BSc(HONS)-, MSc- EN PhD-GRAADSTUDIE: RIGLYNE VIR STUDIELEIERS, PROMOTORS EN STUDENTE

Transcriptie

1 UNIVERSITEIT VAN PRETORIA FAKULTEIT GESONDHEIDSWETENSKAPPE SKOLE VIR GENEESKUNDE, GESONDHEIDSORGWETENSKAPPE, PATOLOGIEWETENSKAPPE EN GESONDHEIDSTELSELS & OPENBARE GESONDHEID BSc(HONS)-, MSc- EN PhD-GRAADSTUDIE: RIGLYNE VIR STUDIELEIERS, PROMOTORS EN STUDENTE

2 2 BLADWYSER EN INHOUDSOPGAWE Bladsy Inleiding: Kode vir Nagraadse Opleiding aan die Universiteit van Pretoria. 3 Inhoudsopgawe: Bylae 1:...5 Administratiewe Prosedures en Riglyne met betrekking tot: Aansoeke. Die rol van die departementshoof in die hantering van nagraadse aansoeke. Minimum en maksimum tyd vir voltooiing van studie. Vorderingsverslae. Administratiewe prosesse in verband met die goedkeuring/wysiging van verhandeling- en proefskrifonderwerpe. Indiening van magisterverhandeling/doktorale proefskrif. Tydraam vir indiening daarvan met die oog op n spesifieke gradeplegtigheid. Skriftelike bevestiging deur die leier/promotor dat die student mag indien. Verklaring deur die student. Bylae 2:.. 11 Fakulteitsregulasies. Die rol van die Algemene (G-)-regulasies. Bylae 3:.. 12 Wat is n Protokol? Bylae 4:. 14 Praktykbegeleiding: Die rol en verpligtinge van die studieleier/promotor. Die rol en verpligtinge van die student. Bylae 5: 17 Verhandelings en proefskrifte: Vòòr indiening. Indiening met die oog op n spesifieke gradeplegtigheid. Goedgekeurde verhandeling- of proefskrifonderwerp. Tegniese vereistes. Opsomming. Aantal kopieë. Toestemming vir inhandiging. Konsepartikel. Curriculum vitae. *****

3 3 Inleiding: Kode vir Nagraadse Opleiding FAKULTEIT GESONDHEIDSWETENSKAPPE UP-KODE VIR NAGRAADSE OPLEIDING 1. INLEIDING Teen die agtergrond van die visie en missie van die Universiteit ten opsigte van internasionale mededinging en plaaslike relevansie, en die nuwe uitdagings vir die Hoër Onderwyssektor in die breë en die Universiteit van Pretoria in die besonder, is dit die Universiteit as n dinamiese inrigting met sy eie aard en interne prioriteite, se strewe om op konstruktiewe wyse sy energie en hulpbronne te rig op sy primêre funksies ten opsigte van onderrig, navorsing en gemeenskapsdiens. Die erns waarmee kwaliteit nagraadse opleiding aan die Universiteit van Pretoria bejeën word, vind neerslag in die Universiteit se Kode vir Nagraadse Opleiding, waarin elf kritiese areas ten opsigte van n suksesvolle nagraadse beleid geïdentifiseer is, wat die fokuspunte van die Kode vorm. Die areas wat ter sprake is, is: 1.1 Deeglike fakulteits- en departementele inligting voor registrasie en tydens die studietydperk. 1.2 Fakulteits- en departementele strategieë vir die doelgerigte werwing van geskikte kandidate vir nagraadse opleiding. 1.3 Keuring en toelating wat daarop gemik is om n klimaat te skep wat sterker aansoeke trek. 1.4 Begeleiding van studente, wat insluit: n Personeelontwikkelingsprogram vir studieleiers. Goedkeuring van elke individuele studieprogram volgens vasgestelde Fakulteitskriteria. Die sluiting van n studie-ooreenkoms met alle doktorale studente (en waar toepaslik, ook magisterstudente) volgens n saamgestelde Fakulteitsmodel, wat as basis dien vir individuele studie-ooreenkomste, en besonderhede oor die verantwoordelikhede van beide student en leier/promotor bevat. n Sinvolle studiehandleiding wat, benewens leiding ter ontsluiting van die studieen/of navorsingsmateriaal, ook n volledige opgawe van studievereistes en bestek bevat, sowel as n gestruktureerde studieprogram met teikendatums vir ontmoetings, seminare, indiening van vorderingsverslae, en voltooiing van die verskillende fases van die navorsingsproses. Persoonlike begeleiding van die student ten opsigte van die identifisering en duidelike afbakening van n navorsingstema, die ontwikkeling van die tema tot n lewensvatbare navorsingsvoorstel, en deurlopende monitering en evaluering van alle vordering wat gemaak word; Gereelde, deurlopende seminare ten einde die aanbieding van voorlopige navorsingsresultate te stimuleer en motiveer. Inskakeling van nagraadse studente, sover moontlik, in departementele en selfs nasionale en internasionale projekte en navorsingspanne. Bepaling deur die Rektoraat in samewerking met die Fakulteit, van norme ten opsigte van die maksimum aantal studente op alle vlakke, wat effektief deur een dosent begelei kan word en wel volgens die omstandighede van elke fakulteit.

