KOPIEREG 2002 ALLE REGTE VOORBEHOU

Transcriptie

1 KOPIEREG 2002 ALLE REGTE VOORBEHOU Geen deel van hierdie publikasie mag reproduseer of vermenigvuldig word in enige vorm of deur enige medium elektronies, meganies, fotografies of enige ander vorm van opname hoegenaamd ookal sonder die voorafgaande skriftelike toestemming van die uitgewer nie. KURSUS: BASIESE GELOOFSWAARHEDE ONDERWERP: GOD SE VERLOSSINGSPLAN LESING NOMMER EEN: AFDELING D VERGIFNIS EN HERSTEL Ons het in die vorige afdeling van die lesing gesien wat God gedoen het om die verlossing van sonde moontlik te maak. God het alles gedoen om die mens te verlos. Hy het dit klaar gedoen. Daar is niks wat God verder en meer kan doen om dit vir die mens moontlik te maak om verlos te kan word van sonde nie. Nou is dit die mens wat moet reageer op God se uitnodiging: Kom nou en laat ons die saak uitmaak, sê die Here; al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol (Jes.1:18) Wat moet die mens nou doen om van sy sonde verlos te word, sondevergifnis te ontvang en herstel te word as kind van God? 1. Die mens moet erken dat hy n sondaar is. Die Bybel leer ons dat: As ons sê dat ons geen sonde het nie, mislei ons onsself en die waarheid is nie in ons nie. 1Joh. 1:8 As ons sê dat ons nie gesondig het nie, dan maak ons Hom (dit is God) tot n leuenaar en is sy woord nie in ons nie. 1Joh 1:10 Wie kan sê: Ek het my hart suiwer gehou, ek is rein van my sonde. (Spr.20:9).... daar is geen onderskeid nie; want almal het gesondig en dit ontbreek hulle aan die heerlikheid van God. (Rom 3:22,23). Geen mens kan dus sê: Ek het nie sonde nie, ons het nog nooit gesondig nie. Nee die mens moet na God toe kom en voor Hom erken dat hy sonde gedoen het, en deur en deur n sondaar is. As ons sê dat ons met Hom gemeenskap het en in die duisternis wandel, dan lieg ons en doen nie die waarheid nie. Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde. As ons sê dat ons geen sonde het nie, mislei ons onsself en die waarheid is nie in ons nie. As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig. As ons sê dat ons nie gesondig het nie, dan maak ons Hom tot n leuenaar en is sy woord nie in ons nie. 1Joh.1:6-10). 2. Die mens moet berou hê oor sy sonde.

