CLANWILLIAM SAKEKAMER

Transcriptie

1 CLANWILLIAM SAKEKAMER VOORSITTERSVERSLAG 2014 Hiermee doen ek graag verslag oor die werksaamhede van die Clanwilliam Sakekamer vir die jaar geëindig 31 Desember was n besondere jaar in die geskiedenis van ons dorp en kon ons as gemeenskap saam stap om die geskiedkundige jaar te vier Dit was n jaar waarin ons kon terug stap na die verlede, en kon kyk hoe ons reeds n langpad gestap het, ons kon saam stap in die hede, waar ons by mekaar kon leer en saam kon droom oor die staptogte van die toekoms. Ons kon op verskeie geleenthede partytjie hou en as n groter Clanwilliam feesvier. Hierdie feesviering het met uitdagings gekom, nie al die geleenthede is deur almal bygewoon nie. Baie dankie egter aan elkeen van u wat wel deelgeneem het en saam opgewonde geraak het. Dit was n jaar van realiteite, met hoogtepunte en laagtepunte met seker die grootste laagtepunt die onbetrokkenheid van ons Plaaslike Regering. Geen finansiële bydrae tot enige projek, byeenkoms of bemarkingsaksie is gemaak nie ten spyte daarvan dat daarvoor begroot is!! Ons dank egter aan privaat persone, besighede en verenigings wat finansiële bygedraes gemaak het tot n uiters suksesvolle feesjaar. Baie dankie vir elke donateur en borgskap wat ons kon aanwend ter viering van die Clanwilliam 200. Clanwilliam het enorme media dekking oor die jaar gekry uit verskeie koerante en tydskrifte, asook baie welkome televisie dekking. n Groot advertensie veldtog is op sosiale media oor die wye spektrum van gebeure deur die jaar gehou. Ons glo dat hierdie uitgebreide bemarkingsverldtog n groot impak op ons ekonomie en veral die toerisme bedryf gehad het en wat in die volgende jare nog steeds vrugte sal afwerp. n Spesiale dankie aan Armstrong PR en elkeen wat n bydrae tot ons bemarkingsveldtog gelewer het. Ons glo dat daar n samehorigheid was en sien ons uit om verder as n gemeenskap die toekoms saam te stap. Die volgende Projekte is gedurende die Jaar aangebied: * Clanwilliam 200 Finbond Kalender * Rooibos Feestafel * Stap Saam ComNet Produksie (Sakekamer wen Projek) * Clanwilliam 200 Kwilt * Clanwilliam 200 Plaasmark * Clanwilliam 200 Erfenis Stap

2 Clanwilliam 200 Gebeurtenis * Clanwilliam 200 Birthday Bash * Clanwilliam Expo * Cederberg Rooibos Kunstefees * Clanwilliam Veldblommeskou * Freshpak Fitness Festival * CANSA Relay For Life (Sakekamer wen Gebeurtenis) * Rieldans Semi Finale 1 Ledetal Die jaar het afgesluit met n opbetaalde ledetal van 60 lede. n Paar lede het uit die Sakekamer bedank en ons het n paar nuwe lede by gekry. Baie dankie aan almal wat hul ledegelde betaal het en gereeld aan die werksaamhede van die Sakekamer deelneem. 2 Bestuursvergaderings Die Bestuur vergader gereeld elke tweede Dinsdag van die maand. My dank aan die Bestuurslede wat uit hul pad gaan om so gereeld moontlik hierdie vergaderings by te woon. 3 Ledevergaderings en Ledebesoeke Die volgende ledebyeenkomste en ledebesoeke is gedurende 2014 aangebied: 18 Februarie 2014: Algemene Jaarvergadering: Volmaanstap na Ramskop Maart 2014: Ledebesoek Vogue Modes en Tolla se Sentrum April 2014: Ledebesoek B & S Handelaars, Simply Décor by die Ou Meul 20 Mei 2014: Ledevergaderimg Martin Bergh 10 Junie 2014: Ledebesoek Museum en Toerismekantoor 14 Augustus 2014: Ledebesoek Netmar Launch van Rooibosroete September 2014: Stap Saam na Travellers Rest November 2014: Ledebesoek Kaap Agri November 2014: Jaarafsluiting: Ledebesoek Yellow Aloe Spreker Orton King 4 Projekte 4.1 Freshpak Fitness Festival 2014 Met die oog op die Clanwilliam-200 feesvieringe, was die aanbied van die 28ste Freshpak Fistness Festival n baie groot uitdaging vir die organiseerders. Meer atlete is toegelaat wat die logistieke reëlings baie uitdagend gemaak het. Ook was die een ablusieblok van die Oord heeltemal gevandaliseer en moes met groot koste herstel word.

