollen komst. Fan opa. Dy hat ek allegear krollen yn it hier. No, Benjamin, wy binne troch de fragen hinne. Bedankt. En no mar lekker yn it wetter omspatte. Hy lit my noch efkes sjen hoe t it er útsjocht: De boaiem fan it opblaasbad is bedrukt mei in fiskpatroan. Der sitte diamanten by en 3d-briltsjes. Do meist er ek wol yn, hear. Helje dyn bikiny mar op. Hiel aardich fan dy, mar ik ha net safolle swimdiploma s as dij. Dat doar ik net oan. Coby ROMMELMERK De rommelmerk hat dit jier 1.685,00 opbrocht, dit is wer in moai bedrach. Alle frijwilligers dy`t holpen ha, SUPER bedankt. Sa`t jim wol sjen kinne stiet ús doarpshûs no yn de steigers. It dak fan it mastershûs wurdt opknapt, dêrom binne dizze sinten mear as wolkom. Omdat op it ein fan dit jier it budzjet net mear sa rom is, stelle we de sinnepanielen noch efkes út. Oant safier. De lokaalferiening 13

14 WA BIN IK? In soad telefoantsjes diskear, mar ek in soad ferkearde antwurden. Fan alles kaam foarby: Feikje Draaier, Sjoukje Kramer, Jeannette Poepjes en fansels Klazien Bruinsma. Der giet net ien kear foarby of Klazien is fan de partij. Mar it wie Getsje Altenburg. Dat sus Grietsje ek faak neamd waard, wie net sa frjemd. Notaris Beukens helle diskear Akke Luinenburg út de pet. Lokwinske en de sûkerbôle komt jim kant út. Foar dizze moanne wer in moaie foto fan in alderaardichst mantsje. Pak de tillefoan en belje gau , dat kin oant en mei sneon 6 july! Jantsje 14

15 IT HIMD FAN IT GAT As ik op de Hege Bouwen bin, kom ik him geregeld tsjin, Siebe Postma. Mei hynder en wein, it hûntsje neist him op de bok. Heech tiid foar in ynterview. As ik op de ôfpraten jûn by harren oankom is Siebe noch mei syn soan yn it hea. Dus earst mar een bakje kofje mei frou Postma Sis mar Hennie hear. Wy bedarje yn de wenkeuken mei prachtich útsicht oer greide en bosk. De reeën springe wit hoe heech troch it lân. En wrachtich, dêr komt ek noch in loftballon oersilen. Neidat harren soan de buorkerij yn 2009 oernommen hat, hawwe Siebe en Hennie dit stee op de Hege Bouwen kocht fan de fam. Van Peyma. Se ha fjouwer bern en acht bernsbern. Nûmer njoggen is op kommendewei. Harren grutte passy is it Fryske hynder en alles dat dêr mei te krijen hat. Wylst wy op Sybe wachtsje lit Hennie my de Fryske kostúms sjen, dy t sy foar har en Sybe makke hat. Der leit in hiele útstalling fan rokken, bloezen, jaskes en bypassende sieraden. Mar foaral de borduere kraach en skelk fan tule binne o sa moai. Dan komt Sybe troch de doar, sa swart as de nacht fan al it gesto fan it hea. Earst mar bekomme mei in lekker kâld pilske, en dan kinne wy los. Kinne jo wat fertelle oer jo oplieding en wurk? Ik ha nei de lânbouskoalle west en dêrnei yn tsjinst. Doe bin ik thús yn Warkum by myn âlden op de pleats komd te boarkjen. Letter ha wy noch in buorkerij yn Follegea kocht. In 71 bin ik mei Hennie troud en yn 75 binne wy ferhuze nei Koufurderrige dêr t no ús soan wennet. Wêr komt dy passy foar de hynders wei? Us pake hie hynders en in sjees en gyng dêrmei te ringstekken. Ik fûn dat prachtich en bin der sa ynrûgele. Hennie hie der ek o sa n aardichheid oan. Oars kin it ek net, jo moatte der tegearre 100 % achter stean. 15

