Die Here se onbreekbare liefde dissiplineer en wen Sy volk

Transcriptie

1 SKRIFLESING: Hosea 3 TEKS: Hosea 3:1 TEMA: INHOUD: Die Here se onbreekbare liefde dissiplineer en wen Sy volk Onbreekbare liefde Psalm 34 : 1, 2 Psalm 139 : 1, 12 Skrifberyming 14 (8-1) : 1 (na doop) Psalm 89 : 1 Skrifberyming 78 (13-3)

2 2 As jy hierdie eerste hoofstukke van Hosea lees, dan besef jy weer dat God nie een of ander idee of konsep is nie, maar n lewende, persoonlike Wese n Iemand. En om ons te help om iets van Hom te verstaan, het Hy Homself in terme en in beelde en in verhoudings wat ons as mense ken, aan ons bekend gestel. o Hy sê byvoorbeeld in die Bybel vir ons dat Hy n Vader is, wat Sy kinders met goeie dinge versorg. 1 o En op n ander plek dat Hy Sy volk troos soos wat n ma haar kindjie troos. 2 Hier in Hosea leer Hy ons dat Hy Sy volk liefhet, soos n man/eggenoot, wat sy ontroue vrou bly liefhê en terugvat. En dis waaroor vanoggend se preek gaan: dat die Here Sy volk, al het hulle Sy liefde gekrenk, 3 met onbreekbare liefde liefhet. Kom ons kyk eers na hierdie onbreekbare liefde, en dan na hoe hierdie liefde tog ook dissiplineer en uiteindelik die hart van die geliefde sal wen. 1. ONBREEKBARE LIEFDE Onthou u dat die profeet Hosea nie net met sy mond boodskappe van die Here aan Sy volk oorgedra het nie, maar ook met dit wat hy moes doen. Hy was n profeet wat God met die woord én met die daad verkondig het. Hy moes mos (dit was die Here se opdrag aan hom) met n prostituut gaan trou. En in hierdie slegte, ontroue vrou want Gomer het na haar troue met Hosea, aangegaan met haar slegte lewe; sy t haar goeie, lojale, liefdevolle man telkens verkul met slegte, plesiersoekende, nikswerd mans moes Israel hulleself herken: - hulle afvalligheid van die Here; - hoe hulle mak geword het vir die heidense godsdienste en aan die heidense feeste (dis waarna die rosyntjiekoeke hier verwys) deelgeneem het. 1 Mat 7: Jes 66:13 (AV 1933/53) 3 Vgl Hos 1

3 3 Hierdie volk met wie die Here n verbond gehad het n soort van geestelike huwelik het ook met die nikswerd afgode verhoudings aangeknoop. Hulle t hulle siele aan die gode van hulle tyd verkoop en so geestelike prostitute geword. So het Hosea se huwelikslewe dit vir hulle uitgebasuin! Maar nou eindig Hosea se werk as profeet nie wanneer Sy slegte vrou hom verlaat nie. Hy kry weer n opdrag van die Here: - hy moet hierdie vrou wat hom gelos het en blykbaar weer in prostitusie verval het 4 en in hierdie proses selfs iewers iemand anders se slavin geword het, weer gaan haal; - hy moet haar loskoop uit haar slawerny uit en so betaal vir een wat eintlik syne is! - en hy moet haar terugvat as sy vrou; - en hy moet haar liefhê soos n man sy vrou behoort lief te hê! En so moes hy weer met sy dade profeteer, vir die volk die onbreekbare liefde van die Here wys. Dit ís mos onbreekbare liefde waaroor dit hier gaan! Want n man wat sy vrou gaan terugvat nadat sy só verskriklik verval het, moet haar waaragtig liefhê. In só n man se hart brand daar n liefde wat deur strome water nie geblus kan word nie! 5 Liefde wat sulke dislojale, ontroue, skande-makende optrede, soos dié van Gomer, te bowe kom, wat só vertrap kan word en dan nog daar kan wees, dís n onbreekbare liefde! En só n liefde dis wat Hosea met die terugvat van sy vrou moes wys het die Here vir Sy volk. Hoeveel kere het Israel nie van die Here afvallig geword nie? 4 Hos 2:4 5 Hooglied 8:7