3 Ons dank egter aan Rooibos Bpk en National Brands, wat as borge hierdie belangrike byeenkoms op Clanwilliam steeds moontlik maak. My dank aan almal wat hul tyd, hulp en energie aan hierdie projek afstaan. Die byeenkoms waarby die hele gemeenskap van Clanwilliam betrokke is, bly voorwaar n flagship byeenkoms vir Clanwilliam! Besondere woord van dank aan die Cederberg Munisipaliteit vir hul hulp met die voorbereiding van die Oord vir die aanbied van die Byeenkoms en die herstel en opknapping van die ablusiegeriewe. Spesiale dank ook aan die SAPD van Clanwilliam vir die beveiliging van die fietsryroete. Met die groter getal atlete was hierdie taak nie maklik nie. n Groot poging is aangewend om van die paaie heeltemal te sluit, iets wat baie tot die veiligheid van die fietsryers bygedra het, maar was vir n paar ongeduldige motoriste n groot frustrasie!! Die 29ste Fitness Festival van 2015 sal plaasvind oor die naweek van 03 Oktober Verfraaiing / Instandhouding van die dorp se oop gronde Soos in my Jaarverslag van 2013 berig, bly die instandhouding en versorging van parke en tuine in die dorp, steeds n groot uitdaging. Alhoewel n nuwe hoof oor die departement aangestel is, bestaan die afdeling nog steeds uit n klein groepie mense wat onmoontlik al hul verpligtinge kan nakom. Baie dankie aan lede van die publiek wat hul deel bydra tot die verfraaiing van die dorp. Veral aan Emil wat uit sy pad gaan om ons dorp se Hoofstraat groen te maak, wil ek baie dankie sê. Ek wil n ernstige beroep op ons besighede doen om tog aandag te gee aan die buitekant van u besighede!! Tel maar die papiere op en maak skoon!! Dit kan net tot voordeel van u eie besigheid wees!! Een van die Clanwilliam-200 Komitee se doelwitte was om 200 bome gedurende 2014 te plant. Ongelukkig kon dit, as gevolg van verskeie uitdagings, nie realiseer nie, en kon ons net daarin slaag om 20 bome te plant se uitdaging bly dus om die res van die 180 bome te plant 4.3 Skoonmaak van die dorp Die Sakekamer, Toerisme en privaat persone het voortgegaan om ook in 2014 n persoon aan te stel wat die Hoofstraat op Vrydagmiddae en Saterdae skoon maak teen vergoeding. Alhoewel dit bietjie help, bly die netheid van ons Hoofstraat oor naweke n groot uitdaging. Baie dankie egter aan Spar wat uit hul pad gaan om gereeld skoon te maak. Die hele skoonmaakproses is egter n opvoedingstaak wat by ons kinders moet begin! Ten spyte van herhaalde versoeke tot meer vullisdromme in die Hoofstraat, bly dit steeds n uitdaging!! Moontlik is die oplossing dat

