9. Wat glo jy? Matteus 27:62-66; 28:1-15

Transcriptie

1 9. Wat glo jy? Matteus 27:62-66; 28:1-15 Tema Daar word meer as een storie vertel oor wat ná Jesus se dood by sy graf gebeur het. Wat jy glo, kan jou en die mense wat jou pad kruis se lewe vir altyd verander. Agtergrond en interpretasie Met Jesus se dood lyk dit of sy teenstanders gewen het. Wanneer Hy egter teen alle menslike logika in uit die dood opgewek word soos Hy voorspel het betaal sy teenstanders die soldate wat die graf moes bewaak ʼn groot klomp omkoopgeld om ʼn leuen te versprei: dat Jesus se liggaam gesteel is. Jesus se hegte vriendekring weet egter van beter en hulle vertel die waarheid oor Jesus en die opstanding die wêreld vol. In hierdie gedeelte word twee stories dus teenoor mekaar gestel: die priesterhoofde, die familiehoofde en (betaalde) soldate se weergawe word teenoor die vroue en dissipels se storie geplaas. Die vroue en die dissipels vertel hulle storie sonder enige betaling aan almal. Ook Matteus vertel sy storie (die waarheid) teenoor die vals storie van die wagte. Dit word 'n uitdaging vir hoorders en lesers om hierdie weergawe te glo en die alternatiewe verhaal van die soldate te verwerp. Met Jesus se opstanding kom daar in werklikheid twee groepe in beweging elk met ʼn eie storie. Dié twee stories staan lynreg teenoor mekaar. Só sluit Matteus sy Evangelie af ʼn Evangelie wat van die begin af klem gelê het op die teenstelling tussen Jesus en die Joodse leiers. Dit gaan egter nie net oor twee stories nie, maar ook oor twee magte: die aardse politieke mag, en die mag van God soos Christus dit in sy lewe en opstanding uitgeleef het. By die kruis lyk dit of die politieke aardse mag triomfeer; met die opstanding sien ons die teendeel. Die skynheilige menslike politieke mag word as vals en eintlik magteloos ontmasker (Woord teen die lig, I/9, bl 32 ev). Nog een opmerking verdien aandag. In Matteus 28:10 noem Jesus sy dissipels broers. Die mense wat hierdie Evangelie lees, word ingenooi na hierdie intieme familiekring van getuies om nie as teenstanders nie, maar as familielede die boodskap verder te dra. Dit is ʼn familie-storie

2 waarbinne liefde en verbondenheid aan mekaar en aan die Groter Mag (Jesus en God) deel van die groot waarheid is. Bybelgedeelte en hoofgedagtes Bybelgedeelte Hoofgedagtes van die ontmoeting (lees of vertel) Vertel Matteus 27: Die soldate gaan pas die graf op. Vertel Matteus 28:1-10; 2. Twee vroue hoor Jesus het opgestaan. lees die woorde van die engel in vers 5-7, asook Jesus se woorde in vers 10 uit die Bybel. Vertel Matteus 28:11 en 3. Die soldate word betaal om ʼn vals storie te lees vers versprei. Uitkoms Beleef of ervaar die blydskap oor die goeie nuus dat Jesus uit die dood opgestaan het (opgewek is), maar besef ook nie almal in hierdie wêreld glo hierdie goeie nuus nie. Nie almal wil hê dit moet oorvertel word nie. (Dink aan die vervolging van Christene 2014/2015: Noord-Nigerië, Irak, ensovoorts. Inligting beskikbaar by Geopende Deure SA en by In Context Ministries.) Hulpmiddels by die storie ʼn Vrouesandaal en die stewel van ʼn soldaat (of prente daarvan). Hulpmiddels vir kleingroepvaslegging Junior kleingroep Bring saam 1. Kryte of kleurpotlode. 2. ʼn Vrou se sandaal en ʼn stewel van ʼn soldaat. Voor die tyd Senior kleingroep Bring saam 1. Kleurpotlode of koki s. 2. ʼn Vrou se sandaal en ʼn stewel van ʼn soldaat. Voor die tyd Dink hoe jy vir iemand sou vertel dat Jesus uit die dood opgestaan het as jy daar was en dit self beleef of gesien het. Wat het dit aan jou gedoen? Wat het dit vir jou beteken? (Dit is goeie voorbereiding vir wanneer jy die gesprek oor die tema lei.)