2 Dit is nie genoeg om net die feit te erken dat ek n sondaar is nie, ek moet ook berou hê daaroor - jammer wees daaroor - anders gaan ek steeds volhard daarmee. Een van die beste voorbeelde van wat berou oor sonde is, kry ons in die lewe van Dawid in 2Sam.11,12 en Psa.51. Dawid het ontug gepleeg met Batseba die vrou van Uria. Toe Batseba vir Dawid laat weet dat sy swanger is, moes Dawid iets doen om sy sonde te bedek. Hy stuur en laat vir Uria kom van die oorlog af, met die gedagte dat as Uria terugkom, hy by sy vrou sal gaan slaap, en die kind wat gebore sou word dan gereken sal word as Uria se kind... Uria, die getroue soldaat gaan egter nie by sy huis slaap nie, maar by die koning se diensknegte. Die volgende dag gee Dawid n groot maaltyd en maak Uria dronk met die gedagte dat hy nou na sy huis sal gaan. Weereens doen Uria dit nie. Nou doen Dawid iets veel erger in n poging om sy sonde te bedek. Hy stuur vir Uria terug na die oorlog met n brief aan die leërowerste dat hy Uria op so n plek in die geveg moet plaas dat hy verseker gedood sal word. Dit het toe ook gebeur en Uria sterf in die volgende geveg. Hierna kon Dawid met Batseba trou en n seun is vir hulle gebore. Dawid het gedink hy is nou vry van sy sonde, maar so maklik ontvlug jy nie jou dade nie. Dit wat Dawid gedoen het, was verkeerd in die oë van die Here. Daar was geen berou by Dawid oor sy sonde nie. Daarom stuur die Here die profeet Natan na Dawid om hom te wys op sy sonde (Sien 2Sam.12). Dit bring hom tot n besef van die grootheid van sy sonde en in diepe berou skryf hy Psalm 51, wat bekend staan as n boete Psalm. Hierin pleit Dawid om genade, en bely vol berou sy sonde. In verse 5 en 6 sê Dawid: Want ek ken my oortredinge, en my sonde is altyddeur voor my. Teen U alleen het ek gesondig en gedoen wat verkeerd is in U oë. Let op, Dawid het oortree teenoor Batseba en Uria, maar gesondig teen God. Dit moet elke mens besef, ek oortree teenoor my medemens, maar ek sondig teenoor God. Wanneer die mens met berou oor sy sonde na God gaan, is daar altyd vergifnis. Die oomblik toe Dawid sy sonde bely, ontvang hy sondevergifnis: "En Dawid sê vir Natan: Ek het gesondig teen die Here! En Natan sê vir Dawid. So het die Here dan ook u sonde vergewe: u sal nie sterf nie." (2Sam.12:13). 3. Die mens moet sy sondes bely Wanneer jy besef jy is n sondaar en berou daaroor het, moet jy, soos Dawid dit voor God kom bely, want soos ons ons sondes bely, vergewe God ons. As ons ons sondes bely, Hy is getrou en regverdig om ons die sondes te vergewe en ons van alle ongeregtighede te reinig. (1Joh. 1:9) Laat ons hierdie teksvers n bietjie ontleed en na elke deel daarvan kyk om die volheid daarvan te verstaan: As ons ons sondes bely Die woordjie As dui op n voorwaarde vir vergifnis wat eers nagekom moet word naamlik bely. God kan nie vergewe as óns nie bely nie. Dit beteken nie dat jy noodwendig elke sonde wat jy in die verlede gedoen het moet gaan uitgrawe en bely nie, maar dit beteken wel dat jy dié waarvan jy bewus is by die naam moet erken en bely jy is n sondaar, vuil van die sonde en dat jy God nodig het om jou te reinig van jou sonde. Soos God se Gees jou daarná herinner aan sondes van die verlede, moet jy dit daar en dan bely en daarmee klaarspeel dan sê Hy dat.. die bloed van Jesus Christus, sy Seun, reinig ons van alle sonde... As ons ons sondes bely, Hy is getrou en regverdig om ons die sondes te vergewe en ons van alle ongeregtighede te reinig. (1Joh.1:7,9). God is getrou Hy is getrou aan Sy Woord, gebind daaraan, om te doen wat Hy belowe het. As Hy gesê het Hy sal ons sonde, na sondebelydenis vergewe, kan ons seker wees Hy sal dit doen. God is regverdig met ander woorde Hy sal nie die een se sondes vergewe en, nie die ander s n nie. Hy behandel al die alle mense dieselfde - elkeen wat bely, word regverdig vergewe.

