BUITELAND. Buitelandse beleggingsplanne

Transcriptie

1 BUITELAND Buitelandse beleggingsplanne Die regte buitelandse belegging kan n deurslaggewende faktor wees om u welvaart te laat groei, omdat u belegging gediversifiseer word volgens geldeenheid en geografiese ligging. Discovery Invest bied toegang tot verskeie buitelandse beleggingsfondse wat bestuur word deur uiters ervare globale verskaffers van fondse. Verder kan u die Buitelandse Klassieke Uitkeerplan, wat u buitelandse belegging verder beskerm en verbeter, kies.

2 Hoekom u Discovery Invest se Buitelandse Uitkeerplan behoort te kies Discovery Invest bied twee soorte Buitelandse Uitkeerplanne, sodat u die produk wat die beste by u behoeftes pas, kan kies. Die Buitelandse Kern-uitkeerplan bied n belastingdoeltreffende beleggingstruktuur met toegang tot fondse in n diverse verskeidenheid geografiese streke en spesialismarkte. Die Buitelandse Klassieke Uitkeerplan bied dieselfde, maar sluit unieke voordele in om u belegging te verbeter en te beskerm. 1. Die Offshore Capital Gains Tax Funder bied beskerming teen belasting op kapitaalwins wat u beleggingsopbrengs kan verweer 2. Beskerming om dalings in die waarde van u fonds te versag met die Offshore Asset Protector 3. Die Offshore LifeBooster betaal n bedrag van tot 100% van u aanvanklike belegging indien u sterf. As u n LEWENSPLAN van Discovery Life het, kan u in aanmerking kom vir Discovery Invest se Buitelandse Beleggingsintegreerder, wat n verbetering van 10% op die waarde van u belegging voorsien. n Omvattende verskeidenheid buitelandse beleggings waaruit u kan kies Discovery Invest bied toegang tot die unieke Discovery Invest Dynamo-fondse. Die fondse behels n nuwe benadering tot risikoprofielbeleggings in die buiteland. Die Dynamo-strategie is bedoel om opbrengs te optimaliseer binne bepaalde benaderings tot risiko, maar met diversifikasie oor verskeie bateklasse en geografiese streke. Verder het u toegang tot Discovery se Escalator-fondse, wat blootstelling bied aan internasionale beleggings, terwyl dit waarborg dat die eenheidsprys van die fonds nie laer sal daal as 80% van die hoogste eenheidsfonds wat ooit behaal word nie. Die fondse word beskerm in die buitelandse geldeenheid. Discovery Invest bied ook toegang tot verskeie buitelandse fondse in verskillende geldeenhede. Die buitelandse fondse wat aangebied word, word aangebied deur verskeie internasionaal erkende fondsbestuurders, soos BNP Paribas, Credit Suisse, Fidelity, Franklin Templeton, Goldman Sachs en Deutsche Bank. Fondse wat bestuur word deur multibestuurders of enkelbestuurders is beskikbaar. Die fondse wat aangebied word, sluit obligasiefondse, geldmarkfondse en ekwiteitfondse wat klem lê op n groot verskeidenheid beleggingstemas en geografiese streke in. Aangesien die buitelandse fondse beskikbaar is in verskillende buitelandse geldeenhede, kan polishouers diversifiseer volgens geografiese streek en beleggingstema, maar ook volgens geldeenheid. Die beskikbare geldeenhede is VSA-dollar, euro, Britse pond en Japannese jen. Verbeter en beskerm u belegging Unieke kenmerke van die Buitelandse Klassieke Uitkeerplan: Beskerming sodat belasting nie u beleggingsopbrengs verweer nie Die Offshore Capital Gains Tax Funder bied optimale belastingdoeltreffendheid deur u belegging na afloop van vyf jaar te verbeter, om voorsiening te maak vir die koste van belasting op kapitaalwins wat van toepassing kan wees. Discovery Invest sluit alle gerealiseerde en ongerealiseerde kapitaalwins op u belegging by die berekening in. Die voordeel is net van toepassing op die eerste 