3 Die storie Begin Vra die groep om twee-twee saam te besluit of die volgende stellings waar of onwaar is: 1. Slakke kan tot drie jaar aanmekaar slaap. 2. Alle ysbere is linkshandig. 3. Skoenlappers proe met hulle pote. 4. ʼn Melkkoei lewer ongeveer glase melk in haar leeftyd. 5. As jy kougom insluk, bly dit vir altyd in jou lyf. 6. Volstruise steek hulle kop in grond wanneer hulle bedreig voel of in gevaar is. Opmerking: Stelling 1-4 is waar; stelling 5-6 is onwaar. Stelling 5-6 kan ook uitgelos word. Vir wie van julle is dit moeilik om te glo en te aanvaar dat stelling 1-4 waar is? Hoekom dink julle is dit so moeilik om te glo? Opmerking: Moontlike antwoorde sluit in: Dit dra ongewone kennis oor. Dit dra inligting oor wat ons nog nie gehoor of self gesien het nie. Dit pas nie in by wat ons dink waar kan wees nie. As ons glo iets is waar, kan dit ʼn groot invloed op ons lewe hê. Dink aan die volgende feite: 1. Om tande te borsel help om jou tande gesond te hou. 2. Te veel lekkers is sleg vir jou tande. 3. Om die Bybel te lees en te bid help jou om anders te leef. Vandag gaan ons lees wat ná sy kruisiging met Jesus gebeur het. Ons gaan hoor dat twee groepe mense twee verskillende stories vertel het. Wanneer ons kies aan wie se kant staan ons, watter groep se storie ons as die waarheid glo en aanvaar, sal dit ons lewe in een van twee rigtings stuur. Hoor Moment 1: Matteus 27:62-66 Soldate pas die graf op Die Fariseërs is bang Jesus se dissipels sal sy liggaam uit die rotsgraf steel en dan vertel dat Hy uit die dood opgestaan het en leef. Hulle vra toe vir Pilatus om soldate te stuur om die graf op te pas en seker te maak dit gebeur nie. Moment 2: Matteus 28:1-10 Twee vroue hoor Jesus het opgestaan Die Sondag ná Jesus se dood het Maria Magdalena en nog ʼn vrou met die naam Maria na Jesus se graf toe gegaan. Terwyl hulle daar by die graf was, het daar iets gebeur wat hulle baie bang gemaak het. Daar was ʼn