3 Om ons die sondes te vergewe Watter sondes vergewe Hy? Die sondes wat ons bely. Die enigste sonde wat God nie kan vergewe nie, is die sonde wat ek nie bereid is om te bely nie. Verder kan ons net weet Hy vergewe sondes - Hy wis dit uit met die bloed van Jesus Christus, Hy reken ons dit nie meer toe nie, dink nooit meer daaraan nie.... en ons van alle ongeregtigheid te reinig Let op dat God vergewe nie net maar nie, Hy reinig ook van alle ongeregtigheid. Sondebelydenis is dus n absolute noodsaaklike voorvereiste vir vergifnis. Dawid het dit besef en daarom sê hy : My sonde het ek U bekend gemaak, en my ongeregheid het ek nie bedek nie. Ek het gesê : Ek wil aan die Here my oortreding bely; en U het die ongeregtigheid van my sonde vergewe. (Ps.32:5). (Sien ook Dan.9:4-6 as voorbeeld van sondebelydenis) 4. Die mens moet om vergifnis vra vir sy sonde Saam met die besef en die berou oor sonde en die belydenis daarvan, moet daar ook n gebed tot God om vergifnis wees. Jesus leer ons in die Onse Vader gebed om vergifnis te vra. Vergeef ons ons skulde... (Mat 6:12). Moses bid in Ex vergewe ons ongeregtigheid en ons sonde, en neem ons aan as n erfdeel. Dawid pleit in Ps.25:11 "Om U Naam ontwil, Here, vergeef my ongeregtigheid, want dit is groot. Ps. 51 is een groot gebed om genade, vergifnis en herstel: Vers 3: Wees my genadig. o God, na U goedertierenheid; delg my oortredinge uit na die grootheid van U barmhartigheid. Vers 4: Was my heeltemal van my ongeregtigheid en reinig my van my sonde. Vers 9: Ontsondig my met hisop, dat ek kan rein wees, was my, dat ek witter kan wees as sneeu. Vers 11: Verberg U aangesig vir my sondes en delg uit al my ongeregtighede. Vers 12: Skep vir my n rein hart, o God, en gee opnuut in die binneste van my n vaste gees. Ons sien dus Dawid het met berou vir God om vergifnis gevra, God het hom volkome vergeef. 5. Die mens moet sy sondes laat staan Sondebelydenis en vergifnis beteken niks as jy nie bereid is om daardie sondes te laat staan nie. As jy met n halwe hart bely en maar nog van plan is om voort te gaan met daardie sonde, gaan jy spoedig weer vasgevang wees daarin : Hy wat sy oortredinge bedek, sal nie voorspoedig wees nie; maar hy wat dit bely en laat staan, sal barmhartigheid vind (Spr. 28:13). As n mens dit ernstig met God bedoel, kan hy nie met sonde speel nie. As jy enduit die pad met God wil loop, moet jy breek met sondes en dit laat staan. Jy kan nie met een hand aan God en Sy genade vashou en met die ander hand aan die sonde nie. God is meer as bereid om jou te vergewe en te reinig - maar die bloed van Christus is so kosbaar, dat Hy dit nie sal mors op iemand wat nie werklik wil loskom uit sonde nie. 6. Die mens moet God se vergifnis aanvaar