4 4 o Dit het al daar in die woestyn begin, kort na hulle uittog onder leiding van Moses in die wittebroodstyd van hierdie huwelik tussen die Here en Sy volk al. Hulle was nog skaars uit Egipte, toe wou die volk al terug Egipte toe, waar hulle slawe was! 6 o In die tyd van die rigters het hulle keer op keer die gode van die heidene rondom hulle begin dien. 7 o In die konings se tyd, en veral in die Tienstammeryk (genoem Israel), vir wie Hosea geprofeteer het, was die godsdienstige afval en ontrou van die konings en die volk soos n eentonige refrein. Vir eeue was Israel se geskiedenis een van verbondsontrou, van wegbeur van die Here af en van betrokke raak by die heidendom. Maar soos n goue draad loop die Here se troue liefde deur al hierdie eeue: - Hy t Sy volk nie gelos nie; - Hy t hulle maar elke keer weer gaan haal en teruggevat en geseën soos net Hy kan doen. Soveel kere soos wat hulle afvallig geword het, soveel kere het Sy liefde dit te bowe gekom. Maar nou moet u nie dink dat hierdie onbreekbare liefde sommer net so gebeur nie. Dink eers aan Hosea: - aan die innerlike worsteling wat hy moes gehad het oor hierdie vrou of hy ooit weer met haar sou kon kan saamleef, of nie; - aan hoe hy homself as t ware eenkant toe moes skuif 8 om hierdie vrou te kon bly liefhê; - selfs aan die prys wat hy moes betaal om sy eie vrou weer terug te koop! Maar wat is dit in vergelyking met die prys wat die hemelse Vader moes betaal het om Sy mense van die sondes, waarvan hulle slawe en slavinne geword het, vry te koop. Ons kan nie die pyn bereken wat dit die Vaderhart gekos het om Sy onskuldige Seun so verskriklik te laat boet het nie en dit vir die sondes van afvallige, ontroue mense, 6 Num 14:3-4 7 Rigters 2:12-13, 17, 19 8 = homself verloën

5 5 soos wat Israel was en soos wat ons almal ten diepste is. En hierdie prys moes betaal word vir mense wat eintlik Syne ís - mense wat Hý gemaak het; - mense wat uit Sý huis uit weggeloop het. Maar Hy t die prys betaal Sy eie, enigste Seun wat Hy liefhet omdat die vuur van liefde wat in Sy hart vir Sy volk brand, n onblusbare vuur is, n liefde wat alles oorkom, n onbreekbare liefde Maar hierdie onbreekbare liefde is nie die liefde van n papperd nie. Hierdie liefde dissiplineer ook. 2. LIEFDE DISSIPLINEER OOK Hosea het sy vrou gaan terugvat. Sy liefde vir haar het alles wat in die pad daarvan gestaan het, te bowe gekom. Maar daarmee was alles nie dadelik weer normaal nie. Gomer moes verander. Sy moes tot haar sinne kom, sodat sy nie vorentoe weer in haar ou ontrouheid sou terugsak nie. En daarvoor was daar n dissplinêre maatreël nodig. Die AV 1983 het die moeilike vers 3 hier maklik probeer maak, maar dit in die proses ietwat versag. Wat hierdie vers eintlik sê (en dit sien n mens as jy dit saam met vers 4 verstaan, soos wat dit bedoel is om verstaan te word) is dat Gomer vir n tyd lank in totale afsondering moes leef, en nie net sonder ánder mans moes klaarkom nie, maar ook sonder die normale omgang met haar éie man vir n tyd van besinning; n proeftyd vir haar lojaliteit; n tyd wat sou moes wys of sy régtig verander het. So sou die Here Sy volk ook dissiplineer.