4 groot aardbewing. Toe kom daar ʼn engel en rol die groot, ronde klip voor Jesus se graf weg. Die wagte wat het so groot geskrik dat hulle nie kon beweeg nie. Die Bybel sê hulle het soos dooie mense geword. Hulle het seker flou geval van die skrik. Toe praat die engel met die twee Maria. (Lees Matt 28:5-7.) 1. Hoe, dink julle, het hierdie twee vroue gevoel? Die Bybel sê die vroue was bang, maar ook baie bly. 2. Hoekom, dink julle, was hulle bang? 3. En hoekom was hulle bly? Al het die vroue nog nie eens vir Jesus gesien nie, glo hulle die engel se getuienis. Hulle hardloop haastig terug om alles wat gebeur het vir die dissipels te gaan vertel, net soos die engel van hulle gevra het. As ʼn mens sulke goeie nuus kry die heel beste nuus ooit brand jy mos om dit vir iemand te gaan vertel, nie waar nie? Toe gebeur daar iets nog wonderliker as die engel se verskyning. Skielik staan Jesus self voor die vroue en groet hulle. Hulle het na Hom te gegaan, sy voete vasgegryp en Hom aanbid. (Lees Jesus se woorde aan hulle in Matt 28:10.) Jesus praat so mooi met hulle. Hy weet hulle is bang. Daarom sê Hy vir hulle hulle moenie bang wees nie. Dan stuur Hy hulle om vir sy broers te gaan vertel wat gebeur het. Jesus noem sy dissipels hier sy broers. Hulle is ʼn familie wat vir mekaar lief is. Vandag nog is ons, God se mense, deel van hierdie familie. God noem ons sy kinders, en ons is mekaar se broers en susters wat leer om vir mekaar lief te wees soos God ons liefhet. Moment 3: Matteus 28:11-15 Die soldate word betaal om ʼn leuen te versprei Nou gebeur daar iets interessants. Twee verskillende groepe mense is haastig op pad om te gaan vertel wat by die graf gebeur het: 1. Die vroue in hulle sandale hardloop vinnig na die dissipels toe. Jy sien net rokke in die wind wapper en hoor hoe hulle sandale op die gruispad kners. Vir die vroue en vir die dissipels vir wie hulle die goeie nuus wil gaan vertel, is dit die heel beste nuus ooit. 2. Die wagte in hulle stewels hardloop so vinnig as wat hulle kan na die priesterhoofde toe die mense wat Jesus laat kruisig het. Hulle hou gou ʼn vergadering saam met die ander leiers van die stad, want hulle hou glad nie van die storie wat hulle by die wagte hoor nie. Dit is vir hulle die slegste nuus ooit. Lees Matteus 28: Die wagte vertel ʼn opgemaakte storie in ruil vir geld.

5 Dink Sit ʼn vrou se sandaal aan jou een kant en ʼn soldaat se stewel aan jou ander kant neer (of prente daarvan). Kom ons kyk hoe verskil die stories van hierdie twee groepe getuies (loop heen en weer tussen die sandaal en die stewel terwyl jy die verskille tussen die stories uitwys): Die soldate se storie Jesus se liggaam is gesteel. Leuen. Soldate word betaal om te jok en vertel wat vir hulle voorgesê is. Soldate behou hulle werk en kan aangaan met hulle lewe. Die leiers wat hierdie storie uitgedink het, het baie aardse mag. Die vroue se storie Jesus het opgestaan. Waarheid. Vroue vertel wat hulle self gesien en gehoor het. Die vroue en ander wat hulle storie glo, word vervolg en selfs doodgemaak. Die leiers wat hierdie storie verkondig, het nie aardse mag nie net ʼn getuienis om te vertel en uit te leef. 1. Watter een van hierdie twee stories glo jy? 2. Verander hierdie storie jou lewe? Leef Die vroeë kerk het ʼn spesiale manier gehad waarop hulle mekaar gegroet het. Persoon 1: Die Here het opgestaan. Persoon 2: Die Here het waarlik opgestaan. Kom ons groet mekaar nou ook so.

6 Kleingroepvaslegging: Junior groep Welkom Groet elke kind terwyl hulle instap met die woorde: Die Here het opgestaan. Help hulle om te antwoord: Die Here het waarlik opgestaan. Wegspring Laat die groep in ʼn kring sit en die vrou se sandaal en die soldaat se stewel van die een na die ander aanstuur terwyl hulle die liedjie Ek weet Jesus lewe sing. Jy roep dan op enige plek: Stop! Dié wat die sandaal of stewel dan het, moet die volgende vrae antwoord: 1. Aan watter karakter in vandag se storie behoort hierdie skoen? 2. Wat het hierdie skoendraer by die graf gesien? 3. Wat het hierdie skoendraer gaan oorvertel? Opmerking: Daar is plek in die werkboek waar hulle hulle antwoorde kan neerskryf. Werksaam Laat die kinders die aktiwiteit in hulle werkboek voltooi. Volg die twee paaie: Die een pad lei na die mense wat gaan vertel het wat hulle gesien en gehoor het. Die ander pad lei na die mense wat geld gekry het om ʼn onwaar storie te gaan oorvertel. Teken in die blokkie aan die einde van elke pad iets wat by daardie pad pas.