4 4 1.5 Skoling van nagraadse studente in die wetenskaplike werkswyse, in besonder die korrekte navorsingsmetodologie. 1.6 Motivering van nagraadse studente, gestimuleer deur gestruktureerde begeleiding en die kweek van n betrokkenheids- en vennootskapsgevoel. 1.7 Vorderingskontroles deur die jaarlikse voorlegging van vorderingsverslae van elke student aan die fakulteit. Nie slegs moet die student se nakoming van die studieooreenkoms en die studieprogram aandag geniet nie, maar óók moet die student die geleentheid kry om probleme wat hy of sy van sy of haar kant ondervind, met vrymoedigheid te stel. 1.8 Uitbouing van die nagraadse beeld van die fakulteit en sy departemente n beeld van uitnemendheid trek en motiveer studente. 1.9 Beskikbaarheid van voldoende mensekrag om die nagraadse beleid uit te voer genoegsame ondersteuningspersoneel, inligtingsbronne, apparaat, verblyffasiliteite en finansiële ondersteuning van studente Evaluering van nagraadse opleidingsprogramme, programstandaarde en produkte in samewerking met erkende nasionale en internasionale vakkundiges, asook jaarlikse interne evaluering op departementele en fakulteitsvlak Sinvolle kommunikasie van die resultate van nagraadse studie deur middel van vaktydskrifte, departementele publikasies, nasionale en internasionale kongresse, ens. n Kultuur moet ook gevestig word van studieleier en student wat gesamentlik publiseer. ******

5 5 Bylae 1: Administratiewe prosesse & prosedures UNIVERSITEIT VAN PRETORIA FAKULTEIT GESONDHEIDSWETENSKAPPE ADMINISTRATIEWE PROSEDURES EN RIGLYNE: KORT OPSOMMING VAN ADMINISTRATIEWE PROSESSE EN VOORGESKREWE PROSEDURES WAT IN HIERDIE BYLAE VERSKYN: Par.1: Aansoeke. Par 1.2: Die rol van die departementshoof in die hantering van nagraadse aansoeke. Par 2: Maksimum tyd vir voltooiing van studie. Par 3: Vorderingsverslae. Par 4: Administratiewe prosesse in verband met die goedkeuring/wysiging van verhandeling- en proefskrifonderwerpe: Par 5: Indiening van n proefskrif/verhandeling. Tydraam vir indiening daarvan met die oog op n spesifieke promosieplegtigheid. Skriftelike bevestiging deur die leier/promotor en die medeleier/medepromotor dat student mag indien. Verklaring deur student. Par. 6: Eksterne eksaminatore: Voorlegging vir aanstelling aan die Akademiese Advieskomitee (verhandeling) en Doktorale Protokolkomitee (proefskrif). aantal eksterne eksaminatore wat aangestel kan word, en beoordeling van n verhandeling/proefskrif deur n eksterne eksaminator. Aanhangsels by hierdie bylae aangeheg: Aanhangsel A: Kontrolevorm wat alle nagraadse aansoeke moet vergesel. Aanhangsel B: Senaatskriteria vir nagraadse studie. ****** 1. AANSOEKE Voornemende studente wat vir die eerste keer aan die Universiteit wil registreer, of ná onderbreking van studie weer wil registreer moet formeel (per aansoekvorm) aansoek doen om toelating. (Aansoeke om toelating tot gedoseerde MSc-grade sluit jaarliks op 31 Januarie.) 1.2 DIE ROL VAN DIE DEPARTEMENTSHOOF IN DIE HANTERING VAN N AANSOEK OM TOELATING TOT NAGRAADSE STUDIE Onderhoud en akademiese evaluering van aansoeker: Die voornemende student reël vooraf n onderhoud met die departementshoof, waartydens laasgenoemde evalueer/beoordeel of die kandidaat akademies op die vlak is waar hy/sy die voorgenome nagraadse studie met voordeel sal kan volg Die departementshoof se inset met betrekking tot die Kontrolevorm (Aanhangsel A hierby aangeheg) wat elke aansoek moet vergesel: Alvorens die departementshoof die aansoekvorm onderteken (as die aansoeker vir studie in sy/haar departement aanvaar word), moet hy/sy seker maak dat die aansoeker se akademiese kwalifikasies ooreenstem met die voorvereiste graad wat volgens fakulteitsregulasies vir die betrokke studierigting voorgeskryf is.