75% van kapitaalwins op die enkelbydrae in elke tydperk van vyf jaar. Enige onttrekking uit die belegging voordat die tydperk van vyf jaar verstryk, laat die voordeel proporsioneel afneem. Discovery Invest kan van tyd tot tyd die berekening en persentasie hierbo aanpas volgens veranderde belastingvereistes. Beskerming teen negatiewe prestasie van portefeulje In geval van buitelandse beleggings, is daar n gevaar van negatiewe opbrengste weens swak prestasie van n fonds of as die waarde van die geldeenheid vergeleke met die rand daal. Die Offshore Asset Protector verbeter na afloop van elke tydperk van vyf jaar die waarde van u fonds, as die opbrengs op u aanvanklike bydrae negatief is. Die verbetering van die waarde van die fonds, na afloop van die tydperk van vyf jaar, word bereken volgens die tabel hieronder: Prestasie van portefeulje Persentasie waarmee fonds verbeter word Prestasie -20% 10% -20% < prestasie -10% 7.5% -10% < prestasie 0% 5% Die verbetering hierbo word uitgedruk as persentasie van die waarde van die portefeulje na afloop van die tydperk van vyf jaar. Die prestasie van die portefeulje word bereken in verhouding met die bedrag wat in rand belê word. Die verbetering is net van toepassing op bedrae wat belê is vir die volle tydperk van vyf jaar. Die verbetering word nie betaal as die opbrengs op die portefeulje positief is nie. Ontvang n addisionele bedrag van tot 100% van die aanvanklike bydrae as u sterf As u onverwags sterf, kan u begunstigdes gedwing word om die beleggings te onttrek om te voldoen aan hulle finansiële verpligtinge. Die Offshore LifeBooster betaal tot 100% van die aanvanklike bydrae as addisionele voordeel in rand en dit word aan u benoemde begunstigdes in Suid-Afrika betaal as u sterf. Die persentasie wat betaal word, word toegepas op die aanvanklike bydrae en verskil volgens u ouderdom wanneer u sterf. Hoe oud u sou word as u nie Persentasie gesterf het nie 40 jaar oud 100% 40 jaar oud tot 45 jaar oud 80% 45 jaar oud tot 50 jaar oud 60% 50 jaar oud tot 55 jaar oud 40% 55 jaar oud tot 60 jaar oud 20% > 60 jaar oud 0% Die Offshore LifeBooster is net van toepassing op natuurlike persone. Die voordeel word nie betaal as u dood direk of indirek veroorsaak word deur enige toestand, siektetoestand, ongeskiktheid of verswakte gesondheid wat bestaan het voor die belegging geaktiveer is nie. Die voordeel word nie betaal as u selfmoord pleeg nie. n Vraelys oor u gesondheid wat saamgestel is deur Discovery moet ingevul word en Discovery se onderskrywingspaneel moet dit goedkeur voordat u in aanmerking kan kom vir die voordeel. 1

3 Verbeter u belegging met die Buitelandse Beleggingsintegreerder (Van toepassing op die Buitelandse Kern- en Klassieke Uitkeerplan) Die belasting- en gesondheidsbates wat geskep word met die LEWENSPLAN van Discovery Life word ingespan met die Buitelandse Beleggingsintegreerder om n aanvanklike verbetering van 10% toe te staan op u enkelbydrae. Die verbetering van 10% groei teen dieselfde koers as u fonds. n LEWENSPLAN van Discovery Life, teen n premie van minstens R850 per maand is noodsaaklik om in aanmerking te kom vir die Buitelandse Beleggingsintegreerder. Die laagste vereiste premie kan van tyd tot tyd hoër aangepas word. Na afloop van vyf jaar kan u kies om 50% van die waarde van die Buitelandse Beleggingsintegreerder te onttrek, met enige afname of toename in die waarde van die fonds volgens beleggingsopbrengste, of u kan dit herbelê in u Buitelandse Uitkeerplan. Die res van die waarde word betaal na 10 jaar. Die Buitelandse Beleggingsintegreerder word betaal so lank u maandelikse