Christus roep tot gebed vir die groot evangeliseringstaak

Transcriptie

1 SKRIFLESING: Matteus 9:35 10:8 TEKS: Matteus 9:37-38 TEMA: Christus roep tot gebed vir die groot evangeliseringstaak Psalm 23 : 1, 2 Psalm 86 : 3 Psalm 86 : 4 Skrifberyming 18 (17-2) : 5, 6, 7 Skrifberyming 78 (13-3)

2 2 Ons Gereformeerde Kerke wil n omkeer maak so het ons verlede jaar in n gesamentlike kerkvergadering teenoor mekaar onderneem toe ons die besluit oor n Omkeerstrategie geneem het. Dit beteken nie dat ons nou iets anders wil word as gereformeerde kerke nie, maar dat ons weer spesiale erns wil maak met een van die belangrikste take van die kerk: - n taak wat ons in n groot mate verwaarloos het; - ons taak om te evangeliseer, om mense met die evangelie na die Here toe te roep en só Sy kerk uit te brei. Ons gaan DV hierdie jaar, van tyd tot tyd, in preke oor Skrifgedeeltes wat hieroor gaan, aandag gee aan hierdie saak, sodat dit, soos wat dit by elkeen afsonderlik nodig is, sal lei tot bekering in hierdie saak. Kom ons hoor vanoggend hoe die Here ons oproep om te bid vir hierdie groot taak. Ons gaan eers kyk na die feit wat Hy hier onder ons aandag bring, en dan na die opdrag wat Hy hier hieroor gee. 1. DIE FEIT: DIE GROOT OES EN MIN ARBEIDERS Die Here Jesus het in die tyd waarin Hy die woorde hier in ons teksvers gesê het, oral rondgegaan en geleer en verkondig en gesond gemaak so ver Hy gegaan het. In hierdie proses het Hy n oes op die lande gesien. Hy t mense gesien wat geestelik verwaarloos en moeg was, soos skape wat herderloos ronddwaal en naderhand so moeg raak dat hulle maar sommer net gaan lê waar hulle is. Dit was in die eerste plek verbondsmense van daardie tyd, mense wat deur die Fariseërs se wettiese godsdiens (= jy moet dit en jy moet dat en jy mag nie sus nie en jy mag nie so nie, want as jy nie self genoeg doen nie, gaan God jou nooit aanvaar nie!) gedryf is tot by die punt waar hulle net nie meer kon byhou by al die reëls en regulasies nie, en in die proses geestelik honger gely het en gesmag het na ware godsdiens, na n band met die lewende en genadige Verbondsgod, van Wie hulle Psalms so mooi gesing het.

3 3 Maar ons lees dat Jesus by geleentheid ook na die Samaritane, wat ook honger was vir die regte antwoorde oor God en oor die Verlosser wat Hy belowe het, só verwys het: lande wat ryp is vir die oes. 1 En as Paulus later die wêreld ingestuur word met die boodskap van verlossing van sondes en versoening met God deur Jesus alleen, sien n mens dieselfde verskynsel by baie van die geestelike bankrot heidene van daardie tyd: dat hulle geestelik uitgehonger is en daarom gretig is om meer van hierdie Jesus te hoor. 2 Jesus praat van hierdie soort mense as die oes. Die oes is mense wat ontvanklik gemaak is vir die boodskap van die Here. Soos koring wat ryp geword het n oes is wat op die land staan en gereed is om afgesny te word en in die eienaar se skuur ingebring te word, so is hierdie mense deur verskillende faktore geestelik ontvanklik gemaak om die blye boodskap van die genade van God, wat met Jesus se geboorte so naby gekom het, te kry en te glo. Hierdie oes (sê Jesus) is groot. Daar s báie mense wat ontvanklik is vir die goeie nuus wat Jesus Christus vir die wêreld is. Baie beteken nie noodwendig dat dit die meerderheid van die mense is nie, maar dit beteken dat hulle al is hulle hier n paar en daar n bietjie bymekaargetel n groot klomp gaan wees. En hulle is natuurlik ook baie as jy die sommetjie begin maak van hoeveel mense nodig gaan wees om die boodskap van Jesus by hulle almal uit te kry. Die land waarop die oes gereed staan, is dalk nie die grootste land in die wêreld nie, maar as jy dink aan die werk wat dit gaan kos om hierdie land af te oes, dan s dit n gróót land en n gróót oes. Dis die eerstedeel van die feit wat die Here noem: dat daar baie mense is wat as t ware wag vir die boodskap van die Here om hulle te bereik. n Tweede deel wat Hy noem is die feit dat die arbeiders min is. Daar s nie baie mense wat kan help om hierdie oes van die lande te gaan afhaal nie. 1 Joh 4:35 2 Bv Hand 13:42, 44; 14:1, 27; 17:12; 18:9-10; 19:10, 26

