Jesaja 53: /03/2015

Transcriptie

1 Jesaja 53: /03/2015 Prediking: Verduidelik vir die kinders - hoe kerklokke lyk wys n skyfie. So n klok se wyte 975mmx1300mm kan tot tot soveel as 820kg. dis soveel as 9 ekke Die klok bestaan hoofsaaklik uit 2 dele die buite gedeelte wat gewoonlik van potyster gemaak is en die klepel dis die ding wat in die klok hang en wanneer die klok begin swaai, slaan die klepel teen die kante vas en dit is wat die klank maak. Verduidelik met n klein klokkie. Verduidelik klokkespel en die klok in die toring- Oliver Cromwell wat die militêre en politieke leier in Engeland was gedurende die 16e eeu, het per geleentheid n jong soldaat ter die dood veroordeel. Ek weet nie wat hy verkeerd gedoen het nie, maar Cromwell wat n regte diktator was, het beveel dat hy deur n vuur peleton doodgeskiet word sodra die aand klok kespel begin. Toe die tyd vir die klokkespel aanbreek en dis natuurlik die tyd wat die jongman veronderstel was om doodgeskiet te word, het almal gewag dat die klok begin lui, maar dit het nie. Dit was doodstil. Van die wagte het toe in die toring opgeklim om te sien wat fout is. Hul le kry die meisie met wie die soldaat sou trou waar sy aan die klok se klepel vasklou om te keer dat die klok lui. Haar arms en skouers was gekneus en haar hande vol bloed a.g.v. die geweld waar mee die klok heen-en-weer ge swaai het. Toe Oliver Cromwell dit hoor, was hy duidelik ontsteld en het uitgeroep, jou ge liefde kan bly leef. Jy het hom met jou eie lewe losgekoop. Hy sal nie sterf nie! Daardie aand was daar geen klokkespel nie. Hierdie wonderlike daad van n jongmeisie vertel vir ons iets van dit wat Jesus aan die kruis vir óns gedoen het dat Hy in ons plek gesterf het Om die voorbeeld van vroeër te gebruik Hy het aan die klepel van die klok vasgeklou sodat ek en jy nie a.g.v. ons sonde, deur n vuurpeleton doodgeskiet word nie. (kragvirvandag.co.za) Om dit te verstaan, moet ons in die 1e plek verstaan wat sonde is Maar dit is ook nie al nie ek moet ook verstaan dat elke mens op aarde ek inkluis, sondig is. Ons lees in Pom 3, Daar is nie een wat goed doen nie, selfs nie een nie Almal het afgedwaal, almal het ontaard. Daar is nie een wat goed doen nie, sê Paulus selfs nie een nie Is dit wat sonde is dat niemand goed doen nie want as jy nie goed doen nie wat doen jy dan dan doen jy slegte goed of verkeerde goed Is dit wat sonde is dat elke mens meer slegte en verkeerde goed doen as goeie goed. Jy sien, ons dink baie keer sonde is dit wat ek doen of sê of dink wat nie reg is nie, wat nie goed is nie. Ja, dit is sonde Maar sonde is ook meer as dit Sonde is die