6 6 DIE KONTROLEVORM: Die Kontrolevorm (voorbeeld aangeheg as Aanhangsel A) moet tesame met elke aansoekvorm aan die departementshoof voorgelê word. Afdeling 1: Bevat n kort opsomming van die betrokke aansoeker se besonderhede soos in die aansoekvorm vermeld, en word voltooi deur die student of die Fakulteitsadministrasie. Afdeling 2: Moet in alle gevalle deur die departementshoof voltooi word en bevat sy/haar evaluering/beoordeling van die aansoek, met inagneming van die aansoeker se akademiese kwalifikasies asook die uitkoms van die onderhoud met die aansoeker, en moet voltooi word voordat die hoof die aansoekevorm onderteken. Afdeling 3: Moet deur die departementshoof voltooi word in alle gevalle waar die aansoeker nie oor die (korrekte) voorvereiste graad soos deur die fakulteitsregulasies voorgeskryf, beskik nie, maar wat nogtans vir studie in sy/haar departement aanvaar wil word. Afdeling 3 bevat twee kategorieë aansoekers: Kategorie 1 bevat 2 subafdelings: Subafdeling A: Is ten opsigte van die kandidaat wat toelating tot honneursstudie verlang, maar slegs oor n diploma beskik al het daar reeds n graadkursus bestaan wat hy/sy kon volg hier geld studierigtings soos Arbeidsterapie, Fisioterapie, ens. L.W.: Hierdie kandidaat word voorwaardelik as Gesondheidswetenskappe Spesiaal geregistreer totdat die aansoek goedgekeur is, waarna die student se registrasie omgeswaai word na die betrokke graadstudie. Op die aansoekvorm waar die departementshoof sy/haar handtekening plaas, moet aangedui word dat die student se toelating voorwaardelik is, en dat die student voorlopig as Gesondheidswetenskappe Spesiaal geregistreer moet word. Hierdie aansoeke word aan die Senaat vir goedkeuring voorgelê. Subafdeling B: Is ten opsigte van n aansoeker wat n diploma in een van die gesondheidsverwante studierigtings (bv Arbeidsterapie of Fisioterapie) voltooi het omdat daar destyds nie n graadkursus in die betrokke rigting bestaan het nie. Hierdie aandoeke word aan die Dekaan vir goedkeuring deurgestuur. Kategorie 2 bevat 2 subafdelings: Subafdeling A: Is ten opsigte van aansoekers wat wel oor akademiese of akademies gevorderde agtergrond beskik (universiteitsgraad) maar wat nie in die toepaslike studierigting gegradueer het nie (ten opsigte van toelating tot honneursstudie), of nie die vereiste honneursgraad vir toelating tot magisterstudie verwerf het nie, of nie die vereiste magistergraad vir toelating tot doktorale studie verwerf het nie. Hierdie aansoeke word aan die Senaat vir goedkeuring voorgelê. Kandidate word soos by L.W. hierbo uiteengesit, voorwaardelik toegelaat en voorlopig as Gesondheidswetenskappe Spesiaal geregistreer, totdat die vereiste tentamen afgelê is (kyk Aanhangsel B vir Senaatsvoorskrifte hieroor) en die aansoek deur die Senaat goedgekeur is, waarna die registrasie na die

7 7 betrokke graadstudie omgeswaai word. Dieselfde prosedure met die departementshoof se hand-tekening op die aansoekvorm geld hier ook. Subafdeling B: Is aansoekers wat oor n ander standaard van bekwaamheid as dié wat met die graadroete hierbo bedoel word, beskik. Hier word byvoorbeeld gedink aan die kandidaat in besit van n Nasionale Diploma of n BTech-graad aan n Technikon verwerf. (In die geval van eersgenoemde, moet seker gemaak word dat die kandidaat wel oor matrikulasievrystelling beskik.) Hierdie aansoeke moet aan die Senaat vir goedkeuring voorgelê word. Soos genoem by Subafdeling A hierbo, word die kandidaat voorwaardelik toegelaat en voorlopig as Gesondheidswetenskappe Spesiaal geregistreer, totdat die aansoek goedgekeur is, waarna die registrasie na die betrokke graadstudie omgeswaai word. Dieselfde prosedure met die departementshoof se handtekening op die aansoekvorm geld hier ook. L.W.: Die Senaatskriteria vir nagraadse studie is as Aanhangsel B by hierdie bylae aangeheg. 2. MINIMUM EN MAKSIMUM TYD VIR VOLTOOIING 2.1 Algemene Regulasie G.35 bepaal dat n student minstens 12 maande vir n magistergraad geregistreer moet wees voordat die betrokke graad toegeken mag word. Die fakulteitsregulasies (Reg. M.9 (b)) bepaal die maksimum tydperk vir MScgraadstudie as vyf jaar. In buitengewone omstandighede mag die Dekaan n vasgestelde, langer tydperk goedkeur. 2.2 Vir doktorale graadstudie bepaal Algemene Regulasie G.51 die minimum tydperk van studie soos volg: Minstens vier jaar ná voldoening aan al die vereistes vir n driejarige B-graad. Minstens drie jaar ná voldoening aan al die vereistes vir n vierjarige B-graad. Minstens twee jaar ná voldoening aan al die veristes vir n vyfjarige B-graad of langer. Minstens twee jaar ná voldoening aan al die vereistes vir n magistergraad. (Die Dekaan mag n korter tydperk goedkeur, maar nie minder as 12 maande vanaf eerste registrasie vir die doktorale studie nie.) Die fakulteitsregulasies (Reg. M.11 (g)) bepaal die maksimum tydperk vir PhDgraadstudie as vyf jaar. In buitengewone omstandighede mag die Dekaan n vasgestelde, langer tydperk goedkeur. 3. VORDERINGSVERSLAE 3.1 Vorderingsverslae word jaarliks ten opsigte van elke MSc- en PhD-student deur leiers/promotors voltooi, vir voorlegging aan die Voorsitter van die betrokke Skool, wat dan volgens sy of haar diskresie, sekere gevalle na die Skool se Akademiese Advieskomitee sal verwys. 4. ADMINISTRATIEWE PROSESSE IN DIE HANTERING VAN DIE GOEDKEURING VAN VERHANDELING- EN PROEFSKRIFONDERWERPE 4.1 Die departementshoof of studieleier lê die voorgestelde onderwerp vir n verhandeling, tesame met die student se protokol, vir goedkeuring voor aan die Akademiese Advieskomitee van die Skool, of in die geval van n PhD-proefskrif, aan

