Dit begin alles hier. Ingenieurswese

Transcriptie

1 Dit begin alles hier Ingenieurswese

2 VRYWARING Kennisgewing: Studie-inligting is onderhewig aan verandering en is slegs ʼn opsomming van die algemeenste studierigtings. Hierdie inligting is opgestel met die oog op algemene bekendstelling en oriëntering en die Noordwes-Universiteit aanvaar geen aanspreeklikheid vir onjuisthede wat hierin mag voorkom nie. Die amptelike Jaarboek van die Universiteit moet in alle gevalle by die samestelling vir ʼn program vir die spesifieke studierigtings geraadpleeg word. Die toepaslike Jaarboek kan op aanvraag by die Toelatingskantoor verkry word: E-pos: of skakel ALGEMENE navrae Potchefstroomkampus Skakel of skryf gerus aan: Departement Bemarking en Kommunikasie (NWU- Potchefstroomkampus), Privaatsak X6001, Potchefstroom, NWU-Pukke NWUPUK Toelating en koshuisverblyf Neem asseblief kennis dat die Universiteit weens bepaalde kapasiteitsbeperkings - die reg voorbehou om kandidate vir toelating tot sekere studierigtings te keur. Dit beteken dat voornemende studente wat aan die minimum toelatingsvereistes voldoen, nie noodwendig tot die betrokke kursusse toegelaat sal word nie. Weens kapasiteitsbeperkinge en die ooraanbod van studente in bepaalde studierigtings sal studente op grond van hulle skolastiese prestasie gekeur word vir toelating tot hierdie rigtings. Dieselfde geld vir koshuisinwoning. NWU-PUKKEtv navrae@nwu.ac.za nwu.ac.za 2016 NWU. Saamgestel deur die Dept. Bemarking en Kommunikasie (NWU-Potchefstroomkampus) in samewerking met die fakulteite en die Toelatingskantoor van die Potchefstroomkampus van die NWU.

3 Fakulteit INGENIEURSWESE Wat behels ingenieurswese? Ingenieurs gebruik wiskunde en wetenskap om alledaagse probleme op te los. Hulle is toonaangewers deur maniere te vind om prosesse beter, vinniger en meer effektief te dryf. Ingenieurs ontwerp en implementeer materiale, strukture, masjinerie, stelsels en prosesse wat die behoeftes van die mensdom aanspreek. In kort, ons wêreld is verlore sonder ingenieurs. Waarom moet jy ons kies? Dit is ons missie by die Fakulteit Ingenieurswese om te verseker dat ons individue aflewer wat prakties, betrokke en relevant tot die industrie is. Ons het ʼn uitstekende slaagsyfer en streef daarna om individue te ontwikkel tot die beste ingenieurs moontlik deur: Kleiner klasse Sterk studente ondersteuning Praktiese leeromgewing Oop-deur beleid Blootstelling aan Wêreld-klas projekte soos die NWU sonkar Ons akkreditasie Jy kan verseker wees dat jy goeie loopbaanmoontlikhede in meeste industrieë sal wees, plaaslik sowel as internasionaal. Al ons BIng grade is geakkrediteer en word erken deur die Ingenieursraad van Suid-Afrika. Dit beteken dat jy as ʼn professionele ingenieur kan registreer, en dat jou graad internasionaal in die volgende lande erken word: Australië, Kanada, Sjinese Taipei, Hong Kong, Sjina, Ierland, Japan, Korea, Nieu Seeland, Maleisië, Singapoer, Verenigde Koninkryk, Verenigde State van Amerika. Ons studievelde Chemiese ingenieurswese. Chemiese ingenieurswese met spesialisering in mineraalprosessering. Elektriese en elektroniese ingenieurswese. Elektroniese en rekenaaringenieurswese. Meganiese ingenieurswese. Meganiese ingenieurswese met kernvakke. Bedryfsingenieurswese. Elektromeganiese ingenieurswese. Chemiese ingenieurswese (Programkode I103P) Die chemiese- en mynindustrieë is twee van grootste bydraers tot bruto buitelandse produk in die land. ʼn Toekoms in hierdie vakgebied verseker dus uitstekende werksgeleenthede en -sekuriteit. Chemiese ingenieurs is betrokke in die navorsing, ontwerp, ontwikkel en bestuur van industriële prosesse waarby roumateriale na produkte met hoër ekonomiese waarde omgesit word. Hierdie prosesse bestaan in die vervaardiging van plastiek, sintetiese vesels, brandstofraffinering, plofstowwe, voedselverwerking, misstowwe, farmaseutiese en kernindustrieë. Dink hier aan die prosesse wat mielies in