premies vir die LEWENSPLAN van Discovery Life en die belegging in die Buitelandse Uitkeerplan volgehou word. Tegniese besonderhede As die premie vir u LEWENSPLAN van Discovery Life verlaag word tot minder as R850, verbeur u enige toekomstige verbeterings volgens die Buitelandse Beleggingsintegreerder. Indien die versekerde sterf, sluit die sterftevoordeel n gedeelte van die Buitelandse Beleggingsintegreerder in. Dit word in verhouding met die duur van die Buitelandse Uitkeerplan betaal. Die verhouding wat die begunstigde ontvang, word soos volg bereken: As die versekerde sterf voor die vyfde polisjaardag: 10% van die waarde van die Buitelandse Beleggingsintegreerder vir elke jaar of gedeelte van n jaar; As die versekerde sterf ná die vyfde polisjaardag, maar voor die tiende polisjaardag: 20% van die oorblywende waarde van die Buitelandse Beleggingsintegreerder vir elke jaar of gedeelte van n jaar ná die vyfde polisjaardag. n Belastingdoeltreffende beleggingstruktuur Discovery Invest se Buitelandse Uitkeerplan is gebaseer op n lewensversekeringsooreenkoms wat n paar voordele wat verband hou met belasting bied: Discovery Life International is verantwoordelik vir die betaling van belasting op groei van die bates in die onderliggende beleggingsrekening, u is nie verantwoordelik vir die belasting nie. Dit word gewoonlik betaal teen n gunstige belastingkoers en dit kan n waardevolle besparing vir u beteken. Alle fondse wat aangebied word, is inklusief, wat beteken dat die verdeling (dividende, rente en rente-inkomste) deel vorm van die eenheidsprys van die fonds. Dit beteken dat net belasting op kapitaalwins gehef kan word wanneer eenhede verkoop word. Eenhede word belas teen n koers van 10% (Maart 2012). Die belasting word namens u deur die fonds betaal. As n Suid-Afrikaanse burger hoef u nie volgens heersende wetgewing verdere belasting te betaal nie. Die uitkeerwaarde van Discovery Invest se Buitelandse Uitkeerplan word belastingvry betaal. Hoekom u Discovery Invest se Buitelandse Aanpasbare Beleggingsplan behoort te kies Discovery Invest se Buitelandse Aanpasbare Beleggingsplan bied n omvangryke verskeidenheid fondse wat vir u die geleentheid bied om onmiddellik toegang te kry tot u fondse. Die buitelandse fondse wat aangebied word, word aangebied deur verskeie internasionaal erkende fondsbestuurders, soos BNP Paribas, Credit Suisse, Fidelity, Franklin Templeton, Goldman Sachs en Deutsche Bank. Die fondse sluit obligasiefondse, geldmarkfondse en ekwiteitfondse wat klem lê op n groot verskeidenheid beleggingstemas en geografiese streke in. Aangesien die buitelandse fondse beskikbaar is in verskillende buitelandse geldeenhede, kan polishouers diversifiseer volgens geografiese streek en beleggingstema, maar ook volgens geldeenheid. Die beskikbare geldeenhede is VSA-dollar, euro, Britse pond en Japannese jen. Belasting op beleggingswins Wins op beleggings is onderhewig aan die belastingkoers wat op u van toepassing is. Ons reik IT3b en IT3c belastingsertifikate uit, maar u is self verantwoordelik daarvoor om die toepaslike belasting op u Buitelandse Aanpasbare Beleggingsplan te betaal. 2