8 8 die PhD-Protokolkomitee, by aanvang van die kandidaat se studie vir die betrokke graad. Die voorgestelde wysiging van n onderwerp, word op dieselfde wyse hanteer. (Protokolvereistes verskyn in Bylae 3 van hierdie Handleiding.) 4.2 Goedgekeurde/Gewysigde onderwerpe word (slegs vir kennisname) by twee geleenthede gedurende die akademiese jaar aan die Fakulteitsraad voorgelê. 4.3 Die Fakulteitsadministrasie stel n student skriftelik in kennis van die goedkeuring/ wysiging van die onderwerp, met n afskrif van die skrywe aan die betrokke studieleier of promotor. 5. INDIENING VAN VERHANDELINGS EN PROEFSKRIFTE 5.1 Tydraam vir indiening van n verhandeling/proefskrif met die oog op n spesifieke promosieplegtigheid: Ingevolge Algemene Regulasie G.57.3 (b) word n verhandeling of proefskrif(met die goedkeuring van die leier/promotor) by die Hoof: Fakulteitsadministrasie ingedien voor die sluitingsdatum vir die verskillende promosieplegtighede soos jaarliks aangekondig: Vir gradeplegtigheid: Eksamenkopie: Finale kopie: Gradeplegtigheid: HERFS 31 Oktober 31 Januarie Einde Maart/April LENTE 31 Mei 31 Julie 1ste week in Sept. SOMER 31 Augustus 31 Oktober* 1ste week in Des. * Voorlegging moet voor 30 September geskied met die oog op publikasie van die uitslag aan die einde van die jaar. 5.2 Skriftelike goedkeuring vir indiening van verhandeling/proefskrif: Volgens die bepalings van Algemene Regulasie G.57.3 (c) moet die leier/promotor en medeleier/medepromotor, na gelang van die geval, skriftelike toestemming vir indiening van die verhandeling/proefskrif gee: Met dien verstande dat die dekaan op versoek van die student, ná oorleg met die departementshoof en leier/ promotor, toestemming vir indiening verleen indien die leier/promotor of medeleier/ medepromotor sodanige toestemming weier. 5.3 Verklaring deur student: Algemene Regulasie G.57.3 (d) bepaal dat n student by indiening van n verhandeling/proefskrif die volgende verklaring voor n Kommissaris van Ede aflê: Ek verklaar dat die verhandeling/proefskrif* wat ek hiermee aan die Universiteit van Pretoria vir die..-graad voorlê, my eie werk is en nie vantevore deur my aan enige ander tersiêre inrigting vir enige graad voorgelê is nie. * Skrap wat nie van toepassing is nie. Belangrik: Raadpleeg ook belangrike inligting oor verhandelings en proefskrifte in Bylae 5 van hierdie Handleiding. 6. EKSTERNE EKSAMINATORE 6.1 Voorlegging aan die Akademiese Advieskomitee/Doktorale Protokolkomitee: Die aanstelling van n eksterne eksaminator of eksaminatore moet vir goedkeuring aan die Akademiese Advieskomitee van die Skool voorgelê word in die geval van n magisterverhandeling, en aan die Doktorale Protokolkomitee, in die geval van n proefskrif. n Verkorte curriculum vitae waarin, onder andere, die akademiese kwalifikasies en publikasies van die eksterne eksaminator bevestig word,

9 Iemand mag slegs as n eksterne eksaminator vir n verhandeling/proefskrif voorgestel word indien hy of sy oor dieselfde akademiese kwalifikasie (magistergraad/doktorsgraad) beskik, en nie verwant is aan die betrokke student nie (dieselfde geld ten opsigte van die die interne eksaminatore) Die naam/name van die eksterne eksaminator(e) mag nie aan die kandidaat bekend gemaak word nie, en die evalueringsverslae van die interne sowel as eksterne eksaminatore moet onafhanklik van mekaar by die Fakulteitsadministrasie ingedien word. 6.2 Aantal eksterne eksaminatore: Indien slegs een eksterne eksaminator vir n magisterverhandeling aangestel word, moet dié persoon van buite die Universiteit wees. Meer as een eksterne eksaminator kan egter aangestel word indien die navorsing interdissiplinêr is, in welke geval minstens een van buite die Universiteit moet wees Vir n proefskrif is twee eksterne eksaminatore egter verpligtend, waarvan een uit die buiteland. Indien n mondelinge eksamen addisioneel beoog word, moet die beskikbaarheid van laasgenoemde persoon en die koste verbonde, vooraf verreken word. 6.3 Beoordeling van n verhandeling deur die eksterne eksaminator(e): Eksaminatore moet beoordeel of die verhandeling duidelik aantoon dat die kandidaat: vertroud is met die aard en doel van sy/haar ondersoek; n bevredigende kennis van die tersaaklike literatuur besit en in staat is om die betrokke literatuur met betrekking tot die betrokke vakgebied te interpreteer; tegnieke wat in sy/haar ondersoek ter sprake is, bemeester het; deeglik onderlê is in die teorie en aanwending van wetenskaplike metodologie; in staat is om die wetenskaplike betekenis van sy/haar resultate te evalueer; en die navorsingsverslag wetenskaplik verantwoordbaar te kan struktureer Die eksterne eksaminator(e) dien (elk, onafhanklik van mekaar), n getikte of skriftelike verslag (in duplikaat) by die Fakulteitsadministrasie in. Die eksterne eksaminator moet ook aantoon of die verhandeling: Aanvaar word; Afgekeur word; of Terug verwys word na die kandidaat vir hersiening of uitbreiding Die eksterne eksaminator moet ook kommentaar lewer oor die taalkundige en tegniese versorging van die verhandeling Ingevolge Alg. Reg. G.60.2 (2.2.2) word geen punte aan n proefskrif toegeken nie. 6.4 Beoordeling van n proefskrif deur die eksterne eksaminatore: Eksaminatore moet beoordeel of n proefskrif duidelik aantoon dat die kandidaat aan die vereistes soos hierbo by uiteengesit, voldoen. Bykomend in die geval van die doktorsgraad, moet die eksterne eksaminatore ook evalueer of die proefskrif n oorspronklike bydrae lewer tot nuwe kennis en insig in die betrokke dissipline. (Die verskil tussen die vereistes vir n doktorsgraad en n magistergraad, is dat die proefskrif n oorspronklike bydrae tot nuwe kennis en insig in die betrokke dissipline moet lewer.)