4 graanvlokkies, steenkool in petrol en alge in elektrisiteit omskakel. Chemiese ingenieurswese met spesialisering in mineraalprosessering (Programkode I104P) Mineraalprosessering is ʼn spesialisveld in chemiese Ingenieurswese en behels die fisiese en chemiese prosesse wat gebruik word om metale te ontgin. Dit sluit in navorsing en ontwikkeling, ekonomiese evaluasie, aanlegontwerp en vervaardiging van toerusting / Elektriese en elektroniese ingenieurswese (Programkode I203P) Elektriese en elektroniese ingenieurs bemagtig die moderne wêreld deur elektriese energie te verskuif vanaf die bron na ʼn punt waar dit aangewend kan word. Hulle doen dit so effektief as moontlik, deur hul kennis van kragstelsels, -omskakeling, -kondisionering en elektriese masjiene toe te pas. Opleiding wat aangebied word deur leiers op die gebied van kragkwaliteit, drywingselektronika en elektriese masjiene, onderskei ons ingenieurs in die industrie. Hul floreer in elektrisiteitsvoorsieningsmaatskappye sowel as elektriese konsultasiemaatskappye. Hul identifiseer ook goed met die uitdagings om hernubare energiebronne aan te wend as deel van die energie-oplossing van die toekoms / Elektroniese en rekenaaringenieurswese (Programkode I204P) Elektroniese en rekenaaringenieurs verseker ʼn meer effektiewe samelewing deur mense en die wêreld waarin ons leef, aan die digitale wêreld van rekenaarstelsels en die internet te verbind. Hulle doen dit, deur die gebruik te maak van elektronika, versonke rekenaars en die vaardigheid van programmering, ten einde megatroniese stelsels te beheer en die internet van goeters te realiseer. Hul begin-tot-einde ervaring in ontwerp maak ons ingenieurs gesog in industrieë wat insluit telekommunikasie, prosesbeheer en lugvaart, regdeur tot die bankwese en sagtewareontwikkelingsmaatskappye / Electromeganiese ingenieurswese (Programkode I205P) Elektromeganiese ingenieurs verseker die veilige en effektiewe bedryf van aanlegte en fabrieke, deur elemente van elektriese en meganiese ingenieurswese te kombineer. Hulle