4 Belangrike inligting wat u moet weet Hoeveel u moet belê Belastingklaring Wat met u beleggings gebeur as u sterf Net enkelbydraes word toegelaat in die Buitelandse Uitkeerplan en Buitelandse Aanpasbare Beleggingsplan. Die laagste enkelbydrae is: R of $ of of of Laagste ad hoc-bydraes: R of $5 000 of of of Onthou dat n nuwe polis uitgereik word in geval van ad hoc-bydraes. Die tariewe wat u moet betaal Discovery Invest se jaarlikse administrasiegeld: 0.5% per jaar wat maandeliks gehef word. Beskermerpremie: 1.2% per jaar wat maandeliks gehef word. (Dit is net van toepassing op die Buitelandse Klassieke Uitkeerplan om die verbetering en beskerming te bied). Trustee- en bewaringsgeld: 0.35% tot 0.5% per jaar wat maandeliks gehef word. Aanvanklike tarief vir finansiële adviseur se advies: Tot 4% plus BTW. Tarief vir finansiële adviseur se volgehoue advies: 0% tot 1.5% per jaar, plus BTW. Die totale tarief vir aanvanklike en volgehou finansiële advies word beperk volgens die volgende formule: (finansiële adviseur se aanvanklike tarief vir advies) + [(finansiële adviseur se tarief vir volgehoue advies) x 5] 7.5% Omskakelingsgeld*: 0.25% van die bedrag wat omgeskakel word. *Die eerste vier omskakelings per jaar is gratis. Geen aanvanklike administrasiegeld is betaalbaar aan Discovery Invest nie. Fondsbestuurders kan tariewe hef op van die fondse wat u kies. Discovery kan n rabat ontvang op sekere van die tariewe. Die tariewe, koste en Beskermerpremies kan van tyd tot tyd gewysig word. Tot R1 miljoen per jaar kan in die buiteland belê word sonder belastingklaring (Maart 2012). As u meer as die bedrag wil belê, moet u n klaringsertifikaat vir buitelandse beleggings aanvra by die Suid-Afrikaanse Inkomstediens (SARS). Die betrokke vorms is beskikbaar op Discovery se webblad by Wanneer u geld onttrek kan word Volgens heersende wetgewing kan u een bedrag uit die Buitelandse Uitkeerplan onttrek in die eerste vyf jaar (maar nie die eerste jaar nie). Die hoogste bedrag wat onttrek kan word is die totale waarde van die bydraes wat betaal is, wat opgebou het teen 5% per jaar. Sekere fondsbestuurders hef n bedrag as fondse onttrek word. Onthou dat die Buitelandse Beleggingsintegreerder, asook die unieke verbetering en beskerming wat die Buitelandse Klassieke Uitkeerplan bied, verlaag word as u vroeg fondse onttrek. Onttrekkings uit die Buitelandse Aanpasbare Beleggingsplan word enige tyd toegelaat. In geval van die Buitelandse Uitkeerplan word die opbrengs aan u benoemde begunstigdes betaal, met n bedrag wat in verhouding betaal word uit die Buitelandse Beleggingsintegreerder waarvoor u in aanmerking kom. As u belê het in die Buitelandse Klassieke Uitkeerplan, kan u ook in aanmerking kom vir die Offshore LifeBooster. In geval van die Buitelandse Aanpasbare Beleggingsplan word die opbrengs in u boedel betaal en verdeel volgens u testament of wetgewing. 3

5 As u meer wil weet Ons voel dat dit noodsaaklik is om finansiële advies te kry voordat die plan gekies word en terwyl die plan van krag is, omdat die planne verskeie opsies bied. Discovery Invest kan net inligting oor die produk verskaf, nie beleggingsadvies gee volgens individuele omstandighede of finansiële doelwitte nie. Die brosjure bied net n opsomming van die plan. Volledige besonderhede is beskikbaar in die Feitegids vir Buitelandse Beleggingsplanne. Elke beleggingsfonds, insluitend koste wat van toepassing is, word beskryf in die feitegids oor die fonds. Alle bemarkingsmateriaal is beskikbaar op Discovery Invest se webblad ( Wat u nou moet doen Sodra u n Buitelandse Aanpasbare Beleggingsplan, Buitelandse Kern-uitkeerplan of Buitelandse Klassieke Uitkeerplan gekies het, moet u die onderliggende fondse vir u belegging kies. Die finansiële adviseur wat u help, kan die proses om n risiko-profiel en batetoewysing saam te stel verduidelik. Die adviseur kan ook enige onsekerheid oor die keuse van fondse uit die weg ruim. Ons wil die proses so maklik as moontlik maak vir u en het n brosjure, wat verduidelik hoe u kan voldoen aan u eie