7 Wegstuur/Huisgeloof 1. Laat iemand in die huisgesin vertel van die dag toe hulle ʼn getuie was van iets wat gebeur het. 2. Lees 1 Korintiërs 15:17-19 en vertel vir mekaar hoe julle hierdie verse verstaan. 3. Dink aan iemand vir wie jy graag wil gaan vertel wat dit vir jou beteken dat Jesus werklik uit die dood opgestaan het en leef. 4. Bid saam dat dit vir julle net so lekker sal wees om te vertel dat Jesus leef soos wat dit was vir die vroue wat na sy graf toe gegaan het.

8 Kleingroepvaslegging: Senior groep Welkom Groet elke kind terwyl hulle instap met die woorde: Die Here het opgestaan. Help hulle om te antwoord: Die Here het waarlik opgestaan. Wegspring Vandag se verhaal is baie soos ʼn conspiracy theory -fliek. Dit is ʼn fliek waarin iemand probeer om die waarheid aan die lig te bring nadat iemand anders dit probeer toesmeer het. Vertel vir die groep van jou gunsteling conspiracy theory -fliek en vra of hulle al so ʼn fliek gesien het. Wonder Maak jou oë toe en raak rusting. 1. Sien in jou verbeelding ʼn voëlnessie met eiers daarin. Jy tel ʼn eier op. Dit val en breek. Daar is net rou eiergeel en eierwit op die grond. Baie later staan jy weer by dieselfde nes. Jy kyk na die res van die eiers. Een se dop kraak skielik en daar kruip ʼn voëltjie uit. Hoe het dit gebeur? 2. Jy sien piepklein sywurms broei uit pikswart eiertjies so groot soos speldekoppies. Jy begin hulle moerbeiblare voer. Hulle word al hoe groter. Eendag begin een spin. Hy spin ʼn kokon rondom homself. Party dae sien jy hoe die kokon wikkel. Op ʼn dag sien jy ʼn gaatjie aan die een punt van die kokon. En dan sien jy dit: Die spierwit mot wat uit die gaatjie gekom het. Die wurm het in ʼn mot verander. Hoe het dit gebeur? Werksaam 1. Gesels twee-twee saam oor die volgende: Wat sou jy doen as jy iemand raakloop wat nie glo of weet dat Jesus uit die dood opgestaan het en leef nie? 2. Laat die groepies terugvoering gee in die grootgroep. (Antwoord: Dit is belangrik dat ons as kinders van die Here reg is om vir ander mense te vertel wat ons glo en hoekom ons hoop het, al verstaan ons nie hoe dit gebeur nie net soos ons nie verstaan hoe ʼn voëltjie uit ʼn eier broei of ʼn sywurm in ʼn mot verander nie.) 3. In jou werkboek is daar twee spore die een is gemaak deur ʼn vrou se sandaal, en die ander een deur ʼn soldaat se stewel. Skryf woorde of sinne of teken iets in elke spoor wat verduidelik watter storie die persoon wat hierdie skoen gedra het oor Jesus se opstanding uit die dood oorvertel het.

9 Wegstuur/Huisgeloof 1. Lees 1 Korintiërs 15:17-19 en vertel vir mekaar hoe julle hierdie verse verstaan. 2. Dink aan iemand vir wie jy graag wil gaan vertel wat dit vir jou beteken dat Jesus werklik uit die dood opgestaan het en leef. 3. Bid saam dat dit vir julle net so lekker sal wees om te vertel dat Jesus leef soos wat dit was vir die vroue wat na sy graf toe gegaan het.