10 Die bepalings by en (hierbo) in verband met indiening van die verslae van die verskillende eksaminatore, en beoordeling van die gehalte van die taalkundige en tegniese versorging, is ook op proefskrifte van toepassing. L.W: Verdere besonderhede soos bv die vergoeding vir eksterne eksaminatore (wat aan verandering onderhewig is) word jaarliks aangepas en is op aanvraag by die Fakulteitsadministrasie beskikbaar. *****

11 11 Bylae 2: Fakulteitsregulasies en G-regulasies UNIVERSITEIT VAN PRETORIA FAKULTEIT GESONDHEIDSWETENSKAPE FAKULTEITSREGULASIES & DIE ROL VAN DIE ALGEMENE (G-)-REGULASIES 1. FAKULTEITSREGULASIES 1.1 Die Fakulteitsregulasies ten opsigte van BSc(Hons)-, MSc- en PhD-graadstudie verskyn onderskeidelik as Reg. M.8, M.9 en M.11 in die in die publikasie Regulasies en Leerplanne: Fakulteit Gesondheids-wetenskappe. 1.2 Die verskillende studierigtings ten opsigte van elke graadkursus word in die betrokke regulasies vermeld. 1.3 BELANGRIK: Let op die inhoud van par 2.1 hieronder in verband met die saamlees van die Fakulteitsregulasies met die Algemene Regulasies (G-regulasies). 2. DIE ROL VAN DIE ALGEMENE (G-)-REGULASIES 2.1 Fakulteitsregulasies soos hierbo genoem, moet in alle gevalle saamgelees word met die Algemene Regulasies (G-regulasies), waarvan n kopie aan elke nagraadse student by registrasie voorsien moet word. 2.2 Die G-regulasies is gemeenskaplike regulasies wat van toepassing is op die grade/diplomas van al die fakulteite oor die Universiteit heen. 2.3 Hier word ter illustrasie weer verwys na die Fakulteitsregulasies in 1.1 hierbo genoem by die deurlees van die betrokke regulasies, gebeur dit telkens dat in die aanhef van n Fakulteitsregulasie, verwys word na n G-regulasie: Voorbeeld: Reg. M.9 (a) Toelatingsvereistes (vir die MSc-graadstudie): Behoudens die bepalings van Algemene Regulasie G.62 Dit beteken dat die regulasie se bepalings met inagneming van die betrokke G- regulasie se bepalings gelees moet word. Tensy in n G-regulasie pertinent gemeld word Behoudens andersluidende bepalings in fakulteitsregulasies is die bepalings van die betrokke G-regulasie met betrekking tot die betrokke aangeleentheid, van krag. *****

12 12 Bylae 3: Die Protokol UNIVERSITEIT VAN PRETORIA FAKULTEIT GESONDHEIDSWETENSKAPPE WAT IS N NAVORSINGSPROTOKOL? (Hierna genoem Protokol) 1. Wat is n protokol en wat is die doel daarmee? 1.1 n Protokol is die ordelike, wetenskaplike dokumentering van die navorsingshandelinge vir die uitvoering van n navorsingsprojek. Stappe moet dus bepaal word waarvolgens n navorsingsprojek beplan word ten einde betekenisvolle resultate te bereik. 1.2 Die benoeming, beskrywing en motivering van elke navorsingshandeling word dus gedoen in die vorm van n protokol. 2. Protokolraamwerk 2.1 Onder dekking van die voorgeskrewe vorm wat op aanvraag by die Hoof: Fakulteitsadministrasie óf by die betrokke departementshoof of studieleier beskikbaar is, sluit die magister- sowel as die doktorale protokolraamwerk die volgende in: Titel Inleiding/Hipotese Literatuurstudie Doel van ondersoek/navorsing Navorsingsprosedure: Keuse van navorsing en vak en/of voorwerp Tipe studie Materiaal en metodes Data-insameling Logistieke Dataprosessering Loodsstudie Spesiale vereistes Finansiering Verslag Literatuurverwysings 2.2 Curriculum vitae n Verkorte curriculum vitae van die kandidaat sowel as die eksterne eksaminatore moet die voorgestelde protokol vergesel. 2.3 Skriftelike verklaring n Skriftelike verklaring deur die kandidaat waarin presies verklaar word sy of haar bydrae tot die voorgestelde navorsing n Skriftelike verklaring deur die departementshoof of studieleier dat voldoende finansiering vir die studie beskikbaar is n Verslag van n statistikus dat hy of sy die dataversamelingskomponent van die protokol goedkeur. L.W.: n Beperkte statistiekdiens is in die Fakulteit beskikbaar.