beleggingsbehoeftes, saamgestel. Die brosjure verduidelik op n eenvoudige manier wat u in ag behoort te neem en wat u met u finansiële adviseur behoort te bespreek wanneer u fondse kies. Vra u finansiële adviseur vir n afskrif van die brosjure, of kyk op die webblad ( Nadat u met die hulp van u finansiële adviseur fondse gekies het, kan die adviseur u help om die regte aansoekvorms in te vul en by ons in te dien. Sodra die fondse belê is in die fondse wat u kies, stuur ons n polisskedule aan u of die finansiële adviseur. Hoe om met ons te praat Onder gewone omstandighede, is die finansiële adviseur die eerste persoon met wie u moet praat. Indien nodig, kan u ons skakel by Ons is beskikbaar van Maandag tot Vrydag, van 8:00 tot 17:00. 4

6 Die inhoud van die brosjure is bloot bedoel om vir beleggers inligting te bied oor Discovery Invest en Discovery Life Limited, asook die produkte en dienste wat aangebied word. Dit is slegs bedoel vir persoonlike en/of inligtingsdoeleindes. Die brosjure word te goedertrou aangebied en die inhoud is nie onderhewig aan enige uitdruklike of veronderstelde waarborge van enige aard nie. Discovery gee hiermee toestemming dat die inhoud van die brosjure vir bemarkingsdoeleindes gebruik kan word, maar net indien dit gebruik word om inligting te verskaf. Enige ongemagtigde gebruik, wysiging, verspreiding of reproduksie, of verwysing na die inhoud buite die konteks van die brosjure of enige deel daarvan, word streng verbied. Geen aanbod, waarborg of stelling kan gemaak of afgelei word van die inhoud van die brosjure sodat enige persoon wat uit n polis voordeel trek, winste sal of waarskynlik sal realiseer, of inkomste of opbrengste verdien tot die mate wat in die brosjure geïllustreer word nie. Elke belegger moet sy of haar eie finansiële adviseur raadpleeg. Die finansiële adviseur moet n gemagtigde verskaffer van finansiële dienste wees om vir die belegger advies te gee oor die geskiktheid van die produkte en fondse vir die belegger se eie persoonlike beleggingsbehoeftes. Discovery Life is n geregistreerde langtermynversekeraar en gemagtigde verskaffer van finansiële dienste. Discovery Invest is n gemagtigde verskaffer van finansiële dienste. Kopiereg Discovery Invest Alle regte voorbehou Discovery Invest se Buitelandse Uitkeerplan word uitgereik deur Discovery Life International, die Guernsey-tak van Discovery Life Limited (Suid- Afrika), volgens die lisensie wat uitgereik is deur die Guernsey Financial Services Commission volgens die Insurance Business (Bailiwick of Guernsey) Law 2002, om langtermynversekeringsbesigheid te bedryf. Discovery Invest se Buitelandse Uitkeerplan is ook onderhewig aan die Suid-Afrikaanse Langtermynversekeringswet van Discovery Invest se Buitelandse Uitkeerplan word geadministreer deur Discovery Life Investment Services (Pty) Limited wat handel dryf as Discovery Invest, n filiaal van Discovery Holdings Limited, n gemagtigde Suid-Afrikaanse verskaffer van finansiële dienste. Die waarde van eenhede kan styg of daal. Vorige prestasie is nie noodwendig n aanduiding van toekomstige prestasie nie. Polishouers bekom die voordeel van n polishouerbeskermingskema waarvolgens Discovery Invest bates van minstens 90% van polishouerlaste in trust moet hou by n goedgekeurde trustee wat optree as derde party. Die Offshore LifeBooster word as afsonderlike polis voorsien deur Discovery Life in Suid-Afrika, maar dit vorm deel van die Buitelandse Klassieke Uitkeerplanpakket. Straatadres: Weststraat 155 Sandton Posadres: Posbus Benmore 2010 Inbelsentrum se telefoonnommer: Faksnommer: IOFIBE 04/12 GM_16110DI_19/06/2012