Landbou Inligtingstuk. Almal weet hoe belangrik suurstof in die grond is.

Transcriptie

1 Landbou Inligtingstuk Almal weet hoe belangrik suurstof in die grond is. Enige gewas groei baie beter met reënwater as met besproeiingswater. Hierdie waarneming dui dus op ʼn duidelike verskil tussen reënwater en ander besproeiingswater soos rivier-, dam- en boorgatwater. Die verskil lê in die suurstofsamestelling van die water, maar meer spesifiek die teenwoordigheid van verskillende vorms van geaktiveerde suurstof (O3, O4, O5,. OX) wat opgelos is in reënwater. Hoe onstaan die suurstof verskil? Die lug wat in ons atmosfeer is, bevat 20.8% suurstof (O2). Daar is verskillende frekwensies van UV-strale wat vanaf die son skyn en elk verrig sy eie funksie. Soos die spesifieke frekwensie deur die atmosfeer skyn, verander dit suurstof (O2) na geaktiveerde suurstof (O5, O7, O11,. OX). Gedurende die reënvormingsproses word die geaktiveerde suurstof deel van die reëndruppels, waarna hierdie suurstofryke water in die grond beland. Baie boere is van mening dat verbeterde plantegroei veroorsaak word deur die teenwoordigheid van stikstof in reënwater. Stikstofbinding in die atmosfeer gebeur egter slegs tydens weerligaksie en gewone reënwater (sonder donderweer) bevat relatief min gefikseerde stikstof. Verbeterde plantegroei is die direkte gevolg van suurstofryke reënwater wat die grond infiltreer en ʼn aërobiese grondklimaat skep. 1

2 Wat is Osoon? Osoon is n verbinding wat natuurlik voorkom in die atmosfeer. suurstofmolekule bestaan uit drie suurstofatome wat aanmekaar verbind is. Hierdie geaktiveerde 3 O2 + (bestraling) 2 O3 Drie suurstofmolekules word benodig om twee osoonmolekules te vorm. 2

3 Osoon (O3) is baie onstabiel en poog dus om so spoedig moontlik terug te keer na sy natuurlike vorm (O2). Gevolglik reageer die ekstra suurstofatoom met enigiets wat in die water is om ʼn verbinding te vorm (oksidasie). Oksidasie kan met metale, organiese materiaal tot lewende weefsel plaasvind. Osoon is ʼn baie sterk oksideermiddel en die natuur se manier om van giftige gasse in die atmosfeer ontslae te raak. Die Puricare Landbou Eenheid Die eenheid word gebruik om die natuur na te boots en gewone besproeiingswater te omskep in water wat net so doeltreffend soos reënwater is. Hoe werk die Puricare Landbou Eenheid? Osoon (O3) en geaktiveerde suurstof (O5, O7, O11,. OX) word op ʼn natuurlike manier vervaardig deurdat ʼn spesifieke volume lug, met ʼn spesifieke vloeisnelheid, verby ʼn UV lig beweeg wat teen ʼn spesifieke frekwensie brand. Die suurstof in die lug word bestraal om Osoon (O3) en geaktiveerde suurstof (O5, O7, O11,. OX) te vorm waarna dit met ʼn kombinasie van drukpompe, sputniks en venturis in die besproeiingswater opgelos word. Weens die hoë druk waaronder die osoon en dan ook suurstof verkeer tydens die inpomp in die stelsel, is die gasse in die water opgelos. Daarna word peroksied by die osoonverrykte water gedoseer. Die Puricare Landbou Eenheid laat n gevorderde oksidasie proses (GOP of peroxone) in die besproeiingswater plaasvind waar waterstofperoksied (H2O2) die reaksie aktiveer (kataliseer) en versnel. Hoe lyk die Puricare Landbou Eenheid? Die eenheid bestaan uit 3 hoofkomponente, nl. UV lig(te), ʼn geaktiveerde suurstof doseringsmeganisme en ʼn waterstofperoksied doseringspomp. Die Puricare Landbou Eenheid kan op enige besproeiingstelsel (vloed-, sprinkel-, spilpunt-, mikro-, drup-, hidroponiese besproeiingstelsels, ens.) geïnstalleer word en behandel alle soorte besproeiingswater. 3

4 ʼn Tipiese installasie waar liter per uur behandel word. Daar is geen beperking op die hoeveelheid water wat behandel kan word nie. Die Puricare Landbou Eenheid kan nie n besproeiingstelstel laat roes nie Wanneer geaktiveerde suurstof in besproeiingswater opgelos word, vind gevorderde oksidasie prosesse plaas met swaar metale, minerale, bakterieë en virusse wat in die water opgelos is. Die toegediende dosis is so laag dat daar geen vry osoon/geaktiveerde suurstof oor is om met die besproeiingstelsel (pype, gegalvaniseerde passtukke, rubbers, ens.) te reageer nie en die behandelde water treë dus nie korrosief op nie. Daar is nie meer geaktiveerde suurstof in die water oor teen die tyd dat dit by die druppers uitkom nie, slegs suurstofryke water. Ons eenhede vorm ook nie nitrisoksiedes wat korrosief in besproeiingstelsels reageer nie. 4

