PLAASLIKE UITKEERPLAN. Skep welvaart en kry n belastingvrye uitbetaling aan die einde van u beleggingstermyn

Transcriptie

1 Skep welvaart en kry n belastingvrye uitbetaling aan die einde van u beleggingstermyn PLAASLIKE UITKEERPLAN

2 Discovery Invest is n bekroonde verskaffer van beleggingsprodukte in Suid-Afrika en is deel van die Discoverygroep. Ons bied n omvattende reeks beleggingsprodukte wat gebou is op ons stewige reputasie vir kliëntgesentreerde vernuwing, gehalte en sorg. Discovery Invest se Uitkeerplanne help u om op n belastingdoeltreffende manier te belê. U kies uit ons wye reeks beleggingsvoordele om u beleggingsopbrengs te verbeter en u belegging te beskerm wanneer u dit die nodigste het. Ten einde n suksesvolle langtermynbeleggingsportefeulje te bou, is dit belangrik om na te dink oor maniere om u kapitaal te beskerm en verbeter. Beleggers fokus dikwels op die beleggingsopbrengste van hul portefeuljes, wat uiters belangrik is, maar hulle skenk soms min aandag daaraan om doeltreffende maniere te vind om fooie en belasting te verminder en daardeur hul beleggings meer doeltreffend te maak. Wat is n uitkeerplan? n Uitkeerplan is n soort spaarplan. Dit gee aan beleggers volle toegang tot hul geld ná n vasgestelde tydperk ( in hierdie geval vyf jaar) of wanneer die polishouer sterf. In Suid-Afrika word uitkeerplanne belas teen n verminderde koers (vergeleke met die tipiese belastingkoers van n individu in die hoogste inkomstebelastingkerf). Dit is belangrik om te onthou dat n uitkeerplan n langtermynverbintenis is. Om die volle voordeel uit hierdie soort belegging te trek, moet u die belegging vir minstens vyf jaar volhou. Ná vyf jaar kan u die geld onttrek wanneer u dit ook al nodig het. Wanneer u besluit om u geld te onttrek, hoef u nie enige verdere belasting op u belegging te betaal nie. Hoe ons Uitkeerplan werk By Discovery Invest verstaan ons hoe belangrik dit is dat u die meeste waarde uit u belegging kry. Ons kan u voordele bied wat u belegging help om vinniger te groei, na gelang daarvan of u kies om n enkelbedragbelegging of maandelikse bydraes te maak. Hierdie tabel toon n opsomming van hoe ons Uitkeerplan werk en die voordele wat u kan kry. In die volgende afdeling verduidelik ons elke voordeel. Kenmerke en voordele van Discovery Invest se Uitkeerplan Vooruitbetaalbare Beleggingsintegreerder Soos-en-Wanneerbeleggingsintegreerder Fee PayBack Bydraekwytskelder LifeBooster Enkelbedragbelegging Maandelikse bydraes Verbeter u aanvanklike belegging met tot 26%. U kry aansienlike waarde deurdat u meer geld kry om te belê en u kry ná vyf en 10 jaar toegang tot hierdie bykomende geld. Gee tot 100% van al u administrasiefooie, polisgeld, batebestuursgeld en die finansiële adviseur se aanvanklike fooi vir advies aan u terug, wat beteken dat u belegging vinniger groei. Bied u risikobeskerming. Indien u sterf terwyl u n belegging in n Uitkeerplan het, verbeter ons u fondswaarde om te verseker dat u begunstigdes teen moontlike afswaaie in die mark beskerm is. Betaal u tot 55% van u jaarlikse administrasiefooie. U ontvang hierdie voordeel met fondse wat nie die Soos-en-Wanneerbeleggingsintegreerder kry nie. Bied u risikobeskerming vir ernstige siekte en ongeskiktheid. Indien u ernstig siek word of ongeskik verklaar word, neem ons u maandelikse beleggingsbydraes oor tot aan die einde van die beleggingstermyn of totdat u die ouderdom van 65 bereik of totdat u sterf.