4 As jy jou sondes bely en laat staan het, moet jy nou God se vergifnis aanvaar. Jy moet glo Hy is getrou en regverdig om jou sondes te vergewe (sien 1Joh.1:9) Jy moet aanvaar dat Hy gedoen het, wat Hy beloof het (naamlik om jou te reinig.) Jy moet Hom op Sy Woord neem, want God kan nie lieg nie (Num. 23:19) Jy kan nou verseker weet, jou sondes is vergewe, en jy kan jou verlustig in hierdie sekerheid. Welgeluksalig is hulle wie se ongeregtighede vergewe en wie se sondes bedek is. Welgeluksalig is die man aan wie die Here die sonde nie toereken nie. (Rom. 4:7-8). Aanvaar dan dat God jou vergewe het toe jy jou sondes bely het en sê opnuut vir Hom dankie daarvoor. Wees gelukkig in die wete dat Hy jou sondes weggeneem het. Hou op om jouself n arme verlore sondaar te noem! n Mens kan werklik gelukkig wees as sy sonde weggeneem is en sy misdade vergewe is. Jy is baie gelukkig as die Here jou al jou verkeerde dade vergewe. Jy is gelukkig as Hy nie meer aan jou slegte dade dink nie. Jy is baie gelukkig as die Here jou nie laat betaal vir jou skuld nie. Jy is ook gelukkig as jy nie skelm is of ander mense te kort doen met geld nie. (Psalm 32:1, 2 - Die Boodskap) SLOT Miskien klink dit nou alles baie ingewikkeld en na n moeilike klomp dinge wat n mens moet doen voordat hy vergifnis van sonde kan ontvang, maar dit is beslis nie so nie. Dit kan egter in een enkele stap van oorgawe aan God gedoen word - ons het dit net in besonderhede verduidelik. Alles wat in die lesing gesê is, kan in een eenvoudige gebed gebid word: Here ek erken dat ek n sondaar is. Ek het teen U en U Woord gesondig, maar ek is jammer daaroor. Ek bely my sondige toestand voor U. Ek wil nie meer in sonde lewe nie - ek laat dit staan en draai my rug daarop. Vergewe my asseblief. Was my in die bloed van Jesus. Reinig my asseblief van elke skuldige, sondige vlek. Neem my asseblief aan as U kind. Ek neem nou vir Jesus Christus aan as my persoonlike Saligmaker en my Allerhoogste en my Heiland. Van nou af gaan ek net vir U leef en U gehoorsaam tot die beste van my vermoë. Dankie Here, dat U my vergewe - ek aanvaar dit op grond van die belofte van U Woord. As jy nog nooit hierdie gebed gebid het nie, doen dit dan nou, want God sê ook vir jou: Kom nou en laat ons die saak uitmaak : al was jou sondes soos skarlaken, dit sal wit word soos sneeu; al was dit rooi soos purper, dit sal word soos wol. (Jes 1.18)

5 Toets Jouself Lesing Nommer 1D A. Watter teksverse het jy die week gememoriseer?... B. Watter hoofstukke het jy uit die Bybel gelees?... C. Beantwoord die onderstaande vrae in jou eie woorde nadat jy die lesing sorgvuldig en deeglik deurgewerk het en die betrokke skrifverwysings in jou Bybel nageslaan en biddend gelees het. 1. Wat doen ons as ons sê dat ons geen sonde het nie? (1Joh.1:8,10) Watter vereistes is daar vir volkome vergifnis? a. 1Joh.1:9... b. Spr.28:13... c. Luk.18: Wat het aanleiding gegee tot die skryf van Psalm 51? Wat vra Dawid alles van God in Ps.51 in verband met sy sonde: Vers 3a.... Vers 3b.... Vers 4a.... Vers 9a.... Vers 9b.... Vers Vers Vers

6 Vers Het God Dawid vergewe toe hy berou gehad het? (2Sam.12:13) Wat doen God met my sonde as ek dit bely? (1Joh.1:9) Waardeur reinig God my van my sonde? (1Joh.1:7) Slegs watter sondes vergewe God? (1Joh.1:9) Watter 6 dinge moet n mens doen om vergifnis te ontvang? (a)... (b)... (c)... (d)... (e)... (f) Stel God sekere mense bo ander as dit kom by sondevergifnis? (sien 1Joh.1:9)...

7 PRAKTIESE WERKSOPDRAG: Gaan vra ten minste 3 mense om hul mening te gee oor die volgende vrae: 1. Wat is sonde? 2. Wat is die gevolg van sonde? 3. Hoe kan n mens van jou sonde verlos word? Moenie met hulle hieroor redeneer nie, maar luister net fyn na wat hulle sê. Skryf dit dan neer en vergelyk dit met hierdie lesings. Jy sal verbaas wees oor hoe n verkeerde idee mense hieroor het, en hoe nodig dit is om die waarheid van die woord te ken. In die volgende lesing sal jy geleer word hoe om iemand te help om geloofsekerheid te verkry. Gee vir ons n kort, bondige beskrywing van jou indrukke van hierdie mense se reaksies en antwoorde op die drie bostaande vrae. Handel nou al vier die werkstukke van hierdie lesing af. Jy kan dit netjies op los velle skryfpapier doen en die oorspronklike vrae vir jou eie gebruik bewaar.