2 geneigdheid wat ek in my het om sonde te doen Kom ek verduidelik dit met een van die waaiers hierbo Mt. 15:19 sê, Uit die hart kom slegte gedagtes Ons weet dat hulle in daardie tyd met hart jou brein bedoel het. Matteus sê m.a.w., uit jou brein kom slegte gedagtes. Jy word so gebore jy word gebore dat jy eerder verkeerde dinge as regte dinge wil doen Dit het in die paradys begin toe Adam en Eva nie na God geluister het nie. Hulle het die verkeerde, eerder as die regte gekies en so het dit toe gebeur dat al die mense wat na hulle gebore is, hulle kinders en al die ander mense, gebore is met die geneigdheid om eerder die verkeerde te doen. Nie baie lank nadat Adam en Eva verkeerd gekies het, vermoor Kain sy broer Later lees ons van Josef se broers wat hom aan Egiptenare verkoop het ons lees van Abraham wat lieg oor sy vrou van Moses wat kwaad word en die rots slaan en van Saggues wat mense verneuk van die Fariseërs wat weduwees en weeskinders uitbuit En so is daar honderde voorbeelde in die Bybel van manne en vroue wat nie na God geluister het nie, wat eerder die verkeerde as die regte gedoen het. Sê nou daar was mense op aarde wat reggekry het om geen sonde te doen nie, om alles reg te doen, kon God mos net daardie mense red. Of kom ons sê daar was mense wat dit reggekry het om 80% goeie goed te doen en 20% slegte goed dan kon God mos net hulle red of selfs al was daar mense wat 50% goeie goed en 50% slegte goed gedoen het maar daar was nie. Daar is nie een wat goed doen nie, sê Pualus, selfs nie een nie Die Bybel sê ons beste dade is vol sonde Ek sê vir jou, jy het n mooi rok aan, maar dink, jy kon darem iets beters met jou hare gedoen het of ek sit hier in die kerk en ek prys die Here uit volle bors en dan sien ek ou skinderbek Sannie of skynheilige Kosie en ek dink wat soek julle hier? Verstaan jy wat die Bybel bedoel as dit sê, ons beste dade is vol sonde Die bekende prediker, Rowland Hill, vertel n mooi storie om te verduidelik hoe maklik mense die verkeerde pad kies Eendag toe hy n ent gaan stap het, sien hy n man met n trop varke wat ewe gedwee agter hom aanloop. Hy was nuuskierig en vra toe vir die man, waarheen hulle oppad is? Hy sê toe - hulle is oppad na die slagpale toe. Rowland Hill het dit nie verstaan nie en vra toe vir hom, Hoe kry jy reg om die varke so maklik agter jou te laat aanloop en dit nogal na die slagplek toe? O, dis maklik, antwoord die man. Kyk hier, ek het n sakkie bone by my. Kort-kort laat ek van die bone val. Die varke is so gulsig vir die bone dat ek het geen moeite om hulle slagplek toe te neem nie. Rowland Hill sê, dit het hom aan sonde laat dink aan hoe maklik ons sonde doen. Soos varke gulsig agter bone aanhardloop, so het ons die geneigdheid om verkeerde dinge te doen en te sê en te dink Ons hele natuur is so

3 Maar hoe kom n mens dan in die hemel? Jesus se dissipels het ook per geleentheid vir Hom die vraag gevra wie kan dan gered word? As almal sondig is, wie kan dan gered word? Jesus het hulle geantwoord, wat vir mense onmoontlik is, is vir God moontlik Die enigste manier hoe ek of jy gered kan word is as God dit moontlik maak En dis waar Jesus inkom Met Adam en Eva se sonde in die paradys het daar n groot groot kloof n groot afstand tussen God en mens ontstaan. Omdat mense elke dag sonde doen, het hierdie afstand tussen God en mens net groter en groter geword. Toe het God die Vader en God die Seun en God die Heilige Gees besluit om n plan te maak om hierdie kloof te oorbrug Hulle het n plan gemaak om die verhouding tussen God en mens te herstel. In die Ou Testamentiese tye, moes mense offers bring om hulle sonde voor God te bely. Hulle moes bv. n bees of skaap of bok offer en dan vir Here sê hulle is jammer oor hulle sonde. Die Here het hulle vergewe en hulle kon weer aangaan. Maar omdat dit n dier was, het dit nooit die sonde van die mens heeltemal weggeneem nie Dit het elke keer net God se woede oor mense se sonde uitgestel Hy het hulle nog n kans gegee Maar toe kom Jesus Dit was die plan wat God gemaak het dat Jesus op n stadium in die vorm van n mens gebore sou word Hy sou vir n bepaalde tyd op aarde leef en dan sou Hy sterf Omdat Jesus geen sonde gehad het nie, sal Hy dan Sy lewe aanbied vir die sonde van die mens sodat elkeen wat in Hom glo, se sonde weggeneem kan word. Jesus het m.a.w. Homself geoffer vir die sonde van die mens. Al hierdie gebeure is eeue en eeue (verduidelik eeue) voor Jesus se geboorte presies net so voorspel. Ons noem die mense wat dit voorspel het, profete. Hulle het honderde jare voor Jesus se geboorte voorspel dat God n Verlosser na die wêreld gaan stuur Niemand het geweet wie dié Verlosser sou wees nie, Hulle het net geweet dat God Iemand gaan stuur om hulle te verlos. Om iets te voorspel is niks nie Ek kan dit ook doen As ek vandag voorspel dat oor 200/400/800 jaar van nou af, iewers in die wêreld n groot oorlog gaan wees is die kanse goed dat dit so gaan wees. Die voorspellings van die profete was veel meer as sulke vae algemene voorspellings. 800 jaar voor Jesus se geboorte het hulle voorspel dat Iemand gaan kom en hulle het voorspel dat daardie Iemand in Betlehem gebore gaan word Hy gaan vir n bepaalde tyd op aarde leef en dan gaan Hy sterf nie net sterf nie Hy gaan geslaan en mishandel word Hy gaan soos n skurk behandel word. Hy gaan mense se siekte en swakhede op Hom neem. Kom ek lees vir ons 1 so n voorspelling - Jesaja 53:1-12 en wanneer ek dit lees,

