IH Scholtz Preekmanuskrip: Mattheus 9:9-13 Mei 2016

Transcriptie

1 Preektema: Jesus die vriend van sondaars! Skriflesing: Mattheus 9:9-13 Inleiding Ek het n vriend wat baie van motorfietse hou bikes. Hy het begin om saam met n groep te ry wat meestal nie Chritene was nie. So op die pad het hy begin om die Evangelie te verkondig terwyl hy saam met die ouens ry. Die grootste groep van hierdie bikers het tot bekering gekom en daar was later soveel mense dat hulle n plek moes kry om Sondae-aande dienste te hou. Buiten die groep bikers het daar ook prostitute tot bekering gekom. Hy het vir hulle begin preek en dienste gehou sommer by die saaltjie bo die bar! Toe ek finale jaar was het ek hom leer ken en saam met hom gegaan. Ek moet eerlik wees ek was n Fariseer dit was regtig vir my moeilik om tussen daardie mense te wees. Tot op n dag wat die Here vir my gewys het jy is niks beter nie. Ek is n sondaar en selfs dalk n groter sondaar as enige van daardie mense! As Jesus my houding ingeneem het wat ek teenoor daardie mense ingeneem het was ek beslis nogsteeds verlore! Jesus was nie skaam om met my te meng en met my geassosieer te word nie wie is ek om eenkant te bly staan? Iets wat my vriend lankal besef en uitgeleef het het later eers vir my sin gemaak! Agtergrond en roeping van Mattheus Mattheus was n tollenaar. Nou tollenaars soos die woord self verklaar se hoofdoel was om belasting te hef op goedere vir die Romeinse regering. Ons kan nou in baie detail ingaan oor presies waar en hoe die tol gehef is maar die belangrike om te verstaan is dat belasting gewoonlik gehef is op goedere. In vandag se terme sou dit wees in- en uitvoerbelastings. Mattheus was so n man. Daar is n paar dinge wat mens dus verder kan weet: (a) Hy was nie baie gewild nie. Die tollenaars was hoogs ongewild by die Jode wat hulle beskou het as diewe en verraaiers. Hulle lojaliteite het nie gelê by die volk nie maar by die Romeinse regering uit wie se sakke hulle geleef het en baie geld gemaak het. Hierdie tipering was op sekere punte baie waar en op ander punte vals. (b) Mattheus was ook n baie ryk man. Tollenaars was bekend daarvoor om meer te vra as wat die regering verwag het en dan deur slim truuks ekstra geld in hulle sak te steek. So hulle het hulleself baie keer verryk vanuit die volk se sak. (c) Mattheus het n dubbelnaam gehad ons ken hom as Mattheus maar die ander Evangeliebeskrywings noem hom Levi. Heel moontlik was dit n Joodse naam: Levi en n Griekse 1 b l a d s y

2 naam: Mattheus soos meeste Joodse mense daardie tyd gehad het. Mattheus is dus n Jood hy rig ook sy Evangeliebeskrywing aan Jode. (d) Dit bring ons by die vierde wonder en dit is hierdie Mattheus wat die tollenaar was word die Mattheus wat die Evangeliebeskryf waaruit ons vanoggend lees. Tollenaars was ook relatief geleerde mense vir daardie tyd. So Mattheus kon lees en skryf en dus het die Here oook daardie vermoë van hom gebruik om die Evangelie-beskrywing later te skryf. (e) n Laaste opmerking oor die persoon Mattheus is dat hy n stil tipe mens was. Nêrens in enige van die Evangeliebeskrywings kom ons agter dat hy iet sê of vra nie. Hy was n dissipel wat byna nooit gepraat het nie. Hy het in die agtergrond gebly en geluister die stille-observeerder. Nou wat hier gebeur is: Jesus kom na Mattheus toe terwyl hy daar sit by die tolhuis sy belastinghuisie. Jesus roep Mattheus. Vers 9 sê: 9 Terwyl Jesus daarvandaan verder gaan, het Hy n man met die naam Matteus by die tolhuis sien sit en vir hom gesê: Volg My! Hy het toe opgestaan en Hom gevolg. Heel moontlik (dis gewoonlik hoe die Here werk Hy berei ons voor) het Mattheus al gehoor van Jesus. Hy het die hele dag te doen gehad met reisigers en mense wat van een streek na n ander goedere vervoer. Jesus was redelik bekend in die streke. Mattheus het dalk al gehoor van die Man wat siekes genees en die Man wat so anders preek as die Rabbi s waaraan die mense gewoond is. Hy verkondig die Evangelie van God. Hy is dalk die Messias waarvoor die volk gewag het. Toe Jesus egter vir Mattheus roep toe kan hy nie anders nie Hy wil hierdie Jesus volg Hy wil elke dag elke oomblik in sy teenwoordigheid wees. Dadelik staan Mattheus op en volg Jesus. Nou ons moet besef hierdie is n enorme stap vir Mattheus. Hy is n ryk man wat sy geld maak uit die tolgeld wat hy hef. Hy los dus sy rykdom en sy bron van inkomste agter. Verder werk hy nie vir homself nie hy werk vir die Romeinse regering. As hy net sy goedjies oppak en gaan gaan hulle beslis nie hom weer eendag terugvat as hy later anders voel nie. Hy kan nie terugdraai nie. Hy het nie die voorreg van die vissers wat maar weer eendag te kan gaan visvang nie. Hy gee alles op om Jesus te volg dis ware opregte vertroue! Jesus roep Mattheus as dissipel as volgeling en hy kom om met groot vreugde die Here te dien. Inteendeel sy vreugde is so groot en die voorreg om in Jesus se teenwoordigheid te wees, dat hy Jesus selfs uitnooi om by hom te kom eet! Hy nooi selfs van sy vriende uit. Nou Mattheus self verklaar dat sy vriende ook maar net tollenaars en sondaars is Jesus eet saam met die sondaars 2 b l a d s y