4 4 Wanneer die Here mense na Hom toe lei, maak Hy van arbeiders gebruik: - mense wat Hy roep en geestelik toerus en gewillig maak om te gaan preek en getuig; - mense wie se monde Hy gebruik om die boodskap van die verlossing uit genade vir ander te verkondig en te vertel en te verduidelik. Ons lees byvoorbeeld hoe Hy net hierna die twaalf uitstuur om dit te gaan doen. 3 Leter het Hy nog sewentig ander ook uitgestuur. 4 En later in die Nuwe Testament lees ons van evangeliste en allerhande ander medearbeiders, wat die apostels gehelp het om die evangelie oral bekend te maak. 5 Let op dat arbeiders in al hierdie gevalle verwys na mense wat spesiale tyd en moeite aan hierdie taak die verspreiding van die evangelie spandeer het. Ons gaan in preke wat nog kom, wys hoe hierdie taak ook élke Christen se taak is en wat élkeen van ons daaraan kan en behoort te doen. Maar hier het Jesus (so lei ons af uit die term 6 wat Hy gebruik) veral dié mense op die oog wat op een of ander spesiale manier met hierdie taak besig gaan wees. Daar s min van hulle. Daar was in Jesus se tyd min. Nog min van die skares mense wat Hom gevolg het en na Hom geluister het, was bekwaam en bereid om hulle tyd en kragte só vir Sy diens te gee. Maar daar was maar altyd nog min sulke arbeiders. Dit wat die Here Jesus hier sê en wat waar was van die omstandighede van Sy tyd, is ook n uitspraak wat altyd van toepassing bly: - daar was maar nog altyd min mense wat bereid was om spesiale tyd en moeite aan evangelie-verspreiding te spandeer; - vir die grootste deel van die eeue van toe af het die kerk gesukkel met te min arbeiders vir die groot getal mense wat die boodskap van die Here moet hoor. Dis die feit: n groot oes en min arbeiders. 3 Mat 10:1 e.v. 4 Luk 10:2 5 Bv Rom 163, 9, 21; Flp 2:25; 4:3; 2 Tim 2:15; Filemon v 24 6 Die term wat hier vir arbeiders gebruik word, het iets van die kleur van iemand wat bereid is om (spreekwoordelik) sy klere vuil te maak in die uitvoering van sy taak.

5 5 Watter opdrag gee die Here nou hieroor? 2. DIE OPDRAG: BID VIR ARBEIDERS IN DIE HERE SE OES Hoor mooi wat die eerste is wat die Here sê wat ons moet doen waar die oes groot en die arbeiders min is: - nié dat ons arbeiders moet gaan werf nie; - maar dat ons die Here moet smeek om arbeiders uit te stuur. En hiermee leer Hy ons n hele paar belangrike lesse: - ons is ook in hierdie hele saak van evangelisering van die begin af heeltemal van die Here se hulp en krag afhanklik; - nie net die verandering van die mense aan wie die evangelie gebring word, se harte is die werk van die Here nie, maar ook die beskikbaarheid van bruikbare arbeiders is Sy werk; - arbeiders vir hierdie oes kry jy nie maar sommer net deur mense daarvoor te gaan vra nie. Die dinge wat mense verhinder om spesiale moeite te doen om die wonderlike nuus van verlossing deur geloof in Jesus Christus te versprei, kan net deur die Here weggevat word. o As mense nie met ander kan of wil praat oor die Here nie, omdat hulle sélf nog nie deur die evangelie aangegryp is nie, dan kan net die Here dit verander. o As dit mense nie pla dat ander mense geestelik nog aanploeter sonder die heerlike lig van die evangelie waarin ons mag leef nie, dan is dit die vrug van die Heilige Gees die liefde wat hulle kortkom. o As mense nie die vrymoedigheid het om met ander oor hierdie diep dinge te praat nie, ook dan is dit die Heilige Gees (so sien ons in die Nuwe Testament) wat hulle moet vervul, sodat hulle die woorde as t ware nie sal kan keer om by hulle monde uit te stroom nie! 7 Ons moet die Hére smeek vir arbeiders. Hy word hier genoem: 7 Vgl bv Hand 2:4, 17-18; 4:8; 10:44-46; 19:6; Efes 5:18-19