5 Besproeiingstelsels wat roes is hoofsaaklik vanweë die hoë elektrolitiese inhoud van die water, bv. water uit die Vaalrivier het n hoër elektrolitiese inhoud wat meer geneig is om besproeiingstelsels te laat roes as besproeiingswater uit die Oranjerivier. Deur die Puricare Landbou Eenheid se gevorderde oksidasie prosesse word die elektrolitiese effek van die water in balans gebring en geen korrosie vind plaas nie. Primêre voordele vir Landbou Die deurlopende skoonmaak van besproeiingsisteme Die oksidasieproses van aanpaksels in die besproeiingspype begin onmiddellik en neem enigiets van drie weke tot ses maande, afhangende van hoe vuil die stelsel is en hoe gereeld besproei word. Verdere voordele: - Minder / geen verstopte druppers lei tot ʼn besparing in arbeid en hoër effektiwiteit van die besproeiingstelsel. - Die skoner besproeiingstelsel lei tot ʼn laer werksdruk by die pomp en gevolglike elektrisiteitsbesparing. - Korter tye van besproeiingsiklusse spaar elektrisiteit - Filters bly langer skoon - Die lewensduur van die besproeiingstelsels word verleng en instandhoudingskoste verminder. Onbehandel & Behandel 5

6 Die Puricare Landbou Eenheid stel lae konsentrasies van osoon vry wat veroorsaak dat alle aanpaksel vanaf die middel van die pype na die wande toe geoksideer word oor ʼn tydperk. Hierdie osoonkonsentrasies is te laag om die verbinding tussen die aanpaksel en die besproeiingspyp te breek kan dus nie lei tot groot stukke aanpaksel en verstopte besproeiingspype nie. Verbeterde waterkwaliteit Die geaktiveerde suurstof waarmee besproeiingspype skoongemaak word, los ook in die besproeiingswater op en verbeter die waterkwaliteit. - Die ph van die water verbeter a.g.v. die oksidasie van minerale en soute. - Die suurstofryke water infiltreer en penetreer die grond vinniger a.g.v. ʼn verbeterde kristalstruktuur. - Minder afloop en verdamping van toegediende water vind plaas. - Waterverbruiksdoeltreffendheid neem toe. - ʼn Vermindering in watertoedienings is ʼn duidelike gevolg hiervan. - Die geaktiveerde suurstof in die water oksideer skadelike minerale en maak die water sodoende meer opneembaar vir plante. - Bakterieë, virusse en ander skadelike organismes in die water kan geoksideer word en infeksies kan afneem. Verbeterde grondkwaliteit Die Puricare Landbou Eenheid streef daarna om die natuurlike balans in grond terug te bring. Die toediening van suurstofryke besproeiingswater verhoog die suurstofvlakke van die grond, vergroot die porieruimtes tussen die gronddeeltjies, lei tot beter deurlugting van die grond, verbeter die grond ph en grondstruktuur, minder verdigting kom voor en beter wateropname vind plaas. 6

7 Onbehandel & Behandel Sekondêre voordele van verbeterde grondkwaliteit: - Die grond se weerstand teen wortelgroei neem af en beter wortelontwikkeling vind plaas wat lei tot beter water- en voedingstofopname. - Grondorganismes en mikrolewe in die grond word gestimuleer. In grond waar stremmingstoestande heers (bv. verdigting, element-toksisiteit, ens.) kom hoër konsentrasies van patogeniese of siekte-veroorsakende organismes voor. Wanneer die grondkwaliteit herstel word, vermeerder die konsentrasie positiewe mikrobes in die grond en ʼn balans word verkry tussen die voordelige en nadelige grondorganismes. - Danksy die verbeterde grondstruktuur word beter wateropname bewerkstellig en afloop word beperk. - Kunsmis word doeltreffender verbruik, want deur oksidasie en verhoogde organismeaktiwiteit word dit meer toeganklik vir opname deur plantwortels. Geakkumuleerde 7

8 ontoeganklike kunsmis en ander voedingstowwe wat in die grond is, word ook geoksideer na n biologies afbreekbare vorm wat dan toeganklik is vir die plant. - Waar plantmateriaal as deklae op die grond gestrooi word, word n toename in die organiese materiaalinhoud van die grond verkry. Geaktiveerde suurstof kan organiese materiaal maklik afbreek tot op koolstofvlak, maar omdat daar nie meer geaktiveerde suurstof in die water oor is teen die tyd dat dit by die druppers uitkom nie, kan die suurstofryke water die mikrobe lewe stimuleer om die deklae af te breek tot organiese koolstof. Strooi deklae onder perskebome Verbeterde grondkwaliteit Verbeterde wortelgroei ʼn Goed ontwikkelde wortelstelsel is onontbeerlik vir gewasproduksie aangesien die plant meeste van sy voedingstowwe en water deur die wortels opneem. Die hoër suurstofinhoud in die wortelsone, die laer weerstand van die grond teen wortelgroei en beter toeganklikheid van voedingstowwe is faktore wat bydra tot n verbeterde wortelstelsel. Die plant se wortelgesondheid verbeter, haarwortelgroei word gestimuleer en die worteloppervlak vergroot deur die gebruik van die Puricare Landbou Eenheid. 8

