SONDAG 11 MEI 2014 DANKIE

Transcriptie

1 TOETREDE: Psalm 84:1 en 4 SONDAG 11 MEI 2014 DANKIE VOTUM: Soos die oë van n dienskneg gerig is op die hand van sy eienaar soos die oë van n diensmeisie gerig is op die hand van haar eienares so is ons oë gerig op die Here ons God totdat hy hom oor ons ontferm. SEËNBEDE: Gemeente genade en vrede vir u van God ons Vader van Jesus Christus die Here deur die kragvolle werking van die Heilige Gees. OUDERLING: Lofsang: Gesang 188:1 tot 3 Wet Broers en susters, God se woord eis van ons dat ons as gelowiges die voorbeeld van Jesus Christus sal navolg in alles wat ons in die lewe doen. Hoor wat sê die Woord vir ons in Romeine 15:1-6: Op ons wat sterk is in die geloof, rus die verpligting om die swakhede te verdra van dié wat nie sterk is nie. Ons moenie aan onsself dink nie: elkeen van ons moet aan ons naaste dink en aan wat vir hom goed is en wat hom in die geloof kan opbou. Christus het immers ook nie aan Homself gedink nie, inteendeel. Dit was met Hom soos daar geskrywe staan: "Die beledigings waarmee mense U beledig, het op My neergekom." Alles wat vooraf in die Skrif opgeteken is, is tog opgeteken om ons te leer sodat ons deur die standvastigheid en bemoediging wat die Skrif ons gee, vol hoop kan wees. En mag God, die bron van alle standvastigheid en bemoediging, gee dat julle eensgesind onder mekaar sal wees soos Christus Jesus dit wil hê. Dan kan julle almal eensgesind uit een mond lof toebring aan God, die Vader van ons Here Jesus Christus. Skuldbelydenis Ons weet hoedat ons nalaat om die beeld van Christus in die wêreld uit te leef en dat ons soms liefdeloos is teenoor God en teenoor ander mense. Laat ons ons skuld bely met die sing van Gesang 266 Die Onse Vader gebed, terwyl ons net so bly sit. Genadeverkondiging Broers en susters, ná ons skuldbelydenis wil God ons van sy genade verseker. In Galasiërs 3:11 staan daar:...hy wat deur God vrygespreek is omdat hy glo, sal lewe. Almal wat God se vryspraak ontvang, moet hulle geloof in God opnuut met blydskap bely. 1

2 Geloofsbelydenis Kom ons bely nou ons geloof staande deur te sing van Gesang 265:1 en 2. SKRIFLESING : Psalm 107 (die hele psalm.) GEBED: Tot sover die skriflesing : Gelukkig is elkeen wat die woord van die Here hoor dit glo en ook sy lewe daarvolgens inrig. PREEK: Geliefdes in ons Here Jesus Christus het dit nie waar geword van ons lewens nie: Ons is so vasgevang in die gejaag van elke dag, in die bekommernisse van die lewe en in die geworstel om n veilige bestaan te voer, dat ons nie meer tyd maak om stil te word en God se hand in die wêreld raak te sien nie. Om hier diep in ons harte te ervaar dat God besig is met ons. Om bietjie rond te kyk en sy genade en liefde in ons lewens raak te sien. Wie van ons het dit die afgelope week reggekry. Reggekry om net daaraan te dink, dat dit wat ek het en wat ek is, n gawe van die Hemelse Vader is? Dit is maklik as ek n krisis ervaar om te vra : Here help. Maar hoeveel keer sê ons dankie? Nie net vir groot en belangrike dinge nie maar bloot vir die feit dat ons God se kinders is en dat die wêreld aan hom behoort. Die Psalm wat ons saam gelees het was oorspronklik bedoel as n dankoffer in die erediens by die tempel. Mense wat in hulle nood beloftes aan die Here gemaak het, het daardie beloftes, volgens die Bybel, nagekom met die bring van n dankoffer Maar geliefdes hierdie dankoffer was nie maar net geld of iets materieel nie. n Baie belangrike deel van die dankoffer was die lof wat aan die Here gegee moes word. En hierdie lof was altyd in die vorm van n belydenis. n Erkenning dat God in beheer is van alles. Om die volk iets te laat beleef van n God wat in beheer is van die wêreld word vier groepe mense in hierdie Psalm opgeroep om te kom getuig van God se redding. So asof die psalmdigter wil sê: Word vir n oomblik stil - hou op met die gejaag en kyk saam met my terug - en sien God se dade van liefde en genade raak in julle lewe en wees dankbaar! Die psalmdigter stel die eerste van die vier groepe aan die woord: Hy sê: Party mense was verdwaal in die woestyn in die barre wêreld en kon die pad na die bewoonde stad nie kry nie. Hulle het afgestuur op n sekere dood van honger en dors. Hulle was uitgelewer aan die elemente van die woestyn. En hierdie noodsituasie maak dat daar n noodkreet opgaan tot 2