3

4 Hoe ons u help om di MEER GELD OM TE BELÊ Vooruitbetaalbare Beleggingsintegreerder Ons gee aan individue wat n enkelbedragbelegging in Discovery Invest se Uitkeerplan maak n bykomende verbetering in hulle belegging van tot 26%. Die grootte van u verbetering vooraf word gegrond op die fondse wat u gekies het en hang ook daarvan af of u n kwalifiserende LEWENSPLAN van Discovery (lewensversekeringspolis verskaf deur Discovery Life) het. Groter verbeterings word gegee aan polishouers met n LEWENSPLAN van Discovery en beleggings in kwalifiserende Discoveryfondse, soos in die tabel hieronder aangedui: LEWENSPLAN-premie 2014 Beleggings in kwalifiserende Discovery-fondse Geen kwalifiserende LEWENSPLAN van 12.5% 7.5% Discovery nie R200 tot R % 7.5% Meer as R1 300 tot R % 8.5% Meer as R1 650 tot R % 9.0% Meer as R2 100 tot R % 10.0% Meer as R2 450 tot R % 11.0% Meer as R % 12.5% Beleggings in ander fondse Die bedrae in die tabel hierbo word elke jaar verhoog in ooreenstemming met die gemiddelde verhoging in premies vir alle LEWENSPLANNE van Discovery. Sekere beleggingsperke is moontlik op sekere verbeterings van toepassing. Hoe die Vooruitbetaalbare Beleggingsintegreerder werk U totale verbeteringspersentasie word op u enkelbedragbelegging toegepas om u verbeteringsbedrag te bepaal. Hierdie verbeteringsbedrag groei teen n gewaarborgde koers van 6% per jaar. R Aan die einde van vyf jaar kan 50% van die Vooruitbetaalbare Beleggingsintegreerder plus die groei daarop onttrek of herbelê word. Die res van die Vooruitbetaalbare Beleggingsintegreerder plus die groei daarop kan aan die einde van die 10-jaar-termyn onttrek of herbelê word. R R R Jaar Die fondswaarde (groei volgens die prestasie van die onderliggende fondse wat u gekies het) Die Vooruitbetaalbare Beleggingsintegreerder se verbetering van u enkelbedragbydrae (groei teen n gewaarborgde koers van 6% per jaar) Onttrekkings uit u belegging gedurende die eerste 10 jaar of omskakelings tussen kwalifiserende Discovery-fondse en ander fondse kan n invloed op die waarde van u verbetering hê. Indien u sterf, word n gedeelte van die voorafverbetering aan u begunstigdes of u boedel uitbetaal, na gelang van hoe lank die Uitkeerplan van krag was.

5 e beste gebruik van u Uitkeerplan te maak VERMINDERING VAN U FOOIE Soos-en-Wanneer-beleggingsintegreerder Een van die maniere waarop ons u beleggingsopbrengs verbeter, is om die fooie vir u belegging soveel as moontlik te verminder. Die Soos-en-Wanneer-beleggingsintegreerder verminder die administrasiefooie, aanvanklike fooie vir die finansiële adviseur, polisgeld en batebestuursgeld vir enkelbedragbeleggings en maandelikse bydraes. U kan tussen 40% en 100% op hierdie fooie bespaar deur die Soos-en- Wanneer-beleggingsintegreerder te gebruik. Dit is van besondere belang dat die fooie elke maand verminder sal word sodat u nie hoef te wag om by die laer fooie te baat nie. Die fooiverlagings wat u ontvang, hang af van u maandelikse premie vir die LEWENSPLAN van Discovery en u Vitality-status (Vitality is Discovery se welstandsprogram) en is slegs van toepassing op geld wat in kwalifiserende Discovery-fondse belê is. Hierdie voordeel strek oor 10 jaar, waarna dit wegval. Matriks vir die Soos-en-Wanneer-beleggingsintegreerder LEWENSPLAN-premie Vitality-status 2014 Blou* Brons Silwer Goud Diamant R200 tot R % 45% 50% 60% 75% Meer as R1 300 