9 n Gunstige omgewing word geskep vir die simbiotiese groei van Mikorrisa wat die opname van water en voedingstowwe grootliks (tot 100 keer) bevorder. Mikorrisa bevorder ook plante se weerstand teen patogene, droogte en sekere toksiese toestande in grond. Gesonder, sterker plante ʼn Beter wortelstelsel neem meer plantvoedingstowwe op, dikker en sterker stamme word gevorm wat die voedingstowwe beter vervoer en versprei na die blare, blomme en vrugte. Onbehandelde (swak) & Behandelde (gesonde) vaatweefsel (Piesangbome) 9

10 Sterker stamme kan ook meer/groter blare en vrugte dra. - Die bogrondse plantdele (stamme, blare en vrugte) vertoon groter en gesonder en lewer ʼn hoër oesopbrengs. - Gewasse wat met behulp van die Puricare Landbou Eenheid verbou word, vertoon mooier, gesonder, meer eenvormig en is meer in aanvraag. - Die rakleeftyd van groente en vrugte neem toe. Onbehandel & Behandel Behandel & Onbehandel - Vrugte spog met n beter suiker- en kleurgehalte - hoër Brix (BX) toetsings. By Aartappels word hoër SG-waardes verkry. - Gesonder plante kan stremmingstoestande beter die hoof bied. - Die plante toon verhoogde weerstand teen patogeeninfeksies (swamme, bakterieë, virusse en nematodes). 10

11 ʼn Digter blaredak en gevolglik meer skaduwee help om onkruidgroei te beperk en lei tot koeler grond. Waarnemings is gemaak dat rankende, bedekkende onkruide (algemeen op verdigte grond) minder voorkom en die groei van grasse en natuurlike onkruide toeneem. Hoe baat die boer by die Puricare Landbou Eenheid? Baie boere vra vir wetenskaplike bewyse om verhoogde oesopbrengs, verbeterde plantegroei of verminderde siektevoorkoms te verklaar. Hierdie resultate word egter deur so baie aspekte en reaksies beïnvloed, dat dit nie altyd moontlik is om elke resultaat wetenskaplik te verklaar nie. Elke plaas se grondtekstuur, grondgeskiedenis, gewasverbouing, boerderypraktyke en siekte/plaagvoorkoms verskil, maar tog toon gebruik van die Puricare Landbou Eenheid telkemale op verbeterde omstandighede. Ons kan met trots sê dat meeste boere positiewe terugvoer gee en getuig van verminderde uitgawes - deur verminderde waterverbruik, laer elektrisiteitsverbruik, minder instandhouding van besproeiingstelsels, ens. Puricare se resultate spreek vanself... Terugvoer vanaf tevrede Puricare kliente By vrugtebome vertoon die bome meer eenvormig, ʼn digter blaredak word gevorm, meer vrugte word geproduseer sonder dat takke breek en groter vrugte van verbeterde kwaliteit word geoes. 11

12 Onbehandelde & Behandelde piesangbome Behandelde lemoenbome Behandelde Piesangboom Onbehandelde & Behandelde Perskebome 12

13 Behandelde wingerd By tamaties is vele positiewe reaksies waargeneem wat wissel van beter stam- en vrugvorming tot verlengde rakleeftyd. Onbehandel & Behandel Meer eenvormige, digte groei kan waargeneem word by die behandelde plante. 13

14 Onbehandel & Behandel Bogenoemde foto s is op dieselfde dag geneem. Behandelde tamaties se oestydperk het met 4 6 weke verleng en ʼn duidelike opbrengsverhoging was die gevolg. Let ook op die groei van rankende onkruide op die onbehandelde, verdigte grond. Die groeivorm van kool toon duidelike verbetering: minder blare lê op die grond en koolkoppe vorm vinniger. Onbehandel & Behandel 14

15 By aartappels is opbrengs met 10% verhoog. Onbehandel (links) & Behandel (regs) Nog waargenome resultate: Behandelde patats (links) lewer groter knolle met soeter smaak Onbehandelde & Behandelde mielies 15

16 Onbehandelde & Behandelde mielies Lusern as voergewas groei vinniger nadat dit gesny is. Verbeterde kwaliteit (verhoogde proteïeninhoud) lusern word gelewer. 16

17 ʼn Tipiese installasie waar tot by liter per uur behandel word. Gevolgtrekking Bogenoemde resultate vorm reeds die afgelope paar jare deel van die Puricare Landbou Eenheid se suksesverhaal. Ons waarborg verhoogde suurstofvlakke in die water, grond en wortelsone. Die Eenheid kan nie grondorganismes of plantegroei nadelig beïnvloed nie en is waardevol om die natuur se balans te herstel. Saamgestel deur: 17