3 10 Jesus het by hom in sy huis gaan eet, en baie tollenaars en sondaars het saam met Jesus en sy dissipels kom eet. Jesus aanvaar die uitnodiging. Daar sit die heilige van Israel tussen die onheiliges. Tollenaars sou nie regtig mense wees wat kerkmense as vriende sou hê nie. Hulle sou regtig maar omring gewees het met sondaars soos hulle en dalk erger. Jesus leer ons egter n klompie dinge hier oor Evangelisasie: (a) Ons kan nie maar eenkant bly sit en steeds dink ons gaan die Evangelie tot die harte van mense laat spreek nie. Dit help nie jy staan buite die huis en skree in nie. Sondaars is mense. Mense wat vrese het soos jy mense wat smag na liefde soos jy mense wat ook maar aanvaarding soek. Mense wat tyd en energie en baie moeite van jou gaan vra. Mense met wie jy n pad moet stap. Hou op om oor jouself te dink of te dink wat gaan ander mense sê en gaan deel met mense die Evangelie persoonlik! (b) Jesus sit tussen die sondaars en tog deel Hy nie in hulle sonde nie. Hy word nie n sondaar deur met sondaars om te gaan nie. n Onderskeid wat die Fariseers later glad nie kan maak nie. Inteendeel sy optrede wat juis in kontras is met die van die sondaars rondom Hom gee juis kredietwaardigheid aan sy woorde. Juis as ons tussen mense is wat die Evangelie nodig het en ons lyk juis anders as hulle dan verkondig ons ook op daardie manier die Evangelie! (c) Jesus het gekom vir die sondaars Jesus het juis in sy hele wese homself verneder deur n Mens te word en onder ons te kom woon. Dit is die enigste manier waardeur ons gered kan word. Jy kan jouself nooit as te belangrik ag of te heilig of te rein sien nie as Jesus daardie houding gehad het was ons almal steeds verlore! Die kritiek van sondaars Die Fariseers was streng gestel op hulle reinheidsgebruike en hulle eie heiligheid en reinheid. Hulle mag nie naby sondaars kom nie dan is hulle onrein. Hulle het beslis nie saam met tollenaars en sondaars geëet nie! Wat gebeur dus hulle konfronteer Jesus se dissipels. Die ergste is hulle wil eintlik nie n antwoord van die dissipels hê nie hulle wil hulleself maar net selfregverdig! Hoor hulle aanklag: 11 Toe die Fariseërs dit sien, vra hulle vir sy dissipels: Waarom eet julle leermeester saam met tollenaars en sondaars? Eintlik is hulle houding iets van: Volg julle n leermeester wat omgaan met tollenaars en sondaars? Ten minste volg ons nie sulke mense nie en is ons nie sulke mense nie! Hoe kan iemand homself heilig en rein beskou as hy homself so vervuil tussen die sondaars? 3 b l a d s y