4 besighede maar self verantwoordelikheid neem en meer vullisdromme voor hul besighede plaas!! Baie dankie, egter, aan almal wat uit hul pad gaan om ons dorp te verfraai en skoon te hou!! Om moed op te gee is geen oplossing ons almal moet net, saam met die Munisipaliteit, harder probeer om ons dorp skoon te kry. My dank ook aan Isak Koopman en die vullisverwyderingspan. Die dorp word al groter (Algeria is ook nou by die dorp ingesluit) en die vullisverwyderingspan bly net een vragmotor en n paar mense!! 4.4 Herwinning Herwinning was ook in 2014 n groot uitdaging. Dis steeds nie n winsgewende onderneming nie, en samewerking met die Plaaslike Owerheid kon ook weereens nie verkry word nie n Herwinnings ingesteldheid is nog geensins by ons inwoners gekweek nie!! Baie dankie egter aan almal wat gereeld hul herwinningsmateriaal by die herwinningspunte aflewer. n Vriendelike versoek egter is dat u die areas so skoon en netjies moontlik sal help hou. Doen ekstra moeite om u herwinningsmateriaal netjies te verpak en veral u blikkies skoon te maak. n Groot probleem egter is die straatlopers wat in die sakke krap en gereeld die sakke in die pad uitskud!! Maak herwinning een van u Nuwejaarsvoornemens vir 2015 en help so om ons dorp en omgewing gesonder te hou. 4.5 Toerisme Aan die einde van Junie het Corrine Fortuin die Toerismekantoor verlaat en vanaf Julie werk Lynette van Rooy by die kantoor. Saam met Esther Steens bied die Toerismekantoor n uitstekende diens, nie net aan hul lede nie, maar ook aan die hele gemeenskap. Baie dankie aan Esther Steens vir die Weeklikse Nuusbrief wat vanaf die kantoor uitgestuur word. Nie alleen is dit pragtig uiteengesit nie, maar lees dit ook lekker en bevat baie nuttige inligting oor die werksaamhede van die dorp. Maak tyd om dit te lees en bly so op hoogte met dit wat in u dorp gebeur!! Ek wil ook baie dankie sê aan die Toerismekantoor vir die aktiewe rol wat hulle gespeel het met al die reëlings rondom die Clanwilliam-200 projekte. Dit was n enorme taak en sonder hulle hulp sou ons nie soveel sukses kon behaal met ons feesvieringe nie!! Baie dankie aan Esther Steens vir die effektiewe manier waarop sy sosiale media in die kantoor hanteer. Maak gerus hiervan gebruik om interessante nuus op Clanwilliam se Faceboekblad te lees. Social Media Statistieke (soos op 26 Februarie 2015): Facebook profiel (Clanwilliam Toerisme): 5000 vriende Facebook profiel (Clanwilliam Tourism): 112 vriende (hierdie profiel is oopgemaak aangesien die vorige profiel die limiet bereik het van 5000) Facebook groep (Staan Saam Clanwilliam): 1275 lede

5 Twitter: 94 volgelinge Instagram: 208 volgelinge Web Statistieke: unieke besoekers (1 Januarie Februarie 2015) unieke besoekers (1 Januarie Februarie 2015) Kantoor Statistieke: Aantal plaaslike besoekers 2014: 3787 (1 Januarie Januarie 2015) Aantal buitelandse besoekers 2014: 1889 (1 Januarie Januarie 2015) Oproepe ontvang 2014: 4986 (1 Januarie Januarie 2015) E-posse ontvang 2014: 700 (1 Januarie Januarie 2015) 4.6 Blomseisoen en Veldblommeskou 2014 Met die tema van Clanwilliam-200 nl. Stap Saam, bied die dames van die Veldblommeskou weereens n besondere skou vir 2014 aan!! Ons innige dank aan al die vrywilligers wat hard werk om aan Toeriste en inwoners van Clanwilliam elke jaar n blommeskouspel aan te bied. Die Skou was vanjaar deur die Skadu Minister van Toerisme, James Vos geopen en ons was ook bevoorreg om die Britse Konsul Generaal, Christopher Trott hier te verwelkom, wat eerbied betoon het aan die Gravin, Lady Catherine Clanwilliam, wat ook in 2014 oorlede is. Altesaam besoekers het deur die skou gegaan. Ons besef dat hierdie n werklik enorme taak is wat julle jaar na jaar met groot ywer verrig en ons dank julle daarvoor. Dankie aan Erna du Plessis wat gedurende 2014 as Voorsitter van die Vereniging diens gedoen het en baie sterkte aan Alida Stone wat in 2015 die voortou sal neem. Julle is voorwaar staatmakers in ons gemeenskap! Dankie ook aan die grondeienaars wat help met die pluk en versorging van die blomme. Sonder julle belangstelling en hulp kan die Skou nie kan voortbestaan nie 2015 se Blommeskou sal op Donderdag 28 Augustus open en, indien die weer saamspeel, kan ons uitsien na nog n besonderse skou. 4.7 Cederberg Rooibos Kunstefees 2014 Die 14de Kunstefees wat gedurende 2014 aangebied is was voorwaar n groot projek. Soos voorheen gesê bly dit n baie ambisieuse projek vir n klein plattelande dorpie soos Clanwilliam. Ons dank aan almal wat die Fees ondersteun en bemark.