6 6 In die tyd van die ballingskap sou hulle nie meer die afgode hê wat hulle gedien het nie, maar hulle sou ook ver van Jerusalem af sonder die tempel en die offerdiens en die simboliese teenwoordigheid van God daar in die allerheiligste moes klaarkom, wat ook vir hulle n tyd van besinning was, n tyd van treur oor hulle ontrou teenoor die Here, n toets-tyd vir hulle lojaliteit aan Hom. Die Here vat Sy ontroue volk terug, maar dan doen Hy ook wat nodig is om hulle weer gehoorsaam en getrou te maak. Onbreekbare liefde is nie n sagte-handjies-liefde nie. Dis ook n vuur waarvan die vlamme ontrou afbrand! God se onbreekbare liefde sluit nie uit dat Hy Sy ontroue volk dissiplineer en tug nie. 9 As die Here jou vir n spesifieke sonde of vir n tydperk van afvalligheid in jou lewe vergewe, dan beteken dit nie noodwendig dat alles dadelik weer normaal gaan wees nie, of dat jy van dan af net n lekker en maklike lewe gaan hê nie. Al het die Here se liefde jou teruggebring, kan Hy dan met allerhande soort dinge wat jou druk, jou tot besinning oor jou lewe bring en die egtheid van jou geloof toets. Die Here se onbreekbare liefde dissiplineer ook. En uiteindelik sal hierdie liefde wen. 3. LIEFDE WEN Hoor weer vers 5: Daarna sal die Israeliete hulle bekeer. Hulle sal vra na die wil van die Here hulle God, en hulle sal hulle koning Dawid aanhang. Hulle sal vol eerbied terugkom na die Here toe en na die oorvloed toe wat Hy in die toekoms sal skenk. Die resultaat van die Here se onbreekbare en dissiplinerende liefde is die bekering van Sy volk. 9 Vgl ook Hebr 12:4 e.v.

7 7 o Hulle sal weer na die Hére vra, nie na die afgode nie. Hierdie vrou sal haar geluk weer by haar eie man gaan soek, nie by ander mans nie. o En hierdie Tienstammeryk, wat weggebreek het van die konings uit Dawid se nageslag uit, sal hulle weer aan die koning uit Dawid se nageslag onderwerp en wie anders is dit as onse Here Jesus Christus! o En hulle sal die Here weer as hulle God eer en dien en die weelde en oorvloed van Sy seëninge geniet! Letterlik staan hier in vers 5: hulle sal bewend na die HERE en na Sy goedheid toe kom Dis nogal n vreemde uitdrukking, nie waar nie? Maar dit beskryf presies wat sondaars voel wat die onbreekbare liefde van die Here belewe: - hoe kan dit wees dat die Here my wéér vergewe? - ek verdien dít glad nie! - dis amper te goed om waar te wees; - die Here is só goed vir my dat dit my amper bang maak! Dis wat die Here se liefde uiteindelik bereik: - die bekering van Sy volk; - stom-verbasing en verwondering by hulle. God se liefde is nie n magtelose emosie wat net in Sy binneste bestaan nie. Dis n liefde wat mense in hulle harte aangryp. Dis n krag wat húlle harte uiteindelik finaal vir Hom wen TEN SLOTTE Die wêreld droom van n onbreekbare liefde, n liefde wat alles oorkom, n liefde wat van alle kante af houe kan kry en platgetrap kan word en dan nog suiwer en sterk kan bly. n Mens hoor en sien hierdie versugting na n liefde-wat-bly en wat alles oorkom in die wêreld se letterkunde en poësie en musiek,

8 8 en films. Maar vir die wêreld bly dit n droom. Selfs die sterkste aardse liefde dié tussen n man en n vrou breek so maklik, daarvan getuig die derduisende egskeidings en net so veel ander ongelukkige huwelike. Maar as die wêreld maar net sy oë wil oopmaak, sal hy sien dat hierdie liefde bestaan: die Here se liefde vir Sy volk is só: - permanent; - onbreekbaar. Eendag as die groot fees eendag begin die bruilofsmaal van die Lam dan gaan God se kinders daar wees, want Hy t hulle só liefgehad, dat Hy hulle elke keer as hulle weggeloop het, maar weer gaan haal het en teruggebring het na Hom toe; en Hy t hulle geskaaf en gebeitel, totdat Hy hulle harte uiteindelik gewen het, sodat hulle Hom ook liefgekry het en nie weer gelos het nie U ken mos Koos du Plessis se gebed, wat van hierdie onbreekbare liefde van die Here sing: Elke afdraaipaadjie ken ek, elke keer het ek gedwaal, elke keer het U my iewers kom haal As u die lied van die Here se onbreekbare liefde in u lewe ken, kan u solank met bewing naderstaan vir die ewige fees wat die Here vir ons voorberei AMEN