3 God. In hulle nood het hulle tot die Here geroep om hulp. En God gee die uitkoms. God bring hulle terug na die bewoonde land. So asof die psalmdigter wil sê: Ons moet nie vergeet dat God in die verlede ingegryp het in ons lewens nie. Ons moet tyd maak om dit te onthou. Die tweede groep se nood was dat hulle in die tronk was. Hulle was in verset teen God. En dan gee God hierdie swaarkry om hulle terug te bring. Dit wat hulle gekry het - hulle situasie was die direkte gevolg van hulle ongehoorsaamheid. Maar selfs vir hierdie groep is daar uitkoms as hulle in hulle nood tot God roep. Maar dan word die klem vir hulle redding geplaas op God wat uitkoms gee en nie hulle eie krag nie. Dit is Hy wat die boeie stukkend breek, koper deure stukkend breek en yster grendels stukkend slaan. Die redding word deur God bewerk. As hierdie mense dit besef kan hulle nie anders as om die Here te loof en prys nie. Die derde groep wat getuig van God se genade is n groep wat weggedwaal het. Wat deur hulle ongehoorsaamheid vervreem geraak het van God. Hulle sonde en rebelse optrede het gemaak dat hulle God nie meer ken nie. En die uiteinde was dat hulle oppad was na die dood toe. Maar hoe onomkeerbaar die pad ook lyk. In hulle nood gaan n hulpkreet op tot God. En God tree in vir hulle. God gee uitkoms. Dit is so sonder verdienste. En die psalmdigter se raad aan hierdie mense is: Hulle moet die Here loof vir sy troue liefde en vir sy wonderdade. Hulle moet dankoffers bring en met blydskap van sy dade getuig. So asof die psalmdigter wil sê: As ons besef hoe God intree ondanks al die verkeerde dinge wat ons doen kan ons nie anders as om hom te dank nie. Die laaste groep wat aan die woord kom is die mense wat seevaarders was of op die skepe gewerk het. Daar waar die natuur elemente oorneem en alles wat menslik moontlik gedoen is niks meer help nie, is daar net een pad. Roep in jou nood na die Here want Hy het beheer oor alles selfs oor die natuur elemente. Die seevaarders was verheug oor die kalmte. God het hulle veilig gelei na die hawe waar hulle wou kom. En weereens moet hulle van God se grootheid getuig. Moet hulle n dankoffer aan God bring. 3

4 Maar geliefdes asof dit nie genoeg is nie beskryf die psalmdigter in groot besonderhede God se beheer oor die hele wêreld. God verander barre wêreld in vrugbare lande sodat sy kinders kan leef daarvan. God kan ook vrugbare aarde in barre woestyn omskep as die mense Hom nie meer dien en vra na sy wil nie. En dan sluit die psalmdigter met n baie waar woord af: Wie verstandig is, moet op hierdie dinge ag gee, hulle moet let op die Here se dade van trou. Die wonderdade van die Here wat deur hierdie vier groepe verteenwoordig word, word ook gesien in die wonderdade wat Jesus Christus gedoen het. Jesus het ook vir mense brood gegee om te eet, siekes het Hy gesond gemaak, gevangenis se deure het Hy laat oopgaan. En Christus beveel by geleentheid die see en die wind om stil te word sodat die dissipels veilig kan oorvaar. As ons luister na dit wat die psalmdigters sê oor hoe God met mense besig was en met hulle gewerk het, en ons kyk na dit wat in Christus se lewe op aarde gebeur het en sy betrokkenheid by mense, hoor ons ook vandag weer dat die Drie-enige God vandag steeds met ons besig is, met ons bemoeienis maak. Ons kan elke oomblik bewus wees van God se betrokkenheid by ons in ons lewe. Ons staan ook almal saam binne die genade van die Here. Ons is deel van die sonde wat ons wegdryf van God af, maar ons is ook deel van die noodroep wat tot God opklink, en as ons opkyk na die kruis besef ons dat ons ook deel is van die mense wat deur Christus vrygespreek word. Ons is deel van die groep wat gered word op grond van ons geloof. Laat ons daarom ook deel wees van die groep wat dankie sê. Wat nie anders kan as om die Here wat al hierdie dinge doen te loof en prys nie. Een vraag moet ons onsself vandag afvra: Is my dankie sê n paar woorde wat ek sonder baie nadenke bid. Of is my dankie sê n offer wat werklik uit my hart kom. Die psalmdigter sê - As jy soos een van hierdie groepe mense is wat in hulle nood tot God gedraai het, ervaar jy iets van God se redding en kan jy nie anders as om vir God te offer nie. Nie offer in die sin van betaal vir dit wat God gedoen het nie. Offer met die uitsluitlike doel om dankie te sê. Hierdie offer moet aan God gewy word. Om dit prakties te maak: 4