6 Van die hoogtepunte by die fees was verseker die Feestafel wat in Parkstraat aangebied was, asook die Gemeenskaps Produksie Stap Saam. Baie dankie aan Rooibos wat die Tafel geborg het en Gerda de Wet wat vir baie van die reëlings verantwoordelik was. Ongelukkig moet ek aankondig dat die Direksie van die Cederbergfees Besluit het om in 2015 n bietjie asem te skep te herbesin oor die samestelling van die Fees asook die tyd van die jaar waarin dit aangebied word. Die voortbestaan is egter uitsluitlik afhanklik van die verkryging van befondsing. Daar is drie jaar gelede reeds aansoek gedoen by die LOTTO, maar tot dusver kon ons nog geen terugvoering van hulle kry nie. Aan al ons borge die afgelope 14 jaar wil ons baie dankie sê dat julle ons gehelp het om die Kunste na die Platteland te bring asook vir die finansiële inspuiting wat die aanbied van die Fees Clanwilliam en omgewing besorg het. Spesiale dank aan ons hoofborge nl: Rooibos, ABSA, Die Burger en die LOTTO. Ook al die ander kleiner borge. Ons hoop dat indien die Fees in 2016 kan voortgaan, julle weer bereid sal wees om betrokke te raak. 5 Skakeling tussen die Sakekamer en Cederberg Munisipale Raad bly steeds n baie groot uitdaging!! Ek doen kortliks verslag oor n paar aspekte: Gereëlde kwartaallikse gesprekke tussen die Bestuur van die Sakekamer en Cederberg Munisipaliteit kon nog nie bewerkstellig word nie, en bly dit n groot uitdaging vir die Bestuur Die werking van Wykskomitees van Wyk 3 & 6 bly steeds n uitdaging. In Wyk 6 (Clanwilliam) het daar gedurende 2014 slegs 3 Wyksvergaderings plaasgevind (waar dit veronderstel is om elke maand te geskied). Wat Wyk 3 (Wupperthal, Agterpakhuis Kanaalwyk en De Vlei) aan betref, vind vergaderings skynbaar gereeld op Wupperthal plaas.. Vir inwoners van die res van die Wyk is dit onmoontlik om saans vergaderings in Wupperthal by te woon en is die werking van Wyk 3 ook nie bevredigend. Die Wyksvergaderings is veronderstel om die skakeling tussen die Gemeenskap en die Munisipaliteit te wees, en by gebrek aan die werking van genoemde komitees vind skakeling nie bevredigend plaas nie. Geen LED afdeling is nog in die Munisipaliteit gevestig nie, en daar is ook geen begroting aan die afdeling gekoppel nie. GOP proses en Begroting 2015/16: Die Sakekamer het reeds twee gesprekke met die betrokke amptenaar verantwoordelik vir die GOP proses, Mnr Louis Volschenk, gehad en verskeie projekte is geidentifiseer wat die Bestuur voel dringende aandag moet geniet. Ongelukkig is geen projek wat gedurende 2014/15 begroting deur die Sakekamer voorgestel is, op die GOP geplaas nie en ontstaan die vraag of die hele GOP-proses van enige waarde is. n Feit wat egter in gedagte gehou moet word is dat Cederberg Munisipaliteit oor baie min fondse beskik om enige projekte tot uitvoering te bring.