6 6 - die Here aan Wie die oes behoort; - letterlik: die Here van die oes. Dit beteken dat Hy die Baas van die plaas is waarop die oes gereed staan: - dis Hý wat die koring ryp laat word het; - dis Hý wat besluit wanneer dit tyd is om arbeiders uit te stuur; - dis Hý wat die arbeiders moet gee; - dis aan Hóm wat die ingesamelde oes behoort; - dis in Sý skuur waar hierdie koring ingebring gaan word Waar die oes groot is en die arbeiders min, is die eerste wat die Here wil hê wat Sy dissipels moet doen dít: dat hulle moet bid: - dat hulle hulle afhanklikheid van Hom moet erken; - dat hulle Sy onmisbare hulp en ingryping moet vra; - dat hulle so moet wys dat hulle weet dat die plaas en die landerye en die gesaaides en die ryp oes en die arbeiders wat dit moet inbring, Sýne is en nie hulle s n nie. Die Here leer ons om te bid vir die groot evangeliseringswerk wat gedoen moet word. TOEPASSING Die oes is ook in ons tyd groot. Dink aan verbondsmense (gedooptes, mense wat eens op n tyd belydenis van geloof afgelê het) maar wat uit kerke gedryf is deur leraars en teoloë wat twyfel saai in plaas van geloof opbou, of wat kerklos geraak het omdat die herders nie meer na die skape kyk nie, of omdat hulle gekwets is deur onbeholpe of onsensitiewe bediening. Dink aan die baie mense in hierdie kontinent wat net halwe en oppervlakkige en baie kere verkeerde Bybelse onderrig gekry het, en wat met hierdie geestelike wanvoeding nog nooit regtig naby God kon kom nie. Dink aan hoeveel mense hier op aarde onder armoede en siektes en al die ander aardse ellendes ly, maar omdat hulle vir alle praktiese doeleindes sonder enige kennis van God en Sy woord grootgeword het, weet hulle nie waar om hulp en troos en krag en hoop te kry nie. En dit ís so dat meeste van hierdie mense self ook skuldig is aan waar hulle geestelik is

7 7 en dat van hulle mense is wat besig is om hulle doelbewus teen God te versit en nie na Hom toe wíl terugkom nie. Maar hoe baie van hulle is nie die groot oes op die land nie mense wat deur hierdie faktore wat genoem is, ryp gemaak is vir die suiwer boodskap van die oneindige genade en goedheid van God wat in Jesus Christus vir mense gegee word! Ook in ons tyd is die oes groot. En die arbeiders min: - daar s werk vir dubbeld soveel predikante as wat daar is; - in meeste gereformeerde gemeentes ons s n ook is daar maar n handjievol mense wat bereid is om iets ekstra, spesiaal te doen vir evangelisering; meeste kere lok oproepe vir medewerkers in hierdie sake in ons Nuusbriewe geen reaksie uit nie; - min Christene voel die behoefte om met ander mense oor die Here te praat, het entoesiasme daarvoor, die moed om dit te doen. Maar as ons ons deur die Here laat leer, gaan ons nie ons omkeer in hierdie saak begin deur rond te skarrel om allerhande dinge te doen nie. Ja, Bybels-gefundeerde planne en aksies en georganiseerde samewerking in evangelisering hét ook n plek; maar die Here leer ons dat dit nie die belangrikste is nie. Die belangrikste is dat ons besef dat ons ook in hierdie saak nie een tree sonder die Here sal vorder nie. Dis nie óns dryfkrag en entoesiasme en aktivisme wat evangelisering in ons kerke weer die groot saak wat dit moet wees, gaan laat word nie, maar die Here se werk, waarvan nommer een op Sy agenda die voorsiening van arbeiders is. As ons dan mense op n evangeliseringskommissie of werksgroep nodig het, moet ons in die eerste plek daarvoor bid: - spesiaal daarvoor bid; - en aanhou daarvoor bid, totdat die Here geantwoord het. En dieselfde as ons meer arbeiders wil hê wat in Mmakau-omgewing kan gaan help, of wat op uitreike Mosambiek toe of waarheen ook al wil gaan.

8 8 En diesefde as ons n hele gemeente wil hê waarin elke broer en suster besef dat die verspreiding van die boodskap oor ons Here Jesus in hierdie wêreld op een of ander manier ons almal se verantwoordelikheid is. Ons moet daarvoor smeek (sê die Here vir ons). En n gemeente wat daarvoor gesmeek het, moenie verbaas wees nie as die Here ons só omkeer dat die volgende keer wanneer daar gevra word: wie sal vir ons gaan? daar n koor van stemme gaan wees wat sê: Hier is ek, stuur my. 8 AMEN 8 Jes 6:8