13 Etiese goedkeuring Waar nodig, moet die nodige goedkeuring van die Etiese Komitee van die Pretoria Akademiese Hospitaal verkry word, nadat die protokol deur die Akademiese Advieskomitee goedgekeur is. 2.5 Samevatting van protokolvereistes Samevattend kan gesê word dat die navorsingsprotokol as navorsingsvoorstel, antwoorde op die volgende vrae kan verskaf: Wat wil die navorser doen? Hoekom wil die navorser dit doen? Hoe gaan die navorser dit doen? Van wie almal gaan die navorser gebruik maak om dit te doen? Waar gaan die navorser dit doen? Hoe lyk die navorser se tydplan? Hoeveel gaan dit kos en hoe gaan die navorser die geld bestee? Watter bydrae gaan deur die projek gelwer word: 2.6 Ten slotte kan gesê word dat die navorser wat n navorsingsaansoek voorberei, steeds moet onthou dat hy of sy nie slegs in sy of haar resultate kan belangstel nie, maar steeds na kwaliteit en voortreflikheid moet streef, hom of haar wetenskaplik moet kan verantwoord en moet poog om sy of haar navorsing toepaslik te maak om sodoende n bydrae tot die wetenskap en die samelewing te lewer. Navorsing is n spanpoging en erkenning van deelname moenie vergeet word nie. L.W.: Die protokol wat aan al bogemelde vereistes voldoen, word vir goedkeuring aan die Akademiese Advieskomitee of Protokolkomitee van die Skool voorgelê, en wel by aanvang van die kandidaat se studie vir die betrokke graad, en vóór voorlegging aan die Etiese Komitee waar nodig. *****

14 14 Bylae 4: Praktykbegeleiding UNIVERSITEIT VAN PRETORIA FAKULTEIT GESONDHEIDSWETENSKAPPE PRAKTYKBEGELEIDING: DIE ROL VAN DIE STUDIELEIER/PROMOTOR EN DIE STUDENT 1. Praktykbegeleiding Ná voorlegging en goedkeuring van die protokol, begin n volgende fase van leiding aan die student wanneer praktykbeslag aan die uitvoering van die navorsingsbeplanning gegee word. 1.1 Befondsing n Belangrike praktykbegeleidingsfunksie is om studente reeds vóór opstel van die navorsingsprotokol in te lig oor toepaslike privaat- en owerheidsinstansies wat finansiële steun vir navorsingsprojekte verleen. Finansiële realisme behoort aan die dag gelê te word en (moontlike) begrotingsimplikasies van die projek moet deeglik oorweeg en verreken word. 1.2 Samesprekings Samesprekings sal dikwels, na behoefte, of op n geskeduleerde basis tussen student en studieleier plaasvind, en vorm die grondslag vir n samewerkingsverhouding tussen student en studieleier. Uit die gesprekke kan die leier dan moontlike leemtes in die student se navorsingsmondering identifiseer en remediërende maatreëls aanbeveel. 1.3 Tydskedulering Die leier/promotor moet met die student ooreenkom op tydskedules vir die afhandeling van gespesifiseerde take. Van die student word verwag om die leier oor afwykings in die navorsingsbeplanning en tydskedulering in te lig sodat die wysigings verreken kan word. 1.4 Leier/promotor as bestuurder Die leier/promotor moet in gedagte hou dat hy of sy slegs as bestuurder van die navorsingsprogram van die student moet optree en nie as die uitvoerder nie. Onder die navorsingsleiding van die leier/promotor moet die student sy projek self struktureer, die navorsing self uitvoer en dokumenteer. Hierdie onafhanklike prestasie van die student is deel van sy of haar navorsingskoling en van die potensiaal van die student wat ontwikkel moet word en op grond waarvan die navorsingsproduk beoordeel sal word. 1.5 Leier/promotor as klankbord Die leier/promotor moet die inhoud van die navorsingsverslag en navorsingsresultate, soos van tyd tot tyd deur die student voorgelê, voortdurend interpreteer in terme van die ooreengekome navorsingsprotokol. 1.6 Publiseer

15 15 Soos wat die navorsing vorder, moet die student aangemoedig word om artikels vir publikasie voor te berei en vir publikasie in vaktydskrifte voor te lê. 1.7 Rol van die studieleier/promotor Samevattend, is dit die volgende: Om te lei en nie om aktiewe hulp aan die student te verleen nie. Die leier/promotor bepaal of n student in staat is om n onderwerp aan te pak. Sodoende moet die leier/promotor ook sy eie vermoëns en kundigheid evalueer om aan die student die nodige leiding te kan gee. Verantwoordelikheid vir die voorlegging van die navorsingsvoorstel aan die Akademiese Advieskomitee van die Skool in die geval van n magistergraad en die Skool se Doktorale Protokolkomitee in die geval van n PhD asook die deurvoering van alle formele handelinge, berus by die leier/promotor. 1.8 Hy of sy moet toesien dat gereelde kontak met die student behou word en dat vorderingsverslae (mondeling of skriftelik) van die student ontvang word. Die onus om kontak te maak en verslag te doen, berus egter by die student. 1.9 Die omvang en gehalte van die navorsing moet deur die leier/promotor gekontroleer en goedgekeur word. Hiermee saam moet die inhoudsopgawe deeglik gekontroleer word voor indiening van die eerste hoofstukke. Ter wille van akademiese verantwoordbaarheid, moet die leier/promotor onpartydig akademiese standaarde, etiek, eerlikheid, vertroulikheid ens aan die student moet kan waarborg Die leier/promotor moet toestem dat die studie ingelewer mag word. Verlof tot indiening impliseer dat hy of sy persoonlik van oordeel is dat die studie inhoudelik, maar moontlik nog nie tegnies nie, n slaagstandaard bereik het Stilistiese en taalkundige versorging is nie die studieleier/promotor se taak nie; hy of sy toon bloot gebreke aan, maar moet die manuskrip finaal goedkeur met inagneming van stilistiese en taalkundige versorging Hy of sy dui die algemene vereistes en beginsels ten opsigte van verwysings aan. Dit is die student se taak om dit te presiseer. Die leier/promotor moet dit wel finaal goedkeur By self-geïnisieerde of kontrakwerk vir n instansie waarby die leier/promotor nie betrokke is nie, aanvaar hy of sy nie verantwoordelikheid ten opsigte van die beskikbaarheid of geskiktheid van bronne nie Waar die leier/promotor die onderwerp aan die hand gedoen het, het hy of sy n belangrike verantwoordelikheid om te verseker dat bronne beskikbaar en geskikis, maar daardie verantwoordelikheid strek nie verder as die uitwys van die bronne nie. Probleme wat met betrekking tot die benutting van daardie bronne intree, is nie sy of haar verantwoordelikheid nie Die leier/promotor onderneem ook om hoofstukke wat ingedien word, binne n redelike tyd deeglik na te gaan. 2. Die student se rol en verpligtinge 2.1 Dit is die student se verantwoordelikheid om sy of haar navorsingsvaardighede op te skerp deur middel van leeswerk, ens. 2.2 Die aanpak van die studie impliseer dat die student ryp en gereed is vir selfstandige werk waarin die leiding van die leier/promotor slegs ten doel het om wetenskaplike