16 Wat wie de moaiste oerwinning? No, dat wiene der meardere. Yn 2003 kampioen tuge yn Nunspeet, Nederlânsk kampioen dûbelspan Frysk ras. Kampioen ereklasse yn Bûtenpost. En Hennie wie kampioen yn de damesklasse op it Concours Hippique yn Riis. Wat wie jimme bêste hynder? Wy ha 7 hynders sels fokke en dêrfan is Harmen dochs wol hiel bysûnder. Hy is no 20 jier en hat ús in soad prizen brocht. Dogge jo ek oan sport? Neist de hyndersport mochten Hennie en ik graach reedride. Wy ha twa kear de alvestêdetocht riden, dy fan 86 en 97. Wat fine jo it moaist om te dwaan? Mei de hynders en de trekkers ompakke. Mar ek op it hiem wurkje, lekker dwaande wêze. Ik bin net sa n stilsitter. Wat is jo favorite fakânsjeplak? Dat is hjir yn Gaasterlân: it is hjir sa moai. Wy gean graach te fytsen en dan in slach om de Mar fan Galilea. De Mar fan Galilea, ha wy dy hjir? Sa neamme wy de Wyldemerk. Hok tv-programma fine jo hiel moai? De muzykprogramma s fan André Rieu mei ik graach sjen. En ek lústerje fansels. Wat soene jo net graach misse wolle út de wenkeamer? Dat is de Gouden Swipe. Wy ha twa, mar ien derfan is wol bysûnder. It wie in wikselpriis en wy ha him 4 kear winne moatten foardat er fan ús wie. En de houtkachel, dêr kin ik ek net sûnder. Jimme binne no opholden mei de wedstriden? Ja, it is altyd in hiele útris en bringt in soad stress mei. It is fansels in wedstriid en jo wolle graach winne. It giet net altyd fan in leien dakje. Hennie en ik ha ek wolris in rare skower makke en dan begjinne je wolris nei te tinken. 16

17 Dit wie al wer de lêste fraach, woene jo fierder noch wat kwyt? Ik ha in skoftke lyn mei de sûnens omdoktere, en dat is dochs wol wêr t om draait. As jo sûn binne, kinne jo de wrâld oan. It giet no wer goed. Mar sûnder sûnens binne jo nearne. Siebe en ek Hennie, bedankt foar it learsum ynterview en de tige gesellige jûn. Ik sil tenei mei oare eagen nei it Fryske hynder sjen. Jantsje Hingje de wolken fan hjoed net foar de sinne fan moarn 17

18 DE STIPERS Mei tank oan de folgjende minsken/bedriuwen kin Doarpsnijs elke moanne útbrocht wurde: Paul Baas Harmen en Lieske Bangma Albert en Jeannet Bekedam Bauke Beukens Willem Beukens Doede Bosma Harm van Bommel Jan Buma Johan A. Dijkstra Jelle Eppinga Henk en Lian de Graaf Arjan Hendriks Halbe Hielkema Tryntsje de Jong-Rienstra Ede Groenhof Siska Kroondijk Cees en Johannes v.d. Meer Henny Muis Hendrik Postma Marijke Postma Douwe en Froukje Prins Fam. K. Rienstra Runia Fourage BV Runia Transport BV Esther Thibaudier Jan-Dirk van der Tol VandeLinde Associates Earnst P. Veenstra Annoesjka de Vries De Vries De Klussenbaas Camping De Groninger Melkveehouderij/luxe appartementen Garant Zaden Onderhoud & timmerbedrijf Klussenbedrijf Straetus Incasso Buma Handel Dierenarts Boomkwekerij Koeienmuseum/melkveehouderij SDS Balk Startmotoren en dynamo s Bouw- en onderhoudsbedrijf Kapsalon Tryntsje Transportbedrijf/verhuizingen Kroontje Grafisch Ontwerp & Vormgeving Van der Meer Mechanisatie Stucadoorbedrijf Motorenrevisie/reparatie It Kniphúske Bakkerij Prins, Harich Beheerders dorpshuis (Klein)diervoeders, aardappelen enz. Transportbedrijf Salon Moai Feedcentre B.V. Journalistieke Producties Hovenier Pedicure Slagerij, Oudemirdum De famylje Kramer soarget derfoar dat it krantsje elke lêste tongersdei fan 'e moanne by de minsken thús komt. 18

19 AGINDA 17 augustus: Tobbedûnsje, Eastersee (Friese Meren) 31 augustus: Fiskwedstriid 14 septimber: Frijmerk Elke tongersdei fan oant oere is de Lytse Byb iepen op de Stapstien. Elke 3e sneon fan e moanne wurdt it âld papier ophelle. It folgjende krantsje ferskynt op tongersdei 29 augustus 2013 KOPIJ YNLEVERJE foar tongersdei 22 augustus 2013 by ien fan de redaksjeleden in stjoere kin ek: redaksje.doarpsnijs@gmail.com 19