tot R % 60% 75% 80% 100% Meer as R1 650 tot R % 75% 80% 100% 100% Meer as R2 100 tot R % 80% 100% 100% 100% Meer as R2 450 tot R % 100% 100% 100% 100% Meer as R % 100% 100% 100% 100% * Polishouers wat n LEWENSPLAN van Discovery het maar nie lede van Vitality is nie, word in hierdie tabel beskou as lede met Blou Vitality-status. Die bedrae in die tabel hierbo word elke jaar verhoog in ooreenstemming met die gemiddelde verhoging in premies vir alle LEWENSPLANNE van Discovery. Hierdie voordeel is nie beskikbaar as u reeds die Vooruitbetaalbare Beleggingsintegreerder gekies het nie. Fee PayBack Daar is sekere fondse en gevalle waar die Soos-en-Wanneerbeleggingsintegreerder nie van toepassing is nie. Vir hierdie gevalle het ons die Fee PayBack-voordeel ontwerp. Hierdie voordeel betaal tot 55% van al u jaarlikse Discovery Invest-administrasiefooie aan u terug wanneer u maandelikse bydraes maak. U kry hierdie terugbetaling van u fooie, met die groei daarop, aan die einde van 10 jaar en elke vyf jaar daarna. BESKERMING VAN U BELEGGING AS DIE ERGSTE GEBEUR Bydraekwytskelder Lewens kan in n oogwenk verander. U kan dalk skielik ernstig siek word of ongeskik verklaar word en nie daartoe in staat wees om steeds tot u belegging by te dra nie. Om te voorkom dat u nie tydens kritieke tye in u leeftyd noodsaaklike beleggingsgroei verbeur nie, het ons die Bydraekwytskelder ontwikkel. Dit betaal alle bydraes en outomatiese voordeelverhogings namens u, tot en met die einde van u Uitkeerplan se termyn of totdat u die ouderdom van 65 bereik. Dit beteken u Uitkeerplan kan aanhou groei en u kan u maandelikse bydraes gebruik om vir uself te sorg. Om hierdie voordeel te kry, moet u eis kwalifiseer volgens Kategorie A van die Kapitaalongeskiktheidsvoordeel of Ernstigheidsgraad A van die Voordeel vir Ernstige Siektes, soos omskryf in Discovery se jongste Gids vir Individuele LEWENSPLANNE. Ons gebruik die kategorieë wat in die Gids vir LEWENSPLANNE omskryf word om die graad van die ongeskiktheid of ernstige siekte te bepaal, maar u hoef nie n LEWENSPLAN van Discovery te hê nie. Die jongste Gids vir LEWENSPLANNE is verkrygbaar by Die premie, indien u hierdie voordeel kies, is gegrond op n persentasie van u bydraes tot die Uitkeerplan en dit word afgetrek voordat u bydraes belê word. Hierdie voordeel verval aan die einde van die beleggingstermyn (10 jaar) of op u polisjaardag in die jaar waarop u 65 jaar oud word. LifeBooster Dit is belangrik om na te dink oor wat gaan gebeur met u belegging en die welvaart wat u besig is om te skep indien u sterf. Indien u onverwags sterf, kan u belegging dalk uitbetaal word op n tydstip wanneer dit nie voordelig is om n belegging vir kontant in te ruil nie. Die LifeBooster-voordeel beskerm u belegging deur u beleggingswaarde met tot soveel as 15% te verbeter wanneer u sterf. Dit kan help om u begunstigdes te beskerm indien hulle die belegging vir kontant moet inruil op n tydstip wanneer die waarde daarvan minder is as wat verwag is. Die grootte van u belegging se verbetering hang af van u Vitality-status. Die tabel hieronder toon die persentasie waarvoor u moontlik in aanmerking kom op grond van u Vitality-status. Sonder Vitality Blou Brons Silwer Goud Diamant LifeBooster 5% 6% 8% 10% 12% 15% Verminderings in u maandelikse bydraes sal lei tot n vermindering in die toekomstige Fee PayBack-betalings wat u ontvang.