16 16 geskooldheid te bevorder, sy of haar werk te beoordeel en hom of haar van advies te bedien. 2.3 Dit is die verantwoordelikheid van die student om te bepaal of die voorgenome studie nie elders of deur iemand anders onderneem is of word nie. 2.4 Dit is die student se verantwoordelikheid om kontak met die leier/promotor te behou en gereeld aan hom of haar verslag te doen oor die vordering van sy of haar werk. Die tempo en wyse van kontak moet onderling tussen die student en leier/promotor gereël word. 2.5 Die student moet die maksimum registrasietyd in ag neem. Verlenging van studietyd sal slegs aanbeveel word indien bewys word indien bewys gelewer kan word dat die finale manuskrip van die studie voltooiing nader en die studie binne n addisionele jaar voltooi sal kan word. 2.6 Die student is verantwoordelik vir die stilistiese, taalkundige en tegniese versorging van die manuskrip en om te verseker dat aan alle vereistes van die Universiteit ten opsigte van kopiëring, inbind en inlewering voldoen word. 2.7 Dit is die student se taak om vir die vertaalde opsomming te sorg. 2.8 Dit is die student se verantwoordelikheid om onder leiding van die leier/promotor n aanvaarbare navorsingstegniek en strategie te ontwikkel. 2.9 In gevalle waar die student probleme ondervind om aandag en leiding van die studieleier/promotor te ontvang, het die student die reg om die saak na die departementshoof te verwys Dit is die student se verantwoordelikheid om die nodige inligting te bekom en aansoeke te hanteer vir beurse en finansiële steun. Die studieleier/promotor se verpligtinge is beperk tot inligting oor toepaslike privaat- en owerheidsinstansies wat finansiële steun vir navorsingsprojekte verleen Die student is verantwoordelik vir die opstel van die navorsingsvoorstel in oorleg met die studieleier. *****

17 17 Bylae 5: Die verhandeling en die proefskrif UNIVERSITEIT VAN PRETORIA FAKULTEIT GESONDHEIDSWETENSKAPPE VERHANDELINGS EN PROEFSKRIFTE 1. Vóór indiening: Die leier/promotor moet betyds vooraf ingelig word van die datum en tyd waarop inhandiging van die verhandeling/proefskrif beplan word. 2. Indiening met die oog op n spesifieke gradeplegtigheid Raadpleeg Bylae 1 van hierdie publikasies oor datums van indiening. 3. Goedgekeurde verhandeling/proefskrifonderwerp Geen verhandeling/proefskrif sal aanvaar word as die onderwerp, waar dit in die verhandeling/proefskrif voorkom, enigsins verskil van die onderwerp soos reeds goedgekeur nie. 4. Tegniese vereistes 4.1 Formaat groter as A4 sal nie aanvaar word nie. 4.2 Die verhandeling/proefskrif moet op goeie gehalte papier gedruk word, en die perfect binding-bindmetodeword ten opsigte van die manuskrip verkies. 4.3 Die omslag van die finale kopie moet hard wees (dus nie sagteband nie), met die naam van die student en jaar van indiening op die rugkant daarvan. 4.4 Voorop die buiteblad moet die volgende in hoofletters gedruk wees; Onderwerp van die verhandeling/proefskrif Voorletters en van van die kandidaat 4.5 Die titelblad (vir proefskrif: Handig een titelblad in Engels apart in), moet die volgende inligting bevat: (Volledige titel van die verhandeling/proefskrif deur (Volle name en van van die sudent) Voorgelê ter (gedeeltelike) voldoening aan die vereistes vir die graad.. in die Fakulteit Gesondheidswetenskappe Universiteit van Pretoria Pretoria (Maand en jaar van voorlegging)