5 Ek moet vir God van my tyd gee. Ek moet vir God loof en dank in die manier waarop ek met my man of vrou en kind besig mag wees. Vir die werk wat ek het. Vir die gesondheid wat ek geniet. Vir die krag wat ek kry om staande te kan bly in my nood en probleme. So offer ek my hele lewe aan Hom. Jou en my lewe moet n dankoffer aan God wees. Dit wat ons sê en dink en doen moet iets verwoord van God se liefde en genade in my lewe. Wanneer dit kom by die kerk, ons gemeente en elkeen van ons wat vanoggend hier sit, dan is daar ook oorvloedige dinge waarvoor ons dankie moet en kan sê. Dinge wat nie sou gewees het sonder die genade van God nie. Ons sê vanoggend dankie, as n bewys van God se besig wees ook met sy kerk en met die Gemeente en met elkeen van ons. En ons doen dit hoofsaaklik ten opsigte van die volgende sake: 1. Elke ma wat vanoggend hier is op Moedersdag sê ons nie net spesiaal vir julle dankie vir wat julle in julle kinders se lewens beteken nie, ons sê ook dankie vir die Here wat julle aan ons gegee het. 2. Ons sê vanoggend ook dankie aan die Here vir seëninge aan ons gemeente. Dankie dat Hy ons saambind. Dat Hy vir ons sorg. Ons sê dankie dat Hy vir elkeen in ons gemeente dra in tye van swaarkry en hartseer. Ons kyk rondom ons en ons is dankbaar dat dit te midde van n wêreld vol hartseer, swaarkry en ekonomiese nood, met ons goed mag gaan. 3. Wanneer ons saam met die kerk oor die land heen die Dankdag vir die oes en die Biddag vir die gesaaides vier, dan sê ons vir die Drie-enige God dankie vir die feit dat Hy daagliks vir ons sorg sodat ons genoeg het om van te lewe, maar ons bid ook dat Hy sal help en sorg daar waar daar honger nood is. Ons bid ook dat Hy ons sal help en ons hande sal oop maak om uit te steek en ander te help en te versorg. Die Tema Jaar vir die Diakonie is juis Armoede ons moet dus nie net die Here dank vir sy sorg nie, maar ook bid dat hy die nood van mense sal raaksien en ons sal gebruik as instrumente in sy hande. 4. Maar ons sê ook dankie vir n Christus wat aan die kruishout gehang het en wat ons redding en verlossing moontlik gemaak het. Ons sê dankie deur dat ons in die afgelope tyd weer Paasfees kon vier. Ons dank die Here dat Hy met krag vir Jesus Christus uit die dood laat opstaan het en ons dank Hom dat Hy ook daagliks met daardie selfde krag in ons werk. 5

6 Mag die Here gee dat ons lewens, ook die lewe van ons gemeente, die lewe en werk van elkeen van ons, in die toekoms daarvan sal getuig dat ons elke dag besig is met een groot dankie sê vir die Here omdat die Here daagliks besig is met ons. God het ons uitgekies en God is steeds in liefde en genade betrokke by ons lewens. Laat ons dit vir die wêreld wys deur n volmaakte lewe van dankbaarheid. GEBED SANG: Gesang 459:1 en 4 SEËNGROET: Die genade van ons Here Jesus Christus die liefde van God ons Vader en die gemeenskap van die Heilige Gees sal by julle almal wees van nou af tot in ewigheid. AMEN: Gesang 314 'n Gedig vir Mamma deur Cecile (Aangepas) Aan my ma, Nettie van Zyl - Geskryf Junie 1990 As iemand ooit vir my sou vra watter soort mens is julle ma Sal ek sender twyfel kan se die beste ma wat 'n kind kan he! 'n Ma wat altyd daar is vir jou iemand wat jy volkome kan vertrou 'n Ma wat troos as ons hartseer voel wat glo alles gebeur met 'n doel Ma is 'n rots wat stewig staan Wat ons met wysheid kan vermaan 'n Ma wat in ons vreugde deel en niks is ooit vir haar te veel 'n Ma om altyd op trots te wees so kalm en sender vrees ons kan altyd na haar gaan vir raad en weet dat sy ons nooit in die steek sal laat. Ma so ken ek jou nog al die jare Jou fondament staan op vier stewige pilare deursettingsvermoe, liefde, moed en Sy Krag Die vermoe om die onmoontlike te vermag Ek wens dat ma vandag die vrugte mag pluk Die stroopsoet nektar daaruit sal druk Jou beker sal vul met ware geluk 'n Heildronk op die lewe met elke sluk Van jou kind 6