4 probeer jy in gedagte hou dat dit 800 voor Jesus se geboorte gedoen is Daar is ook baie ander voorspellings. Jesaja voorspel op n ander plek dat n jongvrou sal swanger word dat sy haar Baba Immanuel gaan noem wat beteken God met ons Miga (5:1) het voorspel dat Hy in Betlehem gebore gaan word Ons lees selfs in die Psalms van hierdie Iemand wat gaan kom. In Ps. 22 lees ons dat hulle gaan lootjies trek oor Sy klere en hulle het Mt 27:35 sê, Hulle het Hom gekruisig en sy klere verdeel deur lootjies te trek. Ons sien ook op ander plekke in die NT hoe van die voorspellings waar geword het. Jesaja het voorspel - Hy is mishandel, maar hy het geduldig gebly, hy het nie gekla nie. In Mk. 15:15 lees ons Jesus het egter niks meer gesê nie, sodat Pilatus verbaas was. Jesaja het voorspel - Soos 'n lam wat na die slagplek toe gelei word en soos 'n skaap wat stil is as hy geskeer word, het hy nie gekla nie en vers 5 Oor óns oortredings is hy deurboor, oor óns sondes is hy verbrysel; die straf wat vir ons vrede moes bring, was op hom, deur sý wonde het daar vir ons genesing gekom. In Joh. 1:29 lees ons, Die volgende dag sien Johannes vir Jesus na hom toe kom. Hy sê toe: Dáár is die Lam van God wat die sonde van die wêreld wegneem! Hoekom wou mense dan nie glo dat Jesus die Verlosser is soos wat dit deur die profete voorspel is nie? Die tyd toe Jesus gebore is, was die Jode onder die Romeinse regering. En omdat die Romeine die lewe vir hulle baie moeilik gemaak het, het hulle begin dink dat die Verlosser wat God gaan stuur, gaan kom om hulle van die Romeine te verlos. En toe kom Jesus toe Hy word in n stal gebore nie in n paleis nie nie uit koninklike ouers nie - met 2 gewone mense as Sy aarde ouers. Van die begin af is dit duidelik dat Hy nie hierdie sterk militêre leier gaan wees wat die Romeine gaan opvoeter nie Trouens, Hy keer dikwels die bestaande praktyke om. In daardie tyd het almal gedink n oog vir n oog en n tand vir n tand, maar Jesus kom en sê, as iemand jou op die 1 wang slaan, draai ook jou ander wang Hy is die een wat sê, jy moet jou vyand liefhê Hy is die een wat sê, betaal belasting aan die Romeinse owerheid Hy ry Jerusalem binne op n donkie nie in die duur deftige koets nie op n donkie En wat gebeur toe? Die Jode sê Hy is nie die regte Verlosser nie. Die regte Verlosser moet nog kom en tot vandag toe wag hulle vir die regte verlosser om te kom. Die Jode is ook nie die enigste mense op aarde wat dink dat Jesus nie die regte Verlosser is nie. Daar is mense wat ander gode aanbid en dan is daar mense wat net nie wil glo dat daar 2000 jaar gelede Iemand na gekom het wat net nie wil glo dat daardie Iemand vir 33 jaar op hierdie aarde geleef het en toe gekruisig nie en dan sê hulle, dis die grootste nonsens om te dink dat Jesus dit gedoen om vir ander