6 Belangrike inligting waarvan u moet kennis neem HOEVEEL U MOET BELÊ As u kies om n enkelbedragbelegging te maak, moet u minstens R belê. Anders moet u R850 of meer per maand in herhalende bydraes belê. DIE BELASTING WAT U MOET BETAAL Wanneer u n onttrekking uit u Uitkeerplan maak, hoef u nie enige verdere belasting op u belegging te betaal nie. Dit is omdat Discovery die belasting wat op u belegging van toepassing is namens u bereken en betaal. Hierdie belasting word van u belegging afgetrek voordat dit aan die Suid-Afrikaanse Inkomstediens (SAID) betaal word. n Vaste belastingkoers is op beleggings in uitkeerplanne van toepassing. Rente, netto huurinkomste en buitelandse dividende is onderhewig aan belasting teen n vaste koers van 30% vir individue. Kapitaalwins word teen n vaste koers van 10% belas. Discovery Invest moet ook dividendbelasting teen n koers van tot 15% terughou. VERSTAAN DIE FOOIE WAT U MOET BETAAL Enige beleggingsproduk behels gewoonlik aanvanklike en jaarlikse fooie wat aan die produkverskaffer (Discovery Invest), u finansiële adviseur en die fondsbestuurder betaal word. Die aanvanklike en jaarlikse fooie wat op hierdie produk van toepassing is, word hieronder verduidelik. AANVANKLIKE FOOIE Aanvanklike fooi gehef deur Discovery Invest as die produkverskaffer Vir enkelbedragbydraes hang die aanvanklike fooi van die grootte van u belegging af. Hierdie tabel toon die aanvanklike fooi wat u sal betaal, op grond van die grootte van u enkelbedragbelegging: Grootte van belegging Aanvanklike fooi Eerste R % plus BTW Volgende R % plus BTW Volgende R % plus BTW Geen aanvanklike fooi word betaal vir beleggings van meer as R nie. Vir herhalende beleggings is daar twee soorte strukture waaruit u kan kies. Struktuur 1: Die aanvanklike fooipersentasie word op die grootte van u gereelde belegging gegrond en word volgens die volgende formule bepaal: (2.32 u maandelikse bydrae x 0.008%) gedeel deur 100 plus BTW Struktuur 2: Geen aanvanklike fooie word deur Discovery Invest afgetrek nie. U keuse van struktuur 1 of struktuur 2 het n invloed op die jaarlikse fooie wat aan Discovery Invest betaal word. Aanvanklike fooi wat u finansiële adviseur hef Hetsy u n enkelbedragbydrae of herhalende bydrae tot u plan maak, moet u moontlik n aanvanklike fooi aan u finansiële adviseur betaal vir die advies wat met u belegging verband hou. U kan met u finansiële adviseur onderhandel om u aanvanklike fooi te bepaal. Die meeste wat n finansiële adviseur as n aanvanklike fooi vir enkelbedrag- of herhalende beleggings mag hef, is 4% plus BTW. Struktuur 1: n Finansiële adviseur mag n aanvanklike fooi van tot 5% plus BTW op u herhalende belegging hef. Struktuur 2: U finansiële adviseur hef geen bykomende fooie nie want die fooie is reeds by u jaarlikse fooi aan Discovery Invest (sien hieronder) ingesluit. Toewysing van 100% U kan die opsie vir die toewysing van 100% kies wanneer u n enkelbedragbelegging maak. Dit beteken dat u nie aanvanklike fooie aan Discovery Invest of u finansiële adviseur vooraf betaal nie deur die fooie te verhoog en dit maandeliks oor vyf jaar te versprei. As u egter binne die eerste vyf jaar uit u plan tree, word onbetaalde fooie wat uit die toewysing van 100% spruit op u plan gehef. Aanvanklike fooi gehef deur die fondsbestuurder Party fondsbestuurders hef n aanvanklike fooi vir n belegging in hulle fondse. Die aanvanklike fooi verskil van fondsbestuurder na fondsbestuurder. Die aanvanklike fooie wat op elke fonds van toepassing is, is in die onderskeie fondsinligtingstukke beskikbaar. Vra asseblief u finansiële adviseur hieroor of besoek JAARLIKSE FOOIE Jaarlikse fooi gehef deur Discovery Invest as die produkverskaffer Discovery Invest hef n jaarlikse fooi om u plan te administreer. Dit behels die versorging van u polis, verskaffing van kwartaallikse state van u beleggingsopbrengste, die uitreik van belastingsertifikate aan die einde van elke belastingjaar en ander hulpdienste. Die administrasiefooi word op die grootte van u belegging gebaseer. Dit is n jaarlikse fooi, wat deur 12 gedeel word en maandeliks van u plan afgetrek word. Die tabel hieronder toon die jaarlikse fooie wat op u plan van toepassing is, gebaseer op die grootte van u belegging vir enkelbedragbydraes en herhalende beleggings onder struktuur 1: Grootte van u belegging Jaarlikse fooi Eerste R % plus BTW Volgende R % plus BTW Volgende R % plus BTW Volgende R % plus BTW Meer as R1 miljoen 0.30% plus BTW Vir herhalende beleggings onder struktuur 2 trek Discovery Invest elke jaar n fooi van 3.5% plus BTW van u belegging af. n Gedeelte van hierdie fooi word met die aanvang van u belegging vir u finansiële adviseur se vooruitbetaalbare fooi gebruik en ook vir deurlopende bykomende betalings. Fee PayBack is slegs op struktuur 2 van toepassing.