18 Voorwoord n Voorwoord is nie noodsaaklik nie, maar moet kort wees, en mag die volgende bevat: n Woord van dank aan die persone wat uitsonderlik behulpsaam was tydens die voorbereiding van die werk; egter nie sentiment of prys nie. 4.7 Melding van spesiale omstandighede, wat deel uitgemaak het van die navorsing of die voorbereiding van die proefskrif. 4.8 Inhoudsopgawe Die inhoudsopgawe verstrek die bladsynommers van dele, hoofstukke en subafdelings van hoofstukke. Slegs dele or subafdelings wat hul eie opskrifte bevat, word ingesluit. Die opskrifte en bladsynommers in die finale dokument moet ooreenstem met dié in die inhoudsopgawe verstrek. Geen punte agteraan hoofstukke wat in die inhoudsopgawe genoem word nie. 4.9 Lys van tabelle bevat n volledige lys van al die tabelle in die verhandeling/proefskrif. Let op leestekens. Ook dat geen reël met n punt eindig nie Lys van syfers en illustrasies: Lyk soos die lys van tabelle Teks Inleiding: Word gewoonlik heel laaste geskryf omdat dit dan vir die kandidaat makliker is om navorsing en resultaat in behoorlike perspektief te sien, wat n meer akkurate beskrywing van die belangrikheid en doel van die navorsing tot gevolg het. Aangesien die eerste hoofstuk n spesifieke doel dien, word by n vaste patroon gehou, terwyl die ander hoofstukke saamgestel word ooreenkomstig die aard van die navorsing wat gedoen is. Teneinde die navorsing in die regte perspektief te kan sien, moet die leser van die volgende belangrike aspekte kennis neem: Agtergrond (die probleem in perspektief) moet gegee word. Geen navorsing geskied in isolasie nie. Dit vorm altyd deel van n groter raamwerk, en gevolglik moet die leser ingelig word oor hoe die navorsing by die groter geheel inpas. Omdat aangeneem word dat die leser n kundige sal wees, is slegs hooftrekke nodig. Die stand van die bestaande navorsing breedvoerige uiteensettings van bestaande literatuur is onnodig; slegs tekortkominge en gapings hoef genoem te word. Probleemstelling is die hoofdoel vandie inleidende paragraaf. Die probleem wat deur middel van die kandidaat se navorsing opgelos moet word, word beskryf n belangrike paragraaf, omdat dit gewoonlik die kriterium is waarvolgens die sukses van die navorsing bepaal of geëvalueer word. Die motivering is grootliks reeds in die vorige paragraaf aangedui. Verduideliking van die navorsingsprosedure help die leser as die prosedure ongewoon of gekompliseerd is. Inhoud van die teks: Die hoofstuk is gewoonlik die groot onderverdeling van die verhandeling /proefskrif. Hoofstukke moet min of meer dieselfde lengte hê. Paragrawe word verdeel en genommer in onderafdelings. Geen punt ná die opskrif van n paragraaf nie. Daar is wel n punt indien teks op dieselfde reël volg. Geen verwysing na Ek, my, ons, die skrywer nie. Syfers onder 10 word voluit geskryf (nul, sewe, tien). Breuke en desimale breuke word egter as breuke geskryf. So ook erkende

19 19 standaarde ten opsigte van bv 2kg; 5m; maar ses huise) en verhoudings (1:12; 14:1). Breuke met heelnommers word voluit geskryf ( n kwart, tweederde=des). Afkortings in die teks is nie toelaatbaar nie. Lang name wat herhaalde kere voorkom, moet die eerste keer voluit geskryf word, en daarna met n afkorting tussen hakies, indien n erkende afkorting wel bestaan. Vreemde woorde moet óf onderstreep óf tussen aanhalingstekens geplaas word. Tabelle moet op een bladsy inpas 5. Opsomming Elke kopie moet n opsomming van die verhandeling, van nie meer as 500 woorde nie, in beide Afrikaans en Engels, bevat. Proefskrif: Handig n Engelse opsomming apart in tel die woorde versigtig: nie meer as 350 woorde nie. Geen grafika, sketse of tabelle in die opsomming nie. Titel van die opsomming moet die volgende bevat: Volledige titel van die proefskrif Volle name van die student Promotor Departement Graad waarvoor die proefskrif ingedien word. 6. Aantal kopieë Eksamenkopieë (Harde omslag of in ringlêer): Een kopie vir elke interne eksaminator (leier/medeleier of promotor/medepromotor) asook elke eksterne eksaminator. Finale kopie: Een kopie met harde omslag vir die Biblioteek, sowel een ongebinde, hoë-digtheid kopie (nie rug aan rug nie), vir mikroverfilming. Waar kleurfoto s gebruik is, moet die oorspronklike kopieë vir mikroverfilming tesame met die verhandeling voorsien word. L.W.: Finale kopieë moet minstens een maand voor die volgende gradeplegtigheid sal plaasvind, ingehandig word. 7. Toestemming vir inhandiging Die voltooide vorm moet deur beide die leier/promotor en die student onderteken word. n Bedrag van R35,00 vir mikroverfilming is betaalbaar. 8. Konsepartikel n Konsep artikel vir publikasie in n geakkrediteerde tydskrif, en gebaseer op die navorsing, moet ingedien word voordat die finale kopieë ingehandig word. 9. Curriculum Vitae Doktorale kandidate moet n curriculum vitae inhandig (maksimum 250 woorde en goedgekeur deur die promotor). Die laaste paragraaf mag nie meer as 50 woorde bevat nie (hierdie paragraaf sal deur die promotor voorgelees word wanneer hy of sy die student by die gradeplegtigheid voorstel). Die laaste paragraaf moet die volgende kortliks bevat: Die belangrikheid van die student se bydrae Die bydrae wat dit tot die wetenskap maak Watter spesiale metodes wat tydens die navorsing gebruik is Enige ander belangrike inligting. ******