4 Die punt is die Fariseers is so selfgeregverdig dat hulle nie eers met Jesus persoonlik in gesprek wil tree nie. Hulle hou dit voor as n soort van waarskuwing vir sy dissipels maar eintlik gee hulle nie veel om nie. Geliefdes, hierdie gedeelte stel ons voor 3 groepe mense: (a) Jy kry die mense wat weet wie hulleself is en Wie Jesus is en tot bekering kom: dink maar aan Mattheus Hy het Jesus leer ken Hy het homself as sondaar beskou en geweet hy het Jesus se verlossing nodig! Sy vreugde is ontembaar! (b) Jy kry die mense wat weet wie hulleself is en Wie Jesus is of wat selfs nog leer Wie is Jesus: maar dit lei hulle nie noodwendig tot bekering nie: die sondaars aan die tafel. Die Here gaan ook dalk n pad van verlossing met hulle stap. Op hierdie oomblik egter beskryf Mattheus hulle as sondaars. Hulle weet egter hulle hoort nie by die groep wat hulleself roem daarop dat hulle kerkmense is nie hulle is die uitgeworpene groep as dit van die Fariseers afhang. (c) Jy kry die mense wat nie eers weet wie hulleself is nie en dus ook nie reken dat hulle Jesus nodig het nie. Die Fariseers hulle selfregverdigheid verblind hulle so dat hulle nie eers besef as hulle verwys na sondaars dat hulle ook deel van daardie groep is nie. Hulle is die groep wat van buite af binne toe die vinger wys en eintlik maar n veilige afstand wil behou net nou moet hulle te doen kry met die onreine en vuil sondaars! Hulle is nie bereid om n pad saam met n medemens te stap nie. Jesus se antwoord reageer op elkeen: (a) Hy gaan aan huis by Mattheus. Mattheus wat Jesus innooi en Jesus deel in sy vreugde hy is nou kind van die Here n volgeling van Jesus n dissipel. Letterlik beteken die woord dissipel volgeling. So is elkeen van ons wat glo ook dissipels van Jesus. (b) Jesus spreek die nog ongelowiges aan deur Homself as n Dokter n Geneesheer voor te stel: Luister na vers 12: Maar Jesus het dit gehoor en gesê: Dié wat gesond is, het nie n dokter nodig nie, maar dié wat siek is. Jesus is die Groot Geneesheer Hy is die een wat lewe bring waar daar net dood is agv die sonde! Hy is die Geneesheer wat n pad met sy mense stap! Hy is nie bang dat Hy miskien hulle siekte gaan optel en daarom net op n afstand bly nie. Nee Hy kom naby! So naby dat mense se harte geraak word! Jy kan nie ver bly staan en steeds mense aan mense raak nie Verder verklaar hy in vers 13(b): Ek het nie gekom om mense te roep wat op die regte pad is nie, maar sondaars. 4 b l a d s y

5 (c) Jesus spreek die Fariseers en hulle huigelagtigheid aan: 13 Gaan leer wat dit beteken: Ek verwag barmhartigheid en nie offers nie. Jesus haal hierdie gedeelte aan uit Hosea 6:6. In Hosea se tyd was die volk se harte ver van die Here af maar hulle het hierdie uiterlike skyn van godsdienstigheid gehad! Al die offers is en die rituele is gedoen maar die harte was onopreg! Dit help nie jy doen al die dinges van die Here reg terwyl jy geen verhouding mee het met die Here van die dinge nie. Dit help nie jy sit met jou vroom gesig elke Sondag in die Kerk maar eintlik is dit net vir vertoon nie! Ons kan so maklik Christenskap as n ritueel afhandel elke week tussen 09:00-11:00 pas ons gou ons Christenskap in, maar die res van die week is ons ver van die Here af. Ons kan so maklik op n afstand bly staan en van buite af kritiseer maar eintlik nooit bereid wees om saam met mense deur n saak te worstel nie. Evangelisasie begin nie by uitwys van die sonde nie almal kan onderskei tussen wat sonde is en wat nie. Evangelisasie begin by die punt waar ons tussen mense is tussen mense leef aan wie ons die Evangelie verkondig. Op die grond tussen die sondaars! Die grootste ironie is die Fariseers staan buite en rig die vinger maar eintlik het hulle Jesus net so nodig as wat die sondaars het tussen wie Hy sit! Onthou die gelykenis van die verlore seun eintlik is dit die gelykenis van die verlore seuns. Die jongste was verlore as iemand wat sy tyd met hoere en dobbelhuise deurgebring het die oudste was verlore as iemand wat homself geregverdig het en gedink het sy wetsgehoorsaamheid sy doen van die regte dinge sy getroue kerkbywoning of bybelstudie bywoning gaan hom red. Albei was egter verlore! Albei het Jesus nodig! Ten Slotte Jesus se woorde: Ek het nie gekom om mense te roep wat op die regte pad is nie, maar sondaars. Is dus nie net van toepassing op die sondaars rondom Jesus nie maar ook die sondaars die Fariseers wat buite staan en die vinger wys. Jesus is dus die Enigste Een wat mag buite bly staan wat mag oordeel wat nie nodig het om ons te kom red nie. Hy sal regverdig wees deur nie te kom nie! En tog...hy word n vriend van sondaars! Meer nog Hy word die Verlosser van sondaars soos ek en jy! Wie is ek en jy om te dink ons kan tog maar net n veilige afstand hou...sodat ons nie hoef te meng met daardie sondaars nie! Amen. 5 b l a d s y