7 Jaarlikse fooi wat u finansiële adviseur hef U finansiële adviseur hef gewoonlik n jaarlikse fooi om u belegging te monitor, enige opdragte wat u gee uit te voer en om advies oor u keuse van fondse te verskaf. U kan met u finansiële adviseur onderhandel om u jaarlikse fooi te bepaal. Die meeste wat n finansiële adviseur as n jaarlikse fooi vir enkelbedrag- of herhalende beleggings onder struktuur 1 mag hef, is 1.5% plus BTW. U finansiële adviseur hef onder struktuur 2 geen jaarlikse fooi nie. Jaarlikse fooi gehef deur die fondsbestuurder Fondsbestuurders hef n jaarlikse fooi vir n belegging in hulle fondse. Hierdie fooie word in die fonds se eenheidsprys bepaal. Gewoonlik wissel hierdie fooie van 0.50% vir n geldmark-tipe fonds, tot 3% plus BTW vir n ekwiteitsfonds. Die jaarlikse fooie wat op elke fonds van toepassing is, is in hulle onderskeie fondsinligtingstukke by beskikbaar. TRANSAKSIEFOOIE Omskakelingsfooie Discovery Invest laat vier omskakelings per jaar toe tussen fondse. Daarna word n fooi van 0.25% plus BTW (tot n maksimum van R500) gehef op die bedrag wat omgeskakel word. Boete vir vroeë kansellasie Indien u onder struktuur 2 herhalende bydraes tot u plan maak en u staak of verminder u bydraes, of u onttrek voor die einde van vyf jaar uit u plan, moet u n boete vir vroeë kansellasie betaal. Hierdie fooi begin by n maksimum van 15% van u beleggingswaarde en neem oor vyf jaar af na 0%. WANNEER U U GELD KAN ONTTREK U kan in die eerste vyf jaar een keer geld uit u uitkeerplan onttrek. Die grootte van die onttrekking word beperk tot u bydraes, opgehoop teen 5% per jaar. Ná vyf jaar kan u die belegging onttrek soos wat u dit nodig kry. Let asseblief daarop dat onttrekkings uit u Uitkeerplan moontlik n invloed kan hê op die voordele en PayBack wat u ontvang. WAT GEBEUR MET U BELEGGING INDIEN U STERF? Indien u n versekerde lewe op u plan gekies het, betaal ons die waarde van die belegging aan die plan se gekose begunstigdes indien die versekerde lewe sterf. Indien u nie n versekerde lewe op die plan gekies het nie, word die eienaarskap van die plan na u boedel oorgedra wanneer u sterf en die belegging duur voort tot aan die einde van u beleggingstermyn of totdat u boedel besluit om die belegging vir kontant in te ruil. WIL U MEER UITVIND? Aangesien daar met hierdie plan verskillende opsies beskikbaar is, glo ons dit is belangrik om finansiële advies te kry voordat u hierdie produk uitneem. Dit geld ook vir die res van u beleggingstermyn. Discovery Invest kan slegs inligting oor hierdie produk en diens verskaf. Ons kan nie beleggingsadvies op grond van individuele omstandighede en finansiële doelwitte verskaf nie. Hierdie brosjure is slegs n opsomming. Ten einde u te help om die verskille tussen die Vooruitbetaalbare Beleggingsintegreerder en die Soos-en- Wanneer-beleggingsintegreerder te verstaan, het ons n gevallestudie ingesluit wat hierdie voordele in randterme verduidelik. Volledige besonderhede oor hoe die produkvoordele werk asook die tegniese besonderhede is in die jongste Feitegids vir Uitkeerplanne beskikbaar. Beskrywings van elke beleggingsfonds, waaronder die koste wat van toepassing is