5 mense se sonde te betaal. Hierdie soort menings is nie so nuut as wat ons dink nie. Daar was nog altyd mense wat so gedink het. Paulus verwys in 1 Kor. 1 na sulke mense wanneer hy sê, die kruisiging is dalk onsin vir die wêreld, maar vir ons is dit die krag waaruit ons elke dag leef. Vir hulle is dit onsin, vir ons die krag waaruit ons leef. Dis nogal merkwaardig hoeveel keer Jesaja in die gedeelte wat ons gelees het die woord, ons of vir ons gebruik Tog het hy óns lyding op hom geneem, óns siektes het hy gedra. Maar ons het hom beskou as een wat gestraf word, Oor óns oortredings is hy deurboor, oor óns sondes is hy verbrysel; die straf wat vir ons vrede moes bring, was op hom, deur sý wonde het daar vir ons genesing gekom. Ons het almal gedwaal soos skape, ons het elkeen sy eie pad geloop, maar die Here het ons almal se sonde op hom laat afkom Verlede week was daar n berig in die Rapport oor die hoë skuldvlakke van mense. Dit is so dat die meeste mense in ons land baie geld skuld of dit is vir karre of huise of elektrisiteit of skoolgeld maak nie saak nie. Ons skuldvlakke is kommerwekkend. Maar wat van ons skuldvlakke voor God? Kom ons vat die moordenaar aan die kruis as vb. Sy sonde/skuldvlakke was enorm n man wat aan opstande deelgeneem het en waarkynlik mense doodgemaak het Toe Hy vir Jesus sê, dink aan my wanneer U in U Koninkryk kom sê Jesus nie vir hom, jou skuldvlakke is te hoog vir My om aan jou te dink Jy sal eers moet gaan vir skuldberading om te sien of hulle nie jou skuldvlakke kan afbring nie of jy moet eers n paar beeste/skape/hoenders offer. Nee, Jesus sê vir hom dis waarom Ek na die aarde gekom het Dis waarom Ek aan die kruis hang nie vir My eie skuld nie maar vir joune en vir die Romeinse soldate wat hier onder rondom ons kruise rondstaan en vir die Fariseërs en Skrifgeleerdes wat My onskuldig laat kruisig het ja vir elke mens. Hy het dit minute voor Sy dood gedoen en Jesus het hom vergewe want dis waarvoor Hy na die aarde gekom het. Ek het jy het jare gelede al na Jesus toe gedraai maar omdat ons elke dag sonde doen moet ons elke dag na Hom toe draai en sê, dink aan my wanneer U in U Koninkryk kom En dan Jesus se wonderlike antwoord Ek vergewe jou jou sonde Jou sonde is deel van die lyding wat Ek op My geneem het, Jou sonde was die rede dat Ek beskou is as die een wat gestraf moes word, Oor jou oortredings is Ek deurboor, oor jou sondes is Ek verbrysel; die straf wat vir jou vrede moes bring, was op My, deur Mý wonde het daar vir jou genesing gekom Jesus het dit vir ons gedoen vir sondige mense. Wat my pla is nie die mense wat dit nie glo nie... Wat my pla is dat ek en jy soms leef asof dit nooit gebeur het nie... dat ek en jy partymaal nie besef dat Jesus in my en jou plek gesterf het nie... dat

6 Hy gekeer het dat ek en jy nie die ewige dood sterf nie... Ek is seker daardie jongman wat deur sy meisie gered is waarvan ons aan die begin gepraat het, sou so gou moontlik met haar trou en hy sou haar waarskynlik die res van sy lewe op die hande gedra het want dit was aan haar te danke dat hy leef. Dis aan Jesus te danke dat daar vir jou en my lewe na die dood is Ek en jy kan niks doen om gered te word nie. Ons sonde is te groot. Maar Jesus het die kloof tussen God en mens oorbrug En al wat Hy van ons vra is om dit te glo Ef. 2:8-9 sê, Julle is inderdaad uit genade gered, deur geloof. Hierdie redding kom nie uit julleself nie; dit is 'n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie. Maak dit jou nie dankbaar nie? Gaan leef dit dan. Amen.