7 My dank egter aan van die Senior Bestuur wat altyd bereid is om te help en positief reageer op versoeke. 6 Skakeling tussen Lede Besoeke is gedurende die jaar aan nuwe lede asook bestaande lede gebring. Die doel van die besoeke is om netwerk geleenthede aan lede te verskaf, asook om ons lede beter te leer ken. Baie dankie aan almal wat hierdie geleenthede bygewoon het. Meeste van ons lede maak egter nie van die geleenthede gebruik nie wat n groot jammerte is ons leer so baie oor ons dorp en sy mense en ek wil regtig n beroep op u doen om meer gereeld te probeer om Ledebesoeke te ondersteun. Die meeste skakeling met lede vind steeds deur middel van e-pos en nuusbriewe plaas. Behalwe die weeklikse Nuusbrief waarin nuus van die Sakekamer en Toerisme verskyn, stuur die Sakekemer ook kwartaallikse Nuusbriewe uit. Die webblad van die Sakekamer is ook voltooi en kan besoek word by: clanwilliam.co.za of u kan slegs die Clanwilliam webwerf by besoek!! Ongelukkig is baie van ons lede se inligting nog nie volledig nie. Ons kan egter slegs inligting en fotos plaas wat aan ons verskaf word. Skakel asseblief met Esther Steens by Toerismekantoor: Tel om u inligting op te gradeer. 7 Gemeenskaps Polisiëringsforum (GPF) Alhoewel n suksesvolle GPF baie voordele vir n dorp en gemeenskap inhou, was die werking van die GPF in 2014 baie wisselvallig. Lede woon eenvoudig net nie vergaderings by nie en veral n belangrike instansie soos die Munisipaliteit is konstant afwesig. Op die Algemene Jaarvergadering van die GPF wat vroeg in 2015 gehou sal word, moet n nuwe bestuur gekies word en kan mens net hoop dat hulle daarin sal slaag om die GPF te herorganiseer en effektief te laat funksioneer.. Vergaderings is gereeld die eerste Donderdag van elke maand gehou. My dank aan die Polisie en Speurders wat gereeld die vergaderings bywoon en verslag doen. n Nuwe Kolonel, is by die plaaslike Polisiestasie aangestel 8 Skakeling tussen Sakekamers en die AHI Wes-Kaap en AHI Nasionaal Mnr Orton King is gedurende die AHI Wes Kaap se Kongres in Junie as nuwe Voorsitter van AHI Wes-Kaap verkies, met mnr Sheraz Rayban (Worcester Besigheidsforum) as Onder-Voorsitter. Gereelde vergaderings vind plaas wat ek as Voorsitter van Clanwilliam bywoon. Dr Christo van der Rheede, Uitvoerende Beampte van AHI Nasionaal, het Cederberg gedurende die jaar tweemaal besoek. Die hoofdoel van sy besoeke was om n poging aan te wend om beter

8 kommunikasie tussen die Sakekamers van Cederberg en die Cederberg Munisipaliteit te bewerkstellig. Ongelukkig lyk dit asof ons nie heeltemal daarin kon slaag nie en soos reeds genoem bly kommunikasie met die Munisipaliteit n groot uitdaging!!. Tydens die AHI Nasionale Kongres op 9 en 10 Oktober 2014 is Prof Tommy du Plessis as President, Mnr Christo Botes as eerste Visie President en Dr Ernest Messiena as tweede Visie President verkies.. 9 Bedankings Baie dankie aan al ons Lede wat die werksaamhede van die Clanwilliam Sakekamer getrou ondersteun en insette lewer. Dankie ook aan die Bestuurslede vir hul onbaatsugtige diens aan die Sakekamer. Sonder jul insette, kan die Sakekamer nie suksesvol funksioneer nie. Aan ons Hemelse Vader alle dank en eer vir Sy leiding en bewaring gedurende die jaar, en ons wil bid dat Hy die onbekende 2015 met al sy uitdagings, saam met ons sal ingaan Voorsitter: Ilse Lochner 26 Februarie 2015