asook ander voordele, is beskikbaar in die fonds se inligtingstuk en die brosjure genaamd Maak voorsiening vir u beleggingsbehoeftes. Alle bemarkingsmateriaal is verkrygbaar op Discovery Invest se webwerf ( WAT GEBEUR VOLGENDE? Sodra u besluit het of u n enkelbedrag- of n herhalende belegging wil maak, moet u die onderliggende fondse kies waarin u wil belê. U finansiële adviseur sal aan u verduidelik hoe n risikoprofiel saamgestel word en hoe bates toegewys word, en sal ook enige vrae oor die keuse van fondse beantwoord. Om die beleggingsproses vir u makliker te maak, het ons n brosjure genaamd Maak voorsiening vir u beleggingsbehoeftes saamgestel. Dit bied n eenvoudige verduideliking van die faktore wat u in aanmerking moet neem en met u finansiële adviseur moet bespreek wanneer u fondse kies. Vra u finansiële adviseur vir n eksemplaar van hierdie brosjure of verwys na die weergawe wat op ons webblad ( beskikbaar is. Nadat u met behulp van u finansiële adviseur u fondse gekies het, sal hy of sy u help om die nodige aansoekvorms in te vul en aan ons te stuur. Sodra die belegging in u gekose fondse gemaak is, stuur ons n polisskedule aan u of u finansiële adviseur. HOE OM ONS TE KONTAK U sal normaalweg eers u finansiële adviseur kontak vir enige inligting oor u belegging. Andersins kan u ons by skakel. Die kantoorure is Maandag tot Vrydag van 08:00 tot 17:00.

8 Die inhoud van hierdie brosjure is slegs daarop gemik om inligting oor Discovery Invest, Discovery Life Limited en die beskikbare produkte en dienste aan beleggers te verskaf. Dit moet slegs vir persoonlike doeleindes en/of ter inligting gebruik word. Hierdie brosjure word te goeder trou verskaf en die inhoud is nie onderhewig aan enige waarborg van enige aard nie, hetsy direk of indirek. Discovery gee hiermee magtiging dat die inhoud van hierdie brosjure vir bemarkingsdoeleindes gebruik kan word mits die inhoud slegs ter inligting gebruik word. Enige ongemagtigde gebruik, wysiging, verspreiding of reproduksie van die inligting in hierdie brosjure of enige gedeelte daarvan, of enige verwysing daarna buite konteks, word streng verbied. Hierdie brosjure bevat geen aanspraak, waarborg of bewering dat enige persoon wat uit n polis voordeel trek enige wins, inkomste, verdienste of opbrengs soortgelyk aan die voorbeelde in die brosjure sal kry of waarskynlik sal kry nie, en sulke afleidings moet ook nie gemaak word nie. Elke belegger moet sy of haar eie finansiële adviseur raadpleeg. Die finansiële adviseur moet n gemagtigde verskaffer van finansiële dienste wees om vir die belegger advies te gee oor die geskiktheid van die produkte en fondse met betrekking tot die belegger se beleggingsbehoeftes. Discovery Life Investment Services (Pty) Ltd is n gemagtigde verskaffer van finansiële dienste. Geeneen van die persentasies en perke in hierdie brosjure word gewaarborg nie en mag van tyd tot tyd deur Discovery hersien word. Kopiereg Discovery Invest Alle regte voorbehou Straatadres: Weststraat 155 Sandton Posadres: Posbus Benmore, 2010 Inbelsentrum se telefoonnommer: Faksnommer: Webwerf: GM_24434DI_21/11/2013_V1 GM_20516DI_02/05/2013_V10 IEBA 01/14 IEBE 05/13