5 kennis van elektriese masjiene, drywingselektronika, sterkte van materiale, sowel as verhitting, ventilasie en lugverkoelingstelsels, en hul regskennis betreffende beroepsgesondheid en -veiligheid maak hulle gesog vir die industrie. Ons graad is goed belyn met die vereistes van die Regering se Bevoegdheidsertifikaat (GCC) en kandidate maak n natuurlike oorgang na die verwerwing van die GCC na afloop van die graad. Ons ingenieurs sal werk in die mynbou, materiaalhanterings, kragopwekking sowel as chemiese, olie en gasindustrieë / Meganiese ingenieurswese (Programkode I303P) Meganiese ingenieurs is betrokke by die ontwikkeling, vervaardiging, bestuur en onderhoud van vervoer-, energieomsetting-, vervaarding-, opwekking-, wapen-, verkoeling- en verhittingstelsels. Daarby word hulle kundigheid ook in bedryfsinstallasies, prosestoerusting, vervaardigingsmasjinerie en myntoerusting toegepas. Kerningenieurs ontwerp stelsels en implementeer kernreaksie-prosesse vir die lewering van energie. Meganiese- en Kerningenieurs speel ʼn integrale rol in alle ingenieursprojekte om seker te maak dat ontwerpe innoverend, deurdag, veilig en so effektief moontlik uitgevoer, vervaardig en in stand gehou word / Bedryfsingenieurswese (Programkode I1304P) Bedryfsingenieurs verseker dat mense, tegnologie, informasie, materiaal, metodes en geld effektief en produktief saamwerk. Hulle elimineer sodoende ook vermorsing van tyd, geld, materiale energie en ander hulpbronne. Dit is n Bedryfsingenieur wat op n lughawe help besluit hoe laat en vanaf watter hek vliegtuie moet vertrek, en hul besluit ook in hospitale hoeveel beddens en verpleegsters daar aan elke saal toegedeel behoort te word. Of jy nou vandag n motorvoertuig bestuur, n sjokoladestafie eet, n selfoon gebruik, geld trek en of bloed laat trek, jy kan redelik seker wees dat n Bedryfsingenieur betrokke was by die ontwerp, vervaardiging of verspreiding van daardie produk of diens.

6 / Hoe lyk die kursus? Ons BIng graad kan voltooi word in ʼn minimum tydperk van vier jaar en ʼn maksimum van ses jaar. Vanaf jou eerstejaar sal jy blootstelling ontvang aan die praktiese toepassing van ingenieurswese waar jy egte oplossings tot industrieprobleme sal ontwerp. In die eerste twee jaar fokus vakke daarop om ʼn fondasie van fisiese wetenskap en wiskunde te bou. Vanaf jou derde jaar skuif die fokus na ʼn toepassing van hierdie vakke deur ingenieursprobleemoplossing, ontwerp en projekbestuur. Wat het jy nodig om in te skryf? 1. Behaal 70% vir wiskunde en 60% vir fisiese wetenskap 2. Behaal n APS telling van Slaag Afrikaans of Engels met 60% 4. Voltooi die inskrywingsvorm ( 5. Skryf ons ingenieurstoets (kontak vir n afspraak) 6. Slaag jou Nasionale Senior Sertifikaat met universiteitsvrystelling Indien jy aan die voorvereistes voldoen, sal jy voorloping aanvaar word. Die finale graad 12 punte sal in ag geneem word vir inskrywing vir die BIng program. Voldoen jy nie aan die minimum vereistes nie? Moet nog nie jou droom laat vaar nie! Ons bied verlengde programme aan wat jou steeds in staat mag stel om jou drome te bewaarheid om van die wêreld ʼn beter plek te maak. Vir meer inligting kontak: Is jy steeds onseker, woon ons ingenieurskool by Dit is vir ons van uiterse belang om aan ons voornemende studente praktiese onderrig te bied. Ons bied daarom elke jaar gedurende die April- en Julievakansies n ingenieurskool aan, en gee so vir skoliere die geleentheid om praktiese ondervinding in die verskeie dissiplines van ingenieursonderrig op te doen. Dit gee jou die kans om ook te sien presies wat voorlê nadat jy jou kursus voltooi het. In hierdie tyd sal jy eet soos ʼn PUK, leef soos ʼn PUK en pret hê soos ʼn PUK alles terwyl jy leer waaroor Ingenieur-wees alles gaan. Skoliere sal kans kry om nuwe innovasies en inisiatiewe eerstehands te ervaar, en so die praktiese ondervinding opdoen wat nodig is om ʼn goeie loopbaankeuse te maak. Laai jou aansoek af by Kyk na al ons wêreldklas uitvindings! Sonkar, Bajakar, Extruder, Sweeftuig, Pukki Diesel.

7 Praat met ons: Facebook: ingenieurswese Twitter: Web: YouTube: